شعرلر: پونه ندایی
چئویرن: مقصود تقی زاده هریس (نیسگیل)
(1)
سئوگی لکه سینی
کؤینه ییندن سیلدی یین گون
منی گؤرمه دین
اوره یینین بوجاغیندا گیزلنمیشدیم.
اؤلمه میشم دوغروسو
هله نفس چکیرم
اوره یین دؤیونور هله...

(2)
سنی گؤردوم
یئنی دن دوغولدوم
سنی قوخلادیم
چیچک له دولدوم
سنی تانییینجا
اوره ییمدن داشیب تؤکولن
سونونجو شئی
اؤلوم ایدی.

https://t.me/Adabiyyatsevanlar

طنز:« بویوک آغا افندی»

https://t.me/Adabiyyatsevanlar

وطن ماهنیسی ( ترانه‌ی وطن )

#علیرضا_جواهری: اهنگ، تنظیم و نوازنده‌ی سنتور
#علیرضا_گلبانگ : خواننده
#ثریا_خلیق_خیاوی : شاعر و ترانه‌سرا
#شهریار_جمشیدی : نوازنده‌ی کمانچه و قیچک آلتو
#رخساره_رستمی : نوازنده‌ی بربط
#داریوش_رسولی : نوازنده‌ی نی
#هیلا_فیض_پور : نوازنده‌ی تار، رباب و بمتار

https://t.me/Adabiyyatsevanlar

ائل آراسیندا عادت عنعنه لریمیز

سو چرشنبه‌سی نین تؤره‌نی
آراشدیریب سؤیله‌ین:« جانای»

https://t.me/Adabiyyatsevanlar

ائل اراسیندا عادت عنعنه لریمیز

تورپاق چرشنبه‌سی نین تؤره‌نی
آراشدیریب، دانیشان:«جانای»

https://t.me/Adabiyyatsevanlar

قادین ادبیاتی: اوزه ل وئرلیش
تبریزمکتبینین یئتیردیی قادین یازیچیلاری، شاعیرلریله تانیش اولاق.

سه شنبه: 99/12/12« ادبیات سئونلر کانالیندا»

حاضیرلایان:«مرجان منافزاده»

https://t.me/Adabiyyatsevanlar

قادین ادبیاتی
اؤزل وئرلیش
تبریز شاعیرلری و یازیچیلاریلا تانیش اولاق
نیگار خانیم خیاوی
حاضیرلایان: مرجان منافزاده 4

https://t.me/Adabiyyatsevanlar

قادین ادبیاتی
نیگار خانیم خیاوی
حاضیرلایان: مرجان منافزاده 4

https://t.me/Adabiyyatsevanlar

قادین ادبیاتی

"نیگار خیاوی"

گؤزلویونو ایتیرمیش دونیا

گؤزلویونو ایتیریب دونیا
اؤز ایشینده دئییل
بورنویلا سوخولور
بوینوزویلا سوخولور بؤیرومه
من آراق کیمی، سو کیمی
چکیرم باشیما یورغانیمی
گولوش آلیرام بازاردان دوداغیما
تئلویزیونا زیلله‌نن گؤزسوز اوشاغیما
بول تاماتل
ماکارونی دمله‌ییرم
توفگ دویومله‌‌ییرم قونداغینا آنالار کیمی

بو میکروبفونلار… بو میکروبفونلار
هانسی ایلین نئچه‌نجی چووغونوندان
هانسی سنگرین
نئچه‌‌نجی سونگوسوندن
توشلانیب آغزیما
نییه بیله‌ بیلمه ‌ییر
یوخ اولمایاجاق
اولماییر
دیلیمین آچیلماسی یوخولاریمدان
نییه بیله‌ بیلمه‌ ییر
گؤبه‌ییم آتیلیر خزره گئدن گمییه
جنازه‌م باتیر شاه‌گؤلونون حیران‌لیغینا
باخ مئییته
پنجره‌ده ناماز قیلیر
مئییت نامازی قیلیر ، وورهااای…
میگرنلی آخشاما آغلایان  قادین.
سیقارلارین کؤزو
بیر-بیریندن
قبیر آدرئسی سوروشور
هله آتاما باخ
وانتله بئل- کولونگ داشییر تلسه- تلسه
من بیلمیرم کیمدن کوسه- کوسه: “بولدئزر کیرالامیشیق آتا!”
دئیه، اوچقونورام
آنام
تک جانینا باغلی- باغاتلی پنجره ‌دی
اوره یین آچیلار گزیب دولانسان
اوره ‌یین توتولار ‌دیندیریب دانیشدیرسان:
“نه افسرلر، نه افسرلر… اؤلوم ننه ‌لریندی، ننه ن قوربان سنه ننه ‌لرین…!”
بو سؤیودون، او کؤهره‌ نین کؤلگه‌سینده
قوجامان قاراسو آخیر هله ده گؤزلرینده
بوداقداکی جنازه‌ نین دیزیندن یوخاری
باخمیر
باخانمیر آنام

گونش شوشه شاخیر باشیمیزا
قاپی پلیس چالینیر،
آرخا قاپی تئز توو آچیلیب اوچوقلاییر
پلیس تپیک آچیلیر قاپییا تاتاراخ تاراااااخ
شوشه‌لر غرور کیمی قیریلیر  شاشاراخ شارااااخ
ترلی اوزه چپیک چالینیر شاپالااااااخ

اللریمده قارنیم
اوشاق دوشور بویوما ایلده آذرین اییرمی بیرینده
قوناقلارین سولو آغزینا
تبریزین قورابیه‌سی ارییه‌ نده
بوتون محکمه‌لره محکوم یئنه بیز چیخیریق
دئییرم:
“نه فرق ائدر اؤلوم یا بیریسی‌نین باشینا بالتا ائنسین
یا دا او بیریسینی اوستاجا
دره‌ یه آشیران ماشین اولسون
بیز کی،
باش ساغلیغی وئرمه‌ یه آدامینی تاپانمیریق”
منی قورخودان یاواشجالیقلا:
” دینمه! تئلفونلار دیلقمی چالیر
بورالار قورخولو، سن گئت!” دئییرسن

اوی… اوی…
قارنیم اللریمده
اورییمده‌ کی قادینین سانجیسیندایام
هله ده سنده     یئنه سنده قرارلییام
باکی-تبریز


https://t.me/Adabiyyatsevanlar

قادین ادبیاتی

"نیگار خیاوی"

دئییرم چیخیم شهرین میلیونونجو گؤی‌ده‌لنینین دامینا سؤیله‌ییم می‌گؤرن؟
سؤیله‌ییم می‌آناما
قارداشلاریمی‌گئجه گؤزونه ساعاتین صفه‌سیندن بیر بیر سیلیب سوپورورلر
سؤیله‌ییم می‌بیری قلبیله انتحار ائدیر
بیری بئینیندن ایدزه توتولور
بیری او بیرینی، اؤزونو، قیرمیزی کندیرینی گیردکان آغاجینا آسیر‌
دئییم می‌گؤرن قیزینی بو گون شهرین زئرزمیسینده گؤردوم
بیر یئنی انتحار آختاریرکن؟
گؤرن دئییم‌می‌گئتدیلر باجیلاریم فله‌یین کؤهنه بورجونا ؟
و قادینلیق گودازینا؟
دئییم‌می‌آلمانین سئوینجینی نئجه الیمین چوخوروندا قویلادیم
و قار دنه‌لریله ال اله وئریب‌هارایا گئتدیم
دئییم می‌گؤرن شعریمین شیریملاریندا کیملرله سئویشمه‌دیم
جانیمین جیریقلاریندا وئرانابادلار وئرانابادلار وئرانابادلار تیکدیم
سونرا پاییز گلیب سحر-سحر ساچلاریما تؤکولدو
آناما دئییم‌می‌گؤرن جنازه‌سی قالمیشدی الیمیزده
کی قبرینه یئر تاپانمیردیق قبریستاندا
سونرا سیچانلارا گیلئیلنیردیم،
سونرا دریمین آلتیندا سیچان سیچان سیچان اویناقلاییردی
و هئچ کیم شهره یئنی قبریستان دوزلده بیلمیردی
هامیسینی بونلارین دئیه‌جم آناما
آتامین قاپیسینی تاپا بیلسم اگر.

https://t.me/Adabiyyatsevanlar

قادین ادبیاتی

"نیگار خیاوی"

قارانليغي قورويان قوروقچولار
قارانليغي
صاباحين اينجه دامارينا ايچديريرلر.
صاباحين بئشيکي
سونسوز سينيرسيز اللريمده ييرغالانير
قاتار- قاتار؛
گؤنش منيم اللريمه شاخير
دامار- دامار؛
دؤشلريمين ساحيلينده
سود امر کؤرپه‌لريم وار
سايسيز، حسابسيز؛
منه باخ! منه باخ !
قارامتيل قامتينه دؤن منه باخ !
قوجا گونشين پيچيلتيسي
قولاغيمدا
سيرغالانيبدير!

https://t.me/Adabiyyatsevanlar

قادین ادبیاتی
"نیگار خانیم خیاوی "
دوزه‌لیش
نیگار خانیم خیاوی‌نین ایکی یئنی کیتابی چاپدان چیخمیش:
1 _بئشینجی شعیر دفتری ساییلان : بو شهر شیشیب.
2_ غلامحسین ساعدی نین بهترین بابای دنیا نمایشنامه‌سی‌نین چئویرمه‌سی: دنیانین ان یاخشی آتاسی

https://t.me/Adabiyyatsevanlar

قادین ادبیاتی

بو شهر شیشیب
شعیر دفتری
نیگار خیاوی

https://t.me/Adabiyyatsevanlar

قادین ادبیاتی

دنیانین ان یاخشی آتاسی
غلامحسین ساعدی‌نین بهترين بابای دنیا نمایشنامه‌سی‌نین چئویرمه‌سی
نیگار خیاوی

https://t.me/Adabiyyatsevanlar

قادین ادبیاتی

بیل عزالیلاری
غلامحسین ساعدی‌نین عزاداران بیل رمانی‌نین چئویرمه‌سی
نیگار خیاوی

https://t.me/Adabiyyatsevanlar

قادین ادبیاتی

الیمده اللی بارماق
شعیر دفتری
نیگار خیاوی

https://t.me/Adabiyyatsevanlar

غلامحسین ساعدی؛ دویغو و ایضطیرابلارینی پانتومیملرینده عکس ائتدیرن یازیچی

«پروانه مممدلی»
کوچورن:«عباس ائلچین»

       تبریزده دوغولان، عؤمرونون سون ایللرینی پاریسده یاشاییب یارادان،ایستعدادلی آذربایجانلی ناثیر غلامحسین ساعدی جمعی 53 ایل عؤمور سورسه ده دونیا ادبیاتیندا اؤز ایمضاسینی قویا بیلدی.

       ساعدی بوتون عؤمور بویو اؤز سینه‌سینده بیر آغری داشیدی. ساعدییه گؤره" بوتون آذربایجان تورکلری (گونئی آذربایجان نظرده توتولور.پ.م.) دوغولان گوندن دیلسیز ایدیلر…"اهالیسی‌‌نین اکثریتی آنا دیلیندن محروم اولان خالقین دانیشیغی بیر نؤوع پانتومیم اویونونا بنزه‌ییر-بونو دا ساعدی سؤیله‌میشدی.
.و تأسوفلر اولسون کی،بو حال بو گون یئنه ده داوام ائدیر… ساعدی فارسجا یازماغا محکوم اولونسا دا،بدیعی اثرلرینده ده، پوبلیسیستیک یازیلاریندا دا دایم بو مؤوضویا توخونوردو.

     چوخشاخه‌لی یارادیجیلیغا مالیک اولان غلامحسین ساعدی دراماتورق، ناثیر، پوبلیسیست، سسئناریست، ائتنوقراف، ترجومه‌چی کیمی زنگین و رنگارنگ بیر ایرث قویوب گئتمیشدیر. غلامحسین ساعدی...
بویازینین آردینی ادبیات سئونلر کانالیندا اوخویون
https://t.me/Adabiyyatsevanlar

غلامحسین ساعدی؛ دویغو و ایضطیرابلارینی پانتومیملرینده عکس ائتدیرن یازیچی

پروانه مممدلی

       تبریزده دوغولان، عؤمرونون سون ایللرینی پاریسده یاشاییب یارادان،ایستعدادلی آذربایجانلی ناثیر غلامحسین ساعدی جمعی 53 ایل عؤمور سورسه ده دونیا ادبیاتیندا اؤز ایمضاسینی قویا بیلدی.

       ساعدی بوتون عؤمور بویو اؤز سینه‌سینده بیر آغری داشیدی. ساعدییه گؤره" بوتون آذربایجان تورکلری (گونئی آذربایجان نظرده توتولور.پ.م.) دوغولان گوندن دیلسیز ایدیلر…"اهالیسی‌‌نین اکثریتی آنا دیلیندن محروم اولان خالقین دانیشیغی بیر نؤوع پانتومیم اویونونا بنزه‌ییر-بونو دا ساعدی سؤیله‌میشدی.و تأسوفلر اولسون کی،بو حال بو گون یئنه ده داوام ائدیر… ساعدی فارسجا یازماغا محکوم اولونسا دا،بدیعی اثرلرینده ده، پوبلیسیستیک یازیلاریندا دا دایم بو مؤوضویا توخونوردو.

     چوخشاخه‌لی یارادیجیلیغا مالیک اولان غلامحسین ساعدی دراماتورق، ناثیر، پوبلیسیست، سسئناریست، ائتنوقراف، ترجومه‌چی کیمی زنگین و رنگارنگ بیر ایرث قویوب گئتمیشدیر. غلامحسین ساعدی جنوبی آذربایجاندا و ایراندا میستیک رئالیزم مکتبی‌نین بانیسی ساییلیر.اونون اثرلری یاشادیغی اؤلکه‌‌نین حودودلارینی آشمیش،گئنیش شؤهرت قازانمیشدیر سسئناریسی اساسیندا چکیلمیش "اؤکوز(گاو)" فیلمی بئرلین‌فیلم فئستیوالیندا بیرینجیلیک اؤدولو آلمیشدیر. 1982-جی ایلدن فرانسا‌نین پایتاختی پاریسده یاشایان غلامحسین ساعدی‌نین یازدیغی سسئناریلر اساسیندا بو اؤلکه‌ده تاماشالار حاضیرلانمیش،فیلم چکیلمیشدیر. غلامحسین ساعدی‌نین «بیلده یاس» حئکایه‌لر سیلسیله‌سی، «قورخو» حئکایه‌لر مجموعه‌سی، «من، کئچل و کئیکاووس» حئکایه‌سی 70-جی ایللرده روس دیلینه ترجومه ائدیلمیشدیر.

     غلامحسین ساعدی 1936-جی ایل یانوارین 1 3-ده تبریزده دوغولوب. تبریزده اورتا مکتبی و اونیوئرسیتئتین طیبب‌ فاکولته‌سینی بیتیریب. هله اورتا مکتبده اوخویارکن غلامحسین ساعدی ایجتیماعی فعالیتله مشغول اولماغا باشلاییر، یازدیقلاری ایله مطبوع اورقانلاریندا فعال ایشتیراک ائدیر.

     1951 – جی ایل ایراندا دئموکراتیک حرکاتین باشلانماسی ایله ساعدی ده سیاسی فعالیته قوشولور، توتولاراق بیر نئچه آی حبسده قالیر.20 یاشیندا تبریز اونیوئرسیتئتی‌نین طیبب فاکولته‌سینه داخیل اولور. ساعدی تبریز اونیوئرسیتئتینده تحصیل آلدیغی مودّتده او دؤورون بیر قروپ موترقّی ضیالیلاری، او جومله‌دن صمد بهرنگی، بهروز دهقانی، مفتون امینی، کاظم سعادتی، و س. ایله یاخین دوستلوق علاقه لری ساخلاییردی. او، کئچیریلن بوتون نوماییشلرده، طلبه حرکاتلاریندا فعاللیق گؤسترمیش، بعضیلرینه رهبرلیک ده ائتمیشدی.

       1961-جی ایلده تبریز اونیوئرسیتئتینی بیتیریب پیسیخولوق صنعتینه یییه‌لنمیشدی.سونرا ایسه عسگری بورجونو یئرینه یئتیرمک اوچون تئهران شهرینه گؤندریلمیشدی. خیدمتده اولارکن عسگرلیک یاشاییشی حاقیندا اوچ قیسا حئکایه یازاراق نشر ائدیر. بو حئکایه‌لر یالنیز اونون اؤلوموندن سونرا "کِلک" آدلی ژورنالدا نشر ائدیلیر.

 

ادبی، فلسفی و سیاسی فیکیر آداملاری‌نین توپلانتی مرکزینه توپلاشدیغی-"دل‌گوشه"

      ساعدی تئهراندا یاشادیغی ایللرده "دل‌گوشه" آدلی طیبب مرکزی آچیر. طیبب مرکزینی خسته‌لرین موعالیجه‌سی اوچون آچماسینا باخمایاراق، اورانی موعالیجه مرکزیندن داها چوخ تئهرا‌نین ادبی، فلسفی و سیاسی فیکیر آداملاری‌نین توپلانتی مرکزینه چئویرمیشدی، ساعدی‌نین دوستلاری و قوناقلاری بو مرکزین دایمی ساکینلری ایدی. تئهرا‌نین شاعیر و یازیچیلاریندان علاوه ،اورایا تبریزدن دوستلاری دا گلیب قالیردی. او ایللرده ساعدی او دؤورون مشهور ادبی- مدنی ژورناللاری ایله امکداشلیغا باشلاییر. همچنین ایرا‌نین گؤرکملی ادبی سیمالاری اولان شاعیر احمد شاملو، بؤیوک یازیچی جلال آل احمد، 40-جی ایللرده معاریف ناظیری اولموش دوکتور پرویز خانلری، عنایت، ریضا براهنی و باشقالاری ایله تانیش اولوب دوستلوق ائدیر.

     ساعدی یازماغا چوخ گنج یاشلاریندان باشلامیشدی. دئمک اولار کی، قلمینی ادبی ژانرین بیر چوخ ساحه‌لریندن، شئعیردن توتموش پوبلیسیستیکا، سفرنامه، اؤزللیکله ده رومان، پیئس و حئکایه ژانریندا، همچنین ترجومه ساحه‌سینده سینامیشدی.

     غ.ساعدی‌نین یارادیجیلیغینی شرطی اولاراق اوچ مرحله‌یه بؤلمک اولار. بو فعالیتی‌نین ایلک دؤورو 1960-جی دن 1973-جو ایله قدر اولان ایللری،ایکی دؤورو 1974-1981-جی ایللری،یارادیجیلیغی‌نین اوچ دؤورو ایسه 1981-1985-جی ایللری احاطه ائدیر.

      ساعدی‌نین یارادیجیلیغی‌نین ان محصولدار دؤورو 1965-1975-جی ایللره تصادوف ائدیر. بو 10 ایل عرضینده 80 اثر، او جومله‌دن پیئس، حئکایه، پانتومیم، رومان یازمیش و ترجومه‌لر ائتمیشدیر.