«میرحسین_دلداربناب»
⭕اؤیرتمن
آتاما پیچاق وورسایدین قانی چیخمازدی. دیشی_دیشینی کسیردی. ائوده اوباش_بوباشا گئدیب، دئیینیردی.
_ ... هله منده اؤز عالمیمده دئییردیم؛ مودورون بو ایشلردن خبری یوخدور. ائله بیز دئجک، ایشی راحاتلیقلا چؤزهجک! آی منیم دایاز عاغلیم!
آتامین سؤزلرینی ائشیتدیکده ارواحیم اوچدو!
قارا گونلریمیز، آخشام اولانا اوخشامیردی!
ساغا_سولا آشا_آشا کیلاسا گیردی. یئنه گؤزلری قیپ_قیرمیز اولموشدو. اوز_گؤزوندن زهر سوزولوردی. بوغلارینین اوجونو چئینهییردی. اوشاقلار قورخودان باشلارینی یئره تیکدیلر. بویونلار گئد به گئد قینلارینا چکیلدی! زنجان بیچاغینی جیبیندن چیخاریب یایینی چکدی. بیچاق ایشیم_ایشیم ایشیلدادی. بیچاغین دستهسینی الینین قبضهسینده توتوب وار_گوجله ماساسینین کؤکسونه ساپلادی!
کئچن بئش_اون گونون ایچینده، دیلسیز_آغیزسیز ماسانین باغری دلیک_دلیک اولموشدو!
الکل قوخوسو هاوایا داغیلدی. کیراواتینین دویونونو بیر آز بوشالتدی. کیلاسین دؤرد بوجاغینا گؤز دولاندیردی. اووونو اووسونلایان ایلان کیمی گؤزلرینی اوشاقلارین اوزونه تیکدی. هئچ کیم باش قالدیریب اوزونه باخا بیلمهدی.
_ جینقیری چیخانین باشینی کسهجم، دئدی. سانکی قورباغا گؤلونه داش آتدیلار.
اؤلودن سس چیخاردیسا اوشاقلاردان دا چیخدی!
دؤرد دانا نیمکتی، ایکی_ ایکی قوشالاییب اوستونه اوزاندی.
نفسلریمیزی گیزلتدیک. بیرآزدان سونرا خورولتوسو گؤیه قاوزاندی.
خورولتوسو باشلاندیقدا، راحاتلاشدیق. پیچیلتییا_ پیچیلتییا بیر بیریمیزله دانیشماغا باشلادیق. بیلیردیک کی، هله بو تئزلیکده آییلان دئییل.
ایکی ایل، اوندان اؤنجه مدرسهیه گئتمهیه چوخ ماراقلی ایدیم. اوشاقلار مدرسهدن گلنده گئدیب اؤزومو اونلارا قاتیردیم کی، باخان دئسین بس، منده مدرسهدن گلیرم! ایستیردیم یازیب_اوخوماق اؤیرهنیب ساوادلانام. کیتابلاردا اولان یازیلارا باخاندا سئحیرلهنیردیم. او اوزدن، یئددی یاشا چاتماغا چوخ تلهسیردیم...
اول کیلاسینی آقای حیدرپورون هئیوا شیولرینین دادینی آلاراق، بیر تورلو بیتیردیک. سئوینیردیک کی، آقای حیدرپورون الیندن یاخامیز قورتاریب! آمما بو سئوینج چوخ سورمهدی یاغیشدان قورتارمامیش، دولویا دوشدوک.
آقای حیدرپور هر نهایدیسه یئنه بو جهننم ایتیندن چوخ یاخشیایدی. گؤزلری قیزارمازدی. ساغا_ سولا آشا_آشا کیلاسا گیرمزدی. زنجان بیچاغیایله ماسانین کؤکسونو یاریق_یاریق ائلهمزدی.
آمان بو جهننم ایتینین الیندن! آمان.
بیلمیرم اوستوموزه کیمین ایتی اسنهدی بونا راست گلدیک!
ایکینجی کیلاسا گیرندن گونوموز قارا اولدو. درس اوخوماق گئتدی ایشینه! کیتابلاری، مدرسهیه باغلی آپاریب باغلی قایتاردیق. ایلک گونلر کی، آقای حربجونو یاخشی تانیمیردیق، ایکینجی کیلاسا کئچمکدن چوخ سئوینیردیک. آمما بو سئوینج یالنیز اوچ_دؤرد گونلوک اولدو! هامیمیز اول کیلاسیندا قالماغی آرزولاییردیق!
آقای حربجو، بویلو_ بوخونلو صینیفداشیمیز، یونس بایرامینی هئچ سوچو اولمادان، سیلله_تپیک آلتینا سالاندان سونرا، حساب الیمیزه گلدی.
یونگول مجازاتی، بارماقلارین آراسینا کیلید قویوب، بورماق ایدی. هردن ده، آغ کاغیذلارین اوستونه "خر تنبل"، "بوزینه"، "بزمچه" و "کودن" کیمی سؤزلر یازیب اوشاقلارین بوینوندان آسلاییب مدرسهنین حیاطیندا دولاندیرماق ایدی.
اؤیرتمنیمیزین بو یاراماز داورانیشلارینی آتالاریمیزا بللندیرندن سونرادا هئچ نه دییشمهدی!
آقای مدیر آتالاریمیزین شیکایتلرینین جوابیندا؛ بو آغانین بئلی سازمانا باغلیدیر، من آغریماز باشیما دسمال باغلایانمارام، دئمیشدی. آتامدا دیشی_دیشینی کسرک بیر سؤز سؤیلهمهدن ائوه قاییدیب، دئیینمهیه باشلامیشدی.
آقای حربجونون الیندن یالنیز بیز اؤیرنجیلر یوخ، اؤیرتمنلرده جانا گلمیشدیلر، آمما سازمانین پییی جانلارینا دیمهسین دئیه اونون ائتدیکلرینی گؤرمهدیم سانیردیلار!
هئچ کیم آغریماز باشینا دسمال باغلاماق، ایستهمیردی!
سازمان آدی گلنده، هامینین میلابی دوشوردو ایچینه!
نئچه ایل اؤنجهدن، مدرسهده، هرگون درسی باشلامادان، سحر یئمهیی وئریردیلر. ایکی ساعات سونرادا تورلو_تورلو یئمیشلر پایلاییردیلار. آمما نه فایدا، آقای حربجونو گؤردوکده، یئدیکلریمیز بورنوموزدان گلیردی.
قویون، قورد گؤرنده اتی تؤکولن کیمی، بیزده جهننم ایتینی گؤردوکده اورکلریمیزین یاغی اریییردی!
آقای حربجونون یاراماز داورانیشلاری، اؤیرتمنلره اولان دوم_دورو باخیشیمی کیرلندیردی...
ایکینجی کیلاسین دوققوز آیی بیز اوشاقلارا دوققوز ایل کئچدی. ایلین اورتالاریندا بیر نئچه اوشاق درس اوخوماغی بوراخیب، ایلمک سالماغا گئتدیلر.
⭕اؤیرتمن
آتاما پیچاق وورسایدین قانی چیخمازدی. دیشی_دیشینی کسیردی. ائوده اوباش_بوباشا گئدیب، دئیینیردی.
_ ... هله منده اؤز عالمیمده دئییردیم؛ مودورون بو ایشلردن خبری یوخدور. ائله بیز دئجک، ایشی راحاتلیقلا چؤزهجک! آی منیم دایاز عاغلیم!
آتامین سؤزلرینی ائشیتدیکده ارواحیم اوچدو!
قارا گونلریمیز، آخشام اولانا اوخشامیردی!
ساغا_سولا آشا_آشا کیلاسا گیردی. یئنه گؤزلری قیپ_قیرمیز اولموشدو. اوز_گؤزوندن زهر سوزولوردی. بوغلارینین اوجونو چئینهییردی. اوشاقلار قورخودان باشلارینی یئره تیکدیلر. بویونلار گئد به گئد قینلارینا چکیلدی! زنجان بیچاغینی جیبیندن چیخاریب یایینی چکدی. بیچاق ایشیم_ایشیم ایشیلدادی. بیچاغین دستهسینی الینین قبضهسینده توتوب وار_گوجله ماساسینین کؤکسونه ساپلادی!
کئچن بئش_اون گونون ایچینده، دیلسیز_آغیزسیز ماسانین باغری دلیک_دلیک اولموشدو!
الکل قوخوسو هاوایا داغیلدی. کیراواتینین دویونونو بیر آز بوشالتدی. کیلاسین دؤرد بوجاغینا گؤز دولاندیردی. اووونو اووسونلایان ایلان کیمی گؤزلرینی اوشاقلارین اوزونه تیکدی. هئچ کیم باش قالدیریب اوزونه باخا بیلمهدی.
_ جینقیری چیخانین باشینی کسهجم، دئدی. سانکی قورباغا گؤلونه داش آتدیلار.
اؤلودن سس چیخاردیسا اوشاقلاردان دا چیخدی!
دؤرد دانا نیمکتی، ایکی_ ایکی قوشالاییب اوستونه اوزاندی.
نفسلریمیزی گیزلتدیک. بیرآزدان سونرا خورولتوسو گؤیه قاوزاندی.
خورولتوسو باشلاندیقدا، راحاتلاشدیق. پیچیلتییا_ پیچیلتییا بیر بیریمیزله دانیشماغا باشلادیق. بیلیردیک کی، هله بو تئزلیکده آییلان دئییل.
ایکی ایل، اوندان اؤنجه مدرسهیه گئتمهیه چوخ ماراقلی ایدیم. اوشاقلار مدرسهدن گلنده گئدیب اؤزومو اونلارا قاتیردیم کی، باخان دئسین بس، منده مدرسهدن گلیرم! ایستیردیم یازیب_اوخوماق اؤیرهنیب ساوادلانام. کیتابلاردا اولان یازیلارا باخاندا سئحیرلهنیردیم. او اوزدن، یئددی یاشا چاتماغا چوخ تلهسیردیم...
اول کیلاسینی آقای حیدرپورون هئیوا شیولرینین دادینی آلاراق، بیر تورلو بیتیردیک. سئوینیردیک کی، آقای حیدرپورون الیندن یاخامیز قورتاریب! آمما بو سئوینج چوخ سورمهدی یاغیشدان قورتارمامیش، دولویا دوشدوک.
آقای حیدرپور هر نهایدیسه یئنه بو جهننم ایتیندن چوخ یاخشیایدی. گؤزلری قیزارمازدی. ساغا_ سولا آشا_آشا کیلاسا گیرمزدی. زنجان بیچاغیایله ماسانین کؤکسونو یاریق_یاریق ائلهمزدی.
آمان بو جهننم ایتینین الیندن! آمان.
بیلمیرم اوستوموزه کیمین ایتی اسنهدی بونا راست گلدیک!
ایکینجی کیلاسا گیرندن گونوموز قارا اولدو. درس اوخوماق گئتدی ایشینه! کیتابلاری، مدرسهیه باغلی آپاریب باغلی قایتاردیق. ایلک گونلر کی، آقای حربجونو یاخشی تانیمیردیق، ایکینجی کیلاسا کئچمکدن چوخ سئوینیردیک. آمما بو سئوینج یالنیز اوچ_دؤرد گونلوک اولدو! هامیمیز اول کیلاسیندا قالماغی آرزولاییردیق!
آقای حربجو، بویلو_ بوخونلو صینیفداشیمیز، یونس بایرامینی هئچ سوچو اولمادان، سیلله_تپیک آلتینا سالاندان سونرا، حساب الیمیزه گلدی.
یونگول مجازاتی، بارماقلارین آراسینا کیلید قویوب، بورماق ایدی. هردن ده، آغ کاغیذلارین اوستونه "خر تنبل"، "بوزینه"، "بزمچه" و "کودن" کیمی سؤزلر یازیب اوشاقلارین بوینوندان آسلاییب مدرسهنین حیاطیندا دولاندیرماق ایدی.
اؤیرتمنیمیزین بو یاراماز داورانیشلارینی آتالاریمیزا بللندیرندن سونرادا هئچ نه دییشمهدی!
آقای مدیر آتالاریمیزین شیکایتلرینین جوابیندا؛ بو آغانین بئلی سازمانا باغلیدیر، من آغریماز باشیما دسمال باغلایانمارام، دئمیشدی. آتامدا دیشی_دیشینی کسرک بیر سؤز سؤیلهمهدن ائوه قاییدیب، دئیینمهیه باشلامیشدی.
آقای حربجونون الیندن یالنیز بیز اؤیرنجیلر یوخ، اؤیرتمنلرده جانا گلمیشدیلر، آمما سازمانین پییی جانلارینا دیمهسین دئیه اونون ائتدیکلرینی گؤرمهدیم سانیردیلار!
هئچ کیم آغریماز باشینا دسمال باغلاماق، ایستهمیردی!
سازمان آدی گلنده، هامینین میلابی دوشوردو ایچینه!
نئچه ایل اؤنجهدن، مدرسهده، هرگون درسی باشلامادان، سحر یئمهیی وئریردیلر. ایکی ساعات سونرادا تورلو_تورلو یئمیشلر پایلاییردیلار. آمما نه فایدا، آقای حربجونو گؤردوکده، یئدیکلریمیز بورنوموزدان گلیردی.
قویون، قورد گؤرنده اتی تؤکولن کیمی، بیزده جهننم ایتینی گؤردوکده اورکلریمیزین یاغی اریییردی!
آقای حربجونون یاراماز داورانیشلاری، اؤیرتمنلره اولان دوم_دورو باخیشیمی کیرلندیردی...
ایکینجی کیلاسین دوققوز آیی بیز اوشاقلارا دوققوز ایل کئچدی. ایلین اورتالاریندا بیر نئچه اوشاق درس اوخوماغی بوراخیب، ایلمک سالماغا گئتدیلر.
آتامین قورخوسوندان اولماسایدی، منده درس اوخوماغی اؤپوب قیراغا قویاردیم.
آتام درس اوخومایانلاری کور قوش ساناردی! هردنده ساوادسیزلیغیندان بئزارسییاندا، یازیب_ اوخوماق بیلمهینلری باشلی_قولاقلی ائششک آدلاندیراردی.
بونا باخاراق، من نه ائدهجهییمی یاخشی بیلیردیم.
دوققوز آی جانیمی دیشیمه توتوب، اینیب_دینمهدن درسیمی اوخودوم. بیلمهدیکلریمیده یوخاری صینیفلرده درس اوخویان اوشاقلاردان اؤیرندیم.
دوغروسو دا نه کور قوش اولماق ایستهییردیم نهده باشلی_قولاقلی ائششک اولماق.
گونلر کئچمک بیلمیردی! سیخینتی دیزدن ایدی. مدرسهیه گئتمهیه آیاغیم گلمیردی. سانکی اؤز آیاغیملا دوستاغا گئدیردیم. مدرسهدن چیخاندا، قفسدن قورتاران قوش کیمی، گؤز قیرپیمیندا اؤزومو ائوه یئتیریردیم.
چوخلو گئجهلر آقای حربجو ساغا_سولا آشا_آشا گلیب یوخوما گیریردی. دیکسینیب یوخودان دیک آتیلیردیم. او تاپیلیب گلندن، راحات یوخو منه حارام اولموشدو.
اوشاقلارین بیر چوخونون دورومو منه تای ایدی.
ائشیتمیشدیم؛ "یامان گونون عؤمرو آز اولار" آمما بیزیم یامان گونلریمیزین عؤمرو، اؤیرتمنیمیزین بوغلاری کیمی گون به گون اوزانیردی!
خان ننهم دئییردی؛ آللاه اوشاغین دوعاسینی تئز ائشیدر! آمما من گئجه_گوندوز هر نه دوعا ائلهدیم بلکه، آللاه بیزیم یاخامیزی بو جهننم ایتینین الیندن قورتارسین، قورتارمادی! قارقیشدا ائلهدیم کار سالمادی!
سونوندادا هم دوعادان ال چکدیم هم قارقیشدان. نه بیلیم، بلکه ائله بیز بیلمهدن، آللاه اؤزوده آغریماز باشینا دسمال باغلاماق ایستهمیردی!
او ایلین دوققوز آیی باشا چاتاندا، هامیمیزین چیچهییمیز چاتلاییردی. آمما اورکلریمیزده بیر بیلنمز هؤووشنهده وار ایدی. اولمایا آقای حربجو گلن ایلده بیزیم اؤیرتمنیمیز اولا؟!
بیلر_ بیلمز، اوچ آی یاییمیز، نییارانلیق ایچینده کئچدی.
پاییز تلهسه_تلهسه یولدان یئتیردی. مدرسهلر آچیلدی. آللاه_آللاه ائلهییردیک بیرده جهننم ایتینین اوزونو گؤرمهیک. ائلهده اولدو.
اوچونجو کیلاسین اؤیرتمنی آقای نصیری اولدو.
بئش_اون گون، گؤزلریمیزه اینانا بیلمهدیک. آقای نصیری بیلدیرکی اؤیرتمنیمیزله تام فرقلی ایدی. گؤزل خط یازیردی. درسی دئییب قورتاراندان سونرا، بالاجا ناغیل کیتابلاریندان خوشاگلیم ناغیللار اوخویوردو. اوزوندن گولوش اکسیک اولموردو. نه بیرینی لاغا قویوردو نهده یامان_یاووز دئییردی. اوشاقلارا قوشماجا اؤیرهدیردی.
اوشودوم ها اوشودوم، داغدان آلما داشیدیم...
آتدیلار اوی آتدیلار، دیرناغی پولاددیلار...
درسلریمی یاخشی اوخودوغوم اوچون ایلک اؤدولو اونون الیندن آلدیم. اوچان صاندیق آدیندا بیر گؤزل ناغیل کیتابی. ائله او کیتاب، منیم آیاغیمی ناغیللار دونیاسینا آچدی...
آقای نصیری اؤیرتمنیمیز اولاندان، دونیامیز دهییشیلمیشدی. گونلر قاچ ها قاچا دوشموشدو! داها داریخمادان خبر یوخ ایدی. بیلمهدیک دوققوز آی هاردان گلیب هارا گئتدی!
یای، یولدان یئتیردی. بیلدیرین ترسینه مدرسهنین بیتمهسیندن بئکئف اولوردوق. هئچ کیم آقای نصیریدن آیریلماق ایستهمیردی. آمما ایستر_ایستهمز بو آیریلیقا بویون قویمالی ایدیق.
یایین اوزون گونلری گلیب چاتدی.
آنجاق بو یای هئچ کیمین اورهیینده هؤووشنه یوخ ایدی. داها جهننم ایتی اوشاقلارین یوخوسونا گیره بیلمیردی.
یای گونلری نه قدر اوزون اولسایدی دا، گلیب کئچدی. یئنه پاییز قاپییا دایانمیشدی.
مدرسهلر آچیلماقدایدی. اوشاقلار آقای نصیرینی اؤزلهمیشدیلر.
پاییزین ایلک گونو گئدیب دؤردونجو کیلاسدا اوتوردوق. اورکلر تاپ_تاپا دوشموشدو. گؤرهسن بو ایل اؤیرتمنیمیز کیم اولاجاق؟!
چوخ کئچمهدن آقای نصیری گولر اوزله ایچری گیردی. سانکی اوشاقلارا دونیانی وئردیلر.
هامی هورا چکدی. هامینین اورهیینده توی_دویون قورولدو. گؤزلرده سئوینج دالغالاندی...
شنلیکلر تئز بیتن کیمی، دؤردونجو کیلاسدا داغلاردان کئچن یئللر کیمی، درهلردن کئچن سئللر کیمی گلیب کئچدی.
زامان قاچ ها قاچدایدی...
بئشینجی کیلاسی باشلار_باشلاماز مملکتده گرگینلیک یاراندی. باشکنددن بکلهنیلمز خبرلر گلدی!
ایش بوراخیلیشی باشلانمیشدی! اؤیرنجیلرده عاغیللاری چاتار_چاتماز مدرسهلری بوراخیب یوروش صفلرینه قاتیلمیشدیلار!...
بیزیم مدرسهمیزده ایستر_ایستهمز باغلاندی.
بو قاپانما بئش آی سوردو. کندده یاشادیغیمیز اوچون چوخ اولایلاردان خبرسیز قالدیق...
بیرگونده خبر چیخدی؛ اعلیحضرتله شهبانو مملکتدن گئتدیلر...
بللی اولان بیر دئوریم باشلانمیشدی. چوخ زادلار دییشمهده ایدی. آنجاق مین اوچ یوز اللی یئددینجی ایل باشا چاتمادان، بهمن آیینین ایرمی ایکیسینده شاهلیق دورانی باشا چاتدی.
یئنی آداملارلا، بیر یئنی دوران باشلاندی. گئییملر دییشمهیه باشلادی. گؤرکملر ده. دانیشیقلار دا. اسکی دبلر ده. تؤرهلر ده...
آتام درس اوخومایانلاری کور قوش ساناردی! هردنده ساوادسیزلیغیندان بئزارسییاندا، یازیب_ اوخوماق بیلمهینلری باشلی_قولاقلی ائششک آدلاندیراردی.
بونا باخاراق، من نه ائدهجهییمی یاخشی بیلیردیم.
دوققوز آی جانیمی دیشیمه توتوب، اینیب_دینمهدن درسیمی اوخودوم. بیلمهدیکلریمیده یوخاری صینیفلرده درس اوخویان اوشاقلاردان اؤیرندیم.
دوغروسو دا نه کور قوش اولماق ایستهییردیم نهده باشلی_قولاقلی ائششک اولماق.
گونلر کئچمک بیلمیردی! سیخینتی دیزدن ایدی. مدرسهیه گئتمهیه آیاغیم گلمیردی. سانکی اؤز آیاغیملا دوستاغا گئدیردیم. مدرسهدن چیخاندا، قفسدن قورتاران قوش کیمی، گؤز قیرپیمیندا اؤزومو ائوه یئتیریردیم.
چوخلو گئجهلر آقای حربجو ساغا_سولا آشا_آشا گلیب یوخوما گیریردی. دیکسینیب یوخودان دیک آتیلیردیم. او تاپیلیب گلندن، راحات یوخو منه حارام اولموشدو.
اوشاقلارین بیر چوخونون دورومو منه تای ایدی.
ائشیتمیشدیم؛ "یامان گونون عؤمرو آز اولار" آمما بیزیم یامان گونلریمیزین عؤمرو، اؤیرتمنیمیزین بوغلاری کیمی گون به گون اوزانیردی!
خان ننهم دئییردی؛ آللاه اوشاغین دوعاسینی تئز ائشیدر! آمما من گئجه_گوندوز هر نه دوعا ائلهدیم بلکه، آللاه بیزیم یاخامیزی بو جهننم ایتینین الیندن قورتارسین، قورتارمادی! قارقیشدا ائلهدیم کار سالمادی!
سونوندادا هم دوعادان ال چکدیم هم قارقیشدان. نه بیلیم، بلکه ائله بیز بیلمهدن، آللاه اؤزوده آغریماز باشینا دسمال باغلاماق ایستهمیردی!
او ایلین دوققوز آیی باشا چاتاندا، هامیمیزین چیچهییمیز چاتلاییردی. آمما اورکلریمیزده بیر بیلنمز هؤووشنهده وار ایدی. اولمایا آقای حربجو گلن ایلده بیزیم اؤیرتمنیمیز اولا؟!
بیلر_ بیلمز، اوچ آی یاییمیز، نییارانلیق ایچینده کئچدی.
پاییز تلهسه_تلهسه یولدان یئتیردی. مدرسهلر آچیلدی. آللاه_آللاه ائلهییردیک بیرده جهننم ایتینین اوزونو گؤرمهیک. ائلهده اولدو.
اوچونجو کیلاسین اؤیرتمنی آقای نصیری اولدو.
بئش_اون گون، گؤزلریمیزه اینانا بیلمهدیک. آقای نصیری بیلدیرکی اؤیرتمنیمیزله تام فرقلی ایدی. گؤزل خط یازیردی. درسی دئییب قورتاراندان سونرا، بالاجا ناغیل کیتابلاریندان خوشاگلیم ناغیللار اوخویوردو. اوزوندن گولوش اکسیک اولموردو. نه بیرینی لاغا قویوردو نهده یامان_یاووز دئییردی. اوشاقلارا قوشماجا اؤیرهدیردی.
اوشودوم ها اوشودوم، داغدان آلما داشیدیم...
آتدیلار اوی آتدیلار، دیرناغی پولاددیلار...
درسلریمی یاخشی اوخودوغوم اوچون ایلک اؤدولو اونون الیندن آلدیم. اوچان صاندیق آدیندا بیر گؤزل ناغیل کیتابی. ائله او کیتاب، منیم آیاغیمی ناغیللار دونیاسینا آچدی...
آقای نصیری اؤیرتمنیمیز اولاندان، دونیامیز دهییشیلمیشدی. گونلر قاچ ها قاچا دوشموشدو! داها داریخمادان خبر یوخ ایدی. بیلمهدیک دوققوز آی هاردان گلیب هارا گئتدی!
یای، یولدان یئتیردی. بیلدیرین ترسینه مدرسهنین بیتمهسیندن بئکئف اولوردوق. هئچ کیم آقای نصیریدن آیریلماق ایستهمیردی. آمما ایستر_ایستهمز بو آیریلیقا بویون قویمالی ایدیق.
یایین اوزون گونلری گلیب چاتدی.
آنجاق بو یای هئچ کیمین اورهیینده هؤووشنه یوخ ایدی. داها جهننم ایتی اوشاقلارین یوخوسونا گیره بیلمیردی.
یای گونلری نه قدر اوزون اولسایدی دا، گلیب کئچدی. یئنه پاییز قاپییا دایانمیشدی.
مدرسهلر آچیلماقدایدی. اوشاقلار آقای نصیرینی اؤزلهمیشدیلر.
پاییزین ایلک گونو گئدیب دؤردونجو کیلاسدا اوتوردوق. اورکلر تاپ_تاپا دوشموشدو. گؤرهسن بو ایل اؤیرتمنیمیز کیم اولاجاق؟!
چوخ کئچمهدن آقای نصیری گولر اوزله ایچری گیردی. سانکی اوشاقلارا دونیانی وئردیلر.
هامی هورا چکدی. هامینین اورهیینده توی_دویون قورولدو. گؤزلرده سئوینج دالغالاندی...
شنلیکلر تئز بیتن کیمی، دؤردونجو کیلاسدا داغلاردان کئچن یئللر کیمی، درهلردن کئچن سئللر کیمی گلیب کئچدی.
زامان قاچ ها قاچدایدی...
بئشینجی کیلاسی باشلار_باشلاماز مملکتده گرگینلیک یاراندی. باشکنددن بکلهنیلمز خبرلر گلدی!
ایش بوراخیلیشی باشلانمیشدی! اؤیرنجیلرده عاغیللاری چاتار_چاتماز مدرسهلری بوراخیب یوروش صفلرینه قاتیلمیشدیلار!...
بیزیم مدرسهمیزده ایستر_ایستهمز باغلاندی.
بو قاپانما بئش آی سوردو. کندده یاشادیغیمیز اوچون چوخ اولایلاردان خبرسیز قالدیق...
بیرگونده خبر چیخدی؛ اعلیحضرتله شهبانو مملکتدن گئتدیلر...
بللی اولان بیر دئوریم باشلانمیشدی. چوخ زادلار دییشمهده ایدی. آنجاق مین اوچ یوز اللی یئددینجی ایل باشا چاتمادان، بهمن آیینین ایرمی ایکیسینده شاهلیق دورانی باشا چاتدی.
یئنی آداملارلا، بیر یئنی دوران باشلاندی. گئییملر دییشمهیه باشلادی. گؤرکملر ده. دانیشیقلار دا. اسکی دبلر ده. تؤرهلر ده...
بایرام آییندا مدرسهلر یئنیدن آچیلدی.
ایکی هفتهدن سونرا آقا مودور تلم_تلهسیک بیزیم کیلاسا گیریب، یئنی نظارتچینین گلمهییندن خبر وئردی.
نظارتچی کیلاسا گیرنده اوشاقلار وار یئردن یوخ اولدولار! نظارتچی آقای حربجودان سئچیلمیردی! سانکی بیر آلمانی ایکی بولموشدولر.
آنجاق آقای حربجو اولسایدی، بیر آز قیلیغی دییشیلمیشدی. کیراواتی یوخودو. قالین بوغلاریدا اوزون ساققالینین ایچینده گیزلنمیشدی. آغ کؤینهییندنده عطر اییی گلیردی.
اوشاقلار پیچا_ پیجا دوشدولر. _ واللاه بو نظارتچی جهننم ایتینین اؤزودو!
آقا مودور اوشاقلارین پیچا_ پیچین گؤردوکده، ال_آیاغا دوشوب ؛ _ اوشاقلار، آقای حسینینسب ادارهنین یئنی نظارتچیسیدی، دئدی.
یئنی نظارتچی اؤزونو تمکینلی گؤسترهرک، اوزونو بیزلره توتوب؛ _ اوشاقلار طاغوت دورانی بیتدی. زوربازورلوق باشا چاتدی. کیمسه داها سیزه گولدن آغیر سؤز سؤیلهیه بیلمز. بوندان سونرا اؤیرتمنیزدن یا هر کیمدن شیکایتینیز اولسا، منه سؤیلهیرسیز، دئدی!
اوشاقلار اوگون نه قولاقلارینا اینانا بیلدیلر نه گؤزلرینه!
آنجاق چاشقین حالدا بیر بیرینین اوزونه باخدیلار...
https://t.me/Adabiyyatsevanlar
ایکی هفتهدن سونرا آقا مودور تلم_تلهسیک بیزیم کیلاسا گیریب، یئنی نظارتچینین گلمهییندن خبر وئردی.
نظارتچی کیلاسا گیرنده اوشاقلار وار یئردن یوخ اولدولار! نظارتچی آقای حربجودان سئچیلمیردی! سانکی بیر آلمانی ایکی بولموشدولر.
آنجاق آقای حربجو اولسایدی، بیر آز قیلیغی دییشیلمیشدی. کیراواتی یوخودو. قالین بوغلاریدا اوزون ساققالینین ایچینده گیزلنمیشدی. آغ کؤینهییندنده عطر اییی گلیردی.
اوشاقلار پیچا_ پیجا دوشدولر. _ واللاه بو نظارتچی جهننم ایتینین اؤزودو!
آقا مودور اوشاقلارین پیچا_ پیچین گؤردوکده، ال_آیاغا دوشوب ؛ _ اوشاقلار، آقای حسینینسب ادارهنین یئنی نظارتچیسیدی، دئدی.
یئنی نظارتچی اؤزونو تمکینلی گؤسترهرک، اوزونو بیزلره توتوب؛ _ اوشاقلار طاغوت دورانی بیتدی. زوربازورلوق باشا چاتدی. کیمسه داها سیزه گولدن آغیر سؤز سؤیلهیه بیلمز. بوندان سونرا اؤیرتمنیزدن یا هر کیمدن شیکایتینیز اولسا، منه سؤیلهیرسیز، دئدی!
اوشاقلار اوگون نه قولاقلارینا اینانا بیلدیلر نه گؤزلرینه!
آنجاق چاشقین حالدا بیر بیرینین اوزونه باخدیلار...
https://t.me/Adabiyyatsevanlar
Telegram
ادبیات سئونلر
بوکانال ادبیات سئونلر قوروپونون سئچیلمیش اثرلری دیر
کانالدا کی یازیلاری کانالین لینکینی وئرمک شرطی ایله پایلاشماق اولار.
کانالدا کی یازیلاری کانالین لینکینی وئرمک شرطی ایله پایلاشماق اولار.
⭕️آرخئین ممدعلی (خاطیره)
✍#حسن_عجبشرلی
آرخئین ممد¬علی بیزه قونشو ساییلمازدی. دئملی او، ایشه گئدنده، من ده مکتبه، گونده¬ده اولماسایدی، آرا بیر گؤرردیم. اوتوردوغوموز محله¬نین آدی «تپه» ایدی. محله¬نین سونوندا داش قایالار اولدوغوندان، «تپه» اویغون آدلانان یئر ایدی. آرخئین ممدعلی گیلین ائولری قاطار یولونا آز قالمیش بیر بؤلومده یئر آلمیشدی. آدی گئتدییی بؤلوم دیکلمه¬دن آشاغی¬دا یئر توتوردو. بوردا یاشایان¬لارین هامیسی¬نین تاخما آد¬لاری وار ایدی. «اکبر سیبیل، پولوک بؤیوک آغا، یاش گوون، اسماعیل قوجا، چینارلی، دئولر اوغلو، بوغلو عاباس) اونونلا بئله، بعضاً خانیم-لارین دا تاخما آدلاری قولاغا دیردی. (تپه خجه¬سی، آزاد فاطمه، آجی ملاحت، خشدر آروادی و ...)
آرخئین ممدعلی لاپیتقا چیینینده آشاغی باش مئیدانی¬نا ایشه گؤره یول¬لاناردی. قانالار ایشلنن زامان، ایشی یامان توتاردی، آخی اوره سالماق، ایکی بئل آتماق، پستوو، نیسوو، قاش، قره¬بوغاز بونلار قانانین اؤزل ایش¬لریندن ساییلاردی. بو ایش¬لر ایسه هر ایشله¬یه¬نین الی¬نین اوسلوبونا اوتورمازدی.
سونرالار اون باتماندا، دانالی یولوندا آتام قانالیق آلدی. آتام اوچ فهله توتوب، بایرام آیینین سون¬لاریندا قانا-لاری ایشلدردی، بو ایل فهله¬لرین بیریسی آرخئین ممدعلی ایدی.
ناشتابلیق¬لارینی، ناهارلارینی ائودن چرخ ایلن من آپاراردیم. ایکینجی گون ایدی، منده¬نی آچیب، ناهاری قیزدیریب، دؤوره اوتورموشدوق، هئچ اؤزوم ده بیلمه¬دیم هاردان یادداشیما داشلاندی، اوزومو آرخئین ممدعلی¬یه توتاراق: «عمی! سیزه نیه آرخئین دئیرلر؟» سوردوم.
آتام گؤزونو برلتسه ده، اوخ یایین¬دان اوزولموشدو. آرخئین بؤرکونو باشیندان گؤتوروب، قندی چایینا باتیریب آغزینا آلیب، بیرقورتوم ایچندن سونرا: «بالا من ائویم¬دن آرخاینام» دئدی. آتام قویمادی سؤزومون آردینی توتام، ماهانا کیمی ده سس¬لنسه، منه تکلیف ائتدی: «گئت بئلی گتیر دسته¬له¬ییم چوو سالیم، دئیه¬سن بوشالیب.» «یاخجی گئدرم دا» دئدیکده، «قمیش بند ائلمه، دور!» دئدی.
گئده- گئده فیکیرلشیردیم نییه آتام قویمور من بیلم اوکیشی¬یه نییه (آرخئین) دئیرلر، اما بونو دوشوندوم بو سؤز-صحبتین دالینی توتمامالی¬یام.
ناهارلارین وئرندن سونرا ائوه دؤندوم، آخشام شام باشیندا آتامین باخیش¬لاریندان دویدوم ناهار چاغی دانیشیق-لاریمدا بارا قویموشام، اؤزومو اوردا قویمادان، داوراندیم. آنام منی چوخ سئوردی، دؤنوب آتاما:
- مدرسه¬لرینده هامی بیله¬سیندن راضی دیر. دئدی
- قوی جهنم اولسون؛ بویون ناهار باشیندا آغزینی ناحاقدان آچدی. آتام دئدی.
- قاراباغلی! اوشاغین ذووقوندان نییه ویریسان؟ (آنام، آتامی اوآدینان سس¬لردی.)
- آخی بیله¬سن سنین ده آجیغین توتار.
اؤزومو اله آلا بیلمه¬دن هؤنکور- هؤنکور آغلادیم. آنام منی باغرینا باسیب آتام¬لا دئینن کیمی داوراندی:
- به¬یم نه ائله¬ییب کیشی؟
- هئچ نه آرخئین ممدعلی دن سوروشوردو، سنه نییه آرخئین ممدعلی دئیرلر.
- ائله بو؟! بابا اوشاق¬دی دا ...
- اوشاق¬دی، گئتسین اوشاق¬لیغینین دالیسیجا.
چای ایچمه¬دن آنامین قوینوندان آیریلیب یاتاغیما کئچدیم، اؤزوم¬دن بؤیوک قارداشیم منه یاخینلاشاراق:
- داها سن الینی باتیرمیشدین ائله بیر دفعه (آزاد فاطما) نی دا، سوروشاردین؛ آخی اودا آرخئین ممدعلی¬نین آروادی دیر.
- هئچ آغام قویمادی کی، اونون جاوابینی هله اؤیره¬نیم!
- بئش قیران وئر، ایکی¬سینین ده جاوابینی بیر یئرده دئیبم.
- سن هله گئت املاء دا آلدیغین صیفر¬لریوه چاره قیل!
- اولسون سنین¬کین سنه وئره¬رم. قارداشیم دئدی.
***
آغجا اوبا آلتینا چاتمیشدیم. قیوراق سوروب چاتدیم املاء دا صیفر آلان قارداشیم گیله، آرخئین ممدعلی دن، آزاد فاطما دان سوراغ توتدوقدا، «بابا اونلار یئددی کفن چورودوب¬لر.» دئدی.
آز اوتوراندن سونرا قبیر اوستوماهناسینا یولومو تپه¬دن سالدیم. بابا نه قویوب، نه آختاریردیم! من گؤردویوم آغاج-لار بالتالیغا کسیلمیشدی. «میلانی باغی» کؤکوندن یئرله یئکسان اولموشدو، «شاه موراد» ائوی داغیلمیشدی، تپه¬دن تکجه ایکی سال داش یئرینده دورور دو. «آرخایین¬لیق«، «آزادلیق» بیر قورو سؤز اولاراق قالمامیشدی
https://t.me/Adabiyyatsevanlar
✍#حسن_عجبشرلی
آرخئین ممد¬علی بیزه قونشو ساییلمازدی. دئملی او، ایشه گئدنده، من ده مکتبه، گونده¬ده اولماسایدی، آرا بیر گؤرردیم. اوتوردوغوموز محله¬نین آدی «تپه» ایدی. محله¬نین سونوندا داش قایالار اولدوغوندان، «تپه» اویغون آدلانان یئر ایدی. آرخئین ممدعلی گیلین ائولری قاطار یولونا آز قالمیش بیر بؤلومده یئر آلمیشدی. آدی گئتدییی بؤلوم دیکلمه¬دن آشاغی¬دا یئر توتوردو. بوردا یاشایان¬لارین هامیسی¬نین تاخما آد¬لاری وار ایدی. «اکبر سیبیل، پولوک بؤیوک آغا، یاش گوون، اسماعیل قوجا، چینارلی، دئولر اوغلو، بوغلو عاباس) اونونلا بئله، بعضاً خانیم-لارین دا تاخما آدلاری قولاغا دیردی. (تپه خجه¬سی، آزاد فاطمه، آجی ملاحت، خشدر آروادی و ...)
آرخئین ممدعلی لاپیتقا چیینینده آشاغی باش مئیدانی¬نا ایشه گؤره یول¬لاناردی. قانالار ایشلنن زامان، ایشی یامان توتاردی، آخی اوره سالماق، ایکی بئل آتماق، پستوو، نیسوو، قاش، قره¬بوغاز بونلار قانانین اؤزل ایش¬لریندن ساییلاردی. بو ایش¬لر ایسه هر ایشله¬یه¬نین الی¬نین اوسلوبونا اوتورمازدی.
سونرالار اون باتماندا، دانالی یولوندا آتام قانالیق آلدی. آتام اوچ فهله توتوب، بایرام آیینین سون¬لاریندا قانا-لاری ایشلدردی، بو ایل فهله¬لرین بیریسی آرخئین ممدعلی ایدی.
ناشتابلیق¬لارینی، ناهارلارینی ائودن چرخ ایلن من آپاراردیم. ایکینجی گون ایدی، منده¬نی آچیب، ناهاری قیزدیریب، دؤوره اوتورموشدوق، هئچ اؤزوم ده بیلمه¬دیم هاردان یادداشیما داشلاندی، اوزومو آرخئین ممدعلی¬یه توتاراق: «عمی! سیزه نیه آرخئین دئیرلر؟» سوردوم.
آتام گؤزونو برلتسه ده، اوخ یایین¬دان اوزولموشدو. آرخئین بؤرکونو باشیندان گؤتوروب، قندی چایینا باتیریب آغزینا آلیب، بیرقورتوم ایچندن سونرا: «بالا من ائویم¬دن آرخاینام» دئدی. آتام قویمادی سؤزومون آردینی توتام، ماهانا کیمی ده سس¬لنسه، منه تکلیف ائتدی: «گئت بئلی گتیر دسته¬له¬ییم چوو سالیم، دئیه¬سن بوشالیب.» «یاخجی گئدرم دا» دئدیکده، «قمیش بند ائلمه، دور!» دئدی.
گئده- گئده فیکیرلشیردیم نییه آتام قویمور من بیلم اوکیشی¬یه نییه (آرخئین) دئیرلر، اما بونو دوشوندوم بو سؤز-صحبتین دالینی توتمامالی¬یام.
ناهارلارین وئرندن سونرا ائوه دؤندوم، آخشام شام باشیندا آتامین باخیش¬لاریندان دویدوم ناهار چاغی دانیشیق-لاریمدا بارا قویموشام، اؤزومو اوردا قویمادان، داوراندیم. آنام منی چوخ سئوردی، دؤنوب آتاما:
- مدرسه¬لرینده هامی بیله¬سیندن راضی دیر. دئدی
- قوی جهنم اولسون؛ بویون ناهار باشیندا آغزینی ناحاقدان آچدی. آتام دئدی.
- قاراباغلی! اوشاغین ذووقوندان نییه ویریسان؟ (آنام، آتامی اوآدینان سس¬لردی.)
- آخی بیله¬سن سنین ده آجیغین توتار.
اؤزومو اله آلا بیلمه¬دن هؤنکور- هؤنکور آغلادیم. آنام منی باغرینا باسیب آتام¬لا دئینن کیمی داوراندی:
- به¬یم نه ائله¬ییب کیشی؟
- هئچ نه آرخئین ممدعلی دن سوروشوردو، سنه نییه آرخئین ممدعلی دئیرلر.
- ائله بو؟! بابا اوشاق¬دی دا ...
- اوشاق¬دی، گئتسین اوشاق¬لیغینین دالیسیجا.
چای ایچمه¬دن آنامین قوینوندان آیریلیب یاتاغیما کئچدیم، اؤزوم¬دن بؤیوک قارداشیم منه یاخینلاشاراق:
- داها سن الینی باتیرمیشدین ائله بیر دفعه (آزاد فاطما) نی دا، سوروشاردین؛ آخی اودا آرخئین ممدعلی¬نین آروادی دیر.
- هئچ آغام قویمادی کی، اونون جاوابینی هله اؤیره¬نیم!
- بئش قیران وئر، ایکی¬سینین ده جاوابینی بیر یئرده دئیبم.
- سن هله گئت املاء دا آلدیغین صیفر¬لریوه چاره قیل!
- اولسون سنین¬کین سنه وئره¬رم. قارداشیم دئدی.
***
آغجا اوبا آلتینا چاتمیشدیم. قیوراق سوروب چاتدیم املاء دا صیفر آلان قارداشیم گیله، آرخئین ممدعلی دن، آزاد فاطما دان سوراغ توتدوقدا، «بابا اونلار یئددی کفن چورودوب¬لر.» دئدی.
آز اوتوراندن سونرا قبیر اوستوماهناسینا یولومو تپه¬دن سالدیم. بابا نه قویوب، نه آختاریردیم! من گؤردویوم آغاج-لار بالتالیغا کسیلمیشدی. «میلانی باغی» کؤکوندن یئرله یئکسان اولموشدو، «شاه موراد» ائوی داغیلمیشدی، تپه¬دن تکجه ایکی سال داش یئرینده دورور دو. «آرخایین¬لیق«، «آزادلیق» بیر قورو سؤز اولاراق قالمامیشدی
https://t.me/Adabiyyatsevanlar
Telegram
ادبیات سئونلر
بوکانال ادبیات سئونلر قوروپونون سئچیلمیش اثرلری دیر
کانالدا کی یازیلاری کانالین لینکینی وئرمک شرطی ایله پایلاشماق اولار.
کانالدا کی یازیلاری کانالین لینکینی وئرمک شرطی ایله پایلاشماق اولار.
ادبی خبر
.📚 هشتمین اثر شاعر و ادیب اهری(استاد سخاوت غزتی) منتشر شد.
🔹 "عمردن قالان سسلر" عنوان هشتمین اثر از استاد سخاوت عزتی(متخلص به "عندلیب") است که در ۲۴۸ صفحه و در قطع رقعی توسط انتشارات اختر تبریز منتشر شد.
🔹 کتاب حاضر که مجموعه ای دیگر از اشعار تُرکی این شاعر و ادیب اهری است، در ۸ سرفهرست با عناوین "گرایلیلار" ، "قوشمالار" ، "رباعیلر" ، "غزللر" ، "سربستلر" ، "دوردلوکلر" ، "دیوانیلر" و "سون بولوم" به انتشار و چاپ رسید.
✅ شایان ذکر است "عندلیب" متولد ۱۳۴۵ شمسی در یکی از روستاهای قرهداغ است که از ۱۷ سالگی سرودن شعر ترکی را شروع نمود و اولین شعر از او در مجله "وارلیق" در سال ۱۳۶۵ شمسی به چاپ رسید.
ادبیات سئونلر سئویملی قلم داشیمیز سخاوت عزتی جنابلاریناناتبریک لردئییب اوغورلار آرزو ائدیر.
https://t.me/Adabiyyatsevanlar
.📚 هشتمین اثر شاعر و ادیب اهری(استاد سخاوت غزتی) منتشر شد.
🔹 "عمردن قالان سسلر" عنوان هشتمین اثر از استاد سخاوت عزتی(متخلص به "عندلیب") است که در ۲۴۸ صفحه و در قطع رقعی توسط انتشارات اختر تبریز منتشر شد.
🔹 کتاب حاضر که مجموعه ای دیگر از اشعار تُرکی این شاعر و ادیب اهری است، در ۸ سرفهرست با عناوین "گرایلیلار" ، "قوشمالار" ، "رباعیلر" ، "غزللر" ، "سربستلر" ، "دوردلوکلر" ، "دیوانیلر" و "سون بولوم" به انتشار و چاپ رسید.
✅ شایان ذکر است "عندلیب" متولد ۱۳۴۵ شمسی در یکی از روستاهای قرهداغ است که از ۱۷ سالگی سرودن شعر ترکی را شروع نمود و اولین شعر از او در مجله "وارلیق" در سال ۱۳۶۵ شمسی به چاپ رسید.
ادبیات سئونلر سئویملی قلم داشیمیز سخاوت عزتی جنابلاریناناتبریک لردئییب اوغورلار آرزو ائدیر.
https://t.me/Adabiyyatsevanlar
رئکلام
🌼 تئزلیکله یاییملاناجاق
🟥 مین دؤردیوزونجو گونش ایلی
🔹حـیــدربــابــا ایــلســــایــــــاری
🔴 دیوارلیق
٧ ورق
١٣ صفحه
۴٩×۵/٢٢ سانتیمتر
٢۰۰۰۰ تومن
شعرلر: اوستاد شهریارین حیدربابایا سالام منظومهسیندن
رسّام: فخرالدین علی ولیاوغلو
تاسارلایان: مهدی میمندی
یاییم مرکزی: تبریز، امام خمینی خیابانی، طالقانی اوچیولو، شهریار پاساژی، آلت قات، ۴۶ نؤمرهلی دوکان
آذرتوران و نباتی نشریاتی
تلفن: ۰۴١٣۵۵۴٧۵١۰
Telegram: @azerturan_nebati
Instagram: @azarturan_nabati
https://t.me/Adabiyyatsevanlar
🌼 تئزلیکله یاییملاناجاق
🟥 مین دؤردیوزونجو گونش ایلی
🔹حـیــدربــابــا ایــلســــایــــــاری
🔴 دیوارلیق
٧ ورق
١٣ صفحه
۴٩×۵/٢٢ سانتیمتر
٢۰۰۰۰ تومن
شعرلر: اوستاد شهریارین حیدربابایا سالام منظومهسیندن
رسّام: فخرالدین علی ولیاوغلو
تاسارلایان: مهدی میمندی
یاییم مرکزی: تبریز، امام خمینی خیابانی، طالقانی اوچیولو، شهریار پاساژی، آلت قات، ۴۶ نؤمرهلی دوکان
آذرتوران و نباتی نشریاتی
تلفن: ۰۴١٣۵۵۴٧۵١۰
Telegram: @azerturan_nebati
Instagram: @azarturan_nabati
https://t.me/Adabiyyatsevanlar
Forwarded from ادبیات سئونلر
بو هفته نین اوزه ل وئرلیشی
قونو: «قاراچوخا» رومانی اوزره؛ بیچیم و ایچریک ایله برابر اورتایا قویولان سؤزو دیدرکن.
چهارشنبه : 99/12/6 ادبیات سئونلرکانالیندا
ساعات: 21
اوزمان:«شریف مردی»
https://t.me/Adabiyyatsevanlar
قونو: «قاراچوخا» رومانی اوزره؛ بیچیم و ایچریک ایله برابر اورتایا قویولان سؤزو دیدرکن.
چهارشنبه : 99/12/6 ادبیات سئونلرکانالیندا
ساعات: 21
اوزمان:«شریف مردی»
https://t.me/Adabiyyatsevanlar
Audio
بو هفته نین اوزه ل وئرلیشی ۹۹/۱۲/۶
قونو: «قاراچوخا» رومانی اوزره؛ بیچیم و ایچریک ایله برابر اورتایا قویولان سؤزو دیدرکن.
اوزمان:«شریف مردی»
https://t.me/Adabiyyatsevanlar
قونو: «قاراچوخا» رومانی اوزره؛ بیچیم و ایچریک ایله برابر اورتایا قویولان سؤزو دیدرکن.
اوزمان:«شریف مردی»
https://t.me/Adabiyyatsevanlar
Audio
بو هفته نین اوزه ل وئرلیشی ۹۹/۱۲/۶
قونو: «قاراچوخا» رومانی اوزره؛ بیچیم و ایچریک ایله برابر اورتایا قویولان سؤزو دیدرکن.
اوزمان:«شریف مردی»
https://t.me/Adabiyyatsevanlar
قونو: «قاراچوخا» رومانی اوزره؛ بیچیم و ایچریک ایله برابر اورتایا قویولان سؤزو دیدرکن.
اوزمان:«شریف مردی»
https://t.me/Adabiyyatsevanlar
Audio
بو هفته نین اوزه ل وئرلیشی ۹۹/۱۲/۶
قونو: «قاراچوخا» رومانی اوزره؛ بیچیم و ایچریک ایله برابر اورتایا قویولان سؤزو دیدرکن.
اوزمان:«شریف مردی»
https://t.me/Adabiyyatsevanlar
قونو: «قاراچوخا» رومانی اوزره؛ بیچیم و ایچریک ایله برابر اورتایا قویولان سؤزو دیدرکن.
اوزمان:«شریف مردی»
https://t.me/Adabiyyatsevanlar