قادین ادبیاتی

شکرانه عالم

های کویوم داغلارین دوشونه یاتمیش
هرگئجه سسیمی داریخیر تبریز
کوچه لر کیمسه سیز کوچه لر سس سیز

ستارخان کورپوسو سندن یادیگار
سیمیتدن، سال داشدان یادیگار اولار؟!
دیزه تک قار یاغیب غریبسه میسن
کورپونه باخدیقجا گوزلریم دولار
"دومانلی تبریزده"گوز _گوزو گورمور
قونشونون ال ایله یارالانیرام
گئچمیشی واراقلا آتلار کیشنه سین
ایچیمده انقلاب هاوالانیرام

من تومروس ،من تئللی،من زینب پاشا
بئینیمه قان دامیر قانلی دالاندان
قحط دیک دوشه جه ک دینیم سورولور
من سئچه بیلمیرم دوزو یاراندان

آتچی لار چینینده داشییر منی
اوستومو سیتمه یه مجال یوخ منده
توز باسمیش الینه تفنگی گوتور
تاریخین گوزلری قالیبدیر سنده

بیرآدیم مشروطه،بیرآدیم تبریز
گوروشه وعده وئر قرارا گلیم
ستار خان میدانی؟؟؟یا قیز کورپوسو؟؟؟


https://t.me/Adabiyyatsevanlar

قادین ادبیاتی
بیر سویوم تانرییا چکمیش
شکرانه عالم

https://t.me/Adabiyyatsevanlar

قادین ادبیاتی
اوزه‌ل وئرلیش
تبریزین قادین یازیچیلاری، شاعیرلریله تانیش اولاق.

"سوسن نواده‌رضی"
حاضیرلایان:«مرجان منافزاده»2

https://t.me/Adabiyyatsevanlar

قادین ادبیاتی
اوزه‌ل وئرلیش
تبریزین قادین یازیچیلاری، شاعیرلریله تانیش اولاق.

"سوسن نواده‌رضی"
حاضیرلایان:«مرجان منافزاده»2

https://t.me/Adabiyyatsevanlar

قادین ادبیاتی
تبریزیم کیمی
سوسن نواده‌رضی

https://t.me/Adabiyyatsevanlar

قادین ادبیاتی

اننه‌م نن من
سوسن نواده‌رضی

https://t.me/Adabiyyatsevanlar

قادین ادبیاتی
سوسن نواده رضی

سحر- سحر
آلمالیق‌لارا
دامجی – دامجی داماندا گونش
قولاغیوی دایا دوداقلاریما
یارپاق‌لارین یاشیللاشما هوسینی
نارین- نارین
پیچیلداسین سنه.

یئل سوپورنده گونشی یئردن
قوشلارین شعریمه سوسوزلایان چاغی
سسیم
بوداق- بوداق
جوجه‌ریب گؤیه‌ره‌جک آغاج لاردا…


https://t.me/Adabiyyatsevanlar

قادین ادبیاتی
سوسن نواده رضی

بیر اورک ایسترم داشا دؤنوشه
بیر اورک ایسترم سئومه‌سین آرتیق
بیر ده بیر تانری کی، انصافلی اولا
وئردیگی سؤزوندن دؤنمه‌سین آرتیق

بیر دنیا ایسترم ساواشسیز اولسون
نفرتی اولماسین، سئوگییله دولسون
نه قوشلار اینجیسین، نه چیچک سولسون
اوشاقلار آجیندان اؤلمه‌سین آرتیق

بیر دنیا ایسترم تاماح بیلمه‌سین
تاریخین پوزماسین، ایزین سیلمه‌سین
خریطه‌لرینه قییبب ده‌یمه‌سین
آزربایجانینی بؤلمه‌سین آرتیق

ایسترم اؤزگورلوک آچسین قانادین
یوخسونلارین آللاه دویسون فریادین
خوشبختلیک بوروسون انسان اولادین
ظالیم‌لرین اوزو گولمه‌سین آرتیق

ایسترم آتالار غمله دولماسین
آنالار بیر داها قابیل دوغماسین
یاخشیلیقدان سووای هئچ نه قالماسین
درد نه‌دیر، انسانلار بیلمه‌سین آرتیق


https://t.me/Adabiyyatsevanlar

قادین ادبیاتی
«سوسن نواده رضی»

هانی او گون؟
هانی او بیز؟
هانی او تبریز؟
هانیلار قالدی گئدیب گلمز یوللاردا...
گلمزسن،
شعیرلر یئتیم قالار
آلمالار قارا لچک باغلار
و یول چکن گؤزلر
قورودولار اورمو گؤلونه تای.............
باخ! بیر دیلک توتورام؛
هر نار داناسی بیر نار قیزی اولسون،
هر نار قیزی بیر حسرتی گئدرسین،
هر حسرتین بیتیشی
بیر دیله‌ک گتیرسین،
و بیر آخشام چاغی
ساعات قاباغینداکی آبمیوه‌چیده
نارسویو ایچک بیزلردن اولان هر کسین ساغلیغینا.
هانی او گون؟
هانی او بیز؟
هانی او تبریز

https://t.me/Adabiyyatsevanlar

افشین آذری
عشق

https://t.me/Adabiyyatsevanlar

بو هفته نین اوزه ل وئرلیشی

موضوعو:آذربایجان اینسانینی تمثیل ائدن «بوغاناق»دا اینسانلیغا داییر آختاریلان سؤز.

چهارشنبه : 99/11/29 ادبیات سئونلرکانالیندا
ساعات: 21
اوزمان:«شریف مردی»

https://t.me/Adabiyyatsevanlar

یازار:« رویا مولاخواه»
بؤلوم: دوشونجه و تنقید

چئویرن:« ذکیه ذولفقاری»
ولادمیر ناباکوف دونیا شوهرتی قازانان بیر روس یازیچی و تنقیدچیسی‌دیر. او ادبیات سئورلر طرفیندن لولیتا، جانسیز اوت، قارانلیقدا گولوش و س. کیمی قالارقی اثرلری یاراداراق آلقیشلانمیشدیر.
لولیتا، ایرمینجی عصرین کلاسیک و بدیعی شاه اثرلریندن بیریدیر و أن یاخشی اینگلیس دیلینده یازیلان مودرن کتابخانا دا، دوردونجو سیرادا یئر آلیر.
اولگوج کیمی قیسا حیکایه پسیکولوژی باخیمیندان گرچک بیر حکایه دیر. ناباکوفون روس توپلومونا و اینقلابی ایدئا للارین مغلوبییتینه و خالقین اؤزینه صادیق اولدوغونو ایددعا ائدنلرین عالی باخیشی‌نین عکسیدیر. میللی حرکت و اونلارین اوستون دونیا گؤروشو، سورگونده و قیرقینلاردا قالدیلار.
روس اکتبر اینقلابی باش وئرن زامان ناباکوفون 26 یاشی واریدی.
بو اینقلاب اوولجه 1917- جی ایلین فئورالیندا روسیانین سون چاری ایکینجی نیکولاین دئوریلمسینه و الکساندر کرنسکی‌نین رهبرلیک ائتدیگی موققتی حکومتین قورولماسینا گتیریب چیخارتدی. ناباکوفون آتاسی حکومتیله أمکداشلیق ائتدی و نئچه مسئولییتی ده اوزرینه گؤتوردو.
اینقلابچیلار آراسینداکی قیسا بیر چاتیشمامازلیقدان و بولشویک پارتیاسی‌نین ولادمیر لنینین رهبرلیک ائتدیی روسیا سوسیال- دئموکرات ایشچی پارتیاسیندان آیریلماسیندان سونرا، اغتیشاشلار و وطنداش موباریزه سی، سیاسی و پارتی‌لارین حئسابلاشماسی روسیه‌نی بورودو.
اینقلابچیلار ناباکوفون عائله‌سی‌نین ثروتینی آلدیلار. اونلار ایسه کوچ ائتمک مجبوریتینده قالدیلار.
ناباکوف بو حاقدا یازیر:" قیزیل اوردودان نیفرت ائدن قاچقینلار... وار- دئولتینی، یئرلرینی قصب ائتدیکلریندن دولایی، موطلق آلچالدیجی حیسلردن باشقا بیر شئی حیس ائتمز، بو قدر ایللرده منی مشغول ائدن و گون به گون آرتان قوربت قمی، اوشاقلیغیمی ایتیردیگیم حیسلریمدیر، پول‌لاریم دئییل."
اولگوج حیکایه‌سینده مین‌باشی ایوانوفون کاراکتری و پوئیستین قیسالیغی‌یله یاخشی ایضاح ائدیلن نیفرت و قوربت قمی ناباکوفون اؤزونون و عائله سی نین آلدیغی عکس صدا ایله نیفرت حیسی نین تاثیر ائتدیی بیر آن، اولا بیلیر.
اولگوج حیکایه‌سی، اوزو وصف ائتمک باشاراجیغی، حتی اولگوجو گوده آنلامیندا ایشلتمه‌سی، کاراکترین داورانیشینی اوخوجویا قبول ائدیجی ائدیرو ایوانوفون ذئهنی موتیفلرینده، اولگوج کیمی کسیجی حرکتلری، اوخوجونون بئینینده یئرلشدیریر.
بو تصویری استعاره‌نین مقصدی شئیلرین معناسینی معلوم اولدوقلاری کیمی دییل، قبول ائدیلدیکلری کیمی چاتدیرماقدیر. بئله لیک له، اوبیئکت تصویری، موخاطبین ذئهنینده و قاورایشی پروسئس زامانی یاراتدیغی اوبرازا علاوه ائدرک، جیسملری تانیش ائدیر.
اولگوج حیکایه‌سینده، ائتگیلی تکنیک آسلاق قویماق(تعلیق)، موخاطبین بکلنتیسینه چیلتیک ورماق و اولگوجو تانتیماق، حیکایه‌نین سونونا بوراخیلیر.
بئله بیر اوتومات وار قیریلما ، اولگوجون اولاسی گوجوندن کسمه‌مک فعلینه کئچمیه کیمی ، اوخوجونو، روایتین سونونا أل تاپماق پازلینی‌نین أله گتیرمه‌سینی آسلاق قویور . بو آسلاقلیق روایتین سونونا پسییلوکولوژی بیر آنلام وئریر.
ایوانوفون مفتیشین اوزونه پیچاقلادیغی- ایندی اولگوجون آلتینداکی موشتری موقعینده اولدوغو- و دریده‌کی سویوق مئتاللا چاخناشما و آلچادیجیلیق یاراتماغی مقاملاردا مرحمت حیسسییله مرحمت عملی‌نین اینتقامیدیر. حیکایه غیر ثابتدیر، بئله لیکله تاماشاچیلارین و مفتیشین پئسیکاسی آلدانیش و گؤزلنتیلر آتمسفرینده قاریشیق قالیر.
کئچل کیشی اوبرازی‌نین گؤزگولرده اولونماسی ایوانوفون کئچمیش خیال و خاطیره‌لری‌نین چوخلوغو و سوژه‌ده کی تاماشاچیلار اوچون، عینی لشیر .
کیشی‌نین اوزونون تیراش اولماسی زامانی ، ایوانفون ذئهنیندن کئچن اسکی ایشکنجه‌لری دوغروتماق و اونو اولگوجون چکیلمه‌سی حالتده یانسیتماق اؤزل بیر آرامیشله دانیشماق، بلکه ده اون دیقه سورموشدو. آنجاق سانکی ایللردی روایت اوزانیب کئچمیشه گئدیب قایدیر کی، تحقیرله قورخو آینانین تصویری یانسیتماقدا، گؤزو یومولو یازیق بیر کیشینی سلمانیدان، ایچ دونیا میثالی دیشاری خیاوانلارا یا خود دونیایا تولازلاسین.
اولگوج کسیلمه‌یه باشلادی و انتقام باشا چاتدی.
اسکولوسکی کیمی روس فورمالیستلری‌نین نوقطه ی نظریندن هونر، صنعت و یا متنی آسان باشا دوشولمه‌سینه موداخیله ائتمک دئمکدیر، ناباکوف حیکایه سینده باخمایاراق بیر جسد قویمور، آما اولگوج کسمه حرکتیدیر. و اینتقام پرفورمانسینی تصدیقلمک و تاماشاچیلارین پسیکو لوژوسونا تاثیرلر دونیاسی گتیرمک اوچون، تاماشاچی کاراکتئرینی و آچیق- آیدین گؤزلنتیسینی تصویر ائدرکن مجازی حیله دن استفاده ائتمک ناباکوفون داهیسیدیر.

اولگوجون حیکایه سی ثابیت بیر وضعیتله باشلایان بیر ایده آل حیکایه اولا بیلر. ایوانوف قورخولو بیر اوزویله روسیانین ایچریسینین تجسسومودور. آنجاق او ایشکنجه‌سیندن خیلاص اولماق اوچون صولح و دونیایا جان آتیر.

ایده آل دونیاسینی پارچالانمیش وضعیتده تاپان ایوانوف، اؤزونه حاکیم سوسیال دویغولارینی ایفاده ائدرکن قایچی و اولگوجو سیلاحلارا بنزه‌درک ذئهنی ائلمنتلرییله آیری- آیری ایده آللاری‌نین یئنی بیراوزونو ایفاده ائتمک اوچون اوروپایا گئدیرکی وضعیتی کسیب دوزلتمگین یئنی بیر فورماسینی تمثیل ائتسین.
آنجاق حئکایه ده عذابلی کئچمیشدن بیر انسانین حضورو، حئکایه‌نین ترازلیغینی و حئکایه کاراکتئری‌نین روحی وضعییتینی قیری- ثابیت وضعیتده قویور...
حئکایه ده آلت پرسوناژلار و اونلارین موناسیبتلری دینامیک دئیلدیر و پوئستده بیر بک گراند اونو عینیلشدیریر و اونلارین وارلیغی فردلرین داخیلی عالمینی جمعیتدن بوش و غیری- ایجماع فردلیگی ایچینده یاشادیغی سربست دونیانی تصویر ائتمک اوچون آچیق بیر نومونه دیر.
پرزیدنتین مانیکور اوستاسی بیر قادینلا موناسبتلری و ایوانوفون اطراف دونیایا لاقئیدلیگی و اینسانلارین تاثیرسیز وارلیغی و اوبیکتلری کیمی...
اینسانلارین موناسبتی تصادوفی دئییلدیر و موشتری نین گلیشی، هئچ بیر ذئهنی حاضیرلیق و یا کئچمیشدن بیر خاطیره‌نین تصویری اولمادان تاماشاچیلاری ایوانوفون پسیکولوژی زیانیله تانیش ائتمک تصادوفی اولور و ایوانوفون ذئهنی حادثه‌سی نین و قراری‌نین سورعتی، حادثه لری یئنیدن قورما گوجو و قراری اوخوجودان آلیر کی، سونو تاماشاچیلارا داها چوخ شوکلا گلسین.
موشتری نین گلیش حادثه‌سی، حکایه‌نین قایچی، اولگوج و گوزگولر کیمی دیگر پوئیست ائلمنتلریله، ایوانوفون اوبیئکتیو تصویری بیر پوئیستین تک کومپلکسلرینی و ایوانوفون سلمانی سالونونداکی فعالیتی‌نین، اردوگاهدا ایشکنجه‌یله اوخشارلیغی حاقیندا ایضاح ائدیر.
هر بیر حرکت ایوانوفون کئچمیشی‌نین تاثیرلرینی ایضاح ائلییر و اونون موراجعت پروسه سی اوکتبر اینقلابیندان سونرا داغیلمیش روسیه جمعیتیله موناسبتلری یئنیدن آچیر.
دوشرگه‌لرین تاثیرلری و ایشکنجه، مفتیشین اوزونده پارچالانمیش گوزگونون تیکه‌لریندن ساچان شوق، موققتی اولاراق اوخوجویا گؤستریلیر و اوردان کئچیر.
بو پرسوناژ، حادثه لرده‌کی پاریلدایان اوخلار شکلینده قاچیشلاری ایضاح ائدن و اوخوجویا ایشاره لری قبول ائتمک اوچون سربست بوراخان قیسا بیر حئکایه دیر.
موللیفیین شرحینده و تصویرینده ایشاره‌لر شکلینده اوبیئکتیو گرچکلیک‌ده کی دوزلوک اوخوجونون اوخوماسی یله مؤللیفین باخیشی و تأثراتلارینی بیر دونیانی تمثیل ائدیر و تکرارلاییر.
ناباکوف، مفتیش شخصین ازیلمیش، کؤک و کئچل اوزونو تصویر ائتمک، سوسیالیزمین گوجونو قوصورلو بیر فورم کیمی أن آز آنلاتی شکلینده أزمک شکلینی ایفاده ائدیر.
اولگوجون قیسا حئکایه‌سی‌نین رئاللیقلا علاقه‌سی او قدر دیققتلی و تئکنیکی جهتدیرکی، حئکایه نین آلت پوئیستینه و ساده‌لیگینه گؤره ایده آل و مقصد یؤنلو بیر ادبی اثر اولدوغونو سؤیلمک اولار.

https://t.me/Adabiyyatsevanlar

حسن بابایی« عجبشرلی»

*قوجا دئیل، قوجامان دیر گنجعلی
قوجالسادا آدی قالیب گنج علی
یازماقدا دا واردیر اونون گنج الی

گوز یاشلاری آمان وئرمیردی اوءزونو اله آلیب فیکیرلشسین. نئجه گون اوءنجه اوخودوغو ناغیل اونو چاش -باش سالمیشدی. بو ناغیلی بیر دوءنه نئچه ایل اوءنجه اوخوموشدو، آرادیغی کیتابلارین ایچریسیندن بیر داها ال آتیب کیتابی سئچیب، ،قارتال، ،آدلی حیکایه نی اوخویوب قانی قارالمیشدی، ناغیلین سونوجوندا ''قارتالین اوءلومو ''بونو اوءزوندن آییریب باشقا حال -هاوادا سئیر ائتدیریردی.
،،گوره سن بیز هاچان بو حیاتین آجیناجاقلی فاجعه لریندن یاخا قورتاریب، شن -فیراوان یاشاملا عومور سوره جیک ،عینی یاشایش نئچه ایل لر اوءتدوکجه تکرارلانماغین سببی نه اولا بیلر اوءزونده دئیردی.
ناغیلین دانیشانی آذربایجانین گورکملی یازاری گنجعلی صباحی ایدی. بوندان اول یازیچی دان، ،شعریمیز زامانلا آددیملاییر،،''اوءتن گونلریم ''،،حیات فاجعه لریندن، ،''قارتال ''آدلی حیکایه مجموعه سی، اوءلمز شاعیریمیز، ،بولود قاراچورلو (( سهند ))گوره سانباللی مقاله وارلیق درگی سینده اوخودوغوندان اینانا بیلمه ییردی ایل لر کئچندن سونرا یئنه همن پنجره، همن قاپی، همن حیاط -باجا گوزونون اوءنونده جانلانسین، آنجاق سن سانادیغینی سانا -گور فلک نه ساناییر دئیه سن فلاکتین ، بدبخت لیین بیزدن ال چکن گونو یوخ ایدی.مارالین آناسی واختیندان تئز دونیاسینی دئیشندن سونرا عائله نین دونرگه سی دونموشدو، آتاسی یاتاغا دوشوب ،قارداشی -باجیسی یاش دا بوندان کیچیک اولدوقلاریندان ائوین دولانیشیغی، خرج -مخاریجی بونون بوینونا دوشوب تاپدیغی ایش لر بوس -بوتون موقتی اولاراق ایش دئیشیردی . چاغداش دوورون طلباتی مارالی گونو -گوندن سیخما -بوغمایا سالیب چتین لیک لرین پنجه سی آلتیندا ازیلیب موما دونموشدو. یازیق قیز بیلمه ییردی هاردان باشلایب، هارادا قورتارسین، اوءزوندن باشقا اوچ اوره ک بندی نین قایغی کئش لییی بونون اوزرینه دوشموشدو. .آچیلان پنجره چوخ چکمه دن باغلانیب قاپی دالیسینا دوشوردو. سن دئمه اوخودوغو حیکایه بونون یاشایشیندان بیر اپیزود ایدی. آغلی کسن یئرلرده آد یازدیرمیشدی، گونلرین بیرینده موبایلی سسلندی :سلام مارال خانیم اولورسینیز؟ بلی اوءزومم
سیز ایشه گوره آد یازدیرمیشدینیز
بلی
گلسه نیز سیزه تکلیفمیز وار
قیزین قانادی اولسایدی اوچاردی، دئیلمیش واخت دا اوءزونو همن عنوانا چاتدیریب ایچری کئچدیکده نئچه نفرلری اوستول لاردا اوتورموش گوروب، قبول اوتاغینا یاخینلاشاراق بیر خانیم قیزلا اوز -اوزه گلدی
زنگ آچمیشدینیز سوءیله دی
آدینیز -سوی آدینیز؟
مارال. .....دئدی
بویورون (əyləşin )ایله شین چاغیراجاغیق دئدیلر
اوچ ساعته یاخین اوتوراندان سونرا مارالین آدی سسلندی
اوچ ساعت عرضینده اوتاقدان چیخانلاری مارال گوز آلتینا آلیب سئزیردی، بیر چوخو باشینی بولایا -بولایا چیخیب ناراضی حالدا اورانی ترک ائدیب گئدیردیلر. اوءزونو اله آلیب ایچری کئچدیکده، توپ ساققال آغا :
بویورون اوتورون دئدی.
دووارلاردان آسلانان شکیل لر مارالین دقتینی چکمیشدی . دئملی ایشین نئجه بیته جینی سونادک اوخویوب گوزله ییردی بیرینجی آغا سورغویا باشلاسین
خانیم سیزدن ریجا ائدیریک اوءزونو زون ایش رزومه نیزدن آزجا دا اولموش اولسا آچیقلاما وئره سینیز؟
قیزین باشینا دئیه سن بیر ایستی سو قازانی دوندریب، پورتوشوب، اوءزونو اله آلا بیلمه دن نفرت قیغیلجیملاری اوتاغی بورودو. بیلمه ییردی نئجه سوزه باشلاسین، کیچیک باجیسی، بالاجا قارداشی، خسته آتاسی گلیب گوزونون اوءنونده جانلانماقدا ایدی. آغزینداکی سویو اودوب سوزه باشلادی : باجاریقلاریمی وئردیینیز سئوال -جاواب ورقه سینده سیزه آچیقلامیشام، آرتیق دئمه یه سوزوم یوخدور دئیب سوسدو.
اوندا بویورون (الیله ائشییه چیخان قاپی نی گوستریب )لازیم گورسک یئنی دن تماس توتاریق توپ ساققال آغا دئدی.
سویو سوزولموش اوتاقدان سالونا چیخیب اوخودوغو، ،قارتال، ،حیکایه سی نین قورتاریش جومله سینی، ،قارتالین اوءلومو، ،تکرارلایب بینادان خیاوانا چیخیردی مارال! !!!


*بو اوچ بند شعر شاعیر هاشیم طرلان جنابلارینا عاید دیر، واختیلا تهرانا یولوم تئز -تئز دوشوب شاعیرله گوروش تزه له ییردیم. گوروش لرین بیرینده هاشیم
عمی نی بو بند لری یازدیقدا گوروب
گنجعلی یه یوبلییی کئچیریله جک، اونون مراسیمینده اوخوماق اوزریندن یازیرام دئدیلر. طرلان معلمین امام حسین مئیدانی ندا،،فروشگاه طرلان، ،آدلی کیچیک حجملی بیر مغازاسی وار ایدی.
سالفت، سفره بئله -بئله شئیی لرساتیردی .آشاغی دا گئدن یازی کئچمیش خاطیره نین محصولو دیر.

https://t.me/Adabiyyatsevanlar

تزه ساییمیز 🔸طنز هاواسیندا🔸

شماره دهم بان، با حال و هوای طنز، پاییز۹۹

#بان #بان۱۰ #طنز #بان_طنز #طنز_هاواسیندا #ساتیر #ساتیرا #شهر #ادبیات #آذربایجان #بان_درگیسی #نشریه_بان #بیز_شهردن_یازیریق

#ban #ban10 #bandergisi #banmagazine #satire #azerbaijan #azerbaijan_satire

@banmagazin

https://t.me/Adabiyyatsevanlar

آه... سنین حؤکومت گؤزلرین
شعر توپلوسو
کامیل قهرمان‌اوغلو
ناشر: #ساوالان_ایگیدلری
ایکینجی چاپ
ایکینجی ویراست
بیچیم رقعی- قیش- ۱۳۹۹
گرافیست: آتابای تیکان‌تپه‌لی
ائدیت: دومان یالچین
#یاشماق‌_سیرا‌_کیتابلاری


ا🌺🌹ا
وطن ای قانلی چیچك‌له بویانان
آجی تاریخ بویو هئی تاپدالانان
بؤلونن مین یئره مین پارچالانان
سن بؤلونموش اوره‌ییم‌سن وطنیم
كسیلن جوت بیله‌ییم‌سن وطنیم.

#چاغداش_ادبیاتا_دوغرو

منه قال
منه قال
منه
ریه‌لریمده سیگارئت پاخیری کیمی
کبدیمین سئوگیلی کانسئری کیمی
اؤزون کیمی
گؤیرچین گؤزلرین ک...
منه قال
آتامین گولله یارالی کؤینه‌یی کیمی
آنامین جئهیز بوشقابی کیمی
باجیمین سورگون یادیگاری کیمی
قال منه
منه قال
ای ایچیمده کدر یالی
ای گیله‌مین سانترالی
و ای منیم گیلاموروس جئیران جبه‌م
سنی تانریدان تانریلاشاجام
آه... اؤلوم اول قال منده


#فروش_آنلاین_کتابهای_ترکی
آنلاین ساتیش: اینستاگرام⬅
@savalan_igidlary
@yashmaq_book

تلگرام⬅
@savalan_igidlary
t.me/yashmaa

https://t.me/Adabiyyatsevanlar

بوکیتابین متنی یوخدو آمما...

https://t.me/Adabiyyatsevanlar

بو هفته نین اوزه ل وئرلیشی

موضوعو:آذربایجان اینسانینی تمثیل ائدن «بوغاناق»دا اینسانلیغا داییر آختاریلان سؤز.

چهارشنبه : 99/11/29 ادبیات سئونلرکانالیندا
ساعات: 21
اوزمان:«شریف مردی»

https://t.me/Adabiyyatsevanlar

بو هفته نین اوزه ل وئرلیشی

موضوعو:آذربایجان اینسانینی تمثیل ائدن «بوغاناق»دا اینسانلیغا داییر آختاریلان سؤز
اوزمان:«شریف مردی»

https://t.me/Adabiyyatsevanlar

بو هفته نین اوزه ل وئرلیشی

موضوعو:آذربایجان اینسانینی تمثیل ائدن «بوغاناق»دا اینسانلیغا داییر آختاریلان سؤز
اوزمان:«شریف مردی»

https://t.me/Adabiyyatsevanlar