شرابی گؤروش
ناصر داوران


بو گون میلیونلارین آد گونو
بو گون مئشه‌لریمیز آراز طالعینده
بو گون قیزیل مرمی‌نین دیل آچدیغی گون
قافلانلارین بیر مملکت ماهنیلاشما گونو
سکوتا پارتلایان یوخ گونودور.
ایندن بئله
یاغیش یاغاندا
تورپاغین بطنینده یوموروق
تومورلاناجاق
ایندن بئله
اوجادان دانیشماق
قایدایا چئوریلیب، بایراق اولاجاق
ایندن بئله
اللریمیز
اولدوز دوشونه‌جک
بولاق دوشونه‌جک

بو گون شرابی گؤروشلرین دیل آچدیغی گون
بو گون سیاهکل گونودور.

https://t.me/Adabiyyatsevanlar

زامان پاشازاده

▪️تابلو

رَسیم سرگی‌سینده
تابلولار
دوواردان آسیلمیش یوللار ایدیلار
آددیم
آددیم
یوللارینا دالدیم
دانیشدیم دنیز قیراغینداکی اوغلانلا
نارین قوملاردان یاپدیغی ائوجییین اوستوندن آتلاندیم.
سسیم قاغایی‌لارین هارای‌یندا ایتدی
دنیز بالیقچی‌لارینا سالام سؤیله‌دیکده.

ایستی‌لی توستولو فابریکالاردان چیخیب
فینجان بوشلوغونون سایخاشلیغیندا دینجه‌لدیم.
قارماشیق جیزگی‌لرده گیزلنمیش پورتره
دنیز
مئشه
داغ
دره
خیال بویاسیندا بویلانیردیلار.
اورادا مقصد،
یئیین یئرییه‌نلرین دئییل
آغیر-آغیر آددیملایانلارین ایدی.
تابلولار،
بئیین‌لری قانادلاندیریب
آیاقلاری قانداللاییردیلار.

آنسیزین
دَییشدی بیردن بیره هر شئی
جیغیرلاندی دووارلاردان آسیلمیش یوللار
پوزولدو گؤزه‌للیکدن تابلولار؛
اؤزوندن آسیلمیش بیر تابلو
اؤنومده دیرچَلدیکده.

او سون ایدی
اووسون ایدی
ناتورالیسم
کوبیسم
طیلیسم ایدی او
طیلیسم.


https://t.me/Adabiyyatsevanlar

« قورما قولچاق »
«فروغ فرخزاد»
چئویرن:« مقصود تقی زاده هریس»( نیسگیل )

آه
بوندان دا آرتیق
سوسماق اولار.
اؤلولر تک
ساعاتلارلا بیر سیقارئت توستوسونه،
بیر فینجانین شکلینه،
خالیدا بیر سولغون گوله
دوواردا آنلاشیلماز بیر جیزیغا
زیللنمک اولار.
قورو – دونوق آددیملارلا
ایره لی گئدیب
پنجره نین پرده سینی چکه رک
کوچه ده شیر – شیر یاغان
یاغیشا باخماق اولار
بیر اوشاغی
رنگلی – رنگلی قوووقلاری ایله
بیر ائوین تیراسی آلتدا،
و بیر کؤهنه داشقانی
بوش مئیدانی
هایلی – کویلو، قاچا – قاچا
ترک ائدنده گؤرمک اولار.
پرده نین یانیندا
کور کیمی و کار کیمی
دونوب دا قالماق اولار.
یالانچی و یابانجی بیر سس ایله
باغیرماق اولار:
« سئویرم».
بیر کیشی نین گوجلو قوللاری اوسته
ساغلام – گؤزل
گؤن سوفره تک بیر بدن له
ایری و برک ممه لرله
بیر قادین دا اولماق اولار.
بیر کئفلی نین، بیر دلی نین
بیر لاتین یاتاغیندا
بیر سئوگینی
بولاشدیرماق دا اولار.
زیرکلیک له
هر انایی تاپماجانی
کوچومسه مک ده اولار
تک باشینا
بیر اویون جدولی نی چؤزمک،
اؤزونو
لاپ بیر درده دیمه ین
بئش یا آلتی حرفلی
جوابین تاپماسینا
خوش ائتمک اولار.
بیر عؤمور
بیر سویوق ضریحین اؤنونده
باشی آشاغی تیکیب
بیر تانینماز قبیرده
تانرینی گؤرمک اولار
و بیر قپیک – قوروشلا
اینام دا تاپماق اولار.
قوجا بیر زیارتنامه اوخویان تک
مچیدین حوجره لرینده چورومک،
صیفیر کیمی؛
چیخمادا، آرتیرمادا، چارپیدا
همیشه و هر زامان
بیر سونوج وئرمک اولار.
سنین گؤزونو
کوسو باراماسیندا
اسکی بیر آیاق قابینین
سولغون دویمه سی سانماق،
سو کیمی اؤز گؤلمه جینده قوروماق،
اؤترگی بیر آنین گؤزللی یینی
گولونج – قارا بیر شکیل تک
اوتانا - اوتانا
صاندیقچادا گیزلتمک اولار.
بیر گوندوزون
بوش قالمیش چرچیوه سینه
بیر محکومون، بیر یئنیلمیشین
یا بیر دارا چکیلمیشین
شکلینی سالماق اولار.
گولونج ماسکالارلا
دووارین دئشییینی اؤرتمک،
ایچی بوش ناخیشلارا
قاریشیب ایتمک اولار.
قورما قولچاقلار کیمی
ایکی شوشه گؤزوله
دونیایا باخماق اولار
ایللر ایله
« ماهوت » اؤرتوکلو قوتودا
سامان دولو بدن له
پیلک لرین، تورلارین آراسیندا
یاتماق، اویوماق اولار
هر بارماق توخوناندا
نه دن سیز قیشقیرماق اولار:
« آه، من چوخ موتلویام»


https://t.me/Adabiyyatsevanlar

«گونئل مولود»
سالام شاعیر، داریخیرام...


سالام، شاعیر، داریخیرام، بو تک لیک
یئنه منی اوزو یومشاق تانیدی.
یئنه پاییز، یئنه سویوق، یئنه من
یئنه یئریم سوبالارین یانیدی

هله سنه دئمه دیییم بیر گئرچک
هله سنه آچمادیغیم یالان وار
دوز بیر ایلدی یوخو یاتا بیلمیرم
قورخورام کی، یاستیغیمدا ایلان وار

آغ توک تاپدیم آراسیندان ساچیمین
قوپارمادیم، ساخلامیشام، چوخالسین
اؤتوز ایلده جاوان قالیب نئینه دیم؟
جانی چیخسین، ساچلاریمین، قوجالسین

گل بیر گون اوتوراق قدح-قدحه
گؤره ک گؤز یاشیندان نه قالیر شاعیر؟
ایچیمده اَن معصوم ملک لر اؤلور،
اَن گؤزل قادینلار قوجالیر، شاعیر!

https://t.me/Adabiyyatsevanlar

اسماعیل پیل پایه







دیوارین اوتایین

باخچامدا
آغاجلار اوجالیر
دیوارین
اوتایین سئومک اوچون

https://t.me/Adabiyyatsevanlar

قادین ادبیاتی
اوزه ل وئرلیش
میانانین قادین یازیچیلاری، شاعیرلریله تانیش اولاق.

سه شنبه: 99/11/21

اوزمان: رضوان حاجی قاسملو «جانای» ۲

https://t.me/Adabiyyatsevanlar

سئوگیلیم،
یاخشی کی وارسان
تک منه یارسان...

https://t.me/Adabiyyatsevanlar

میانا شهرینین قادین ادبیاتچی لارینین تانیتیمی
اوزمان: رضوان حاجی قاسملو:«جانای»،99/11/21

بوهفته « فاطمه محمودی»

https://t.me/Adabiyyatsevanlar

میانا شهرینین قادین ادبیاتچی لارینین تانیتیمی
اوزمان: رضوان حاجی قاسملو:«جانای»،99/11/21

اوشاق ادبیاتین امک داشی:«فاطمه محمودی»

https://t.me/Adabiyyatsevanlar

میانا شهرینین قادین ادبیاتچی لارینین تانیتیمی
اوزمان: رضوان حاجی قاسملو:«جانای»،99/11/21

میانالی شاعیر،یازیچی:«مهیا شیخ پور»

https://t.me/Adabiyyatsevanlar

میانا شهرینین قادین ادبیاتچی لارینین تانیتیمی
اوزمان: رضوان حاجی قاسملو:«جانای»،99/11/21

میانالی شاعیر،یازیچی:«مهیا شیخ پور»

https://t.me/Adabiyyatsevanlar

عشق وهنرزندگی کردن..
این ویدئو تاکنون هفت هزار بار درکانال ادبیات سئونلر دیده شده است بنا بدرخواست دوستان عزیر برای بارسوم تقدیم می گردد.


https://t.me/Adabiyyatsevanlar

بو هفته نین اوزه ل وئرلیشی

موضوعو:
«عصریمیزی تمثیل ائدن اوچ رومان» و ایکینجی بؤلوم: «چوخ‌سسلی‌لیک، رومان، بیز»

بو گئجه: 99/11/22 ادبیات سئونلرکانالیندا
ساعات: 21
اوزمان:«شریف مردی»

https://t.me/Adabiyyatsevanlar

طنز:«بویوک آغاافندی»

آللاه سیزه‌ده قیسمت ائله‌سین!
مئشه‌عزیز تازا زیارتدن قاییتمیشدی. گؤروشونه گئدنلره دئییردی: تانری‌دان گیزلین دئییل سیزدن نه گیزلین؛ آغانین قوللوغونا چاتمامیشدان بیر آی اووّل یوخودا گؤردوم آغ‌آتلی نورانی بیر سئید اوزاق‌دان منی الیله چاغیریر. گئت‌دیم یاخینا دئدیم:- بعلی...
بویوردو:
- سن مئشه‌عزیز دئییل‌سن؟
عرض ائله‌دیم:
- نیه آغا، اؤزومم.
بویوردو:
- جددیم سنه سلام یئتیردی دئدی: مئشه‌عزیزه دئ: بیرده چاخیر ایچ‌سن او دونیادا سنی شفاعت ائله‌میه‌جاغام. بیز بوردا قان آغلاییریق سن اوردا چاخیر ایچیرسن؟
ائله بو سؤزو ائشیدن کیمی دوش‌دوم آغانین آیاق‌لارینا دوْیونجا زیارت ائله‌دیم. یالواردیم دئدیم:
-  آغا سنه فدا اولوم من پوخ یئمیشم دای بیرده چاخیر ایچمه‌رم. بویوردو بوسْوزلری منه نییه دئییرسن؟ گئت جدیمه دئ با. دئدیم:
-  آغا اؤزووه‌ده قوربان، جدیوه‌ده. هاردان اولسا اؤزومو بئش‌اون گونه‌جه‌ن قول‌لوغونا یئتیره‌ره‌م.
هراسان یوخودان آییل‌دیم گؤردوم ائوی قیزیل گول عطیرینین قوخوسو بورویوب. دیک قاخدیم آیاغا هر هاردا چاخیر شوشه‌سی واریدی ویردیم سیندردیم تؤکدوم زیبیل قابینا. آرواد یوخودان آییلدی دئدی:
- مئشه عزیز دلی اولوب‌سان؟ گئجه‌نین بو واختی به قاب‌قاشیغی نه‌یه سیندریرسان؟
ماجرانی سیزه دئیه‌ن کیمی باشدان آیاغا آروادا تعریف ائله‌دیم. اوتوردوق ارآرواد دویونجا آغلادیق. یاواش‌یاواش اؤزوموزه گلیردیک کی آروات دئدی:
-  مئشه عزیز، به تیریه‌ک‌لری نئی‌نیه‌جاخسان؟
دئدیم:
- واللاه آغا تک ایچگی‌نی بویوردو. لازیم اولسایدی اونودا بویوراردی دا. آما زیارت نه زیارت! من عومرومده بئله زیارت ائلمه‌میشدیم آللاه سیزه‌ده قیسمت ائله‌سین.

https://t.me/Adabiyyatsevanlar

«روزبه صمدی نیری»

{خدیر نبی} یا {قووودا بازار}


یکی از سنّتهای دیرین مناطق ترک نشین و بویژه آذربایجان در طول فصل سرمای زمستان مراسم { خیدیر نبی} یا { قووودا بازار} می‌باشد که در هر منطقه با عنوان و تفاوتهای مختصر در طول تاریخ در جریان بوده است که متاسفانه در چندین دهه اخیر کم رنگتر شده و لازم می‌نماید از طرف فعالان فرهنگی و دلسوزان مراسمات اصیل به عنوان یک نماد فرهنگی و یادگار پدرانمان باز آفرینی و ترویج گردد.

قووووت محصولی است که از ترکیب آرد دانه‌هایی خوراکی چون گندم برشته، سنجد ، توت خشک ، تخم خربزه ، شاهدانه ، نخود، و هر دانه‌ای که قابل آرد شدن باشد حاصل می‌شود، قووووت ترکیبی به غایت پر انرژی می‌باشد که قوّت و قدرت از دست رفته افراد در ایّام چهل روزه چلله بزرگ را تأمین می‌نماید و خانواده‌های متمکن آنرا با دوشاب انگور و افراد کم بضاعت با شربت آب قند مخلوط کرده و میل می‌نمایند.

{خیدیر نبی} ترکی شده {خضر نبی} می‌باشد که در نزد مردم از قدر و قرب زیادی برخوردار می‎باشد، اهالی آذربایجان بر این باور هستند که خضر نبی زنده و در غیبت بسر می‌برد و در زمان ظهور آخرین ناجی بشریّت یعنی حضرت مهدی (عج) با ایشان ظهور خواهد کرد و در معیـّت حضرتش به دادگستری خواهند پرداخت.

مردم با این باور که شبانه خضر نبی(ع) یا شلاق اسبش قوووت‌ها را تبرک خواهد کرد بنابر این قوووت را در ظرفی ریخته و آنرا در جایی دور از دسترس کودکان قرار می‌دهنند و فردای آنروز آنرا برداشته و شیارهای نازک روی قوووتها را به محل شلاق خضر نیی(ع) نسبت می‌دهند و بدینصورت بر اشتیاق مصرف قوووت می‌افزایند.

طول زمان این مراسم در شهرستان نیر شش روز می‌باشد و عبارت است از {سه روز آخر چلله بزرگ و سه روز اول چلله کوچک} که در قدیم الایام چند روز مانده به مراسم افرادی در کوچه و بازار راه افتاده و با صدای بلند بدین منظوم فرارسیدن ایّام خیدیر نبی و یا قووودا بازار را به اطلاع مردم می‌رسانیدند { آی جماعت خیدیر نبی‌دی ها --- قووودا بازاردی ها } ..... اغلب این جارچیها را کارگران آسیابها تشکیل می‌دادند چرا که آسیابانها از محل آرد نمودن ترکیبات قوووت سهمی به عنوان حق‌الزحمه از مردم و جارچیها نیز از بابت اطلاع رسانی به مردم {حق النَفَس} از صاحبان آسیابها دریافت می‌کردند.

بؤیوک چیلله چیخمامیشدان حوسئی‌خان
قووودا بازار سسلییردی اوجادان
چاققیلداردی گئنه چاخ چاخ دَییرمان

اوشاق بؤیوک هاممی قوووت یئیردی
بؤیوک ننه‌م ائوده ناغیل دئیردی

و مردم بر این باور بودند که در طول ایّام مراسم خیدیر نبی به آبهای روان نَفَس می‌آید، یعنی بر میزان حرارت آبهای جاری افزوده می‌گردد.
با امید به حفظ و باز آفرینی اعیاد و مراسماتهای ملّی و مذهبی‌مان. انشاالله.

https://t.me/Adabiyyatsevanlar

قادین ادبیاتی
اوزه‌ل وئرلیش
تبریزین قادین یازیچیلاری، شاعیرلریله تانیش اولاق.

سه شنبه: 99/11/28« ادبیات سئونلر کانالیندا»

حاضیرلایان: «مرجان منافزاده»

https://t.me/Adabiyyatsevanlar

Solmaz-Peymaei-Kouchalar-320.mp3


کوچه لر سو. سپمیشم
اوخویور:«سولمازپیمایی»

https://t.me/Adabiyyatsevanlar

بو هفته نین اوزه ل وئرلیشی

موضوعو:
«عصریمیزی تمثیل ائدن اوچ رومان» و ایکینجی بؤلوم: «چوخ‌سسلی‌لیک، رومان، بیز»

بو گئجه: 99/11/22 ادبیات سئونلرکانالیندا
ساعات: 21
اوزمان:«شریف مردی»

https://t.me/Adabiyyatsevanlar