ادبیات سئونلر

286 views04:23

اوشاق ادبیاتی

اولدوزلا قارغالار
یازار:«صمد بهرنگی»
چئویرن:«منیژه جم‌نژاد»

🕊 ایییرمینجی بولومون آردی
🌸 سون

یاشار آز قالیردی آغلاسین. بویوک‌ننه قاباغا گلیب دئدی: سن گئت اوتور تورون اوستونده، من اؤزوم نئچه قارغایلا اولدوزون دالیسی‌جا گئده‌رم، گؤروم هاردا قالیب. قارغالارین باغیرتیسی چوخلارینی حیطه توکموشدو. هره بیرزاد باشینا قویوب قورخا قورخا گویه باخیردی. کیمیسی قورخودان پنجره‌ دالیندا قالمیشدی. قوجا آروادلار چیغیریردیلار: بلا نازیل اولوب! گئدین دوعا ائله‌یین، ناماز قیلین، نذیر دئیین! بیردن بابا الینده آغاج حیطه گلدی. اؤگئی‌ننه ده دالیسی‌جان ائشیه چیخدی. هره‌سی باشینا بیر قازان قویموشدو. بویوک‌ننه دئدی: قارغالار! بو ار آروادین ال آیاغینا دولاشین قویمایین ترپشسینلر. قارغالار باشلارینا جومدولار، قازانلار سسلنیب بابایلا اؤگئی‌ننه نی قورخودوردو. بویوک‌ننه نئچه قارغایلا ایچریه گئتدی. اولدوزون باغیرتیسی میتباخدان گلیردی. میتباخین قاپیسی قیفیللی‌ ایدی. اولدوز پیچاقلا قاپیا چالیردی دلینسین دئیه. بالاجا بیر باجادا آچمیشدی. بو آندا یاشارین ننه‌سی یئتیشدی. قارغالار یول آچدیلار. ننه داشلا ووروب قیفیلی سیندیردی. اولدوز ائشیه چیخدی. ننه اونو قوجاقلاییب اؤپدو. اولدوز دئدی: ننه بیزی دو٘شونمه، تئز قاییداریق. اؤگئی‌ننه یه ده منی چیخاردیغینی دئمه. اینجیده‌ر سنی... یاشارین ننه‌سی آغلیردی. اولدوز قاچیب تویوغون نینیندن بیر بوقچا چیخاریب داما گئتدی. قارغالار اونو دوره‌له میشدیلر. یاشارین یانینا یئتیشنده اؤزونو اونون او٘ستونه آتدی. یاشار اللرین آچیب اونو باغرینا باسیب سئوینجدن آغلادی. بویوک‌ننه یاشارین ننه‌سیندن تشککور ائله‌دی، داما گلیب اوجا سسله دئدی: قارغالار، ترپنین! بیردن قارغالار قیمیلتیا دوشدولر. دیمدیکله دیرناقلا یاپیشیب تورو قووزادیلار. یاشار تورون قیراغینا رشمه‌لر بندله‌میشدی. قارغالار اولارداندا یاپیشدیلار. یاشار اوجالیقدان باغیردی: ننه بیز گئتدیک، دده‌مه سلام یئتیر، تئز قاییداریق، او٘زولمه! قارغالار بابایلا اؤگئی‌ننه نی اؤز حاللارینا قویوب یولا دوشدولر. ایکیسی ده حیطین آراسیندا دوروب، های کو٘ی‌له داشدان آغاجدان آتیردیلار. پالتارلاری دا جیریق جیریق اولموشدو، نئچه یئردنده یارالانمیشدیلار. آخیرکی شهردن اوزاقلاشدیلار. مینلرجه قارغا اوشاقلاری دؤره‌له‌میش‌دیلر. یالنیز باشلارینین او٘ستو آچیغیدی. اولدوز بولودلارا باخیب اؤز اوزونه دئدی: نه گوزل دیرلر! قارغالار هلهله‌یله گئدیردیلر. قارغالارین شهرینه گئدیردیلر. بابانین ائویندن یاخجی یئره گئدیردیلر، اؤگئی‌ننه اولمایان یئره گئدیردیلر.

🍼 امزیکلری آتین!
♥️ آرزیمان، شهید دوستلارین یادینا

بویوک‌ننه، قارغاخانیم، گلیب اوشاقلارین یانیندا اوتوردولار، نئچه کلمه دانیشیب، سونرا گئدیب باشقالاریلا ایشله‌سینلر دئیه. اولدوز بوقچاسینی آچدی. بیر کؤینک چیخاریب یاشارا دئدی: بابانیندی، سنه گوره اَکمیشم. سونرالار گئیه‌رسن. یاشار تشککور ائله‌دی. بوقچا دا بیر آز دا چوره‌ک له کره واریدی. اولدوز نئچه قارغا لله‌یی جیبیندن چیخاریب بویوک‌ننه‌یه وئریب دئدی: بویوک‌ننه قارغابَیین للک‌لری‌دیر. آنیت اولسون دئیه ساخلامیشدیق، سیزه وئرمک اوچون. منله یاشار هئچ واقت قارغابَی له ننه‌سینی اونوتمیاجاغیق. اولار بیزه گوره اؤلدورولدولر. بویوک‌ننه للک‌لری آلیب، هاوایا قالخیب، اوشاقلارلا قارغالارین باشی او٘سته اوچاراق اوجادان دئدی: قویورسونوز ایکی کلمه دانیشام؟ قارغالار سوسدولار. بویوک‌ننه قانادینین آلتیندان بیر امزیک چیخاریب دئدی: سئویملی دوستلاریم! گوزل قارغالاریم! ایندیجه اولدوز قارغابَیین للک‌لریندن منه وئردی. بیز اولاری ساخلیاجاغیق. جاندان کئچن سایقیلی بیر آنایلا اوغلونون تکجه گؤسترگه‌سی اولدوغونا گوره. بو للک‌لر بیزه قورخماز و اییی قارغالار اولماغی اؤیره‌ده‌جکلر. اولدوزلا یاشار هورا چکدیلر. قارغالار اوجادان قاریلدادیلار. بویوک‌ننه سؤزونون دالینی توتدو: آما بو امزییی آتیریق، اؤگئی‌ننه اونو اولدوزا آلمیشدیر، همشه سورسون کیمسه‌یله دانیشماق ماجالی اولماسین دئیه. اولدوز اؤز امزییینی تانیدی. آناقارغایا وئرمیش ایدی. بویوک‌ننه امزییی آشاغا آتدی. قارغالار هلهله ائله‌دیلر. بویوک‌ننه دئدی: اؤگئی‌ننه قارغا‌بَیی اؤلدوردو، قارغابَیی آرزیمان قویدو، آما یاشارلا اولدوز اونو اونوتمادیلار. ائله‌ده یاشاسین شهید، آرزیمان یولداشلارینی اونوتمایان اوشاقلار! قارغالار اوجادان قاریلدادیلار. اولدوزلا یاشار چپیک چالیب، هورا چکدیلر.

🏔 او داغلارین باشی
🦅 قارغالارین شهری، داغ قارغالاری

اوزاقدان اوجا داغلار گوروندو. بویوک‌ننه آشاغا ائنیب، دئدی: داغ باشیندا یووا قویماغیمیرا آتینمایین، قارغالار جور به‌جور دولر.

آخیجان، جلیل قهوه‌خاناسیندا سونا چاتدی. پاییز ۴۴

https://t.me/Adabiyyatsevanlar