‍ ...
فراخوان
"یادمان هفتادمین سالگرد تاسیس انتشارات ارک تبریز با یاد کردی از حاج حمید و سعید ملازاده محمدی "

دوستان ارجمند و یاران اندیشمند
به بهانه هفتادمین سالگرد تاسیس انتشارات ارک تبریز و بپاس قدرداني از خدمات ارزنده و ماندگار مدیران ساعی مرحوم بر آنیم تا یادنامه‌ای درخور تهیه و منتشر نماییم.
از صاحبان قلم و اندیشه و نویسندگان و شاعران محترم انتظار همکاری و همیاری داریم. از همکاری و همراهی مجله‌ی وزین هنر و اقتصاد با مدیر مسئولی آقای علی حامد ایمان صمیمانه سپاسگزاریم.
لطفا خاطره، مقاله، شعر و نوشته های خود را در باره‌ی این دو شخصیت فرهنگی- مطبوعاتی از طریق آدرس‌های داده شده در ذیل ارسال نمایید. زبان نوشته‌ها می‌تواند تورکی و فارسی باشد. مهلت ارسال آثار تا 23 بهمن میباشد.

@qerenfil42 :تلگرام
adabestsne4@gmeil.com :ایمیل
واتس آپ : 09300232951

جمعی از دوستان و همکاران انتشارات ارک تبریز

■ چاغری

"ارک تبریز انتشاراتی‌نین یئتمیش‌_ینجی ایل دونومو، حاج حمید و سعید ملازاده محمدی جنابلارینی خاطیرلاماقلا"

چوخ حورمتلی، سایغی دیر و آیدین دوشونجه‌لی دوسلار
ارک تبریز انتشاراتی‌نین 70 ایللیگی موناسیبتله و چالیشقان مودورلرینین دیرلی و قالارغی امکلریندن تشککور ائتمک اوچون بیر خاطیرلاتما درگی‌سی چیخارماق نییتینده‌ییک. بو ایکی عزیزیمیزی تانییان حورمتلی قلم و فیکیر صاحیبلریندن، عزیز یازارلار و شاعیرلردن ایسته‌‌ییریک اؤز خاطیرالارینی، یازی و شعرلرینی آشاغیدا وئریلن آدرسلردن گوندرسینلر. یازی دیلی تورکجه و فارسجا اولا بیلر. یازیلازی بهمن آیی‌نین 23 کیمی گوزله‌ییریک.
بو آرادا جناب علی حامد ایمان هنر و اقتصاد درگی‌سی‌نبن مودوروندن تمناسیزجا ائتدیکلری یاردیم اوچون مینتدارلیغیمیزی بیلدیریریک.
@qerenfil42 :تلگرام
adabestsne4@gmail.com :ایمیل
واتس آپ : 09300232951

ارک تبریز انتشاراتی‌نین دوسلاری و امکداشلاری
https://www.instagram.com/p/CKuNT2TAXGi/?igshid=1pyovyz8wi0kl

@Adabiyyatsevanlar @secilmisseirler
@nisgille
@Adabvadanesh
@azerbaycanvatanim

«ذکیه ذولفقاری»نین «سون قرار» اثری حقینده
قاسیم تورکان

ذکیه ذولفقاری بو گونکی ادبیاتیمیزین نثر قایغیسی چکنلریندن‌دیر. شعر بازاری‌نین اوغلان چاغیندا، اوره‌گی نثریمیزه چیرپینان خانیم یازیچیمیزین اثرلری نثر خزینه‌میزی زنگینلشدیرمه‌ده‌دی.

https://t.me/Adabiyyatsevanlar

«ذکیه ذولفقاری»نین «سون قرار» اثری حقینده
قاسیم تورکان

ذکیه ذولفقاری بو گونکی ادبیاتیمیزین نثر قایغیسی چکنلریندن‌دیر. شعر بازاری‌نین اوغلان چاغیندا، اوره‌گی نثریمیزه چیرپینان خانیم یازیچیمیزین اثرلری نثر خزینه‌میزی زنگینلشدیرمه‌ده‌دی.
ایللر بویودور شیرین قلمی‌له تانیش اولان‌لار بو یازار ترجمه‌چی‌دن دوم- دورو، جانا سینر، یاغ کیمی آخیب بال کیمی دادلانان اثرلر شاهدی اولموش‌لار. مجازی فضادا اولان دوستلار داها آرتیق بو صمیمی قلم صاحبی‌له تانیشدی‌لار.
قلمیندن سوزن، هم ده سطیرلریندن آخان آجی گولومسه‌مه‌لرده، ذکیه خانیمین، خفیفجه تورکو طنزینه نئجه اقتدارلا یاخینلاشماسینی، هابئله احاطه‌سینی آیین –آیدین دوشونماق اولور، او هر بیر اثری‌له، بللی گوجونو گؤز اؤنونه سرمکده‌دیر.
دوشونجه بابیندا ایره‌لی‌له‌ین ذکیه خانیم، شجاعتلی و فنادن قورخماز، عزرائیله دوداق بوزرکن، اینیلتی‌دن ایراق گزن بیر یازاردی. آجی حقیقت‌لری اتی و قانی‌له آنیب، آنلاییب، بیزه اؤرنک یوخ، بلکه آنلادیغین پایلاشیر.
بو سطیرلری گئج یازسام دا، البت کی، هئچ باهانا لازم گؤرونموردو. یازمالی‌دیم. اما باهانا آختاران‌لار اوچون قوی «سون قراری» بهانه ائله‌ییب، سون اثرینه دایاناراق، بو یازار و ترجمه‌چی باره‌سینده سیزلرله بیرطرفلی مخاطب حؤکمونده سئودیکلریمی سریم گوزلر اؤنونه، سؤز- سؤزو گتیرر آرشین – بئزی. شاید اولا کی بیری ده دیلله‌نیب بیر سؤز آچااااا!
ذکیه خانیم ذوالفقاری‌نین حکایه اؤلچوسونده یازدیقلاری، اجتماع، معیشت، جامعه ده باش وئرن آجیلی- شیرینلی واقعه لره حصر اولوناراق، رئال و گئرچک‌لری، یارار-یاراماز، آنجاق قلمه چکمه‌یه چالیشیر. بو چوخ اهمیّتلی‌دی کی دیالوق‌لار، طبیعی آخیب، سؤز یئرینده دوغما – دولاما اؤتورور. سوژه‌لری اجتماع و رئال یاشاییشدان سطیرلره یول تاپان آجیلی – شیرینلی ماجرالردی. اؤلوم ایتیم دونیاسیندا تؤی دؤیون جانلانان اوره‌ک یادداشت‌لاریندا، مخاطبین اوره‌گی، آغلار – گولر آیی کیمی گاه کدر دن دولور و گاهدان دا دوداقلاری گولومسه‌یه‌رک ایچه‌ریسینی سئوینج چولقالاییر.
شاید او کس لردن کی چوخلو مراوده‌م اولار، بیریسی ده ذکیه خانیم‌دی. حتی بعضاً یازیلاریمدان دا چاپدان قاباق، گؤندررم اوخویوب، نظرین دئسین. بونو دئدیم، مخاطب بیلسین کی بو سطیرلر نئجه زنگین تانیشلیغین ماحصلی ساییلا بیلر.
دوزون آختارساز، «سون قراری» اوخومامیشام. دئدیم کی بهانه‌دی. قراردی الیمه چاتسین، هله چاتماییب. اما اولوب کی بعضی یازار دوست‌لاریمین اثرلرینه یازدیقلاریم سطیرلر، اثری اوخومامیشدان یازیلیب. چون یازاری سطیر به سطیر اوخوماق، آداما یاردیمجی اولا بیلیر.
بیر گون آقای علیرضا سیف الدینی دئدی؛ ایلک دفعه دی گؤرورم کی آدام بیر کیتابی اوخومامیشدان دا ائلییه بیلر اونا راجع بیر ذات یازسین… بئله معجزه‌لر مندن گؤرسه‌نیب، گینه گؤرسنه بیلر.
بلکه ده بو کیتابدا توپلانمیش ماجرالارین بیر نئچه‌سیندن بیر زاد‌لار بیلیردیم. هر حالدا «سون قرار» ذکیه ذولفقاری‌نین سون زامان یایلمیش اثری، مخاطبی یئنه رئال و اجتماعی مضمون‌لارلا راستلاشدیریر. «سون قرار» لیریک بیر قرار یوخ، بلکه بیر آروادین، اری‌له سون صحبتینه عایددی. بیر تفاهم مسئله‌سینین عقیملیغیندان تؤره‌نیر. یئنه ایکی متفاوت دونیا بیر سقفین آلتیندا سیغیشانمیر. دونیانین هر یئرینده رایج بیر ماجرا.
اوره‌کلرده نه کئچیر؟! بیری دایانیر دؤزور، بیریسی ال – الدن اوزور. اما هر ایکیسی ده عؤمور بویو آجیلی- شیرینلی خاطره‌لرینه هئچ قبیرستانلیغدا باسدیرماق اوچون گؤر تاپانمیر. لعنت او بیتی‌یه کی عشقی ادعایا چئویریر. آمان الده چکیلن قول[امضاء]‌لاردان، اوره‌کده چکیلن قول‌لار کاغیذ اوستونه گلمیینجه، دواملی اولور. عشق اولسون اوره‌کلرده چکیلمیش قول‌لارا…
ذکیه ذولفقاری‌دن بو گونه کیمی، چاپ اولوب، یاییلان اثرلره بیر گؤز یاییندیرماق سؤزوموزه قوّت اولا بیلر.
1- «گولرکن بئله» فریبا وفی‌دن بیر ترجمه
2- «دوغولمایان اوشاغا بیر مکتوب»، اوریانا فالاچی‌دان بیر ترجمه
3- «دنیز کؤچو»، فیروز مصطفی‌دان کؤچورمه
4- «سون قرار»، تألیف
البته ذکیه ذولفقاری‌دن، چاپ اولمامیش ترجمه‌لرده الده‌دیر.
1- «اؤلکه میزین سیرلاری» رضا براهنی‌دن ترجمه
2- «نادره» سید جعفر جواد‌زاده‌دن بیر ترجمه
3- «تورکلرین قدیم تاریخی»، کؤچورمه حالیندا دیر.
ذکیه خانیم ذولفقاری‌یه جان ساغلیغی هابئله آرتیق نائلیتلر آرزی‌سیله بو سطیرلره سون قویولور.
۱۳۹۹ بهمن آیی
قایناق: ایشیق سایتی

https://t.me/Adabiyyatsevanlar

قادین ادبیاتی
اوزه ل وئرلیش
میانانین قادین یازیچیلاری، شاعیرلریله تانیش اولاق.

سه شنبه: 99/11/14

اوزمان: رضوان حاجی قاسملو «جانای»

https://t.me/Adabiyyatsevanlar

بین الخالق موسیقی سیندن بیر قطعه

https://t.me/Adabiyyatsevanlar

دنیز عبدالعظيم زاده


https://t.me/Adabiyyatsevanlar

شاعیر یالقیز
تدوین: مختار موسلیمی

https://t.me/Adabiyyatsevanlar

الینده تارین قوربانی
اوول کی محبت هانی...

https://t.me/Adabiyyatsevanlar

مرندلی یازار؛ محمدرضا عافیت!

سن دئمه کئچمیشده مرندیمیزین گنجعلی صباحی‌دان باشقا آیری بیر تورکجه یازاری دا وارمیش: محمدرضا عافیت!
بونو «آذربایجان حیکایه‌لری» آدلی کیتابی اوخودوقدا الده ائده بیلمیشیک. ایکی جیلده چاپ اولان بو کیتابی «محمد صبحدل» و «فاطمه میرحسین‌پور» حاضیرلاییب بیزیم الیفبایا کؤچورموش‌لر. عافیت‌ین حیکایه‎میزده چالیشدیقلاریندان چوخ آز بیلگی الده واردیر. اونون 1338-جی ایلده «آلوو» آدلی حیکایه توپلوسو ایشیق اوزو گؤردویونه باخمایاراق اوندان تکجه «گیزلی کیتاب‌لار(میرزه صادیق)» آدلی حیکایه‌سینه -اونو دا قئید ائتدیییمیز «آذربایجان حیکایه‌لری» کیتابیندا- راستلاشماق اولور. 1347-جی ایلده عافیت‌، «سردار ملی ستارخان» آدیندا باشقا بیر کیتاب دا تورکجه‌میزه پای وئرمیشدیر(بو کیتابی پی‌دی‌اف شکلینده اینترنت‌دن یوکله‌مک اولور).
«گیزلی کیتاب‌لار» حیکایه‌سینی اوخودوقدا یازارین بو ایشده نئجه باجاریقلی اولدوغونو باشا دوشورسن، و آیری بیر اثرین الده اولمادیغیندان اوزولورسن. حیکایه‌نین مرند فضاسیندا -پهلوی‌نین دیلیمیزی یاساق ائله‌دییی دؤورنده- باش وئردییی، اونو داها دا دیرلندیریر. اوسته‌لیک بیزیم دیلده کئچمیشده حیکایه قیتلیغی اولدوغوندان هر بیر بئله اثرین یوکسک اؤنمی اولدوغونو یاخچی بیلیریک.
نه ایسه، اوزون سؤزون قیساسی؛ صباحی درنه‌یی بو حیکایه‌نی دیرلندیرسین دئیه سسلندیریب قولوغونوزا چاتدیریر.

«آذربایجان حیکایه‌لری» کیتابیندا یازاردان بئله بیر قیسا بیوقرافی گلیب:
عبدالله اوغلو محمدرضا عافیت 1305-جی ایلده مرندده بیر آل وئرچی عاییله‌سینده آنادان اولموشدور. او اورتا تحصیلاتینی مرند شهرینده بیتیرمیشدیر. اونون 1338-جی ایلده «آلوو» آدلی حیکایه توپلوسو چاپدان چیخمیشدیر. اله گتیردیکلریمیزه گؤره اونو گونئی حیکایه‌سی‌نین اؤنملی یازیچیلاریندان سایماق اولار.
@sabahi_derneyi

https://t.me/Adabiyyatsevanlar

مرندلی یازار؛ محمدرضا عافیت!
@sabahi_derneyi

https://t.me/Adabiyyatsevanlar

گیزلی کتاب‌لار(میرزه صادیق)
یازار: محمدرضا عافیت

سس: ائلمان علیپور
تنظیم: رضا حسینی مرند

حاضیرلایان: صباحی درنه‌یی

@sabahi_derneyi


https://t.me/Adabiyyatsevanlar

گیزلی کیتاب‌لار
یازار: محمدرضا عافیت
حاضیرلایان: مهدیه پایدار

@sabahi_derneyi

https://t.me/Adabiyyatsevanlar

قادین ادبیاتی
اوزه ل وئرلیش
میانانین قادین یازیچیلاری، شاعیرلریله تانیش اولاق.

سه شنبه: 99/11/14

اوزمان: رضوان حاجی قاسملو «جانای»

https://t.me/Adabiyyatsevanlar

میانا شهرینین قادین ادبیاتچی لارینین تانیتیمی
اوزمان: رضوان حاجی قاسملو:«جانای»،99/11/14

میانالی شاعیر: زیبا میراحمدی '' گونش '

https://t.me/Adabiyyatsevanlar

میانا شهرینین قادین ادبیاتچی لارینین تانیتیمی
اوزمان: رضوان حاجی قاسملو:«جانای»،99/11/14

میانالی شاعیر: زیبا میراحمدی '' گونش '

https://t.me/Adabiyyatsevanlar

میانا شهرینین قادین ادبیاتچی لارینین تانیتیمی
اوزمان: رضوان حاجی قاسملو:«جانای»،99/11/14

میانالی شاعیر: زیبا میراحمدی '' گونش ''
.
یامان گونده یورغونلوغا بوروندوک
ایللر بویو سانجیلانیب سوروندوک
سارای کیمی چایدا سئلده گوروندوک
یورولموشام قورخولاردان آی آنا
بئزدیریبلر وارلیغیمی دای آنا
......
اوچان قوش لار توتقون گویده اولوبلر
بیر آرازلا تورپاغیمی بولوبلر
بیزه باخیب شاققا چالیب گولوبلر
قان آغلاییر یاشاییشم آی آنا
آز قالیرام دولوب داشام دای آنا
......
باخا باخا من کئچیرم اوزومدن
آغلاییرام اولدوز آخیر گوزومدن
یانا یانا آلوو قالخیر کوزومدن
سپله لندیک قارا یئلدن آی آنا
اوزاقلاشدیق گوزل دیلدن دای آنا
......
اومود دوروب یاخینلیق دا باغیردی
نه یاتمیسان اویان بسدی چاغیردی
امان گوندور یوکون داغدان آغیردی
لای لای چالما قوی اویاناق آی آنا
بلکه باتاق قیزیل گوله دای آنا


.https://t.me/Adabiyyatsevanlar

میانا شهرینین قادین ادبیاتچی لارینین تانیتیمی
اوزمان: رضوان حاجی قاسملو:«جانای»،99/11/14

میانالی شاعیر: زیبا میراحمدی '' گونش '

عومور گونوم اوتانیر
سیزلردن آی اوشاق لار
آیریلیب گئدن زامان
ییغانمادیم سیزلره
نه آغ یاشام نه ده وار
آرزی لاریم سیزیندی
پایلاشارسیز بولرسیز
باهار بیزه گلنده
قول بویونا سالارکن
قولاغینا پیچیلدا
قویوب گئتدییین قیزین
قارا ساچی آغاردی
سون نفسی چیخینجا
سن لی دویغولارینی
آچیق قالان دفتری
داملا-داملا یاغاردی

https://t.me/Adabiyyatsevanlar

میانا شهرینین قادین ادبیاتچی لارینین تانیتیمی
اوزمان: رضوان حاجی قاسملو:«جانای»،99/11/14

میانالی شاعیر: زیبا میراحمدی '' گونش '



جهان وطن
دسته دسته قوشلار اوچور هاوادا
دوزلاق‌لانیر هردن بیری آدادا
اوخلانیرلار قارانلیق دا قارادا
درد یاندیریر دردی سؤزدن آلانی
مرد ایستیرم سازلی سؤزلو چالانی
کوراوغلو نون آتین گتیر یَهر له
کندی قاتیب بیر بیرینه شهرله
نیگار خانیم گئجه کئچدی سحرله
درد یاندیریر دردی سؤزدن آلانی
مرد ایستیرم سازلی سؤزلو چالانی
ایگیت بابک آییق‌ گینان یاتما سن
سن‌سیزلیگه لو تزلیک ده چاتما سن
گونش سایاق ناحاق یئره باتما سن
درد یاندیریر دردی سؤزدن آلانی
مرد ایستیرم سازلی سؤزلو چالانی
من گئدیرم گؤزل وطن ساغ اولسون
آرزیم بودور جهان وطن باغ اولسون
ائل‌لریمیز بیر بیرینه داغ اولسون
درد یاندیریر دردی سؤزدن آلانی
مرد ایستیرم سازلی سؤزلو چالانی

https://t.me/Adabiyyatsevanlar

میانا شهرینین قادین ادبیاتچی لارینین تانیتیمی
اوزمان: رضوان حاجی قاسملو:«جانای»،99/11/14

میانالی شاعیر: شهنازصالحی «باهار»

https://t.me/Adabiyyatsevanlar

میانا شهرینین قادین ادبیاتچی لارینین تانیتیمی
اوزمان: رضوان حاجی قاسملو:«جانای»،99/11/14

میانالی شاعیر: شهنازصالحی «باهار»

https://t.me/Adabiyyatsevanlar

میانا شهرینین قادین ادبیاتچی لارینین تانیتیمی
اوزمان: رضوان حاجی قاسملو:«جانای»،99/11/14

میانالی شاعیر: شهنازصالحی «باهار»

داغ ویقارلی دیاریم
دوز ایلقارلی دیاریم
اعتیبارلی دیاریم
آنا وطنیم یاشا
دردلرینی آلانام
من قئیدینه قالانام
محببتلی بالانام
آنا وطنیم یاشا

https://t.me/Adabiyyatsevanlar