«خان‌صنم»
من سنسیز دئییلم

داها داریخمیرام کئچن گونلره،
من سنسیز دئییلم، منده سن هر آن.
سئویلمک عینادین قویموشام یئره،
نه قورخوم وار ایندی، نه شک، نه گومان.
من سنسیز دئییلم، منده سن هر آن.

گؤزمو قالیب یاغام؟ دوداق‌می گولم؟
یاددان چیخیرسان‌می باش قویام اؤلم؟
ائله سئومه‌دیم کی اونودا بیلم،
بیر گون ایثبات ائلر سؤزومو زامان،
من سنسیز دئییلم، منده سن هر آن.

یاخدین اوره‌ییمی، داها دا بئتر-
سانیردیم یارا دیر، ساغالار، بیتر.
ساغالمادی، آمما سن ساغ اول یئتر،
گئت اوره‌‌یین هاردا ایسته‌ییر دولان،
من سنسیز دئییلم، منده سن هر آن.

زامان بوش یئرینی چکیر اوزومه،
بئله‌جه یاشاماق دوروب گؤزومه.
آمما هئی دئییرم اؤزوم اؤزومه:
الیم بوش اولسا دا گؤزلریم دومان،
من سنسیز دئییلم، منده سن هر آن.

بو سئوگی یول دئییل کاریخام، آزام،
رسمه ده بنزه‌میر، پیس اولسا پوزام،
آخی شعیردیرمی یئنی‌سین یازام؟
بدنیمده جاندی، داماریمدا قان،
من سنسیز دئییلم، منده سن هر آن.

آرتیق سئومه‌ییرم، اؤلموشم سنه،
آنان دا سئوگیده چاتانماز منه‌.
بیر دونیا سئوه‌نین اولسا دا، یئنه،
«صنم» کیمی کیمسه سئوَنمز، اینان!
من سنسیز دئییلم، منده سن هر آن...


https://t.me/Adabiyyatsevanlar

نیگار_خیاوی

سن گئت...!
اورتالیغی توپلاماق
منه قالیر

منه قالیر سندن قوپان ایزلری،
بوغچالارا قالدیرماق

بوشالتما کول قابینی!
گئت!
یوبانما!
من توپلارام

سؤیله دیییمیز سؤزلری،
آشیردیغیمیز قدحلری،
ماسا اوسته ایکی دیرسک ایزلری،
و داها بیر چوخ شئیلری

آمان یوخدور زاماندا
یوبانما!
گئت سن!
اؤزومو ده توپلارام من...


https://t.me/Adabiyyatsevanlar

رقص لریمیزی سئونلره تقدیم ائدیریک

https://t.me/Adabiyyatsevanlar

«نیراوغلو»

یالان هئیکل


حیات گوندن گونه پیس گلدی قارداش
قالان پئشمان، اؤلن دینجلدی قارداش

نه عزرائیل بیزه یاندی نه دولت
اولاردا بیر بیریلن ال دی قارداش

عؤمور سوردوک آیی‌لان اژدهایلان
ازل‌دن شانسیمیز مختل‌دی قارداش

محبّت گؤرمه‌دیک یاددان تانیشدان
حقیقت کور، صداقت شَل‌دی قارداش

آلیبدیر هر یئری میندار سیاست
عدالت بیر یالان هئیکل‌دی قارداش

اولایمیش کاش یئریم حیوانلار ایچره
اولار بیزدن بو گون افضل‌دی قارداش

وفادارلیق اومور کؤنولوم کؤنزدن
عجب قانماز کؤنول احمل‌دی قارداش

گتیر ساقی گتیر مئی‌دن اولاق لول
آییقلیق انسانا انگل‌دی قارداش

{نیراوغلو} بیرجه گون، گون گؤرمه‌دیک بیز
حیات گوندن گونه پیس گلدی قارداش

https://t.me/Adabiyyatsevanlar

‍ «نادر_الهی»

▫️داغدان گلیر، باشیندا-
بولود لچه‌یی گلیر.
باغدان گلیر، دؤشونده-
گونش چیچه‌یی گلیر.

گؤزونده بولاق کیمی،
بولاق اوتو یوخوسو.
گؤیلونده کهلیک کیمی،
کهلیک اوتو قوخوسو.

باخمیر زمی بیچیلیب،
باخمیر بوستان اورلانیب.
نئچه‌-نئچه شاعیرین،
گؤزوندن اوغورلانیب-

گلیر یوخودان یونگول،
گلیر رؤیادان اینجه.
قورویوب قورتاریرام،
او بو یولو گلینجه.

قاباغینا قویماغا،
چاییم یوخ، چؤره‌ییم یوخ.
اوره‌ییمه باخیر او،
منیم کی اوره‌ییم یوخ.

اوره‌ییم یوخدورسا، بس-
اونون باخدیغی نه‌دیر؟
دئییب اورک‌له‌نیرم،
بس اوره‌ییم کیمده‌دی؟

باخمیر جولاز اَینیمه،
باخمیر قولای حالیما.
قونور ساغ-سول چیینیمه،
یعنی ساغ‌-سول قولوما.

هوسدن، هیجاندان،
قورو جانیم داشلانیر.
ایکی قول، ایکی میصراع،
یعنی شعر باشلانیر.

غم چکمه، درد ائله‌مه،
آی منیم آغاج آنام!
من قوشلار شاعیری‌یم،
کیم دئییر قوش قووانام...؟


https://t.me/Adabiyyatsevanlar

« گئجه لی »
شعر:«احمد شاملو»
چئویرن:» مقصود تقی زاده هریس» (نیسگیل)

داریسقال کوچه لر
باغلی توکانلار
قاپ قارانلیق ائولر
سینیق تاوانلار
سوسوبدو تار – کامان
سوسوب گؤر نئجه
اؤلو آپاریرلار
کوچه به کوچه

اؤلویه بنزه میر
بو اؤلولر هئچ
اری ییب قورتاران شاما دا بلکه
بیر سؤنوک فانارا بنزه سه لر ده
لامپاسیزلیق دئییل
اونلارین دردی
باخسان
لامپالاری دونیا قده ردی.

جاماعات،
قالمایب منده حؤوصله
یوخدور
داها یوخدور
قوی بئله دئییم:
یاخشی یا اومودوم
پیسدن گیلئییم.
من ائلدن آلاهی دئییلم واللاه
بو کروانلا یوخدور
بیر ایشیم آنجاق.

داریسقال کوچه لر
باغلی توکانلار
قاپ قارانلیق ائولر
سینیق تاوانلار
سوسوبدو تار – کامان
سوسوب گؤر نئجه
اؤلو آپاریرلار
کوچه به کوچه.

https://t.me/Adabiyyatsevanlar

بو گئجه نین اوزه ل وئرلیشی.

«رومان‌ین تاریخی و یوکسه‌لیشی»
رومانین اوزه گلن یا یارانان زمینه‌سی، اجتماعی و فلسفی جهت‌دن نه‌لر ایدی؟ و نه‌دن رومان قاباقکی یازیلی داستانلار و افسانه‌لردن فرقلی‌دیر؟

بیرینجی بؤلوم
زمان: چهارشنبه: 99/11/8
ساعات: 21
اوزمان: شریف مردی

https://t.me/Adabiyyatsevanlar

طنز بویوک آغاافندی
🔹بیلدیریش

37 یئدی یاشیندا قیزام
اوچ دنه یوکسک لیسانسیم وار
آشبازلیق ، خیاط لیق ، مکانیک لیق ... دوره لیرین کئچیر میشم مدرکیم لریم حاضیر آماده دیر
180 سانتیم بویومون اوجالیقدیر
77 کیلو وزنیمدیر . بویورسانیز آرخلارام هرواخت سئوسه نیز کوکلم
مندن باربی سی یالنیز باجیم دیر
بورنومو بیلدیر عمل ائلمیشم دوم دوز دو فندیق کیمی
اوزوم آی پارچاسی کیمی دیر
45حکیمدن سلامتلیق کاغازی واریمدیر
🔸باشقا معلومات
تهراندا یاشیرم ،185 مئتیر الهیه ده آپارتماتیمانیم واردیر .
شومالدا 550مئتیر دوبلکس دنیزه باخان ویلام واردیر.
جهیزیم کامیل، کامیل دیر هامیسی دا خارجی دی ( ایضاح حتی بیرده چینی دئییل )
آیدا 14میلیون حقوقومدو هامیسیندا پسنداز ائلمیشم .
ماشینیم بنز مدل 2018 دیر .
🔸ایستک لریم
کبین، سکه ،قیزیل حتتا توی پالتاری ایستمیرم ،
یالنیز اولو وای الدن دوشموش چئری ، چپ انداز بئیار ، بیکار بیر ار آختاریرام .
مندن یئسین ، مندن ایچسین هرواخت سویدو منی دویسون، یامان دئسین اوتاقدا زندانی ائلسین ، هرزامان سئودی قیز دوستو تاپسین حتی من اوزوم یاردیم ائلرم ...
هانسی آغا مایل اولسا من قولوغودا اولام بو آدرسه بویورسون .
خوشونوزا گلدی ، هن؟ یاخجی ایدی ؟ سنده بوجور آرواد آختاریرسان ؟
بیلاخ بیلیرسن ندی ؟ گلابا نئجه ؟ بورا مراجعه ائلسن حتمن تاپارسان .

https://t.me/Adabiyyatsevanlar

هر چیچک دن بیر یارپاق
موسیقی آچیقلامالاری
زمان: بوگئجه: 99/11/9
ساعات: 21
اوزمان: دوکتور احمد ستاری

https://t.me/Adabiyyatsevanlar

‏https://t.me/Adabiyyatsevanlar

علی آغا واحد

واحد، 1895-جی ایلده باکی شهری نین یاخینلیغیندا 13 کیلومترلییینده اولان «ماسازیر» کندینده فئورالین 18-ینده آنادان دوغولموشدور. ایلک تحصیلینی آلاندان سونرا عائله دولانیشیغی آغیر وضعیتده اولدوغونودان، علی کیچیک و آز یاش لاریندان ایشله مه یه باشلامیشدیر. بیر مدت بقال و سونرا خراط شاگردی اولموشدور. البته بو استاد خراط واحدین اؤز داییسی اولور. استعدادلی اولدوغوندان، آز بیر زماندان قابل اوستادلار جرگه سینه کئچن واحدین دوغوم تاریخی بوتون یازیلی متن لرده اوسته اولدوغو کیمی دیر. آما من اؤزوم بو سون سفریمده باکی دا گؤردویوم واحد حقینده بیر ادبی گئجه نین آپاریجیسی واحدشناس محمد آقا معلم بئله دئدی: «هامی واحدی 1895-جی ایل ماسازیر کندینده دوغولدوغونو یازیر و دئیرلرسه بو سهودیر. واحد 1894-جی ایل فئورالین 18ینده باکی نین قدیرلی کوچه سی 113 نومره لی ائوده دونیایه گلیبدیر.» دئدی.

واحد حیاتی نین یوخسوللوق فیرتیناسیندان باشی اوجا چیخیب، دیریلییینده ذره جه یالتاقلیق و خیانت اولماییب، ائلینی و یوردونو قیزغین محبتله سئوه-سئوه یاشاییب، و ائل ده اونو سئویب. اونون شعری بیر چوخ جهت لردن قوتلی دیر. شعریت، عشق، امید، وطن سئورلیک، اجتماعی لیک، معاصرلیک و ذاتیندا اولان ایگیدلیک و پاکلیق گؤزه چارپیر. او، حقیقتا قدرتلی بیر شاعردیر.

واحدین ده بعضا شعرلرینده قوشا هدف وار. بو هدف لر معنا باخیمیندان آیری اولسالار دا، هر هدف اؤزلویونده گؤزل معنا داشیییر.

آذربایجان تورکجه سینده چالیشان یازیچیلار اؤنجه کتابین نئچه ضرر ائده جه یینی حسابلایارلار. چونکو، آذربایجان خالقی کئچمیشلردن، اؤز آنا دیلینده یازیب اوخوماقدان محرومدور، داها دوغروسو نئچه میلیون انسانین اؤز مکتبلرینده بیر دانا اولسون درس کلاسی یوخدور. ائله همین محرومیت حتا دوکتور و مهندسلریمیزینده اؤز آنا دیللرینده ساوادسیز قالماسینا سبب اولموش و بو دیلده یازیلان کتابلارین آلماسین گرکلی دویمامیشلار. بللی دیرکی، بئله بیر دورومدا کتابین ساتیش ساییسی آز اولمالی و کتاب ضرر وئرمه لیدیر. آمما بونلارا باخمایاراق بیزیم غیرتلی یازیچیلاریمیز اؤز منافعلرینی یوخ، خالقین منافعینی نظرده توتاراق گئجه و گوندوز بیلمه دن یازیب، یاراتماقلا خالقین اؤز مدنیتینی اؤزونه قایتارماق اوچون چالیشیرلار.
بو ماهنیلار کتابینین داها ده یرلی جهتی او دورکی، ماهنیلار، موغاملار اوزره آیریلیب یازیلاراق اوخویانین ایشینی اولدوقجا راحاتلاییب و اوخویان ایسته دییی ماهنینی چوخ راحات جاسینا الده ائده بیلیر.
بو یئنی لیک مؤلفین آرتیق موغام ساوادی اولماسینی گؤسته ریر و کتابین باشقا ماهنی کتابلاریندان بیر آددیم ایره لی له مه سینی آیدینلادیر. آمما بو ساحه ده ایشله نیلن کتابلاردا هله ده چاتیشماز لیقلار چوخدورکی، اونلارین ایکی سینه اشاره ائتمه لییم:
بیریسی ماهنی کتابلاریندا نوتلارین اولماماسی دیرکی، آرتیق دقته لایق دیر. ایکینجی اؤ نملی مسئله بوتای آذربایجان دا بسته لنمیش ماهنیلاردیرکی هئچ بیر دفتره یازیلماییب دیر و زامان زامان طبیعی اولاراق سیرادان چیخماقدادیر.
بو ماهنیلارین بیر یئره توپلانماسی ان گرکلی ایشلردندیرکی، داها آرتیق چالیشما، وقت و ائله جه ده خرج قویماق طلب ائدیر.
 
https://t.me/Adabiyyatsevanlar

بو گئجه نین اوزه ل وئرلیشی.

«رومان‌ین تاریخی و یوکسه‌لیشی»
رومانین اوزه گلن یا یارانان زمینه‌سی، اجتماعی و فلسفی جهت‌دن نه‌لر ایدی؟ و نه‌دن رومان قاباقکی یازیلی داستانلار و افسانه‌لردن فرقلی‌دیر؟

بیرینجی بؤلوم
زمان: چهارشنبه: 99/11/8
ساعات: 21
اوزمان: شریف مردی

https://t.me/Adabiyyatsevanlar

«رومان‌ین تاریخی و یوکسه‌لیشی»
رومانین اوزه گلن یا یارانان زمینه‌سی، اجتماعی و فلسفی جهت‌دن نه‌لر ایدی؟ و نه‌دن رومان قاباقکی یازیلی داستانلار و افسانه‌لردن فرقلی‌دیر؟

آپاریجی: کریم قربانزاده



https://t.me/Adabiyyatsevanlar

«رومان‌ین تاریخی و یوکسه‌لیشی»
رومانین اوزه گلن یا یارانان زمینه‌سی، اجتماعی و فلسفی جهت‌دن نه‌لر ایدی؟ و نه‌دن رومان قاباقکی یازیلی داستانلار و افسانه‌لردن فرقلی‌دیر؟

بیرینجی بؤلوم:99/11/8
اوزمان: شریف مردی(۱)

https://t.me/Adabiyyatsevanlar

«رومان‌ین تاریخی و یوکسه‌لیشی»
رومانین اوزه گلن یا یارانان زمینه‌سی، اجتماعی و فلسفی جهت‌دن نه‌لر ایدی؟ و نه‌دن رومان قاباقکی یازیلی داستانلار و افسانه‌لردن فرقلی‌دیر؟

بیرینجی بؤلوم:99/11/8
اوزمان: شریف مردی(۲)

https://t.me/Adabiyyatsevanlar

«رومان‌ین تاریخی و یوکسه‌لیشی»
رومانین اوزه گلن یا یارانان زمینه‌سی، اجتماعی و فلسفی جهت‌دن نه‌لر ایدی؟ و نه‌دن رومان قاباقکی یازیلی داستانلار و افسانه‌لردن فرقلی‌دیر؟

بیرینجی بؤلوم:99/11/8
اوزمان: شریف مردی(۳)

https://t.me/Adabiyyatsevanlar

«رومان‌ین تاریخی و یوکسه‌لیشی»
رومانین اوزه گلن یا یارانان زمینه‌سی، اجتماعی و فلسفی جهت‌دن نه‌لر ایدی؟ و نه‌دن رومان قاباقکی یازیلی داستانلار و افسانه‌لردن فرقلی‌دیر؟

بیرینجی بؤلوم:99/11/8
اوزمان: شریف مردی(۴)

https://t.me/Adabiyyatsevanlar

«رومان‌ین تاریخی و یوکسه‌لیشی»
رومانین اوزه گلن یا یارانان زمینه‌سی، اجتماعی و فلسفی جهت‌دن نه‌لر ایدی؟ و نه‌دن رومان قاباقکی یازیلی داستانلار و افسانه‌لردن فرقلی‌دیر؟

بیرینجی بؤلوم:99/11/8
اوزمان: شریف مردی(۵)

https://t.me/Adabiyyatsevanlar

«رومان‌ین تاریخی و یوکسه‌لیشی»
رومانین اوزه گلن یا یارانان زمینه‌سی، اجتماعی و فلسفی جهت‌دن نه‌لر ایدی؟ و نه‌دن رومان قاباقکی یازیلی داستانلار و افسانه‌لردن فرقلی‌دیر؟

بیرینجی بؤلوم:99/11/8
اوزمان: شریف مردی(۷)

https://t.me/Adabiyyatsevanlar

«رومان‌ین تاریخی و یوکسه‌لیشی»
رومانین اوزه گلن یا یارانان زمینه‌سی، اجتماعی و فلسفی جهت‌دن نه‌لر ایدی؟ و نه‌دن رومان قاباقکی یازیلی داستانلار و افسانه‌لردن فرقلی‌دیر؟

بیرینجی بؤلوم:99/11/8
اوزمان: شریف مردی(۸)

https://t.me/Adabiyyatsevanlar

«رومان‌ین تاریخی و یوکسه‌لیشی»
رومانین اوزه گلن یا یارانان زمینه‌سی، اجتماعی و فلسفی جهت‌دن نه‌لر ایدی؟ و نه‌دن رومان قاباقکی یازیلی داستانلار و افسانه‌لردن فرقلی‌دیر؟

بیرینجی بؤلوم:99/11/8
اوزمان: شریف مردی(۶)

https://t.me/Adabiyyatsevanlar