اوشاق ادبیاتی


«سولماز_شیرین»

کوچورن:«آیسو_زنگانلی»
اوزوم کیمی کؤرپه دیر
منیم مستان پیشیییم
یئدیردیرم دویونجا
هم چکیرم کئشییین

بئلی آلا- بولا دیر
سینه سی آغ قار کیمی
گزیر حیط(حیاط ) - باجانی
منیم له سیار کیمی

هر نه دئسم آنلاییر
گل دئینده تئز گلیر
هاردا یومشاق یئر گؤرسه
خومارلانیر دینجه لیر

چوخ سئویر او اؤزونو
تمیزله ییر، یالاییر
اطرافیمدا فیرلانیب
قویروغونو بولاییر

https://t.me/Adabiyyatsevanlar

اوشاق ادبیاتی
چئویریب حاضیرلایان:«ویدا حشمتی»

منیم قهرمانیم سنسن
ایکینجی بؤلوم

سارا سوروشدو:
-سن نه‌جور بیر یارادیق‌سان؟
او جواب وئردی:
- منیم آدیم "آریو" دو .
سارا دئدی:
-من آریو آدیندا بیر یارادیق تانیمیرام.
آریو جواب وئردی:
-من همیشه بورادایام، سنین قلبینده.
سارا دیدی:
-یانی ایندی کی سن منیم‌‌له‌سن، دونیانین اوشاقلاری‌لا کرونا ویروسو قونوسودا دانیشا بیله‌جه‌یم؟ من قهرمان اولاجاغام؟ بیراز صبر ائله گؤروم! کرونا ویروسونون اولدوغو حالدا، بیز یولچولوق(مسافرت) ائده بیله‌ریک؟

آریو دئدی:
-منیم یانیمدا اولسان، اولار. بیز بیرلیکده اولساق، هئچ بیر شئی سنه توخونا بیلمز سارا!
سونرا آریونون آرخاسیندا اوتوروب، اوتاغین پنجره‌سیندن چیخیب، قارانلیق گؤیده اوچماغا باشلادیلار. اونلار اولدوزلارا ساری گئدیب، آیا سلام وئردیلر.
گونش چیخدی. سارایلا آریو گؤزل بیر چؤللوکده «اهرام»ین قیراغیندا ائندیلر. اورادا نئچه اوشاق اویناماغا مشغول ایدیلر. اوشاقلار سئوینجک سارا گیله ال ساللادیلار( ترپه‌تدیلر).

اوغلانلارین بیری اوجا سسله دئدی:
-خوش گلیبسیز. منیم آدیم «سلیم‌»دیر. سیز بوردا نه ایش گؤرورسوز؟ باغیشلایین سیزه یاخین گله بیلمیرم، گرک سیزدن بیر مئتر آرالی دورام.


سارا جواب وئردی:
-منیم آدیم سارا دیر، بونون دا آدی آریو. هیچ بیلیردیز؟ اوشاقلار، ائله‌یه بیلرلر یولداشلارینین، آتا-آنالارینین، بؤیوک آتا-آنالارینین، قونشولارینین، خسته‌لییی‌نین قاباغین آلسینلار؟ بیز هامیمیز گرک...

سلیم گولر اوزله دئدی:
- بیلیرم. گرک مرتب اللریمیزی سو و صابونلا یویاق، خسته‌ اولدوغوموزدا، آسقیراندا و اؤسگوره‌نده، آغزیمیزی دیرسه‌ییمیزله توتاق. ال وئرمک یئرینه، اوزاقدان ال ساللایاق. باجاردیقجا ائوده قالاق. اما بیز بؤیوک بیر شهرده یاشاییریق. هامی ائوده قالماییر.

آریو دئدی:
- بلکه من سیزه یاردیم ائده بیلدیم. آداملار ویروسو گؤره بیلمیرلر، آما منی گؤره بیلرلر. ایندی ایکینیز ده قانادلاریما چیخین. لطفا هره‌نیز بیر قانادیمدا اوتورون.
اونلار آزیندان بیر مئتر آرالی‌ اوتوردولار.

آریو سارا و سلیمی قانادلازینا آلیب، گؤی اوزونه ساری اوچدو. اونلار شهرین اوستوندن اوچوردولار. آریو گورولداییب، آواز اوخویوردو‌.

سلیم خییاوانداکی اوشاقلاری هارالاییب، دئدی:
-آی اوشاقلار! گئدین آتا-آنالاریزا دئیین، ائولریز داها گووه‌نلی‌(امنیت)دیر. هامی ائوده قالماق‌لا، عاییله‌سینی داها یاخشی قورویا(محافظت) بیلر.

آداملار گؤردوکلری شئیدن چاشمیش‌دیلار‌. ال ساللاییب، ائوده قالماغی قبول ائتدیلر.

آریو گؤیه ساری اوچدو. سلیم سئویندیگیندن باغیریردی. بولودلارین اوزه‌رینده اوچارکن، بیر اوچاق اونلارین یانیندان کئچدی. یولچولار اوچاغین پنجره‌سیندن بونلاری گؤروب، تعجب‌له باخدیلار.

سلیم دئدی:
-آداملار بوندان سونرا گرک یولچولوغا (مسافرته) چیخماسینلار. ایندی یولچولوق (سفر ) ائتمه‌یین تهلوکه‌سی چوخدور. بوتون اؤلکه‌لرین سرحدلری(مرزلری) باغلانیر. هر کس اولدوغو یئرده عزیزلری ایله بیرلیکده قالمالی‌دیر.

سارا دئدی: ائله‌بیل چوخ شئی‌لر دییشیلیبدی. بو منی قورخودور.

آریو جواب وئردی:
- بیر شئی دییشیلن زامان آدامی قورخودار. من قورخاندا آستا نفس چکیرم، آغزیمدان اوت چیخیر.

بیر اوت توپو آریونون آغزیندان چیخدی.

آریو سارا و سلیم‌دن سوروشدو:
-سیز قورخاندا نه ائدرسیز؟


آردی وار
https://t.me/Adabiyyatsevanlar

اوشاق ادبیاتی
کارتون:«گویچک فاطما»

اوشاق ادبیاتی هر هفته پنجشنبه گونو ادبیات سئونلر کانالیندا .
اوشاق ادبیاتینا دایر یازیلارینیزی بیزه گوندرین .

https://t.me/Adabiyyatsevanlar

اوشاق ادبیاتی

اولدوزلا قارغالار
یازار:« صمد بهرنگی»
چئویرن:« منیژه جم‌نژاد»

اون سگیزینجی بولوم:
👫 اولدوزون یول یولداشی

بیرگون یاشارلا اولدوز یون اییریردیلر. اولدوز باشین قووزاییب یاشاری گوردو کی سس‌سیز و حرکت‌سیز دوروب اونا باخیر. دئدی: نیه بئله باخیرسان یاشار؟ یاشار دئدی: دو٘شونوردوم. اولدوز دئدی: نه دو٘شونورسن؟ یاشار دئدی: ای.. بئله‌سی. اولدوز دئدی: منه گرک دئیه‌سن. یاشار دئدی: یاخجی دئیه‌رم. دوشونوردوم کی سن بوردان گئده‌رسن من تک‌لیقدان دیغلارام. اولدوز دئدی: منده دونن دوشونوردوم کئشگه ایکیمیز بیرلیکده یولا چیخایدیق. تک، یولچولوغون دادی یوخدو. یاشار دئدی: ائله ده سنینله گلمه‌ییمی ایستیرسن؟ اولدوز دئدی: اوره‌ییمین تکیندن ایستیرم. بویوک ننه‌یه دئمه‌میز گرکیر. یاشار دئدی: من اؤزوم دئیه‌رم. گلن گون بویوک‌ننه گلدی. یاشار دئدی: بویوک‌ننه منده اولدوزلا سیزین یانینیزا گله بیلرم؟ بویوک‌ننه دئدی: گله‌بیلرسن، آما آنانا اوره‌یین یانماز؟ او کی پیس ننه دئییل قویوب قاچاسان. یاشار دئدی: بونو دا فیکیرلشمیشم. بیرگون قاباق اونا دئیه‌رم.
بو یازینین آردینی ادبیات سئونلر کانالیندا اوخویون.

https://t.me/Adabiyyatsevanlar

اوشاق ادبیاتی

اولدوزلا قارغالار
یازار:« صمد بهرنگی»
چئویرن:« منیژه جم‌نژاد»

اون سگیزینجی بولوم:
👫 اولدوزون یول یولداشی

بیرگون یاشارلا اولدوز یون اییریردیلر. اولدوز باشین قووزاییب یاشاری گوردو کی سس‌سیز و حرکت‌سیز دوروب اونا باخیر. دئدی: نیه بئله باخیرسان یاشار؟ یاشار دئدی: دو٘شونوردوم. اولدوز دئدی: نه دو٘شونورسن؟ یاشار دئدی: ای.. بئله‌سی. اولدوز دئدی: منه گرک دئیه‌سن. یاشار دئدی: یاخجی دئیه‌رم. دوشونوردوم کی سن بوردان گئده‌رسن من تک‌لیقدان دیغلارام. اولدوز دئدی: منده دونن دوشونوردوم کئشگه ایکیمیز بیرلیکده یولا چیخایدیق. تک، یولچولوغون دادی یوخدو. یاشار دئدی: ائله ده سنینله گلمه‌ییمی ایستیرسن؟ اولدوز دئدی: اوره‌ییمین تکیندن ایستیرم. بویوک ننه‌یه دئمه‌میز گرکیر. یاشار دئدی: من اؤزوم دئیه‌رم. گلن گون بویوک‌ننه گلدی. یاشار دئدی: بویوک‌ننه منده اولدوزلا سیزین یانینیزا گله بیلرم؟ بویوک‌ننه دئدی: گله‌بیلرسن، آما آنانا اوره‌یین یانماز؟ او کی پیس ننه دئییل قویوب قاچاسان. یاشار دئدی: بونو دا فیکیرلشمیشم. بیرگون قاباق اونا دئیه‌رم. بویوک ننه دئدی: راضی‌لاشسا عئیبی یوخدو، سنی ده آپاراریق. اولدوز‌لا یاشار شووقا گلیب و یئیین ایشه باشلادیلار.

🐟 بالیق اوغرولاری، یو٘ن اوغرولاری
📖 فایداسیز دوعالار

یاشار سیناولارینی کئچیردی. کارنامه‌سینی ائوه گتیرن گون دده‌سینه ده بیر کاغاذ یازدی. اولدوز‌لا یاشار چوخو بیرلیکده‌یدیلر. اؤگئی‌ننه آز اینجیدیردی. دو٘زو، اولدوزو گوزونون قاباغیندا ایسته‌میردی. داهاسی دا همشه قارغالاردان بونالیردی. قارغالار چوخ گئت گل ائدیب اونو اوشه‌ندیریردیلر، باشینا بیر شئی گلمه‌سیندن قورخوردو. بابا دا راحاتسیز ایدی. خصوصن کی بیرگون حووض باشینا گئدیب، گوردو بالیقلار یوخدولار. قارغا‌خانیم‌ لا قارداشی ایکی بالیق یئمیشدیلر. بیرینی ده بویوک ننه، باشقالارینی دا اوبیری قارغالار. اؤگئی‌ننه‌یله بابا بیر یئرده قارغا گورنده داش آتیب یامان دئییردیلر. بیرگون بابا کیشمیش آلیب گتیرمیشدیر، اؤگئی‌ننه سیرکه قویسون دئیه. اؤگئی‌ننه کوپو گوتوروب داما آپاردی. داشلاری اویان بویان ائدنده چوخلو یون چیخدی. یونلری آپاریب ارینه گوستریب دئدی: گورورسن؟ بیزدن یئرلر بیزی اله سالیبلار. هله ده بیزدن ال چکمه‌ییبلر. بولاری کیم داشلارین آراسینا ییغیب؟ بابا دئدی: گرک قاباقلارینی آلاق. اؤگئی ننه دئدی: صاباح دوعایازانا گئده‌رم، یاخجی بیر دوعا آلارام کی بیزدن یئرلری قورخودوب قاچیرتسین. صاباح اولدوز یاشاری گوردو. اولارین سوزلرینی اونا دئدی: یاشار گولوب دئدی: یونلری گرک اوغورلایاق. یوخسا ایشیمیز نئچه گون دالی دوشر. اولدوز یونلری گوتوردو. گتیریب ایتین بوش یوواسینا قویدولار. یاشار گؤردو یئتَرینجه یون ییغیشیب. قارغالارا خبر وئردیلر داها یون گتیرمه‌سینلر. اؤگئی‌ننه دوعایازانین یانینا گئدیب یاخجی بیر دوعا آلدی. آما یونلرین اوغورلانماسینی گوردوکده قورخوسو داها دا چوخالدی.

https://t.me/Adabiyyatsevanlar

اوشاق ادبیاتی
بو اوزبک بالاسین آناسی خاننده دوغوب.

اوشاق ادبیاتی هر هفته پنجشنبه گونو ادبیات سئونلر کانالیندا .
اوشاق ادبیاتینا دایر یازیلارینیزی بیزه گوندرین .

https://t.me/Adabiyyatsevanlar

اوشاق ادبیاتی

ناغیل
سس:« آراز پیوندی»

https://t.me/Adabiyyatsevanlar

اوشاق ادبیاتی

ناغیل
سس:« تایماز پیوندی»

https://t.me/Adabiyyatsevanlar

اوشاق ادبیاتی

اوشاقلار اوچون بیر کیچیک نمایشنامه

سئحیرلی صابین

(محمد عابدین پور)

اویونچولار: 1- قوجاننه، 2- آلا قارقا، 3-قارا قارقا
یئر: قوجا ننه‌نین بالاجا ائوینین بالاجا حیطی
چاغ: یای، ایکیندی چاغی

آلا قارقا ایله قارا قارقا دوواردا اوتوروبلار. قوجا ننه چَلیینی یئره باسا-باسا حیطین اورتاسیندا اولان حووضون باشینا گلیر. الینده‌کی صابینی حووضون قیراغینا قویور. بالاجا کردیسینده آلاق چیخاردیر. قارقالار گلیب صابینی گؤتوروب گئدیرلر یئرلرینه. قوجا ننه‌نین ال‌لری باتیبدی. زیغلی اولوبدو. گلیر اللرینی یوسون، گؤرور صابین یوخدو. اویانا باخیر، بو یانا باخیر قارقالاری دووارین اوستونده گؤرور.
قوجا ننه:
-قارقالار آ قارقالار
صابینیمی وئرین منیم
چوخ کیفیردی اللریم
(اللرینی اونلار گؤرسه دیر.)
قارقالار سایمیرلار. بیر-بیرلرینه باخیب هیریلدیرلار، قیریلدیرلار. قوجا ننه اوزونو قارا قارقایا توتوراق دئییر:
-قارقا آ قارقا
قارا قارقا
صابینیمی وئر گینن
اللریم بولاشیب
قابلامام داشیر
قارا قارقا:
-قار، قار
قار، قار
صابین؟ نه صابین؟ هانسی صابین؟
صابینین منده دئییل
آلا قارقادادیر
قوجا ننه اوزونو آلا قارقایا توتاراق دئییر:
-قارقا آ قارقا
آلا قارقا
صابینمی وئر منیم
باخ! زیغلیدی اللریم.
آلا قارقا قانادلارینی چالاپ-چالاپ چیرپیر دئییر:
-قار، قار
قار، قار
صابین؟ نه صابین؟ هانسی صابین؟
صابینین منده دئییل
قارا قارقادادیر.
قوجا ننه بیر داها اوزونو قارقالارا توتوب بئله دئییر:
-قارقا آ قارقا
قارا قارقا آلا قارقا
بوکولوب بئلیم
تیتره‌ییر دیزیم
اسیر اللریم
نه پولوم وار، نه چولوم
هم آهیلام، هم ده کاسیب
منی اینجیتمه‌یین
صابینی وئرین گؤروم!
آلا قارقا:
-قار، قار
منه نه یوخدو پولون
قارا قارقا:
-قار، قار
منه نه یوخدو چولون
قوجا ننه:
-قارقالار آ قارقالار
آپارین صابین سیزین
واریم آنجاق بیر سؤزوم
او سئحیرلی بیر صابین
سالسانیز اونو سویا
سو بوتون پنیر اولار
یئیرسیز دویا دویا.
قوجا ننه چَلیینی باسا- باسا اوردان گئدیر. ائوین ایچریسیندن پنجره‌نین یانیندان، پرده‌نین قیراغیندان قارقالاری گودور.
قارقالار دووارین اوستوندن بویلانیرلار. او یانا باخیرلار، بو یانا باخیرلار، اورتالیغی خلوت گؤروب، حووضون باشینا گلیرلر. نئچه دؤر فیرلاندیقدان سونرا، حووضون قیراغیندا اوتوروب، سئحیرلی صابینی سویا سالیرلار. گؤزلرینی سویا تیکیرلر. ها گؤزل‌ییرلر، هو گؤزله‌ییرلر، پنیر- منیر گؤرنمیرلر. قوجا ننه چلیینی توولایا- توولایا گلیر. قارقالار هره‌سی بیر یانا قاچیر. قوجا ننه سودان سئحیرلی صابینی گؤتوروب گوله- گوله گئدیر.

قایناق: بئش داش

https://t.me/Adabiyyatsevanlar

اوشاق ادبیاتی
لایلالار
سس:«فاطمه محمودی»

اوشاق ادبیاتی هر هفته پنجشنبه گونو ادبیات سئونلر کانالیندا .
اوشاق ادبیاتینا دایر یازیلارینیزی بیزه گوندرین .

https://t.me/Adabiyyatsevanlar

اوشاق ادبیاتی
«اصیلا فولاد زاده»
۴ یاشین دا اردبیل دن
پيشميش كيمي شعرين ده گرك داد دوزو اولسون
كند اهلي بيليرلر كی دوشاب‌سيز خشيل اولماز
سؤزلر ده جواهر كيمي‌دير‌، اصلي بدلدن
تشخيص وئرن اولسا بو قدر زير زيبيل اولماز
شاعر اولا بيلمزسن آنان دوغماسا شاعر
میس‌سن آبالام هر ساری كؤينك قيزيل اولماز
#اوستاد_شهریار

قایناق: اوشاق ماهنیلاری

https://t.me/Adabiyyatsevanlar

سن و من
بو کیچیجیک سؤزو سن دئسن منه بیر دفعه
قوووشوم سنه بیر دفعه
بو حیاتیم بیته من یئنیدن سنین اولماغا
گلرم یئنه بیر دفعه
بونو قلبیم دئییر ، قوووشماق ایسته ییر
او سنسیز تیتیره ییر بو حسرتدن
اونو سن گؤرمه دین ، چاغیردیم گلمه دین
منه پای وئرمه دین محبتدن
سن تمیز حیسلرین قنیمی
یادا سئوگی بسله میسن ، منه دردی ساخلامیسان
آما من سنی غملی نغمه کیمی
اورییمده دینله میشم ، گئجه – گوندوز آغلامیشام

https://t.me/Adabiyyatsevanlar

شعیر دئییل می...
حسین عاریف

https://t.me/Adabiyyatsevanlar

«همت شهبازی»
«منه چیچک گتیرین ،
دونیانین بوتون چیچک‌لرینی بورایا گتیرین»
(کندلی‌لر معلمی #شفیق_سینیغ‌ین سون سؤزلری)

#شعر:«جیحون آتوف قانسو»( 1978 – 1919 )

اویغونلاشدیردی:«همت شهبازی»

دونیانین بوتون چیچک‌لرینی دئییرم
بوتون چیچک‌لری گتیرین بورایا
اؤیرنجی‌لریمی گتیرین، گتیرین بورایا
قایا دیبلرینده آچمیش چیغ‌لارا(1) بنزه‌ییر
بوتون کند اوشاقلارینی گتیرین بورایا
سون بیر درس وئره‌جه‌یم اونلارا
سون شرقیمی سؤیله‌یه‌جه‌یم
گتیرین، گتیرین... و سونرا اؤله‌جه‌یم

دونیانین بوتون چیچک‌لرینی دئییرم
دوز و داغ چیچک‌لرینی ایسته‌ییرم
کدرلری منه بنزه‌ین
یالنیزلیقدا آچارلار، کیمسه تانیماز اونلاری
گئنیش اووالاردا ایتیر قوخولاری
یوردومون سئوگیلی و آدسیز چیچک‌لری
هامینیزی، هامینیزی ایسته‌ییرم، گلین گؤرون منی

دونیانین بوتون چیچک‌لرینی دئییرم
افیون اوواسیندا آچان خاشخاش چیچک‌لرینی
باجیمین سولادیغی رئیحانلاری
کند چیچک‌لری‌نین هامیسینی، هامیسینی
حیط‌لرین چهرایی اوزون ختمی گولونو
چوبان یاسدغینی‌، پیغمبر چیچه‌یینی ده ( 2) اونوتمایین
آمان ایسپارتا گوللرینی ده اونوتمایین
هامیسینی، هامیسینی بیر آندا قوخلاماق ایسته‌ییرم
گتیرین، دونیانین بوتون چیچک‌لرینی ایسته‌ییرم

دونیانین بوتون چیچک‌لرینی دئییرم
من کند معلمی‌یم، بیر باغبانام
من بیر باغچا سولاییردیم، کؤنلومدن
کیمسه بیلمز ، کیمسه آنلاماز دیلیمدن
نه گوللر فیشقیریر چیینیمدن
قان‌دیر، حیات‌دیر، امک‌دیر منیم گوللریم
قورخمادیم، قورخماییرام اؤلومدن
سیز چیچک گتیرین یالنیز، چیچک گتیرین...
...

کند اوکول‌لاریندا(3) آچان، گیزلی و سس‌سیز
او باخیمسیز، آما قوخوسو میثیل‌سیز چیچک
کیمسه تانیمایاجاق، سنی منی کیمسه تانیمایاجاق
سنی منی یالنیزلیق باسدیراجاق، یالنیزلیق باسدیراجاق

دونیانین بوتون چیچک‌لرینی دئییرم
من قبیرسیز یاشاماغی دیله‌ییرم
اؤلمه‌مک ایسته‌ییرم، یاشاماق ایسته‌ییرم
یئتیشدیردییم باغچا یاریدا قالماسین
داغیلماسین، پریشان اولماسین
منی تانیسا، تانیسا چیچک‌لر تانییار، دوستلاریم
نئچون یاشادیغیمی من اونلارا سؤیله‌دیم
چیچک‌لرده آچار منیم گیزلی آرزولاریم

دونیانین بوتون چیچک‌لرینی دئییرم
اوکولون دوواری چؤکدو آلتیندا قالدیم
آما من دونیا اوستونده‌یم، تورپاق اوزرینده
درد چکدیم، یالنیز قالدیم، آما یاشادیم
بیلیر بونو باغچالار، قایالار، کندلر بیلیر
ایندی سوسدوم، اؤرتون منی، یاتیرین بورایا
دونیانین بوتون چیچک‌لرینی گتیرین بورایا


1) بهمن ، اوچقون قار توپلومو
2) بیر نوع چیچک آدی دیر : بوغدایی چیچک ، قنطریون
3 ) مکتب ، مدرسه

قایناق: دوشرگه


https://t.me/Adabiyyatsevanlar

کریم قربانزاده

باشقا هاوالارا آیاغیم گلمیر
یالنیز
سنین هاوانلا
اوره گیم گوپ گوپ دویونمکده دیر.

https://t.me/Adabiyyatsevanlar

«حسین رزمی»
بیر سؤیود دالی دیر منیم بایاتیم
ساری کؤینه یینین جهجه هین گؤزلر
قومرال گؤزلرینین قومرولاری نین یووا قورماغین
اوره ییمین وورماغین
نفسیمین دورماغین.

تیتیم _ تیتیم تیتره مک ایستر
سنین دیلینده
اسیم _اسیم اسمک ایستر
سنین الینده
بو سالخیم سؤیود.

«ساری آشیق » کیمی یاخشی درد ایستر
قورآن درسینده
قویلانماق ایستر قیبله ترسینده.
ساری یارپاقلا أییلمک ایستر
تئلینه ساری
بو گئجه یاری
منیم بایاتیم
قویماییر یاتیم.

https://t.me/Adabiyyatsevanlar

آلکسی دو توکویل

"تنها آزادی است که می تواند اعضای یک اجتماع را از انزوا درآورد، انزوایی که در آن، یک فرد فقط سرگرم امور شخصی خویش است وبه دیگران کاری ندارد؛ این آزادی است که انسان ها را به تماس با یکدیگر وا می دارد و بدانها احساس عضویت فعالانه در اجتماع می بخشد.

تنها آزادی است که میتواند اذهان«انسان ها» را به فراسوی مال پرستی محض ونگرانی های تنگ نظرانه شخصی که در مسیر زندگی روزانه پیوسته مطرح میشوند، راه برد. تنها آزادی است که در برخی لحظات بحرانی، آرمان والاتر و نیرومند تری را جایگزین عشق انسان ها به رفاه مادی میسازد و هدفهای دیگری به جز ثروتمند شدن را به پیش می کشد و پرتوی می افشاند که همگان تحت آن می توانند تباهی ها و شایستگی های راستین شان را ببینند و بسنجند".


https://t.me/Adabiyyatsevanlar

زیبا میراحمدی (گونش)

بیر آزغی یوخوندا
یاسدیغیم اینانمیر سندن داها
آسیلی گوزلریم
کپنه یینین آچیشقالانماسینا قیسیرقالی
بیلیر میسن کی یوبانسان دا
چیچک گولوشلریمی قونچا ساخلایاجام،
مئیوه لریمی کال؟
گوزلریم سییریر
ناپ ناشی دوغال اوی اوی اویونلارینی
بونلارا ایپک یول سال....
قار دوشر آرخامیزدا سورونن
سارماشیق ایزلره
https://t.me/Adabiyyatsevanlar

«باش ساغلیغی»
«ارک» نشریاتی‌نین مودورو وفات ائتدی.

یاییلان خبرلر اساسیندا، تاسفله تبریزین قدیم «ارک» کیتاب ماغازاسی و «ارک انتشاراتی»‌نین مدیری سعید ملازاده دی آیی‌نین 25نجی گونو گؤزلنیلمه‌دن وفات ائتمیشدیر.
ادبیات سئونلر بو ادبیات، مدنیت خادیمینین واخت سیز-وعده سیز بیزدن آیریلماسینی سایین ملازاده عاییله سینه، بوتون نشر وکیتاب ساتیشی ایله مشغول اولان دوستلارا باش ساغلیغی وئریر.
ادبیات سئونلر: 1399/10126

https://t.me/Adabiyyatsevanlar

«ارک» نشریاتی‌نین مدیری وفات ائتدی

یاییلان خبرلر اساسیندا، تاسفله تبریزین قدیم «ارک» کیتاب ماغازاسی و «ارک انتشاراتی»‌نین مدیری سعید ملازاده دی آیی‌نین 25نجی گونو گؤزلنیلمه‌دن وفات ائتمیشدیر. آتاسی‌نین وفاتیندان سونرا بو قدیمی انتشاراتین مدیرلیگینی اؤز اوزه‌رینه گؤتورن سعید ملازاده  قدیم آذربایجان ژورنالیستلریندن اولان آتاسی حمید ملازاده‌نین‌نین «سیری در کوچه‌های خاطرات: تبریز از شهریور 1320 تا انقلاب اسلامی» عنوانلی کیتابینی نشر ائتمیشدیر.
«ایشیق» – آذربایجان ادبیات و اینجه صنعت سایتی امکداشلاری آدیندان بو ایتگینی حؤرمتلی ملازاده عائله‌لرینه، آذربایجان مدنیتی ساحه‌سینده چالیشانلارا و بو صنعت ایشچیسی‌نین دوست تانیشلارینا باش ساغلیغی وئریر و خاطره‌سینی عزیزله‌ییریک.

قایناق:«ایشیق» – آذربایجان ادبیات و اینجه صنعت سایتی 1399/10/26

https://t.me/Adabiyyatsevanlar

«عاطفه معصومی»

آسمان را گُم کرده‌ام

به دنبال یک تکه‌ی آبی؛
زمین را جست‌وجو می‌کنم


دفترم را باز می‌کنم؛
مشقِ آسمان را می‌نویسم...

https://t.me/Adabiyyatsevanlar