ایکینجی صایفادا👇
اونلارین اوریی
تعجبلندیره جک بیر شئییلر ایسته ییر.
تصوور(صور خیال) تانیش اولدوقدا، مخاطب آرتیق اونونلا مشغول اولمایاجاق.(چون گؤروب و بیله جکدیر تکرار بیر تصویر دیر) و ذهنینه، فیکرینه میدان وئریلمه یه جکدیر.
لازیمدی درین فیکره دالیب بیر جور اؤزوموزدن فیکیر خرجه وئریب بیر درین معنالی و شکیللی و ایمگه لی و گوزل و هئچ شاعیر ایشلتمه ین اعلا درجه لی شعر یارادیب و مخاطبلریمیزه یام یاشیلجاسینا پای وئرک.
اگر بئله یاراتماساق شعریمیز تقلید و تکرارلی اولوب و اوخویاندا بئله دوشونه جکدیرکی بو شعری سانکی مین ایکی یوز دفه اوخوموشام.
بیزیم بو تای آزربایجاندا چوخ آز خبریمیز وار، بئله بدیعی شکیلده یازیب یارادانمیز اولسون.(وار آمما چوووووووخ آزدیر) .
آمما فارس ادبییاتیندا سایین (حسین منزوی) بیزیم تورک دیللی شاعیریمیز کلاسیک یئنی غزللرینده بو کیلیشه نی سیندیردی و آرتیق فارسجا آزاد و پوست مودرن چاغداش شعرینده سایین شاعیر خانیم ( پگاه احمدی و علی عرفانی، روزا جمالی، علی عبدالرضایی و علی فتحی مقدم و...) کلیشه لری پوزوب سینیدراراق، یئنی بیر اوسلوبا ال تاپدیلار.

شعرده اوبرازلارین(تصویرلرین) استیفاده سی:
شعرین دیلی منیم ایچین ان جاذبه دار و جاذیبه لی مقاملاردان بیریده تصویر یاراتماقدیر.
دوشونجه مده سئودیگیمین دوداقلاریندا بیر انسانی اؤلدوروب قانلارینی دوداقلارینا چکیم. و یا گؤزل دوزنگاهلاردا گزه بیلیم، دآغلاردا طراوتلندیریجی سولاردان ایچیم، و بوتون وارلیقیملا چیچکلرین عطرینی چکه بیلیم قوخولاییم و آغاجلارین یارپاقلارینا توخوناراق حیات حیسی ایله یاشایاجاغیمی بیلدیریم.
ادبییاتدا و خصوصنده شعرده بیر اوبرازدان دانیشارکن گؤزلریمیزله گؤردوکلریمیزدن و یا باشقا حیسلرله قاورادیقیمیز شئیلردن آیری بیر شئی نظرده توتولور.
شاعیرلر شعرلرینی جانلاندیرماق ایچین مختلیف اوبرازلاردان ایستفاده ائدیرلر.
زامان، مکان و ایفاده ایله مخاطبلری جلب ائتمک ایچین اموسیونال بیر تجروبه یارادیرلار.
بیر شکیل یاراتماق دویغولاری الهاملاندیرا و حیسلری اویالدیب و تحریک ائده بیله.
او شعرلرکی حقیقتن ایمگه و تصویر بارلیدیرلار چوخلو ذهنیتده و فیکیرلرده قالاندی و اونلارین اوخوماقی داها لذتلی و جانا سینرلی گؤرونور اوخوجودا.
شاعیر، اوبرازی یاراتماق ایچین سئچمه لیدیر. سؤزلرى، ریتمی، و موسیقینی ائله سئچه بیله کی، مومکون اولان ان یاخشی اوبرازی مخاطبلرین فیکرینده حک ائده بیلسین
و هامیسیندان آرتیق کلمه لری تانیمالیدیر.
بو دئدییم واریانتلار شعرده اوبراز یاراتماقینین اساسلیقی و تملی حسابا گلیر.

بو شعرده نمونه یه باخین:

گونشین اویناغان ساچلاری
دویغو داملا لاریمدا
آغاجین سرینله دیجی یارپاقلاری
آراسیندان
هوپور بوتون وارلیغیما
سیجاق بیر اتمسفرده
بوکولور بدنیم
سوزولور خیاللاریم...
شاعر بورادا ماهیرجه سینه گونشین قیزیل و اویناغا گلن ساچلارینی ائله ترنم ائدیرکی سانکی هر تئلینی بیر داملا سانیر آغاجین سرین سردیجی یاپراقلار آراسیندا. بو، یعنی تصویر، و اوبراز. کی هر شاعیر تاسسوفله بو گوجه مالیک دئییل.
و یا بیر یئرده دئییر:
اوشویورم
وارلیغیمین بوتون صحفه‌سینه جیزیق چکیلیر
یانیر گوودم سیجاق سویوقلوغوندان
یادیما دوشور دردلرین اوستومه چکیلن حریر پارچالاری.
همچنین شعرین بعضی یئرلرینده عزیز شاعیر ضدییت آرایه سیندن سؤز آچیر و عینی حالدا، اود توتوب یانیر سویوقلوغوندان.
آمما... شعرین هر نه ییندن دانیشساقدا، گورک شعرین دیلی نه واخیم سؤيله ییر آرتیق.
منجه شعرین دیلینده یالنیز آخساقلیق وار و بو منده بیر یاندیریجی (کااااش) یارادارکن دئییرم بو درین دوشونجه لی شاعیرین دیلی نئیه گرک اورژینال اولماسین. نه بو شاعیرین بلکه بیزیم آزربایجان تورک ادبییاتیندا چالیشان و یازیب یارادان شاعیرلرین قورخورام دئییم هامیسینین آمما چووووخونون دیلینده بیر عمومیلیک وار. و بو منی داها اینجیک سالیر. اوووف...
دیل شعرین ایستیقلالیدیر. شاعرین
دیره گی دیر. و شعر، دیلده یئنیلیک آختاریب تاپیر.
شاعیر ایچین اوغورلار آرزومدیر.

سایغیلارلا:

https://t.me/Adabiyyatsevanlar

قیسا حیکایه
شاپالاق
حاضیرلایان:« ویدا حشمتی»


بیر گون پادیشاه تخت‌ینده اوتورموش، باغلارا، چیچکلره-بؤجکلره باخیردی. داریخدیغیندان نه ائتدییینی بیلمه‌ییردی. وزیری حضورونا چاغیریر.
وزیر تئز حاضیر اولوب دئییر:
- بویورون قبله‌ی عالم، ائی پادشاهلارین ان عدالتلی‌سی. امر بویورون بوتون مخلوقات خدمتیزده اولسون‌‌....
پادیشاه بوخاغینی ساللاییب، یاغلی-عطیرلی ساققالینا ال چکیب، آیاغا قالخیر. دئییر:
چوخ داریخمیشام ائی وزیر. نه بیر سس وار نه بیر صدا! بیزیم بو جماعت کئف ایچینده جبه-غلطان‌ وورورلار. یئییب، ایچیب، کئفه باخیرلار. قویون کیمی وئر یئسینلر، اؤرت یاتسینلار. آی بالا به بونلارین هئچ کمی-کسری اولماز!؟....
وزیرین گؤزلری تپه‌سینه قالخیر، اؤز-اؤزونه دئییر گؤره‌سن بو ظالیم پادیشاه، یازیق جماعته گئنه نه نقشه چکیبدیر؟
تعظیم ائدیب، دئییر:
-قیبله‌ی عالم ساغ اولسونلار. بو قویونلارین هامیسی سیزین بیر دیرناغیزا قوربان اولسون. سیزین کؤلگه‌نیزده کیم‌دیر کی قویون اولماسین؟ سیزین عدالتیزدن هئچ کسین شوبهه‌سی یوخدور. قوربان اولوم جماعتین کئفی ساز، داماغی چاغدیر. اونا گؤره سس‌سیز کئچینیب، گئدیرلر. روزولاری بول، قارینلاری توخدو.
پادیشاه دئییر:
- هه اؤزوم بیلیرم جماعتی ناز-نعمتده ساخلاماغین دا عاقبتی بو اولار. من ایندی چوخ داریخمیشام. سنه امر ائدیرم بیر ایش گؤر کی، بو جماعتین سسی چیخسین....
وزیرین اوره‌یی گومبولداماغا باشلاییر. الی-آیاغی بیر-بیرینه دولاشیر:
- به پادیشاهیم آغریماز باشیمیزا نه دن دسمال باغلایاق. ایزین وئرین جماعت ایشینده اولسون. ایراق جانیمیزدان، نییه اونلاری قوشقوردوسوز قوربان اولوم.
پادیشاه دئییر، اولماز کی اولماز. بیر ایش گؤر جماعت جوشسون، سسی چیخسین.

وزیر پادیشاهین حضوروندا ایکی قات اولوب، دالی-دالی چکیلیردی کی قباسی آیاغینین آلتیندا قالیب ییخیلیر. شاه گولوب دئییر:
-ائی وزیر... بیر ایشی ده دوزگون گؤر گؤرک!

وزیر گلیب بیراز دوشونور. چیخیب، دوکان-بازاری دولانیر. بازارین گیریشینده بیر دروازا وار ایدی. تئز عاغلینا بیر شئی گلیر. سارایا قاییدیب جارچیلارا دئییر:
- گئدین شهرین دؤرد بیر یانینا جار چکین کی بو گوندن سونرا هر کس بو دروازادان کئچرسه، هم گیریشده هم چیخیشدا پئیسریندن بیر شاپالاق یئیه‌جک.
سونرا دروازانین بیر ساغینا -بیر ده سولونا ایکی قاراوول قویور کی کئچنلرین پئیسرینه سالسین.
پادیشاهین حضورونا قاییدیب، دئییر:
-قیبله‌ی عالم ساغ اولسونلار. جماعتین سسینین چیخماغینا بیر تدبیر ائله‌دیم. ائله الی قولاغیندادیر. بوساعات بیر خبر گله‌جک.
سونرا ائتدییی تدبیری پادیشاها آنلادیب، خالفین تپگی‌سینی گؤزله‌ییرلر.

بیر اوندا خبر گلیر کی جماعت بازارین دروازاسینین اؤنونده ییغیشیب، های-کوی سالیبلار.
پادیشاه وزیری گؤنده‌ریر کی گئدیب یاخیندان خبر گتیرسین.
وزیر بازارا چاتاندا، غضبله‌نمیش جماعتی گؤرور. دئییر:
- نه اولوبدو؟ نه دن ییغیشیبسیز؟ یوخسا قیبله‌ی عالمه عصیان فیکرینده‌سیز؟
جماعتین ایچیندن بیری قاباغا گلیب، دئییر:
-ائی وزیر! بیزیم قیبله‌ی عالم‌له ایشیمیز یوخدو. آنجاق بو دروازاداکی قاراووللاری چوخالدین. تئز-تئز خالقین پئیسرینه وورسونلار، چیخیب، گئدک. ایشیمیز-گوجوموز وار. آللاها خوش گئتمر بیر شاپالاق اوچون، بیر ساعات نؤبه‌یه دوروروق.

https://t.me/Adabiyyatsevanlar

✅✅✅ بو حیکایه نی تنقیده قویموشوق تنقید ائدن دوسلاردان مینت دار اولا جاغیق
تنقیدلری کانالدا نشر ائده جه ییک.

کریم قربانزاده
منیم قیچلاریم...

قیچ لاریمین عذابی آز قالیردی منی اولدورسون ائله بیل اره نی قویموشدون اوستونه کسیردین درد امانیمی کسمیشدی یوخودان اویناندیم ،
آزقالیردی باغریم چاتلاسین، قورخا ، قورخا
یئریمده دیکلندیم گوزلریمه اینانمیردیم اوچ دورد دفه اللریمی قیچ لاریما چکدیم اینانیلماز بیر حادثه اوز وئرمیشدیر، دیزدن آشاغی قیچلاریم، آیاقلاریم یوخ اولموشدولار مات قالمیشدیم، بیری ایکی دفه یورقانیمی قووزادیم یورقانیمین آلتینا یئریمین یان یوره سینه باخدیم قیچ لاریم سو اولوب گئتمیشدیلریئره، گورسن بو نه ایش دیر؟ بیلمیردیم نه ائله‎مه‎لی‎یم. آیاغا دورماغاقادیر دئیلدیم .
باشلادیم سورونه-سورنه اوتاغین هریانین آختارماغا یاتاق اوتاغینین اویان بویانینا باخدیم ایستدیم سورونه- سورنه گئدم اوبیری اوتاقلارا باخام الیم یاتاق اوتاغینین دستگیره سینه چاتمیردی نئچه دفه دیک لندیم الیمی آتدیم قاپینی آچام هرنه ائله دیم قاپینی آچا بیلمدیم آغلاماق دوتموشدو ، سورونه سورونه پنجرنین قاباغینا گئتدیم توز سورانا دسته سین اوستوندن آیردیم قاپیا طرف قایتدیم توز سورانین دسته سیله قاپینی آچدیم سورونه سورونه باشلادیم اوبیری اوتاقلاری گزمه یه پالتارکومدلارینی بیربَه‎بیر گزدیم . اوست ایشقابلارا بویوم چاتمیردی ، آشخانادا بوتون قاب-قاجاغین ایچین آرادیم، حامام-توالتیه هریانینا دؤنه-دؤنه باخدیم آیاقلاریم یوخویدولار،
گوز یاشلاریم یاندیرا یاندیرا یاناقلاریمدان آخیردیلار ایلاهی گؤره‎سن باشیما نه داش سالیم؟ آخی بیردن بیره منیم آیاقلاریمین باشینا نه اویون گلدی؟ سورونمکدن قولاریمین دیرسکلری سییریلمیشدی.
پولیسه زنگ ائله‎دیم دئدیلر: بیزی سارییبسان یا اوزونو؟ آدامیندا آیاقلاری ایتر؟ سورونه-سورونه ائودن ائشییه چیخدیم بیلمیردیم پیلله کانلاردان نجور آشاغا یئنم بیر آز فیکیر لشدندن سونرا اللریمه بیرجوت دم پایی گئیدیم بیراز پیلله لره طرف سورونودو ایسه تدیم ساغ الیمی آتام بیر پیلله آشاغی گوردوم اولاسی دئیل اوزو اوسته سوروشه جاغام گئدم یئره، دیرکلندیم اوتوردوم یئره یانلاریم اوسته گوتو- گوتو پیلله لردن دوشدوم آشاغی سورونه سورونه خیاوانا چیخدیم ماشینلار منی میندیرمیردیلر، قورخوردوم چیخالار اوستومه بیرنفره یالواردیم منه بیر دربست تاکسی توتدو شهری الک-ولک ائله‎دیم بئش آلتی خیاوانی دولاندیم آیاقلاریمدان بیرخبر اولمادی بویوک بیر اداره‎نین قاباغیندان کئچیردیم اوستونده یازمیشدیلار «کولتور و مدنیت اداره‎سی» اؤز-اؤزومه دئدیم : بیلدیر بورا بیر شعیر کیتابی گوندرمیشدیم اولمایا بیردن بیره بو سفئه آیاقلاریمین آغلی آزیب گئدیب سوخولمایا بواداره‎یه ؟ شوفره دئدیم : ساخلا.
اداره‎نین دووارلارینا تیکانلی مفتیل چکمیشدیلر. پولیس توپ توفنگ ایله کولتور و مدنیت اداره‎سی‎نین قاباغیندا دایانمیشدی قاپیدان گیره‎نین بوتون دلیک-دئشیینی گزیردیلر سونرا اداره‎نین آداملاری یئدی آرخادان دؤنه‎نینی سوراندان سونرا کیملیینی آلیردیلار ایچرییه بوراخیردیلار، سورونه - سورونه اوتاقلاری بیربه‎بیر گزدیم، انصافاً بیرنفرده بئکار دئیلدی هامی جئب تلفونویلا اویناماغا مشغول ایدیلار. اویان بو یانا سورونمکدن شیل-کوت اولموشدوم، لاپ یورولموشدوم، بیردن گؤزوم یئکه بیر آسانسورا ساتاشدی، بتر سئویندیم سورونه سورونه آسانسورا طرف گئتدیم بیر از قاباغیندا دایاندیم بیردن آسانسورون قاپیلاری آچیلدی بیرنفر آسانسوردان ائشیه چیخدی تئز سوروندوم ایچریه یاری یولدا باشقا بیرآدامدا میندی دوردونجو قاتین کلیدینی ووردو ، نه سلام نه بیرزاد. ائله بیل ایکی قورو اودون آسانسوردا اوسته گئدیردی، دوردونجو قاتدا من آسانسوردان یئندیم قاباقدان قارا الجکلی بیر خانیم اللرینده ایکی-اوچ کتاب گلیردی. سوردوم باغیشلایین خانیم بوردا کیمسه‎نین بیرزادی ایتسه هارا باشا وورار؟ چیخدیغی اوتاغی گوستردی دئدی: ائله بورا.
قاپینین بویرو آچیق ایدی گیردیم ایچرییه. گوردوم اللی آتمیش دنه باش دوزوبلر ییکه بیر ماسانین اوستونه اوچ دورد نفر الینده قلم باشلاری قارا بویویوردولار سونرا سالیردیلار بیر دستگاهین ایچینه دستگاه هریانین سیلیردی سوپورودو هامیسین بیر بویدا بیر اندازده آتیردی ائشییه اوستلرینه بیر موهور وردولار آغزیلارین باغلایب اتیردیلار قوتولارا باشلارین چسب لیب دوزوردولر ایشقابلارا .بیردن یئکه پر بیر کیشی کی گؤزونده قارا گؤزلویو واردی گوزو منه ساتاشدی، قورخودان آز قالدی ایشییم شالواریما. سوردو: کیمینن ایشینیزوار؟ دیلیم توتار-توتماز دئدیم: والله آیاقلاریمی آرایرام، ائله بیل سهو گلمیشم.

گؤزلوک‎لو اوجا بوی کیشی گنج اولو-وای بیر اوغلانا دئدی: ائله بیل بودا بیزی اله سالیب ها گؤتور قوی ماسانین اوستونه گؤروم، طرف بیر الی ایله یاخامدان اوبیری الی ایله قاییشیمدان

یا پیشدی، دیک گؤتوروب منی اوزاتدی ماسانین اوستونه، گؤزلوک‎لو کیشی دئدی: ائشیتمه‎میسن اوز

ون دیل باشا بلادیر؟ سنین دیلین چوخ اوزوندور، اوزونده چوخ دانشیرسان سنین آیاقلارین دیلی‎نین زوالینا گلیب .اوچ دورد یاندان ال آیاغیمدان یاپیشدیلار آغزیمی زورلان‌آچدیلار دیلیمین بیر آزینی کسدیلر قان سوزه-سوزه قویدولار اوجوما. دئدیلر: گئت جهنّم اول بیرده یئکه - یئکه قیرمیزی -قیرمیزی دانیشما .
دیلیمین آغریسی دده‎می یاندیریردی. آغزیم دولویدو قان لا، منی ماسانین اوستونه قویان اوغلان زنگ ائله دی، اداره‎نین قوروجولارینا دئدی: بوردا بیر دیلی اوزون، یالانچی، آغلی آز چوخ دانیشان آدام وار گلین بو گَده‎نی آتین چوله .
ایکی دقیقه چکمه‎دی، بئش نفر قولچوماق، اوچونون الینده تاپانچا، ایکی‎سی‎نین الینده باتوم اوتاغین قاپیسینی آچدیلار منی تاپدالایا-تاپدالایا گتیردیلر قاپی قاباغینا. بتر سئوینیردیم شانس گتیرمیشدم هله بیر گول‍له یاخماییبلار بئینیمه، کیملییمی آتدیلار اوستومه .
شوفر، قاپیدا یولوموگؤزله‎ییردی. منی گؤرجک بیر انه شوش قیافه توتدو دئدی: اوستو-باشین بوتون توزتور-پاقدی، آغیز-بورنوندا قان، سنی بوجور ماشینا میندیرسم، ماشین دیر بیر-بیرینه. دئدیم: پولو ،پولو نه نه او ... دانیشا بلمیردیم بیرطرفدن آغزیمی اچماق همان قان آچیلیردی دای دیلیمی ده باشا دوشموردولر تاکسینین قاپیسینی توز تورپاق توتموشدو بارماغیملا قاپینین اوستونه یازدیم ، کاغید خودکار وئرمنه قارنی یوغون شوفر گوله گوله دئدی : ایکی ساعاتدی بولو _بولو ائلینجه بونو اوولدن دئده دا شوفر ساری تاکسینین قاپیسین آچدی داشبورتدان خودکار کاغید چیخارتدی وئردی منه.یازدیم پولو نه اولسا وئرم .
آغا شوفر بیره بئش قویدو کرایه‎نین اوستونه، قاباق صندلین اوستونه بیر فیته آچدی یاپیشدی قولاریمین التیندا گوتوردو منی قویدو صندلین اوستونه. ماشین، بیر آز گئدندن سونراشوفر دئدی: حقیقتاً سن چوخ یاخشی اوغلانسان سن گئدندن فیکیرلشیرم گؤرسن سنین آیاقلارین هارا گئده بیلرلر؟ اؤز-اوزومه دئدیم: بیه گئدیبلر مالیه اداره‎سینه؟
یازدیم : یوخ بابا منیم آیاقلاریمین اوردا نه ایشی وار، آل-وئرچی دئییلم، شرکتیم یوخدو؛ بیر آز فیکیرلشندن سونرا اوز اوزومه دئدیم: اولمایا گئدیبلر دده مدن قالان ارث میراث مالیاتین سورسونلار؟ الیم هر یئردن اوزولموشدو شوفره یازدیم : بوزمانده هئچ زادان باش تاپماق اولماز بیه ده گئدیبلر گورسونلر دده مالیما نئچه مالیات یئتیشر .
مالیه ایداره‎سینه یئتیشدیکده، ماشین ساخلادی. شوفره یازدیم : سن بوردا دایان گلیرم. شوفر منی ماشیندان یئره قویدو، سورونه سورونه ایداره نین قاپیسینین قاباغیندا کی
قاپیچی یا طرف گئتدیم شوفردن آلدیغیم کاغید خودکار ایله یازدیم ‎: باغیشلایین بوردان ایچرییه گئدنده بیرجوت 42 نمره‎لی آیاق گؤرمه‎میسینیز؟ قاپیچی بارماغیلا پنجره‎نین شوشه‎ سینی گوستردی.
یازمیشدی: بورا بیلیجیلیک اداره‎سی دئییل، بوردان هئچ نه سورمایین.
اویان-بویانا باخیردیم بیردن گؤزوم دوواردا بیر اعلان تابلوسونا ساتاشدی، یازیلمیشدی: حقیقی آداملار 15-جی قات، حقوقی آداملار 16-جی قاتا بویورسونلار.
سورونه-سورونه اؤزومو آسانسورا یئتیردیم قاپی آچیل جاغین باسا باس دوشدو ایشه لاپ زور زوراکی سوروندوم آسانسورون ایچینه ، اؤزومو اون بئشینجی قاتا یئتیردیم .بویوک بیر سالونا گیردیم، اوّل ماسانین دالیندا اوتوران قارا بوغلو اوغلاندان یازدیم : باغیشلایین بوگون بورا بیرجوت آیاق گلمه‎ییب؟
ائله بیل داشا دئییرسن، طرف هئچ قوزونادا سایمادی، بیر آز اوجادان سوردوم، بغ یش بغ یش قارابوغ بیردن باشین قالخیزدی دئدی: لال کار اؤزونسن، های سالما، ملی کارتینی قوی بورا، اوتور اوردا. نوبتین چاتاندا چاغیررام .
بیر ساعات اوتوردوم طرف جئب تلفونویلا اوینایردی، قول قیچیمین آغریسی، دیلیمین یاراسی آمانیمی کسمیشدی، هله ده آغزیمی آچاندا قان گلیردی لاپ قورخا-قورخا تومانیما قویا-قویا اوزومو بیرده ماسایا ییتیردیم، لاپ یوموشا یازدیم : قاداسی قوربانین اولوم منه بیر جواب وئر- قویوم گئدیم. باشین لاپ زور-زوراکی تنبل اؤردک کیمی ییرغالانا-ییرغالانا قووزادی. گؤزلرین زیلله‎دی گوزلریمه، ائله بیل قویونون تکیندن باخیردی، دئدی: کیشی قیرخ ایلدیر دونیایا گلندن مالیات وئرمه‎ییب سن. بیر ساعات دیر، فقط سنین ایشینی گؤرورم بودا تشکروندور؟ پرینتر ایشه دوشدو، ایکی صفحه کاغاز چاپ اولدو. قارا بوغ بیرده کاغازلاری یوخلاییب، دئدی: آلتین امضالا اونبئش میلیون کارت چک، خوش گلدین!.

قلبیم آز قالیردی یئریندن چیخسین، گؤزلریم ائله قارالمیشدی هیچ یانی گورموردو، قیشقیردیم بابا مه مه... گوردوم اولمور تازدان یازدیم من گلمیشم، آیاقلاریمی آختارام، سن مندن نه مالیاتی ایستیرسن؟
ماسانین دالیندا اوتوران چوخ راحاتجاسینا دئدی: بورا آرپا دره‎سی دئییل، قیشقیرما نه

آیاق بازلیغی دیر؟ قیرخ ایلدیر بیرقیران مالیات وئرمه‎میسن هله قیشقیریرساندا؟ بیرده جینقرین چیخس

ا

اداره‎نین پولیسین چاغیررام.
اداره‎نین پولیسی‎نین آدی گلجک او کسیک پلتک دیلیمده لاپ ایشدن دوشدو . باشلادیم یالوارماغا یازدیم به من نئینه‎ییم، قوربانین اولوم من سندن یالنیز آیاقلاریمی سورودوم. منیم گؤروم وارکی، کفینیم ده اولسون؟ آخی منیم بیرزادیم یوخدو مالیات وئرم .
ماسانین آرخاسیندان قارا بوغ دئدی: بوراگلنلر ائله هامیسی بو سؤزلری دئیرلر. اگر مالیاتینی قبولوغون یوخدو گئت رئیسین یانینا .
کاغازلاری گوتوردوم سورونه-سورونه باشقانین اوتاغینا گیردیم .
رئیس ماساسینین آرخاسیندان دئدی: نه اولوب کیشی نییه قیشقیریرسان؟ ندن آدام کیمی دانیشمیرسان؟ مالیات وئرمه‎یه جانین چیخیر؟ گتیر مالیاتینی وئردا. بیز سندن دولتین حاقیندان سونرا باشقا بیر-زاد ایسته‎ییریک؟ کیشی سن قیرخ ایلدیر چوره‎ک یئییرسن، سو ایچیرسن، چیراق یاندیررسان. هر-زادا مالیات وئریرسن، به بو بدندن بیر بئله ایش چکیب سن، اونون مالیاتی یوخمو؟ گؤروم او کاغازلارینی هانسینی قبول ائله میرسن؟
کاغازلاری باشقانا وئردیم یازدیم : سیز الله باخین منیم یوخ، آیاقلاریما،کسیک دیلیمیه، بوتون مالیات باغلاییب، بیر ده من یوخسول، ایشسیز، پولسوز آدامین بیری‎یم. بیر بئله پولو هاردان وئره بیلرم؟
باشقان دئدی: بوسؤزلر کارا گلمز حکم دیر، مالیاتینی گرک وئرسن. قیرخ ایلدیر تن مالیات وئرمه‎میسن. گئد آللاهینا شوکور ائله هله جریمه‎لرینی حسابلاماییب، اونلاری دا حسابلاساق اوتوز میلیون اولار. یالوار-یاخارا دوشدوم، چوخ یالوارندان سونرا رئیس دئدی: کارتیندا نئچه وار. یازدیم : واللاه اون میلیوندان چوخ یوخومدور. باشقان دئدی: سنه یازیقلیغیم گلیر اوچ بیزیم، یئدی‎سی‎له سنین ایشینی آشیراریق .چاره‎سیزلیک دن قبول ائله‎دیم .
باشقان تنیمه مالیات باغلایان قارابوغ اوغلانی چاغیردی، دئدی: یازیغین بیریسی دیر یئدی میلیون کارت چکین قالان بورجونا دا، ایکی قولاغین دا کسین قویون اوجونا. یاردیم ائله قوی ایشی یوللانسین.
دیل-دوداغیم قوپ-قوری قوروموشدو. یاناقلاریم اود وئریردی. باشقان گؤزلریمین دوز ایچینه باخا-باخا دئدی: سن بیلمیرسن بوتهر سنه چوخ یاخشی اولار. هئچ اولماسا گلن دفه قولاقلارینا، دیلینه مالیات وئرمزسن. بیرده هر سوزه قولاق آسماسان بوزمانه ده هرنقدر ائشیتمه سن بیر اوقدریاخشی دیر.
ایکینی ساینجا اون میلیون کارتیمدان بوشاتدیلار جئب‎لریمی آختاردیلار، قولاقلاریمی کسیب اوجوما قویدولار. قولاقلاریمدان قان سوزه-سوزه سورونه-سورونه چیخدیم ائشییه.
شوفر منی گؤرجک دئدی: آیاقلارینی تاپدین؟ قولاقلاریمی گؤستردیم، آز قالیردی بئینیم پاتلاسین شوفره یازدیم: منی اوشاقلارپارکینا آپار، یاواش-یاواش اویان-بویانا سورونوردوم آیاقلاریمی آختاریردیم، سورونمک‎دن پالتارلاریم جیریلمیشدی، شالواریمین دویمه‎لری قیریلمیشدی، یولدان کئچنلر منه ایری-ایری باخیردیرلار. کؤله، پوتا، قیرمیزی یاناقلی بیر خانیم قاباغیمی کسدی، دئدی: سن هئچ اوتانمیرسان؟ بورا اوشاقلار پارکی دیر شالوارینین دویمه‎لری ندن آچیق دیر؟
به سن دئمیرسن بوردا آرواد-اوشاق وار، گلیب-گئدن وار؟ توف اوزونه با.
بیردن بیر جوت آیاق یئل کیمی کناریمدان کئچدی. ائله بیل دونیانی وئردیلرمنه.
قیشقیردیم: دا دا
مه مه من بو بو . ائله بیل ائشیتمه‎دیلر، یا ائشیتدیلر سایمادیلار. سورونه-سورونه دوشدوم آیاقلاریمین دالینجا. هر یئریمدن قان آخیردی، چوخ یول دالارینجا سورونندن سونرا گؤردوم پارکین قورتاراجاغیندا آیاقلاریم چمن‎لرین اوستونده اوزانمیشدیلار. ائله بیل اونلاردا بتر یورولموشدولار. لاپ زور-زوراکی اؤزومو آیاقلاریما یئتیردیم، سئوینجک آیاقلاریمی برک-برک قوجاقلادیم. آغلایا-آغلایا یازدیم : من سیزه نه پیسلیک ائله‎میشدیم منی ترک ائله‎دینیز؟ باخین گؤرون سیزین یولونوزدا باشیما نه اویونلار گلیب، دیلیمی، قولاقلاریمی، واریو-خومو الدن وئردیم. نییه منه بئله ائله‎دینیز؟
ساغ آیاغیم دئدی:آغا، قیرخ ایلدی سنی سحردن آخشاماجان، اویان-بویانا داشییریق. اولارکی دئیه‎سن، سن بیزه نئیله‎میسن؟ اصلاً بیز جهنم سن اؤزونه نئیله‎یبسن؟ اشی بودونیا پول دونیاسی دیر، هانی بیر چوال سر سفئه سوزدن باشقا نین وار؟

سول آیاغیم دئدی: نه بیر گون اوزون یاشادین نه قویدون بیز بیرگون یاشایاق، اورا گئتمه، بورا گئتمه، اشی بو دونیادا آزادلیق عدالت‌ صولح دونیاسی دیر سن هئچ بیردفه ده برابرلیک دالینجا اولدون؟ بیردن ساغ آیاغیم سوردو: اشی سحردن بیر بئله سورونوبسن بیر نفر سندن سوروب به هانی سنین آیاقلارین؟ قولاقلارینی، دیلینی ندن کسیبلر؟ اشی بیر یئرده‎کی سنین شالوارینین دویمه‎سینه فیکیر وئرن سنین اؤزوندن چوخدور، سن آیاغی، قولاغی، دیلی-باشی نئیلیرسن؟ آخی ها چانجا سول ایاغینین سوزونه باخاجاقسان ؟هاچان بو سوزلردن ال چکه جکسن

عومرونو پول دالیسجیا اولسایدین، پولون اولسایدی کیمین جرعتی واریدی سن له بئله ائله سین؟
سول آیاغیم دئدی: کئشگه

من اوشاقلیقدان سنین آیاغین اولمایایدیم .کئشگه بیر کسین اولایدیم کی بیر نفس آزاد یاشاماغی بیر عؤمور اؤلمه‎ینن دییشمزدی. کیشی دونیا تکجه پول دئییل اینسان اولماق لازیمدیر ، باخ سنین باشینا هرنه اویون گلیب ائله بو ساغ آیاغینین الیندن گلیب .
قوپ-قورو قوروموشدوم، لاپ مات قالمیشدیم، بیلمیردیم آیاقلاریما نه دئییم.

https://t.me/Adabiyyatsevanlar

«سحرخیاوی»
منیم قیچلاریم حکایه سینه تنقید.

سورئال(فرا واقعی) سبکینده بیر حیکایه اوخودوم.
البته بو داستاندا رئالیسم جادویی دامارلاری دا گورسه‌نیر.
بیر کیشی آیاقلارینی ایتیریب و اوزگون بیر حالتده قاپی-قاپی آیاقلارینی گزیر. بو اوزگونلوک داستاندا یاخشی توصیف اولوب.داستان اکتیو و دایانمادان نقل اولونور و اوخوجونو اضطراب و اوره‌ک دویونتوسو ایچینده دالیجا چکیر. یعنی داستاندا تعلیق(گره افکنی) وار.
اوخوجو اوزوندن سوروشور:
گوره‌سن نه اولاجاق؟!
کیشی آیاقلارینی تاپاجاق؟!
نه‌دن آیاقلاری اونو ترک ائدیب؟!
بئله سورغولار اوخوجونو اوزونه چکیر و اونو داستانین اوخوماغینا چکیر.
کیشی بیر شیکیل اوزونو مدنیت اداره‌سینه یئتیریر. اوردا باشلاری یویوب و هامیسینی موهورله‌ییب بیر شکیل ائله‌مک ده گورور. بو سانسورا و استبدادا ایشاره دیر کی اینسانلاردا فرقلی فیکیرلره و اونلارین ایستمه‌دییی و ضیددینه اولماقلارینا دوزمورلر و قالبی فیکیرلر و اوز ایسته‌دیکلرینی هامییا تحمیل ائله‌مک ایسته‌ییرلر.
اوردا کیشی آیاقلارینین نئجه اولدوغونو سوروشارکن اونو دیلی اوزون و آرتیق دانیشان سانیب و دیلینی کسیرلر. بلکه بو دیلی کسمک ده هم باشقا دیللرین یاساق اولماغی دا اولا.
هر حالدا کیشی آیاقلاریندان علاوه دیلینی ده الدن وئریب ائشیکه آتیلیب قاپییا قویولور.
تاکسی چی اونون اوزگون حالینی گوره- گوره هله پولونون و ماشینین باتماغینی فیکرینده دیر. بو کیشی اونون پولونو اوده‌یه بیلمه‌یه‌جک. بوردا یازیچی اینسان سئورلیک و نوعپرورلیگین توپلومدا رنگسیز اولدوغونا و تکی پول و مادیات معیار اولدوغونا ایشاره ائدیر. بالاخره کیشی یازماغیلا منی ائویمه یئتیر کرایه‌ن نه اولسا اوده‌یه رم دئییر.
تاکسی چی اونا مالیه اداره‌سینه گئتمه‌یی و اوردا آیاقلارینی گزمه‌یی اونری وئریر. اوردا دا اسکیلدن بیر داورانیشلارلا کیشی له برخورد اولماقدان علاوه، آیاقلاری تاپیلمیر هئچ، نه قدرده بوینونا مالیات باغلاییرلار. نهایت اولان قالان پولو اون مینی کارتیندان چکیب و جریمه‌نین قالانینا قولاقلارینی کسیرلر. بئله‌لیک له کیشی کور-پئشمان اوردان دا چیخیر، سوروجودن ایسته‌ییر اونو اوشاقلار پارکینا آپارسین. بوردا یازیچی بلکه سایمازلیغدان، یالاندان، زوراکلیغدان و... اینجیه‌ن قهرمانی‌نی اوشاقلارین پاک و ریاسیز دونیاسینا قوناق آپارماق ایسته‌ییر.آمما اوردا دا بیر قادین بونون قان ایچینده اوزن و اوزگون، پوزغون حالینی گورمه‌دن بونون شالوار زیپینین آچیقلیغینی گورور و دانلارکن بوردا اوشاق- بویوک وار دئییر.
بوردا یازار بلکه آداملاری دوشونمه‌دن ظاهیری قضاوتلره توپلوم آخساقلیغینا ایشاره ائدیر. بونون احوالی نه دن و نه سببه بئله‌دیر اوزوندن سوروشمور.
بالاخره کیشی‌نین ایتمیش قیچلاری کولک کیمی کناریندان سووشور، کیشی بیر شیکیل قیچلارینی توتور و پوزغون وضعیندن و نه اوچون اونو ترک ائدیکلریندن قیچلارینا گیلئیله‌نیر.
بوردا قیچلارین دانیشیغی ایکی سول و ساغ جناحلارینی(راست و چپ) آنیمسادیر.
هر بیری او بیریسینی سوچلو بیلیر. سول برابرلیکدن دانیشیر و کیشی‌نین تامام موشکوللرینی ساغین سوچو بیلیر. و ساغ دا مقابیلده سول قیچی و کیشی‌نین آرمانگرایانه هدفلرین آردینجا قاچیب و پول- پارا قازانمادیغینی و ایکی اوچ بوش سوزه آللاندیغینی قیناییر. نهایت ده کیشی بیلمیر آیاقلارینین شکوه- شکایت و دانلاماغلارینین قارشیندا نه دئسین.
بو قیسا داستاندا توپلومون چوخ آخساقلیغلارینا ایشاره اولوب:
استبداد
سانسور
کارمندلرین ایش سورتمه‌یی و جان یاندیرماماغی
اینسانلارین ظاهیری قضاوتلری و بیربیرینی دوشونمه‌مه‌یی
عاطفه‌نین رنگسیز اولماغی
مادیات و پولون معیار اولماغی
و...و...بیر چوخ آخساقلیغلار.

منجه بو داستان موفق بیر داستان دیر.
یازارینا داها اوغورلار و نائلیت‌لر دیله‌ییرم. قلمی همشه یاشیل و یازار اولسون.


https://t.me/Adabiyyatsevanlar

طنز
نیما #شیما

https://t.me/Adabiyyatsevanlar

طنز:« بویوک آغا افندی»

بیزیم بو آغا مئهدی بیردنه دیر، بیر دنه، آللاه اونو بیزه چوخ گؤرمه سین، من بیر سؤز دئییرم سیز بیر سوز ائشیدیرسینیز،حقیقتن اونلا دوشمه ینجه بیلمزسینیز کی من نه دئییرم، الی آچیقلیقدا کیشی تامامدی، پیس گونده قارداشدان یاخیندی، دار گونده اؤلر سنی تک قویماز، باشین آغریسا او تب ائلر، باخ بو آدامین حاققیندا هرنه دئسم هئچ یوزدن بیرینده دئمه میشم. یازیق چوخداندی گیر وئرمیشدی منه گونده اون دفه دئییردی: به سن نییه شعیرلرینی چاپا وئر میرسن؟
بابا فیس ده، اینستادا سنین شعیرلرینی مین-مین لایک ائدیرلر. سن قورخما چاپ ائله سنین کیتابینی هاوادا وورارلار. بیر ده بیز اؤلمه میشیک کی هره‌میز ایکی- اوچ یوز دنه سندن کیتاب آلساق ایکی گونه چکمز قورتولار سنین کیتابین. سنین ایشین اولماسین، ساتماق منله. سن فقط چاپ ائله. آغامئهدینین گؤزوندن ایراق آروادا وعده وئردیم کیتابین منفعتینه هم فرشی تازالیام همده بیر کناره سالام یانینا. فرشی ساتدیم وئردیم ناشیر دوستوما بیرایل دالینجا قاچاندان سونرا آخیردا اؤزوم طراح، ویراستار تاپدیم دورد بئش آیدا شیرین-شیرین اولار منی اویناداندان سونرا، دوققوز آیدا یکسره ایرشاد ایداره سینه یول دؤیدوم. خولاصه کیتاب ایشیق اوزو گؤردو. یئرده گؤیده دورموردوم. کیتابین شکیلین قویدوم فیسه، تلگراما، اینستایا، واتساپا، وئردیم اوغلوم تویوت ائله دی، قیزیم یوتیوپا قویدو،آروادیم شیشه- شیشه بوتون قوهوم قونشویا دئدی.
سحر- آخشام هی تبریک ایدی اویان- بویاندا یازیردیلار. آللاهدان گیزلین دئییل سیزدن نه گیزلین قارداشلاریمین آدینا اؤزومه پئپسی آچدیم. وئردیم آلتی مئتیرده بنئر یازدیلار ووردولار قاپییا(شاعیر گرانقدر اوستاد بادمجان اوغلو اوتای-بوتای آذربایجاندا تایسیز کیتابینیزین ایشیق اوزو گؤرمه سینی سیزه، عائیله‌نیزه، محله اهلینه، شهرداشلاریمیزا،وطنداشلاریمیزا،دونیا اهلینه تبریک دئییریک.) بیرآی دا بئله کئچدی آمما کیتاب آلان یوخودور. ناچارلیقدان زنگ ائله دیم عزیزدوستوم آغا مهدیه موشتولوق وئردیم دئدیم: آغا مئهدی امرین ایطاعت اولدو‌. کیتاب حاضیردی. نئینه‌ییم؟ نئچه یوزون گتیریم سیزه؟ آغامئهدی دئدی: تلگرامدا گؤردوم.جیلدی ائله جالیب دئییلدی. آمما اولسون سنین کیتابیندی دا بوطرف دن کئچنده بیرینی ده وئر بیزیم دفتره. اوشاقلارا تاپیشیرارام ایسته‌ین اولسا سنه خبر وئرسین لر.
بیر ایکی اوچ آیدا بوجور کئچدی گؤردوم اولمور هرگون بئش آلتی کیتاب وورودوم قولتوغوما شهرین بوتون انجمن لرین گزدیردیم. شهرین اهلینی اوزدن آپاراندان سونرا بئش آیدا دؤرد کیتاب ساتدیم،50سینی اونا بونا پای وئردیم،هله 945ائوده قالیردی آروادین یاواش یاواش سسی چیخیردی: فرش جهنم بولار نه واختاجا قالاجاقلار بوردا؟
قالخ آیاغا گئت آغا مئهدیله مشورت ائله گور نه دئییر.
آغامئهدیه اون یول زنگ ائدندن سونرا بویوردو: بوجور اولمازکی بیر شام وئر بیر ایکی ایستکان زهریماردان زادن گلیم گؤره ک سنه نه ایش گورمک اولار. او دورد بئش کیتابین پولونا بیر ایکی دنه پوفک آلدیم شام بیزدن مشورت آغامئهدیدن حسابی یئییب ایچندن سونرا آغا مئهدی دئدی: دوغوردان کیتابلار قالیر؟
هه واللاهی ائشیدندن سونرا بویوردو: بابا بئکار آدامسان بئش قیرانا گولله آتیرسان صاباهدان آپار کیتابلاری خیاواندا دؤشه سات گئتسین دا. هم کیتابلارین پولو قایدارهم بئکار قالمازسان.
ایندی سحردن پیادا رودا کیتابلاری دؤشه میشم سد معبر گلیب پول ایسته ییر. هرنه یالواریرام بیرزاد ساتمامیشام هله پولوم یوخدوگؤتورون کیتاب آپارین هئچ بیرینین قولاغیناگیرمیر.
پادار دئییرلر: یا پول وئر یا بو زیر زیبیلی یغیشدیر بوردان..

https://t.me/Adabiyyatsevanlar

✅✅✅میللی مطبوعاتیمیزا یاردیم اولاق

شماره 18مجله غروب را می توانید از کتابفروشی های معتبری چون شایسته ، اختر و .. ابتیاع فرمائید . این شماره ، شماره استثنائی مجله غروب می باشد .

https://t.me/Adabiyyatsevanlar

✅✅✅ادبی خبر

اریدی قارکیمی یاندی کوز اولدو
یانیق کرمی‌نی چالما آماندیر
ناغیلا چئوریلدی آجی سوز اولدو
یانیق کرمی‌نی چالما آماندیر...

سئویملی قلمداشیمیز «جانای» خانیمدان# اصلی و کرم آلمادان اودا #عنوانیندا کیتاب بوگونلر ایشیق اوزو گورمه‌ده‌دیر.
ادبیات سئونلر اوخوجوسو بول اولسون دئییه، جانای خانیما یارادیجیلیق اوغورلاری، قلم نائلیتی آرزو ائدیر.

https://t.me/Adabiyyatsevanlar

«شریف مردی»
چوخ سئویندیریجی‌دیر کی بیزیم توپلوموموزدا قادینلار بو قدر یارادیجیقلا (شعر یوخسا نثر) اوغراشیب و اؤز اؤزگو باخیشلاری ایله دونیانی بیزه، اونلار باخان آچیدان باخماغا چاغیریرلار.
من همشه قادین یارادیجی‌یا داها آرتیق اؤنم وئریرم مطالعه‌لریمده. بونا دا ندن‌لریم وار:
۱- من‌دن باشقا بیریسی نئجه باخیر فئنومئن‌لره؛ بو اؤز اؤزلویونده چوخ اؤنملی، آنجاق او «باشقاسی» قادین اولونجا بلکه داها من باخان آچی‌دان فرقلی یاناشمالاری اولاجاق.
۲- قادین انتزاعی بیر یاخلاشیملا یاناشمیر اولایلارا، فئنومئن‌لره؛ او واسیطه‌سیز اولاراق اؤزونو اولایا و اولایی اؤزونه قاتیر. (نه دئمک ایسته‌ییرم؟ بیر میثال ووروم) قادین «شر» مساله‌سینه گلینجه هئچ زامان او مساله‌یه فلسفی یوخسا انتزاعی نه‌دن آختارماق ایسته‌میر؛ اونو اؤزوندن اوزاق ساخلاییب دا اونون یوخ اولماسینی گؤزله‌یرک بیر کناردا دورمور: یالنیز «هانا آرئنت» ایدی کی «آیشمن»ی جاناوار هئیبه‌تینده دئییل ده اینسان و اؤزو ده لاپ سیرادان بیر اینسان گؤره بیلدی، چون قادینسی باخیشی واردی.
قادین قارا بیر خبر ائشیتجک همن اوخشاییب آغلایاجاق، سیتقایاجاق... اولایی یاشایاجاق. قادینلار باجاریرلار بلا و مصیبت قارشیسیندا طبیعی و انسانی حیسلرینی گؤسترسینلر، اونلار گیزله‌تمزلر اوزولدوکلرینی. اونلار شر قاباغیندا ایکی اوزلو اولابیلمزلر. اوریانا فالاچی یازدیغی اثرلر، سوتلانا الکسی‌یویچ... بونلار دا شاهد.
۳- قادین اینسانی حیس‌لری داها جانلی یاشاتمایا قابلیت‌لی‌دی؛ اؤز بدنیندن اؤزو کیمی بیر اینسان دونیایا باغیشلادیغی ایچین، اینسانی ایلیشکیلرده و اینسانی ایلیشکیلری یانسیتماقدا داها یئترلی و گوجلودور.
و یارادیجیلیق نه‌دیر مگر؟ اینسانلار آراسیندا اولان ایلیشکی‌لردن سؤز آچماق.
۴-ادبیات دونیادا داها چوخ اینسانین چکدییی مصیبت‌لر و ترومالارلا بارینیب و اوزه گلیب... دونیا شاه‌اثرلری دئدیییم سؤزه قانیت‌دیر. بو اوزدن تروماتیک لحظه‌لری داها درین و حیس ایله گؤسترمه‌یه قادین و قادینسی باخیش داها باجاریقلی‌دیر.

بو اوزدن همشه بیر قادین یازار یا شاعیر ایله (یوخسا اثری ایله) اوز اوزه گلسم داها دقیق اولور و داها لذت آلیرام.

https://t.me/Adabiyyatsevanlar

اوشاق ادبیاتی
اوشاق ادبیاتی هر هفته پنجشنبه گونو ادبیات سئونلر کانالیندا .
اوشاق ادبیاتینا دایر یازیلارینیزی بیزه گوندرین .

https://t.me/Adabiyyatsevanlar

اوشاق ادبیاتی

۲۴ساعات یوخو و آییقلیق
یازار:« صمد بهرنگی»
چئویریب حاضیرلایان:« ویدا حشمتی»
سون بؤلوم

من اونلارا یالواریردیم. اؤنلرینی توتموشدوم. ساتیلیق دئییل دئیه اونلارا مانع اولماق ایسته‌ییردیم. آما...
کیشی منی محکم ایته‌له‌ییب، "چکیل گؤروم نییه یولو باغلاییبسان؟" دئییب، قیزی ایله دوکانا کئچدیلر. قیز دؤنوب دوه‌یه باخیردی. ائله کئفی یاخشی ایدی کی، آدام دئییردی بس دونیادا هئچ غصّه‌سی یوخدو.
منیم دیلیم لال اولموشدو، آیاقلاریم توتولموشدو، هامی منه باخیردی. میمون، دوه بالالاری، آیی‌لار، دووشانلار... هامیسی منه باخیردیلار. بئله بیل منه اوره‌کلری یانیر.
قیزین آتاسی دوکاندان چیخارکن ایکی قیرانلیغی منه ساری اوزالتدی. من اللریمی دالیمدا گیزله‌دیب، اوزونه باخدیم. نئجه باخدیم بیلمیرم، اما کیشی ایکی قیرانی تئز جیبینه قویدو. دوکانچی منی قاپیدان اوزاقلاتدی. ایکی نفر ایشچیلریندن دوه‌نی گؤتورومه‌یه گلدیلر. قیز ماشیندا اوتورموش، اورادان دوه‌نی دیندیریردی. ایشچیلر دوه‌نی گؤتوردولر. من هئچ بیر شئی آنلامادان قاچیب، دوه‌نین آیاغینی قوجاقلادیم
بو یازینین آردینی ادبیات سئونلر کانالیمدا اوخویون.

https://t.me/Adabiyyatsevanlar

اوشاق ادبیاتی

۲۴ساعات یوخو و آییقلیق
یازار:« صمد بهرنگی»
چئویریب حاضیرلایان:« ویدا حشمتی»
سون بؤلوم

من اونلارا یالواریردیم. اؤنلرینی توتموشدوم. ساتیلیق دئییل دئیه اونلارا مانع اولماق ایسته‌ییردیم. آما...
کیشی منی محکم ایته‌له‌ییب، "چکیل گؤروم نییه یولو باغلاییبسان؟" دئییب، قیزی ایله دوکانا کئچدیلر. قیز دؤنوب دوه‌یه باخیردی. ائله کئفی یاخشی ایدی کی، آدام دئییردی بس دونیادا هئچ غصّه‌سی یوخدو.
منیم دیلیم لال اولموشدو، آیاقلاریم توتولموشدو، هامی منه باخیردی. میمون، دوه بالالاری، آیی‌لار، دووشانلار... هامیسی منه باخیردیلار. بئله بیل منه اوره‌کلری یانیر.
قیزین آتاسی دوکاندان چیخارکن ایکی قیرانلیغی منه ساری اوزالتدی. من اللریمی دالیمدا گیزله‌دیب، اوزونه باخدیم. نئجه باخدیم بیلمیرم، اما کیشی ایکی قیرانی تئز جیبینه قویدو. دوکانچی منی قاپیدان اوزاقلاتدی. ایکی نفر ایشچیلریندن دوه‌نی گؤتورومه‌یه گلدیلر. قیز ماشیندا اوتورموش، اورادان دوه‌نی دیندیریردی. ایشچیلر دوه‌نی گؤتوردولر. من هئچ بیر شئی آنلامادان قاچیب، دوه‌نین آیاغینی قوجاقلادیم. های وئریردیم:
-بو منیم دوه‌م‌دیر هارا آپاریرسیز؟... قویمارام آپاراسیز...
ایشچی‌لرین بیری دئدی:
- چکیل اویانا اوشاق!... دلی اولوبسان یوخسا؟
قیزین آتاسی دوکانچی‌دان سوروشدو:
- دیله‌نچی‌دی؟
جاماعات ییغیشمیشدی. من دوه‌نین آیاغینی بوراخماییردیم. ایشچیلر دوه‌نی یئره قویوب، منی اوزاقلاتدیلار.
دوه‌نی ماشینین آرخا اوتوراجاغینا قویدولار. ماشین یولا دوشوردو گئتسین. من قورتولوب، قاچدیم. یاپیشدیم ماشینین آرخاسیندان، باغیرماغا باشلادیم:
-منیم دوه‌می هارا آپاریرسیز، منیم دوه‌م...‌
کیمسه سسیمی ائشتمه‌دی، سانکی لال اولموشدوم. بوغازیمدان سس چیخماییردی. من هله باغیریردیم، یا دا بئله بیلیردیم کی، باغیریرام.
بیری آرخادان منی توتودو. اللریم ماشیندان قوپدو. ماشین یولا دوشدو. من اوزوم اوسته یئره ییخیلدیم. باشیمی قالدیراندا سون دفعه دوه‌نی گؤردوم. آغلاییردی. غضبدن بوینونو ائله ترپه‌دیردی کی، زینقیروو سسله‌نیردی.
اوزوم، بورنومدان آخان قانین اوستونه دوشدو. آیاقلاریمی یئره چیرپیب، هونکور-هونکور آغلاییردیم.
اوره‌ییم ایسته‌یردی، جام آرخاسینداکی مسلسل منیم اولایدی.

https://t.me/Adabiyyatsevanlar

اوشاق ادبیاتی


«سولماز_شیرین»

کوچورن:«آیسو_زنگانلی»
اوزوم کیمی کؤرپه دیر
منیم مستان پیشیییم
یئدیردیرم دویونجا
هم چکیرم کئشییین

بئلی آلا- بولا دیر
سینه سی آغ قار کیمی
گزیر حیط(حیاط ) - باجانی
منیم له سیار کیمی

هر نه دئسم آنلاییر
گل دئینده تئز گلیر
هاردا یومشاق یئر گؤرسه
خومارلانیر دینجه لیر

چوخ سئویر او اؤزونو
تمیزله ییر، یالاییر
اطرافیمدا فیرلانیب
قویروغونو بولاییر

https://t.me/Adabiyyatsevanlar

اوشاق ادبیاتی
چئویریب حاضیرلایان:«ویدا حشمتی»

منیم قهرمانیم سنسن
ایکینجی بؤلوم

سارا سوروشدو:
-سن نه‌جور بیر یارادیق‌سان؟
او جواب وئردی:
- منیم آدیم "آریو" دو .
سارا دئدی:
-من آریو آدیندا بیر یارادیق تانیمیرام.
آریو جواب وئردی:
-من همیشه بورادایام، سنین قلبینده.
سارا دیدی:
-یانی ایندی کی سن منیم‌‌له‌سن، دونیانین اوشاقلاری‌لا کرونا ویروسو قونوسودا دانیشا بیله‌جه‌یم؟ من قهرمان اولاجاغام؟ بیراز صبر ائله گؤروم! کرونا ویروسونون اولدوغو حالدا، بیز یولچولوق(مسافرت) ائده بیله‌ریک؟

آریو دئدی:
-منیم یانیمدا اولسان، اولار. بیز بیرلیکده اولساق، هئچ بیر شئی سنه توخونا بیلمز سارا!
سونرا آریونون آرخاسیندا اوتوروب، اوتاغین پنجره‌سیندن چیخیب، قارانلیق گؤیده اوچماغا باشلادیلار. اونلار اولدوزلارا ساری گئدیب، آیا سلام وئردیلر.
گونش چیخدی. سارایلا آریو گؤزل بیر چؤللوکده «اهرام»ین قیراغیندا ائندیلر. اورادا نئچه اوشاق اویناماغا مشغول ایدیلر. اوشاقلار سئوینجک سارا گیله ال ساللادیلار( ترپه‌تدیلر).

اوغلانلارین بیری اوجا سسله دئدی:
-خوش گلیبسیز. منیم آدیم «سلیم‌»دیر. سیز بوردا نه ایش گؤرورسوز؟ باغیشلایین سیزه یاخین گله بیلمیرم، گرک سیزدن بیر مئتر آرالی دورام.


سارا جواب وئردی:
-منیم آدیم سارا دیر، بونون دا آدی آریو. هیچ بیلیردیز؟ اوشاقلار، ائله‌یه بیلرلر یولداشلارینین، آتا-آنالارینین، بؤیوک آتا-آنالارینین، قونشولارینین، خسته‌لییی‌نین قاباغین آلسینلار؟ بیز هامیمیز گرک...

سلیم گولر اوزله دئدی:
- بیلیرم. گرک مرتب اللریمیزی سو و صابونلا یویاق، خسته‌ اولدوغوموزدا، آسقیراندا و اؤسگوره‌نده، آغزیمیزی دیرسه‌ییمیزله توتاق. ال وئرمک یئرینه، اوزاقدان ال ساللایاق. باجاردیقجا ائوده قالاق. اما بیز بؤیوک بیر شهرده یاشاییریق. هامی ائوده قالماییر.

آریو دئدی:
- بلکه من سیزه یاردیم ائده بیلدیم. آداملار ویروسو گؤره بیلمیرلر، آما منی گؤره بیلرلر. ایندی ایکینیز ده قانادلاریما چیخین. لطفا هره‌نیز بیر قانادیمدا اوتورون.
اونلار آزیندان بیر مئتر آرالی‌ اوتوردولار.

آریو سارا و سلیمی قانادلازینا آلیب، گؤی اوزونه ساری اوچدو. اونلار شهرین اوستوندن اوچوردولار. آریو گورولداییب، آواز اوخویوردو‌.

سلیم خییاوانداکی اوشاقلاری هارالاییب، دئدی:
-آی اوشاقلار! گئدین آتا-آنالاریزا دئیین، ائولریز داها گووه‌نلی‌(امنیت)دیر. هامی ائوده قالماق‌لا، عاییله‌سینی داها یاخشی قورویا(محافظت) بیلر.

آداملار گؤردوکلری شئیدن چاشمیش‌دیلار‌. ال ساللاییب، ائوده قالماغی قبول ائتدیلر.

آریو گؤیه ساری اوچدو. سلیم سئویندیگیندن باغیریردی. بولودلارین اوزه‌رینده اوچارکن، بیر اوچاق اونلارین یانیندان کئچدی. یولچولار اوچاغین پنجره‌سیندن بونلاری گؤروب، تعجب‌له باخدیلار.

سلیم دئدی:
-آداملار بوندان سونرا گرک یولچولوغا (مسافرته) چیخماسینلار. ایندی یولچولوق (سفر ) ائتمه‌یین تهلوکه‌سی چوخدور. بوتون اؤلکه‌لرین سرحدلری(مرزلری) باغلانیر. هر کس اولدوغو یئرده عزیزلری ایله بیرلیکده قالمالی‌دیر.

سارا دئدی: ائله‌بیل چوخ شئی‌لر دییشیلیبدی. بو منی قورخودور.

آریو جواب وئردی:
- بیر شئی دییشیلن زامان آدامی قورخودار. من قورخاندا آستا نفس چکیرم، آغزیمدان اوت چیخیر.

بیر اوت توپو آریونون آغزیندان چیخدی.

آریو سارا و سلیم‌دن سوروشدو:
-سیز قورخاندا نه ائدرسیز؟


آردی وار
https://t.me/Adabiyyatsevanlar

اوشاق ادبیاتی
کارتون:«گویچک فاطما»

اوشاق ادبیاتی هر هفته پنجشنبه گونو ادبیات سئونلر کانالیندا .
اوشاق ادبیاتینا دایر یازیلارینیزی بیزه گوندرین .

https://t.me/Adabiyyatsevanlar

اوشاق ادبیاتی

اولدوزلا قارغالار
یازار:« صمد بهرنگی»
چئویرن:« منیژه جم‌نژاد»

اون سگیزینجی بولوم:
👫 اولدوزون یول یولداشی

بیرگون یاشارلا اولدوز یون اییریردیلر. اولدوز باشین قووزاییب یاشاری گوردو کی سس‌سیز و حرکت‌سیز دوروب اونا باخیر. دئدی: نیه بئله باخیرسان یاشار؟ یاشار دئدی: دو٘شونوردوم. اولدوز دئدی: نه دو٘شونورسن؟ یاشار دئدی: ای.. بئله‌سی. اولدوز دئدی: منه گرک دئیه‌سن. یاشار دئدی: یاخجی دئیه‌رم. دوشونوردوم کی سن بوردان گئده‌رسن من تک‌لیقدان دیغلارام. اولدوز دئدی: منده دونن دوشونوردوم کئشگه ایکیمیز بیرلیکده یولا چیخایدیق. تک، یولچولوغون دادی یوخدو. یاشار دئدی: ائله ده سنینله گلمه‌ییمی ایستیرسن؟ اولدوز دئدی: اوره‌ییمین تکیندن ایستیرم. بویوک ننه‌یه دئمه‌میز گرکیر. یاشار دئدی: من اؤزوم دئیه‌رم. گلن گون بویوک‌ننه گلدی. یاشار دئدی: بویوک‌ننه منده اولدوزلا سیزین یانینیزا گله بیلرم؟ بویوک‌ننه دئدی: گله‌بیلرسن، آما آنانا اوره‌یین یانماز؟ او کی پیس ننه دئییل قویوب قاچاسان. یاشار دئدی: بونو دا فیکیرلشمیشم. بیرگون قاباق اونا دئیه‌رم.
بو یازینین آردینی ادبیات سئونلر کانالیندا اوخویون.

https://t.me/Adabiyyatsevanlar

اوشاق ادبیاتی

اولدوزلا قارغالار
یازار:« صمد بهرنگی»
چئویرن:« منیژه جم‌نژاد»

اون سگیزینجی بولوم:
👫 اولدوزون یول یولداشی

بیرگون یاشارلا اولدوز یون اییریردیلر. اولدوز باشین قووزاییب یاشاری گوردو کی سس‌سیز و حرکت‌سیز دوروب اونا باخیر. دئدی: نیه بئله باخیرسان یاشار؟ یاشار دئدی: دو٘شونوردوم. اولدوز دئدی: نه دو٘شونورسن؟ یاشار دئدی: ای.. بئله‌سی. اولدوز دئدی: منه گرک دئیه‌سن. یاشار دئدی: یاخجی دئیه‌رم. دوشونوردوم کی سن بوردان گئده‌رسن من تک‌لیقدان دیغلارام. اولدوز دئدی: منده دونن دوشونوردوم کئشگه ایکیمیز بیرلیکده یولا چیخایدیق. تک، یولچولوغون دادی یوخدو. یاشار دئدی: ائله ده سنینله گلمه‌ییمی ایستیرسن؟ اولدوز دئدی: اوره‌ییمین تکیندن ایستیرم. بویوک ننه‌یه دئمه‌میز گرکیر. یاشار دئدی: من اؤزوم دئیه‌رم. گلن گون بویوک‌ننه گلدی. یاشار دئدی: بویوک‌ننه منده اولدوزلا سیزین یانینیزا گله بیلرم؟ بویوک‌ننه دئدی: گله‌بیلرسن، آما آنانا اوره‌یین یانماز؟ او کی پیس ننه دئییل قویوب قاچاسان. یاشار دئدی: بونو دا فیکیرلشمیشم. بیرگون قاباق اونا دئیه‌رم. بویوک ننه دئدی: راضی‌لاشسا عئیبی یوخدو، سنی ده آپاراریق. اولدوز‌لا یاشار شووقا گلیب و یئیین ایشه باشلادیلار.

🐟 بالیق اوغرولاری، یو٘ن اوغرولاری
📖 فایداسیز دوعالار

یاشار سیناولارینی کئچیردی. کارنامه‌سینی ائوه گتیرن گون دده‌سینه ده بیر کاغاذ یازدی. اولدوز‌لا یاشار چوخو بیرلیکده‌یدیلر. اؤگئی‌ننه آز اینجیدیردی. دو٘زو، اولدوزو گوزونون قاباغیندا ایسته‌میردی. داهاسی دا همشه قارغالاردان بونالیردی. قارغالار چوخ گئت گل ائدیب اونو اوشه‌ندیریردیلر، باشینا بیر شئی گلمه‌سیندن قورخوردو. بابا دا راحاتسیز ایدی. خصوصن کی بیرگون حووض باشینا گئدیب، گوردو بالیقلار یوخدولار. قارغا‌خانیم‌ لا قارداشی ایکی بالیق یئمیشدیلر. بیرینی ده بویوک ننه، باشقالارینی دا اوبیری قارغالار. اؤگئی‌ننه‌یله بابا بیر یئرده قارغا گورنده داش آتیب یامان دئییردیلر. بیرگون بابا کیشمیش آلیب گتیرمیشدیر، اؤگئی‌ننه سیرکه قویسون دئیه. اؤگئی‌ننه کوپو گوتوروب داما آپاردی. داشلاری اویان بویان ائدنده چوخلو یون چیخدی. یونلری آپاریب ارینه گوستریب دئدی: گورورسن؟ بیزدن یئرلر بیزی اله سالیبلار. هله ده بیزدن ال چکمه‌ییبلر. بولاری کیم داشلارین آراسینا ییغیب؟ بابا دئدی: گرک قاباقلارینی آلاق. اؤگئی ننه دئدی: صاباح دوعایازانا گئده‌رم، یاخجی بیر دوعا آلارام کی بیزدن یئرلری قورخودوب قاچیرتسین. صاباح اولدوز یاشاری گوردو. اولارین سوزلرینی اونا دئدی: یاشار گولوب دئدی: یونلری گرک اوغورلایاق. یوخسا ایشیمیز نئچه گون دالی دوشر. اولدوز یونلری گوتوردو. گتیریب ایتین بوش یوواسینا قویدولار. یاشار گؤردو یئتَرینجه یون ییغیشیب. قارغالارا خبر وئردیلر داها یون گتیرمه‌سینلر. اؤگئی‌ننه دوعایازانین یانینا گئدیب یاخجی بیر دوعا آلدی. آما یونلرین اوغورلانماسینی گوردوکده قورخوسو داها دا چوخالدی.

https://t.me/Adabiyyatsevanlar

اوشاق ادبیاتی
بو اوزبک بالاسین آناسی خاننده دوغوب.

اوشاق ادبیاتی هر هفته پنجشنبه گونو ادبیات سئونلر کانالیندا .
اوشاق ادبیاتینا دایر یازیلارینیزی بیزه گوندرین .

https://t.me/Adabiyyatsevanlar