آدینی دیل‌لره سالاندا بیلدیم
قیرمیزی کفنلی گلین‌دیر لیلی
دلیجه خیالا دالاندا بیلدیم
قیرمیزی کفنلی گلین‌دیر لیلی

قارایلا یازیلدی بو قیزین باختی
ظولمته قوشولدو آرزی‌سی تاختی
شوه‌یله دوزولدو هر گونو واختی
قیرمیزی کفنلی گلین‌دیر لیلی

چؤل‌لری دولانماق مجنونا قالدی
دولدو غم کدره، سولدو سارالدی
بو عشقین شهرتی دونیانی آلدی
قیرمیزی کفنلی گلین‌دیر لیلی

بو نئجه یازی‌دیر بو نئجه یازدیر
بو دردی داغ‌لارین دؤشونه یازدیر
لیلی‌نین گؤز یاشی سانکی آرازدیر
قیرمیزی کفنلی گلین‌دیر لیلی

گئجه‌نین سسی‌دیر قارا ساچلاری
سالیبدیر مجنونو تورا ساچ‌لاری
جانایی چکیبدیر دارا ساچ‌لاری
قیرمیزی کفنلی گلین‌دیر لیلی

"جانای"
رضوان حاجی قاسملو

https://t.me/Adabiyyatsevanlar

سون قرار: حکایه توپلوسو ایشیق اوزو گوردو.
یازان: زکیه ذولفقاری
ناشر: یاس بخشایش
122صحیفه
بو کیتابی تانیمیش کیتاب ائولریندن آلین.

ادبیات سئونلر بودیرلی کیتابین ایشیق اوزو گورمه سینی سئویملی قلمداشیمیز سرکار خانیم ذولفقاریه اوره ک ائویندن تبریک دئیر.

https://t.me/Adabiyyatsevanlar

‏دونیانین ان گوزل فرشبافلاری
هابیل علی یئوه، علی فرشباف و حبیب فرشباف.

https://t.me/Adabiyyatsevanlar

"اوشاق اوسته ساواش"
گنجعلی صباحی

۹ بولوم لی قارتال حیکایه مجموعه سی نین سون بولومو

1 - قارتال 2 - قوجالیقدا یورغالیق 3 - گول دسته سی 4 - آنا قلبی 5 - عارسیز قافار 6 - کئفلی 7 - اوز آرامیزدا قالسین 8 - حایات آجیلیقلاریندان 9 - اوشاق اوسته ساواش

اوشاقلیغین ئوزونه گوره-ئوزگه بیر عالمی وار.
اونودولماز خاطره لرله دولو بیر عالم.اونا گوره ده انسان بویویوب یاشا دولدوقجا،عقل-کماله چاتدیقجا،حیات یوکو چیگینلرینه آغیریلیق ائتدیکجه،
هر شئی اعتناسیز لاقید اولان اوشاخلیق دورونو خاطرلاییر.
چوخ واقت کوچولرده اوینایان اوشاخلارا گوزو گوزو ساتاشدیقدا،
اختیارسیز:
"کاش منده سیزین یئریزه اولایدیم." دئیه بو سوزلری اوره یندن کئچیر.
محمد ایله احمد هم یاشید ایدیلر.مکتب یاشینا دولماقدا ایدیلر.قاپیلاری اوز-اوزه آچیلیردی.یاخین قونشو اولدوقلاریندان بیر-بیرینه عادت ائتمیش،اونس باغلامیشدیلار. بیر یئرده اوینار گولر،دالاشار و باریشاردیلار.
دالاشماخلاری ایله باریشماخلارینین آراسی چوخ چکمزدی.آخی،یولداش ایدیلر. بیر گون آخشام طرفی ایدی.ملایم یئل اسیردی.ئوزونو داغلارین دالینا سالماغا جان آتان گونشین رنگی سولغونلاشیردی.سحردن به ری محمد ایله احمد کوچه ده آشیق،یالاغاسالما،
بعضن ده گیزلین پاچ اویناییردیلار.
ایندی ئوزلرینه قارغیدان آت دوزلدیب،
توز تورپاخلی کوچه لرده آت چاپیر،
توز قوپاردیردیلار.بو اویوندا بیر نئچه
باشقا اوشاخدا اونلارا قوشولموشدو..
اویونون شیرین یئرینده آت چاپیرکن،بیردن احمدین آیاغی ایلیشدی.
محمد آغزی اوسته یئره گلدی.
اونون سسینه شن،گورولتولو سسلر کسیلدی.ائله بیل،بیردن قورباغا گولونه داش آتدین.اوشاخلار آتلارینین باشینی یغیب اونو دوره یه آلدیلار.محمد-ین آغزی-بورنو قانا بولاشمیشدی.
دوروب آغلایا-آغلایا قاپیلارینا طرف یونلدی.
سسه آناسی توکدبان قاپیا چیخدی.
اوغلونون آل قان ایچینده گورنده گوزلری بویودو.
آنا قلبی هیجانا گلدی:
-وای! ائویم ییخیلدی! اوشاقی قان گوتوروب دئیه،ئوزونو محمده یئتیردی.
-سنه مین دفعه دئمیشم بو کوچه اوشاخلارینا قوشولما! دِه گوروم سنی کیم ووردو؟ دئیه سوال وئردیکده محمد:
-احمد،دئیه،آغلایا-آغلایا جواب وئردی.
آرواد دلی کیمی احمدین اوستونه جومدو.اوشاق:
-خالا!والله من وورمادیم،ئوزو ییخیلدی.دئیب،سوزونو قوتارانا کیمی،تکذبان بیر نئچه یومروق ایلیشدیردی. احمد آغلادی.سسه فاطمانسه چیخدی.اوغلونو تکذبان ووردوغونو دویدوقدا،قیشقیردی.
-آرواد اوتانمیرسان،یئکه آرواد،اوشاغی نیه دویورسن؟ دئیه،تکذبانا اعتراض ائتدیکده،
-یاخشی ائلیرم،ئوزونو قورد ائدیب.اوشاغیما گوز وئریب،ایشیق وئرمیر.گور بالامی نه گونه سالیب؟!
-اوتان.خجالت چک! ئوزلری دالاشارلا-باریشاردا.داها سن نیه اوشاق آراسینا گیریرسن؟! هئچ اوتانمیرسان؟!
-یاخشی ائله یرم!
-غلط ائدیرسن! دئیه،سوز اوزاندی.لاپ شیت سویوشلر چاتدی.بونونلادا اوره کلری سویومادی.
البه-یاخا اولدولار.اوز جیرماق.ساچ یولماق باشلاندی.
چیغیر-باغیرتی گویه قالخدی.
محمددین دده سی باققال حسن سس-کویه دوکاندان ائشیگه چیخدی.
آروادی توکذبانین دویولدویونو گودوکده،
یوگوروب ئوزونو آرایا آتدی.
اونو فاطما نیسه نین الیندن آلماق استه- یردیکه،احمدین دده سی مردعلی ائشیگه چیخدی.اونا ائله گلدیکه،باققال حسن آروادینی دویور.قان سچرادی بئینینه.
کوکره میش حالدا،ئوزونو اونا یئتیردی.
وور کی-ووروسان.نئجه دئیه لر،
آز چیرپیشدیلار، اما شیرین چیرپیشدیلار
قونشولار توکولوب اونلاری آیردیلار.
سس-کوی یاتدی.
بونون اوستوندن هله یاریم ساعت کئچمه میشدی.باققال حسن باشی ساریخلی دکانین قاباغیندا،آغیز- بورنونو ساللامیش،فیکیرلی حالدا،اوتورموشدو.
ائله بوحالدا مردعلی الی ساریخلی ائودن چیخدی.هر ایکسینین چپ-کینه دولو باخیشلاری بیر-بیرینه ساتاشدی.
نئچه ایلین تانیشی دوستو ایندی اوشاق اوستونده دشمن اولموشدو.
ائله بو آندا،محمد ایله احمد سس-کویله
قاباق طرفدن آت چاپیب توز قوپارداراق،
بونلارین آراسیندان کئچدیلر.
-محمد!...
-احمد!.. دییه آتالارین گور سسلری ائشدیلدی.آنجاق احمد ایله محمد اعتناسیز حالدا،ئوز آتلارینی چاپیب اوزاخلاشدیلار.گوزدن ایتینجه،دورت گوز
اونلاری ایزله دی.سونرا غیرارادی اولاراق
قونشولارین گوزلری بیربیرینه سانجیلدی.
داها بوباخیشلاردا کین کودرت گورونموردو.اونون یئرینی آیدین بیر
پشیمانلیق و خجالت دوتموشدو.
هر ایکیسینین دوداخلارینا آجی بیر تبسم گوروندو.شبهه سیز کی ایکی قونشو اوشاق آراسینا گیریب بیر بیرینه احترامسیزلیق ائتدیکلرینه آجییردیلار.

https://t.me/Adabiyyatsevanlar

اودلی قلینج حیکایه سی
مهدی حسین(۱۹۶۵-۱۹۰۹)

مهدی حسین آذربایجان ادبیات تاریخینده گورکملی یازار،دراماتوق و چاغداش ادبی نائیلیت لری تبلیغ ائدن گوجلو پوبلیسیست کیمی تانینمیشدیر.
وعین زاماندا ادبی تنقید ایله مشغول اولموش.ادبیات و صنعت مسئله لری آدلی کیتابیندا توپلانمیشدیر
مهدی حسین آذربایجان ژورنالی نین رداکتوری و آذربایجان سووئیت یازیچیلاری اتفاقی اداره هیات نین بیرینجی کاتیبی وظیفه سینده چالیشمیش و ادبیاتین انکشافیندا رولو اولموشدور..
او صمد وورغون و سلیمان روستم کیمی مشهور آذربایجان سووت شاعرلری ایله بیرلیکده ،آذربایجان سووئت ادبیاتینین بانیلریندن بیری اولموشدور.

و گوزل رومان لار و نمایش نامه لر یازمیشدی؛
طرلان،سحر،داشقین،سئویگدن سونرا، کین و...
گوزل نمایش نامه لر اوجمله دن نظامی،جوانشیر ،اینتظار و...یازمیشدی

"اودلی قیلنج "حیکاسی بئله باشلاییر؛
گونش دوغوردی.هاوا ایشیقلاندیقجا،
کردمان قلعه سینین محتشم برج لاری
آیدین گورونمگه باشلاییردی.
اوزاقلاردا گوموش بیر کمر کیمی پاریندایان کورچایی اوزانوب گیدیردی کورین اطرافلی میشه لیک ایدی،گوز ایشله دیکجه اوزانان دوزلر یاشیللیق ایچینده اوزوردی.
بورادا قدیم بابالاریمیزین الیله یارانمیش گوزل بیر آذربایجان شهری یئرلشمیشدی
هئچ بیر یاندان سس سمیر گلمیردی قوشلار بئله یوخودایدی.
ایلک باخیشدا بوشهرده حیات علامتی گورونموردی.
ائله بیل واقتیله بورانی زینتلندرین انسانلار چوخدان هارا ایسه کوچوب گئتمیشدی
کردمان سرایینین قوجا کشیک چیسی عادتی اوزره یئنه ده گئنیش حیاط دا گزینیر.آرا-بیر دایانوب اطرافی دینله ییردی.
بیردن اویاواش آیدین ائشیدیلمه گه باشلایان باقیرتی و قلنیج سسلرینه دیکسینیب اطرافی دقت له دینلمگه باشلادی ایله بیل ایکی بویوک دسته نعره چکیب بیر-بیرایله ئولوم-قالیم ووروشونا گیرمیشدی.
قوجا،شهره دشمن قوشونو دولوشدیقینی ظن ائدیب حکمدارینا خبر آپارماق ایسته دی.بو آندا ووروشونلار حیاط دا گوروندیلر.
قوجا کیشی قهقهه چکیب گولدی قوشون حساب ائتدیگی آداملار یالنیز ایکی نفر ایدی.
اونلاردان بیری دال-دالی چکیلیر ،اوبری ایسه ایلدیریم کیمی قاباغیندا کینین اوستونه شیغییردی.
اونلار قوجانین بورادا اولماسیندان خبرسیزیلر،اونون قهقهه سینی بیله ائشیتمیردیلر.
چوخ قیزیشدیلار پولاد قلینجلار یئنیجه دوغان گونشین قیزیل شعاعلارینی عکس ایده رک پاریلداشیردی.
ووروشان گنجلرین اوزو گولدی.
ایره لییه دوغرو شیغییان دلیقانلی کردمان حکمداری وارازین اوغلو"جوانشیر"ایدی.
جاوانشیر قاباغیندا کی اوغلانا محکم بیر ضربه ایندیره رک ،اونون قالخانینی یارییا بولدی.
و.......

https://t.me/Adabiyyatsevanlar

اوشاق ادبیاتی
اوشاق ادبیاتی هر هفته پنجشنبه گونو ادبیات سئونلر کانالیندا .
اوشاق ادبیاتینا دایر یازیلارینیزی بیزه گوندرین .

https://t.me/Adabiyyatsevanlar

اوشاق ادبیاتی
کیتاب تانیتیمی

ایلک دفعه «گونئی آذربایجان اوشاق ادبیاتی آنتولوگیاسی» چاپ اولونوب

آذربایجان میللی علم‌لر آکادئمیاسی نیظامی گنجوی آدینا ادبیات اینستوتونون ایران آذربایجان ادبیاتی شعبه‌سی‌نین باش علمی ایشچی‌سی، فیلولوگیا علم‌لری دوکتورو، اسمیرا فواد-ین ترتیب‌چی، اؤن‌سؤز و ایضاح‌لارین مؤلفی اولدوغو «گونئی آذربایجان اوشاق ادبیاتی آنتولوگیاسی» چاپ اولونوب. ایران آذربایجانیندا اوشاق ادبیاتی‌نین اینکیشافی چاغداش ادبی پروسئسین اساس اؤنجه‌لیک‌لریندن بیری‌دیر...» باشلیق‌‌لی اؤن‌سؤزده مولیف کیتاب حاقیندا اطراف‌‌لی معلومات وئریب.

کیتابین باش مصلحتچی‌سی رسول قدیری، رئداکتورلاری فیکرت سولئیمان اوغلو و سوسن نواده‌رضی-دیر. کیتابین داوَرلری اینستیتوتون امکداش‌لاری پروفئسور محرم قاسیم‌لی، دوچئنت (دانشیار) ائلناره آکیم اووا و دوچئنت آیگون باغیرلی-دیر.

790 صحیفه‌لیک آنتولوگیا، غیر دؤولتی تشکیلات‌لارا دؤولت دسته‌یی شوراسی‌نین مالیه‌سی و لایحه‌سی اساسیندا «علم و تحصیل» نشریاتیندا ایشیق اوزو گؤروب.

ایلک دفعه نشر اولونان آنتولوگیا ایران آذربایجان شاعیر و یازیچی‌لاری‌نین سون یوز اللی ایلده یاراتدیق‌لاری زنگین اوشاق ادبیاتی خزینه‌سیندن فرقلی ژانر و اوسلوب‌لارا عاید پوئزیا، نثر و دراماتورگیا نمونه‌لری داخیل ائدیلیب. بو اثرلر ایران آذربایجانیندا اوشاق ادبیاتی‌نین ایدئیا- مضمون و صنعتکارلی باخیمیندان اینکیشافینی ایزلمک، قیمت‌لندیرمک اوچون فایدالی قایناق‌لاردیر.

https://t.me/Adabiyyatsevanlar

اوشاق ادبیاتی
اوشاق ادبیاتینین بو هفته ایکی گوزل قوناغی وار
گلین قوناقلاریمیزلا تانیش اولاق.

ساغدان«:آراز»و«تایماز»

https://t.me/Adabiyyatsevanlar

اوشاق ادبیاتی

آراز جان سنه درین سالاملار .

سنین سورغون چوووخ اونملی بیر سورغودو .
اوشاغین قیرخی و اوُلونون قیرخی نه دئمکدیر ؟
قیرخ ( ۴۰ ) سوزو ، اللی ( ۵۰ ) سوزویله آچیقلانیر و آیدینلاشیر . ایلک اینسانلار هر نه یی بارماقلاریلا حساب ائدردیلر و اونلارین حساب ماشینلاری بارماقلاریدی . اَل + لی = اللی . لی ، مالکییت داشیییر . وارلی کیمی .
اللی ، یوز عددینین یاریسی دیر کی بیر صاف ( روند عدد ) دیر .
قیرک ، = قیرخی = قیرخ = اللی دن قیریلمیش کی راحات و یئیین دئمک چین کی تک هجالی اولسون قیرخ دئییلیب . آمما نییه قیرخ سوزونو ، سیز دئدیگینیز کیمی بیر شئیلره ایشلدیرلر ؟

قدیمکی اینسانلار بئله ایناناردیلار کی قیرخ عددی اوُزل عدد دیر . مثلن
۱ _ اوشاق قیرخ گونو آشیرسا ، داها اوُلمز و قیرخ گون اونو چوووخ قوروماق لازیم دی .
۲ _ اوُلونون قیر گونه قدر چوووخ بیر تن اویه لری ( اعضای بدن ) داها آرادان گئدر .
۳ _ قیرخ عددی مقدس ده ساییلارمیش
دیری اینسانلاردا قیرخ یاشلاریندا یئتگین لشیرلر . بونا گوره پئیغمبرلر ده ۴۰ یاشلاریندا او مقاما یئتیشیبلر و چوووخ سوزلر .....
آمما قیرخ سوزونون بیر آنلامی دا چیلله دیر کی چهل سوزو ده اوندان گوتورولوب .
چیله = چیلله = بیر شئیین دَییشیلن نوقطه سی ( مرحله = نقطه عطف ) = سینماق نوقطه سی .
قیشین چیلله سی = سویوقلارین دَییشیلن درجه سی و یا گئجه لرین اَن اوزونو کی داها اوندان سونرا گئجه لر گوده لیر . آرتیق آچیقلاما سسلی

https://t.me/Adabiyyatsevanlar

اوشاق ادبیاتی

تایماز جان سنه درین سالاملار و سایغیلار .
نییه آی کامیل دایره وی اولاندا اونا دئییرلر آیین اون دوردو ( ۱۴ ) ؟
چوخ گوزل سورغو
شعیر ، ادبییات و جماعاتین گونده لیک دانیشیقلاریندا دا گوزل قیز _ اوغلانلاری دا کامیل آیا بنزه دیرلر . و یاشماق توتان خانیملاری دا ، آیین بولودون آرخاسیندا گیزلنمه یینه اوخشاریبلار .
چوووخ قدیملرده اینسانلار آیین او تهر اولدوغونون سببینی بیلمیردیلر آمما ایندی بیلیریک کی کائناتدا هئچ نه ثابت و ساکین دئییل .
او جومله دن‌ اوز کهکشانیمیزدا دا گَزَیَنلر ( سییاره لر ) باشقالارینین دووره سینه فیرلانیرلار . یئر کوره سی ده همی اوز دوره سینه فیرلانیر همی ده گونشین دوره سینه فیرلانیر . اوز دووره سینه فیرلانماقدان گئجه _ گوندوز یارانیر و گونشین دوُوره سینه فیرلانماقدان فصیللر یارانیر .
بو فیرلانیشدا موحاسیبه اوزه رینده گاهدان کی یئر ایکیسینین اورتاسیندان کئچیر ، آی گورونمور یا اینجه گورونور
یانی یئر گونشین ایشیغینین قاباغینی توتور و گونشین ایشیغی آیا یئتیشمیر .
گاهدان دا گاهدان دا اورتادا هئچ بیر مانع یوخدو و بیز یئردن باخاندا آیی کامیل و دایره وی گوروروک‌
دئمک آیین اون دوُردوندن اوندوردونه ( ۱۴ ) آی کامیل گورونور کی اونا سارای ( ماه کامیل ) دئییریک . آرتیق آچیقلاما👇❤️❤️❤️

https://t.me/Adabiyyatsevanlar

اوشاق ادبیاتی

اولدوزلا قارغالار
یازار: صمد بهرنگی
چئویرن: منیژه جم‌نژاد

اون یئدینجی بؤلومون آردی...

اولدوز دئدی: ایسته‌ینده قاییدا بیلرم؟
بویوک ننه دئدی: اولدوز حتمن گرک قاییداسان. بیز قارغالار ایسته میریک بیری ائو ائشیینی، یولداشلارینی قویوب قاچسین، اؤزو دینج یاشاییب، کیمسه‌دن خبری اولماسین. اولدوز دئدی: منی نئجه اؤز یانینیزا آپاریرسینیز؟ بویوک ننه دئدی: هر شئی‌دن قاباق بیر بؤیوک تور لازیمدیر. بونو گرک اؤزونوز توخویاسینیز. اولدوز دئدی: تور نه دردیمیزه دیه‌ر؟ بویوک ننه دئدی: ایلک فایداسی بودور کی، قارغالار سیزین تنبل، بئکار اولمادیغینزا، خوشبختلیک اوچون زحمت چکدیینیزه اینانارلار. ایکینجی فایداسی بودور کی، سن اونون او٘ستونده اوتورارسان و قارغالار سنی قووزاییب اؤز شهرلرینه آپارارلار...یاشار سؤزون آراسیندا دئدی: بویوک ننه باغیشلایین، بیز ایپ، یون هاردان تاپاق؟ بویوک ننه دئدی: قارغالار همشه یاخجی آداملارا خدمت ائله‌مه‌یه حاضیردیلار. بیز یون گتیره‌ریک، سیز اییریب توخویاسینیز. دامدا یئکه داشلار واریدی. اؤگئی‌ننه...
بو یازینین آردینی ادبیات سئونلر کانالیندا اوخویون.
https://t.me/Adabiyyatsevanlar

اوشاق ادبیاتی

اولدوزلا قارغالار
یازار: صمد بهرنگی
چئویرن: منیژه جم‌نژاد

اون یئدینجی بؤلومون آردی...

اولدوز دئدی: ایسته‌ینده قاییدا بیلرم؟
بویوک ننه دئدی: اولدوز حتمن گرک قاییداسان. بیز قارغالار ایسته میریک بیری ائو ائشیینی، یولداشلارینی قویوب قاچسین، اؤزو دینج یاشاییب، کیمسه‌دن خبری اولماسین. اولدوز دئدی: منی نئجه اؤز یانینیزا آپاریرسینیز؟ بویوک ننه دئدی: هر شئی‌دن قاباق بیر بؤیوک تور لازیمدیر. بونو گرک اؤزونوز توخویاسینیز. اولدوز دئدی: تور نه دردیمیزه دیه‌ر؟ بویوک ننه دئدی: ایلک فایداسی بودور کی، قارغالار سیزین تنبل، بئکار اولمادیغینزا، خوشبختلیک اوچون زحمت چکدیینیزه اینانارلار. ایکینجی فایداسی بودور کی، سن اونون او٘ستونده اوتورارسان و قارغالار سنی قووزاییب اؤز شهرلرینه آپارارلار...یاشار سؤزون آراسیندا دئدی: بویوک ننه باغیشلایین، بیز ایپ، یون هاردان تاپاق؟ بویوک ننه دئدی: قارغالار همشه یاخجی آداملارا خدمت ائله‌مه‌یه حاضیردیلار. بیز یون گتیره‌ریک، سیز اییریب توخویاسینیز. دامدا یئکه داشلار واریدی. اؤگئی‌ننه اولاری سیرکه کو٘پونون دوره‌سینه دوزه‌ردی. بویوک ننه دئدی: یو٘نلری اولارین آراسینا ییغاریق. بیرآزدان سونرا قارغالار گئتدیلر. اولدوز دئدی: یاشار من هئچ یو٘ن اییریب توخوماق باشارمیرام. یاشار دئدی: من باشاریرام. دده‌مدن اؤیرنمیشم.

اون سگیزینجی بؤلوم:
🐧قارغالار چابالیر
👧🏻👶🏻 اوشاقلار اورَکدن چالیشیر
🌱ایشلر قاباغا گئدیر

یاشارین مدرسه‌سی باغلاندی. ایندی فارسی بیلیمی پیس دئییلدیر. دده‌سی- نین کاغاذلارین اوخویور، معنالاییر و ننه‌سینه دئیه بیلیردی. کیتاب دا اوخوردو. ننه‌سی گئنه پالتار یوماغا گئدیردی. دده تهرانین کرپیج کو٘ره‌لرینده چالیشیردی. چوخلو قارغا اولارین ائوینه گئت‌ گل ائدیردی. اؤگئی‌ننه هردن گؤیه باخیب، قارغالارین چوخلوغوندان جانینا قورخو اوتوروردو. اولدوز او٘زونه گتیرمیردی. اؤگئی‌ننه هردن توتولور، اؤز اوزونه دئییردی: اولمایا قیزین قارغالارلا دنگنه‌سی وار؟ آما دیلسیز آغیزسیز اولدوزون او٘زوندن بئله گورونموردو. ایپ اییرمک ایشی یاشارین ائوینده قاباغا گئدیردی. یاشار یئکه کیشی‌لر کیمی آیاغ اوسته دوروب، ایپ اییریردی. اولدوز ایپلری الی‌له بیربیرینه ائشیب، یوغون ایپلر دوزه‌لدیردی. حیطده بالاجا یووا بوش قالمیشدیر. ایپلری اورادا گیزله‌دیردیلر. بویوک ننه هردن اولارا باش چکیب ایش دورومونو سوروشوردو. یاشار ائشیلمیش ایپلری گؤستریردی. بویوک‌ننه گولور دئییردی: یاشایین یاخجی اوشاقلار، یاشایین! ساقین کیمسه گیزلی ایشله‌دیینیزی بیلمه‌سین! گؤز قولاغینیز آچیق اولسون. یاشارلا اولدوز دئییردیلر: آرخایین اول بویوک ننه. دو٘زدو بیزیم یاشیمیز آزدیر، آما عاغلیمیز چوخدور. بیر ائله بیلیریک کی آدام هر ایشی بیلیندیرمز. بیر سیرا ایشلری بیلیندیرر، بیر سیراسینی بیلیندیرمز. بویوک ننه اَیری دیمدیینی تورپاغا چکیب دئیه‌ردی: سیزدن خوشوم گلیر. دده ننه لرینیزدن چوخ فرقینیز وار. یاشایین! یاشایین! آما حله اوشاق سینیز و پیشمییبسینیز، گرک چوخ شئی لر اؤیرنیب و بوندان یاخجی دو٘شونه‌سینیز . گاهدان دا قارغا خانیم لا قارداشی گلیردیلر، اولارین یانیندا اوتوروب دانیشیردیلار. بولوددان، یئل دن، داغ دان، داشدان، چول دن، گو٘ل دن دانیشیردیلار. اولدوزلا یاشار اللی آلتمیش قارغایلا دا تانیشمیش‌دیلار. قارغا خانیم دئیه‌ردی: قارغالارین شهرینده بیرمیلیون دان چوخ قارغا یاشاییر. بو سؤز اوشاقلاری سئویندیریردی. بیر میلیون قارغا بیر یئرده یاشییب داوالاری دا چیخماز، نه گوزل!


https://t.me/Adabiyyatsevanlar

اوشاق ادبیاتی
چئویریب حاضیرلایان:«ویدا حشمتی»

«منیم قهرمانیم‌ سنسن»


سارا بئله بیلیردی کی، آناسی بیر قهرمان‌دیر. چونکی اونون آناسی دونیانین لاپ یاخشی آناسی و عالیمی(دانشمند)ایدی.
اما سارانین آناسی دا، کرونا خسته‌لییی اوچون، علاج تاپا بیلمیر.
سارا آناسیندان سوروشدو:
-کووید-۱۹ نه شکیلده‌دی؟
اناسی دئدی:
-کووید-۱۹ یا کرونا ویروس اوقدر کیچیکدی کی، گؤرسه‌نمیر. آما بو ویروس، آسقیرماق و اؤسگورمک ایله باشقالارینا دا بولاشیر. بئله‌لیک‌له خسته‌لر، بیر اینسانا یا بیر شئیه ال‌ وورونجا بو ویروسو یاییرلار. کرونا ویروس خسته‌لییی توتانلارین، قیزدیرما(تب)، اؤسکورمه، نفس چکمک سورونلاری اولور.
سارا دئدی:
-اوزامان بیز بو ویروسو یئنه بیلمه‌ریک، چونکی چوخ کیچیکدیر و بیز اونو گؤره بیلمیریک.
سارانین آناسی دئدی: "بیز بو ویروسو یئنه بیله‌ریک، من سنین گووه‌نده(امنیت) اولدوغونو ایستیرم، ویروس هر کسه بولاشا بیلر. بو ویروسلا ساواشیمیزدا، هر کس بیزه یاردیم ائده‌بیلر. اوشاقلارین اؤزل(ویژه) باجاریقلاری واردیر. اونلار بؤیوک ایشلر گؤره‌بیلرلر...
بویازینین آردینی ادبیات سئونلر کانالیندا اوخویون.

https://t.me/Adabiyyatsevanlar

اوشاق ادبیاتی
چئویریب حاضیرلایان:«ویدا حشمتی»

«منیم قهرمانیم‌ سنسن»


سارا بئله بیلیردی کی، آناسی بیر قهرمان‌دیر. چونکی اونون آناسی دونیانین لاپ یاخشی آناسی و عالیمی(دانشمند)ایدی.
اما سارانین آناسی دا، کرونا خسته‌لییی اوچون، علاج تاپا بیلمیر.
سارا آناسیندان سوروشدو:
-کووید-۱۹ نه شکیلده‌دی؟
اناسی دئدی:
-کووید-۱۹ یا کرونا ویروس اوقدر کیچیکدی کی، گؤرسه‌نمیر. آما بو ویروس، آسقیرماق و اؤسگورمک ایله باشقالارینا دا بولاشیر. بئله‌لیک‌له خسته‌لر، بیر اینسانا یا بیر شئیه ال‌ وورونجا بو ویروسو یاییرلار. کرونا ویروس خسته‌لییی توتانلارین، قیزدیرما(تب)، اؤسکورمه، نفس چکمک سورونلاری اولور.
سارا دئدی:
-اوزامان بیز بو ویروسو یئنه بیلمه‌ریک، چونکی چوخ کیچیکدیر و بیز اونو گؤره بیلمیریک.
سارانین آناسی دئدی: "بیز بو ویروسو یئنه بیله‌ریک، من سنین گووه‌نده(امنیت) اولدوغونو ایستیرم، ویروس هر کسه بولاشا بیلر. بو ویروسلا ساواشیمیزدا، هر کس بیزه یاردیم ائده‌بیلر. اوشاقلارین اؤزل(ویژه) باجاریقلاری واردیر. اونلار بؤیوک ایشلر گؤره‌بیلرلر. سن بیزیم اوچون ساغ قالمالی‌سان. ایستیرم منیم قهرمانیم اولاسان".

سارا او گئجه یاتدی آما قهرمانلیق حسی یوخ ایدی. اونا گؤره چوخ ناراحات ایدی. او مدرسه‌یه گئتمک ایسته‌ییردی آما مدرسه‌لر تعطیل ایدی. ایسته‌ییردی یولداشلارینی گؤرمه‌یه گئتسین، آما بو ایش ده خطرلی ایدی. سارا ایسته‌ییردی، کرونا ویروس، اونو و دونیاسینی راحات بوراخسین.
سارا اؤزونه دئدی: "قهرمانلار اولاغان اوستو (فوق العاده) گوجلره صاحب‌دیرلر ".
گؤزلرینی یوموب، اؤزوندن سوروشدو: "منیم هانسی اؤزل گوجوم واردیر؟"
بیردن قارانلیقدا بیری یاواشجا اونون آدینی سسله‌دی.
سارا سوروشدو: "کیم اوردادیر؟"
سس جاواب وئردی: "سارا! قهرمان اولماق اوچون نه‌لره احتیاجین وار؟"

سارا دئدی: "من بیر یول آختاریرام دونیا اوشاقلارینا دئیم کی، سلامت قالماق اوچون نئجه اؤزلریندن مواظب اولسونلار "

سس دئدی: "من نه ایش گؤره بیله‌رم؟"
سارا دئدی: "منه اوچا بیلن و اوجا سسی اولان بیر شئی لازیم‌دیر."

بیر گؤز قیرپیمیندا، ویژ-ویژ ائدن عجیب بیر شئی آی ایشیغندا تاپیلدی.

آردی وار...


https://t.me/Adabiyyatsevanlar

اوشاق ادبیاتی

۲۴ساعات یوخو و آییقلیق
یازار:« صمد بهرنگی»
چئویریب حاضیرلایان:« ویدا حشمتی»
اون‌بیر-جی بؤلوم


آتام منیم وورنوخماغیمی گؤروب، سوروشدو:
- لطیف بالا! بیری ایله ساواشیبسان؟ بیری سؤز دئییب سنه؟ آخی دئ گؤروم نه اولوب؟
منیم دانیشماغا هیریم یوخ ایدی. ایسته‌ییردیم دانیشمامیش، غصه یئیم.
آنامی کؤنلوم ایسته‌ییردی، اونون عطرین قوخلاماق، قوجاقلاییب، اؤپمک ایسته‌ییردیم. بیردن باشلادیم آغلاماغا. آتامین کؤکسونده باشیمی گیزله‌دیب، هونکور-هونکور آغلادیم.
آتام دوروب، اوتوردو. منی قوجاقلاییب، باشیمی اوخشادی. اما گئنه هئچ نه دانیشمادیم. "آناما داریخمیشام" دئدیم. سونرا یوخوم توتدو. گؤزومو آچاندا، آتام دیزلرینی قوجاقلاییب، جاماعاتا باخیردی. من آیاغینی سیلکه‌له‌ییب، دئدیم:
-آتا-آتا...
آتام منه باخدی، اللرینی ساچلاریما چکیب دئدی:
-آییلدین جانیم؟
من باشیمی ترپه‌دیب، دئدیم:
-هه...
آتام دئدی:
-صاباح اوز شهریمیزه قاییداجاغیق. گئدیریک آنانین یانینا. اولارسا ایش تاپیب، بیر تیکه چؤرک چیخارداریق. اولماسا دا اولماییب. بوردا یئتیم قالماقدان...
بو یازینین آردینی ادبیات سئونلرکانالیندا اوخوبون.
https://t.me/Adabiyyatsevanlar

اوشاق ادبیاتی

۲۴ساعات یوخو و آییقلیق
یازار:« صمد بهرنگی»
چئویریب حاضیرلایان:« ویدا حشمتی»
اون‌بیر-جی بؤلوم


آتام منیم وورنوخماغیمی گؤروب، سوروشدو:
- لطیف بالا! بیری ایله ساواشیبسان؟ بیری سؤز دئییب سنه؟ آخی دئ گؤروم نه اولوب؟
منیم دانیشماغا هیریم یوخ ایدی. ایسته‌ییردیم دانیشمامیش، غصه یئیم.
آنامی کؤنلوم ایسته‌ییردی، اونون عطرین قوخلاماق، قوجاقلاییب، اؤپمک ایسته‌ییردیم. بیردن باشلادیم آغلاماغا. آتامین کؤکسونده باشیمی گیزله‌دیب، هونکور-هونکور آغلادیم.
آتام دوروب، اوتوردو. منی قوجاقلاییب، باشیمی اوخشادی. اما گئنه هئچ نه دانیشمادیم. "آناما داریخمیشام" دئدیم. سونرا یوخوم توتدو. گؤزومو آچاندا، آتام دیزلرینی قوجاقلاییب، جاماعاتا باخیردی. من آیاغینی سیلکه‌له‌ییب، دئدیم:
-آتا-آتا...
آتام منه باخدی، اللرینی ساچلاریما چکیب دئدی:
-آییلدین جانیم؟
من باشیمی ترپه‌دیب، دئدیم:
-هه...
آتام دئدی:
-صاباح اوز شهریمیزه قاییداجاغیق. گئدیریک آنانین یانینا. اولارسا ایش تاپیب، بیر تیکه چؤرک چیخارداریق. اولماسا دا اولماییب. بوردا یئتیم قالماقدان یاخشی‌دی.
یول اوزونو بیلمه‌دیم سئوینیم یا یوخ. اوره‌ییم گلمه‌ییردی دوه‌دن آیریلام. دوه‌نی ده اؤزوم‌ایله آپارا بیلسه‌یدیم یاخشی اولاردی. داها غصّه‌م یوخویدو.
گئتدیک شهریمیزه اوتوبوس بیلیتی آلدیق‌. بیراز خییاوانلاردا دولاندیق. آتام آخشاما کیمی ال داشقاسینی ساتمالی ایدی. من ده ایسته‌ییردیم حتماً دوه‌نی دویونجا گؤره‌م. آتام‌لا گئجه‌نی گاراژین یاخینلاریندا قالماغیمیزا قرار وئردیک. آتام منی بوراخماق ایسته‌مه‌ییردی، آما من دئدیم:
-گئدیرم بیراز دولانام اوره‌ییم آچیلسین.
آخشاما یاخین ایدی. نئچه ساعات اوردا دوروب، دوه‌یه تاماشا ائتدییمدن، خبریم یوخ ایدی. بیردن اوستو آچیق بیر ماشین گلیب دایاندی. ایچینده اوزو گولوشلو بیر قیز اوتورموشدو. دوه‌یه باخیب سئوینیردی. اوره‌ییمه قویولدو کی بو دوه‌نی آلاجاقدی.
قیز آتاسینین الیندن یاپیشیب، دوکانا ساری چکیردی. دئدی:
-"تئز اول-تئز اول ایندی باشقاسی گلیب آلار."
اونلارین اؤنونو کسیب، دوکانا گئتمک‌لرینه مانع اولدوم. اؤز حالیمدا دئییلدیم. قورخموشدوم؟ آغلاماغیم گلیردی؟ غصّه‌لنمیشدیم؟ بیلمیرم نه حالدا ایدیم. ائله اونو بیلدیم کی اؤنله‌رینی کسمیشدیم، یالوارا-یالوارا دئییردیم:
-ساتیلیق دییل، ساتیلیق...


آردی وار

https://t.me/Adabiyyatsevanlar