ادبی کؤرپو ادبیات درگی سی
یئنی سایی ایشیق اؤزو گوردو.
بو آدرس‌دن ائندیره بیلرسینیز:
http://kitabxana.net/?oper=readBook&id=4863


https://t.me/Adabiyyatsevanlar

دوکتور کامیل قهرمان اوغلو
شاعیر، یازیچی، آراشدیریجی

https://t.me/Adabiyyatsevanlar

#بیر_شعیر
#بیر_قیسا_باخیش

#کامیل_قهرمان‌اوغلو


گون چیخیشی و اوشاق یوخولو کارتونلار...
شورانلیق داملاجیغی کیمی
آغاجلارین اینامی کیمی
هوپموشام داغینتیلاریمین گؤيسونه...

فلقین دانلیغینا بوکولور بدنیم
شافاغین ایلانلیغینا
سوزولور داملا داملا اوتانقیجلیغیم
یویونوروق ماویلیکلره؛
بیر من، بیر دورنا بالیغی و دنیز آتی
سولار روحوندا دئوریم دوشور
ساچلاریمی هؤرور بالیقلار...
گون چیخیشی و کارتون یوخولو اوشاقلار
"آیدین*"ین الینده بیر دولچا
"مجید*"ین الی بوشدان دولو اسید هاواسی
جیزقی چکیلمیش ساغ اوزونده
و من باخیرام
و آلینیرام باخیشیمدا بویلو نیسگیللریمه
دامغالی گونلریم دوشور یادیما
ماشین سیگنال وورور
و گئدیرم کندیمی

ایضاح:
*ایدین شاعیرین اوغلو و مجید قارداشی دیر.
#مرجان_مناف_زاده

بو شعیری اوخودوقدا مودرن شعیرین نئچه واریانتلارینی خاطیرلادیم. آرتیق کئچیرم شعیرین تعریفیندن و بیرباشا گلیرم شعیرین اوستونه.
بو شعیری، نئچه باخیمدان باخیب و آراشدیرماق لازیم و مومکون گؤرونور.
دیل و محتوا باخیمدان آرتیق هر بیر شعیر اؤزونه اؤنملى رول اوینایا بیلیر.
ایلکین‌جه دیل، بیر شعیرین اؤزللیگی و شاعیرین آرتیق گوجونو نمایشه قویور.
منجه اگر بیر شعیر هر هانسی قالیبده یازیلیرسادا اوقدر اؤنم دئییل. بلکه شعیرین دیلی یئنیسل‌لیک و باغیمسیزلیق وریندن اؤزونو بوشقابا قویارکن، گؤسترير مثلن بو شعیرین دیلی، و شعیرییتی نه حدده گوجلو و یوخسا ضعیف جیلوه لندیریر.
بونا رغمن چاغداش و مودرن شعیرینین بعضی دیل یاناشمالارینی سادالایاجاغیمدان سونرا شعیری دیل باخیمدان آراشدیریم.
ژان فرانسوا لیوتار، معاصیر مودئرن و پست مودئرن چاغداش شعیرینین ان واجیب و مکمل اؤزلليگینی محتشم روایت و یا فرا روایت چؤکوشونو ابراز ائدرک دئییر: "پست مودئرنیزمین شوبهه و یاشی و یا منطیقی تعریفلرین اؤلومو و زاوالیدیر و بو شوبهه، شوبهه سیزکی، علمین اینکیشافیندا ایره‌لی گئدیر."
بلی اگر باشقا دیلده دئیه بیلسم اؤنجول شعیری جزئیات شکلینده باش وئریر و عکس پووئست میلینده چوخ ساحه‌لی مجازلاری اؤزه چکیر.
پائول ریکور "فئنومونولوژی نظریه‌سی ایله آنلاتیمی وورغولاییر"
ژاک دریدا " هر شئی دیلده ایتیفاق دوشور " دئییر.
و سوسیال پئسیخولوگیانین قوروجو و بانیسی باختین روس متفکری دئییرکی: "اوبیئکتیو، موشاهیده‌لری آرتیق وورغولایا بیلیر" .
چاغداش شعیرده تره فیلیک" جزئی نگری، اوبیئکتیو"عینیت گرایی" پووئست"روایت" طنز و پولیفونیا کیمی کومپونئنتلره قارشی دورما موناقیشه‌لرینده، آچیق شکیلده تمثیل اولونور.
آوانقارد شعیرینده لاپ ایندیکی حالدا و دورومدا تیکینتی سیندیرماغی و سپه‌لنمه فورمادا دئمگی، پلورالیزما، نئچه معنالی اولماقلیغی، "سئمانتیک" و نئچه اولچولولویو، نورما قاچیشی، تانیشلیقدان قاچماغی، پوزیخوسلولوق، و پوزقونلوغو دستکله‌لیر. یعنی بو سادیلادیغیم قونولار قاباقجیل شعیرینین اؤزللييي و گورکملی‌لیگی حسابا گلیر.
بو پوئتیک شرطلره اساسلاناراق خانیم مرجان منافزاده گؤزل شاعیر اولاراق شعیرین دیلینی یاخشی باشا دوشور و جانلی کومپوزیسیالارین ،ترکیبلرین، یارادیلماسینی بیلیر. و چالیشیر اثرینده ائوریمه " تکامل" چاتارکن‌ده دئوریمه اوغراتسین شعیرینی.
آنجاق بعضن بو شعیردن آسیلی اولمایاراق، بو عزیز شاعیرین دیگر اثرلرینده شعیر اوبرازینین لازیم اولدوغو کیمی و بلکه ده لازیم اولدوغو قدر یارادا بیلمه‌دیگینی گؤروروک (البتده بو شعیرده یوخ دیگر شعیرلرینده).
بیر داها هانسی بیر شاعیرین و یا هر هانسی بیر شعیر دؤرونون ان خاراکتئریک اوسلوب ائلئمئنتی سادیلانیر. دیلین فورمال ائلئمئنتیلری سؤزلر و بیرلشمه‌لردیر و شاعیرین یارادیجیلیغی اونلارین شورلو و عیصیانسال سئچیمینده دیر. فونتیک و سینتاکتیک تنظیم‌له‌مه‌لرله، تنظیمله‌نن سئچیم ان گؤزل نقش اویناییر. آنجاق اولایلارین و حادیثه‌لرین دیلده باش وئرمه‌سی شاعیرین دوشونجه‌سینین، تخییولونون معنوی تکامولونون چئوریلمه‌سینده دیر.
و شاعیرین دونیایا و اینسانا خوصوصی بیر موناسیبتی اولمادیغی موددتجه، معین بیر دیلی اولا بیلمز. و اگر دوشونجه دییشیلمه‌دن و یالنیز دیل سوییه‌سینده دییشیک‌لیک اولماسا، گورکملی و قاباقجیل شعیره چاتا بیلمه‌یه‌جه‌یین دوشونمک، چوخدا سهودیر. بو وضعییتده سونوج آنارخیزمیدن باشقا بیر شئی اولمایاجاقدیر.

محتوا باخیمدان

بو شعیرده سئوگیلی شاعیر مرجان خانیم مضمونونا گؤره یاشادیغی سوسیال آغری ایله قارشیلاشیر.
بوندان آرتیق بو شعیرده اؤز توپلومسالی‌نین پرابلئمی و سورونو اعلا درجه ده ایضاح ائدیلمیشدیر. حایاتا کئچیریلمه‌میش و آرزولارینا چاتمایان شاعیر، صوب واختی خیابانا چیخاندا بیر اوشاغی اوست، باشی تور‌تؤکونتو و جیریق گئیمده یوخسوللوق دردیندن سحرین شیددتلی و جان یاندیریجی سویوغوندا کارتوندا یاتمیش گؤرور.
آردی ایکینجی صحیفه ده👇👇👇

https://t.me/Adabiyyatsevanlar

#ایکینجی صحیفه
آیدینین الینده بیر دولچا و مجیدین
الینی بوشدان دولو اسید هاواسی ایله باخیشیندان کئچیریر .
(گون چیخیشی و کارتون یوخولو اوشاقلار
"آیدین*"ین الینده بیر دولچا
"مجید*"ین الی بوشدان دولو اسید هاواسی
جیزقی چکیلمیش ساغ اوزونده
و من باخیرام.)
منجه بیر حرفه‌ای شعیر هر یؤنه‌تیدن یاراشیق تاپیرسادا اینجه‌لیک و فونتیکالیق شعیرین آغیرلاشماسینا یاردیم ائدیر.
بئله بیر دوشونجه‌لر شعیرین عومرونون اوزانماسیندا وارسیل‌لاشدیریر. اگر شاعیر چئوریلیشه یول تاپماسا اثرلرینده تیکرارا اوغراناراق نقدر یازسادا اؤز باشینا فیرلاناجاقدیر. بئله‌لیکله تقلید شاعیری داها سومسوک ائدرک باشقالارینین اثرلرینه داهادا سایریلیق‌لاندیریر.
بلی بو اثر جانلی و روحلو و قالارغی اولاراق مینلرجه ایشچی اوشاغین شه‌هر خیاوانلاریندا زورلا ایستیثمارا معروض قالاراق حتا تجاوزه‌ده اوغرانیلماسیندان سؤز آچیر. منجه گلین باجیم مرجان منافزاده خانیم اؤز ماحالینین و میللتینین باشدان آیاغا آغریسی دیر. اووووففف...
و شاعیر حیددتلی گؤزايله باخیر و هوشونو جانیندان گئدرکن، اؤز یازیق و بدبخت گونلرینی خاطیرلاییر و سوندا ماشینلارین سس، کویونده اؤزونو ایتیریر. بئله‌لیکه شعیر سونا چاتیر.
بو آراشدیرما عینی حالداکی آغلاتدی منی آمما بو گؤز داملالاری کدرینده بیر سئوینج دامجیلاری‌دیر، کی داها اؤز تورک چاغداش ادبییاتیمیزا فرحله‌نیرم کی خانیم مرجان مناف زاده سایاق ائل دردینی کلمه‌لرله یاراشیق وئرن شاعیرلریمیز واردی.
عشق اولسون و ساغوللار گره‌ییم اولاراق بؤيوک تانریدان مرجان خانیما زنگین باشاریلار دیله‌ییم وار. اولسونکی یئپ‌یئنی یارادیجیغی ایله تورک ادبییاتیمیزا خیدمت گؤستره بیلسین.

سایغیلارلا:
آزر آیی 1399
#کامیل_قهرمان‌اوغلو

https://t.me/Adabiyyatsevanlar

✅✅✅سایین کانالداشلار
بو گئجه: 99/10/14
ساعات : 21
ادبیات سئونلر کانالیندا ائتیمولوژی درسلیک لری اولاجاق .
اوزمان : دوکتور ارشد نظری

https://t.me/Adabiyyatsevanlar

ائتیمولوگییا درسلری 99/10/14
آلا قاپی ۱
https://t.me/Adabiyyatsevanlar

ائتیمولوگییا درسلری 99/10/14
آلا قاپی ۲
https://t.me/Adabiyyatsevanlar

ائتیمولوگییا درسلری 99/10/14
آلا قاپی ۳
https://t.me/Adabiyyatsevanlar

ائتیمولوگییا درسلری 99/10/14
چاره ، ناچار
https://t.me/Adabiyyatsevanlar

فیروز_رحمانی

داریخیر ایچیمده آلاجا بیر ایت
هورورم...هوروروک قارانلیقلارا
یئنه دیله توتور قودوز داریخما
یئنه قان تؤکه‌جک اورتالیقلارا

دئدیم ایت جانیمی گؤتوروم قاچیم
یال ائدیب یالادی دویغولاریمی
دئدیم بیر بوگئجه زنجیرین آچیم
زنجیره دولادی دویغولاریمی

داریخمام عادیجه داریخما دئییل
نه ایت آپاراندی نه قورد ییین دی
گوندوز لر گؤزوندن قاچیب ایتسم ده
گئجه لر یقین کی سؤز او دیین دی

اوزاق کئچمیشیمی آنیمساییرام
چیمیرم بو گئجه ایت آراغین‌دا
داریخما قوسورام سطیر به سطیر
اؤلورم شعریمین سون واراغین‌دا


https://t.me/Adabiyyatsevanlar

سئید_علی_صالحی

چئویرن:
آیسو_زنگانلی

ما را می‌گردند
می‌گویند همراه خود چه دارید؟
ما فقط 
رویاهایمان را با خود آورده‌ایم.
پنهان نمی‌كنیم
چمدان‌های ما سنگین است،
اما فقط
رویاهایمان را با خود آورده‌ایم.


بیزی یوخلاییب سوروشورلار
اوزونوزله نه یینیز وار ؟
بیزیم له اولان ساده جه رویالاریمیز دیر ...
گیزلتمه ییریک
چمدان لاریمیز آغیرسا دا ، بیزیم له اولان ساده جه رویالاریمیزدیر .

https://t.me/Adabiyyatsevanlar

*📄بیزیم تورپاق!*
*🖊️ ع. ن. چاپار*

بو تورپاق‌ بیزیم تورپاق:
قانلی تورپاق
سؤزلو تورپاق!
بو تورپاق‌ بیزیم تورپاق:
شوران تورپاق
دوزلو تورپاق!
بو تورپاق‌ بیزیم تورپاق:
سوسوز تورپاق
توزلو تورپاق!

سؤزو ده ساتیلیر تورپاغیمیزین،
دوزو دا
توزو دا!
آنجاق
سؤزونه گؤز یاشیمیز تؤکولور،
دوزونا گؤزلریمیز یانیر
توزونا کؤنلوموز بوغولور!...
قارا چؤکموش باشینا تورپاغیمیزین
کیم توتاجاق یاسینی؟!
کیم کؤچورده‌جک بو ائلدن او ائله
ائلینی - اوباسینی؟!

بو تورپاق بیزیم تورپاق:
سؤزلو تورپاق
دوزلو تورپاق
توزلو تورپاق...!


https://t.me/Adabiyyatsevanlar

‏هی گول سره گول سره...

https://t.me/Adabiyyatsevanlar

به‌یل عزالی‌لاری 02 / غلامحسین ساعدی – چئویرن: نیگار خیاوی – سسلندیرن: داور فرمانی

به‌یل عزالی‌لاری 02 غلامحسین ساعدی – چئویرن: نیگار خیاوی سسلندیرن: داور فرمانی

https://t.me/Adabiyyatsevanlar

شعیر:«نیگار خیاوی»
سس:«کبری میر حسینی»

https://t.me/Adabiyyatsevanlar

«کیان_خیاو»

نه_یاخشی_یوخسان_سئوگیلیم


نه یاخشی یوخسان سئوگیلیم،
انایین بیر سئوگی جوغرافیاسیندا یاشاییرام
و هئچ ده غریب دئییلم
باشقا بیر یاشام‌دیر آرتیق وطن‌سیز اولماق!...

نه یاخشی یوخسان سئوگیلیم،
کیتاب یازمیرام
یایین اورقان‌لاری‌نین
باش ویجدان‌سیزلارینا باش اَیمیرم
ان بؤیوک بیر یالنیزلیغین حرکت‌سیز سورگون- دیدرگینی‌یم
اوزاغام تئکنولوژی‌نین آنتی سوسیال‌لیغیندان
اوزاغام سوسیال بیلیم‌لر دونیاسیندا اؤزونه آلان بولان‌لاردان...

نه یاخشی یوخسان سئوگیلیم
درد باتمان‌لا گلیب میثقال‌لا چیخمیر
سن‌لی- سن‌سیز کئچینیر کوسموسون دوزنی
سن‌لی- سن‌سیز کئچینیرم گؤزل اؤیرنجی‌لریم‌له
بورنو دئشیک آیاق قابی‌لار ایچیندن
باش بارماق‌لاری گؤرونن آریق قیزلار، اوغلان‌لار...

نه یاخشی یوخسان سئوگیلیم
بیزدن اولمایان اؤلکه‌نین یوکسک گؤرَو‌لی‌لری
بیزدن گیزلی هانکیسا قونویلا باغلی گرگین دوشوننده من دوشونمورم
نه ایران‌دا ایش‌سیز وار
نه ایشید عسگرلری
نه پورتره پرده‌سینه کؤچورولموش سوریا‌لی اوشاق‌لار،
نه افغان‌لی تعجیزه معروض قالان‌لار
نه ائلیمیز، نه دیلیمیز
نه اورتا‌دان یئددی یئره بؤلونموش بایراغیمیز وار
نه ایشغال آلتیندا اولان تورپاغیمیز
نه ننه امجه‌یی کسن‌لر
نه آنا دؤشونو دیشله‌ین ناخلف‌لر
نه دونیایا فرمان وئریر آمئریکا
نه ده اونا هده بیچیر
یاری دوغو، یاری آسیا روسیا
نه سن وارسان نه ده من
نه ده من سن‌سیز گؤرورم
انسان‌لار نئجه یاشامین قاچینیلماز چلیشکیسی‌یله سازیشیر...

نه یاخشی یوخسان سئوگیلیم
سن اولسایدین
بوتون یئر اوزونو قوجاقلایاردیم!...

نه یاخشی
نه یاخشی داها دئمیرم
بوتون بو سورون‌لار بئینیمی دلیر
ایندی بو سؤزو قوی قاپانا
گؤر نئچه کیلو گلیر!...


https://t.me/Adabiyyatsevanlar

ائلچی داشی(مریخ سفری ۳)
✍افروز خانیم

یاللاه. دور گؤروم. هله یاتیب.
-افروز نه دیر بو گئجه یاریسی یئنه بئینیوه ووروب؟!
یئنه بیر سؤز ائشیتدین منیم بو جیریق یاخامدان یاپیشدین؟!
آرواد سن بیل آللاه قوی یاتیم. سنین کیمی بختور دئییلم ساعات اوناجان گاه دوغویا گاه باتی‌یا چئویریلیب خورولداییرسان. صاباح من یازیق ایستی سومودان- فتیردن آلماسام گونومو گؤی اسکی‌یه توتاجاقسان آخی. سن آللاه قوی یاتیم.
-نمنه؟ یاتاسان؟ دور آیاغا گؤروم. گرک بیر شئیلری منه آچیقلایاسان.
- یات جانیم گؤزوم. ایذین وئر صاباح آچیقلارام.
- بیلیرسن افروزون تویوغونون بیر قیچی وار.صاباح اولماز.دور دئدیم دور.
- یاخشی نه اولوب؟! بو گئجه یاریسی نمنه‌نی آچیقلاییم گرک؟!
- ائلچی داشینی. سن منه ائلچی‌لیگه گلنده ائلچی داشی گتیرمه‌ییبسن.
- ائلچی داشی نه‌دیر جانیم؟! ننه‌م روحو ددم گوُرو من بیلمیرم او نه دیر!!
- ائتیمولوژی اوستادیمیز دئییر: قدیم بیزیم آتا- بابالاریمیز قیزا ائلچی گئدنده پایدان پارچادان، اللرینه گلندن، قوووه‌لری یئتیرندن آپارارمیشلار. آمما لاپ اصیل و اؤنملی شئی بیر داشیمیش!!
ائلچی اوغلان(بگ)آرخ قیراغینا گئدیب ان گؤیچک، یار- یاراشیقلی بیر داش تاپارمیش، سونرا او داشی اورتادان دَلَرمیش قیزا آپارارمیش. قیز او اوغلانا هه دئیه- دئمه‌یه او داشی ساخلارمیش. سونرالار تویدا اونلاری ایپ- ساپا دوزوب بوینونا آسلارمیش پوز وئررمیش. هر قیزین بوینوندا کی داشی چوخ اولسایمیش دئیرمیشلر بختورین گؤر نه قدر ائلچیسی واریمیش.
ایندی سن منه ائلچی داشی گتیرمه‌ییبسن من نئجه پوز وئریم؟!
نه دن گتیرمه‌ییبسن هن....نه دن گتیرمه‌ییبسن؟!
- افروز قادانی آلیم صبر ائله بیر.
بیرینجی: هلبت گؤرسم سنین او اوستادینلا چوخ ایشیم وار گئجه یاریلاری سنی منیم جانیما سالیر.
ایکینجی: اؤزون دئییرسن قدیم جانیم. بیز او قدر ده قدیم دئییلیک کی.
- من بیلمه‌رم.سن گرک منه ائلچی داشی گتیره‌یدین.
- نئینک یات. صاباح خیاوچایی نین قیراغینا گئده‌ریک. نه قدر داش دئسه‌ن جانیم جهنم گتیرک دلیم بوینووا سال.پوز وئر. یالنیز الان یات قادان منه.
-اصلن ایندی کی بئله اولدو صاباح میرریخا اوچوب اوردان ان باهالی و گؤزل-گؤیچک داشلار گتیره‌جم. بیر بویونباغی اؤزومه دوزلده‌جم آلخی- بالخی ووراجاق. کیم نه بیلیر دئیه‌جم بو داشلارین ساییندان چوخ منیم ائلچیم واریدی بو هله بیر بویونباغیسی دیر.

دوغرو کی دوستلار یازیبلار: افروز آز یئرده- گوی ده گز، ارین بوشایار قالارسان بئله آمما بو سفر سودان-هاوادان واجیب دیر منه.آبیر مسئله‌سی آرادا دیر. یوخسا دئیرلر من گؤیچکلیک ده قیزین ائلچیسی یوخ ایمیش.
- افروز قلبینه گلمه‌سین ها ائله ده گؤیچک اولسایدین فراساتلیلار سنی گؤیده قاپیب من آوارایا وئرمزدیلر.😂
- هئچ زادین دا اولماسا یاخشی او اوزون دیلین وار. یئرده قالمازسان.اوزیوه لعنت.

صاباحیسی سفینه‌مله اوچدوم میرریخا.
ایندی ایسه بیر یئکه تلیس بو گؤردویونوز گؤیچک داشلاردان گتیریب، دَلیب بویونباغی جورلامیشام. گلین آلین‌. سالیب پوز وئرین. دونیا هئچ نمنه‌یه دَیمَز. یالنیز پوز وئرمک قالار.
بالام جانی کیمسه‌یه ده دئمه‌رم مندن آلیبسیز. دئیین: بو داشلارین ساییجا ائلچیم واریدی منیم.اؤزوم بیه‌نیب گئتمه‌میشم.
یالنیز قورخوردوم"سلطانِ سنگ" آدلاییب اؤزومو اعداما محکوم ائلییه‌لر.
بیر بیلیجی حکیم دئدی: قورخما افروز خانیم. بوردا سولطانلاری توتمورلار آفتافا اوغرولارینی توتورلار.کئفینی چک.

خیلاصه اوستادی ساغ اولسون ایندی ایسه لاپ بئله گ....له دوشموشم قویماق قازانینا. ائله باخ تیجارت داشدایمیش. اؤزو ده نمنه؟ ائلچی داشیندا.
کرونایا گؤره گله بیلمه‌سه‌نیز ده، افروز خانیم آنلاین، #ائوده_قال
#ائوده_آل آدرسیندن داشلاری ائوده آلا بیلرسینیز ننه قوربان.
تانری بو افروز خانیمی یئرین-گؤیون بلاسیندان قوروسون کی هر جهتدن سیزین فیکرینیزده دیر.

https://t.me/Adabiyyatsevanlar

یومور...

https://t.me/Adabiyyatsevanlar

🔻بهترین رمان‌های سال 2020 به انتخاب گاردین


هر ساله و با زدیک شدن به سال جدید میلادی مجلات و کتابفروشی‌ها آثاری را به عنوان برترین‌های سال معرفی می‌کنند. در این مطلب نگاهی به آثار برتر سال 2020 از نگاه «گاردین» خواهیم داشت.



به گزارش ایبنا به نقل از گاردین، با آغاز سال 2020 و اوج گرفتن بیماری کرونا فروش آثاری چون «طاعون» نوشته آلبر کامو و «خاطرات سال طاعون» نوشته دنیل دوفو افزایش یافت.
 
البته آثاری در سال 2020 هم با موضوعاتی مشابه وجود دارد که مورد استقبال خوانندگان قرار گرفت. «همنت»، که برنده جایزه ادبیات داستانی زنان بریتانیا شد، عشق و زندگی را در سایه مرگ در چهار قرن پیش نشان می‌دهد. داستانی درباره زندگی پسر ویلیام شکسپیر، نمایشنامه‌نویس انگلیسی است که بر اثر ابتلا به طاعون از دنیا می‌رود. البته به جای نویسنده انگلیسی بر روی زندگی آن هاثاوی، همسرش تمرکز می‌کند.
 
«کشیدن ستارگان» نوشته اِما دان هیو دیگر کتاب انتخابی گاردین است که در سال 1918 و در دوره پاندمیک آنفلوآنزا رخ می‌دهد و نشان می‌دهد که واکنش انسان‌ها نسبت به این موضوع چندان تغییر نکرده است.
 
دن دلیلو داستان «سکوت» را پیش از شیوع کرونا نوشت اما داستان در حالی رخ می‌دهد که شخصیت اصلی در اتاقی زندانی شده و دوربین‌ها همه اتفاقات را ثبت می‌کنند.
 
فجایع کشف‌نشده موضوع اصلی نیمی دیگر از رمان‌هایی است که در سال 2020 منتشر شده است. «هوا» نوشته جنی اوفیل حکایت‌ها و قصه‌هایی را که منجر به ایجاد آمریکای ترامپ شد روایت می‌کند.
 
«تابستان» نوشته آلی اسمیت، که هر ساله به عنوان یکی از نامزدهای نوبل ادبیات مطرح می‌شود، در فهرست آثار برتر گاردین قرار دارد. در آغاز کتاب از دیدگاه یکی از معترضین به اتفاقات دنیا به نام ساشا گرینلا، پسری 16 ساله وارد داستان می‌شویم. دخترک با مادرش گریس و برادرش رابرت زندگی می‌کند. در همسایگی‌شان پدر ساشا به همراه دوست‌دخترش، اَشلی زندگی می‌کند. اَشلی در حال نوشتن کتابی درباره قدرت کلمات است و دست از سخن گفتن برداشته است. ماه فوریه است و آتش همه استرالیا را فرا گرفته و کوید 19 در حال پخش شدن در سراسر دنیا است.
 
نام «چراغ و آینه» نوشته هیلاری منتل در فهرست برتر بیشتر مجلات و کتابفروشی‌ها قرار داشت. سومین کتاب از سه‌گانه «تالار گرگ» بر خلاف دو کتاب اول برنده جایزه بوکر نشد اما در فهرست پرفروش‌های متعددی قرار داشت. اولین کتاب از این مجموعه درباره آمدن توماس کرامول به قدرت و اعدام توماس مور است و در سال 2009 منتشر شد و جایزه بوکر را هم برای نویسنده به ارمغان آورد. در سال 2012 دومین کتاب از این مجموعه تحت عنوان «اجساد را بیاورید» منتشر شد و دوباره جایزه بوکر را به دست آورد. داستانی که چگونگی سقوط آن بولین، همسر دوم هنری هشتم را به تصویر می‌کشد. «آینه و چراغ» پس از اعدام آن بولین رخ می‌دهد که دشمنان توماس کرامول دور هم جمع می‌شوند. انتظار می‌رفت منتل با این کتاب برای سومین بار برنده بوکر شود اما حتی در فهرست نهایی نامزدهای بوکر هم قرار نگرفت.

مریلین رابینسون سه‌گانه گیلیاد خود را با نوشتن «جک» به چهارگانه تبدیل کرد. داستانی عاشقانه در دوره جدایی نژادی در میانه دوره نژادپرستی آمریکا که نشان می‌دهد عشق و اعتقاد تا چه اندازه جایگاه انسان را اعتلا می‌بخشد.
 
بریت بنت هم با داستان «نیمه ناپدیدشده» به موضوع تفاوت نژادی می‌پردازد. زندگی دوقلوهای رنگین‌پوستی که در شانزده سالگی تصمیم می‌گیرند جامعه کوچک مردم سیاه‌پوست را ترک کنند و زندگی جدیدی برای خود بسازند. کمی بعد که با مشکلات جدیدی روبه‌رو می‌شوند یکی از دوقلوها به خانه می‌گردد و دیگری هویت جدیدی برای خود به عنوان یک رنگین‌پوست می‌سازد. با در نظر گرفتن موضوع هویت، که در حال حاضر مهم‌ترین مهم‌ترین موضوع در حوزه ادبیات است، مجله تایم البته جایگاه ویژه‌ای برای این رمان قائل شد و  «نیمه ناپدیدشده» را کتاب سال 2020 دانست.
 
«شاگی بِین» نوشته داگلاس استوارت جایزه معتبر بوکر را برای نویسنده به ارمغان آورد و در فهرست برتر 2020 در چندین مجله به جز گاردین هم قرار گرفت. استوارت در اولین رمانش قصه خانواده‌ای از گلاسکو را در دهه 1980 میلادی را روایت می‌کند. نویسنده داستان پسرکی به نام شاگی و مادرش را در طول چند سال نشان می‌دهد و تلاش می‌کند مفهوم هویت، اعتیاد، و رهایی را بار دیگر توصیف کند.
 
آثار زیاد دیگری در فهرست داستان‌های برتر سال 2020 قرار گرفته که در میان آن‌ها می‌توان به «چه سن جالبی» نوشته کایلی رید، «زندگی دروغ بزرگسالان» نوشته النا فرانته، «شهروندان خوب نیازی به ترس ندارند» نوشته مارا رِوا، «پادشاه سایه» نوشته مازا منگیستف و ..... اشاره کرد.

https://t.me/Adabiyyatsevanlar

⬅️ بزرگداشت دانته با قلم آنار ➡️

🔰 مرتضی مجدفر 🔰

رمان کم‌حجم و بسیار پرکشش "بزرگداشت دانته"، نوشته آنار رضا، رئیس اتحادیه نویسندگان جمهوری آذربایجان را که به فارسی ترجمه کرده‌ام، انتشارات پیشگامان پژوهش‌مدار در تهران چاپ کرد. این رمان، ماجرای یک مرد هنرپیشه تئاتر و سینما و صداپیشه‌ رادیو و دوبله در سال‌های حکومت شوروی است که بعدی از عمری زندگی هنری با نقش‌های ساده و پیش‌پا افتاده و در آستانه گام نهادن در ۶۰ سالگی، منتظر است برایش مراسم بزرگداشت بگیرند و....
البته داستان مانند هر اثر روایی دیگری، چند ماجرای جانبی دیگر هم دارد که به پرکشش شدن روایت کمک کرده است.

اگر چه آنار رضا - که پسر رسول رضا، بنیانگذار شعر مدرن آذربایجان و خانم نگار رفیع‌علی‌بیگلی، شاعر شناخته شده این جمهوری است - اکنون در ۸۶ سالگی، علاوه بر ریاست اتحادیه نویسندگان آذربایجان، به نویسنده‌ای شناخته شده با ده‌ها اثر روایی در حوزه‌های رمان، نمایشنامه و فیلم‌نامه تبدیل شده است‌، ولی بزرگداشت دانته اولین اثر داستانی وی است که در سال ۱۹۶۴ نوشته شده و از روی آن فیلمی به همین نام نیز ساخته و اکران شده است.

از آنار در ایران، آثار متعددی به زبان فارسی ترجمه شده است و برخی از آثار وی نیز ، صرفا با برگردان الفبای نوشتاری از لاتین، با زبان اصلی خود، یعنی ترکی آذربایجانی به چاپ رسیده است.

بزرگداشت دانته را در تهران انتشارات پیشگامان پژوهش‌مدار در حجم ۸۰ صفحه‌ای و با قیمت ۲۵ هزارتومان، در شکل و شمایلی شکیل و زیبا منتشر کرده است.

برای دریافت کتاب به صورت پستی یا در آی‌دی تلگرامی اینجانب پیام بدهید یا مستقیم با مرکز پخش کتاب تماس بگیرید: ۸۸۳۴۵۲۱۷


#آنار_رضا
#مرتضی_مجدفر
#دکتر_مرتضی_مجدفر
#دانته‌نین_یوبلئیی
#بزرگداشت_دانته
#رمان_ترکی_معاصر
#داستان‌های_فارسی
#انتشارات_پیشگامان_پژوهش‌مدار
#رسول_رضا
#رسول_ریضا
#جمهوری_آذربایجان

@Shoghetagheer99


https://t.me/Adabiyyatsevanlar

آدینی دیل‌لره سالاندا بیلدیم
قیرمیزی کفنلی گلین‌دیر لیلی
دلیجه خیالا دالاندا بیلدیم
قیرمیزی کفنلی گلین‌دیر لیلی

قارایلا یازیلدی بو قیزین باختی
ظولمته قوشولدو آرزی‌سی تاختی
شوه‌یله دوزولدو هر گونو واختی
قیرمیزی کفنلی گلین‌دیر لیلی

چؤل‌لری دولانماق مجنونا قالدی
دولدو غم کدره، سولدو سارالدی
بو عشقین شهرتی دونیانی آلدی
قیرمیزی کفنلی گلین‌دیر لیلی

بو نئجه یازی‌دیر بو نئجه یازدیر
بو دردی داغ‌لارین دؤشونه یازدیر
لیلی‌نین گؤز یاشی سانکی آرازدیر
قیرمیزی کفنلی گلین‌دیر لیلی

گئجه‌نین سسی‌دیر قارا ساچلاری
سالیبدیر مجنونو تورا ساچ‌لاری
جانایی چکیبدیر دارا ساچ‌لاری
قیرمیزی کفنلی گلین‌دیر لیلی

"جانای"
رضوان حاجی قاسملو

https://t.me/Adabiyyatsevanlar