ادبیات سئونلر

معروف حیکایه‌سینده"جمیله"گنج قیرقیز بیر گلین دیر. او اخلاق و سنتی کولتورلا ساواشیر. " الوداع گولساری" حیکایه‌سی رئالیسم خوش بین لیک اساسدا دیر. اوخوجو "شاهنامه نین خوش سونو" ایله اوز به اوز اولمالی دیر.
او ایلکین قیرقیز یازار ایدی کی قیرقیزلارین سنتی کولتورونو پسیخولوژی آراشدیرمالارینا جا یوکسلتدی.

آیتماتوفون اثرلری
"جمیله" یاساق، معصوم و غملی بیر سئوگی‌نین ماجراسی دیر. اوندا پاک لیق و ناپاکلیق ، عشق و نیفرت، آواز و سوسقونلوق بیربیرینه قاریشیر. جمیله‌نین او قدر علاقه‌سی اولمایان اری شوروی ارتشینده خیدمت ائلیر. داستانی روایت ائلیه‌ن سعید، صادقین اون بئش یاشیندا اوگئی قارداشی دیر. او جمیله‌نی سئویر و اونا آرخا چیخیر. جمیله‌نین کندین باشقا قادینلاری ایله فرقی وار. او اؤز باشینا بیرآز دا سیرتیق دیر. چتین ایشلری ارینه تاپشیریر. گَده- گوده‌نی اؤزوندن قووماغی یاخشی باجاریر. تا بو کی اوتانقاج و جنگدن قاییتمیش دانیارین اوره‌یینی آپاریر.جمیله اونولا قاچیر.اؤزونو بوتون سنتی قیدلردن آزاد ائدیر. بو آرادا سعید یئنه اونو سئویر. چونکو اونون اینامینا جمیله اوره‌یینین سسینه های وئریب.
لوئی آراگون بو داستانین چئویرمه مقدمه‌سینده اونو"دونیانین ان گؤزل سئوگیسل داستانی" آدلاندیریب. بو داستان شوروی نین ان چوخ چئوریلن اثرلریندن دیر.۱۹۶۳ ده"جلگه‌لر و داغلار" داستانی آیتماتوفدان چاپ اولدو. بو کیتابا لنین اؤدولو قازاندی. بو کیتابین داستانلاری "قیرمیزی لچکیمین صنوبری"، " ایلکین اویرتمن،"، "آنا آران" یاشام و پسیکولوژیک کشمکش‌لردن دانیشیرلار.
"الوداع گولساری" دا قهرمان تانانبای آدیندا قیرقیز بیر اکینچی دیر. بو حیکایه تانانبای و آتی گولساری نین ایلگیسی باره ده دیر.تنقیدچیلر دئییرلر: گولساری بشرین یاشامیندان استعاره دیر. بشرین سینماغی و دوغال حیاتدان قاچماغی حتمی دیر.
گئورگی گاچف، ادیب و روس فیلسوفی گولساری نی باشی اینسان و بدنی آت بیلیر.باشقا عبارتله گولساری ائله قیرقیز میللتی دیر. بو میللت چیچکلنمک یئرینه دئوریمله اوز به اوز اولور. چاپارلار اونو تانیمادان و اوره‌ک یاندیرمادان اونا مینیرلر. اصلن اونون ساغلامی فیکرینده دئییل‌لر.یالنیز سیاسی مقصدلری اوچون اونو بیر وسیله کیمی ایسته‌ییرلر. نهایتده گولساری دان قالان اؤلومه یاخین بدن دیر. آیتماتوف بو اثرینده گوجلو قلمیله سوسیالیستی حکومتی یاخشی تصویره چکیب و هئچه چالیشمیش میللتی یاخشی ایضاح ائدیب.
بو اثر مؤحکم حماسه و اسطوره اساسدا یازیلیب. او بو اثرده قیرقیز "قره گول" و "کوجوجان" حماسه‌لریندن فایدالانیب.
"آغ گمی" پووئستینده یازیچی میللی حماسه‌لردن دانیشیر.اوندا بیر قوجا کیشی بوینوزلو دیشی جئیران ناغیلینی نوه‌لرینه تعریفله‌ییر. دوغرو کی حیکایه ده یاخیشیلیق گؤزللیک‌له وصف اولوب آمما اونون درینلرینده اوغلان اوشاغینین تراژیک و غملی باش یازیسینی حیس ائتمک اولور. او اؤز الی ایله یاشامین یوخلوغا چکیر، نه دن کی بؤیوکلرین یالان و رحمسیز دونیاسی ایله سازیشا بیلمیر.
"ساحیلده آلا-بولا ایت"‌ پوویستین ده ماجرا آخوتسک دنیزینین ساحیل‌لرینده، قادین-بالیق پادشاهی‌نین دؤرونده (کی بشرین آناسی حئساب اولور) اوز وئریر.
"فوجی داغینا چیخماق" پئیسی ‌نین موضوعسو بشرین خطا و گوناهی عدالتسیزلیک قارشیسیندا دیر.
"گون وار عصره برابر" آیتماتوفون داها اؤنملی اثرلریندن دیر. حیکایه‌نین قهرمانی ییدیگی آدیندا ساده بیر قزاق دیر. او اوجقار بیر یئرده قطار دوراقیندا ایشله‌ییر. بو حیکایه ده ساواشدان قاباق کی موشکوللر، ساواش، ساواشدان سونرا کی چتینلیک لر و...تصویر اولور.
رماندا ایکی داستان خطی گؤروروک. دوغال حادیثه‌لرله اوز-اوزه گلمک، باشقا اوزای قووه‌لری اینسانلاری شرر و زیانلی ایشلره چکمک.
بو رماندا دا آیتماتوفون باشقا حیکایه‌لری کیمی، اصلی شخصیت‌لرین بیری دوه دیر.

https://t.me/Adabiyyatsevanlar