مرجان مناف زاده
چیلله بیزه پای گتیر
اولدوزلارلا آی گتیر
ساغلیق، بوللوقلا خوشلوق
هامی میزا سای گتیر
چیللهده سویوق اولار
کوچهلر دونوق اولار
خان آرازین ماهنیسی
دیللره قونوق اولار
سنین دالین یاز چیلله
عومرون بئله آز چیلله
محبتله، جوشقویلا
اوخو خان آراز چیلله
چیللهنیز خئیرلی،برکتلی،ساغلیقلی اولسون
99/9/25
https://t.me/Adabiyyatsevanlar
چیلله بیزه پای گتیر
اولدوزلارلا آی گتیر
ساغلیق، بوللوقلا خوشلوق
هامی میزا سای گتیر
چیللهده سویوق اولار
کوچهلر دونوق اولار
خان آرازین ماهنیسی
دیللره قونوق اولار
سنین دالین یاز چیلله
عومرون بئله آز چیلله
محبتله، جوشقویلا
اوخو خان آراز چیلله
چیللهنیز خئیرلی،برکتلی،ساغلیقلی اولسون
99/9/25
https://t.me/Adabiyyatsevanlar
Dədəm Qorqud_ Öndöz_1
Kobra_mirhosseini
چیلله گئجه سی دده قورقود اوخویور...
#بیرینجی_صفحه
#کبری_میرحسینی
بسم الله الرحمن الرحیم و به نستعین
رسول علیهالسلام زمانینه یاخین، بایات بویوندان، قورقود آتا دئیرلر بیر ار قوپدو. اوغوزون اوّل کیشیسی تمام بیلیجیسیدی. نه دیرسه اولاردی؛ غایبدن دورلو(dürlü) خبر سؤیلردی. حق تعالی اونون کؤنلونه الهام ائدیردی. قورقود آتا آییتدی: آخر زماندا خانلیق گئرو"قایی"-یا دَگه(dəgə). کیمیسنه اللریندن آلمایا. آخر زمان اولوب قیامت قوپونجا بو دئدیگی عثمان نسلیدیر. ایشده سورولوب (sürülüb)، گئدهیودور. و داخی نئچه بونا بنزر سؤز سؤیلهدی. قورقود آتا اوغوز قومونون مشکلینی حل ائدردی؛ هر نه ایش اولسا، قورقود آتایا تانیشمایینجا ایشلهمزلردی؛ هر نه کی بویورسا قبول ائدرلردی؛ سؤزون توتوب، تمام ائدرلردی.
دده قورقود سویلامیش(soylamış) : الله-الله دئمهیینجه ایشلر اؤنمز (önməz).قادیر تانری وئرمهیینجه اَر بایماز. ازلدن یازیلماسا قول باشینا قضا گلمز. اجل وعده وئرمهیینجه...
https://t.me/Adabiyyatsevanlar
#بیرینجی_صفحه
#کبری_میرحسینی
بسم الله الرحمن الرحیم و به نستعین
رسول علیهالسلام زمانینه یاخین، بایات بویوندان، قورقود آتا دئیرلر بیر ار قوپدو. اوغوزون اوّل کیشیسی تمام بیلیجیسیدی. نه دیرسه اولاردی؛ غایبدن دورلو(dürlü) خبر سؤیلردی. حق تعالی اونون کؤنلونه الهام ائدیردی. قورقود آتا آییتدی: آخر زماندا خانلیق گئرو"قایی"-یا دَگه(dəgə). کیمیسنه اللریندن آلمایا. آخر زمان اولوب قیامت قوپونجا بو دئدیگی عثمان نسلیدیر. ایشده سورولوب (sürülüb)، گئدهیودور. و داخی نئچه بونا بنزر سؤز سؤیلهدی. قورقود آتا اوغوز قومونون مشکلینی حل ائدردی؛ هر نه ایش اولسا، قورقود آتایا تانیشمایینجا ایشلهمزلردی؛ هر نه کی بویورسا قبول ائدرلردی؛ سؤزون توتوب، تمام ائدرلردی.
دده قورقود سویلامیش(soylamış) : الله-الله دئمهیینجه ایشلر اؤنمز (önməz).قادیر تانری وئرمهیینجه اَر بایماز. ازلدن یازیلماسا قول باشینا قضا گلمز. اجل وعده وئرمهیینجه...
https://t.me/Adabiyyatsevanlar
Dədəm Qorqud_ Önsöz2
Vida Heşməti
چیلله گئجه سی دده قورقود اوخویور
#ایکینجی_صفحه
#ویدا_حشمتی
اجل وعده وئرمهیینجه کیمسه اؤلمز. اؤلن آدام دیریلمز. چیخان جان، گئرو گلمز. بیر ایگیدین قاراداغ یومروسونجا مالی اولسا، ییغاردیرار، طلب ائیلر، نصیبیندن آرتیغین یئیه بیلمز. اولاشیبان سولار داشسا! دنیز دولماز. تکبّرلوک ائیلهیهنی تانری سئومز. کؤنلونو اوجا توتان ارده، ثروت اولماز. یاد اوغول ساخلاماقلا، اوغول اولماز. بؤیوینده سالور گئدر، گؤردوم دئمز. کول تپهجیک اولماز. قارا ائششک باشینا اویان (uyan) وورسان، قاتیر اولماز. قاراواشا دون گئیدیرسن، قادین اولماز. یاپا-یاپا قارلار یاغسا، یازا قالماز. یاپاقلی گؤیچه چیمن گوزه قالماز. اسکی پامبیق، بئز اولماز. قاری دوشمن، دوست اولماز. قازا قوجا(qaza quca)، قییمایینجا یول آلینماز. قارا پولاد اوز قیلیجی چالینمایینجا، قیریم دؤنمز. اَر مالینا قییمایینجا، آدی چیخماز. قیز آنادان گؤرمهیینجه، اؤیود آلماز. اوغول آتادان گؤرمهیینجه، سوفرا چکمز. اوغول آتانین یئتیریدیر، ایکی گؤزون، بیریدیر. دؤلتلی اوغول قوپسا، اوجاغین گؤزودور.
https://t.me/Adabiyyatsevanlar
#ایکینجی_صفحه
#ویدا_حشمتی
اجل وعده وئرمهیینجه کیمسه اؤلمز. اؤلن آدام دیریلمز. چیخان جان، گئرو گلمز. بیر ایگیدین قاراداغ یومروسونجا مالی اولسا، ییغاردیرار، طلب ائیلر، نصیبیندن آرتیغین یئیه بیلمز. اولاشیبان سولار داشسا! دنیز دولماز. تکبّرلوک ائیلهیهنی تانری سئومز. کؤنلونو اوجا توتان ارده، ثروت اولماز. یاد اوغول ساخلاماقلا، اوغول اولماز. بؤیوینده سالور گئدر، گؤردوم دئمز. کول تپهجیک اولماز. قارا ائششک باشینا اویان (uyan) وورسان، قاتیر اولماز. قاراواشا دون گئیدیرسن، قادین اولماز. یاپا-یاپا قارلار یاغسا، یازا قالماز. یاپاقلی گؤیچه چیمن گوزه قالماز. اسکی پامبیق، بئز اولماز. قاری دوشمن، دوست اولماز. قازا قوجا(qaza quca)، قییمایینجا یول آلینماز. قارا پولاد اوز قیلیجی چالینمایینجا، قیریم دؤنمز. اَر مالینا قییمایینجا، آدی چیخماز. قیز آنادان گؤرمهیینجه، اؤیود آلماز. اوغول آتادان گؤرمهیینجه، سوفرا چکمز. اوغول آتانین یئتیریدیر، ایکی گؤزون، بیریدیر. دؤلتلی اوغول قوپسا، اوجاغین گؤزودور.
https://t.me/Adabiyyatsevanlar
Dədəm Qorqud_ Qnsöz3
Fatimə Məsumə Behbudi
چیلله گئجه سی دده قورقود اوخویور...
#اوچونجو_صفحه
#فاطمه_معصومه_بهبودی
دؤلتلی اوغول قوپسا، اوجاغینین گؤزودور. اوغول داخی نئیلهسین بابا اؤلوب
مال قالماسا. بابا مالیندان نه فایدا، باشدا دؤلت اولماسا.
دولتسیز شرّیندن، آلله ساخلاسین خانیم سیزی.
دده قورقود بیر داخی سویلامیش:
سرپ یورورکن، قازلیق آتا نامرد ایگید مینه بیلمز، مینینجه مینمهسه یئک!
چالیب،کسر اوز قیلینجی مخنّثلر چالینجا، چالماسا یئک!
چالابیلن ایگیده، اوخلا قیلینجدان بیر چوماق یئک!
قوناغی گلمهین قارا ائولر، ییخیلسا یئک!
آت یئمهین آجی اوتلار، بیتمهسه یئک!
آدام ایچمز آجی سولار، سیزینجا، سیزماسا یئک!
آتا آدینی یوروتمهین خویراد اوغول، آتا بئلیندن ائنینجه، ائنمهسه یئک!
آنا رحمینه دوشونجه، دوغماسا یئک!
آتا آدین یورودنده دؤلتلی اوغول یئک.
یالان سؤز بودوندا (بودونیادا-بو دینده) اولونجا اولماسا یئک.
گرچکلرین اوچ اوتوز اون یاشینی دولدورسا یئک!
اون اوتوز اون یاشین دا دولسون!
حق سیزه یامان گتیرمهسین!
https://t.me/Adabiyyatsevanlar
#اوچونجو_صفحه
#فاطمه_معصومه_بهبودی
دؤلتلی اوغول قوپسا، اوجاغینین گؤزودور. اوغول داخی نئیلهسین بابا اؤلوب
مال قالماسا. بابا مالیندان نه فایدا، باشدا دؤلت اولماسا.
دولتسیز شرّیندن، آلله ساخلاسین خانیم سیزی.
دده قورقود بیر داخی سویلامیش:
سرپ یورورکن، قازلیق آتا نامرد ایگید مینه بیلمز، مینینجه مینمهسه یئک!
چالیب،کسر اوز قیلینجی مخنّثلر چالینجا، چالماسا یئک!
چالابیلن ایگیده، اوخلا قیلینجدان بیر چوماق یئک!
قوناغی گلمهین قارا ائولر، ییخیلسا یئک!
آت یئمهین آجی اوتلار، بیتمهسه یئک!
آدام ایچمز آجی سولار، سیزینجا، سیزماسا یئک!
آتا آدینی یوروتمهین خویراد اوغول، آتا بئلیندن ائنینجه، ائنمهسه یئک!
آنا رحمینه دوشونجه، دوغماسا یئک!
آتا آدین یورودنده دؤلتلی اوغول یئک.
یالان سؤز بودوندا (بودونیادا-بو دینده) اولونجا اولماسا یئک.
گرچکلرین اوچ اوتوز اون یاشینی دولدورسا یئک!
اون اوتوز اون یاشین دا دولسون!
حق سیزه یامان گتیرمهسین!
https://t.me/Adabiyyatsevanlar
Dədəm Qorqud_Önsöz_4
Şahin Moradi
چیلله گئجه سی دده قورقود اوخویور...
#دؤردونجو_صفحه
#شاهین_مرادی
دؤلتینیز پاینده اولسون خانیم هئی؛ دده قورقود سویلامیش، گؤرهلیم خانیم نه سویلامیش: گئتدیکده یئرین اوتلارین کئییک بیلر. گئنز(genəz) یئرلر،چمنلرین قولان بیلر. آیری-آیری یوللار ایزین، دوه بیلر. یئددی دره قوخولارین تولکو بیلر. تونله(tünlə)، کروان کؤچدویون توراغای بیلر. اوغول کیمدن اولدوغون آنا بیلر. ارین آغیرین، مینیسی(بو کلمه"یونوسوyünüsü"-ده اوخونوب) آت بیلر. آغیر یوکلر زحمتین قاتیر بیلر. نه یئرده سیریلی(sırılı) وارسا، چکن بیلر. غافل باشین آغریسین، بئینی بیلر. قولچا قوپوز گؤتوروب، ائلدن-ائله، بگدن-بگه اوزان گزر، ار جومردین، ار ناکسین اوزان بیلر. ایلهیونده(iləyündə بو کلمه ائل گونونده elgünündə ده اوخونوب) چالیب، ائدن اوزان بیلر.آزیب گلن قضایی تانری ساوسون خانیم هئی. دده قورقود گئنه سویلامیش گؤرهلیم خانیم نه سویلامیش. آغیز آچیب، اؤیَر اولسام اوستوموزده تانری گؤروکلو. تانری دوستو دین سروری محمد گؤروکلو. محمدین ساغ یانیندا نماز قیلان ابوبکر صدیق گؤروکلو.
https://t.me/Adabiyyatsevanlar
#دؤردونجو_صفحه
#شاهین_مرادی
دؤلتینیز پاینده اولسون خانیم هئی؛ دده قورقود سویلامیش، گؤرهلیم خانیم نه سویلامیش: گئتدیکده یئرین اوتلارین کئییک بیلر. گئنز(genəz) یئرلر،چمنلرین قولان بیلر. آیری-آیری یوللار ایزین، دوه بیلر. یئددی دره قوخولارین تولکو بیلر. تونله(tünlə)، کروان کؤچدویون توراغای بیلر. اوغول کیمدن اولدوغون آنا بیلر. ارین آغیرین، مینیسی(بو کلمه"یونوسوyünüsü"-ده اوخونوب) آت بیلر. آغیر یوکلر زحمتین قاتیر بیلر. نه یئرده سیریلی(sırılı) وارسا، چکن بیلر. غافل باشین آغریسین، بئینی بیلر. قولچا قوپوز گؤتوروب، ائلدن-ائله، بگدن-بگه اوزان گزر، ار جومردین، ار ناکسین اوزان بیلر. ایلهیونده(iləyündə بو کلمه ائل گونونده elgünündə ده اوخونوب) چالیب، ائدن اوزان بیلر.آزیب گلن قضایی تانری ساوسون خانیم هئی. دده قورقود گئنه سویلامیش گؤرهلیم خانیم نه سویلامیش. آغیز آچیب، اؤیَر اولسام اوستوموزده تانری گؤروکلو. تانری دوستو دین سروری محمد گؤروکلو. محمدین ساغ یانیندا نماز قیلان ابوبکر صدیق گؤروکلو.
https://t.me/Adabiyyatsevanlar
Dədəm Qorqud_5
Məhəmməd Qənati
چیلله گئجه سی دده قورقود اوخویور
#بئشینجی_صفحه
#محمد_قناتی
آخر سیپاره باشیدیر عمّ گؤروکلو.
هئجه سینله دوز اوخونسا یس(یاسین) گؤروکلو.
قیلینج چالدی، دین آچدی شاه مردان علی گؤروکلو.
علینین اوغوللاری پیغمبر نوادهلری کربلا یازیسیندا یزیدیلر الینده شهید اولدو حسنله حسین ایکی قارداش بیله گؤروکلو.
یازیلیب، دوزولوب گؤیدن ائندی تانری علمی قران گؤروکلو.
او قرانی یازدی، دوزدو علمالار اؤیرهنینجه کؤیدو، بیچدی عالملر سروری عثمان عفان اوغلو گؤروکلو.
آلچاق یئرده یاپلیبدویر تانری ائوی مکّه گؤروکلو.
اول مکّهیه ساغ وارسا اسن گلسه صدقی بوتون حاجی گؤروکلو.
ساغیش گونونده آینا گؤروکلو.
آینه گونو اوخویاندا خطبه گؤروکلو.
قولاق وئریب دینلهینده امّت گؤروکلو .
منارهده بانلایاندا فقیه گؤروکلو.
دیزین باسیب اوتوراندا حلال گؤروکلو.
دؤلهمیندن(döləmindən) آغارسا بابا گؤروکلو.
آغ سودون دویا امزیرسه آنا گؤروکلو
یاناشیب..
https://t.me/Adabiyyatsevanlar
#بئشینجی_صفحه
#محمد_قناتی
آخر سیپاره باشیدیر عمّ گؤروکلو.
هئجه سینله دوز اوخونسا یس(یاسین) گؤروکلو.
قیلینج چالدی، دین آچدی شاه مردان علی گؤروکلو.
علینین اوغوللاری پیغمبر نوادهلری کربلا یازیسیندا یزیدیلر الینده شهید اولدو حسنله حسین ایکی قارداش بیله گؤروکلو.
یازیلیب، دوزولوب گؤیدن ائندی تانری علمی قران گؤروکلو.
او قرانی یازدی، دوزدو علمالار اؤیرهنینجه کؤیدو، بیچدی عالملر سروری عثمان عفان اوغلو گؤروکلو.
آلچاق یئرده یاپلیبدویر تانری ائوی مکّه گؤروکلو.
اول مکّهیه ساغ وارسا اسن گلسه صدقی بوتون حاجی گؤروکلو.
ساغیش گونونده آینا گؤروکلو.
آینه گونو اوخویاندا خطبه گؤروکلو.
قولاق وئریب دینلهینده امّت گؤروکلو .
منارهده بانلایاندا فقیه گؤروکلو.
دیزین باسیب اوتوراندا حلال گؤروکلو.
دؤلهمیندن(döləmindən) آغارسا بابا گؤروکلو.
آغ سودون دویا امزیرسه آنا گؤروکلو
یاناشیب..
https://t.me/Adabiyyatsevanlar
Dədəm Qorqud_Önsöz6
Günəş
چیلله گئجه سی دده قورقود اوخویور...
#آلتینجی_صفحه
#گونش_خاتون
یاناشیب یۏلا گیرنده، قارا بۇغرا گؤروکلو، سئوگیلی قارداش گؤروکلو، یانال آلا ائو، یانیندا تیکیلسه گردک گؤروکلو، وورونجا تینغی گؤروکلو، اوغول گؤروکلو، هامیسینا بنزهمزدی، جومله عالملری یارادان، آللاه تانری گؤروکلو، اول اؤیدویوم اوجا تانری دوست اولوبن مدد وئرسین، خانیم هئی.
اوزان، آیدیر: قاریلار دؤرد دۇرلودور
بیریسی سولدوران سویدور،
بیریسی دولدوران تویدور،
بیریسی ائوین دایاغیدیر،
بیریسی نئچه سؤیلرسن، بایاغی دیر.
اوزان، ائوین دایاغی:
اودورکی یازیدان، یاباندان، ائوه بیر قوناق گلسه، اَر‐ آدام ائوده اولماسا، او آنی یئدیرر، ایچیرر، آغیرلار، عزیزلر، گؤندَرَر.
اول، عایشه، فاطیمه سۏیودور. خانیم اونون ببکلری بیتسین. اوجاغینا بونجالایین عورَت گلسین.
گلدیک اول کیم سولدوران سۏیدور.
ساپادینجا یئریندن اۇرو دورار، الین اۆزون یومادان دوققوز بازلاماج ایلن بیر گۆولک یوغورد، گوهزهلر دویونجا، تیخا باسا یئیر، الین بؤیرونه وورار...
https://t.me/Adabiyyatsevanlar
#آلتینجی_صفحه
#گونش_خاتون
یاناشیب یۏلا گیرنده، قارا بۇغرا گؤروکلو، سئوگیلی قارداش گؤروکلو، یانال آلا ائو، یانیندا تیکیلسه گردک گؤروکلو، وورونجا تینغی گؤروکلو، اوغول گؤروکلو، هامیسینا بنزهمزدی، جومله عالملری یارادان، آللاه تانری گؤروکلو، اول اؤیدویوم اوجا تانری دوست اولوبن مدد وئرسین، خانیم هئی.
اوزان، آیدیر: قاریلار دؤرد دۇرلودور
بیریسی سولدوران سویدور،
بیریسی دولدوران تویدور،
بیریسی ائوین دایاغیدیر،
بیریسی نئچه سؤیلرسن، بایاغی دیر.
اوزان، ائوین دایاغی:
اودورکی یازیدان، یاباندان، ائوه بیر قوناق گلسه، اَر‐ آدام ائوده اولماسا، او آنی یئدیرر، ایچیرر، آغیرلار، عزیزلر، گؤندَرَر.
اول، عایشه، فاطیمه سۏیودور. خانیم اونون ببکلری بیتسین. اوجاغینا بونجالایین عورَت گلسین.
گلدیک اول کیم سولدوران سۏیدور.
ساپادینجا یئریندن اۇرو دورار، الین اۆزون یومادان دوققوز بازلاماج ایلن بیر گۆولک یوغورد، گوهزهلر دویونجا، تیخا باسا یئیر، الین بؤیرونه وورار...
https://t.me/Adabiyyatsevanlar
Dədəm Qorqud_önsöz_7
Məhəmməd Baqiri
چیلله گئجه سی دده قورقود اوخویور...
#یئددینجی_صفحه
#محمد_باقری
الین بؤیرونه وورار.آیدیر: بو ائوی خراب اولاسی اَره واراندان بری،
داخی قارنیم دویمادی. اوزوم گولمهدی. آیاغیم باشماق، اوزوم یاشماق گؤرمهدی دئر. آح نولایدی بو اؤلئیدی، بیرینه داخی وارایدیم!؟ اوماریمدان یاخشی، اویار(uyar) اولایدی! دئر. اونون کیمینین خانیم، ببکلری بیتمهسین! اوجاغینا بونجالایین عورت گلمهسین.
گلدیک او کیم دولدوران تویدور. دبردینجه یئریندن اورو دوردو.
الین، اوزون یومادان، اوبانین اول اوجوندان
بو اوجونا، اول اوجونا چارپیشدیردی. قوو قوللادی، دینگ دینگلهدی، اؤیلهدینجه (öylədincə) گزدی، اؤیلهدن سونرا ائوینه گلدی،
گؤردو کیم اوغرو کؤپک، یئکه دانا ائوینی بیر-بیرینه قاتمیش!
تاووق کؤمهسینه، سیغیر دامینا دؤنموش! قونشولارینا چاغیریر کی
قیز، زولئیخا، زوبئیده، اورویده(üreydə)، جان قیز، جان پاشا، آینا ملک،
قوتلو ملک، اؤلمهگه، ایتمهگه گئتمهمیشدیم! یاتاجاق یئریم گینه بو خراب اولاسیدیر...
https://t.me/Adabiyyatsevanlar
#یئددینجی_صفحه
#محمد_باقری
الین بؤیرونه وورار.آیدیر: بو ائوی خراب اولاسی اَره واراندان بری،
داخی قارنیم دویمادی. اوزوم گولمهدی. آیاغیم باشماق، اوزوم یاشماق گؤرمهدی دئر. آح نولایدی بو اؤلئیدی، بیرینه داخی وارایدیم!؟ اوماریمدان یاخشی، اویار(uyar) اولایدی! دئر. اونون کیمینین خانیم، ببکلری بیتمهسین! اوجاغینا بونجالایین عورت گلمهسین.
گلدیک او کیم دولدوران تویدور. دبردینجه یئریندن اورو دوردو.
الین، اوزون یومادان، اوبانین اول اوجوندان
بو اوجونا، اول اوجونا چارپیشدیردی. قوو قوللادی، دینگ دینگلهدی، اؤیلهدینجه (öylədincə) گزدی، اؤیلهدن سونرا ائوینه گلدی،
گؤردو کیم اوغرو کؤپک، یئکه دانا ائوینی بیر-بیرینه قاتمیش!
تاووق کؤمهسینه، سیغیر دامینا دؤنموش! قونشولارینا چاغیریر کی
قیز، زولئیخا، زوبئیده، اورویده(üreydə)، جان قیز، جان پاشا، آینا ملک،
قوتلو ملک، اؤلمهگه، ایتمهگه گئتمهمیشدیم! یاتاجاق یئریم گینه بو خراب اولاسیدیر...
https://t.me/Adabiyyatsevanlar
Dədəm Qorqud_Önsöz_8
Duyğu_Qələm
چیلله گئجه سی دده قورقود اوخویور...
#سکگیزینجی_صفحه
#دویغو_قلم
نه اولایدی منیم ائویمه بیر لحظه باخایدیز!؟قونشو حقّی، تانری حقّی دییو، سؤیلر. بونون کیمینین خانیم ببکلری بیتمهسین. اوجاغینا بونون کیمی عورت گلمهسین. گلدی او کیم نئجه سؤیلرسن بایاغیدیر. ائوینه یازیدان- یاباندان بیر اودلو (udlu) قوناق گلسه اَر-آدم ائوده اولسا اونا دئسه کی دور اتمک گتیر یئیهلیم، بودا یئسین دئسه: بیشمیش اتمهیین بقاسی اولماز، یئمک گرکدیر! عورت آیدیر: نئیلییهلیم!؟ ییخیلاجاق ائوده اون یوخ، الک یوخ، دوه دگیرماندان گلمهدی. دیر نه گلیرسه منیم ساغریما گلسین. دییو الین گؤتونه وورار، اوزون آنارو، ساغریسین ارینه دؤندهرر. مین سؤیلرسن بیریسینی قویماز. ارین سؤزونو قولاغینا قویماز. او نوح پیغمبرین ائششهیی اصلی دیر. اوندان داخی سیزی خانیم آلله ساخلاسین. اوجاغینیزا بونجولایین عورت گلمه سین.
https://t.me/Adabiyyatsevanlar
#سکگیزینجی_صفحه
#دویغو_قلم
نه اولایدی منیم ائویمه بیر لحظه باخایدیز!؟قونشو حقّی، تانری حقّی دییو، سؤیلر. بونون کیمینین خانیم ببکلری بیتمهسین. اوجاغینا بونون کیمی عورت گلمهسین. گلدی او کیم نئجه سؤیلرسن بایاغیدیر. ائوینه یازیدان- یاباندان بیر اودلو (udlu) قوناق گلسه اَر-آدم ائوده اولسا اونا دئسه کی دور اتمک گتیر یئیهلیم، بودا یئسین دئسه: بیشمیش اتمهیین بقاسی اولماز، یئمک گرکدیر! عورت آیدیر: نئیلییهلیم!؟ ییخیلاجاق ائوده اون یوخ، الک یوخ، دوه دگیرماندان گلمهدی. دیر نه گلیرسه منیم ساغریما گلسین. دییو الین گؤتونه وورار، اوزون آنارو، ساغریسین ارینه دؤندهرر. مین سؤیلرسن بیریسینی قویماز. ارین سؤزونو قولاغینا قویماز. او نوح پیغمبرین ائششهیی اصلی دیر. اوندان داخی سیزی خانیم آلله ساخلاسین. اوجاغینیزا بونجولایین عورت گلمه سین.
https://t.me/Adabiyyatsevanlar
کریم قربانزاده
دونموش
بوز باغلامیش
قار آدامیندان زهلم گئدیر
نه سئوگی قانیر
نه آیریلیقدان آلاولانیر.
https://t.me/Adabiyyatsevanlar
دونموش
بوز باغلامیش
قار آدامیندان زهلم گئدیر
نه سئوگی قانیر
نه آیریلیقدان آلاولانیر.
https://t.me/Adabiyyatsevanlar
This media is not supported in your browser
VIEW IN TELEGRAM
کرونا ایکی عزیز انسانی دا الیمیزدن آلدی
ازلدن بئله دیر چونکی کائینات
جهان دایمی دیر عومورامانات
الدن اله کئچیروفاسیز حیات
بیزگلدی گئدریک سن یاشا دونیا...
آلدیغیمیز آجی خبر اساسیندا آذربایجانین تانینمیش شاعیری سایین کیان خیاوین ( باجی سی وباجی سی اری) کرونا خسته لییندن حیاتا گوز یومدولار عائیله نین ایکی عزیزین عینی زماندا الدن وئرمک چوخ آغیردرددیر بو قارا ماتم بیزی ده اوره ک ائویندن سارسیتدی
ادبیات سئونلر بواوره ک یاندریجی آیریلیغی
کیان خیاو جنابلارینا، توکل کیان خیاوی عائیله سینه، اوستاد نادیر الهی یه بو ایکی عزیزین بوتون قوهوم اقروبالارینا، سئونلرینه باش ساغلیغی وئریر.
ادبیات سئونلر: 99/10/1
https://t.me/Adabiyyatsevanlar
ازلدن بئله دیر چونکی کائینات
جهان دایمی دیر عومورامانات
الدن اله کئچیروفاسیز حیات
بیزگلدی گئدریک سن یاشا دونیا...
آلدیغیمیز آجی خبر اساسیندا آذربایجانین تانینمیش شاعیری سایین کیان خیاوین ( باجی سی وباجی سی اری) کرونا خسته لییندن حیاتا گوز یومدولار عائیله نین ایکی عزیزین عینی زماندا الدن وئرمک چوخ آغیردرددیر بو قارا ماتم بیزی ده اوره ک ائویندن سارسیتدی
ادبیات سئونلر بواوره ک یاندریجی آیریلیغی
کیان خیاو جنابلارینا، توکل کیان خیاوی عائیله سینه، اوستاد نادیر الهی یه بو ایکی عزیزین بوتون قوهوم اقروبالارینا، سئونلرینه باش ساغلیغی وئریر.
ادبیات سئونلر: 99/10/1
https://t.me/Adabiyyatsevanlar
#صالح_سجادی
#یئنی_ غزل
دوداغیمدا سیگار، قافامدا دومان چاخیرام چاخماغی گولور کیبریت
هاوادا بورلاییر گوگورد قوخوسو بیر نفس روحوما دولور کیبریت
.
بوراسی نمرودون اودون قالاغی سنی آتسام یئره جهنم اولار
بیزی یاندیردی بو سرین کوچه لر بونو تبریز گؤزل بیلیر کیبریت!
.
بلکه بیر جنت اود توتوب منده، بیر جهنم دوغور او جنت دن
تانری گؤیده بوتون بولودلاردان باشیما ایندی کول الیر کیبریت!
.
کوچه لر درد، اؤلوم، ورم، روسپو، کوچه لر سوسقون انتحار قوخویور
هله وارسان شوکور، سنین آتشین هر نه یی یاندیریب سیلیر کیبریت!
.
جیبلریم آج سوخاخلاری گزیبن بیر چؤرک لیک عدالت آختاریرام
هانسی تندیرده بیر شاطیر یاناجاق? بو فیکیر بئینیمی دلیر کیبریت!
.
کوچه لرده اؤلوم قاسیرغالاری... هر زیبیل داشقاسیندا بیر اؤلو وار
هر زیبیل داشقاسیندا بیر آدامین غرورو رویاسی اؤلور کیبریت!
.
دوداغیمدا سیگار قافامدا پیچاق هئی جاوابسیز سواللاری دئشیرم
بیر ایشیق ساچ منه آخی ظولمت گئت-گئده منده یوکسه لیر کیبریت!
.
بیر ایشیق ساچ گؤروم هانی کؤلگه م?! ائویمی تاپ منی آپار ائویمه
منده بیر وسوسه منی گؤتوروب. اوخ کیمی بئینیمی دلیر کیبریت!
.
آی گوگوردونده قورتولوش قوخوسو! آتشین وارسا، ایندی دؤلتیمیز-
وئردییی نفتی سوفره دن گؤتوروب باشیما تؤکمه ییم گلیر کبریت!
https://t.me/Adabiyyatsevanlar
#یئنی_ غزل
دوداغیمدا سیگار، قافامدا دومان چاخیرام چاخماغی گولور کیبریت
هاوادا بورلاییر گوگورد قوخوسو بیر نفس روحوما دولور کیبریت
.
بوراسی نمرودون اودون قالاغی سنی آتسام یئره جهنم اولار
بیزی یاندیردی بو سرین کوچه لر بونو تبریز گؤزل بیلیر کیبریت!
.
بلکه بیر جنت اود توتوب منده، بیر جهنم دوغور او جنت دن
تانری گؤیده بوتون بولودلاردان باشیما ایندی کول الیر کیبریت!
.
کوچه لر درد، اؤلوم، ورم، روسپو، کوچه لر سوسقون انتحار قوخویور
هله وارسان شوکور، سنین آتشین هر نه یی یاندیریب سیلیر کیبریت!
.
جیبلریم آج سوخاخلاری گزیبن بیر چؤرک لیک عدالت آختاریرام
هانسی تندیرده بیر شاطیر یاناجاق? بو فیکیر بئینیمی دلیر کیبریت!
.
کوچه لرده اؤلوم قاسیرغالاری... هر زیبیل داشقاسیندا بیر اؤلو وار
هر زیبیل داشقاسیندا بیر آدامین غرورو رویاسی اؤلور کیبریت!
.
دوداغیمدا سیگار قافامدا پیچاق هئی جاوابسیز سواللاری دئشیرم
بیر ایشیق ساچ منه آخی ظولمت گئت-گئده منده یوکسه لیر کیبریت!
.
بیر ایشیق ساچ گؤروم هانی کؤلگه م?! ائویمی تاپ منی آپار ائویمه
منده بیر وسوسه منی گؤتوروب. اوخ کیمی بئینیمی دلیر کیبریت!
.
آی گوگوردونده قورتولوش قوخوسو! آتشین وارسا، ایندی دؤلتیمیز-
وئردییی نفتی سوفره دن گؤتوروب باشیما تؤکمه ییم گلیر کبریت!
https://t.me/Adabiyyatsevanlar
Telegram
ادبیات سئونلر
بوکانال ادبیات سئونلر قوروپونون سئچیلمیش اثرلری دیر
کانالدا کی یازیلاری کانالین لینکینی وئرمک شرطی ایله پایلاشماق اولار.
کانالدا کی یازیلاری کانالین لینکینی وئرمک شرطی ایله پایلاشماق اولار.
سهراب_سپهری
باد نمناک زمان میگذرد
رنگ میریزد از پیکر ما
خانه را نقش فساد است به سقف
سرنگون خواهد شد بر سر ما
1-ترجمه: سحرخیاوی
سوووشور زامانین یاش کولهیی
گؤودهمیزدن تؤکولورلر بویالار
بو ائوین، تاوانیندا خارابلیق ناخیشی
اوچاجاق باشیمیزا.
2-ترجمه: آیسو کریمی
.سووشور زامانین شئهلی کوله یی
گؤوده میزین رنگی قاچیر
ائوین تانوانینا پوزوق لوق ایزی ناخیشلانیب
باشیمیزا چؤکه جک.
3-ترجمه: ویدا حشمتی
زامانین شئح یئللری کئچیر
بویالار جالانیر گؤودهمیزدن
ائو چوروموش ناخیشدیر تاواندا
چؤکهجکدیر باشیمیزا
https://t.me/Adabiyyatsevanlar
باد نمناک زمان میگذرد
رنگ میریزد از پیکر ما
خانه را نقش فساد است به سقف
سرنگون خواهد شد بر سر ما
1-ترجمه: سحرخیاوی
سوووشور زامانین یاش کولهیی
گؤودهمیزدن تؤکولورلر بویالار
بو ائوین، تاوانیندا خارابلیق ناخیشی
اوچاجاق باشیمیزا.
2-ترجمه: آیسو کریمی
.سووشور زامانین شئهلی کوله یی
گؤوده میزین رنگی قاچیر
ائوین تانوانینا پوزوق لوق ایزی ناخیشلانیب
باشیمیزا چؤکه جک.
3-ترجمه: ویدا حشمتی
زامانین شئح یئللری کئچیر
بویالار جالانیر گؤودهمیزدن
ائو چوروموش ناخیشدیر تاواندا
چؤکهجکدیر باشیمیزا
https://t.me/Adabiyyatsevanlar
Telegram
ادبیات سئونلر
بوکانال ادبیات سئونلر قوروپونون سئچیلمیش اثرلری دیر
کانالدا کی یازیلاری کانالین لینکینی وئرمک شرطی ایله پایلاشماق اولار.
کانالدا کی یازیلاری کانالین لینکینی وئرمک شرطی ایله پایلاشماق اولار.
4-ترجمه:حمیدی
زامانین شئهلی یئلی کئچمه ده دیر بیر بری باخ.
جیسممیزدن توکورو هر بویانی!
ائو کی کوکدن بورونیب مفسدهیه
اوچولار باشیمیزه گَل گئری باخ !
5-ترجمه: ع یالچین
اؤتهرک نملی کولکلر
توکولور اوست-باشیمیزدان رنگلر
کیفسیمیش ائوده تاوان
ییخیلیر
اوستوموزه هریاندان
https://t.me/Adabiyyatsevanlar
زامانین شئهلی یئلی کئچمه ده دیر بیر بری باخ.
جیسممیزدن توکورو هر بویانی!
ائو کی کوکدن بورونیب مفسدهیه
اوچولار باشیمیزه گَل گئری باخ !
5-ترجمه: ع یالچین
اؤتهرک نملی کولکلر
توکولور اوست-باشیمیزدان رنگلر
کیفسیمیش ائوده تاوان
ییخیلیر
اوستوموزه هریاندان
https://t.me/Adabiyyatsevanlar
Telegram
ادبیات سئونلر
بوکانال ادبیات سئونلر قوروپونون سئچیلمیش اثرلری دیر
کانالدا کی یازیلاری کانالین لینکینی وئرمک شرطی ایله پایلاشماق اولار.
کانالدا کی یازیلاری کانالین لینکینی وئرمک شرطی ایله پایلاشماق اولار.
6-ترجمه: احد فرهمندي
زامانين شهئلي يئلي اؤتمهدهير
تؤكولور اوست-باشيميزدان بويالار
تاواني چاتلاياراق بو اودانين
بلليدير شوملاياجاق باشيميزا.
https://t.me/Adabiyyatsevanlar
زامانين شهئلي يئلي اؤتمهدهير
تؤكولور اوست-باشيميزدان بويالار
تاواني چاتلاياراق بو اودانين
بلليدير شوملاياجاق باشيميزا.
https://t.me/Adabiyyatsevanlar
Telegram
ادبیات سئونلر
بوکانال ادبیات سئونلر قوروپونون سئچیلمیش اثرلری دیر
کانالدا کی یازیلاری کانالین لینکینی وئرمک شرطی ایله پایلاشماق اولار.
کانالدا کی یازیلاری کانالین لینکینی وئرمک شرطی ایله پایلاشماق اولار.
سارای محمدرضایی
ـ قولامین قیزی قویمارام گئده سن!
ـ آی جاماعات! منی بونون الیندن قورتارین!
ـ واللاه قویمارام! آخی آرواد دلی اولوبسان؟!! من سنه نه ائتمیشم کی بوقچاوی ییغیب، یولا دوشوبسن؟!!
ـ آی کیشی! منی بوراخ قوی گئدیم.
خان کیشی بیر الیله بوقچانی برک برک چکیب ـ یوخ! دده م روحو قویمارام گئده سن!ـ دئیرکن، بیر الیله ده تئللی نازین قوللاریندان یاپیشارکن، قییناقلارین اونون اتینه یئرلشدیردی. بیر یاخشی کیشی کیمی آروادینین آجیق ائدیب، گئتمه یینه مانع اولدو. کوچه ده کی جاماعات ییغیشیب، اونلارین داواسینا تاماشا ائتدیلر. او قدر آدام دام دیوارا دیرماشمیشدی کی، ائله بیل مشهد قدیرین تیلویزیونون، خان کیشینین دامینا نصب ائتمیشدیلر. بیر ـ بیرلرینین قولاقلارینا پیچیلداماقدان یورولماییب، هردن ده تئللینازین چیغیرـباغیر سالماغینا حئیرتله باخیردیلار.
ملاحت ـ ائله سنی جانیندان اولاسان آرواد! گؤر کیشینی نه حالا سالیب؟!!ـ دئدی.
روقیه ساغ بارماقلارینین بیرینی دیشله ییب، سول بارماقلاریلا قولاقلارینی چکرکن ـ اوزاق اولسون! اوزاق اولسون!ـ دئدی.
زاهرا گؤزلرینی توتا توتا آغلایارکن ـ ائله جانیم اؤلسون عمی! بو عیفریته نین الیندن نه چکیرسن! ـ دئدی.
آنجاق تئللی نازین سسی کسیلمیردی. نوبار بیبی چلیییندن یاپیشارکن، آددیم آددیم خان کیشییه ساری گلدی. حاج حبیب لبه دارینی باشیندان گؤتوروب غضبله ـ قئیرتسیز کیشی! بوراخ گئتسین بو حیاسیز قادینی ـ دئدی.
خان کیشی اورکله نیب ـ تئللی ناز ائله قودوروبسان کی، کیچیک بیر سؤزون اوستونده، بئله آبیرسیزلیق ائدیرسنمی؟!!ـ دئدی.
تئللی ناز یئنه ده چیغیر باغیر سالیب ـ دده ن بئله بئله اولسون! آی کیشی! مندن قوپ! آلقانیمی خرمن ائدیبسن! جانیمدان نه ایسته ییرسن؟!!ـ خان کیشییه دئدی.
خان کیشی اوزونو جاماعاتا توتوب ـ آی جاماعات بو آروادین الیندن باشیما نه داش سالیم؟!! حیاتیمی جهنم ائدیبدیر. واللاه بو صاغیرلارین دردی اولماسایدی، بوراخاردیم سنی دده ن ائوینه! گؤر نه حوققاباز ایمیشسان، یاواشجا الیمله سنی توتارکن، باشین ده ییب دیوارا جیزیلیب، ایندی بیر جیزیق اوستونده ائله های کوی سالیبسان کی جاماعات دئییر بلکه من سنین باشینا نه اویون آچمیشام.ـ دئدی.
تئللیناز ـ بوراخ قولومو! سنی دئییم ماشین آلتیندا قالاسان! بوراخ قییناقلارینلا اتیمی قوپارتدین! ـ دئییب، خان کیشینی یامان یوزا باسدی. خان کیشی ده قیر ساققیز اولوب تئللی نازین قولونو بوراخمیردی.
کوچه یه ییغیشان جاماعات هره سی بیر سؤز دئییب، بئله بیر قادینین محو اولماسینی تانریدان ایسته ییردیلر.
زاهرا ـ بئله بیر شرری بیزدن اوزاق ائتسین ـ دئدی.
نوبار بیبی اؤزونو خان کیشی ایله تئللی نازا یئتیریب ـ ائله گؤروم سن کیمی قیزیم یوخ اولسون! ـ دئیه تئللی نازین ساچلاریندان یاپیشیب، ائوه ساری سورودو. خان کیشی ده قییناقلارینین یئرینی برکیدیب، نوبار بیبی ایله بیرلیکده، تئللی نازی یئرده سورویوردولر. چیغیرماقدان باشقا چاره سی اولمایان تئللی ناز، بوتون گوجو ایله چیغیریب، باغیردی. قولام عمی بو چیغیر باغیر ائشیدرکن، قفه خانادان دارین قالخیب، اؤزونو خان کیشی گیله یئتیردی.
قفه خانادا حاج نوروللاه ـ بو آرواد ائله حیاسیزدیر کی اری اونا پلنگی کوت آلماییب دئیه، دونیانی باشینا گؤتوروب، خان کیشینین اولان قالان آبرینی تؤکور. ـ دئدی.
حاجی محمد چایینی قورتولدادارکن مشهد یعقوبا اوزونو توتوب ـ دییه سن خان کیشی تئللی نازی برک دؤیوب ـ دئدی.
مشهد یعقوب باشینی ترپه درکن حاج محمده ـ اوشاق سان حاجی! بو آروادلارین اویونلاریندان، حوققالاریندان خبرین یوخدور؟!! بئناوا خان کیشی تئللی نازی یاواشجا توتارکن، اونون باشی دیوارا ده ییب جیزیلیب، تئللیناز دا بونو بهانه ائدیب، اؤزونو قششی بازلیغا ووروب.ـ دئدی.
ـ البت کی یازیق خان کیشینین بئله بیر آبیرسیزلیقدا هئچ بیر گوناهی یوخدور.
هامی حاج حبیبین بو سؤزونو تصدیق ائتدیلر.
قولام عمی خان کیشینین ائوینه یئتیشرکن، تئللی نازی سالیب آلتینا، سیللی ایله یومروقلا دوشور جانینا ـ سنی دوغانا لعنت قیز! بیز ده هئچ آبیر قویماییبسان قالا ـ دئدی.
https://t.me/Adabiyyatsevanlar
ـ قولامین قیزی قویمارام گئده سن!
ـ آی جاماعات! منی بونون الیندن قورتارین!
ـ واللاه قویمارام! آخی آرواد دلی اولوبسان؟!! من سنه نه ائتمیشم کی بوقچاوی ییغیب، یولا دوشوبسن؟!!
ـ آی کیشی! منی بوراخ قوی گئدیم.
خان کیشی بیر الیله بوقچانی برک برک چکیب ـ یوخ! دده م روحو قویمارام گئده سن!ـ دئیرکن، بیر الیله ده تئللی نازین قوللاریندان یاپیشارکن، قییناقلارین اونون اتینه یئرلشدیردی. بیر یاخشی کیشی کیمی آروادینین آجیق ائدیب، گئتمه یینه مانع اولدو. کوچه ده کی جاماعات ییغیشیب، اونلارین داواسینا تاماشا ائتدیلر. او قدر آدام دام دیوارا دیرماشمیشدی کی، ائله بیل مشهد قدیرین تیلویزیونون، خان کیشینین دامینا نصب ائتمیشدیلر. بیر ـ بیرلرینین قولاقلارینا پیچیلداماقدان یورولماییب، هردن ده تئللینازین چیغیرـباغیر سالماغینا حئیرتله باخیردیلار.
ملاحت ـ ائله سنی جانیندان اولاسان آرواد! گؤر کیشینی نه حالا سالیب؟!!ـ دئدی.
روقیه ساغ بارماقلارینین بیرینی دیشله ییب، سول بارماقلاریلا قولاقلارینی چکرکن ـ اوزاق اولسون! اوزاق اولسون!ـ دئدی.
زاهرا گؤزلرینی توتا توتا آغلایارکن ـ ائله جانیم اؤلسون عمی! بو عیفریته نین الیندن نه چکیرسن! ـ دئدی.
آنجاق تئللی نازین سسی کسیلمیردی. نوبار بیبی چلیییندن یاپیشارکن، آددیم آددیم خان کیشییه ساری گلدی. حاج حبیب لبه دارینی باشیندان گؤتوروب غضبله ـ قئیرتسیز کیشی! بوراخ گئتسین بو حیاسیز قادینی ـ دئدی.
خان کیشی اورکله نیب ـ تئللی ناز ائله قودوروبسان کی، کیچیک بیر سؤزون اوستونده، بئله آبیرسیزلیق ائدیرسنمی؟!!ـ دئدی.
تئللی ناز یئنه ده چیغیر باغیر سالیب ـ دده ن بئله بئله اولسون! آی کیشی! مندن قوپ! آلقانیمی خرمن ائدیبسن! جانیمدان نه ایسته ییرسن؟!!ـ خان کیشییه دئدی.
خان کیشی اوزونو جاماعاتا توتوب ـ آی جاماعات بو آروادین الیندن باشیما نه داش سالیم؟!! حیاتیمی جهنم ائدیبدیر. واللاه بو صاغیرلارین دردی اولماسایدی، بوراخاردیم سنی دده ن ائوینه! گؤر نه حوققاباز ایمیشسان، یاواشجا الیمله سنی توتارکن، باشین ده ییب دیوارا جیزیلیب، ایندی بیر جیزیق اوستونده ائله های کوی سالیبسان کی جاماعات دئییر بلکه من سنین باشینا نه اویون آچمیشام.ـ دئدی.
تئللیناز ـ بوراخ قولومو! سنی دئییم ماشین آلتیندا قالاسان! بوراخ قییناقلارینلا اتیمی قوپارتدین! ـ دئییب، خان کیشینی یامان یوزا باسدی. خان کیشی ده قیر ساققیز اولوب تئللی نازین قولونو بوراخمیردی.
کوچه یه ییغیشان جاماعات هره سی بیر سؤز دئییب، بئله بیر قادینین محو اولماسینی تانریدان ایسته ییردیلر.
زاهرا ـ بئله بیر شرری بیزدن اوزاق ائتسین ـ دئدی.
نوبار بیبی اؤزونو خان کیشی ایله تئللی نازا یئتیریب ـ ائله گؤروم سن کیمی قیزیم یوخ اولسون! ـ دئیه تئللی نازین ساچلاریندان یاپیشیب، ائوه ساری سورودو. خان کیشی ده قییناقلارینین یئرینی برکیدیب، نوبار بیبی ایله بیرلیکده، تئللی نازی یئرده سورویوردولر. چیغیرماقدان باشقا چاره سی اولمایان تئللی ناز، بوتون گوجو ایله چیغیریب، باغیردی. قولام عمی بو چیغیر باغیر ائشیدرکن، قفه خانادان دارین قالخیب، اؤزونو خان کیشی گیله یئتیردی.
قفه خانادا حاج نوروللاه ـ بو آرواد ائله حیاسیزدیر کی اری اونا پلنگی کوت آلماییب دئیه، دونیانی باشینا گؤتوروب، خان کیشینین اولان قالان آبرینی تؤکور. ـ دئدی.
حاجی محمد چایینی قورتولدادارکن مشهد یعقوبا اوزونو توتوب ـ دییه سن خان کیشی تئللی نازی برک دؤیوب ـ دئدی.
مشهد یعقوب باشینی ترپه درکن حاج محمده ـ اوشاق سان حاجی! بو آروادلارین اویونلاریندان، حوققالاریندان خبرین یوخدور؟!! بئناوا خان کیشی تئللی نازی یاواشجا توتارکن، اونون باشی دیوارا ده ییب جیزیلیب، تئللیناز دا بونو بهانه ائدیب، اؤزونو قششی بازلیغا ووروب.ـ دئدی.
ـ البت کی یازیق خان کیشینین بئله بیر آبیرسیزلیقدا هئچ بیر گوناهی یوخدور.
هامی حاج حبیبین بو سؤزونو تصدیق ائتدیلر.
قولام عمی خان کیشینین ائوینه یئتیشرکن، تئللی نازی سالیب آلتینا، سیللی ایله یومروقلا دوشور جانینا ـ سنی دوغانا لعنت قیز! بیز ده هئچ آبیر قویماییبسان قالا ـ دئدی.
https://t.me/Adabiyyatsevanlar
Telegram
ادبیات سئونلر
بوکانال ادبیات سئونلر قوروپونون سئچیلمیش اثرلری دیر
کانالدا کی یازیلاری کانالین لینکینی وئرمک شرطی ایله پایلاشماق اولار.
کانالدا کی یازیلاری کانالین لینکینی وئرمک شرطی ایله پایلاشماق اولار.