رسول یونان

به این بی قوارگی

به این پریشانی

هیچ کس تا حالا

سیاره ای ندیده است

که ما...

گورستان ها از باغ ها بزرگ ترند

آه!

این چه دنیایی ست

برای ما تدارک دیده اند؟!

لوله ی تانک

از کره ی زمین بیرون زده است. 

https://t.me/Adabiyyatsevanlar

نویسنده:آملی نوتومب
مترجم: نسرین کوچه مشکیان
ناشر: حکمت کلمه
تبریز: کتابفروشی دهخدا و شایسته
تهران: پخش ققنوس، چشمه، حکمت کلمه.

https://t.me/Adabiyyatsevanlar

«معصوم جبارپور»

بو گئجم یئنه ده تورکوسوز قالیر
ماهنی لار دونیامدا قارا گئییبللر
سؤکولمور یالقیزلیق گئجه لریمدن
هورولوب زامانین کلفچه سینه
کیم بیلیر حالیمی
تکجه
نار
اوره یی قاناییر هر آن
آنام نار دنه لرکن
حالیما قان آغلاییری!
گورولتو دوشورو بوتون جانینا
قانینی_
سوران آن زهرلنیری!
چیلله گئجه سی دیر _
ناغیل دئییری :
آتام هر زامانی تک
یئنه ده بو گئجه کرم یانیری
بو گئجه قارپیزلار پارچالانان آن
داغیلیر آخار قان ایچرینه هر زامان
دولانیر چیلله ننه سی کوچه به کوچه
گلمه ییر ، قیسیلیر کؤهنه بیر ائوده
جوجرمیش دویغولار سارسیلیر، یانیر
جان آتیر بلکه ده اؤلمه یه ، یئنه
دوغروسو آیریلیق اؤلومجول اولور
تانینماز سئوگییین اؤز آرامیزدا
هامی چیلله نی چپیک چالار کن
کیم بیلیر اللریم نه یاشیر او آن !
بو گئجه کؤچورم قارا گئجه دن
گئدیرم بیر ایشیق اولکه یه بلکه
یئنه ده بو چیلله آجی گئچیلدی
سن یوخسان
سیخیلیر هر آن چیلله لر
سن یوخسان آجی لار رول آلیر
یئمک لر
آداملار
باخیشلار بئله
چاتلایان قارپیزدا اینان آجی دیر
هر شی آجی دیر
یاشام آجی دیر ...
سیخیلیر چیلله نین اوره یی یئنه .

https://t.me/Adabiyyatsevanlar

یار نه گوزل بزنمیسن...
دالغا قوروپو

https://t.me/Adabiyyatsevanlar

هادی قاراچای
اسکی ماهنی

هله ايل دوغمامیشدی،
آی دا دوغمامیشدی
بیز هاردان باشلاندیق؟
مئشه لرده گونشین یاشیل ایشیغیندانمی؟
آغاجلا مامیرین گؤم_گؤى اؤپوشمه سیندنمی؟
ایلک سؤزوموز نه اولموشدو ياديندامى؟

سونرا سارماشيقدان توتوب ائنديک
ائندیک دونیانین قویوسونا
اوچان آتلارین بئلینده.

https://t.me/Adabiyyatsevanlar

چیلله گئجه سی ابیات سئونلر عائیله سینده:97/9/30


https://t.me/Adabiyyatsevanlar

چیلله گئجه سی ابیات سئونلر عائیله سینده: 96/9/30


https://t.me/Adabiyyatsevanlar

ادبیات سئونلر چیلله بایرامینیز موبارک اولسون.

قارانلیق گئجه لرینیز آیدین سحره آچیلسین.

ادبیات سئونلر: 99/9/30


https://t.me/Adabiyyatsevanlar

شیما-نیمادان چیلله تبریکی

https://t.me/Adabiyyatsevanlar

«سحرخیاوی»
چیلله گئجه‌‌سینه سئوگی شعری

یئنه ده چیلله‌دیر، قارلی-قیروولو
اوتانجاق آی باخیر پنجره‌میزدن
بیر اوووج دَن سپیم صاباح سئرچه‌لر
دویونجا یئسینلر داش هئره‌میزدن

دئییرلر اوزوندور چیلله سئوگیلیم
آمما کی سئویشسک صوبحه دک نه وار؟
قور وئریر آلمالیق یاناقلاریمدا
سینه‌مده نار باغی، لَبده گیلانار

دوداغین خیاوین اوزوملوکلری
سوسوزام مین گیله لَبیندن یئتر
ائله کئفلی‌یم کی بیر تارلا شئعیر
بو آخشام بوغدالیق الیمدن بیتَر

آل منی قوینونا، یوخسا دَلی یم
اَلَگیم اَله‌نَر، غربیلیم چؤنَر
ائله باخ "سحرین" قاچاق یئلی‌یَم
احوالیم بیر آن دا بو حالدان دؤنَر

آل منی قوینونا پیچیلداگینان
یئنه قولاغیما سئوگی ناغیلی
بیر ده قوی دیریلسین خانیم قاینانام
باشیمدان اَلَه‌سین گلین نوغولو

نه اولار پاییزدیر بیرآز احوالیم
نه اولار یارپاغیم سارالیب بیرآز
باشیمدا هله ده گلین‌لیک هاوام
اوره‌کده سئوگی وار، گولوشومده ناز

بو آخشام غریب بیر حالدایام یئنه
پرده‌نی چک گینن آی دا باخماسین
چیلپاقجا،دَلیجه سونولدوم سنه
دئه دان سؤکولمه‌سین، گونَش چیخماسین



https://t.me/Adabiyyatsevanlar

مرجان مناف زاده

چیلله بیزه پای گتیر
اولدوزلارلا آی گتیر
ساغلیق، بوللوقلا خوشلوق
هامی میزا سای گتیر

چیلله‌ده سویوق اولار
کوچه‌لر دونوق اولار
خان آرازین ماهنی‌سی
دیللره قونوق اولار

سنین دالین یاز چیلله
عومرون بئله آز چیلله
محبتله، جوشقویلا
اوخو خان آراز چیلله

چیلله‌نیز خئیرلی،برکتلی،ساغلیقلی اولسون


99/9/25

https://t.me/Adabiyyatsevanlar

چیلله گئجه سی دده قورقود اوخویور...
#بیرینجی_صفحه
#کبری_میرحسینی
بسم الله الرحمن الرحیم و به نستعین

رسول علیه‌السلام زمانینه یاخین، بایات بویوندان، قورقود آتا دئیرلر بیر ار قوپدو. اوغوزون اوّل کیشی‌سی تمام بیلیجی‌سیدی. نه دیرسه اولاردی؛ غایب‌دن دورلو(dürlü) خبر سؤیلردی. حق تعالی اونون کؤنلونه الهام ائدیردی. قورقود آتا آییتدی: آخر زماندا خانلیق گئرو"قایی"-یا دَگه(dəgə). کیمیسنه ال‌لریندن آلمایا. آخر زمان اولوب قیامت قوپونجا بو دئدیگی عثمان نسلی‌دیر. ایشده سورولوب (sürülüb)، گئده‌یودور. و داخی نئچه بونا بنزر سؤز سؤیله‌دی. قورقود آتا اوغوز قومونون مشکلینی حل ائدردی؛ هر نه ایش اولسا، قورقود آتایا تانیشمایینجا ایشله‌مزلردی؛ هر نه کی بویورسا قبول ائدرلردی؛ سؤزون توتوب، تمام ائدرلردی.
دده قورقود سویلامیش(soylamış) : الله-الله دئمه‌یینجه ایش‌لر اؤنمز (önməz).قادیر تانری وئرمه‌یینجه اَر بایماز. ازلدن یازیلماسا قول باشینا قضا گلمز. اجل وعده وئرمه‌یینجه...

https://t.me/Adabiyyatsevanlar

چیلله گئجه سی دده قورقود اوخویور

#ایکینجی_صفحه
#ویدا_حشمتی

اجل وعده وئرمه‌یینجه کیمسه اؤلمز. اؤلن آدام دیریلمز. چیخان جان، گئرو گلمز. بیر ایگیدین قاراداغ یومروسونجا مالی اولسا، ییغاردیرار، طلب ائیلر، نصیبیندن آرتیغین یئیه بیلمز. اولاشیبان سولار داشسا! دنیز دولماز. تکبّرلوک ائیله‌یه‌نی تانری سئومز. کؤنلونو اوجا توتان ارده، ثروت اولماز. یاد اوغول ساخلاماقلا، اوغول اولماز. بؤیوینده سالور گئدر، گؤردوم دئمز. کول تپه‌جیک اولماز. قارا ائششک باشینا اویان (uyan) وورسان، قاتیر اولماز. قاراواشا دون گئیدیرسن، قادین اولماز. یاپا-یاپا قارلار یاغسا، یازا قالماز. یاپاقلی گؤیچه چیمن گوزه قالماز. اسکی پامبیق، بئز اولماز. قاری دوشمن، دوست اولماز. قازا قوجا(qaza quca)، قییمایینجا یول آلینماز. قارا پولاد اوز قیلیجی چالینمایینجا، قیریم دؤنمز. اَر مالینا قییمایینجا، آدی چیخماز. قیز آنادان گؤرمه‌یینجه، اؤیود آلماز. اوغول آتادان گؤرمه‌یینجه، سوفرا چکمز. اوغول آتانین یئتیریدیر، ایکی گؤزون، بیریدیر. دؤلتلی اوغول قوپسا، اوجاغین گؤزودور.

https://t.me/Adabiyyatsevanlar

چیلله گئجه سی دده قورقود اوخویور...
#اوچونجو_صفحه
#فاطمه_معصومه_بهبودی

دؤلتلی اوغول قوپسا، اوجاغی‌نین گؤزودور. اوغول داخی نئیله‌سین بابا اؤلوب
مال قالماسا. بابا مالیندان نه فایدا، باشدا دؤلت اولماسا.
دولت‌سیز شرّیندن، آلله ساخلاسین خانیم سیزی.
دده قورقود بیر داخی سویلامیش:

سرپ یورورکن، قازلیق آتا نامرد ایگید مینه بیلمز، مینینجه مینمه‌سه یئک!
چالیب،کسر اوز قیلینجی مخنّث‌لر چالینجا، چالماسا یئک!
چالابیلن ایگیده، اوخلا قیلینجدان بیر چوماق یئک!
قوناغی گلمه‌ین قارا ائولر، ییخیلسا یئک!
آت یئمه‌ین آجی اوتلار، بیتمه‌سه یئک!
آدام ایچمز آجی سولار، سیزینجا، سیزما‌سا یئک!
آتا آدینی یوروتمه‌ین خویراد اوغول، آتا بئلیندن ائنینجه، ائنمه‌سه یئک!
آنا رحمینه دوشونجه، دوغماسا یئک!
آتا آدین یورودنده دؤلتلی اوغول یئک.
یالان سؤز بودوندا (بودونیادا-بو دینده) اولونجا اولماسا یئک.
گرچک‌لرین اوچ اوتوز اون یاشینی دولدورسا یئک!
اون اوتوز اون یاشین دا دولسون!
حق سیزه یامان گتیرمه‌سین!

https://t.me/Adabiyyatsevanlar

چیلله گئجه سی دده قورقود اوخویور...

#دؤردونجو_صفحه
#شاهین_مرادی

دؤلتینیز پاینده اولسون خانیم هئی؛ دده قورقود سویلامیش، گؤره‌لیم خانیم نه سویلامیش: گئتدیکده یئرین اوتلارین کئییک بیلر. گئنز(genəz) یئرلر،چمنلرین قولان بیلر. آیری-آیری یوللار ایزین، دوه بیلر. یئددی دره قوخولارین تولکو بیلر. تونله(tünlə)، کروان کؤچدویون توراغای بیلر. اوغول کیمدن اولدوغون آنا بیلر. ارین آغیرین، مینیسی(بو کلمه"یونوسوyünüsü"-ده اوخونوب) آت بیلر. آغیر یوکلر زحمتین قاتیر بیلر. نه یئرده سیریلی(sırılı) وارسا، چکن بیلر. غافل باشین آغریسین، بئینی بیلر. قولچا قوپوز گؤتوروب، ائلدن-ائله، بگدن-بگه اوزان گزر، ار جومردین، ار ناکسین اوزان بیلر. ایله‌یونده(iləyündə بو کلمه ائل گونونده elgünündə ده اوخونوب) چالیب، ائدن اوزان بیلر.آزیب گلن قضایی تانری ساوسون خانیم هئی. دده قورقود گئنه سویلامیش گؤره‌لیم خانیم نه سویلامیش. آغیز آچیب، اؤیَر اولسام اوستوموزده تانری گؤروکلو. تانری دوستو دین سروری محمد گؤروکلو. محمدین ساغ یانیندا نماز قیلان ابوبکر صدیق گؤروکلو.

https://t.me/Adabiyyatsevanlar

چیلله گئجه سی دده قورقود اوخویور
#بئشینجی_صفحه
#محمد_قناتی

آخر سی‌پاره باشیدیر عمّ گؤروکلو.
هئجه سینله دوز اوخونسا یس(یاسین) گؤروکلو.
قیلینج چالدی، دین آچدی شاه مردان علی گؤروکلو.
علی‌نین اوغوللاری پیغمبر نواده‌لری کربلا یازیسیندا یزیدی‌لر الینده شهید اولدو حسنله حسین ایکی قارداش بیله گؤروکلو.
یازیلیب، دوزولوب گؤیدن ائندی تانری علمی قران گؤروکلو.
او قرانی یازدی، دوزدو علمالار اؤیره‌نینجه کؤیدو، بیچدی عالملر سروری عثمان عفان اوغلو گؤروکلو.
آلچاق یئرده یاپلیبدویر تانری ائوی مکّه گؤروکلو.
اول مکّه‌یه ساغ وارسا اسن گلسه صدقی بوتون حاجی گؤروکلو.
ساغیش گونونده آینا گؤروکلو.
آینه گونو اوخویاندا خطبه گؤروکلو.
قولاق وئریب دینله‌ینده امّت گؤروکلو .
مناره‌ده بانلایاندا فقیه گؤروکلو.
دیزین باسیب اوتوراندا حلال گؤروکلو.
دؤله‌میندن(döləmindən) آغارسا بابا گؤروکلو.
آغ سودون دویا امزیرسه آنا گؤروکلو
یاناشیب..

https://t.me/Adabiyyatsevanlar

چیلله گئجه سی دده قورقود اوخویور...

#آلتینجی_صفحه
#گونش_خاتون

یاناشیب یۏلا گیرنده، قارا بۇغرا گؤروکلو، سئوگیلی قارداش گؤروکلو، یانال آلا ائو، یانیندا تیکیلسه گردک گؤروکلو، وورونجا تینغی گؤروکلو، اوغول گؤروکلو، هامیسینا بنزه‌مزدی، جومله عالم‌لری یارادان، آللاه تانری گؤروکلو، اول اؤیدویوم اوجا تانری دوست اولوبن مدد وئرسین، خانیم هئی.
اوزان، آیدیر: قاریلار دؤرد دۇرلودور
بیریسی سولدوران سویدور،
بیریسی دولدوران تویدور،
بیریسی ائوین دایاغی‌دیر،
بیریسی نئچه سؤیلرسن، بایاغی دیر.
اوزان، ائوین دایاغی:
اودورکی یازیدان، یاباندان، ائوه بیر قوناق گلسه، اَر‌‐ آدام ائوده اولماسا، او آنی یئدیرر، ایچیرر، آغیرلار، عزیزلر، گؤندَرَر.
اول، عایشه، فاطیمه سۏیودور. خانیم اونون ببک‌لری بیتسین. اوجاغینا بونجالایین عورَت گلسین.
گلدیک اول کیم سولدوران سۏیدور.
ساپادینجا یئریندن اۇرو دورار، الین اۆزون یومادان دوققوز بازلاماج ایلن بیر گۆولک یوغورد، گوه‌زه‌لر دویونجا، تیخا باسا یئیر، الین بؤیرونه وورار...

https://t.me/Adabiyyatsevanlar

چیلله گئجه سی دده قورقود اوخویور...

#یئددینجی_صفحه
#محمد_باقری

الین بؤیرونه وورار.آیدیر: بو ائوی خراب اولاسی اَره واراندان بری،
داخی قارنیم دویمادی. اوزوم گولمه‌دی. آیاغیم باشماق، اوزوم یاشماق گؤرمه‌دی دئر. آح نولایدی بو اؤلئیدی، بیرینه داخی وارایدیم!؟ اوماریمدان یاخشی، اویار(uyar) اولایدی! دئر. اونون کیمی‌نین خانیم، ببک‌لری بیتمه‌سین! اوجاغینا بونجالایین عورت گلمه‌سین.

گلدیک او کیم دولدوران توی‌دور. دبردینجه یئریندن اورو دوردو.
الین، اوزون یومادان، اوبانین اول اوجوندان
بو اوجونا، اول اوجونا چارپیشدیردی. قوو‌ قوللادی، دینگ دینگله‌دی، اؤیله‌دینجه (öylədincə) گزدی، اؤیله‌دن سونرا ائوینه گلدی،
گؤردو کیم اوغرو کؤپک، یئکه دانا ائوینی بیر-بیرینه قاتمیش!
تاووق کؤمه‌سینه، سیغیر دامینا دؤنموش! قونشولارینا چاغیریر کی
قیز، زولئیخا، زوبئیده، اورویده(üreydə)، جان قیز، جان پاشا، آینا ملک،
قوتلو ملک، اؤلمه‌گه، ایتمه‌گه گئتمه‌میشدیم! یاتاجاق یئریم گینه بو خراب اولاسیدیر...

https://t.me/Adabiyyatsevanlar

چیلله گئجه سی دده قورقود اوخویور...
#سکگیزینجی_صفحه
#دویغو_قلم


نه اولایدی منیم ائویمه بیر لحظه باخایدیز!؟قونشو حقّی، تانری حقّی دییو، سؤیلر. بونون کیمی‌نین خانیم ببک‌لری بیتمه‌سین. اوجاغینا بونون کیمی عورت گلمه‌سین. گلدی او کیم نئجه سؤیلرسن بایاغی‌دیر. ائوینه یازیدان- یاباندان بیر اودلو (udlu) قوناق گلسه اَر-آدم ائوده اولسا اونا دئسه کی دور اتمک گتیر یئیه‌لیم، بودا یئسین دئسه: بیشمیش اتمه‌یین بقاسی اولماز، یئمک گرکدیر! عورت آیدیر: نئیلییه‌لیم!؟ ییخیلاجاق ائوده اون یوخ، الک یوخ، دوه دگیرماندان گلمه‌دی. دیر نه گلیرسه منیم ساغریما گلسین. دییو الین گؤتونه وورار، اوزون آنارو، ساغریسین ارینه دؤنده‌رر. مین سؤیلرسن بیریسینی قویماز. ارین سؤزونو قولاغینا قویماز. او نوح پیغمبرین ائششه‌یی اصلی دیر. اوندان داخی سیزی خانیم آلله ساخلاسین. اوجاغینیزا بونجولایین عورت گلمه سین.

https://t.me/Adabiyyatsevanlar