ائتیمولوگییا درسلری‌ ۹‌ / ۹ / ۹۹
سار ، سر ، ساری ۲
اوزمان : دوکتور ارشدنظری

https://t.me/Adabiyyatsevanlar

ائتیمولوگییا درسلری‌ ۹‌ / ۹ / ۹۹
سار ، سر ، ساری ۳
اوزمان : دوکتور ارشدنظری

https://t.me/Adabiyyatsevanlar

مصاحبه با غلامحسین ساعدی

https://t.me/Adabiyyatsevanlar

آراز آراز خان آراز ...

https://t.me/Adabiyyatsevanlar

منی آختار داریخاندا...
اوخویور: مسعود امیرسپهر

https://t.me/Adabiyyatsevanlar

دوكتور_ریضا_براهنی
چئویریب_ا_ف_اوياق

گوللنمیش چؤرک کیمی‌دیر تبریزین سحری.
گون‌اورتاسی
بؤیروندن ایستی قان سیزان
قوزو کابابی کیمی‌دیر.
آخشامی
یاندیران، بوزلو وودکا
اویله کی سن
باغیراراق ائوه قاییدیرسان.
گئجه یاریسی دا
قاز توکو یاستیغیندان یوموشاق بیر قادین
باش یاستیغا قویمادان اویورسان
آییلان‌دا
تبریز ایشیق مووسمی‌دیر.


https://t.me/Adabiyyatsevanlar

محمود_درویش
ویدا_حشمتی

اؤزومدن بیر شکیل قویورام، قادینیم اوچون:
من اؤلورسم، بو شکیلی دووارا آس.
دئییر هانسی دووار؟
دئییرم بیر اوتاق تیکه‌ریک.
-هاردا‍؟ هانسی ائوده؟
دئییرم بیر ائو تیکه‌ریک.
-هاردا؟ هانسی سورگونلوکده؟
گؤزیاشیم آخیر و بیر ماهنی دوغولور.


https://t.me/Adabiyyatsevanlar

«ویدا حشمتی»

آیاغیندان باغلی بیر چینار کیمی
هر یئله، سازاغا اَسه بیلمیرم
کؤنلومده قانایان قوشا نار کیمی
سندن اینجیسم ده کوسه بیلمیرم

سئوگی بارماغیما تاخدیغین بلگه
بیر گون بوغازیما دار گله‌جک‌میش
سن منه کؤلگه‌یدین من سنه کؤلگه
بیلمزدیم قصدیمه یار گله‌جک‌میش

گؤزلریندن دوشن ساختا اؤپوشلر
کئشگه خیالیما توش گلمه‌یه‌یدی
یاستیغیندان اوچان ساختا او دوشلر....!
کئشگه پئنجره‌مه قوش گلمه‌یه‌یدی .


https://t.me/Adabiyyatsevanlar

دموکرات فرقه سینین تاثیری شعیرمیزده ،نثریمیزده
ادبیات سئونلر کانالیندا
زمان : 99/9/20
ساعات: 21
اوزمان:«رسول اسمعیلیان»

https://t.me/Adabiyyatsevanlar

«علی آقا واحید »

گوزلیم گول اوزونه ائل هامی حیراندی سنین
فتنه کار شوخ باخیشین عشوه لی جیراندی سنین

منی بیمار ائله یَن گوزلرینین حسرتی دیر
لبلرین خسته اولان کونلومه درماندی سنین

سن گولر کن سوینیر شاد اولور ائللرده گولور
مگر او لعل لبین غنچه خنداندی سنین

گوزلرون غارت ائدیب کونلومو جانیم قالمیش
اوداکی قاشلارینین طاغینا قورباندی سنین

بو ملاحت له اگر وئرمسن اوز قیمتینی
نازینین مین ملییم شعمینه نقصان دی سنین

قیرمیزی آلما کیمی لاله یاناقین قیزاریب
گول جمالین ائله بیل باغ گولستان دی سنین

دئمه واحید یانیرام عشقه اودونا تابیم وار
چون کی لقمانه طبیب آذربایجان دی سنین


https://t.me/Adabiyyatsevanlar

داود اهری

"قارلارایلا اویناییریق "

صبحانه دن سونرا پالتارلاریمی گئیدیم.ائله کی ایسته دیم پیلله لردن ائنم آنام برک چاغیردی :
- کتابخانایا ایسته ییرسن گئده سن کارتین یادیندان چیخماسین.
تعجوب ائله دیم.بو باره ده اونا بیر سوز دئمه میشدیم .آچیق آغیز ایلا قاییتدیم.یادیما دوشدو کارتیمی یادیمدان چیخیب گوتورم.کارتی گوتوردوم پیلله لردن ائندیم.آناما بیر سوز دئمه دیم.ائودن چیخدیم ائشیگه.
الیمین اشاره سی ایله تاکسی دایاندی.راننده چیغیردی :
- کتابخانایا ایسته ییرسن گئده سن مین.
تعجوبدن آز قالیردی بوینوز چیخاردام. یاواش قاپینی آچدیم و میندیم آمما آقای راننده یه بیر سوز دئمه دیم .
کتابخانادا بیر گنج مسئول کی ماسانین دالیسیندا دورموشدو منی گورجک گولدی و دئدی :
- چوخ خوش گلیبسیز. کارتیز لوطفن. دکتر ژیواگو کتابینی ایسته ییرسیز؟ بیر آز صبر ائله یین.الآن گتیره رم.
تعجوبلی گوزلر ایله اونا باخدیم.کار تیمی وئردیم. جرئتیم یوخ ایدی اوندان سوروشام هارادان بیلمیشدی کی گلمیشم همان کتابی امانت آلام.
بیر نئچه دقیقه دن سونرا کتاب الینده قاییتدی.بویوک کارتدا بیر شئی لر یازدی ، کارتیمی منه وئردی.
کتابخانادان ائشیگه چیخدیم.اوز-اوزومه دئدیم اولمایا ساحاتلارین عقربه لری بو گون عکسینه ایشله ییر و یا یئر کوره سی گئتمک یولونو ده ییشیبدی.روانی آد املار کیمی کتاب قولتوغومدا پییادا شیخ شهاب پارکینا طرف یولا دوشدوم.ایسته ییردیم بیر آز یول دا یئری یم.شه هه ریمیزین یالقیز ، همیشه قاپیسی باغلانمیش سینماسینین قارشی سیندا بیر اسکی دوست کناریمدان گئچیردی. بیر بیریمیزین اوزوموزه باخدیق.ال وئردیک.سلام علیکدن سونرا دئدی :
- پارکا تشریف آپاریسیز یولوزدان قویماییم.
تعجوبله اوزونه باخدیم. اوندان آیریلدیم. قار باشلادی یاغماغا.قارین آغ ده نه لری اوینایا-ا وینایا اوستو باشیما اوتوروردو.
بیر یولدان گئچن قارشیدان گلیردی.تا یاخینلیغیما یئتیشدی دایاندی و مندن سوروشدو :
- آغا ساحات نئچه دیر ؟ وای باغیشلایین گره ک سیزدن بو سوآلی ائله مه یه ایدیم. سیز چوخداندیر داها ساحاتیز او لماییر.
یولوما داوام وئردیم .دورد یولون باشیندا بیر قوجا کیشی چرخ اوستونده لبلبی ساتیردی.ساری و قرمیزی لبلبی لردن بوخار قالخیردی.اوزومه دئدیم یاخشی دیر کی یاریم کیلو لبلبی ده آلام. قوجا کیشی نین یاخینلیغینا یئتیشرکن قاه - قاه باشلادی گولمه یه و یاواشجا قولاغیما دئدی:
- نییه یاریم کیلو ؟ قوی بیر کیلو چکیم . لبلبی لریم ایستی و شیریندی . نگران اولما فریزر تورباسینا قویاجاغام.
بیر کیلو لبلبی نین پولونو وئردیم.فریزر تورباسی الیمده ، کتاب دا قولتوغومدا بالاخره پارکا یئتیشدیم.اوز اوزومه دئدیم کاش قزئته ده گتیره ایدیم تا نیمکت اوستونده قویوب اوتورایدیم . بیر کیشی قزئته الینده گئچیردی. دوندی اوزون منه توتوب دئدی :
- بلی . قزئته اوزوز ایله گتیرمه ییبسیز. آلین ، من اوخوموشام . ائله یه بیلرسیز نیمکت اوستونده قویوب اوتوراسیز.
تعجوبله قزئته نی آلدیم تشکور ائله دیم.
گنج قیز و اوغلان پارکی ترک ائدیردیلر. قیز اوغلانا دئدی :
- دوزدور. اوجوردی. دوغرودان یئنی قرینه.ایش قورتاریبدیر... !
نیمکت اوستونده قزئته اوستونده اوتورموشدوم.قار آرام آرام یاغیردی . بیر قارقا گولونج حالتده قاریلداییردی .
قالخدیم. بیر یولو سئچدیم کی تئز ائوه یئتیشم.قار هله یاغیردی.
*
قاپینی آچیب پیلله لردن قالخدیم.آنام بیر خانیم ایلا دانیشیردی. ائشیتدیم کی دئییردی :
- همان اسکی آتا - بابا سوزی .اوره یین اوره یه یولو واردی. ایندی داها دوغرودان یولو واردی ... !
گولمک لرینین سسی اوجالدی.قاییتدیم . پیلله لردن سرعتله ائنیردیم . آمما سانکی پیلله لرین سونو یوخ ایدی. کتاب و فریزر تورباسینی آتدیم. ائله پیلله لردن ائنیردیم . قیزیشمیشدیم. بیر بیر پالتارلاریمی چیخاردیردیم . تر دابانیمدان سوزوردی . پیلله لره قورتاراجاق یوخ ایدی .. !
*
آنامین سسی منی اویاتدی . نفس - نفس ووروردوم . عجیبه یوخو گورموشدوم. قالخدیم.
صبحانه دن سونرا پالتارلاریمی گئیدیم.ائله کی ایسته دیم پیلله لردن ائنم آنام برکدن چاغیردی :
- کتابخانایا ایسته ییرسن گئده سن کارتین یادیندان چیخماسین.
و من اصلن تعجوب ائله مه دیم.
تاکسی راننده سی ، کتابخانا مسئولو ، اسکی دوست ،یولدان گئچن ، قوجا لبلبی ساتان ، او کیشی کی قزئته الینده ایدی و او گنج قیز و اوغلان کی ایندیجه پارکی ترک ائتدیلر همان سوزلری دئدیلر.
پارکدا نیمکت اوستونده ، قزئته اوستونده اوتورموشام . فریزر تورباسی بیر کیلو لبلبی ایله و دکتر ژیواگو کتابی منیمله دیر. قار آرام آرام یاغیر.
بیر قارقا گولونج حالتده قاریلداییر . فقط من

جرئتیم یوخدی ائویمیزه قاییدام .
آمما اختیارسیز دورورام تا بیر یول سئچم کی تئز ائویمیزه یئتیشم . قار هله ده یاغیر ... !

https://t.me/Adabiyyatsevanlar

حسن بابایی عجبشرلی

یا......شا.......م

حیاتی سورکلی آپاران بوتون جانلی لاردا دئمک (نفس = nəfəs )دیر. گلیرسه واریق، یاشام جانلانیر، گئدیرسه دئملی یوخلوق نغمه سی اوخونور. نئچه گون اوءنجه ایش ائله گتیردی شهرین خسته خانالاری نین بیرینه چاغریلمامیش قوناق سایاغی آیاق باسدیم، دونوب یئریمده قالدیم. (اوءلوم )یاشایشین پیس اوزلو صیفتی هامییا باخیب دیش قیجیدیردی، اوءزوده هئچ کیمسه دن هئچ نه یی اسیرگه میردی، اوءزل لیکله یوخسول کوتله نین یاخاسینی تانیدیغیندان الیندن گلنی بئش قابا چکیردی. دوردوغوم یئرده دوشوندوم، آخی به یم بیزیم لیاقتیمیز بو اوءلچوده وار لانیر؟ بئله چتین گونلرده سفیل حیات یاشاماق بیزیم بورجوموزدورمی؟
آنجاق آچیلان اویون تپه دن -دیرناغا دک بیزی چولقالایب، ایندیسه گتیریب بو دورومدا سیناق دان کئچیریر.ائله -بئله یاناشماق (ایلبیز لیک )دئمک دیر، یان آشماق دا سفیل لیین سونو دئمک دیر . بیزه یوخ دونیا سویه سینده بو چاغزیلمامیش قوناق (کارونا ویروس )باشقا خسته لیک لری اوءز کولگه سینده اسدیریر، تک جانینا آت چاپدیریر. خسته خانا لارین امکداشلاری، حکیم لر، شفقت باجی لاری، تعجیلی یاردیم بوءلگه سینده چالیشانلار هامیسی بو خسته لیکله چارپیشسالاردا ویروس اوءز ایشی نین داوامیندا دایانمادان -دورمادان چالیشیر، اونونلادا خسته لرین سایی گونو -گوندن آرتیب، دوروم گرگین لشیب (اوءلوم توزو )خسته خانا لارین قاپی -باجالاریندان، در-دووارلارینا قاپانیب تسلیم اولماغا یونلدیر . یازیق توپلومون بوآرا سوچو وارمی؟ دئدیکده بیر چوخلاری نیشان بارماقلارینی یوخسول خالقین اوزرینه توتوب :پروتکل لاری رعایت ائتمیرلر. دئین یوخدو
اینصاف سیزلار ات گتیرمه دن -کوفته ایسته ییرسینیز. دردلی دئینگن اولار دئیب لر، نه ایسه یاریم بند شعر هرنه یی آنلاتیر (دئسم اوءلدوررلر، دئمه سم اوءللم )


https://t.me/Adabiyyatsevanlar

جلیل_محمدقلی_زاده
کؤچوروب_حاضیرلایان:«ویدا_حشمتی»
ایکی_قارداش_اؤیکوسو

گورجوستان یایلاقلارینین بیریندن آوقوست آیی‌نین اورتالاریندا تیفلیس شهرینه طرف، قاتاری، یولا دوشمه‌یه حاضیرلاشیردی. گونون باتان زامانی ایدی. قاتار ناظیری یوشکوره‌ک آتدی، ماشین برک باغیراندان سونرا آستاجا یولا دوشدو. گئدنلر، سککیده قالانلارا قاتاردان اؤپوش-سالام گؤندریردیلر، قالانلار دا اونلارا دسمال قالخیزیب یئلله‌ییردیلر.
بو همیشه اولان ایش‌ایدی. بونونلا ایشیم یوخدور، آمما یادیمدان چیخمایان احوالات همین قاتار یاواش-یاواش اوزاقلاشاندا، واقونلارین بیرینین قاپیسی‌نین آغیزیندا ایکی کیشی‌نی اؤپوشورکن گؤردوم. بونلار بیر-بیرینی قوجاقلاییب، اؤپوشوردولر. بیر قدر اؤپوشدوکدن سونرا ایچری طرفده‌کی کیشی چؤله طرف دوران کیشی‌نین ألیندن توتا-توتا او بیری‌سینی ائنسین دئیه، چؤله طرف باسدی. اودا جَلد سککی‌یه توللاندی، توللاناندان سونرا قاتار ایله برابر قاچماغا اوز قویدو. گئنه قالخدی همن واقونا هابئله گئنه اورتاداکی کیشی‌نی قوجاقلادی و اونلار گئنه اؤپوشمه‌یه باشلادیلار.
بو یازینین آردینی ادبیات سئونلر کانالیندا اوخویون.
https://t.me/Adabiyyatsevanlar

جلیل_محمدقلی_زاده
کؤچوروب_حاضیرلایان:«ویدا_حشمتی»
ایکی_قارداش_اؤیکوسو

گورجوستان یایلاقلارینین بیریندن آوقوست آیی‌نین اورتالاریندا تیفلیس شهرینه طرف، قاتاری، یولا دوشمه‌یه حاضیرلاشیردی. گونون باتان زامانی ایدی. قاتار ناظیری یوشکوره‌ک آتدی، ماشین برک باغیراندان سونرا آستاجا یولا دوشدو. گئدنلر، سککیده قالانلارا قاتاردان اؤپوش-سالام گؤندریردیلر، قالانلار دا اونلارا دسمال قالخیزیب یئلله‌ییردیلر.
بو همیشه اولان ایش‌ایدی. بونونلا ایشیم یوخدور، آمما یادیمدان چیخمایان احوالات همین قاتار یاواش-یاواش اوزاقلاشاندا، واقونلارین بیرینین قاپیسی‌نین آغیزیندا ایکی کیشی‌نی اؤپوشورکن گؤردوم. بونلار بیر-بیرینی قوجاقلاییب، اؤپوشوردولر. بیر قدر اؤپوشدوکدن سونرا ایچری طرفده‌کی کیشی چؤله طرف دوران کیشی‌نین ألیندن توتا-توتا او بیری‌سینی ائنسین دئیه، چؤله طرف باسدی. اودا جَلد سککی‌یه توللاندی، توللاناندان سونرا قاتار ایله برابر قاچماغا اوز قویدو. گئنه قالخدی همن واقونا هابئله گئنه اورتاداکی کیشی‌نی قوجاقلادی و اونلار گئنه اؤپوشمه‌یه باشلادیلار.
قاتارین حرکتی بیر آز سورعت‌له‌ندی، آمما واقونا توللانان اوغلان اورداکی کیشی‌نی اؤپمکدن أل گؤتورموردو. أن اوزاق گئدندن سونرا پیشیک کیمی اؤزونو دالی-دالی توللاییب سیچیرادی دوشدو یئره. هله یئرده ده قاباغا طرف واقونداکی یولداشلاریندان اؤترو قاچدی، آنجاق آخیردا دایانیب، دایاناندان سونرا گئنه گؤزو اوزاقلاشانا قدر قاتاردا ایدی.
جاماعتین ایچینده بیر نئچه گؤرجو یولداشلاردان خبر توتوب بیلدیم بونلار ایکی قارداشیمیش‌لار. بیری بیر آز اوزاق سفره گئدیر، اوبیری قارداشینی یولا سالیر. هله گئدن ماشینین قیشقیریغی چوخ اوزاقدان گلیردی آمما یولا سالان قارداش ائله دوروب قاباغا باخماقدایدی. بیر قارداش او بیری قارداشی بئله‌لیک‌له یولا سالیردی.
ماشین گئدندن سونرا واغزال بیردن سئیره‌‌لدی. جاماعات بیردن داغیلیب هره اؤز ائوینه-ایشینه گئتدی. واغزالین قاباغینی بیرآز اؤنجه بوردا دوران قاتاردان بوشالاندان سونرا، کور چایی‌نین کناریندا جرگه ایله بیتن اوجا أرَر آغاجلاری گلدی دوردو گؤزومون قاباغیندا. هاوادا بیر آز نسیم وار ایدی اونون اوچون‌ ده بو آغاجلارین باشلاری گاه ساغا طرف أییلیردی گاه سولا طرف. آمما ائله‌ ده اولوردو: بیرینین باشی ساغا طرف أییله‌نده اورتالیغا بیر آیریسی داخیل اولوب اوبیری آغاج سول طرفه أییلیردی. بئله اولاندا، ایکی آغاجین باشلاری گاه بیر-بیریندن اوزاقلاشیردی گاه بیر-بیرینه یاخینلاشیردی.
او اوزدن، بیر غریب قوجا کیشی، بئله خیالات آلیردی، بلکه بو أرَر آغاجلاری‌ دا اینسانلار کیمی دویغو یییه‌سی‌دیرلر. بلکه بونلار دا ایندی بایاقکی ایکی قارداش کیمی اؤپوشورلر..!
آغاجلارین اؤپوشمه‌یی ایله ایکی قارداش‌ین اؤپوشمه‌یی آراسیندا بیر بؤیوک فرق وار. فرق بودور: بورداکی أررلری بیر-بیری ایله یاخینلاشدیران قیراقدان گلن یئللردیرلر، آمما قارداشلاری اؤپوشدورن قارشی محبّت‌دیر. بوردا من غمگین اولدوم، نه سببه غمگین اولدوم، بونو داها سؤیله‌مک ایسته‌میرم.


https://t.me/Adabiyyatsevanlar

✍اردلان عطاپور
چئویرین : سحر خیاوی
تاپدیم...تاپدیم...!!!

بیر گون"ارشمیدس" حاماما گئتدی.حتمن چیرکلی ایمیش. آمما کیسه چکمک یئرینه اویناماغا و سووآ باتیب-چیخماغا باشلادی. باتیب قالخیردی،یئنه باتیب قالخیردی. بیر کره ده باتاندا لاپبادان ائشیگه آتیلدی. چیغیردی:تاپدیم...تاپدیم...

حاماما گئتمیه‌نلر حامامین ایچینده سسین نه قدر عظمتلی و نئچه کره عکس اولدوغونو دوشونمزلر.
سسین عکسی اؤزونده دولاشیردی، ارشمیدس "توکو"چکیلمیش بیری کیمی اوره‌کدن چیغیریردی:تاپدیم...تاپدیم...

اؤنجه ارشمیدوسون آیاق داشی تاپماغینا گومان گئتدی. آمما او گونه‌جک بیر کس آیاق داشی اوچون ائله چیغیرمامیشدی. ارشیمیدوسا یاخین اولانلارین اختیارسیز فیکیرلری ثروت و جواهره گئتدی.بلکه ارشمیدس طالعینین خوشلوغوندان اونو تاپیب.
هارای چکدیلر:بیزیمدیر...بیزیمدیر...
بویازینین آردینی ادبیات سئونلر کانالیندا اوخویون.

https://t.me/Adabiyyatsevanlar

✍اردلان عطاپور
چئویرین : سحر خیاوی
تاپدیم...تاپدیم...!!!

بیر گون"ارشمیدس" حاماما گئتدی.حتمن چیرکلی ایمیش. آمما کیسه چکمک یئرینه اویناماغا و سووآ باتیب-چیخماغا باشلادی. باتیب قالخیردی،یئنه باتیب قالخیردی. بیر کره ده باتاندا لاپبادان ائشیگه آتیلدی. چیغیردی:تاپدیم...تاپدیم...

حاماما گئتمیه‌نلر حامامین ایچینده سسین نه قدر عظمتلی و نئچه کره عکس اولدوغونو دوشونمزلر.
سسین عکسی اؤزونده دولاشیردی، ارشمیدس "توکو"چکیلمیش بیری کیمی اوره‌کدن چیغیریردی:تاپدیم...تاپدیم...

اؤنجه ارشمیدوسون آیاق داشی تاپماغینا گومان گئتدی. آمما او گونه‌جک بیر کس آیاق داشی اوچون ائله چیغیرمامیشدی. ارشیمیدوسا یاخین اولانلارین اختیارسیز فیکیرلری ثروت و جواهره گئتدی.بلکه ارشمیدس طالعینین خوشلوغوندان اونو تاپیب.
هارای چکدیلر:بیزیمدیر...بیزیمدیر...

آمما ارشمیدس هامییا اعتناسیز،شوقدان، آنادان اولما لوم-لوت حامدان ائشیگه قاچدی.

حامامچی چیغیردی: به حامامین پولو هانی؟!

سونرا بیر فیکیر گولله کیمی بئینیندن کئچدی:
-حتمن ارشمیدس قیمتلی بیر شئی تاپیب. او دا چیغیرا-چیغیرا دالینا دوشدو: تاپدیغین منیمدیر...منیمدیر.‌..

حامام صاحیبی ایکی یوز،ا وچ یوز مئتیر ارشمیدوسون دالیسیجا قاچدی،دوغرودان ارشمیدوسون باهالی بیر شئی تاپماغینا اینانمیشدی. چیغیریردی: اوغرو..‌.اوغرونو توتون.اوغرونو توتون..‌.

ارشمیدس شَهَرین بازاریندان کئچرکن آرخاسینجا قاچان جمعیت اون سکگیز نفر اولدو. ارشمیدس ائله چیغیریردی: تاپدیم...تاپدیم..‌.

شمع ساتانلار، نال وورانلار و بوتون ایش اهلی سوروشوردولار: " نه اولوب؟" جماعت دئییردیلر:"تاپیب..‌.تاپیب..." و یئنه ده ارشمیدوسون دالیجا قاچیردیلار.

قاری بیر آرواد دئدی: نه حیاسیزدیر بو کیشی!

بیر لات ارشمیدوسو لوت گؤررکن دئدی: بو نمنه تاپیب کی گوسترمه‌سینه حتمن گرک لوت اولسون؟!

ایت اوینادانلارین محله‌سینده "کلبی" لر ارشمیدوسون قاباغینی کسدیلر. بدنینه قطیفه بوردولر. قوجا بیر کیشی تؤشویه- تؤشویه یولدان یئتیشدی: من کئچن هفته قیزیل اوزوگومو حامامدا ایتیرمیشم. آروادیم دا شاهید دیر!

حامام صاحیبی یئتیشدی: دوغروسو هر نمنه حامامدا تاپیلسا، حامام صاحیبی نین دیر.

بیر نفر سوفسطایی لردن بو سوزو ردّ ائتمک ایسته‌دی. بو حالدا دولت مامورو گلدی: ساکیت....ساکیت...هر نمنه تاپیلسا دولتین دیر.

اورتا یاشلی بیر کیشی جمعیتین آراسیندان دئدی: هله نه اولدوغو معلوم دئییل قوربان.

مامور شَققینی سیندیرمادان دئدی: تئز اولون نه اولدوغونو معلوم ائدین!

آمما ارشمیدس دؤره‌- بریندن خبرسیز ائله چیغیریردی: تاپدیم...‌تاپدیم...

جمعیت گئت- گئده چوخالیردی.یورولموشدولار. چیغیردیلار: آخی نمنه تاپیبسان؟!

ارشمیدس سیجاق و هیجانلی چیغیریردی: هر سووآ باتان شئی، باتدیغی سووون آغیرلیغیجا یونگوللشیر.

جماعت دئدیلر: نمنه؟!!

ارشمیدس مردومون علمی مسئله‌لره دیققتیندن شوقلانیب یئنه دئدی: دیققت ائدین، هر سووآ باتان شئی، باتدیغی سووون آغیرلیغیجا یونگولله‌شیر.

هامیسی بیرگه دئدیلر:" ائششک کیشی...دَلی..‌." سونرا ایسه اطرافیندان داغیلیشدیلار.
ارشمیدس اوزاقدان بیر کیشی‌نین سسینی ائشیتدی:
"هر سووآ باتان شئی ارشمیدس جا دَلی اولمور" و جماعت اوجادان گولوشدولر.

او گونون صاباحیسی حامامین قاپیسنین باشینا بیر تابلو یاپیشدیردیلار: اخلاقی مسئله‌لری قوروماق اوچون فیلسوفلار و علم اهلینی قبول ائله‌مکدن بیزی عوذورلو سایین.

https://t.me/Adabiyyatsevanlar

نئچه دفه باخماغینا دیر...

https://t.me/Adabiyyatsevanlar

اوشاق ادبیاتی
اوشاق ادبیاتی هر هفته پنجشنبه گونو ادبیات سئونلر کانالیندا .
اوشاق ادبیاتینا دایر یازیلارینیزی بیزه گوندرین .

https://t.me/Adabiyyatsevanlar