داود اهری

"چهرائی رفلکس لر"
پاکروان آغا قاپینی دالیسیجا اورتدی و پیادارودا اوجا آددیملار ایلاباشلادی شه هه رین مرکزینه ساری گئتمه یه.ائوده رادیونو سوندوره نده سون سوزلر کی ائشیتمیشدی یادینا گلدی : عقاب چایی
بیر ماغازانین یاخینلیغینا یئتیشدی. ماغازانین ایچه ریسینه باخدی . عقاب چایلارینین قوطولاری سیرا - سیرا دوزولموشدی.
بیر قادین اوشاغی ایلا قارشیدان گلیردی. اوشاق آناسینا دئدی : ماما ، ساققیز
پاکروان آغا الین کوتونون سول جیبینه سالدی . دونن آلدیغی ساققیز هنوز جیبینده ایدی.
دورد یولدان کئچدی.سوت رنگلی بیر پیکان ماشینی قرمزی چراغین آرخاسیندا دایانمیشدی . بیر آرتیستین عکسی اونون بویرونده کی شوشه سینه یاپیشدیریلمیشیدی. بیر اوغلان کتاب الینده کئچیردی . پاکروان آغا ائله یه بیلدی همان آرتیستین عکسینی اونون کتابینین جیلدینین اوستونده گورسون .
ایکی گنج قیز دانیشا - دانیشا گلیردیلر. بیری او بیریسینه دئدی : من بیر استکان چایی اوچ حببه قند ایله ایچیرم . پاکروان آغا قه فه ده اوتوروب و استکانین چایینی اوچ حببه قند ایله ایچیبدی و اوستوندن سیگارئت ده چکیبدی . قارشی دوواردا بیر عکس گورونور . بیر قوجا کیشی اونون کناریندا اوتوران گنجدن سوروشور : او کیمین عکسیدیر؟ او دئییر :شه هه ر شوراسینین کاندیدی سلحشور آغادی .
پاکروان آغا قه فه دن ائشیگه چیخیر . بیر خانیم حیات یولداشینا دئییر : من سلحشور آغانی تانیییرام.
حیات یولداشینین الینده کی یونگول چمدانین اوستونده یازیلیب : sport دارایی اداره سینه یئتیشمه میش بیر یئنی یئتمه اوغلان گلیر.باشینداکی هئدبنده یازیلیب : sport بونلار بیر شئیلر دئییللر کی پاکروان آغانین گوزوندن گیزلین قالالار.
کتابفروشی یا بیر نئچه آددیم قالمیش پاکروان آغا قولتوق جیبینده کی کتاب یادینا دوشور.کتابین آدی : قوجا کیشی و ده نیز . کتابفروشی یا یئتیشیر.دورور و ویترینده کی کتابلاری تاماشا ائله ییر.دوز ویترینین او سول بوجاغیندا قوجا کیشی و ده نیز کتابی گورونور.
بیر آغا دووارین کناریندا دوروب و گوزلوگونون شوشه سینی سیلیر. پاکروان آغا باشین سوخور کتابفروشی نین ایچه ریسینه. کتاب ساتان خانیم گوزلوگونون شوشه سینی سیلیر.
بیر قادین الینده ایکی ده نه سنگک گئدیر. پاکروان آغا یادینا دوشور کی ایکی ده نه ، بلی یالنیز ایکی ده نه سنگک آلا.چوره ک آلاندان سونرا ائوه قاییدیر. یولدا بیر ماغازانین شوشه سینده یازیلیب : 8000 پیادارودا کی سیگارئت ساتانا یئتیشیر. بیر پاکات سیگارئت آلیر.بلی دوز 8000 تومن ترله ییبدی.سیگارئت ایکی مین باهالاشیبدی .سیگارئت ساتان دئییردی کی قارنی بتر قورولداییر.بیر سیگارئت آلیشدیریر. بیر یولدان کئچن ، دوستوندان سوروشور : یئنی قرینه قزئتی ؟ دوستو دئییر : بلی ، بو گون اوزه ل سایی چیخیب.
پاکروان آغا ائوه یئتیشیر. قاپینی آناحتار ایلا آچیر.گورور پستچی یئنی قرینه قزئتینی دالانا سالیب. قزئتی یئردن گوتورور.بو گون اوزه ل سایی دی.قاپینی دالیسیجا برک چیرپیر باغلاییر. اوز -اوزونه دئییر : رحمتلیک اوغلو، قاپینی نییه چیرپیرسان ؟
اوتاقدا سیگارئتینی کول قابیندا سوندورور.سونرا رادیونو آچیر. نمایش پخش اولور.قاپینی چیرپما سسی گلیر و بیر قوجا قادین دئییر : رحمتلیک اوغلو ، قاپینی نییه چیرپیرسان؟
رادیونو سوندورور .چوره کلری دسترخانا قویور. کوتونو چیخاردیر و پالتار آسقی سینا آسیر.
ایندی مبل اوستو نده راحات اوتوروب و بو گون گوردوکلرینی و ائشیتدیکلرینی ذهنینده واراقلاییر.سونرا باشلاییر یئنی قرینه قزئتینین اوزه ل سایی سینین صحیفه لرین واراقلاماغا.
پاکروان آغانین قارنی باشلاییر قورولداماغا.دونقولداییر و اوز - اوزونه دئییر : یاخشی ، سیگارئت ده کی ایکی مین باهالاشیبدی !

https://t.me/Adabiyyatsevanlar

دار باشماق
✍عزیز نسین
اویغونلاشدیران:سحرخیاوی

ائلچی‌لیگه گئدیرسینیزسه حتمن دار باشماق گئیین آغالار.گله‌جک قایناتا و قاینانیزینین زیارتینه گئدیرسینیزسه،نئچه نومره آیاغینیزدان کیچیک باشماق گئیمه‌یینیز گرکلی دیر. دار باشماق گئیسه‌نیز،سئودیگینیز قیزین سیز ایله ائولنمه‌یینه امین اولون. هله قیز سیزی سئومه‌سه ده،آتا آناسی زورولا اونو سیزه وئره‌جک لر.
من بو گرچکی ایللر اؤنجه دویموشام.
"نجدت"بیر قیز سئومیشدی.گئجه-گوندوزو اونون خیالیلا سووشوردو.دوستلار اونا ساتاشیردیلار.بیر گون دئدیم:
-قیز دا سنی سئویرمی؟
-چوخ...
-آل دا...
-ساده دگیل دوستوم.منیم استانبولدا کیمسه‌م یوخدو.آتا-آنام"ارضروم" دا یاشاییرلار.بوردا یالقیزام.کیم منه ائلچی‌لیک ائتسین؟
-آی بابا...او دؤره کئچیب.اؤزون آتاسینین حضورونا گئت.بیز بیربیریمیزی سئویریک دئه.ائولنمه‌یه ایذین بویورون.
-سن هله منی تانیماییبسان؟من ایکی کلمه صاف-صوللو دانیشا بیلمیرم.دیلیم توتولور.آتاسی دانیشیغیمی گؤرسه منی یئزنه ائتمکدن پئشمان اولار.سنین کیمی شیرین دیللی،خوش صؤحبت اولسایدیم،ائلچی‌لیگه گئدردیم.حاییف...

بیرگون "نجدت"دئدی:
-یولونو تاپدیم.ایکیمیز ائلچی‌لیگه گئده‌ک.آچار سنین الینده‌دیر.سن منیم یئریمه قیزدان ائلچی‌لیک ائله.
-نمنه؟! دلی اولوبسان؟ نجور آخی؟!
آتاسی ایکیمیزی گؤرسه،دریمی سویوب ائشیکه تولازلایار.
او گونلر ییرمی ایکی-اوچ یاشیم وار ایدی.
نجدت یالواریردی:
-بیر جوک دئییب گولدورسن ایش قورتاراجاق.من اونو تانییرام.اوره‌کدن گولسه ایشیمیز توتوب.سن دالبادال جوک دئییب باشلارینا بؤرک قویاجاقسان.
-من بئله ایشلر اهلی دئییلم.
قیز آخیر سؤزونو نجدته دئمیشدی:ائلچی گل،یوخسا دالیما دوشمه.
نجدتی شئیطان ائششه‌ییندن دوشورتمک ایسته‌دیم:
-آخی دوستوم سن هله سرباز گئتمه‌ییبسن.ایش-گوجون یوخدو.آی باشی آتمیش لیره قزئته‌چیلیک له ائو دولانار؟!
نجدت دئدی:ائله بو سببه ائولنمک ایسته‌ییرم.قیزین آتاسی چوخ وارلی دیر.من وارلی قیزی آلماسام قیامته جک آدام اولمارام.دوزدو سنه زحمت دیر آمما دوستونا خاطیر گئده‌ک.آتا-آناسی الان ائوده‌ دیلر.
-نجدت منی بوراخ...
-بیز یولداشیق.نه اولسون کی بیر درده دَیه‌سن؟یاشامیم سنین الینده دیر.
آز قالمیشدی گؤزلرینین زیلیغینی آخیتسین.چاره‌سیز قالیب قبول ائتدیم.آمما باشماغیم چوخ کؤهنه‌یدی.آغزی گاوالا کیمی آچیلمیشدی.بئله باشماقلا ائلچی‌لیگه گئدرلرمی؟! تزه باشماق آلماغا پولوم یوخ ایدی.اوندان کؤمک ایسته‌دیم.
-اداره‌ندن اون لیره آل.آی باشی حقوقوندان چیخسینلار.
شوکور حسابدار یاخشی آدام ایدی.اون بئش لیره وئردی."یئرلی ماللار" توکانینا گئتدیک.اوجوز باشماقی اوردان آلماق اولاردی.
اوتوز یئددی سایزین اون دؤرد لیره، یئتمیش کوروش قیمت ایدی.اوتوز یئددی دن قیرخ یئددی یه قدر اون لیره باها ایدی.
منیم آیاق سایزیم اوتوز سکگیز ایدی.بیر سایز یئکه اولدوغونا اون لیره باها ایدی.مودورون حضورونا گئتدیک.بلکه بیرآز تخفیف آلاق.دئدی:
-بودور کی وار.
من ایله نجدت ها جیبلریمیزی ائشدیک اوتوز سکگیز نومره‌لی باشماغی آلا بیلمه‌دیک.
نجدت دئدی:ائله اوتوز یئددینی آل.
- آیاغیما دار دیر.
- منه خاطیر بیر شیکیل گئی.
-آیاق خاطیر-ماطیر بیلمز.
اولمادی.دوستلوغوموزا خاطیر اوتوز یئددینی آلدیم.تر تؤکه-تؤکه بیر شیکیل آیاقلاریمی ایچینه تَپدیم.ایکی باشماق ساتان دا کومک ائتدیلر.باشماقلارین بندینی باغلادیق.
نجدت:"دور آیاغا"-دئدی.
ایکی نفر قولتوغومون آلتینا گیردیلر.هله آیاغلاریم یئره دَیمه‌میش جیکگیلتیم گؤیه گئتدی:آ....خ.....آ....خ...
ایلاهی هئچ کیمین آیاقلاری دوستاق اولماسین.آیاق آزادلیغینین، قلم، چاپ و ویجدان آزادلیغی لا ایلگیسی یوخدو.
ساتیجی دئدی:بیرآز یئریسن باشماق یئر آچاجاق.
مگر یئرییه بیلیردیم؟
سانکی بئینیمه نئشتر سوخوردولار.بدنیمدن تَر آخیردی.
نجدت دئدی:قیزین آتاسیلا دانیشماغا فیکیرلشیبسن؟
تراموایا میندیک.
-اؤلدوم نجدت.سن آللاه بونلاری چیخارت.
-چیخارتما.بیرآز یئریسن یئر آچاجاق.
چیغیردیم:"چیخارت..‌‌‌‌..."
موسافیرلر هامیسی چؤنوب منه باخدیلار.
-چیخارت دوشدوک ده یئنی دن گئیه رم.
حالیم او قَدَر پیس ایدی موسافیرلر،بیلیط ساتان،سوروجونون منه اوره‌کلری یاندی.باشماقلاری چیخارتماق ایسته‌دیلر.آمما هر نه ائله‌دیلر باشماق چیخمادی کی چیخمادی.
بیر موسافیر دئدی:باشماقلاری تیکه-تیکه ائده‌ک یازیغین جانی قورتارسین.
تئز دئدیم:یوخ.یوخ.بو ایشی گؤرمه‌یین.
مین موکافاتلا اون دؤرد لیره،یئتمیش کوروش جمعله‌ییب بو باشماقی آلمیشدیم.گئنلمک و آیاقلاریمین سایزی اولماقلارینی اوموردوم.
آخ وای ائلییه-ائلییه تراموادان دوشدوم.
نجدت دئییردی: یاخشی سؤز فیکرینه یئتیشدی؟حتمن گولمه‌لی دانیش ها.اوره‌کدن گولسه ایش قورتاریب، قیزی منه وئره‌جک.ملا نصرالدین دن دئه.ریزه‌ کارلیقلاری اونوتما.(کئچی جانی هاییندا،قصاب پیی آختاریردی).
قیز گیله یئتیشدیک.اؤزومو بیر مُبل اوستونه آتیب اللریمی اوزومه وئردیم.

قیزین آتاسی سوروشدو:
-آغالار نه اوچون تشریف گتیریبلر؟
نجدت منه باخدی.آز قالیردی آغلاسین.منیم دانیشماغا اینجاریم یوخ ایدی.اؤلوم تری آلنیما اوتورموشدو.چوغوندور کیمی قیزارمیشدیم.حدسیز ایستیله‌میشدیم. قیرخ اوچ درجه، بلکه ده چوخ قیزدیرمام واریدی.
نجدت منی بئله گؤررکن بولبول کیمی دیلی آچیلدی.هئی دانیشدی.من داملا-داملا تَر تؤکوردوم.
قیزین آناسی سوروشدو:سیز نه دن دانیشمیرسینیز؟!
نجدت دئدی:او چوخ اونقاج دیر خانیم.
اللریمی دیزلریمین آراسینا قویوب ایلان کیمی اؤزومه قیوریلیردیم.
بو واختدا نجدتین سئوگیلیسی چای گتیردی.واه...واه....اوزونه باخماق کفاره ایسته‌ییردی.
آللاه سنی اؤلدورسون نجدت! بیر بئله قاچماق،اینجیمک بوندان اوتورو؟!
نجدت چتین لیک له قیزین آتا،آناسینی گولدوردو.
اونلار گولوردولر، منیم آغریدان بئلیم سَرپیردی. گؤزلریمدن قیغیلجیم سیچراییردی.آغلاماق ایسته‌ییردیم.
نجدت دئدی:ایذین بویورسانیز قیزینیزلا ائولنمک ایسته‌ییرم.
قیزین آتاسی دئدی:اولسون.فیکیرلشه ریک...
آناسی دئدی:قیسمت اولسا...
سونرا مندن سوروشدولار:سیز بئکارسینیز؟
-هن...-دئدیم.
تامام دانیشدیغیم یالنیز بو کلمه اولدو.
اوردان چیخدیق.نجدت قاش-قاباقلی دئدی:بو یولداشلیق رسمی دئییلدی.سونرا کوسولو حالدا یولونو توتوب گئتدی.
یالقیز،کوچه‌نین اورتاسیندا قالدیم.پیادا یولوندا اَیلشدیم.باشماقلاری چیخاردیب آیاق یالین گئتمک ایسته‌ییردیم.سانکی باشماقلار آیاغیما یاپیشمیشدیلار.ترپنمیردیلر. بو وضعیله نئجه اداره‌یه گئتمه‌ییمی دوشونوردوم.چاره‌سیز پیادا یولوندا اوزانیب چیغیردیم:
-آی مسلمانلار کؤمک...کؤمک...
کیمسه بیر ایش گؤره بیلمیردی.
-جیرین باشماقلاری....تیکه‌له یین...بیری دئدی.
پیچاق و قیچی ایله باشماقلارین جانینا دوشدولر.
بیری دئدی:گرک دوختورا گئتسین.جراحلیق لازیم دیر.
آخیر باشماقلاری تیکه-تیکه ائله‌دیلر.آیاقلاریم آزاد اولدو.
اوچ گون آیاقلاریمین اوستونده دوروب یئرییه بیلمه‌دیم.سونرا دا آیاقلاریم بئله شکیلدن دوشدو اوتوز سکگیز نومره‌لی باشماق یئرینه قیرخ نومره‌لی باشماق گئییردیم هله یئنه ده دارلیق ائله‌ییردی.
اوچ گون بو اولایدان سووشدو.قیزین آتاسی منیم سوراغیما گلدی.
دئدی:بیز قیزیمیزی سیزه وئرمک ایسته‌ییریک.
تعجوبلو دئدیم:نه دن آخی؟!
-چونکو بیز سنی چوخ سئودیک.سیز ادبلی،اوتانقاج و باشی آشاغا گنجسینیز.
او گون بیزه گلنده حیادان اوز-گؤزونوزدن تَر آخیردی.اوزونوز قیزارمیشدی.بیر کلمه دانیشمادینیز.ال-آیاغینیزی ایتیرمیشدینیز.اللرینیزی هارا قویماغی بیلمیردینیز.بو دؤره-زمانه ده سیز کیمی کوره‌کنی اولماق بیزیم عائیله‌یه فخردیر.
-آمما....
-خواهیش ائلیرم.بو اَنگی بوش آدامی وئلله‌یین.من بئله آداما قیز وئرمه رم.
دئدیم:ایذین وئرین من ده بیر فیکیرلشیم هئچ اولماسا.
دئدی:اولسون.فیکیرلشین.من یئنه خیدمتینیزه گله‌جم.
او گوندن سونرا، آتا هر ایکی اوچ گوندن بیر منه باش ووروب حیا و ادبیمدن تعریفله‌ییردی:

-من سیزین کیمی ادبلی...خوش اخلاق...اوزونوز چوغوندور کیمی...اللرینیزی هارا قویماغی بیلمیردینیز...
بیر گون داها صبریم قورتاردی.اوتوز یئددی نومره‌لی باشماغین تیکه‌لرینی میزین آلتیندان چیخاردیب قاباغینا تؤکدوم.چیغیردیم:
-یاخشی باخین بَگ! گؤرورسونوز؟! منیم بوتون ادب،اخلاق،حیام بونا خاطیر ایدی.بویورون بونلاری قیزینیزا وئرین.

ایندی ایسه کیمسه ائلچی‌لیگه گئدنده اونا ایکی اوچ نومره آیاغیندان کیچیک باشماق گئیمه‌یی اؤنریرم.

https://t.me/Adabiyyatsevanlar

حکایه‌جیک‌لر |:فرید_ائدگو
 اویغونلاشدیران: همت_شهبازی
 

#قصاص
(1)
 
کندين ان اَركؤيون قيزي ايدي،
اونو كندين ان آخماق گنجينه وئرديلر.
هئچ اوشاقلاري اولمادي
داها دوغروسو سايسيز اوشاقلاريندان هئچ بيري او آخماق گنجدن دئييلدي.

 
 #باليقچي
(2)
  
قاييق ساحيلدن آيريلديقدان سونرا
  تورلار آتيلديقدان سونرا
  قاييق ساحيله دؤندوکدن سونرا
  گؤزله‌يک باخاق، دئديکدن سونرا
  و توردان، ايستاوريت‌*لر ، ايزماريت‌*لر، ايسکورپيت*‌لرله
  بيرليکده گنج بير قادين جسدي چيخديقدان سونرا
  بو قدر چوخ، دئييب قادي‌نين جسديني يئنيدن دنيزه آتدي.


     # ×هر اوچو ده باليق نوعو
 

 #یوخو
(3)
  
مني اؤلدورمه‌يه آند ايچميش.
  من ده اونو اؤلدورمه‌مه‌يه آند ايچميشيم.
  دوئل سيلاحيني منيم سئچمه‌ييم لازيم اولورموش.
گؤزلريم ياخشي گؤرمه‌دييي اوچون من ده توتوب تاپانچاني سئچميشيم. ايشه باخين کي اؤلن يئنه او اولور.
 آمما کيمين گولـله‌سييله، بونو نه من خاطيرلاييرام نه ده دوئل شاهيدلري.
  اويانميشام.
  

#عدليه
(4)
 
 ساغ قاپيدان گيريب سول قاپيدان چيخيرسينيز.
 ايکيسي آراسيندا بير نئچه دقيقه آياق‌اوستده دايانيب بيزي دينله‌ييرسينيز. چيخديغينيزدا سانيرسينيز کي اؤلکه‌نين عدالت قونوسوندا بير بيلگي الده ائتدينيز. حال‌بوکي هئچ بير بيلگي الده ائتمه‌دينيز.
بير گون بو سالوندا، سوچلو يا دا شاهيد اولاراق اولدوغونوزو گؤره‌جک و آنلاياجاقسينيز کي بو اؤلکه‌ده عدالت يوخدور. بيزلر، ايندي او اولمايان عدالتي اويغونلاشديرانلاريق. سيزلرسه دوشوندويونوز اؤلچوده سوچلو.


———–
 
(1): #فرید_ائدگو 1936.جی ایل #استانبولدا دونیایا گلمیش و بیر چوخ  #حکایه‌، #شعر و #رومان‌‌لارین موللیفی‌دیر. بوکسک لیسانسینی استانبولدا آلمیش، سونرا پاریسه گئده‌رک، تحصیل حیاتینی اورادا داوام ائتمیشدیر. داها سونرا تورکیه‌یه دؤنه‌رک، #آدا نشریاتینی قورموش و 1976‌دان 1990.جی ایله قدر بیر چوخ یئرلی و خارجی #یازار و #شاعرلرین اثرلرینی یایمیشدیر.


قایناق : دوشرگه

https://t.me/Adabiyyatsevanlar

اوشاق ادبیاتی
اوشاق ادبیاتی هر هفته پنجشنبه گونو ادبیات سئونلر کانالیندا .
اوشاق ادبیاتینا دایر یازیلارینیزی بیزه گوندرین .

https://t.me/Adabiyyatsevanlar

⬅️ آسقیران فیل ➡️

⭕️ اوشاق شعری ⭕️

🔰مرتضی مجدفر🔰

⭕️شعری ترکی برای کودکان گروه‌های سنی "ب" و "ج" در مورد فیل کوچولویی که عطسه و سرفه می‌کند، ولی نه با دستمال و نه چیز دیگری جلوی دهانش را نمی‌گیرد تا این که بچه‌های کلاس حیوانات به همراه معلم‌شان، برای این که زنگ ورزش‌شان تعطیل نشود، دست به کارهایی می‌زنند که... ⭕️


آغزینی آچدی فیل، گؤزلرین یوُمدو
فیرتینا قاوزاییب، بیردن آسقیردی.
اوْندان سوْنرا، هم ده، آغزین توُتمادان
آراسی کسمه‌دن، بیر چوْخ اؤسکوردو.
*
سؤیله‌دی اؤیرتمن: «گئده‌ک حیه‌طه
واریمیزدیر بوُ گون، اوْیون ساعاتی.
بیر- بیریمیزله بیز، اوْینایاجاغیق
اوْلاجاق مدرسه، شنلیک بوُساطی.»
*
آنجاق فیل یئنه ده، بیردن آسقیردی
آغزینی توُتمادان کیلاسا ساری.
ترپه‌دیب باشینی، اؤیرتمن دئدی:
«یوْخدورسا دستمالین، اَلین توُت باری!»
*
سوْنرا سؤیله‌دی اوْ: « بئله‌لیکله سن
ناخوْشلاداجاقسان، کیلاسی بوتون.
مؤحکم باغلاماسان، آغزینی جانیم
ویروس‌لار توُتاجاق، مکتبی بوُ گون!»
*
دردی بیر گؤی یارپاق، آغاجدان اوْ تئز
باغلادی آغزینی آسقیران فیلین.
آسقیردی فیل یئنه، آغزی آچیلدی
یارپاق گؤیه اوُچدو، سیز بوُنو بیلین!
*
مئیمون گتیردی بیر نارگیل قابیغی
تاخدی ماسکا کیمی، فیلین اوزونه.
حئیوان‌لار بَیَندی، مئیمونون ایشین
اؤیرتمن سؤز وئردی، اوْنون سؤزونه.
*
بیر آسقیرتی ایله قابیق دا گئتدی
فیل قالدی بیر داها، اوزلوک‌سوز اوْردا!
گتیردی بؤرکونو، بالاجا آیی
آنجاق آیی بؤرکو، اوْلمادی چارا!
*
چاراسیز قالاندا اؤیرتمن‌لری
زرافه گتیردی، بوْیونلوغونو!
اوْنون اوُزون شالی، توُتدو، بورودو
فیلین اوز- گؤزونون، بوتونلویونو!
*
آسقیردی فیل مؤحکم، ترپنمه‌دی شال
باغلانمیشدی آغزی، بیر نئچه دؤنه.
باشلادی حئیوان‌لار، اوْیون زنگینی
قاییتدی شن- شادلیق، کیلاسا یئنه.


#شعر_ترکی
#شعر_کودک
#ادبیات_ترکی
#مرتضی_مجدفر
#دکتر_مرتضی_مجدفر
#مدرسه_حیوانات
#داستان‌های_منظوم
#داستان_فیل_کوچولو
#اسقیران_فیل

قایناق شوق تغیر

https://t.me/Adabiyyatsevanlar

اوشاق ادبیاتی

«بیتا دباغی»

بیر دوندورما دادینا منه قوناق اول ، خیرداجا چیچک باجیم .
اونون دادینی ، اوره گینده گیزلی ساخلا
او دادی خاطیرلایاجاقسان ، دادسیز گون لرده
قاباقدا ، یول آیریمی وار ، آیریلیقلار وار
آیری یولدا ، تک گئدینجه اونون شیرین دادینی آرزولایاجاقسان
بو اونودولماز داد ، باجی قارداشلیق دادی تک ، قالاجاخ داماغیندا
کیم نه بیلیر ؟ بلکه بو دونیا سنه ده ، اودلار یالاداجاق؟

https://t.me/Adabiyyatsevanlar

اوشاق ادبیاتی

«محمدرضا شۏکتی ألوارعلیا»
كپه‌نک

کپه‌نَکم کپه‌نک

گل بو شعری اؤرگه‌نک

گۆللو قانادلارېم وار

خاللې یاناق‌لارېم وار

گۆل اۆستۆنه قۏنارام

گۆلۆن عطرین آلارام

قاران‌لېغې سئومه‌رَم

اۏنا گؤیۆل وئرمه‌رَم

شمعی چۏخ سئوه‌رَم من

هامېیا دئیه‌رَم من:

دۆنیامېز آیدېن اۏلسون

قلبیمیز نور’لا دۏلسون

جان وئرَک آزادلېغا

ایشله‌یک آبادلېغا


https://t.me/Adabiyyatsevanlar

اوشاق ادبیاتی

اولدوز لا قارغالار
یازار: صمد بهرنگی
چئویرن: منیژه جم‌نژاد

اون ایکینجی بولومون آردی...

یاشار بیرگون اولدوز گیلین پنجره‌سینه داش آتیب سیندیرماسینی خاطیرلادی. اولدوزون باباسی ایندیکی کیمی کوچه‌یه گئدیب، آجان گتیریب، قیشقیر باغیر سالمیشدیر. بو دوشونجه‌لرله یئیین آشاغا گئتدی. اؤنجه قارغابَیی چیخاردیب دئدی: من یاشارام، ایتی اولدوردوک کی سن آزاد اولاسان. قارغابَی له‌له ووروردو. دئدی: تشککور ائدیرم آما داها بئواخدی. یاشار دئدی: نیه؟ قارغابَی دئدی: ننه‌مین قراری بوگون، گون‌اورتا یا جانیدیر. اوسته‌لیک، من ائله آجلیق چکمیشم کی اوچماغا جانیم یوخدور. یاشارین اوره‌یی توتولدو. آز قالدی آغلاسین. دئدی: ایندی گلمیرسن سنه اوچماق اؤیرده‌م؟ قارغابَی دئدی: دئدیم واقتی کئچیب. اولدوزا دئ منیم للک‌لریمدن قوپاردیب، ساخلاسین، نه‌جور اولسا قارغالار منیم‌له سیزین دالیمیزجا گلجکلر. قارغابَی بونو دئییب، دیمدییین یوموب و جانی سویودو. یاشار آغلادی. بیردن فیکرینه بیر شئی گلدی. گوزلری شیطانلیقدان پاریلدادی...
بو یازینین آردینی ادبیات سئونلر کانالیندا اوخویون.

https://t.me/Adabiyyatsevanlar

اوشاق ادبیاتی

اولدوز لا قارغالار
یازار: صمد بهرنگی
چئویرن: منیژه جم‌نژاد

اون ایکینجی بولومون آردی...

یاشار بیرگون اولدوز گیلین پنجره‌سینه داش آتیب سیندیرماسینی خاطیرلادی. اولدوزون باباسی ایندیکی کیمی کوچه‌یه گئدیب، آجان گتیریب، قیشقیر باغیر سالمیشدیر. بو دوشونجه‌لرله یئیین آشاغا گئتدی. اؤنجه قارغابَیی چیخاردیب دئدی: من یاشارام، ایتی اولدوردوک کی سن آزاد اولاسان. قارغابَی له‌له ووروردو. دئدی: تشککور ائدیرم آما داها بئواخدی. یاشار دئدی: نیه؟ قارغابَی دئدی: ننه‌مین قراری بوگون، گون‌اورتا یا جانیدیر. اوسته‌لیک، من ائله آجلیق چکمیشم کی اوچماغا جانیم یوخدور. یاشارین اوره‌یی توتولدو. آز قالدی آغلاسین. دئدی: ایندی گلمیرسن سنه اوچماق اؤیرده‌م؟ قارغابَی دئدی: دئدیم واقتی کئچیب. اولدوزا دئ منیم للک‌لریمدن قوپاردیب، ساخلاسین، نه‌جور اولسا قارغالار منیم‌له سیزین دالیمیزجا گلجکلر. قارغابَی بونو دئییب، دیمدییین یوموب و جانی سویودو. یاشار آغلادی. بیردن فیکرینه بیر شئی گلدی. گوزلری شیطانلیقدان پاریلدادی. گولومسه‌ییب و قارغابَیین اؤلوسونو پیلله‌ او٘ستونده یاتیرتدی، داشی گوتوروب آپاریب، میتباخین آراسینا قویدو. ایتین لشین توت آغاجینین دیبینه سالدی، بیر دولچا سو گتیریب، قاپیجیغین و پیلله‌نین قانینی یودو. دولچانی ترسینه اتاغین آراسینا قویدو. سونرا قارغابَیی گوتوروب اکیلدی. دامدا یادینا دوشدو گرک اوزوندن آیاق ایزی قویمایا، اوجورده ائله‌دی. اولدوزون اوره‌یی چوخ توتولدو. آغلادی دا. آما اولوب کئچمیشدیر. داها چاراسی یوخودور. یاشار اونا توختاقلیق وئریب دئدی: ایشین بترلشمه‌سینی ایسته میرسن، گرک سسینی چیخارتمیاسان. کیمسه ایی آنلاماسین. باشلارینا بیر بلا گلسین کی اؤزلری کئف ائله‌سینلر. بوگون معلم‌دن بیر شئیلر اؤیرنمیشم، ایستیرم بابان لا اؤگئی‌ننه‌نی ائله قورخودام کی کولگه‌لریندن ده ایرکیلسینلر. سونرا یاشار قارغابَیین دئدیکلرینی و اؤزونون نه‌لر ائتدیینی اولدوزا دئدی. اولدوز بیرآز اؤزونه گلدی. قارغابَیین للک‌لریندن قوپاردیب جیبینه قویدو. یاشار اؤلوسونو، سونرا قویلاسینلار دئیه، آپاریب بیر یئرده گیزلتدی. یاشارین ننه‌سی اوشاغی قوجاقلاییب یاتمیشدیر.

https://t.me/Adabiyyatsevanlar

اوشاق ادبیاتی
باشماقچینین ناغیلی
سسلندیرن : فاطمه محمودی

https://t.me/Adabiyyatsevanlar

اوشاق ادبیاتی
باشماقچینین ناغیلی
سسلندیرن : فاطمه محمودی

https://t.me/Adabiyyatsevanlar

اوشاق ادبیاتی
هاواخت قاییداجاقسان داداش جان؟!
✍علی‌اشرف درویشیان
تورکجه چئویرن:سحرخیاوی


کیمین پولونو اوغورلاییب؟اوندان یاخشی گنج یوخدو.آی گئجه اوغرولاری بیزیم جانیمیزدان نه ایستیرسینیز؟آی دینسیز آراق ایچن‌لر."
عاراق ایچن کیشی ننه‌مین سینه‌سیندن بیر تپیک ووردو.یازیغین نفسی گیزلندی.بیز ننه‌نین قوجاغینا داها آرتیق سیخیلیب آغلادیق.
داداشی یئریندن چیخاردیب اوتاغین اورتاسینا اوزالتمیشدیلار.اوزو اوتاغین یئرینه یاپیشمیشدی.اللرینی قانداللامیشدیلار.بوتون بدنینی گزیردیلر.حتا اللرینی تومانینا دا سالدیلار.سونرا دوشَکین آلتینی گزدیلر.
بو یازینین آردینی ادبیات سئونلر کانالیندا اوخویون.

https://t.me/Adabiyyatsevanlar

اوشاق ادبیاتی
هاواخت قاییداجاقسان داداش جان؟!
✍علی‌اشرف درویشیان
تورکجه چئویرن:سحرخیاوی


کیمین پولونو اوغورلاییب؟اوندان یاخشی گنج یوخدو.آی گئجه اوغرولاری بیزیم جانیمیزدان نه ایستیرسینیز؟آی دینسیز آراق ایچن‌لر."
عاراق ایچن کیشی ننه‌مین سینه‌سیندن بیر تپیک ووردو.یازیغین نفسی گیزلندی.بیز ننه‌نین قوجاغینا داها آرتیق سیخیلیب آغلادیق.
داداشی یئریندن چیخاردیب اوتاغین اورتاسینا اوزالتمیشدیلار.اوزو اوتاغین یئرینه یاپیشمیشدی.اللرینی قانداللامیشدیلار.بوتون بدنینی گزیردیلر.حتا اللرینی تومانینا دا سالدیلار.سونرا دوشَکین آلتینی گزدیلر.
ایکی نفر مامورلاردان مطبخه گئتدیلر.مطبخین هاواسی سویوق ایدی.تئز-تئز گلیب اللرینی پیلَته ده قیزدیریردیلار.حیطیمیز ایشیقلانمیشدی.شوشه‌نین بوغسوز طرفیندن ائشیگه باخدیم.ایکی نفرده سیلاحلا دووارین اوستونده دورموشدولار.اوره‌ییم یئریندن چیخیردی.جیشیم تؤکولوردو.مریم لال اولموشدو.اؤزونو سیخ ننه‌یه یاپیشدیرمیشدی.رنگی آغ آپ آغ اولموشدو.
ننه یاواش-یاواش یورغانین آلتیندا چادیراسینی بورونوردو.دیلینین آلتیندا دئیینیردی:
-"آی اوغرولار نئجه بیزیم ائوه کئچدینیز؟آی چاپوچیلار هاواخت شررینیز باشیمیزدان کسیله‌جک؟زینب ننه نین ده اوغولونو بیلدیر آپاردیلار.باشینا نه گتیردیلر سه بللنمه‌دی."
مامورلارین بیری سعیده دئدی:
-" کیتابلارینی هاردا گیزلَدیبسن؟یاللا تئز دئه.بیزی یوباتما ایشیمیز واردیر."
داداش آغیزی اوسته ییخیلان حالدا دئدی:"منیم کیتابیم یوخدو".
مامورلارین بیری آسقیردی.اؤزومه:"سویوقلارسان اینشاللاه --دئدیم آی ظالیم."
سونرا لاپبادان هره‌سی بیر طرفه حمله آپاردیلار.اوتاغی آلت-اوست ائله‌دیلر.بوتون یاتسیقلاری سؤکوب توکلرینی تؤکدولر.سانکی اوتاغیمیزدا قار یاغیردی.سونرا دؤشکلری سوکدولر.منله مریمین داداشیمیز دوزلدن جعبه‌سینه ساری گئتدیلر.گؤزلری "بهرنگی"نین کیتابلارینا دوشدو.اونلاری گؤتوردولر."بالاجا قارا بالیق" کیتابینی گؤتوردولر.
من توتولموش حالدا دئدیم:"بو کیتابلار منیمدیر.هارا آپاریرسینیز؟"
دونبا گؤز بیر مامور کی ناققا بالیقی کیمی یئکه آغیزی واریدی دئدی:"ساکیت اول سیسقا.سنه ایلگیسی یوخدو.
من قورخدوم.قیرمیزی گؤزلریندن،ساری دیشلریندن قورخدوم.
هامیسی جمعله‌شیب بیر واراق یازدیلار.نازلی داداشیم اوزو اوسته یئر اوستونه دوشموشدو.الینی واراقی دامغالاماق اوچون آچدیلار. سونرا یئنه اللرینی قانداللادیلار.اونو قالخیزیب ائله تومانلا قاباقلارینا قاتیب آپاردیلار.
ننه اؤزونو اونلارا یئتیریب:
-"سیزی تانری بالامی آپارمایین.او منیم و بو اوشاقلارین چؤره‌ک گتیره‌نی دیر.بیزیم تکلیفیمیز نه اولاجاق؟منی اونون یئرینه آپارین.او خسته‌دیر.قیزمالی‌دیر."
مامور بیر سیللی داداشین قولاغینین دیبینه چکدی.دئدی:
-" بو سیللی سویوق دیمه‌سینی جانیندان چیخاردار.آرخایین اول."
ننه،من و مریم آغلادیق.قیشقیردیق.آمما او گئجه یاریسیندا کیمسه سسیمیزی ائشیتمیردی.بیلمیرم نه دن قونشولاریمیزین یوخوسو آغیر اولموشدو.نه دن گلیب داداشیمی نجات وئرمیردیلر؟!
آغیزی آراقدان قوخویان مامور منه یاخینلاشدی.
-"آی اوشاق داداشین کیتابلارینی هاردا گیزلدیب؟ دئسه‌ن سنه چرخ آلارام.داداشینی دا الان آزاد ائله‌رم."
-" بیلمیرم.داداشیمین کیتابی یوخدو.او گوندوزلر درس دئییر،گئجه‌لر یونیورسیته ده درس اوخویور.کیتابلارینی تاقچایا قویور."
سونرا مامور منی بیر کونجه آپاریب آستا سوروشدو:
-"داداشین لنین دن دانیشیر؟"
من دئدیم:-" بیزیم ائوده "وازلین" واردیر.داداشیم آلیب.ننه‌م من ایله مریمین الینه وورور چاتلاماسین.آمما ایندییه‌جک بیزه "لنین"آلماییب.من بیلمیرم لنین نمنه اوچون یاخشی‌دیر."
البته من بو آدی ائشیتمیشدیم.داداشیم اوندان بیز اوچون دانیشمیشدی.اونون زحمت چکنلرین دوستو اولدوغونو بیلیردیم.داداش تختی،مهدی رضایی و خسرو گلسرخی دن ده بیزه دانیشمیشدی.آمما من بونلاری مامورا دئمه‌دیم.
مامورلار یئنه فرشین جئجیمین آلتینی گزدیلر.هئچ نمنه تاپمادیلار.یالنیز بیر نئچه منله مریمین کیتابینی آپاردیلار.
داداشین مهریبان گؤزلری گوزلوکون آرخاسیندان ایشیلداییردی.الی قانداللی گئدرکن چؤنوب،ننه و بیزیله ویداعلاشدی.من چیغیردیم:
-" هاواخت قاییداجاقسان داداش جان؟"
مامورلارین بیری "صاباح قاییداجاق"-- دئدی.
اونلار سیلاحلا داداشی قاباقلارینا قاتیب گئتدیلر.قاپینی دا باغلادیلار.
ننه قاپینی آچیب آرخالاریجا کوچه‌یه قاچدی.قارلارین اوستونده زویروشوب ییخیلدی.باشینی قارلارا قویوب چیغیردی:
-"آخ سعید! من یالقیز بو اوشاقلارلا نئینه‌ییم؟آی عؤموروم-گونوم گئتمه."
ماشینین سسی قارانلیقدا ایتدی.بیز داداشدان اوزاقلاشدیق.پیشیک بالا ائیواندا کیریمیشدی.اوتاغین قاپیسی آچیق قالیب،ایستی ائویمیزدن چکیلمیشدی.

https://t.me/Adabiyyatsevanlar

اوشاق ادبیاتی
کارتن
تیق ،تیق خانیم

اوشاق ادبیاتی هر هفته پنجشنبه گونو ادبیات سئونلر کانالیندا .
اوشاق ادبیاتینا دایر یازیلارینیزی بیزه گوندرین .

https://t.me/Adabiyyatsevanlar

اوشاق ادبیاتی

اوشاق اویونلاری

الک دولک(پیل دسته):
دو عدد چوب گرد به قطر ۳ و طولهای۷۰و۱۵۰ سانتی متر و در فضای باز تعداد بازیکنان حداکثر ۱۲ نفر
شرح بازی:بازیکنان به دو گروه تقسیم و به قید قرعه یکی از گروه ها بازی را شروع میکند.
یعنی:چوب کوچک (پیل)را چاله کوچک یا وسط دو عدد آجر قرار داده و با سر چوب بزرگ(دسته)که زیر پیل قرار داده با دقت به طرف بازیکنان گروه حریف پرتاب میکند اگر پیل در هوا گرفته شودپرتاب کننده اخراج میشود وگرنه بایستی ان را از روی زمین بردارند و ب۶ طرف آجرها بیندازد و بازیکن دسته به دست ان را در دست میگردانند تا پیلی را که به طرف چاله اش می آید با ضربه دورش سازد اگر نتواند و فاصله پیل با چاله کمتر از قد دسته باشد باز سوخت و اگر توانسته باشد که با ضربه دورش سازد فاصله را از چاله با طول دسته می شمارند .یک،دو،سه دوباره ارسال پیل و دریافت از اول شروع میشود.

https://t.me/Adabiyyatsevanlar

اوشاق ادبیاتی

۲۴ساعات یوخو و آییقلیق
یازار :«صمد بهرنگی»
چئویریب، حاضیرلایان :«ویدا حشمتی»

بئشینجی بؤلوم


دوه حووضون او باشیندا دایانیب، بویون-باشی ایله هامینی ساکیتله‌ییب، دئدی:
-بؤیوکلو-کیچیکلی هامیزی دا خوش گؤردوک. چوخ خوش گلیبسیز، صفا گلیبسیز. آما ایستیرم سوروشوم، گؤروم، هئچ باش چیخاردیرسیز بو بؤیوکلوکده قوناقلیق، تؤک-داغیرت نه اوچوندو؟
ائششک دئدی:
-لطیف اوچوندو. ایسته‌دیک اودا بیر گون گؤرسون، بیر دویون قارین یئسین، نیسگیلی قالماسین.
موسلسل آرخاسیندا اوتوران آیی دئدی:
-آخی لطیف هرگون گلیب بیزه جامین دالیسیندان باخیر، بیزی یوخلور. بیز ده اونو چوخ سئویریک.
قافلان دئدی:
بویازینین آردینی ادبیات سئونلر کانالیندا اوخویون.

https://t.me/Adabiyyatsevanlar

اوشاق ادبیاتی

۲۴ساعات یوخو و آییقلیق
یازار :«صمد بهرنگی»
چئویریب، حاضیرلایان :«ویدا حشمتی»

بئشینجی بؤلوم


دوه حووضون او باشیندا دایانیب، بویون-باشی ایله هامینی ساکیتله‌ییب، دئدی:
-بؤیوکلو-کیچیکلی هامیزی دا خوش گؤردوک. چوخ خوش گلیبسیز، صفا گلیبسیز. آما ایستیرم سوروشوم، گؤروم، هئچ باش چیخاردیرسیز بو بؤیوکلوکده قوناقلیق، تؤک-داغیرت نه اوچوندو؟
ائششک دئدی:
-لطیف اوچوندو. ایسته‌دیک اودا بیر گون گؤرسون، بیر دویون قارین یئسین، نیسگیلی قالماسین.
موسلسل آرخاسیندا اوتوران آیی دئدی:
-آخی لطیف هرگون گلیب بیزه جامین دالیسیندان باخیر، بیزی یوخلور. بیز ده اونو چوخ سئویریک.
قافلان دئدی:
-هه... نئجه‌کی لطیف ایستیر بیز اونونکو اولاق، ائله بیزیم ده اوره‌ییمیز اوجور ایستیر.
آسلان دئدی:
-چوخ دوز دئییرسن. بو پوللو اوشاقلاری بیزدن، چوخ تئز یورولوب، آتیرلار بیر بوجاغا قالیب، چورویک. بونلارین آتاسی، هر گون تزه بیر اویونچاق آلیر. بو اوشاقلار دا بول-بول اویونچاقلاری گؤرونجه، داها بیزلری سایمیرلار.
من دئدیم:
-کئشگه سیزلر هامیز دا منیمکی اولایدیز. اینانین سیزدن هئچ دویمازدیم. سؤز وئریرم هرگون سیزلرله اویناردیم و آصلا سیزی یالقیز قویمازدیم.
بیردن اویونچاقلار بیرلیکده دئدیلر: هه بیلیریک، آنجاق بیز سنین اولا بیلمه‌ریک. آخی بیز چوخ باهالی‌ییق.
سونرا بیری دئدی:
-اینان سنین آتان بیر آی ایشله‌سه، اونون پولویلا بیزیم بیریمیزی بئله آلا بیلمز.
دوه گئنه هامینی ساکیتله‌دی. بوینونو اوزالدیب دئدی:
-هامیز دا دوز دئییرسیز، اما بویون باشقا بیر ایش اوچون بورا ییغیشمیشیق.
من دئدیم:
-بیلیرم داااا. ایستیرسیز دئیه‌سیز هامی سن له آتان کیمی آج-آجینا، خییاوان قیراغیندا یاتماز.

او طرفده بیر-ایکی خانیم اوتوروب، یئمک یئییردیلر. بللی ایدی کی، ائوین ایش گؤره‌نلری ایدیلر. من ده باشلادیم یئمه‌یه، اما ائله بیل قارنیمین باجاسی وار ایدی. هر نه قدر یئییردیم، گئنه آجیدیم. یانی آج اولدوغوم زامانلار کیمی، قارنیم قاررا-قور ائله‌ییردی. دئدیم بلکه یوخو گؤرورم. تئز الیمی گؤزلزیمه چکدیم. باخدیم گؤزلریم آچیقدی. آخی یوخلایان آدامین گؤزلری آچیق اولماز کی...به نییه آجام؟
عمارتین اطرافینی گزیردیم. الیمی دووارلارین باهالی داشلارینا چکیردیم. اما بیلمیرم نه دن، اوزومه توز-توپراق دییردی. ایندی زئرزمییه ائنیردیم. اوّل پیلله‌ده توز-توپراق بیر باشا بورنومون ایچینه دولدو. آسقیرماق گلدی، هااااپ چ!....
اؤز-اؤزومه دئدیم: پئ.... من هاردایام؟

آردی وار...

https://t.me/Adabiyyatsevanlar

«سعید صادقی فر»
"ساکوْرا"


بیر قایا ، اؤنۆ سیلدیریم
بیر داغ ، کؤلگه سی اوچوروم
آغ چیچک داشی یارماسایدی
یئددی کفنی یئددی ثانیه ده چۆرۆتمۆشدۆم
آوارا سرگردان ...
یئنه ده چؤللرین گؤبه یینده
توْرپاق سوْیوقلوغونو آختاریرام
گۆنشین گلین لییینی سئومدیم
تپه نین سرینلییینه اینانیرام
قارتال اوچوشو
چایلاقلارا قوْرخو
یارالی - یارالی سینیرلارا ساری
و اۆزۆ آشاغا ائنن بیر اومود
آنجاق دره نین سویو قاسیرغا دادی وئریر
نه ساحیل ، نه سئرچه
نه گئج ، نه ائرته
گؤنۆلسۆز سئویشدیلر
و قیزیل مئشه نین قلمی قیرمیزینی سئویر
اوْبانین بوْغاناغی اؤتری اوْلور
بولوتلار سریلینجه
دومانلار دامازلیق ساخلانیلیر
من ایشیقلار کئشیکچی سییم
اوجقارلارا ائلچی
دوستاقلارا نیشانلی
بیر سۆرگۆنۆن سوْن حیکایه سینی اوْخویارکن :
"دؤیۆشچۆ یوردا دؤنمه یینجه
بوْز آت کیشنه مز
و پاییز گئجه سینده ،
آرمود چیچک لری "ساکوْرا" یا قیسقانسا
منیم صیفتیمه دوْلو یاغاجاق"


https://t.me/Adabiyyatsevanlar