اوشاق ادبیاتی
اوشاق ادبیاتی هر هفته پنجشنبه گونو ادبیات سئونلر کانالیندا .
اوشاق ادبیاتینا دایر یازیلارینیزی بیزه گوندرین .

https://t.me/Adabiyyatsevanlar

اوشاق ادبیاتی

دیلیم عزیزدی


چکدیم بیر یومورو باش
قویدوم ایکی قارا قاش

قاشلارین آلتیندا گوز
آلما یاناق لی بیر اوز

فندق کیمی بیر بورون
دوداق ،چنه،بیر بویون

آغزینا دوزدوم دیشین
دیلی !!! قالدی بو ایشین

چکدیم ایکی قولاغین
ایکی قولون، آیاغین

شوه ، قارا تئللرین
بئش بارماقلی اللرین

ایندی خیاط اولموشام
پالتاریندا قالمیشام

آنجاق فیکیردن سورا
تاپدیم ایشه بیر چارا

نه فرقی اوغلان ، قیزین؟
تیکدیم شالوار ، بولوزون

گئیدیردیم باشماقلارین
جوت له دی آیاقلارین !!!

دئدیم : دور آی ناز بالا
مدرسه یه دوش یولا

بیر آددیم دالی گئتدی
گولدو اشاره آئتدی

دیلیم چیخدی یادیندان ؟
چک دیلی ،گوندر اوندان

دیل آغیزدا بال اولار
دیلسیز آدام لال اولار

هم دانیشار هم گولر
آجی،شیرین،تورش بیلر

مدرسه یه گئدنده
درس آلارام هرگونده

آنا دیلیم شیریندی
درین دئسن دریندی

آغزیندا بیر دیل چکدیم
تئلینده بیر گول اکدیم

دیل هامی یا عزیزدی
آنادان قالان ایزدی

دیلیندن اول موغایات
دیللی ، شیریندیر حایات

https://t.me/Adabiyyatsevanlar

اوشاق ادبیاتی

اوزو هاواخت قاییداجاقسان داداش جان؟!
✍علی‌اشرف درویشیان
تورکجه چئویرن:سحرخیاوی
ایکینجی بولوم
،بوغلاری قیزیل رنگی اولموشدو.قاش قاباقلی ایدی.منیله مریمین اوستونه آجیقلانان واختی کیمی.
داداشیم الینی بؤیرونده ده کی تلیسه آپاریب،بیر جلد کیتاب چیخارتدی.اورتادان پارالاییب،واراق-واراق ائله‌دی،سونرا ایسه اودا آتدی.
چیغیرماغیمی گوج ایله اوتدوم:
-ائله‌مه داداش جان!! گوزل کیتابلارینی یاندیرما!!
آخی داداشیم بوتون پولونو کیتاب آلیردی.من ایله مریمه ده کیتاب آلیردی.همشه کیتابلاریمیزی تمیز ساخلاماغی سفاریش ائدیردی.نئچه دفعه من ایله مریمله کیتابلاریمیزی تمیز ساخلاماماق اوستونده ساواشمیشدی.به اؤزو نه دن عزیز کیتابلارینی یاندیریردی؟!
داداش سعید باشقا بیر کیتاب تلیسدن چیخارتدی.جلدینی اوخویا بیلدیم."شهادت" یازیلمیشدی.بیرآز کیتابا باخدی،اود اوزونو اماملارین اوزو کیمی ایشیقلاندیردی.باشقا بیر کیتاب تلیسدن چیخارتدی.
یاواشجا یئریمه قاییتماق ایسته‌دیم.آیاغیم دووارا دایانان سوپورگویه ایلیشدی.بیرآز دایاندیم.کیمسه خبر اولمامیشدی.
بو یازینین آردینی ادبیات سئونلرکانالیندا اوخویون .
https://t.me/Adabiyyatsevanlar

اوشاق ادبیاتی

هاواخت قاییداجاقسان داداش جان؟!
✍علی‌اشرف درویشیان
تورکجه چئویرن:سحرخیاوی
ایکینجی بولوم
،بوغلاری قیزیل رنگی اولموشدو.قاش قاباقلی ایدی.منیله مریمین اوستونه آجیقلانان واختی کیمی.
داداشیم الینی بؤیرونده ده کی تلیسه آپاریب،بیر جلد کیتاب چیخارتدی.اورتادان پارالاییب،واراق-واراق ائله‌دی،سونرا ایسه اودا آتدی.
چیغیرماغیمی گوج ایله اوتدوم:
-ائله‌مه داداش جان!! گوزل کیتابلارینی یاندیرما!!
آخی داداشیم بوتون پولونو کیتاب آلیردی.من ایله مریمه ده کیتاب آلیردی.همشه کیتابلاریمیزی تمیز ساخلاماغی سفاریش ائدیردی.نئچه دفعه من ایله مریمله کیتابلاریمیزی تمیز ساخلاماماق اوستونده ساواشمیشدی.
به اؤزو نه دن عزیز کیتابلارینی یاندیریردی؟!
داداش سعید باشقا بیر کیتاب تلیسدن چیخارتدی.جلدینی اوخویا بیلدیم."شهادت" یازیلمیشدی.بیرآز کیتابا باخدی،اود اوزونو اماملارین اوزو کیمی ایشیقلاندیردی.باشقا بیر کیتاب تلیسدن چیخارتدی.
یاواشجا یئریمه قاییتماق ایسته‌دیم.آیاغیم دووارا دایانان سوپورگویه ایلیشدی.بیرآز دایاندیم.کیمسه خبر اولمامیشدی.مریمی اویاتماق اوچون اوتاغا گیردیم.
مریمین پیشیکی ترپَندی.مریم‌ ده هرلندی.الیمله اونو دبَرتدیم.آییلدی.گوزلرینی اوودو.دئدیم:
"منیله گل سنه بیر شئی گوستریم، تعجوبدن بوینوز چیخارداجاقسان."
مریم دئدی:
"یوخوم گلیر.سن آللاه شوخلوق ائله‌مه."
یاواشجا دئدیم:
"شوخلوق نه دیرمی کلله دَبَنَک؟! داداش بوتون کیتابلارینی اودلاییر."
مریمین یوخوسو قاچدی.ننه چؤنوب تزه‌دن خورولدادی.
آستا مطبخین قاپیسی‌نین دالینا گئتدیک.داداش باشقا بیر کیتابی یاندیرماق اوچون جیریردی.گؤزلری یاشارمیشدی.گوزلوگونون آرخاسیندان ایشیلداییردی.گوزلری بیلمیرم توستودن یوخسا کیتابلاردان خاطیره یاشاریردی.
مریم ترلیک کؤینکله گلمیشدی.لاپدان آسقیردی.باشی مطبخین قاپیسینا دَیدی.اود داداشین گؤزلوگونده شؤله چکیردی.باشینی قاوزادی.قورخولو قاپییا باخدی.دوروب قاپییا طرف گئتدی.قاچماق ایسته‌دیک آمما داداش قاپینی آچارکن من ایله مریمی گوردو.
گؤزلوگونو بورنونون اوستونده یئربه‌یئر ائله‌دی.دئدی:
-"گئجه یاریسی بوردا نئینیرسینیز اوشاقلار؟! تئز گئدیب یاتین.سویوقلارسینیز."
مریم توتقون حالدا دئدی:
-" کیتابلارینی نه دن اودلاییرسان داداش؟!
اوشویورسن سه منیم کؤهنه مشق دفترلریم وار.ائیوانین کونجونده آغاج دا جمعله‌میشم.بلکه ده اودلا اویناماغی سئویرسن.اودلا اوینایان گئجه‌لر یئرینی ایسلادار ننه دئییب.سن نه دن اودلا اویناییرسان؟!
سعید داداش دئدی:اوشاقلار من ایله ایشینیز اولماسین.سونرا سیزه نه‌دن بو ایشی گؤردوگومو دئیه‌رم.گئدین یاتین جانیم.آنا آییلسا سیزی دانلایاجاق.
اوره‌ییمیز یاتماق ایسته‌‌میردی.آمما داداش دئدی:
"تئز گئدین یاتین یوخسا ننه‌نی آییلداجام چوخ پیس اولاجاق".
من ال-آیاغیمی ایتیرمیشدیم.مریم دئدی:
" روزبه گل گئدک.حتمن داداش نه ائتدییینی اؤزو یاخشی بیلیر."
چوخ حوزونلو ایدیم.او قدر حوزنلو،مین کیلو قایماقلی شیرینی ده منی سئویندیرمزدی.
یاواشجا یورغانین آلتینا تپیلدیک.سویوق آیاغیم ننه‌نین آیاغینا دَیَرکن،دئییندی.یوخو اویاقلیق آراسیندا:
- "آخ نه دن بو اوشاق بو قدر سویوقلاییب -دئدی.حتمن اوتاق سویوقدور.حتمن پیلَته‌نین نفتی قورتاریب".
-"راحات یات ننه جان.آیاغیم یورغاندان ائشیگه چیخمیشدی.بیر زاد اولماییب."
اللریمی نه دن اللرین سویوقدور دئمه‌‌سین دییه، ننه‌دن اوزاقدا ساخلامیشدیم.کیرپیکلریمی اوست-اوسته قویموشدوم آمما هله اود شؤله‌لری و داداشین کیتابلاری باشیمین ایچینده یانیردی.
مریم ده اویاق ایدی.پیشیگی اللرینی یالاییردی.مریم یاتدی.پیشیک ده یئنه خورولدادی.منیم ده یاواش-یاواش آغیزیم آجیلاشدی،اوزومو یوخو توتدو.

دمیر کیمی، یئری لاخلادان آغیر پوتونلارین سسی ایله قورخولو یوخودان آییلدیق.اوتاغین چیراغی یانیردی.مریم یوخودان آییلیب قورخودان چیغیردی.ننه یئرین ایچینده اوتوروب یورغانا بورونموشدو.تئز-تئز دئییردی:
-"یا قمر بنی‌هاشم اؤزون بیزه رحم ائله.بیزی نجات وئر!"
مریمین پیشیگی قورخوب ائشیگه قاچدی.
نئچه نفر یوغون،اوجا آدام دوره‌میزی آلمیشدیلار.اللرینده کی بویوک مسلسل‌لری بیزه طرف توتموشدولار.اوتاغین او طرفینده ده بیر عیدده داداشین دؤره‌سینی آلمیشدیلار..ننه،من ایله مریمی برک قوجاقلاییب تیتره‌ییردی.مریم لال آداملار کیمی بوغازیندان عجیب سسلر چیخاردیردی.مسلسل لوله‌لری فیلیم‌لرده گؤردویوم کیمی قارا و قورخمالی ایدی.
هامیسیندان اوجا و هئیکللیسی بیزیله دانیشماغا باشلادی.اوزاقدان آغزیندان آراق اییی قوخویوردو.
-"ترپنمه‌یین.یئرینیزده قالین."
ننه آجیق و سویوقدان تیتره‌یَرکن چیغیردی:"-آی نامسلمانلار چادیرامی اؤرتمه‌یه ایذین وئرین.مگر سیزین شرفینیز یوخدو؟! ننه باجینیز یوخدو؟!
اونلارین بیری یورغانین اوستوندن ننه‌مین قیچینا بیر تپیک ووردو.دئدی:
-"خفه‌لن عیفریته،سن یاخشی آنا اولسایدین اوغولون بو ایشلردن گؤرمزدی."
نن

ه اوجاراق و سارسیلماز دئدی:"عیفریته اؤزونسن.منیم اوغولوم کیمین مالینی یئییب‌دیر؟

https://t.me/Adabiyyatsevanlar

اوشاق ادبیاتی
کیتاب تانیتیمی
یاغدی یاغیشلار
یازان :«بهرام اسدی»

اوشاق ادبیاتی هر هفته پنجشنبه گونو ادبیات سئونلر کانالیندا .
اوشاق ادبیاتینا دایر یازیلارینیزی بیزه گوندرین .

https://t.me/Adabiyyatsevanlar

اوشاق ادبیاتی
کارتن

اوشاق ادبیاتی هر هفته پنجشنبه گونو ادبیات سئونلر کانالیندا .
اوشاق ادبیاتینا دایر یازیلارینیزی بیزه گوندرین .

https://t.me/Adabiyyatsevanlar

اوشاق ادبیاتی
اولدوز لا قارغالار
یازار: صمد بهرنگی
چئویرن: منیژه جم‌نژاد

اون ایکینجی بؤلوم:
☠ قارغابَیین آزادلیغینا ، اؤلدوروش

بیرآز سونرا ایکیسی ده ائشیه چیخدیلار. پیلله‌دن داما گئتدیلر. بیرآز اویان بویانا باخدیلار. گوردولر قارا ایتی آچیبلار، گلیب قارغابَیین یوواسینا دایانیب، یوخلاییب. یاشار دئدی: من آشاغا گئدیب، قارغانی گتیره‌رم. اولدوز دئدی: ایتی گورمورسن یوانین آغزیندا یاتیب؟ یاشار دئدی: دوز دئییرسن. یازیق قارغابَی، گوره‌سن نه حالدادی! اولدوز دئدی: چوخ قورخدوغونو سانماییرام. اوره‌کلی قارغادیر. یاشار دئدی: ایندی نه ائده‌ک؟ اولدوز دئدی: دو٘شونوب، چارا تاپاق یاشار دئدی: ایندی دوشونوب، بیر نقشه چکرم...
اؤگئی‌ننه‌نین سیرکه کو٘پو دامین بیر گوشه‌ سینده‌ یئرلشمیشدیر. کو٘پ آشماسین دئیه، دوره‌سینه داش ییغمیشدیلار. یاشارین گؤزو داشلارا دو٘شدو. بیردن دئدی: گل ایتی اؤلدوره‌ک. اولدوز او٘شَنه‌رک دئدی: اولدوره‌ک؟ یاشار دئدی: هن، اولدورسک، همشه‌لیک اوندان قورتولارسان. اولدوز دئدی: من قورخورام. یاشار دئدی: من اؤلدوره‌رم.
بو یازینین آردینی ادبیات سئونلر کانالیندا اوخویون

https://t.me/Adabiyyatsevanlar

اوشاق ادبیاتی
اولدوز لا قارغالار
یازار: صمد بهرنگی
چئویرن: منیژه جم‌نژاد

اون ایکینجی بؤلوم:
☠ قارغابَیین آزادلیغینا ، اؤلدوروش

بیرآز سونرا ایکیسی ده ائشیه چیخدیلار. پیلله‌دن داما گئتدیلر. بیرآز اویان بویانا باخدیلار. گوردولر قارا ایتی آچیبلار، گلیب قارغابَیین یوواسینا دایانیب، یوخلاییب. یاشار دئدی: من آشاغا گئدیب، قارغانی گتیره‌رم. اولدوز دئدی: ایتی گورمورسن یوانین آغزیندا یاتیب؟ یاشار دئدی: دوز دئییرسن. یازیق قارغابَی، گوره‌سن نه حالدادی! اولدوز دئدی: چوخ قورخدوغونو سانماییرام. اوره‌کلی قارغادیر. یاشار دئدی: ایندی نه ائده‌ک؟ اولدوز دئدی: دو٘شونوب، چارا تاپاق. یاشار دئدی: ایندی دوشونوب، بیر نقشه چکرم...
اؤگئی‌ننه‌نین سیرکه کو٘پو دامین بیر گوشه‌ سینده‌ یئرلشمیشدیر. کو٘پ آشماسین دئیه، دوره‌سینه داش ییغمیشدیلار. یاشارین گؤزو داشلارا دو٘شدو. بیردن دئدی: گل ایتی اؤلدوره‌ک. اولدوز او٘شَنه‌رک دئدی: اولدوره‌ک؟ یاشار دئدی: هن، اولدورسک، همشه‌لیک اوندان قورتولارسان. اولدوز دئدی: من قورخورام. یاشار دئدی: من اؤلدوره‌رم. اولدوز دئدی: گوناه دئییل؟ یاشار دئدی: گوناه؟ بیلمیرم. من بیلمیرم گوناه نه‌دیر. آما سانکی باشقا یول یوخدو. بیز بیرینه پیسلیک ائتمیریک کی گوناه اولسون. اولدوز دئدی: ایت عمیمیندی. یاشار دئدی: اولسون. عمین نیه ایتی گتیریب بورا باغلاییب کی سنی قورخودا و قارغابَیی ده توتساق ائده، هن؟ اولدوزون وئرمه‌یه جوابی یوخودو. یاشار آیاغینین اوجوندا گئدیب، یئکه بیر داش گوتوروب، گتیردی، اولدوزا دئدی: ائوده بیریسی وار؟ اولدوز دئدی: مامان تویا گئدیب. بابانی بیلمیرم. منیم ایته او٘ره‌ییم یانیر. یاشار دئدی: سانیرسان من ایت اولدورمکدن خوشلانیرام؟ باشقا یولوموز یوخدو. سونرا بیر پیلله ائنیب، ایتین باشی اوسته یئتیشدی. اوندا داشی یوخاری قووزاییب، بیردن اؤتوردو. داش ایتین باشینا دوشدو. ایت بوغوق سسله اولاییب، ال آیاق چالماغا باشلادی. بیردن اولدوزون باباسینین سسی گلدی. بولار اؤزلرین دالا چکدیلر. بابا ائشیه گلیب ایتین جان وئردیینی گوردو. یاشار اولدوزون قولاغینا دئدی: گل اکیله‌ک. ایندی بابان داشی گؤروب داما گلر. اولدوز دئدی: قارغانی بوراخاق؟ یاشار دئدی: من سونرا یانینا گلرم.
ایکیسی ده یاواش آشاغا ائنیب، گئدیب اتاقدا اوتوردولار. یاشارین کیتابلارین قاباقلارینا توکدولر. ائله‌کی، گورن درس حاضیرلادیقلارینی ساناردی. آما اوره‌کلری گوپبولداییردی. رنگلری ده بیرآز قاچمیشدیر. بابانین سسی دامدان گلدی. سونرا داها سس گلمدی. یاشار تکینه داما گئتدی. اولدوزون باباسی گئیینیب ایتین لشینین یانیندا دورموشدو. سونرا دا قویوب کوچه‌یه گئتدی...
آردی وار...

https://t.me/Adabiyyatsevanlar

اوشاق ادبیاتی
یئنی صندللر اوشاقلار اوچون ...

https://t.me/Adabiyyatsevanlar

اوشاق ادبیاتی
۲۴ساعات یوخو و آییقلیق
یازار:« صمد بهرنگی»
چئویریب، حاضیرلایان:« ویدا حشمتی»
دؤردونجو بؤلوم

من دئدیم: بو طرفلرده توستو، پیسلیک قوخوسو یوخدو. هر طرفده گول دسته‌سی کیمی قوجامان ائولر گؤرسه‌نیر.
دوه گوله-گوله دئدی:
- هاهاها... حاقلی‌سان. آخی تهران ایکی بؤلگه‌دی. هربیری اؤزونه عالمدی. قوزئی له گونئی. گونئی طرفلری توستولو، پیسلیکلی، توز-توپراقلی، اما قوزئی بؤلگه‌سی گول کیمی تر-تمیزدی. بیلیرسن بوتون دار-داشقایا دؤنموش خاراب اوتوبوسلار او طرفلرده چالیشیرلار. کرپیچ کوره‌لری او طرفلرده‌دیر. یوک ماشینلاری اویانلاردا گئت-گل ائلیرلر. گونئیین کوچه-خیاوانلارینین چوخو توپراقلیقدی. قوزئیین پیس سولاری قنولاردان آخیب، گلیر گونئیین کوچه‌لرینه. اوزون سؤزون قیسساسی، گونئی محله‌لری یوخسوللار محله‌سیدی. قوزئی ایسه وارلیلارین-اعیانلارین. سن هئچ «حصیر آباد» یا « نازی آباد» یا «حاج عبدالمحمود» محلّه‌لرینده، اون مرتبه، مرمر داشلی ائو گؤروبسن؟ بو اوجا بینالارین آشاغی قاتیندا اعیانی ماغازالاری اولار.
بو یازینین آردینی ادبیات سئونلر کانالیندا اوخویون.
https://t.me/Adabiyyatsevanlar

اوشاق ادبیاتی
۲۴ساعات یوخو و آییقلیق
یازار:« صمد بهرنگی»
چئویریب، حاضیرلایان:« ویدا حشمتی»
دؤردونجو بؤلوم

من دئدیم: بو طرفلرده توستو، پیسلیک قوخوسو یوخدو. هر طرفده گول دسته‌سی کیمی قوجامان ائولر گؤرسه‌نیر.
دوه گوله-گوله دئدی:
- هاهاها... حاقلی‌سان. آخی تهران ایکی بؤلگه‌دی. هربیری اؤزونه عالمدی. قوزئی له گونئی. گونئی طرفلری توستولو، پیسلیکلی، توز-توپراقلی، اما قوزئی بؤلگه‌سی گول کیمی تر-تمیزدی. بیلیرسن بوتون دار-داشقایا دؤنموش خاراب اوتوبوسلار او طرفلرده چالیشیرلار. کرپیچ کوره‌لری او طرفلرده‌دیر. یوک ماشینلاری اویانلاردا گئت-گل ائلیرلر. گونئیین کوچه-خیاوانلارینین چوخو توپراقلیقدی. قوزئیین پیس سولاری قنولاردان آخیب، گلیر گونئیین کوچه‌لرینه. اوزون سؤزون قیسساسی، گونئی محله‌لری یوخسوللار محله‌سیدی. قوزئی ایسه وارلیلارین-اعیانلارین. سن هئچ «حصیر آباد» یا « نازی آباد» یا «حاج عبدالمحمود» محلّه‌لرینده، اون مرتبه، مرمر داشلی ائو گؤروبسن؟ بو اوجا بینالارین آشاغی قاتیندا اعیانی ماغازالاری اولار. اؤزل ماشینلاری، نئچه مین تومن‌لیک ایتلری اولان موشتریلری اولار.
من دئدیم: گؤنئی طرفلرنده بئله شئیلره راسلاشماق اولماز. اوردا کیمسه‌نین اؤزل ماشینی یوخدو. آما چوخونون ال داشقاسی وار و داخمالاردا یاتارلار.

ائله آجالمیشدیم کی، قورساغیمین باشی دلینیردی.
آیاغیمیزین آلتیندا بؤیوک بیر باغ، الوان چیراقلارلا بزه نمیشدی. سپ-سرین هاواسی، تپ-تزه گوللر - آغاجلارلا دولو ایدی. نم نه گؤزه‌للیکده عیمارت، باغین اورتاسیندا تیکیلمیشدی. بیراز او طرفلیکده بؤیوک بیر حوووض، دوم-دورو سو ایلا، دولویدو. ایچینده قیرمیزی بالیقلار، قیراغیندا اوتوراقلار-ماسالار. وار ایدی. ماسالارین اوستونده گول-چیچک له، الوان-الوان یئمکلر دوزولموشدو. یئمکلرین عطری آدامی سرخوش ائلیردی.
دوه دئدی:
-گل ائنک آشاغی. یئمکلر حاضیردی.
من دئدیم:
-باغ یییه‌سی هاردادی؟
دوه دئدی:
-سن اونو دوشونمه. اللری باغلی ائوین آشاغی قاتیندا دوشوب، یاتیبدی.
دوه حوووض قیراغیندا الوان بویالی کاشی‌لارین اوستونه قوندو. من آشاغی آتیلدیم. دووشان اوردایدی. منیم الیمی توتوب، ماسالارین بیرینین باشیندا اوتورتدو. قوناقلار گلمه‌یه باشلامیشدی. قولچاقلار، ماشینلار... قوناقلارین بیرازی طیاره ایله، هلی کوپترله، شیللاق آتان ائششک له گلیردیلر. توسباغالار دوه‌ بالالارینین قویروغوندان آسلانمیشدیلار. میمون‌لار آتیل-باتیل ائدیب، ماللاق آشیردیلار. دووشانلار سیچرایا-سیچرایا گلیردیلر. چوخ غریبه، سسلی-صدالی بیر قوناقلیق ایدی. یئمکلرین عطری آدامین آغزینی سولاندیریردی. قیزارمیش هشترخانلار، تویوق کابابلاری، قوزو کابابلاری، پیلوولار، آدینی بیلمه‌دیییم، کؤنولدن کئچن جور به جور یئمکلر، بول-بول مئیوه‌لر، ال-آیاق آلتینا تؤکولموشدو. داها منیم طاقتیم کسیمیشدی...
آردی وار.

https://t.me/Adabiyyatsevanlar

اوشاق ادبیاتی
اوشاق ادبیاتی هر هفته پنجشنبه گونو ادبیات سئونلر کانالیندا .
اوشاق ادبیاتینا دایر یازیلارینیزی بیزه گوندرین .

https://t.me/Adabiyyatsevanlar

اوشاق ادبیاتی
اوشاق ادبیاتی هر هفته پنجشنبه گونو ادبیات سئونلر کانالیندا .
اوشاق ادبیاتینا دایر یازیلارینیزی بیزه گوندرین .

https://t.me/Adabiyyatsevanlar

📄 قزئت یئیَن کئچی
🖊 ع. ن «چاپار»




قویون -
قوزو ،
اؤگوز - اینک ،
جامیش - چَپیش ...

ساللاخ خانا ...

آچین
آچین قاپیلاری .

ساللاخ گلیر....

اللرینده -
ایتی کَسَر !

دهشت هوپموش بوفضادا

گؤزلرینده،
قورخو یانیر حئیوانلارین!
هره جومموش بیر آخیرا
تکی-
کئچی قزئت یئییر
بیر بوجاغدا ...!

ساللاخ ائشیر بیغلارینی .

هوروت - هوروت
حئیران قالیر
قزئت یئیَن کئچی ده اوْ ......!!!

https://t.me/Adabiyyatsevanlar

من و قاینانامین ماجرالاری۶😂
اؤزوندن چیخماق(از خود به در شدن)

✍«افروز خانیم»

بیلدیینیز کیمی من هفته آخیرلاری میرریخدان یئر اوزونه شان نزول ائلیرم،قوهوم-اقربائیله گؤروشلر تزه‌لنسین.
خصوصیله بو جانی یانمیش قاینانامین الیندن میرریخا قاچسام دا،بونو کؤنلوم ایسته‌ییر با.گؤزل اوزونو.مزه‌لی سؤزونو.

قاپیدان کئچن گؤردوم یئنه ایت باشی آلیب آغزینا،دئر-دئر دئیینیر.
-"کوپیین قیزی، دا منه یوخ کی، دده به دده‌نه،تیشه به تیشه‌نه،قیییغدان کئچه‌نینه،یئددی نسلینه بلدم.منه کیلاس قویورسان هه.کندده س...قالاغلاراجا بلدم.تهران گؤروب مثلن منه...توو او اوزونه اولسون.گ...اوزوندن قیرمیزی آرواد.‌‌..."
-سلام.نمنه اولوب آناجان؟! نه‌دن حیرصلنمیسن؟
-نمنه اولاجاق قانیمی قارالتدی بو ک...قیزی.گ...اوزوندن قیرمیزی.خانیم بیر هفته دگیل تهرانا گئدیب،گلیر منه کیلاس قویور.فارسی قیریلدادیر.ایلان کیمی قابیق دییشیب. اؤزوندن چیخیب.
-آی آناجان باشینا دونوم ائی.چوخ قانینی خاراب ائله‌مه.من ده چوخ گؤرموشم بونلاردان.
بؤیوکلر دئییرلر:چوخ آداملارین بؤیوتمک ظرفیتی اولماز،شیشیرتسن ها، قوووق کیمی اوزونه پارتلارلار.اودو کی کئشکه اینسانلارین اؤلچوسونه ال وورمایاق.گؤروبسن دا شکیلی بؤیوتدیکجه،زوم ائله‌دیکجه کیفیت دن دوشور،اینسان دا اوجوردو.چتین بیریلرین تعریف و بؤیوتمه‌یه ظرفیتلری اولار.
الان بیزیم ادبی توپلومدا،گؤرورسن بیری آیلار ایللردن سونرا بیر کیتاب چیخاردیر.
اونو عثمان عَلَمی ائله‌ییر،توخماق ائله‌ییر خالقین هئی گوزونه سوخور.
گؤرورسن حسینیه مچیدینین اکوسو کیمی هئی کو....کو....کو....سس عکس ائدیر.دئییر:«خلاییق بوتون کافر ایدی منیم بو کیتابیمی اوخویوب موسلمان اولدولار»
آی پیغومبر بالا واللاه-بیللاه، سیمه واللاه اللی جیلد کیتاب چیخاردان هئچ سنجه های-کوی سالمیر.
بیرآز آغیر اوتور باتمان گَل.دوزدو ایلک یومورتا دا تویوغ چوخ سئوینجک اولار،های-کوی سالار آمما او طرفدن بوش طبیل ده چوخ تاققیلدار.
الان منیم بو قاینانام،دیللره دوشوب با.
کی؟افروزون قایناناسی
چی؟افروزون قایناناسی
کجا؟افروزون قایناناسی
او قدر معروف اولوب کی، هامی افروزون قایناناسینی میکروسکوپلا آختاریر.آمما گؤر ذره‌جه غرور،تکببور آثاری بو آرواددا گؤررسن‌.تامام معنادا خانیم یانی قاینانام.
بیر اوندا گؤز اوجو باخدیم قایناناما گؤزونوزدن ایراق گؤردوم هشترخان کیمی نئجه شیشیب...‌‌
دئمه آروادین هئچ تعریفه زادا ظرفیتی یوخویموش.یازیق تومانسیزلیقدان ائوده قالمیش ایمیش.
بونو گؤره‌ن هیجانلانیب بیر دورتمه قایناناما ووردوم.
-آی کَلَک سن ده بئله ها...
ائله کی آز قالدی باش پیلله‌نین اوجوندان یئره دوشوب پارچالانیسین،دده‌مین ائوی تیکیلسین.هله اعداما گئده‌جکدیم هیچ،آدیم قالاجاقدی قاینانا اؤلدورن گلین.تیشه به تیشه نوه-نتیجه‌مه باش قاخینجی اولاجاقدی.
بیر گوجو بیللاهلا بئش تُن آروادی ییخیلماقدان ساخلادیم.
گوله-گوله دئدی:"افروز ننه قوربان سن ده اؤزوندن یامان چیخیبسان ها،ایندی ده من بؤیوکلوکده آروادی ییخیرسان؟!"
گؤردوم دوز دئییر.آتالار دئییبلر:"اینسان گرک بیر آجییاندا اؤزونو گؤزله‌سین،بیر گیجی‌ینده".
شوخلوق،شوخلوق،قاینانایلا دا شوخلوق؟!
ایندی سیز ده عزیز اوخوجولاریم،چوخ منی تعریفله‌مه‌یین،بالاخره اینسانام دا گؤررسینیز اؤزومدن چیخدیم، داها بیر ده اؤزومه گیره بیلمه‌دیم،افروزسوز قالارسینیز ننه قوربان.یادینیزدا قالسین کیمسه‌نی یئرسیز شیشیرتمه‌یین.
سیزین ده بو باره ده تجربه‌لرینیز اولسا یازین اوخویوم.

https://t.me/Adabiyyatsevanlar

‏خلاقیتین سونو یوخدو

https://t.me/Adabiyyatsevanlar

طنز شعیر
سس وسوز :«خلیل جوادی»

https://t.me/Adabiyyatsevanlar

«ائلشاد_ارشداوغلو»

سئوگی قوخویان آدام

درد سئوینج جیلدینه گیریب شن گلیب،
اولوب اوره‌یین‌له تن به تن، گلیب.
باشینا نه گلیب، سئوگیدن گلیب،
او، سنی بو کؤکه قویوبدو، آدام!

هم چؤلونو، هم ایچینی تالاییب،
نیفرتی، غضبی، کینی تالاییب.
بو سئوگی نه واختدی سنی تالاییب،
بو سئوگی قلبینی سویوبدو، آدام!

سئوگی، اورکده غم، ساچدا دن اولور،
ان چکیلمز دردلر سئوگیدن اولور.
سئوگینین ده چوخو بئزدیرن اولور،
جاماعات سئوگیدن دویوبدو، آدام!

سئودین نه قازاندین؟ باخ، بئله اولماز!
چیخاجاق آخرینا، یوخ، بئله اولماز!
اوستونه-باشینا عطیر وور بیر آز،
سئوگی قوخویورسان عاییبدیر، آدام...!

https://t.me/Adabiyyatsevanlar

ویدا حشمتی

یئنه ساری کؤینه‌یینی گئیبسن
آت_دان دوشن بیر گلین کیمی
هئی..‌. ساری کؤینک!
قانچیل بایازلیم!
یاداشینداکی قیسیر ماهنیلارین بوغازینی سؤک آیازلیغیم
قایدالاری پوز سئوگینازلیغیم
یاسالارا قییقاجی باخمادان
پولیسلری توت دیوارلارا یاخالا هئییی...!

بو فصیل آغیللاری اویونا چاغیریر
گیزلین-پانج اوینا کپنکلری
و شهید بیر عسگری تشیع ائله شعیرلریمده
جینازه-له میصراعلاری
و... گل داریخمالاریمی یاغیشا بویا ساچلاریمدا
آخی بو فصیل یان کئچدی یای-کامان پرده‌سیندن
آخی بو فصیل دارا چکدی قافیه‌لریمی

بو فصیل...
ایپ آتدی اویناییر ساری گلین- سؤیودلری
بو فصیلدن بیر قادین آسیلدی آوانقارد- شعریندن
اوستو آچیق سطیرلردن
و قیزاردی تومورجوقلار نوتلار اوجاغیندا...
و آزارلادی_____ فینجانلار____هیجانلار______جانلار سنه دمله دیگیم سئوگی_____چایی_ندا
قییدیلار فیدانلارا____دانلارا
اوزدولر سئوینجین کؤکونو تبریزدن

سانکی
ساچما-ساپان بیر رؤیا_ایمیش
شئیطان یووا قورموش آچیشقانین یاراشیغیندا___ایشیغیندا____دولاشیغیندا
کئشگه دویمایایدیم!
سئللرین ساری گلینلیگینی
دویمایایدیم ...

ایزین وئر
انتحار زنجیرینی آیین گولوشونه آسیم،
قوی
آذر قورشاغیندان
اولدوزلار منه گؤز وورسون.

کئشگه دویمایایدیم
قودوزلارین آغزیندان داشلانان کؤپوکلر
آچیشقالاری توتوقلایان کؤپکلرمیش!
آخ...
تبریزین دومانی ییرتدی قانلی کؤینه‌یینی سرحدلرین اوجغاریندا
ساری کؤینکلیم...
مورسال کولکلیم...

https://t.me/Adabiyyatsevanlar