شوشانین داغ لاری
اوخویور : «خان شوشنیسکی»


https://t.me/Adabiyyatsevanlar

باش ساغلیغی
دونیا سندن کیملر کئچدی ...

ازلدن بئله دیر چونکی کاینات
جهان دایمی دیر عومور امانات
الدن اله کئچیر وفاسیز حیات
بیز گلدی گئدریک سن یاشا دونیا.

آلدیغیمیز آجی خبر اساسیندا سئویملی کانالداشیمیز، مدنیتیمیزین تانینمیش سیماسی ، آجی ایللرین سیر داشی ائل سئور ،وطن سئورآدی قالارقی دوستوموز «میرعلی اصغر هوشیار» بوگون 99/8/19 تبریزده ابدی اولاراق حیاتا گوز یومدو،
ادبیات سئونلر بو دردلی،جان یاندیریجی آیریلیغی «میر علی اصغر هوشیارین »عائیله سینه ، سئونلرینه خصوصیله حیات یولداشی خانیم باهارییه،باللارینا اوره ک ائوینده تسلیت دئییب باش ساغلیغی وئریر .
امینیک ائلیمیزین شرفلی اوغلونو آدی ، یادی ، خاطیره لری خالقیمیزین آراسیندا ابدی یاشایاجاق نیه کی نه ائل اونودار نه وطن خالقین سعادتی اوغروندا چالیشانلاری .
ادبیات سئونلر : 99/8/19



https://t.me/Adabiyyatsevanlar

نه ائل اونودار نه وطن سنی...

صفرخان قهرمانیان1381-1300

آبان آینین 19 آذربایجان خالقینین بویوک اوغلو ، آزادلیق عسگری ،صفرخان قهرمانیانین بیزدن آیریلماغینین 18 اینجی ایل دونومودور.
صفرخانین ابدی خاطیره سینه عشق اولسون .

https://t.me/Adabiyyatsevanlar

صفرخان قهرمانیانین مزاری

https://t.me/Adabiyyatsevanlar

کریم قربانزاده
بیر دوست , بیر خاطیره ( صفرخان قهرمانیان )
‏

بیلیرم نئچه گون ده یوبانسام خان باغیشلایار منی ,آبان آییندان نئچه گون کئچمیشدیر پاییز باغچالاری, باغلاری , گول چیچک لری گویلر ه باش قالدیران آغاجلاری سویوندوروب لوت ائلمیشد ی.,بو پاییزین قدیمدن عادتیدیر ,قافلانتینین گون باتانیندان بیرگوزل سسلی موغننی قوناغیم ایدی. هرساعات باشی دئیردی صاباح صفر خانین گوروشونه گئدک .بوندان یاخشی اولابیلمزدیرخانین گوروشو منه هرزامان سئویندریجی ایدیر. سحر چاغی خانین گوروشه چاتدیق, سن سایدیغینی سای گور فلک نه سایر. خزان وورموش بیر چینارکیمی پاییزا اینانمادان ساریلیق آزاری دوستاقلارین یادیگاری کوهنه خسته لیگی زامانین آجی سی جانیندا اوتورموشدور . قوناغیمی تانتدیردیم , دئدیم خان دوستوموز موغننی دیر قافلانتی دان , قیز کورپوسوندن گلیب .دوستلاردان سلاملار گتیریب . قیز کورپوسو , قافلانتی, دوستلار,مورگولوین خاطیرلری اویاتدی سانکی یئنی بیر جان جالادیلار جانینا , گوزلری ایشیق لاندی , یئرینده دیکه لدی ,هه بیز بیر دسته ایدیق... گوزونون اونونده جانلاندی گنج فدائی آت بئلینده , باشیندا پاپاق , چینینده توفنگ, الیند ه فرمان کونلونده اینام , آشیردی داغلاردان یئل کیمی, آخیردی دره لردن سئل کیمی, دایانمادان , دورمادان ...او کورپونو بیز پات لاتدیق... قوناغیم اوخوماغا باشلا دی ,عزیز دوستوم مندن کوسوب اینجیب , دوست گئدیب اوزومه گله بیلمیرم , ائله بیل اللریم یوخوموش منیم گوزومون یاشینی سیله بیلمیرم , بو سوزلزی ائشیدن کیمی خانین قاش قاباغی ساللاندی , ایشی بئله گورماق همین دوستومدان بیر قوچ کوراوغلو ماهنی سی ایسته دیم , خاننده هاوانی چئویردی , هانی منیم قوچ کور اوغلوم گله گیره بو میدانا , بو میدانا... سس اوسته کئدیک ده خانین قیافه سی آچی لیردی ,دئیردی :اونمه ندیر بایاقدان میزلدیردین منه بو هاوالاردان اوخو. ساغ اول,ساغ اول ,یاشاسین آذربایجان دیلیندن دوش موردی, خان سئون هاوالاری دوستوما اوخودوروردوم , خزان یئلی اوزون پنجریه چیرپیردی ,سانکی ائوه گل مک خیالی واردی , گئت مک واختی چاتمیشدیر , نسه گئت مه گیم گلمیردی , خاندان گوله گوله آییرلدیق , آخشام باشی قوناغیمی یولاسالدیم , هله ائوه چاتمامیشدیم تلفونوم سسلندی, خانین حالی خراب اولوب آپاردیق مهرخسته خاناسینا , صاباح آخشام خسته خانایا گئتدیم ,شوشنین دالیندان خانی گوردوم, دئمه بو سون گوروش اویموش . ایکی گوندن سونرا پاییز صفر خان قهرمانیانین قاپسین دویدو , گولوموزو, گولشنی میزی تالان ووردو..... یینه یئرسیز تلفونوم زنگ آچدی , اوره یم یارپاقلار کیمی قیرلیب دوشدو. مهین دی خانین قیزی . یادیگاری, گل دوستون گئتدی.

https://t.me/Adabiyyatsevanlar

بین الخالق موسیقی سیندن گوزل بیرقطعه ادبیات سئونلرعائیله سینه تقدیم ائدیریک .

https://t.me/Adabiyyatsevanlar

«بهزادبیات‌فرد»

‍ بوگون_دوغوم_گونوم
قيرووآیی_19

نئجه‌سیغیندی‌ بورانلار دئمک‌قیش آرخاسینا
اؤلوم‌قاچیر ائله‌سی‌هئی یاشاییش آرخاسینا

کور ایت خئییر گؤره‌بیلمز یئرین‌بودور چیخاری
گوونمه،چاشما سن،اویما،بوش‌آلقیش‌آرخاسینا

آدام وار اول گولوشونده قالاق‌سا سایغینلیق
آدام‌دا وار یئری‌دیر ‌باغلایان‌خیش آرخاسینا

دالیمجا یایغین اولا يوز'جه مين‌'جه سؤيلنجه
دئیه‌نلر آسقی قالار قارغی قارغیش آرخاسینا

نه قالسا واز کئچین آنجاق کی یاخشی یام یا یامان
آخیر منی بوراخین بوش وئرین بوش آرخاسینا


https://t.me/Adabiyyatsevanlar

«سحر_خیاوی»

اؤپ منی(عاشقانه-اجتماعی) غزل

اؤپ منی قوی بو سوزالمیش پاییزیم گوللَنسین
اؤپ منی بلکه سوسان شعرلریم دیللَنسین

اؤپ منی شاختا اوشوتموش شوشه‌میز تر تؤکسون
اؤپ منی بوغدامیزین سونبولو کاکُللَنسین

بو شورانلیقدا سئوینج،سئوگی،اومود قیتلیغی دیر
اؤپ منی سئوگی،سئوینج یئر اوزونه سئللنسین

دوز-چؤره‌ک،هاممییا چاتسین بیری آج سینسیمه‌سین
اؤپ منی بین-برکت، بول-بول آخیب تئللنسین

چوخلاری فورصت آرار لیللی سودان صید آپارا
اؤپ منی قویما آخار چایلاریمیز لیللنسین

ساچ گونش گؤزلرینی قوی «سحره»چیخسین ائلیم
اوزو آق-قاره، ایشیقلیق گوجونه بَللَنسین

باخاسان نازیک هؤرومچک تورونا بَتدی بو قیش
اؤپ منی بیرجه پوف ایله دَره‌یه وئللنسین

اؤز گؤوَنللیک گَره‌کیر وارین اونوتموش ائلیمه
اؤپ منی بلکه ائلیم وارلیغینا شئللنسین

منی بوک گؤزلرینین پالتووونا سئودیجه‌ییم
اؤپ آزادلیق عَلَمی بیر کره ده میللنسین


https://t.me/Adabiyyatsevanlar

مسابقه مقاله¬نویسی
ادبیات معاصرآذربایجان
"آذر کتاب توران" در نظر دارد جهت بردن کتاب به میان مردم با برگزاری مسابقات علمی – ادبی خود مسابقه¬ی مقاله نویسی به اجرا بگذارد.
موضوع: ادبیات معاصر آذربایجان
مقالات خود را در موضوع شعر، داستان، رومان، نقد ادبی، زبان، تئاتر، ترجمه و دیگر موضوعات مربوط به ادبیات معاصر آذربایجان را برای ما ارسال دارید. به سه نویسنده مقاله¬ی برگزیده جوایز ادبی نفیسی اهدا خواهد شد. در عین حال مقاله¬های برگزیده همراه با مقالات متخصصین این عرصه در مجموعه¬ای چاپ و منتشر خواهد شد.
مقالات باید شامل موارد زیر باشد:
مقاله بیش از 15 صفحه نباشد.
مقاله در صفحه A4 ، با فونت نازنین B، 14 نوشته شود..
هر مقاله¬ شامل: عنوان، چکیده، متن اصلی مقاله، نتیجه¬گیری با درج منابع باشد.
نام، نام خانوادگی، شغل، درجه تحصیلی، شماره تلفن، ایمیل ذکر گردد.
زبان: ترکی و فارسی
زمان: تا آخر بهمن ماه 1399
مقالات توسط اعضای هیئت علمی شرکت و موسسه آذر کتاب توران بررسی و برگزیده می¬شوند.
مقاله¬هایتان را به این آدرس ارسال فرمایید: mrb_karimi@yahoo.com
هر گونه سوآل و اطلاعات لازم را با تلفن زیر در میان بگذارید: 09121413436

https://t.me/Adabiyyatsevanlar

متن نامه اعلام شکست نیکول پاشینیان، نخست‌وزیر ارمنستان از آذربایجان

هموطنان ، خواهران و برادران عزیز. من شخصاً تصميم بسيار سختي براي خودم و همه ما گرفتم.
من بیانیه ای در مورد خاتمه جنگ قره باغ با روسیه و آذربایجان امضا کرده‌ام! روسای جمهور از ساعت 01:00 بعد از ظهر.
متن بیانیه‌ای که در حال و حاضر امضاء شده است برای من و مردم ما بسیار دردناک است.
من این تصمیم را در نتیجه تجزیه و تحلیل عمیق وضعیت نظامی و قدردانی از افرادی گرفتم که بهترین موقعیت‌ها را از دست داده‌اند.
همچنین معتقدم که این آزمونی برای ما هست که شرایط آن را ایجاد کرده است. طی روزهای آینده پیامی در این باره خواهم نوشت.
این یک پیروزی نیست؛ اما تا زمانی که خودتان را می‌شناسید شکستی وجود ندارد. و ما هرگز خودمان را نخواهیم شناخت مگر این دوران آغازی برای اتحاد ملی و تولد دوباره ما باشد.
ما باید دوران استقلال خود را تجزیه و تحلیل کنیم تا برای آینده خود برنامه ریزی کنیم و اشتباهات گذشته را دیگر تکرار نکنیم.
من در مقابل تمام قربانیان زانو می زنم. من در برابر همه سربازان ، افسران ، ژنرال‌ها و داوطلبانی که از میهن خود با زندگی خود محافظت و پاسداری می‌کنند سر تعظیم فرود می آورم. آن‌ها با تمام وجود آرتساخ را نجات دادند.
ما تا آخر جنگیدیم. و ما پیروز خواهیم شد. آرتساخ ایستاده است.
زنده باد ارمنستان. زنده باد آرتساخ.


https://t.me/Adabiyyatsevanlar

طنز
تبریز شعیری
سس و سوز :«خلیل بحران »

https://t.me/Adabiyyatsevanlar

‏قارا باغ
سس و سوز :«وصله هدایت قیزی»

https://t.me/Adabiyyatsevanlar

طنز بویوک آغا افندی

نه یاخشی کی سیزوارسینیز

ایشی گرک وئره سن ایش بیلنه،تدبیرائده نه،تدبیر بونا دئییرلر با، حتا جینین ده عاغلینا یئتیشمز بئله قرنطینه ائله‌مک قالا کرونا نین.

بوگوندن دولتیمیز ناهاراجا کرونا‌نی قرنطینه ائده جک . ناهاردان سونرا کارمند لری.

سحر ساعات سکگیزدن آخشام ساعات 8 جه میللت مترویا مینه‌جکلر
ساعات 9 دان اوطرفه کرونا .او بیرساعاتدا دا قاتارلاری ضدعفونی ائده جکلر کی کرونایا بیرزاد اولماسین.
معمولی میللتین طیاره‌یه مینمه‌یه نه حاققی وار نه پولو.کرونا دا اوزو بیلر هارا مینیر مینسین هارا گئدیر گئتسین .

بوگوندن قاتارلارا بیرایستگاه میللت مینه جک، بیر ایستگاه کرونا، تام عدالت .
صاباحدان ساری قویروق، قاراقویروق ... تاکسیلارا، آژانس لارا کرونا مینه‌جک ، ون‌لره، اتوبوسلارا باسا-باسا میللت .
بوندان سونرا شاگیردلر مدرسه لره آدیازدیرما پولونو وئرندن سونرا ائوده قرنطینه اولاجاقلار
اویرتمن لر مدرسه ده .
آموزشگاهلار کی ساعاتین اوچ یوزمینه درس دئییرلر گئجه گوندوز آچیق اولاجاق.
تبصره:کرونانین موطلق حاققی یوخدو آموزشگاهلارا سوخولسون .
بوندان سونرادانشگاهلاردا اوستادلار، ائولرینده ،اویرنجی بئکار آبادا قرنطینه اولاجاقلار.کرونا دانشگاهدان موغایات اولاجاق.
خسته خانالاردا ، تختین آلتیندا اوستونده کرونا بستری اولاجاق .
انبارلاردا ، راهرولاردا،ماواللارین دامیندا دیگر خسته لر بستری اولاجاقلار...
بوگوندن یئمک ائولری یالنیز و یالنیز ناهاراجا آچیق اولاجاقلار.
کرونا رژیم ده دیرکیشی کیمی سوز وئریب ناهاراجا رستورانلارا گئتمه سین .
قارداشلاریمیزین تدبیریله همتییله : داواخاناچی لار کرونا توتماسین دئیه کرونانین داوالارین
هشتاد میلیونا دا کوچه باجادا ساتاجاقلار ...
دئییرم :نه یاخشی کی سیزوارسینیز .اگر سیز اولماسایدینیز بو حکیمانه ، عارفانه، سوپر اسلامی باشا- باش علمی تدبیرلرینیز اولماسایدی کرونا لاپ بیزیم نکواریمیزی داغیداردی با .

https://t.me/Adabiyyatsevanlar

ائتیمولوژی حاقیندا تنقید
یازار : سعید ندایی

https://t.me/Adabiyyatsevanlar

طنز

https://t.me/Adabiyyatsevanlar

اوشاق ادبیاتی
اوشاق ادبیاتی هر هفته پنجشنبه گونو ادبیات سئونلر کانالیندا .
اوشاق ادبیاتینا دایر یازیلارینیزی بیزه گوندرین .

https://t.me/Adabiyyatsevanlar

اوشاق ادبیاتی

دیلیم عزیزدی


چکدیم بیر یومورو باش
قویدوم ایکی قارا قاش

قاشلارین آلتیندا گوز
آلما یاناق لی بیر اوز

فندق کیمی بیر بورون
دوداق ،چنه،بیر بویون

آغزینا دوزدوم دیشین
دیلی !!! قالدی بو ایشین

چکدیم ایکی قولاغین
ایکی قولون، آیاغین

شوه ، قارا تئللرین
بئش بارماقلی اللرین

ایندی خیاط اولموشام
پالتاریندا قالمیشام

آنجاق فیکیردن سورا
تاپدیم ایشه بیر چارا

نه فرقی اوغلان ، قیزین؟
تیکدیم شالوار ، بولوزون

گئیدیردیم باشماقلارین
جوت له دی آیاقلارین !!!

دئدیم : دور آی ناز بالا
مدرسه یه دوش یولا

بیر آددیم دالی گئتدی
گولدو اشاره آئتدی

دیلیم چیخدی یادیندان ؟
چک دیلی ،گوندر اوندان

دیل آغیزدا بال اولار
دیلسیز آدام لال اولار

هم دانیشار هم گولر
آجی،شیرین،تورش بیلر

مدرسه یه گئدنده
درس آلارام هرگونده

آنا دیلیم شیریندی
درین دئسن دریندی

آغزیندا بیر دیل چکدیم
تئلینده بیر گول اکدیم

دیل هامی یا عزیزدی
آنادان قالان ایزدی

دیلیندن اول موغایات
دیللی ، شیریندیر حایات

https://t.me/Adabiyyatsevanlar

اوشاق ادبیاتی

اوزو هاواخت قاییداجاقسان داداش جان؟!
✍علی‌اشرف درویشیان
تورکجه چئویرن:سحرخیاوی
ایکینجی بولوم
،بوغلاری قیزیل رنگی اولموشدو.قاش قاباقلی ایدی.منیله مریمین اوستونه آجیقلانان واختی کیمی.
داداشیم الینی بؤیرونده ده کی تلیسه آپاریب،بیر جلد کیتاب چیخارتدی.اورتادان پارالاییب،واراق-واراق ائله‌دی،سونرا ایسه اودا آتدی.
چیغیرماغیمی گوج ایله اوتدوم:
-ائله‌مه داداش جان!! گوزل کیتابلارینی یاندیرما!!
آخی داداشیم بوتون پولونو کیتاب آلیردی.من ایله مریمه ده کیتاب آلیردی.همشه کیتابلاریمیزی تمیز ساخلاماغی سفاریش ائدیردی.نئچه دفعه من ایله مریمله کیتابلاریمیزی تمیز ساخلاماماق اوستونده ساواشمیشدی.به اؤزو نه دن عزیز کیتابلارینی یاندیریردی؟!
داداش سعید باشقا بیر کیتاب تلیسدن چیخارتدی.جلدینی اوخویا بیلدیم."شهادت" یازیلمیشدی.بیرآز کیتابا باخدی،اود اوزونو اماملارین اوزو کیمی ایشیقلاندیردی.باشقا بیر کیتاب تلیسدن چیخارتدی.
یاواشجا یئریمه قاییتماق ایسته‌دیم.آیاغیم دووارا دایانان سوپورگویه ایلیشدی.بیرآز دایاندیم.کیمسه خبر اولمامیشدی.
بو یازینین آردینی ادبیات سئونلرکانالیندا اوخویون .
https://t.me/Adabiyyatsevanlar

اوشاق ادبیاتی

هاواخت قاییداجاقسان داداش جان؟!
✍علی‌اشرف درویشیان
تورکجه چئویرن:سحرخیاوی
ایکینجی بولوم
،بوغلاری قیزیل رنگی اولموشدو.قاش قاباقلی ایدی.منیله مریمین اوستونه آجیقلانان واختی کیمی.
داداشیم الینی بؤیرونده ده کی تلیسه آپاریب،بیر جلد کیتاب چیخارتدی.اورتادان پارالاییب،واراق-واراق ائله‌دی،سونرا ایسه اودا آتدی.
چیغیرماغیمی گوج ایله اوتدوم:
-ائله‌مه داداش جان!! گوزل کیتابلارینی یاندیرما!!
آخی داداشیم بوتون پولونو کیتاب آلیردی.من ایله مریمه ده کیتاب آلیردی.همشه کیتابلاریمیزی تمیز ساخلاماغی سفاریش ائدیردی.نئچه دفعه من ایله مریمله کیتابلاریمیزی تمیز ساخلاماماق اوستونده ساواشمیشدی.
به اؤزو نه دن عزیز کیتابلارینی یاندیریردی؟!
داداش سعید باشقا بیر کیتاب تلیسدن چیخارتدی.جلدینی اوخویا بیلدیم."شهادت" یازیلمیشدی.بیرآز کیتابا باخدی،اود اوزونو اماملارین اوزو کیمی ایشیقلاندیردی.باشقا بیر کیتاب تلیسدن چیخارتدی.
یاواشجا یئریمه قاییتماق ایسته‌دیم.آیاغیم دووارا دایانان سوپورگویه ایلیشدی.بیرآز دایاندیم.کیمسه خبر اولمامیشدی.مریمی اویاتماق اوچون اوتاغا گیردیم.
مریمین پیشیکی ترپَندی.مریم‌ ده هرلندی.الیمله اونو دبَرتدیم.آییلدی.گوزلرینی اوودو.دئدیم:
"منیله گل سنه بیر شئی گوستریم، تعجوبدن بوینوز چیخارداجاقسان."
مریم دئدی:
"یوخوم گلیر.سن آللاه شوخلوق ائله‌مه."
یاواشجا دئدیم:
"شوخلوق نه دیرمی کلله دَبَنَک؟! داداش بوتون کیتابلارینی اودلاییر."
مریمین یوخوسو قاچدی.ننه چؤنوب تزه‌دن خورولدادی.
آستا مطبخین قاپیسی‌نین دالینا گئتدیک.داداش باشقا بیر کیتابی یاندیرماق اوچون جیریردی.گؤزلری یاشارمیشدی.گوزلوگونون آرخاسیندان ایشیلداییردی.گوزلری بیلمیرم توستودن یوخسا کیتابلاردان خاطیره یاشاریردی.
مریم ترلیک کؤینکله گلمیشدی.لاپدان آسقیردی.باشی مطبخین قاپیسینا دَیدی.اود داداشین گؤزلوگونده شؤله چکیردی.باشینی قاوزادی.قورخولو قاپییا باخدی.دوروب قاپییا طرف گئتدی.قاچماق ایسته‌دیک آمما داداش قاپینی آچارکن من ایله مریمی گوردو.
گؤزلوگونو بورنونون اوستونده یئربه‌یئر ائله‌دی.دئدی:
-"گئجه یاریسی بوردا نئینیرسینیز اوشاقلار؟! تئز گئدیب یاتین.سویوقلارسینیز."
مریم توتقون حالدا دئدی:
-" کیتابلارینی نه دن اودلاییرسان داداش؟!
اوشویورسن سه منیم کؤهنه مشق دفترلریم وار.ائیوانین کونجونده آغاج دا جمعله‌میشم.بلکه ده اودلا اویناماغی سئویرسن.اودلا اوینایان گئجه‌لر یئرینی ایسلادار ننه دئییب.سن نه دن اودلا اویناییرسان؟!
سعید داداش دئدی:اوشاقلار من ایله ایشینیز اولماسین.سونرا سیزه نه‌دن بو ایشی گؤردوگومو دئیه‌رم.گئدین یاتین جانیم.آنا آییلسا سیزی دانلایاجاق.
اوره‌ییمیز یاتماق ایسته‌‌میردی.آمما داداش دئدی:
"تئز گئدین یاتین یوخسا ننه‌نی آییلداجام چوخ پیس اولاجاق".
من ال-آیاغیمی ایتیرمیشدیم.مریم دئدی:
" روزبه گل گئدک.حتمن داداش نه ائتدییینی اؤزو یاخشی بیلیر."
چوخ حوزونلو ایدیم.او قدر حوزنلو،مین کیلو قایماقلی شیرینی ده منی سئویندیرمزدی.
یاواشجا یورغانین آلتینا تپیلدیک.سویوق آیاغیم ننه‌نین آیاغینا دَیَرکن،دئییندی.یوخو اویاقلیق آراسیندا:
- "آخ نه دن بو اوشاق بو قدر سویوقلاییب -دئدی.حتمن اوتاق سویوقدور.حتمن پیلَته‌نین نفتی قورتاریب".
-"راحات یات ننه جان.آیاغیم یورغاندان ائشیگه چیخمیشدی.بیر زاد اولماییب."
اللریمی نه دن اللرین سویوقدور دئمه‌‌سین دییه، ننه‌دن اوزاقدا ساخلامیشدیم.کیرپیکلریمی اوست-اوسته قویموشدوم آمما هله اود شؤله‌لری و داداشین کیتابلاری باشیمین ایچینده یانیردی.
مریم ده اویاق ایدی.پیشیگی اللرینی یالاییردی.مریم یاتدی.پیشیک ده یئنه خورولدادی.منیم ده یاواش-یاواش آغیزیم آجیلاشدی،اوزومو یوخو توتدو.

دمیر کیمی، یئری لاخلادان آغیر پوتونلارین سسی ایله قورخولو یوخودان آییلدیق.اوتاغین چیراغی یانیردی.مریم یوخودان آییلیب قورخودان چیغیردی.ننه یئرین ایچینده اوتوروب یورغانا بورونموشدو.تئز-تئز دئییردی:
-"یا قمر بنی‌هاشم اؤزون بیزه رحم ائله.بیزی نجات وئر!"
مریمین پیشیگی قورخوب ائشیگه قاچدی.
نئچه نفر یوغون،اوجا آدام دوره‌میزی آلمیشدیلار.اللرینده کی بویوک مسلسل‌لری بیزه طرف توتموشدولار.اوتاغین او طرفینده ده بیر عیدده داداشین دؤره‌سینی آلمیشدیلار..ننه،من ایله مریمی برک قوجاقلاییب تیتره‌ییردی.مریم لال آداملار کیمی بوغازیندان عجیب سسلر چیخاردیردی.مسلسل لوله‌لری فیلیم‌لرده گؤردویوم کیمی قارا و قورخمالی ایدی.
هامیسیندان اوجا و هئیکللیسی بیزیله دانیشماغا باشلادی.اوزاقدان آغزیندان آراق اییی قوخویوردو.
-"ترپنمه‌یین.یئرینیزده قالین."
ننه آجیق و سویوقدان تیتره‌یَرکن چیغیردی:"-آی نامسلمانلار چادیرامی اؤرتمه‌یه ایذین وئرین.مگر سیزین شرفینیز یوخدو؟! ننه باجینیز یوخدو؟!
اونلارین بیری یورغانین اوستوندن ننه‌مین قیچینا بیر تپیک ووردو.دئدی:
-"خفه‌لن عیفریته،سن یاخشی آنا اولسایدین اوغولون بو ایشلردن گؤرمزدی."
نن