اوشاق ادبیاتی
ایستیرسن دیلین، ائلین یاشاسین موسیقینی قورو .

اوشاق ادبیاتی هر هفته پنجشنبه گونو ادبیات سئونلر کانالیندا .
اوشاق ادبیاتینا دایر یازیلارینیزی بیزه گوندرین .



https://t.me/Adabiyyatsevanlar

اوشاق ادبیاتی

دوکتور مرتضی مجد فر

⬅️⬅️ آغ ایله قارانین کنتراستی ➡️➡️


⏺ بو گون ایکی حئکایه‌جیک اوخویاجاقسیز. حئکایه‌جیک تورکجه‌ده "داستانک" ه دئییلیر. بو حئکایه‌لر ایکی روایتده یازیلیب. حئکایه‌جیک‌لری دوردونجو صینیفدن سکگیزینجی کیلاسا قدر اوشاقلارلا ایشله‌یه بیلرسینیز.‌ حئکایه‌جیک‌لردن اوخوماق قابلیتینی یوکسلتمکده، فلسفی باخیشلاری گوجلندیرمکده و کرونا حاققیندا اوشاقلار آراسیندا بحث یاراتماقدا فایدالانا بیلرسینیز.🔰

⭕️ بیرینجی روایت

بویوک‌ قارقا، قارا اوزو و دیمدییینین‌ اوستونه ووردوغو آغ ماسکی، قانادلاری ایله دوزلده‌رک، او بیریسی بالاجا و آز یاشلی اولان قارقایا دئدی:" نه دن سن ماسک وورمامیسان؟!"
بالا قارقا: " تکجه قورخاقلار ماسک وورارلار"، دئدی.
بویوک قورقا جاواب اولاراق، دئدی:"آنجاق منی یوز ایل قاباق اولومدن قورتاران، ائله بو‌ ماسک اولدو. او زامان ایندی کی کیمی دئییل‌دی. ماسک‌لاری اویان- بویاندان تاپان آغ پارچالارلا دوزلدیردیک. ائله ایندی کی کیمی ده گورکمی چوخ گوزل اولوردو: آغ ماسک‌ ایله قارا قارقالارین بیرلشمه‌سی!"
بالا قارقا، حیرصله سوروشدو:" یوز ایل قاباق؟! اوندا سن وار ایدین‌می؟!"
بویوک ‌قارقا دئدی:" پس نئجه کی وار ایدیم... بیرینجی دونیا محاربه‌سی ایللرینده، هر یئری بوروین آنفلوانزا ناخوشلوغونو دئییرم. تخمینا یوز ایل کئچیر او زاماندان!"
بالا قارقا، یئنه حیرصله‌نه‌رک دئدی:"آخی سن نئجه وار ایدین او زامان؟ نئچه یاشین وارمی سنین مگر؟!"
بویوک قارقا، کیچیک قارقانی اونا ساری گلدییینه گوره، هده‌له‌یه‌رک، دئدی:" بیر آز علمی کیتاب اوخو جاوان دوستوم! قارقالار ایکی یوز ایله یاخین عومور سورورلر. منیم ایندی یوز اوتوز بئش یاشیم واردیر. بیز تجربه‌لریمیزله یاشاییریق! ماسکین یوخدورسا، وئریم خدمتینیزه؟!"

⭕️ ایکینجی روایت

بالاجا قارقا، قارا اوزو و بوتون دیمدییینین اوستونو، آغ ماسک ایله بورویه‌ره‌ک، ایکی آیاقلاری‌ ایله هوپبولا- هوپبولا، آستا - آستا پارکدا بویاندان، اویانا اوچان بویوک قارقایا دئدی:" نه دن سن ماسک وورمامیسان؟!"
بویوک قارقا جاواب اولاراق، دئدی:"آللاه رحمتینه گئدن آتامدان ائشیتدیییمه گوره، ایندی من ۱۳۵ یاشیندا اولمالییام!"
بالا قارقا، حیرصله دئدی:" یاخشی؟ نئیله‌یک ایندی؟ بونون ماسک ووروب، وورماماغا نه دخلی وار؟!"
بویوک قارقا، اوزه‌ل بیر غرورلا دئدی:" ائشیتمه‌میسن قارقالار ۲۰۰ ایل عومور سورورلر؟ پس بئله‌لیکله منیم ۱۳۵ یاشا چاتدیغیمین معناسی بو دور کی من بیرینجی دونیا محاربه‌سی ایللرینده، بوتون دونیانی بوروین آنفلوانزا ناخوشلوغونو گوررکن، ماسک وورمادان و قانادلاریمی مرتب اولاراق سو و صابین‌لا یومادان‌، دیری قالمیشام!"
بالا قارقا دئدی:" سیز قوجا قارقالارین الیندن هارایا قاچمالییق؟ هاردان بللی دیرسنین ۱۳۵ یاشین وار؟! عزیزیم! قوجامانیم‌! بیر نئچه یئنی کیتاب اوخو، تدقیق‌لره ده بیر باش وور‌‌. قارقالارین D.N.A لری‌نین اوستونده آپاریلان یئنی تدقیق‌لر اساسیندا، قارقالار لاپ چوخو ۲۵ یا خود ۳۰ ایل عومور ائدیرلر. بئله‌لیکله منیم آلتی یاشیم اولسا، سنین‌ ده داش چاتلاسا، لاپ چوخو ۲۵ یاشین اولاجاقدیر عزیزیم! داها قارقالارین ۲۰۰ ایل یاشادیقلاری، افسانه کیمی بیر زاددیر... ماسکینیز یوخدورسا، وئریم خدمتیینیزه؟!"

https://t.me/Adabiyyatsevanlar

اوشاق ادبیاتی
کیتاب تانیتیمی
کیچیک چوپان


🖊 یازار: کمال سید
✏️ آذربایجان تورکجه سینده چئویرن: علی نوروش
✳️ نشر: آناس
🖇 بولوم: اوشاق
📗 بیچیم: وزیری/12 صفحه/ شومیز
🛑 دیل: تورکجه
💰 قیمت: 7،500 تومن


بو کیتابی سیفارش وئرمک اوچون آشاغیداکی آیدی ایله ایلگی قورون.

🆔@tohid_ur
@onlinekitabci

https://t.me/Adabiyyatsevanlar

اوشاق ادبیاتی

اولدوزلا قارغالار
یازار: صمد بهرنگی
چئویرن: منیژه جم‌نژاد

اونونجو بولوم:
🌥 قایغی و پوزونتو گونلری
🍂 آجلیق، قورخو

اولدوز یاتاقدان چیخدی. اؤگئی‌ننه‌نین آلنینین یاراسی تئز دوزلدی، آما اولدوزون باشینین یاراسی چوخ چکدی. اؤگئی‌ننه‌نین داورانیشی یئنه دئیشیلمیشدیر. قاباقلاردان‌دا بتر اولدوزوا ساواشیردی. اولدوزون دیشلرینین یئری بودوندا بللییدی. قارغابَیین دورومو چوخ پیس اولموشدو. همیشه آجلیق چکیردی. اولدوز هرنه چالیشیردی، اونون یئمک ایچمه‌یینی واقتیندا وئره بیلمیردی. قارا ایت دورد گوزلو هر یئری گودوردو. یاد سسلره هورودو. اولدوز و قارغابَیین تکجه اومودو یاشاریدی. یاشار یاردیم ائدنده ایشلر دوزلیردی. آما اونا نئجه خبر وئرمه‌یی بیلمیردیلر. اولدوز ایتین قورخوسوندان داما دا گئتمیردی. دئمک، گئدنمیردی. قارا ایت ماجال وئرمیردی. های کوی سالیردی. قاپماق امکانی دا واریدی. همیشه حیطی دولانیب ایی چکیردی. یاشارین ننه‌سی گاهدان اولارین ائوینه گلیردی. آما اونادا بیر سوز دئمک اولماییردی. اؤگئی‌ننه‌نین ساغ الی اولدوغو نه معلوم؟ ...
بو یازینین آردینی ادبیات سئونلر کانالیندا اوخویون .
https://t.me/Adabiyyatsevanlar

اوشاق ادبیاتی
کارتن
دوشانین یوخوسو ...

اوشاق ادبیاتی هر هفته پنجشنبه گونو ادبیات سئونلر کانالیندا .
اوشاق ادبیاتینا دایر یازیلارینیزی بیزه گوندرین .

https://t.me/Adabiyyatsevanlar

اوشاق ادبیاتی

اولدوزلا قارغالار
یازار: صمد بهرنگی
چئویرن: منیژه جم‌نژاد

اونونجو بولوم:
🌥 قایغی و پوزونتو گونلری
🍂 آجلیق، قورخو

اولدوز یاتاقدان چیخدی. اؤگئی‌ننه‌نین آلنینین یاراسی تئز دوزلدی، آما اولدوزون باشینین یاراسی چوخ چکدی. اؤگئی‌ننه‌نین داورانیشی یئنه دئیشیلمیشدیر. قاباقلاردان‌دا بتر اولدوزوا ساواشیردی. اولدوزون دیشلرینین یئری بودوندا بللییدی. قارغابَیین دورومو چوخ پیس اولموشدو. همیشه آجلیق چکیردی. اولدوز هرنه چالیشیردی، اونون یئمک ایچمه‌یینی واقتیندا وئره بیلمیردی. قارا ایت دورد گوزلو هر یئری گودوردو. یاد سسلره هورودو. اولدوز و قارغابَیین تکجه اومودو یاشاریدی. یاشار یاردیم ائدنده ایشلر دوزلیردی. آما اونا نئجه خبر وئرمه‌یی بیلمیردیلر. اولدوز ایتین قورخوسوندان داما دا گئتمیردی. دئمک، گئدنمیردی. قارا ایت ماجال وئرمیردی. های کوی سالیردی. قاپماق امکانی دا واریدی. همیشه حیطی دولانیب ایی چکیردی. یاشارین ننه‌سی گاهدان اولارین ائوینه گلیردی. آما اونادا بیر سوز دئمک اولماییردی. اؤگئی‌ننه‌نین ساغ الی اولدوغو نه معلوم؟ بو دوور زامانین آداملارینا تئز گوونمک اولماییر. بیرده اؤگئی‌ننه اولدوزو کیمسه‌یله تک قویماییردی. گونلر دال‌بادال کئچدیلر. بئش گون قایغی و پوزونتویلا کئچدی. بیرگون فورصت قالدی. اولدوز بیلیردی بوگون گرک قارغا‌بَیی اوچورتسون. یوخسا اوله‌جک. آما نئجه اوچورتماسینی بیلمیردی. آخیردا یاشاری گورمه‌یه بیر فورصت دوشدو. اوگون اؤگئی‌ننه تویا گئتمک ایسته‌ییردی. اولدوز دئدی: مامان من ایتدن قورخورام. ائوده تک قالا بیلمرم. اؤگئی‌ننه قاش قاباقلی، الیندن یاپیشیب، آپاریب، یاشارین ننه‌سینه تاپشیردی. اولدوز اوره‌کدن سئوینیردی. یاشاری ائوده گورمه‌دی. ننه‌سیندن سوروشدو: به یاشار هاردا؟ ننه‌سی دئدی: مدرسه‌یه گئدیب. دونندن مدرسه‌لر آچیلیب. اولدوز اوتوروب یاشاری گوزله‌دی.

https://t.me/Adabiyyatsevanlar

اوشاق ادبیاتی
اوشاق ادبیاتی هر هفته پنجشنبه گونو ادبیات سئونلر کانالیندا .
اوشاق ادبیاتینا دایر یازیلارینیزی بیزه گوندرین .

https://t.me/Adabiyyatsevanlar

اوشاق ادبیاتی
اویونلار

مره
اوشاق‌لار حالای گلمک شرطی ایله ایکی دستیه آیریلیر‌لار. اویون ایشتیراکچی‌لاری
اوزلرینه گیز‌لی آد قویوب, ایکی-ایکی گلیب موللا‌لارین (باشچی‌لارین)
قارشی‌سیندا دورور‌لار:
- حالای, حالای!
موللا‌لار دئیر‌لر:
- حالدیخ, قیلدیخ.
اوشاق‌لار‌دان بیری دئیر:
- کیمه چای‌لار قورو‌دان, کیمه داغ‌لار داغی‌دان.
موللا‌لار‌دان بیری جاواب وئرر:
- منه داغ‌لار داغی‌دان.
اوزونه شرطی اولاراق “داغ‌لار داغی‌دان” آدی قویان اوشاق بیر موللایا,
“چای‌لار قورو‌دان” دا او بیریسینه دوشور.
بو مینواللا اوشاق‌لار ایکی یئره آیریلیر‌لار. ئوزاقدا بیر داش نیشان قویور‌لار.
هر دسته‌دن بیری قاچیر. کیم تئز گئدیب الینی داشا وورار و موللاسینین
یانینا تئز قاییدارسا, قلبه چالار. کیم گئری قالسا, باشی قاپازلانیب
سیرا‌دان چیخاری‌لار.

 https://t.me/Adabiyyatsevanlar

اوشاق ادبیاتی
ایلانین ناغیلی
سسلندیرن : فاطمه محمودی .

https://t.me/Adabiyyatsevanlar

خان صنم هاشم زاده

داها داریخمیرام کئچن گون لره
من سنسیز دئییلم منده سن هر آن
سئویلمک عینادین قویموشام یئره
نه قورخوم وارایندی نه شک نه گومان
من سنسیز دئییلم منده سن هر آن

گؤزمو قالیب یاغام؟ دوداق می گولم؟
یاددان چیخیرسان می باش قویام اؤلم؟
ائله سئومه دیم کی اونودا بیلم
بیرگون ایثبات ائلر سؤزومو زامان
من سنسیز دئییلم منده سن هر آن

یاخدین اوره ییمی ،داها دا بتر
سانیردیم یارا دیر، ساغالار، بیتر
ساغالمادی، آمما سن ساغ اول یئتر
گئت اوره یین هاردا ایسته ییر دولان
من سنسیز دئییلم منده سن هر آن

زامان بوش یئرینی چکیر اوزومه
بئله جه یاشاماق دوروب گؤزومه
آمما هئی دئییرم اؤزوم اؤزومه
الیم بوش اولسادا گؤزلریم دومان
من سنسیز دئییلم منده سن هر آن

بو سئوگی یول دئییل کاریخام، آزام
رسمه ده بنزه میر پیس اولسا پوزام
آخی شعیردیرمی یئنی سین یازام؟
بدنیمده جان دی داماریمدا قان
من سنسیز دئییلم منده سن هر آن

آرتیق سئومه ییرم اؤلموشم سنه
آنان دا سئوگیده چاتانماز منه
بیردونیا سئوه نین اولسادا، یئنه
صنم کیمی کیمسه سئونمز اینان
من سنسیز دئییلم منده سن هر آن


https://t.me/Adabiyyatsevanlar

«یعقوب_نیکزاد»

نه گلدی دئشدی قان آلمیش گؤزون ایلیق یارامی
گل! اللرین له بیتیشدیر یاریمچیلیق یارامی!

گؤزللییین گؤزه گیردیکجه گؤز دییر دنیزه
من اورمودا دوزا بوکدوم بالیق- بالیق یارامی

سسیمده چرله دی عشقیم، شافاق اوزون دیده رک
گونش قوروتمادی یولسوز، بو جومجولوق یارامی

یاناشما اؤزگه یه! سیندیرما شاققیمی بو قَدَر
زَهَر یاغیش دا قوپارتدی سولوق- سولوق یارامی

بو داغ و بو آغیر آغری یئره - گؤیه سیغیمیر
دیل آچدیریر غزلیمده قلم، لالیق یارامی

بو شووقریب قارا بختیم دانیبدی بر- بزه یین
گَـلین کؤکونده دولاندیرما چوخ قالیق یارامی!

بولود گؤی آت چاپیر اوستومده کیشنه ییر گئجه لر
آلوبدی قوینونا شاختا- قار، آلمالیق یارامی

تامارزی قالدی گؤزوم بیر گونش گلیب یئنی دن
یاریب چیخارتمادی آغرین قارانقولوق یارامی

اوف اوف اوفولدادیم ایللر بو تای دا حسرت ایله
آراز آریتمادی بیر یول دا، آیریلیق یارامی

آخی نئجه سیغینیم کؤلگه نیزده دالدالانیم؟
توخوندو، دئشدی قان آلمیش گؤزون ایلیق یارامی

https://t.me/Adabiyyatsevanlar

‏سرانه مطالعه در چند کشور جهان ...

https://t.me/Adabiyyatsevanlar

کرونا بیر عزیز انسانی‌دا الیمیزدن آلدی

قوی اؤلوم سئوینمه‌سین! عؤمرونو وئرمیر بادا
ائل قدرینی جانیندان داها عزیز بیلن‌لر.
شیرین بیر خاطیره‌تک قالاجاقدیر دونیادا
سئوه‌رک یاشایان‌لار، سئویله‌رک اؤلن‌لر.
چوخ تاسفله، دونن سحرچاغی چوخ عزیز و شریف بیر انسانی، انسان‌سئوه‌ر بیر اجتماعی مدنی شخصیتی، ادبیاتیمیزین صداقتلی و صمیمی حامیسی، دوستلارین سئویملیسی «جهانبخش بنی بایرامی»نی کرونا سببیندن الدن وئردیک. بو آغیر ایتگی‌لر گونلرینده بئله بیر صمیمی انسانی الدن وئرمک اونونلا تانیش اولان انسانلاری اورکدن سارسیلتدی. او تام معنادا اؤز شرفلی عؤمرونده دوستلوغون، ائل سئورلیگین، خالقا باغلی‌لیغین نه اولدوغونو معنا ائدن انسانلاردان ایدی.
«جهانبخش بنی بایرامی» ادبیاتیمیزین صمیمی قایغی‌کئشی، صداقتلی حامیسی، اؤزونو هئچ بیر زامان گؤزه چکمه‌ین تواضعکار انسان ایدی. ادبی مدنی ییغینجاقلاریمیزین، خصوصیله ده تهراندا فعالیت گؤسترن ادبی مدنی درنک‌لریمیزین و آنا دیللی مطبوعاتیمیزین همیشه قایغیسینی چکن اولموشدور. عینی حالدا بو عزیز انسان کیمیا اوزره متخصص و بیر چوخ آموزشی کیتابلارین موللیفی اولماقلا برابر Genealogy (تبارشناسی) اوزره باجاریقلی تدقیقاتچی ایدی. بونلاردان علاوه بیر چوخ اجتماعی مدنی موضوعلاردا یادداشت و مقاله‌لری ده یادگار قالمیشدیر.
«جهانبخش بنی بایرامی» 1330نجی ایلین اردیبهشت آییندا آستارانین لوندویل شهرینه تابع «کوته کومه» کندینده یوخسول بیر عائله‌ده دونیایا گؤز آچیر. آتاسی مزرعه ایشچیسی، آناسی ایسه ائودار قادین اولموشدور. عائله یوخسوللوغونا باخمایاراق کیچیک یاشلاریندان دوگو زمی‌لرینده ایشله‌مکله خصوصیله‌ده آناسی‌نین ایسته‌ییله دیپلوما قدر تحصیلینی داوام ائدیر؛ سونرا عسگرلیک خیدمتینی سونا چاتدیریر و 1353نجی ایل مشهد شهری‌نین فردوسی دانشگاهیندا کیمیا اختصاصیندا تحصیلینه باشلاییر. اویرنجی‌لیک ایللری اونو داها آرتیق جمعیتده حؤکوم سورن زوراکیلیق، استبداد و عموم خالقین یوخسوللوغدا عؤمور سورمه‌لرینین سببلری ایله تانیش ائدیر. سیاسی اجتماعی فیکیرلری فورمالاشیر و بیر مبارز اؤیرنجی کیمی فعالیت ائدیر. بو انسانی و بشری آمال‌لار اوغروندا مبارزه، جهانبخش بنی بایرامی‌نین عؤمرونون سونونا قده‌ر اونون حیاتی‌نین آیریلماز حصه‌سینه چئوریلیر. انقلابدان سونرا «نیروگاه لوشان»دا ایشه آلینیز و تقاعده چیخانا قده‌ر اؤلکه‌نین مختلف شهرلرینده اؤز اختصاصی اوزره مختلف شرکت‌لرده فعالیت ائدیر. بو ایللرده اونون «بویالار کیمیاسی» موضوعسوندا دوققوز جیلد آموزشی کیتابی علمی مرکزلر طرفیندن نشر ائدیلیر. بونلاردان علاوه اوزون ایللر اجتماعی تدقیقی‌نین ثمری اولان «تبارشناسی مردم کوته کومه» آدیندا چوخ گؤزل بیر تدقیقی اثری الکترون شکیلینده نشر ائدیلیر.
چوخ تاسفله، بو سئویملی و عؤمرونو شرفله باشا ووران انسان آز بیر مدتده کرونا ویروسا یولوخدوقدان سونرا سه شنبه گونو 6/9/99 سحرچاغی کرج شهری‌نین امام علی خسته‌خاناسیندا حیاتا گؤز یومموش و ابدی‌لیک آرامیزدان کؤچموشدور.
«ایشیق» – آذربایجان ادبیات و اینجه صنعت سایتی امکداشلاری اؤز صمیمی و فداکار دوست و حامیسی‌نین آغیر ایتگیسینی ادبی مدنی جمعیتیمیزه، «آذری فصلنامه‌سی»نین امکداشلاری و اداره هیاتینه، «ساهر» و «صابر» ادبی انجومنلرینه، حؤرمتلی عائله‌سینه، دوستلارینا، فیکیرداش‌لارینا و قوهو- اقرباسینا باش ساغلیغی وئریر، شرفلی خاطیره‌سینی عزیزله‌ییر و شرفینه عشق اولسون! دئییر.
قایناق : «ایشیق»

https://t.me/Adabiyyatsevanlar

«علیرضا انباز»

آنا وطن

آنا وطن ، آنا امک
حلال اولسون قانان کسه
آنا سودو قنیم اولسون
اؤز آناسین دانان کسه

اولمه ییب دیر اؤلمز دوشمان!
آجی اوتور آجی دولان،
چیراغ اولوب ایشیق سالان،
اؤزگه اوچون یانان کسه

باغلانمیشیق ارن لره
قوی نه دئییر دئسین هره!
کؤراوغلو اؤل اؤزگه لره،
اؤزون نوکر سانان کسه

قره باغ بیزلره جان دی
دامارلاردا آخان قاندی
"انباز"ین جانی قوربان دی
وطن نه دیر؟ آنان کسه

https://t.me/Adabiyyatsevanlar

ژاله_اصفهانی

من اشک سنگ را شب مهتاب دیده ام
فریاد کوه و خنده دریا شنیده ام

من عشق را به پرده صد رنگ دلپذیر
با پاکی سحر به تماشا نشسته ام

در چشمه سار نور سپید ستاره ها
با شست و شوی خویش ز هر رنگ رسته ام

من شعر را ز خنده شیرین کودکان
من نغمه را ز رقص لطیف نسیم صبح

ایثار را ز دیده بی خواب مادران
آزادگی ز گوشه تاریک کلبه ها

بی تابی از شبان شرربار انتظار
بخشایش از زمین و شکوفائی از بهار

بر گرفته ام، که دسته گلی ارمغان کنم
بر هر که او به راه رهائی است پایدار

من بانگ کوه و نغمه دریا شنیده ام
دریا دلان سخت تر از کوه دیده ام!


https://t.me/Adabiyyatsevanlar

باش ساغلیغی

غلامحسین جلالی حیاتینی ایتیردی

گنج تئاتر یؤنتمنی، پیئس‌یازاری و سس‌صنعتچی‌سی غلامحسین جلالی بو گون دونیادان کؤچدو. بو آغیر و آجی ایتکی‌دن دولایی اینجه‌صنعت و ادبیات یولداشلارینا، عزیز عایله‌سینه باش ساغلیغی دئییریک.

موغان آزاد یازیچی‌لار بیرلییی
موغان اینجه‌صنعت و کولتور ائوی
موغان تئاتر و سینما قورلوشلاری
موغان موسیقی درنک‌لری و آشیق‌لار بیرلییی
موغان شعر درنه‌یی.
ادبیات سئونلر بو آجی آیریلیغی جلالی عایئله لرینه, اینجه صنعت خادیملرینه باش ساغلیغی وئریر .

https://t.me/Adabiyyatsevanlar

معنا آنلاییشی اؤنجول (فرا) پست مودرن ادبییاتیندا

1_ بیر معناده بونو منیمسه مه لییک گؤرک چاغداش زاماندا و چاغداش ادبییاتدا بوتون شعیرلر (پست_مودرن) حسابا گلیرمی؟
2_ بو چاغداشلیقدا شعیر یالنیز پوست مودرن مکتبیندن سو ایچیرمی؟
3_ گورک پوست مودرن شعیرینده معنا وارمی؟ یوخسا بیر عیدده داغینیق و پیرتلاشیق کلمه لردن یارانمیشدیرررر؟
4_ مونولوگ، پوست مودرن_ده نه دئمکدیر؟ و بو "بیر معنا داشیمانین" نه رول اویناییر و واریدی؟
5_ بو پوست مودرنده-کی قابلییتلر، ایندی چاغداش ادبییاتا گره-کلیدیر، یوخسا یوخ؟
سادیلادیغیمیز واریانتلارا رغمن، پوست مودرن یارانماسی بیر آغیر آخیمدیرکی چئوره سینی گئنیش حالدا و مفهومدا یارادا بیلیر و شاعیرینی مجبورییتده قویور ال چاتماز زیروه لره ال آپارسین و توم معنادا قالارقی اثرلره قول آتا بیلسین.
آرتیق بونو وورغولامالییام پوست مودرنده معنا یوروملانمایاراق ایضاح اولونمور. و هئچ قایدایا، قانونا بویون ایمیر بو معنا و دوشونوم بو سبکین گیزلیجه دامارلاریندا "ائلئمانلاریندا" یئر توتور اؤزونه برابر. و بو ائلئمانلارا معنا دئییلمیر عینی حالدا معنا هر میصراعلاردا اویناغا گلسین و دویولسون بلکه فیزیکال کیمی اؤزونو گؤسترير میصراعلاردا و مخاطبی مین بیر فیکره سالاراق حئیران قویور معنانین ایچینده، و مخاطب دویغوسونو میصراعلار سایاق مین قولا بؤلرکن مات قالیر شعیرده.
"ژاک دیریدا" _ "متافیزیک حضور" آدلیم کتابیندا بونا اشاره آپارارکن بئله حئیرانلیغا معنانین گئج دوشونومو آد وئریر . و بیر طرفدن 20 ینجی عصیرین اثباتچیلاری همن منطیق پوزیتویستلری بیر طرح وئردیلرکی بونا معنا یارانماسی دئدیلر پست_مودرن_ده.
آمما نئچه باخیش پست_مودرنه رغمن، اؤزونو جان آتیر بیزلره و بو "فورمالیسم" حرکتیدیر.
فورمالیسمین دوغوم یئری روسیه اولاراق، سایین "ویکتور شیکلوفئسکی" ادبییاتچیلارا چوخدا آدلیم و محترم بیر منتقد و ناقید حسابا گلیر. بو ناقیدین باخیشی ایکی قایدادا قاباغا گئدیر. بیریسی " عینی واقعییتین شکیل فورمو، و ایکینجیسی ايسه شاعیرین، دیلی منیمسه-مه_یی، عادیجه اولماقلیغی، و کلمه لردن یئنیلییی قاباغا سورمکدیر.
آمما ایندیکی دورمدا مودرن و پست_مودرن آثارلاردا معنانین گره-کسیرلیگی، توصیف اولونمازلیقی و داها شعیرده بویالی یئنیلیکلر و یارادیجیلیقلاردیر. نئچه رنگلره بویانیب و نئچه_نئچه معنالارا اوغرارکن، مختلیف سسلیگی، نئجه اولماقلیغی کلمه مفهوموندا و نئچه قاتلی حیسس و عاطیفه و جنون قیدییاتیندا هر بیر پست_مودرن_ شعیرلرینی معنایا گتیرسین و بو قئید اولان پراسئسلر سبب اولور شعیرده پیرتلاشیقلار و داغینتیلیقلار اؤزونه کیملیک و هوییت فلسفی باخیمدا باغیشلاسین. آمما بو احوالاتا باخارکن بئله دوشونولور هر شاعیر و منتقدده بئله آثارلاری گوزه-لجه سینه دوشونوب و آثار، نه معنا داشیماقینی یا باشا دوشمه سین و یا اصلن مطلبی آلماقدان آوارا قالا بیلسین.
یعنی بونلار پست_مودرن_ مکتبینین اؤزه-للیکلرینی دانیشیر و اؤزل خصوصییاتلاریندان حسابا گلیر .
منجه، بیر شعیرین یارادیجیلیقیندا اساس رول اوینایان؛ متفاوت باخیشلار، مضمونلار، مؤوضولار، اشارتلر و مفهوملاردیر، کی چئشیدلی و فرقیلی یئنیلیکلرله برابر بوتون ادبی هنجارلاری و چارچیوالاری، تیکینتیلری سیندیراراق باعث و دلیل اولا بیلر بیر قبول اولونموش سبک و شعیررررر یارانیب و اؤزونو بوشقابا قویمالی اثر تانیتدیریب و معرفی ائده بیلسین .
آلبئرت گئلپی(Agbert Gelpi) تدقیقاتچی آمریکا ایستانفورد" Stanford " یونیوئرسیته سینین اؤيرتمني بیر ادبی مقاله سینده پست_مودرن شعیرینین دوغوم یئرینی آمریکا بیلرکن، ایسته ییب بو مقاله ده قاباقجیل "پیشرو" شعیرینه گوره، دوزگون نظریه و باخیشلارینی ارایه وئرسین. و چالیشیب شاخیصلری و مؤلفه لری پوست_مودرن اثرلری تانیتدیرماق ایچین آغیر ایشلره ال وورسون.
بؤيوک آلبئرت گئلپی دئییر؛ فیکری و ادبی مکتبلر او جومله-دن کلاسیک، رمانتیسیسم، مدرنیسم و ... سبب اولموشلار شعیر حیطه سینده یار_یاراشیقلار متنین ایچ قاتینی آلچالدیب و فاسد ائتسین. بو ایدئولوژی باخیشلاردیر شعیره گوج و فلسفه باغیشلاسین.
بونو آرتیق دئمه لییم 50 ایلدن آزدیر مودرن و پوست_مودرن شعیری دیللره دوشموشدور. منجه بئله مکتبسل اثرلر ایکی نظریه "هئرمنوتیک" و "فورمالیسم" اوستونده سؤز آچیب و گئدیر.
هئرمنوتیک، تاویل، تفسیر و گئنیشلنمه دن دانیشیر متنین قات_با_قاتیندا. بو جریانین باشچی و لیدئرلری "شیلایئر ماخئر"و "دیلتای" کیمی شخصیتلرایدیلر کی 19نجو و 20ینجی عصیرینده یاشامیشلار . شیلایئر ماخر هئرمنوتیک اثرلره رغمن دئییر؛ بیر معنا کی متن ایچره وار او معنا دئییلکی شاعیرین یوخسا مؤلفین ذهنیتینده گئدن معنادیر.
آمما بو آرادا "گادامئر" هئرمنوتیکانین تئوریسیه-نی هر جور معنانی "متن"ده نفی ائدیب، دانارکن دئییر؛ متنه اویار معنا و دوشونجه لری یالنیز اوخوجو و مخاطبی بیلیب

و باشا دوشه بیلر و بوردا هئچ بیر تاویله، یوروملانماغا و آچیقلاماغا احتیاجی یوخدور .

#کامیل_قهرمان_اوغلو

https://t.me/Adabiyyatsevanlar

کامیل قهرمان اوغلو

چاغداش غزل

زارییئر بورچالی نیسگیللی بیر اولدوز یاراسی
سو وئریر آه... قاراباغ دردیمی سولدوز یاراسی

سؤکولوب بوردا مزارلار اؤلولر عوریاندی
و... جسدلر بیری باشسیز بیری قولسوز، یاراسی

دده قورقود یئنه دسمال چکیب آغلاردی آهئیی...
تئللرین یولمادا قالمیشدی قارا ساز یاراسی

بیر آنا منده اوچ ایلدیر گؤوریر دار آغاجی
بو گئجه مدیر داريخیر قاسناقی گوندوز یاراسی

4 یوز اون مین یارا گؤز_گؤز گول آچیب بیر یاراما
هارا واردیر هارا سئل_سئل بيته، سونسوز یاراسی

بیر قادین واردی سامانلا هؤرور آغ ساچلارینی
علی عابباس یاراسین، سئودالی نرگیز یاراسی

یارامی ساخلا قیامتده گرکدیر دانیشا
21 ایللری گؤينتمده سؤز_سؤز یاراسی

1388/7/4

https://t.me/Adabiyyatsevanlar

"نصرت کسمنلی"

حسرت اؤره ییمی اؤشودور منیم
باری خبر گؤندر بیلیم نئجه سن؟
چاغیر قانادلانیب یانینا گلیم
بیلیم کی آی عؤمروم گونوم نئجه سن؟
آرایا گؤر نئچه دره داغ دؤشوب
قیسمته حسرتلی یاشاماق دؤشوب
بیزه سئوه سئوه آیریلماق دؤشوب
هارداسان آی نازلی یاریم نئجه سن؟
بو یاغیش اوردا دا بئله جه یاغیر
چوخالیر کده ریم هر گئجه دوغور
آدیمی بیر دفعه اوجادان چاغیر
یویوروب یانینا گلیم نئجه سن؟
بولاقلار یانغینی سؤندورن دئییل
لال قایا دردینی دیندیرن دئییل
آخی،حسرت سنی اؤلدورن دئییل
گلیم،قوجاغیندا اؤلوم،نئجه سن؟

https://t.me/Adabiyyatsevanlar