بو چمنلرده گزیر واقیفین شوخ گوزلی
روحونو بوردان آلیر ناتوانین غزلی

https://t.me/Adabiyyatsevanlar

علی طالبی قایاباشی ( کوُورک علی )
« قویا بیلمزسن »

یوز دَنیز باغلاییب ، گورشاد توکه سَن
منی اوره ییندن یویا بیلمَز سَن
مَنسیز هر ساعاتین سئوینج گَتیرسه
او مَنلی گونلردن دویا بیلمزسَن


ائله سانما سَنسیز باشیم قاریشیب
سئوینجیم تالانیب ، یانیب - آلیشیب
عِشقین اوره ییمه ائله یاپیشیب
کِئچسه ده یوز ایل لر سویا بیلمز سَن


سَنسیز گونلریمدن دویاجاغام من
" کؤورک " اوره ییمی اویاجاغام من
آدینی قیزیما قویاجاغام من
آدیمی اوغلونا قویا بیلمز سن


https://t.me/Adabiyyatsevanlar

من سنین بیمارینام اوزگه داوانی نئینرم ...
اوخویور عالیم قاسیم اوف

https://t.me/Adabiyyatsevanlar

📄 سوغولجان
🖊️ ع. ن «چاپار»


پالچیقدان بیر کوره دوزه لتدیم.
یئرکوره سی تک.
اوستونده دئدیم کی،
رسم ائده جه یم -
پلانئتمیزی !

کئشَلسین،
قوروسون،
داش اولسون - دئیه،
قویدوم باغچامیزدا
اونو، بیرصاباح.
جنایت ائیله دیم -
کبیره گوناه ...!

بیرساعات گئچمه دن،
یامان اویوخدوم.
اینانا بیلمه دیم گؤزلریمه ده،
سوغولجان قوردوندان ...!

سوغولجان قوردلاردان
آمان
الآمان
دلیک - دئشیک اولدو
او کوره م یامان ....

باخ
بو دور
یئر آلتدان یاسا گئدن قورد
دلی شیطان دئییر :
- توت، اونلاری قوروت.
اوغ
توز ائت
سوندا،
پالچیغیندان-
سن اؤز کوره نی،
سوواق سال.

اؤز پلانئتینین
قیصاصینی آل ....! .

🏵️🌼🏵️🌼🏵️🌼🏵️🌼🏵️

https://t.me/Adabiyyatsevanlar

"داغ آغلادی"
✍سحرخیاوی

شافاق اللشمیشدی.گونش باتاق یئرینده کوره کیمی قیزاریردی. گونَشین اطرافیندا آغ بولودلار شهیدلر کفنی کیمی آل قانا بویانمیشدیلار.بالا-بالا آرانا قارانلیق چؤکوردو.
چؤللوکون سوکوتو و بو حوزونلو منظره‌لر اونو یئنه درین فیکیره دالدیرمیشدی.داغ کیمی داغلیغیندا اوره‌یی پارتلاییردی.

شَنلی،شانلی کئچمیشینه فیکیرلَشیردی.
قارلی- قیروولو قوینو سازلی-سؤزلو آشیقلارین اویلاقی اولدوغو چاغلارینا.
شاعیرلر وصفینده شعرلر قوشدوغو چاغلارینا.
گور شلاله‌لر،چشمه‌لر دؤشوندن آخدیغدا، نارین گوللر چیمنلر گؤوده‌لرینی سَپ-سَرین سودا یووندا نئجه ده اوره‌گی سئوینجیله دولوب فَرَحلَنَردی.سَرین مئه اَسَنده گوللر-چیمنلر ساچلارینی دارایارکن، گنج قیزلار کیمی اَییلیب سودا اوزلرینه باخیب شئلله‌نردیلر.
گؤی چیمنلی،طراوتلی اَتَگینده قویون-قوزو اوتلارکن،گنج چوبان نئی چالیب، "ساری گلین"ماهنیسی اوخویاردی.او دا سسی عکس ائدرکن چوبانی جاوابلایاردی.
آل الوان گئیینمیش قیز-گلین‌لر اینجه خینالی بارماقلاری ایله،آغ-آپ آغ اللریله
اتگیندن نانه-یارپیز و ساییره چؤل تره‌لری درردیلر.دیل آلتی دا ماهنی میزیلداناردیلار.

اوجالیقلاری آسلانلارین یاتاقی،جئیرانلارین گزمک یئری ایدی.

اؤزو ده بیلمیردی لاپدان نئجه اولدو؟!
یام-یاشیل اَتَگینده،آیین-شایین اوتلایان قویون-قوزولارین یئرینه، قوزقونلار،کافتارلار لئش یئیه-یئیه دانس ائدیردیلر.
قارتاللار فیرلانان ذیروه‌سینده، قاپ-قارا قارقالار شینه‌ییب اونا دیش آغاردیردیلار.
ائله دَرین بیر آه چکدی،ایچینده کؤزه‌رن وولقان داشلاری چاخناشدیلار.
آه....آه...دردین آلیم خان آراز، بیر دردیمی قان آراز:
"نه یامان گونه قالدین سن، قدمعلی سندن قودوغلا کئچدی.
نه یامان گونه قالدیم من، اتگیمده کافتارلار اویناشدی،ذیروه‌مه قوزقونلار ساتاشدی".
سونرا گؤزلریندن پیریم-پیریم یاش تؤکولدوسه ده آخشام چاغی‌نین شاختاسیندا اوزونده بوز باغلادی،اوره‌یینین کؤزونو هئچ سویوتمادی. اوجا قامتلی چینارلاردان
باشقا هئچ کیمسه گؤرمه‌دی او آخشام داغ آغلادی...داغ آغلادی..‌.

https://t.me/Adabiyyatsevanlar

اوشاق ادبیاتی
اوشاق ادبیاتی هر هفته پنجشنبه گونو ادبیات سئونلر کانالیندا .
اوشاق ادبیاتینا دایر یازیلارینیزی بیزه گوندرین .

https://t.me/Adabiyyatsevanlar

اوشاق ادبیاتی

۲۴ساعات یوخو و اویاقلیق
یازار صمد بهرنگی
چئویریب حاضیرلایان ویدا حشمتی

ماحمود دئدی:
-گلین آلتی نفره تاس اوینایاق.
منیم دؤرد قیرانیم وار ایدی. قاسیم دئمه‌دی نئچه‌سی وار. او ایکی یولداش دا بئش قیران قویدولار. بیراز آشاغیلیق‌دا بیر باغلی توکانین قاباغینا ییغیشدیق. اویونو باشلاماق اوچون پوشک آتدیق. اوّل پوشک زیورین اوغلونا چیخدی. تاس تؤکدو، آلتی گلدی. زیورین اوغلوندان بیر قیران آلدی. گئنه تاس تؤکدو، ایکی گلدی. تاسی ماحمودا وئردی. ماحمود دؤرد گتیردی. ایکی قیران قاسیم‌دان آلیب سئوینه-سئوینه اللرینی آووشدوروب، دئدی:
-آللاه برکت وئرسین.
بئله‌لیکله ایکی-ایکی‌ تاس آتیب، اویناییردیق.
ساغ الدن ایکی نفر ساهمان گئیینمیش جاوان اوغلان گلیردیلر. احمد حسین قاباقلارینا قاچیب یالوارا-یالوارا دئدی:
-نه اولار بیر قیران وئر دا.... سنی آللاه...‌بیر قیران با بیر قیران!...
اوغلانلارین بیری اونو ایته‌له‌دی. احمدحسین گئنه قاباقلارینا قاچیب یالواردی:
-نه اولار بیر قیران وئر دا.... بیر قیران نمنه‌دی؟ وئر دا...سنی آللاه وئر...
بو یازینین آردینی ادبیات سئونلر کانالیندا اوخویون .
https://t.me/Adabiyyatsevanlar

اوشاق ادبیاتی

۲۴ساعات یوخو و اویاقلیق
یازار صمد بهرنگی
چئویریب حاضیرلایان ویدا حشمتی

ماحمود دئدی:
-گلین آلتی نفره تاس اوینایاق.
منیم دؤرد قیرانیم وار ایدی. قاسیم دئمه‌دی نئچه‌سی وار. او ایکی یولداش دا بئش قیران قویدولار. بیراز آشاغیلیق‌دا بیر باغلی توکانین قاباغینا ییغیشدیق. اویونو باشلاماق اوچون پوشک آتدیق. اوّل پوشک زیورین اوغلونا چیخدی. تاس تؤکدو، آلتی گلدی. زیورین اوغلوندان بیر قیران آلدی. گئنه تاس تؤکدو، ایکی گلدی. تاسی ماحمودا وئردی. ماحمود دؤرد گتیردی. ایکی قیران قاسیم‌دان آلیب سئوینه-سئوینه اللرینی آووشدوروب، دئدی:
-آللاه برکت وئرسین.
بئله‌لیکله ایکی-ایکی‌ تاس آتیب، اویناییردیق.
ساغ الدن ایکی نفر ساهمان گئیینمیش جاوان اوغلان گلیردیلر. احمد حسین قاباقلارینا قاچیب یالوارا-یالوارا دئدی:
-نه اولار بیر قیران وئر دا.... سنی آللاه...‌بیر قیران با بیر قیران!...
اوغلانلارین بیری اونو ایته‌له‌دی. احمدحسین گئنه قاباقلارینا قاچیب یالواردی:
-نه اولار بیر قیران وئر دا.... بیر قیران نمنه‌دی؟ وئر دا...سنی آللاه وئر...
جاوان اوغلانلارین بیری احمدحسین‌ین پئیسریندن یاپیشیب، قارنی اوسته خییاوان قیراغینداکی نرده‌لرین اوستونه قویدو. قیشلاری بیزه ساری باشی خییاوانا طرف قالمیشدی. احمدحسین ال-آیاق چالیب، چابالیردی. آیاقلاری زورلا یئره چاتدی. ائله اوردا قنونون قیراغیندا دایانیب، قالدی. رنگلی دون گئیمیش ایکی قیز بیر اوغلان گوله-کوله گلیردیلر. احمدحسین قاباقلارینا قاچیب، گئنه یالوارماغا باشلادی:
-خانیم سنی آللاه... نه اولار بیر قیران وئر دا....آجیمدان اؤلورم... سنی آللاه رحمین گلسین...
قیز سایمادی. احمدحسین گئنه سیریش اولدو. قیز کیفیندن پول چیخاردیب اونون اوووجونا قویدو. احمدحسین سئوینجک گلیب، دئدی:
-چکیلین گؤروم من ده تاس تؤکورم.
زیورین اوغلو دئدی:
-هانی پولون؟
احمدحسین آووجونو آچیب، ایکی قیرانلیغی گؤرسه‌تدی.
قاسیم دئدی:
گئده گئنه یولچلوق(دیلنچی‌لیک) ائله‌دین؟
ایسته‌دی احمدحسینی وورسون آما ماحمود قویمادی. احمدحسین اؤزونه یئر آچیب، اوتوردو. من آیاغا دوروب، دئدیم:
-من یولچولارینان اوینامارام.
قاسیم دئدی:
-لطیف گئنه اویونو قاتما گؤروم. گلین گؤرک کیم تؤکور تاسی.
گؤزو کور دئدی:
-ائله اؤزون تؤک. بیز دووار دیبی اویناریق.
زیورین اوغلو دئدی:
-بونلارینان اویناماغین فایداسی یوخدو. ائله بئش-آلتی گتیریرلر. گلین شئر من خط اوینایاق.
احمدحسین دئدی:
-دوز دئییر
ماحمود دئدی:
-یوخ، دووار دیبی اویناریق.
خییاوان خلوت‌له‌‌شیردی. قارشیدا کی دوکانلارین نئچه‌سی باغلامیشدی. اویونو باشلاماغا گؤره، قنو قیراغیندان هره بیرقیران دووار دیبینه ساری آتدی. هله پوللار دووار دیبینده ایدی کی احمدحسین باغیردی:
-آژان!...

بیر آژان الینده باتون‌لا یاخینلاشیردی. ایکی قدم قالمیشدی بیزه چاتسین. من، احمدحسین و گؤزو کور تو دابانا قاچدیق. ماحمود لا زیورین اوغلو دا بیزیم آرخامیزدا قاچیردیلار. قاسیم پوللاری ییغماغا چالیشیرکن آژانلار یئتیشدیلر. باتون ضربه‌سیندن قاسیمین هایی چیخمیشدی. آژان دالیسی‌جا هارایلادی:
- دارغاشاییردلار، قوماربازلار!...سیزین ائو-ائشیییز یوخدو؟...دده-ننه‌ز یوخدو؟...
سونرا بیرقیرانلیقلاری گؤتوروب، گئتدی.
تک باشیما خییاواندان رد اولوب، قالدیم. قارشیداکی چیلو- کابابچی باغلامیشدی. چوخ یوبانمیشدیم. چیلو-کابابچی‌نین شاییردی دمیر قاپینی یارییا‌ کیمی باغلایاندا، آتامین یانینا گئتمک واختی اولاردی. خییاوانلاردان تله‌سیک کئچیردیم. اؤز-اؤزومه دئییردیم: حتما آتام باشینی آتیب، یاتیب. کئشکه منی گؤزله‌یه‌یدی. دای ایندی باشین قویوب یاتیب. گئنه اؤزومه دئدیم: گؤره‌سن اویونچاق دوکانی باغلادی؟ حتما او دا باغلاییب، گئدیب. گئجه‌نین بو واختی کیم اویونچاق آلاجاق کی؟... حتما منیم او دوه‌می ده باسیب دوکانین ایچینه...کئشکه دوه‌م‌‌له دانیشا بیله‌یدیم... قورخورام دونن دانیشدیقلاریمیز یادیندان چیخسین...گلمه‌سه نئجه اولار؟...یوخ حتما گله‌جک...اؤزو دئدی بیرلیکده تهرانی گزه‌ریک...دوه‌اوستونده گزمه‌یین ده باشقا صفاسی وار هاا.....
بیردن تورموز سسی گلدی. من گؤیه آتیلدیم. بئله‌بیلدیم داها تشریف آپارمالی اولدوم. خییاوانین آراسینا دوشودویومده، ماشین‌لا تصادف ائتدیییمی آنلادیم. آما هئچ ذات اولمامیشدی. بیله‌گیمی اوووشدوروردوم. بیردن بیری پنجره‌دن باشینی چیخاردیب، های باسدی:
-جهنم اول ماشینین قاباغیندان. مجسمه‌سن؟....ایتیل گؤروم....
من اؤزومه گلدیم. بزه‌کلی، قوجا آرواد فرمان دالیسیندا اوتورموشدو. یئکه بیر ایت ده یانیندا چؤمبه‌لمیشدی، ائشییی گودوردو. بوینونداکی کمسییی(قلاده) پار-پار پاریلداییردی. بیردن حالیم خاراب اولدو. دئدیم ایندی بو ماشینین جامینی سیندیرماسام، حیرصدن پاتلایاجاغام. قوجا آرواد ایکی سئری سیقنال چالیب، باغیریدی:
- دی جهنم اول گؤروم. کارسان اوشاق؟...
ماشینلار گلیب، کئچیردیلر. قوجا آرواد

باشینی پنجره‌دن چیخاردیردی، منه بیر سؤز دئسین. ماجال وئرمه‌دیم، بیر ایکی سؤیوش دئییب، اوزونه توپوردوم. سونرا یئیین اوزاقلاشدیم. بیراز یول گئتدیکدن سونرا بیر دوکانین سککی‌سینده اوتوردوم. اوره‌ییم گومب-گومب ووروردو.
دوکانین باجا-باجا قاپیسیندان، ایچری‌نین ایشیغی، ائشییه دوشموشدو. جور به جور باشماقلار جامین آرخاسیندا دوزولموشدولر. بیر سئری آتام دئدی بیز اون گون ایشله‌سک، گئنه بونلارین بیر جوتونو آلا بیلمه‌ریک.
باشیمی قاپییا دایاییب، قیشلاریمی اوزالتدیم. بیله‌گیم هله ده آغریردی. اوره‌ییم گئدیردی، یادیما دوشدو هله چؤرک یئمه‌میشم. اؤز-اؤزومه دئدیم کئشکه آتام بیر شئیلر ساخلایا، یوخسا گئجه آج یاتمالییام. بیردن دوه‌نین بو گئجه گلیب، منی دولاندیراجاغی یادیما دوشدو. یئریمدن دیک داشلانیب، یولا دوشدوم. اویونچاق دوکانی باغلی ایدی آما ایچری‌دن های-کوی سسی گلیردی. یوک قاطاری تاققا-توق‌لا گئدیردی، فیشقاسینین دا سسی گلیردی. قارا، یئکه آیی سانکی موسلسل‌ین آرخاسیندا اؤتورموش، قورشون آتیب، گؤزل-گؤیچک قولچاقلاری قورخوردوردو. مئیمونلار بیر بوجاقدان بیر بوجاغا آتیلیب، دوشوب، هردن ده دوه‌نین قویروغوندان آسلانیردیلار. دوه‌ حیرصله‌نیب، اونلاری یامانلاییردی. اوزون قولاقلی ائششک دیشلرینی قیجیردادیب، آنقیریردی.

آیی بالالاری‌یلا قولچاقلاری دالیسینا میندیریب، شیللاغا قالخیردی. دوه دووار ساعاتینین تیک-تاکینا قولاق یاتیرتمیشدی. بئله‌بیله‌سن بیرینه وعده وئریبدیر. طیّاره‌لر، هئلی‌کوپتئرلر گؤیده دولانیردیلار. توسباغالار باشلارینی قینلارینا سوخوب، گزیردیلر. قانجیق ایتلر، کوچوکلرینی امیشدیریردیلر. پیشیک آستاجا سله‌نین آلتیندان یومورتالاری چیخاردیردی. دووشانلار قارشیداکی رفین اوستونده‌ اوتورموشدولار و آوچی کیشیه چاشقین-چاشقین باخیردیلار. قارا مئیمون، منیم جام آرخاسینداکی دوداق‌قارمونومو یوغون دوداقلارینا سوزتوب، جور به جور قشح سسلر چیخاردیردی. اوتوبوسلار لا ماشینلار قولچاقلاری میندیریب، دولاندیریردیلار. تانگ‌لار، توفنگلر، تاپانچالار، موسلسل‌لر قورشون آتیردیلار. دووشان بالالاری گولرکن آغیزلاری قولاقلارینا دایانمیشدی. یئرکؤکونو اللرینده توتوب، چئینه‌ییردیلر. هامیدان بتر اؤزومون دوه‌م‌ ایدی. او ایسته‌سه‌یدی ترپنسین، هرشئی داغیلاردی. یئکه‌لیکدن جامین دالی‌سیندا یئرلشمه‌ییردی. بوتون گون دوکانین قاباغیندا دوروب، گئدیب، گلنلره باخیردی. ایندی ده دوکانین اورتاسیندا دورموشدو و زینقیرووونو جیرینق-جیرینق سسلندیریردی. ساققیز چئینه‌ییب، قولاغینی ساعاتین سسینه یاتیرتمیشدی. بیر سورو آغ آپ آغ دوه‌بالاسی رفده سس سالیب، دئییردیلر:
-ننه!... خییاوانا گئتسن بیز ده سن ایله گله‌جه‌ییک.
ایسته‌دیم دوه‌مله ایکی کلمه دانیشام، آما هرنه باغیردیم سسیمی ائشیتمه‌دی. چاراسیز قالیب، قاپی‌یا بیر-ایکی تپیک ووردوم. دئدیم بلکه باشقالاری سسدن دوشرلر آما بیردن بیری قولاغیمدان یاپیشدی. دئدی:
-دلی اولوبسان؟ گل، چیخ گئت، یات.
داها دورماق یئری دئییلدی. تو دابانا قوت قاچیب، اؤزومو آژانین الیندن قورتاردیم...

https://t.me/Adabiyyatsevanlar

اوشاق ادبیاتی
ایستیرسن دیلین، ائلین یاشاسین موسیقینی قورو .

اوشاق ادبیاتی هر هفته پنجشنبه گونو ادبیات سئونلر کانالیندا .
اوشاق ادبیاتینا دایر یازیلارینیزی بیزه گوندرین .



https://t.me/Adabiyyatsevanlar

اوشاق ادبیاتی

دوکتور مرتضی مجد فر

⬅️⬅️ آغ ایله قارانین کنتراستی ➡️➡️


⏺ بو گون ایکی حئکایه‌جیک اوخویاجاقسیز. حئکایه‌جیک تورکجه‌ده "داستانک" ه دئییلیر. بو حئکایه‌لر ایکی روایتده یازیلیب. حئکایه‌جیک‌لری دوردونجو صینیفدن سکگیزینجی کیلاسا قدر اوشاقلارلا ایشله‌یه بیلرسینیز.‌ حئکایه‌جیک‌لردن اوخوماق قابلیتینی یوکسلتمکده، فلسفی باخیشلاری گوجلندیرمکده و کرونا حاققیندا اوشاقلار آراسیندا بحث یاراتماقدا فایدالانا بیلرسینیز.🔰

⭕️ بیرینجی روایت

بویوک‌ قارقا، قارا اوزو و دیمدییینین‌ اوستونه ووردوغو آغ ماسکی، قانادلاری ایله دوزلده‌رک، او بیریسی بالاجا و آز یاشلی اولان قارقایا دئدی:" نه دن سن ماسک وورمامیسان؟!"
بالا قارقا: " تکجه قورخاقلار ماسک وورارلار"، دئدی.
بویوک قورقا جاواب اولاراق، دئدی:"آنجاق منی یوز ایل قاباق اولومدن قورتاران، ائله بو‌ ماسک اولدو. او زامان ایندی کی کیمی دئییل‌دی. ماسک‌لاری اویان- بویاندان تاپان آغ پارچالارلا دوزلدیردیک. ائله ایندی کی کیمی ده گورکمی چوخ گوزل اولوردو: آغ ماسک‌ ایله قارا قارقالارین بیرلشمه‌سی!"
بالا قارقا، حیرصله سوروشدو:" یوز ایل قاباق؟! اوندا سن وار ایدین‌می؟!"
بویوک ‌قارقا دئدی:" پس نئجه کی وار ایدیم... بیرینجی دونیا محاربه‌سی ایللرینده، هر یئری بوروین آنفلوانزا ناخوشلوغونو دئییرم. تخمینا یوز ایل کئچیر او زاماندان!"
بالا قارقا، یئنه حیرصله‌نه‌رک دئدی:"آخی سن نئجه وار ایدین او زامان؟ نئچه یاشین وارمی سنین مگر؟!"
بویوک قارقا، کیچیک قارقانی اونا ساری گلدییینه گوره، هده‌له‌یه‌رک، دئدی:" بیر آز علمی کیتاب اوخو جاوان دوستوم! قارقالار ایکی یوز ایله یاخین عومور سورورلر. منیم ایندی یوز اوتوز بئش یاشیم واردیر. بیز تجربه‌لریمیزله یاشاییریق! ماسکین یوخدورسا، وئریم خدمتینیزه؟!"

⭕️ ایکینجی روایت

بالاجا قارقا، قارا اوزو و بوتون دیمدییینین اوستونو، آغ ماسک ایله بورویه‌ره‌ک، ایکی آیاقلاری‌ ایله هوپبولا- هوپبولا، آستا - آستا پارکدا بویاندان، اویانا اوچان بویوک قارقایا دئدی:" نه دن سن ماسک وورمامیسان؟!"
بویوک قارقا جاواب اولاراق، دئدی:"آللاه رحمتینه گئدن آتامدان ائشیتدیییمه گوره، ایندی من ۱۳۵ یاشیندا اولمالییام!"
بالا قارقا، حیرصله دئدی:" یاخشی؟ نئیله‌یک ایندی؟ بونون ماسک ووروب، وورماماغا نه دخلی وار؟!"
بویوک قارقا، اوزه‌ل بیر غرورلا دئدی:" ائشیتمه‌میسن قارقالار ۲۰۰ ایل عومور سورورلر؟ پس بئله‌لیکله منیم ۱۳۵ یاشا چاتدیغیمین معناسی بو دور کی من بیرینجی دونیا محاربه‌سی ایللرینده، بوتون دونیانی بوروین آنفلوانزا ناخوشلوغونو گوررکن، ماسک وورمادان و قانادلاریمی مرتب اولاراق سو و صابین‌لا یومادان‌، دیری قالمیشام!"
بالا قارقا دئدی:" سیز قوجا قارقالارین الیندن هارایا قاچمالییق؟ هاردان بللی دیرسنین ۱۳۵ یاشین وار؟! عزیزیم! قوجامانیم‌! بیر نئچه یئنی کیتاب اوخو، تدقیق‌لره ده بیر باش وور‌‌. قارقالارین D.N.A لری‌نین اوستونده آپاریلان یئنی تدقیق‌لر اساسیندا، قارقالار لاپ چوخو ۲۵ یا خود ۳۰ ایل عومور ائدیرلر. بئله‌لیکله منیم آلتی یاشیم اولسا، سنین‌ ده داش چاتلاسا، لاپ چوخو ۲۵ یاشین اولاجاقدیر عزیزیم! داها قارقالارین ۲۰۰ ایل یاشادیقلاری، افسانه کیمی بیر زاددیر... ماسکینیز یوخدورسا، وئریم خدمتیینیزه؟!"

https://t.me/Adabiyyatsevanlar

اوشاق ادبیاتی
کیتاب تانیتیمی
کیچیک چوپان


🖊 یازار: کمال سید
✏️ آذربایجان تورکجه سینده چئویرن: علی نوروش
✳️ نشر: آناس
🖇 بولوم: اوشاق
📗 بیچیم: وزیری/12 صفحه/ شومیز
🛑 دیل: تورکجه
💰 قیمت: 7،500 تومن


بو کیتابی سیفارش وئرمک اوچون آشاغیداکی آیدی ایله ایلگی قورون.

🆔@tohid_ur
@onlinekitabci

https://t.me/Adabiyyatsevanlar

اوشاق ادبیاتی

اولدوزلا قارغالار
یازار: صمد بهرنگی
چئویرن: منیژه جم‌نژاد

اونونجو بولوم:
🌥 قایغی و پوزونتو گونلری
🍂 آجلیق، قورخو

اولدوز یاتاقدان چیخدی. اؤگئی‌ننه‌نین آلنینین یاراسی تئز دوزلدی، آما اولدوزون باشینین یاراسی چوخ چکدی. اؤگئی‌ننه‌نین داورانیشی یئنه دئیشیلمیشدیر. قاباقلاردان‌دا بتر اولدوزوا ساواشیردی. اولدوزون دیشلرینین یئری بودوندا بللییدی. قارغابَیین دورومو چوخ پیس اولموشدو. همیشه آجلیق چکیردی. اولدوز هرنه چالیشیردی، اونون یئمک ایچمه‌یینی واقتیندا وئره بیلمیردی. قارا ایت دورد گوزلو هر یئری گودوردو. یاد سسلره هورودو. اولدوز و قارغابَیین تکجه اومودو یاشاریدی. یاشار یاردیم ائدنده ایشلر دوزلیردی. آما اونا نئجه خبر وئرمه‌یی بیلمیردیلر. اولدوز ایتین قورخوسوندان داما دا گئتمیردی. دئمک، گئدنمیردی. قارا ایت ماجال وئرمیردی. های کوی سالیردی. قاپماق امکانی دا واریدی. همیشه حیطی دولانیب ایی چکیردی. یاشارین ننه‌سی گاهدان اولارین ائوینه گلیردی. آما اونادا بیر سوز دئمک اولماییردی. اؤگئی‌ننه‌نین ساغ الی اولدوغو نه معلوم؟ ...
بو یازینین آردینی ادبیات سئونلر کانالیندا اوخویون .
https://t.me/Adabiyyatsevanlar

اوشاق ادبیاتی
کارتن
دوشانین یوخوسو ...

اوشاق ادبیاتی هر هفته پنجشنبه گونو ادبیات سئونلر کانالیندا .
اوشاق ادبیاتینا دایر یازیلارینیزی بیزه گوندرین .

https://t.me/Adabiyyatsevanlar

اوشاق ادبیاتی

اولدوزلا قارغالار
یازار: صمد بهرنگی
چئویرن: منیژه جم‌نژاد

اونونجو بولوم:
🌥 قایغی و پوزونتو گونلری
🍂 آجلیق، قورخو

اولدوز یاتاقدان چیخدی. اؤگئی‌ننه‌نین آلنینین یاراسی تئز دوزلدی، آما اولدوزون باشینین یاراسی چوخ چکدی. اؤگئی‌ننه‌نین داورانیشی یئنه دئیشیلمیشدیر. قاباقلاردان‌دا بتر اولدوزوا ساواشیردی. اولدوزون دیشلرینین یئری بودوندا بللییدی. قارغابَیین دورومو چوخ پیس اولموشدو. همیشه آجلیق چکیردی. اولدوز هرنه چالیشیردی، اونون یئمک ایچمه‌یینی واقتیندا وئره بیلمیردی. قارا ایت دورد گوزلو هر یئری گودوردو. یاد سسلره هورودو. اولدوز و قارغابَیین تکجه اومودو یاشاریدی. یاشار یاردیم ائدنده ایشلر دوزلیردی. آما اونا نئجه خبر وئرمه‌یی بیلمیردیلر. اولدوز ایتین قورخوسوندان داما دا گئتمیردی. دئمک، گئدنمیردی. قارا ایت ماجال وئرمیردی. های کوی سالیردی. قاپماق امکانی دا واریدی. همیشه حیطی دولانیب ایی چکیردی. یاشارین ننه‌سی گاهدان اولارین ائوینه گلیردی. آما اونادا بیر سوز دئمک اولماییردی. اؤگئی‌ننه‌نین ساغ الی اولدوغو نه معلوم؟ بو دوور زامانین آداملارینا تئز گوونمک اولماییر. بیرده اؤگئی‌ننه اولدوزو کیمسه‌یله تک قویماییردی. گونلر دال‌بادال کئچدیلر. بئش گون قایغی و پوزونتویلا کئچدی. بیرگون فورصت قالدی. اولدوز بیلیردی بوگون گرک قارغا‌بَیی اوچورتسون. یوخسا اوله‌جک. آما نئجه اوچورتماسینی بیلمیردی. آخیردا یاشاری گورمه‌یه بیر فورصت دوشدو. اوگون اؤگئی‌ننه تویا گئتمک ایسته‌ییردی. اولدوز دئدی: مامان من ایتدن قورخورام. ائوده تک قالا بیلمرم. اؤگئی‌ننه قاش قاباقلی، الیندن یاپیشیب، آپاریب، یاشارین ننه‌سینه تاپشیردی. اولدوز اوره‌کدن سئوینیردی. یاشاری ائوده گورمه‌دی. ننه‌سیندن سوروشدو: به یاشار هاردا؟ ننه‌سی دئدی: مدرسه‌یه گئدیب. دونندن مدرسه‌لر آچیلیب. اولدوز اوتوروب یاشاری گوزله‌دی.

https://t.me/Adabiyyatsevanlar

اوشاق ادبیاتی
اوشاق ادبیاتی هر هفته پنجشنبه گونو ادبیات سئونلر کانالیندا .
اوشاق ادبیاتینا دایر یازیلارینیزی بیزه گوندرین .

https://t.me/Adabiyyatsevanlar

اوشاق ادبیاتی
اویونلار

مره
اوشاق‌لار حالای گلمک شرطی ایله ایکی دستیه آیریلیر‌لار. اویون ایشتیراکچی‌لاری
اوزلرینه گیز‌لی آد قویوب, ایکی-ایکی گلیب موللا‌لارین (باشچی‌لارین)
قارشی‌سیندا دورور‌لار:
- حالای, حالای!
موللا‌لار دئیر‌لر:
- حالدیخ, قیلدیخ.
اوشاق‌لار‌دان بیری دئیر:
- کیمه چای‌لار قورو‌دان, کیمه داغ‌لار داغی‌دان.
موللا‌لار‌دان بیری جاواب وئرر:
- منه داغ‌لار داغی‌دان.
اوزونه شرطی اولاراق “داغ‌لار داغی‌دان” آدی قویان اوشاق بیر موللایا,
“چای‌لار قورو‌دان” دا او بیریسینه دوشور.
بو مینواللا اوشاق‌لار ایکی یئره آیریلیر‌لار. ئوزاقدا بیر داش نیشان قویور‌لار.
هر دسته‌دن بیری قاچیر. کیم تئز گئدیب الینی داشا وورار و موللاسینین
یانینا تئز قاییدارسا, قلبه چالار. کیم گئری قالسا, باشی قاپازلانیب
سیرا‌دان چیخاری‌لار.

 https://t.me/Adabiyyatsevanlar

اوشاق ادبیاتی
ایلانین ناغیلی
سسلندیرن : فاطمه محمودی .

https://t.me/Adabiyyatsevanlar

خان صنم هاشم زاده

داها داریخمیرام کئچن گون لره
من سنسیز دئییلم منده سن هر آن
سئویلمک عینادین قویموشام یئره
نه قورخوم وارایندی نه شک نه گومان
من سنسیز دئییلم منده سن هر آن

گؤزمو قالیب یاغام؟ دوداق می گولم؟
یاددان چیخیرسان می باش قویام اؤلم؟
ائله سئومه دیم کی اونودا بیلم
بیرگون ایثبات ائلر سؤزومو زامان
من سنسیز دئییلم منده سن هر آن

یاخدین اوره ییمی ،داها دا بتر
سانیردیم یارا دیر، ساغالار، بیتر
ساغالمادی، آمما سن ساغ اول یئتر
گئت اوره یین هاردا ایسته ییر دولان
من سنسیز دئییلم منده سن هر آن

زامان بوش یئرینی چکیر اوزومه
بئله جه یاشاماق دوروب گؤزومه
آمما هئی دئییرم اؤزوم اؤزومه
الیم بوش اولسادا گؤزلریم دومان
من سنسیز دئییلم منده سن هر آن

بو سئوگی یول دئییل کاریخام، آزام
رسمه ده بنزه میر پیس اولسا پوزام
آخی شعیردیرمی یئنی سین یازام؟
بدنیمده جان دی داماریمدا قان
من سنسیز دئییلم منده سن هر آن

آرتیق سئومه ییرم اؤلموشم سنه
آنان دا سئوگیده چاتانماز منه
بیردونیا سئوه نین اولسادا، یئنه
صنم کیمی کیمسه سئونمز اینان
من سنسیز دئییلم منده سن هر آن


https://t.me/Adabiyyatsevanlar

«یعقوب_نیکزاد»

نه گلدی دئشدی قان آلمیش گؤزون ایلیق یارامی
گل! اللرین له بیتیشدیر یاریمچیلیق یارامی!

گؤزللییین گؤزه گیردیکجه گؤز دییر دنیزه
من اورمودا دوزا بوکدوم بالیق- بالیق یارامی

سسیمده چرله دی عشقیم، شافاق اوزون دیده رک
گونش قوروتمادی یولسوز، بو جومجولوق یارامی

یاناشما اؤزگه یه! سیندیرما شاققیمی بو قَدَر
زَهَر یاغیش دا قوپارتدی سولوق- سولوق یارامی

بو داغ و بو آغیر آغری یئره - گؤیه سیغیمیر
دیل آچدیریر غزلیمده قلم، لالیق یارامی

بو شووقریب قارا بختیم دانیبدی بر- بزه یین
گَـلین کؤکونده دولاندیرما چوخ قالیق یارامی!

بولود گؤی آت چاپیر اوستومده کیشنه ییر گئجه لر
آلوبدی قوینونا شاختا- قار، آلمالیق یارامی

تامارزی قالدی گؤزوم بیر گونش گلیب یئنی دن
یاریب چیخارتمادی آغرین قارانقولوق یارامی

اوف اوف اوفولدادیم ایللر بو تای دا حسرت ایله
آراز آریتمادی بیر یول دا، آیریلیق یارامی

آخی نئجه سیغینیم کؤلگه نیزده دالدالانیم؟
توخوندو، دئشدی قان آلمیش گؤزون ایلیق یارامی

https://t.me/Adabiyyatsevanlar

‏سرانه مطالعه در چند کشور جهان ...

https://t.me/Adabiyyatsevanlar