سحر خیاوی
فنارلار الینده گئجه قوشلاری
ذره بین گوءزونده کور بایقوشلاری
گون گون اورتا چاغی یوخ ایشیقلاری
نه گزیر شعریندن اوشودون شاعیر
*
گوءره سن قورخورلار بیر کسیک دیلدن؟!
گوءره سن قورخورلار ازیلمیش ائلدن؟!
یوخسا اوشه نیرلر کوکره ین سئلدن؟!
سن کی ائل غمینی داشیدین شاعیر
*
سوزوب گیله- گیله الندی سوءزون
جیزگی لر چکیلدی پوزولدو اوزون
باتوملار چکسه لر دئنه ن چک یوزون
سن کی گوءزدن آخان یاشیدین شاعیر
*
دونیا شان شوءهرتین آتدین باشیندان
دئدین: تانیناجاق اوزوک قاشیندان
همشه گئدیشدین اوءنجول یاشیندان
دئمه کی باشلارا داشیدین شاعیر

*
اوءپدون یارا- یارا وطن نیسگیلین
یازیلمامیش تاریخ اوءته ن نیسگیلین
روزگار قانادیندا گئده ن نیسگیلین
ساغالماز یارانی قاشیدین شاعیر

یازمادین کامان قاش بویالی گوءزدن
ساختا محبتدن جان آلان اوزدن
یازمادین دیه ری بیر شاهی سوءزدن
یوخسا سوءزلرینده چاشیدین شاعیر؟!
***
یوووخ... بو گون ساختالار مود اولماقدادیر
وورهاوور هرزه لر لود اولماقدادیر
دونیامیر هئچیله، دود اولماقدادیر
سن قورولارلا یانان یاشیدین شاعیر.
https://t.me/Adabiyyatsevanlar

اکتبرون 8 بین الخالق اوشاق گونو وطنیمیزین اوشاقلارینا خصوص ایله آذربایجانین بالالارینا قوتلو وموتلو اولسون .
https://t.me/Adabiyyatsevanlar

🔴🔴🔴🔴سایین کانالداشلار
بو گئجه 96/07/16ساعات 21/30دان ساعات 23 قدر دده قورقود بویلارین تانیمیش نظامی پژوه سر کار خانیم رضوان حاجی قاسملودان ائشیده جه ییک .عزیز دوستلاری سیجاق قاتیلماغا دعوت ائدیریک.
https://t.me/Adabiyyatsevanlar

همت شهبازی
آذربایجانین ایلک اوشاق شعری

آذربایجان ادبیاتیندا ایلک اوشاق شعر کیتابینی یازان 10.جو عصیر شاعیری اؤلمز «#محمد_فضولی»دیر. اونون بو حاقدا یازدیغی کیتابی‌نین آدی «#صحبت_الاثمار» (#مئیوه‌لرین_دانیشیغی)دیر.
بو کیتاب اصلینده تخمینن 200 بئیت‌دن عبارت اولان بیر مثنوی‌دیر. کیتاب، 1958.جی ایلده باکیدا «حمید آراسلی» طرفیندن یاییلیر. بو کیتاب، کامیل میرباقیروف طرفیندن نثره چئوریله‌رک اوشاقلار اوچون حاضیرلانیب و تبریزده 1376 هجری ده «#اسمر» نشریاتی طرفیندن یاییملانمیشدیر. اثرین اؤزونو بؤیوک‌لر اوچون یازیلماسینی دویوروق؛ آنجاق درین فیکیرلشدیکده، یئنی چاغدا «#جیزگی_فیلیم_لری» (فیلم‌های کارتونی)، تمثیلی بیچیمده اوشاقلار اوچون حاضیرلانماسینی گؤرنده، «صحبت‌الاثمار»ین دا اوشاقلار اوچون تمثیلی بیر دیل ایله یازیلدیغینی دویورسان. بونا گؤره آذربایجانین ایلک اوشاق شعری فضولی‌یه عایددیر.
شاعیر بو کیتابدا مئیوه‌لرین دیلی ایله، اؤز نصیحت‌آمیز سؤزلرینی دئییر و هر بیر مئیوه اؤزونون خاصیتیندن دانیشیر. شعرده مئیوه‌لرین خاراکتئری واردیر. فضولی مئیوه‌لرین خاصیت‌لرینه اویغون سؤزلردن فایدالانیر. شاعیرین بو توصیف‌لرینده بوتون مئیوه‌لر اؤزو اؤزلویونده تایسیزدیر. هئچ بیر مئیوه، باشقا مئیوه‌لرین یاخشی‌لیغینی گؤرمک ایسته‌میر و هر بیری اؤزونو یاخشی‌لارین اَن یاخشیسی بیلیر. سوندا باغا سیاحته چیخان آدام دا ائله اونلارین یاراتدیغی بو اویومسوز دونیالاریندان قاچماق فیکرینه دوشور. بو مئیوه‌لر آراسیندا هئچ بیر فیکیر و دویغو بیرلشمه‌سی یوخدور. اونلارین هر بیریسی‌نین داورانیشی «بوردا منم باغداد دا کور خلیفه» ضرب‌المثلینی یادا سالیر.

#یازی 1386.5.5 ده #دوشرگه وئبلاغیندا یاییملانمیشدیر.


قئیددن ‌سونرا:
#فضولی‌نین بو کیتابی سون اولاراق #بوتا یاییم‌ائوی طرفیندن ایشیق اوزو گؤرموشدو.
https://t.me/Adabiyyatsevanlar

دده قورقود بویلاری 96/07/16
دانیشیغی آپاران : کریم قربانزاده
داستان دئیین : رضوان حاجی قاسملو
https://t.me/Adabiyyatsevanlar

دده قورقود بویلاری
دانیشیر : رضوان حاجی قاسملو
https://t.me/Adabiyyatsevanlar

دده قوقود بویلاری
دانیشیر : رضوان حاجی قاسملو
https://t.me/Adabiyyatsevanlar

دده قورقود بویلاری
دانیشیر : رضوان حاجی قاسملو
https://t.me/Adabiyyatsevanlar

دده قورقود بویلاری
دانیشیر : رضوان حاجی قاسملو
https://t.me/Adabiyyatsevanlar

دده قوقود بویلاری 96/07/16
دانیشیر: رضوان حاجی قاسملو
https://t.me/Adabiyyatsevanlar

🔴🔴🔴🔴عزیز دوستلار
دده قورقود بویلارین ادبیات سئونلر کانالیندا ائشیدین
https://t.me/Adabiyyatsevanlar

نادر الهی

سوسموشام
سوسموشام آمما سینَه‌م طاقچاسی سازدان دولودور
سوسموشام … آمما گیلئی گؤیلوم آوازدان دولودور
من ائله غملی کی باغریمدا پاییز دالدالانیر
او ائله شاد کی باخیش باخچاسی یازدان دولودور
تانییا بیلمه‌میشم قیبله‌می‌… هیهات هیهات!
آمما گؤیلوم او مچیددیر کی نمازدان دولودور
باخیشیمدان بایاتی چیپجالانیر …. نئیله‌مَه‌لی
آنا باغریم سارادان بوشدو…. آرازدان دولودور
گؤز یاشیمدا هله ساغ سول خیالین چیممَه‌ده‌دیر
گؤز یاشیم بو قوروماز گُول هله قازدان دولودور
آه عدالت … آه عدالت … آه عدالت … یاندیم
هارداسان … گل کی سینه‌م طاقچاسی سازدان دولودو
https://t.me/Adabiyyatsevanlar

بیلیرسن می؟
جانسیز یاشاییشین اورتاسیندا
شعرلرین فاجیعه سیندن دویدوم!
چیمچه شیرم ایچی بوش قوتسالیقدان
بوی دئییر دونیانین بوتون پیسلیک لری
خیشیلدایان چیپلاق قزئتلرین صیفه لرینه سؤیکه نیرم
چارشابلی قادین تک_
یالنیز قارا تیترلره چاتیرام
گؤزللیک لر گؤزومه ساریلیر
داها یالان لاری ایچیمه سیغیشدیرانمیرام
بیر اوچوروم ایسته ییرم
قانادسیز اوچام
ایچیمدن اوزاقلارا!

معصوم

https://t.me/Adabiyyatsevanlar

🔴🔴🔴🔴سایین کانالداشلار
بوگئجه 96/07/18 ساعات 21/30 دا دونیا ادبیاتین 21اینجی عصرده ادبیاتیمیزین آدلیم‌

اوزمانی اوستاد دوکتور رحمانی دن ادبیات سئونلر کانالیندا ائشیدین .
https://t.me/Adabiyyatsevanlar

حمید آفتاب:
.

و تو می دانی

شعر

شرح دلتنگی مردی ست

که یک شب
بی تو

چمدانش را
بست

قایق اش را
برداشت

و به تاریکی دریا
پیوست ...
https://t.me/Adabiyyatsevanlar

باغلی قالمیش پنجره
اینجیدیرمنی اینجدیر
کئچن آجی خاطره لر
اینجیدیر منی اینجدیر

قولاغیمدا یئل نفسی
شامین تیتره ین کولکه سی
چیرپدیغین قاپینین سسی
اینجیدیر منی اینجدیر

سن گئتدیین سویوق گئجه
ایلانا چئوریلن کوچه
یوخومداکی اولو سئرچه
اینجیدیر منی اینجدیر

گوزوندن باشلانان قیشی
قاری بورانی یاغیشی
اونودماق المور کئچمیشی
اینجیدیر منی اینجدیر...

رسول یونان .
https://t.me/Adabiyyatsevanlar

‍ اوزون بیر آخشام
سنسیز نه قوش وار نه گونش
یالنیز بوردا یاغیش یاغیر
سونه جک وارسا بیر آتش
یالنیز بوردا یاغیش یاغیر

بورونوب غمه مارش لار
تئلویزیاداکی شولار
سوسوبلار هامی قونشولار
یالنیز بوردا یاغیش یاغیر

سنسیز اومود سولغون شامدی
حایات اوزون بیر آخشامدی
دئمک اولماز بو یاشامدی
یالنیز بوردا یاغیش یاغیر

کدر ایله قارقیش یاغیر
پاییزدان اونجه قیش یاغیر
سن بو شهردن گئدندن
یالنیز بوردا یاغیش یاغیرو.
رسول یونان
https://t.me/Adabiyyatsevanlar

دونیا ادبیاتی 20 اینجی عصرده
دایشیغی آپاران : کریم قزبانزاده
96/07/18
https://t.me/Adabiyyatsevanlar

دونیا ادبیاتی 20 اینجی عصرده 96/07/18
دانیشیر : اوستاد دوکتور رحمانی -1
https://t.me/Adabiyyatsevanlar

دونیا ادبیاتی 20 اینجی عصرده
دانیشیر : اوستاد دوکتور رحمانی -2
https://t.me/Adabiyyatsevanlar

دونیا ادبیاتی 20 اینجی عصرده
دانیشیر : اوستاد دوکتور رحمانی -3
https://t.me/Adabiyyatsevanlar