گؤروش
حبیب فرشباف
اوزون اوزادی خلوت بیر کوچهایدی. تئز- تئز گئری دؤنوب، نایران باخیشلارلا آرخاسینی یوخلایاراق، سرعتلی آددیملارلا ایرهلیلهییردی. گئنیش بیر خیاوانا یاخینلاشاراق کپیسینی قاشلارینین اوستونه ائندیریب، آرخالیغینین یاخاسینی بوینونا قاتلادی. گئجهدن بیر چوخ قدهر کئچسهده خیاوان هلهده ازدحاملی ایدی.
بیر آندا اینسانلارین سئل کیمی آخارینا قاریشاراق آددیملاری یاواشییب، آخارین آهنگیله اویغونلاشدی. اورهیی یامان دؤیونوردو. گیزلی باخیشلارلا بینالارین نومرهسینی گؤزدن کئچیرهرک آددیملاییردی. نومرهلر گلیب داها ایکی رقملی عددلره چاتمیشدی: آلتمیش دؤرد… آلتمیش ایکی…
نومرهلر آزالدیقجا اورهیینین دؤیونتوسو ده چوخالیردی. نهایت، بودا اوتوز ایکی نومرهلی ایکی مرتبهلی کؤهنه بینا.
خیاوانین ائنینی آتداییب، بیر آغاجین قارانلیغیندا ساکیتلشدی. تام دقتله نیشانهلری یوخلاماغا باشلادی. هر ایکی اوتاغین پردهلرینی سالیق، چیراقلارینی سؤنوک، خیردا اوتاغین دا پردهسینین قاباغیندا ایکی شمعدانی گولونو گؤرهن کیمی کپسولونو دیشلرینین آلتینا قویوب آددیملادی. بینانین قاباغیندا دایانیب، الینی زنگه اوزاتدی: بییییر – ایکی … بییییر – ایکی
اوچ دؤنه بو ریتم ایله زنگی سسلندیکده جواب آلدی:– کیمسن؟– منم، یازین ایکینجی آیی!
قاپی آچیلدی. تلهسهرک ایچهری کئچیب قاپینی قاپادی. اورهیی قوش کیمی چیرپینیردی. بؤرکونون دیمدیگینی قالخیزیب، خوتونون دستهگیله اوز -گؤزونون ترینی قورولادی. دریندن بیر نفس آلیب، کؤکس اؤتوردو. پیللهلری یوخاری قالخاراق اوچونجو پیللهده اوز- اوزه گلدیلر. بیر آن حئیران- حئیران بیربیرلرینی سئیر ائدهرک دایاندیلار. سانکی دانیشماغا بیر سؤز تاپمیردیلار. بیردن هر ایکیسی قوللارینی آچاراق، اشتیاقلا قوجاقلاشدیلار….
چارپاییدا یئر به یئر اولدوقدا جورابینین کئشینین قاتیندان بیر روزنامه عنوانینین قیریغینی چیخاریب، هیجانلا اونو ایزلهین یولداشینا نیشان وئردی. یولداشی باشینی بولایاراق بیر کؤکس اؤتوروب گؤزلری یاشالدی: – پس بئله!
اونلار فرصتی فوت ائتمهدن هر طرفدن دانیشیب، خبرلری بیر بیرلرینه چاتدیریب احوالاتین هانسی بیر مقامدا اولدوغوندان سؤز آچدیلار. نهایت تهرانین خریطهسینی آچاراق اوستونده صاباحکی گؤروشلرینین واختینی و مکانینی معینلشدیردیلر. ایستر ایستهمز یئریندن قالخیب گؤزلرینی یولداشینین گؤزلرینه تیکهرک، کؤنولسوزجهسینه آیریلماغا ایزین ایستهدی. یولداشی سئوگی دولو یالواریجی باخیشلارینی اونون گؤزلرینه زیللهییب: – «مومکونسه، بیر آزدا اوتورسایدین! بلکه بیر داها …» – دئدی. بئله- بئله آجی فیکیرلر، ائله اونون دا اورهییندن گلیب کئچسهده، آنجاق بو بارهده دانیشماغا دیلیندن وار گلمهمیشدی. چیگنیندن آغیر بیر یوک گؤتورولموش کیمی، قاییدیب یئرینده اگلشدی. فرصتی هئچ ایتیرمهدن صؤحبته باشلادیلار. دانیشدیلار… دانیشدیلار… سونونجو پاپیریزینین کؤتویونو کول قابیندا سؤندورهرک. گؤزو تاوانین ایچیندهکی یومورتالارا ساتاشدی. بیر تیکه آغزینا قویماق ایستهدیکده چؤرکدن قوپارا بیلمهدی. چؤرهک قوپ- قورو قوروموشدو. یئنه آیاق اوسته اوز- اوزه دایاندیلار؛ یئنه باخیشلاری بیر بیرینه حالقالاندی؛ یئنه هر ایکیسی قوللارینی آچاراق دویمازجاسینا بیر بیرلرینی باغرینا باسدیلار…
آرتیق آیریلیق آنلاری گلیب چاتمیشدی. تیترک بیر سسله: – «یولداش، هلهلیک!» – دئیه آیریلماق ایستهدیکده: – یولداشی: – «بس بیزیم قراریمیز صاباح ساعات ….؟» – دئدی.
او گولومسهیهرک یولداشینین سؤزونو کسیب: – «یوخ، صاباح یوخ یولداش، ائله بو گون!» – دئدی. بارماغینین اوجو ایله پردهنین قیراغینی قاتلاییب، باییرا نظر سالدی. گونش قیزیل شفقلریله بوتون شهری نورا بویامیشدی.
قایناق : ایشیق سایتی
https://t.me/Adabiyyatsevanlar
حبیب فرشباف
اوزون اوزادی خلوت بیر کوچهایدی. تئز- تئز گئری دؤنوب، نایران باخیشلارلا آرخاسینی یوخلایاراق، سرعتلی آددیملارلا ایرهلیلهییردی. گئنیش بیر خیاوانا یاخینلاشاراق کپیسینی قاشلارینین اوستونه ائندیریب، آرخالیغینین یاخاسینی بوینونا قاتلادی. گئجهدن بیر چوخ قدهر کئچسهده خیاوان هلهده ازدحاملی ایدی.
بیر آندا اینسانلارین سئل کیمی آخارینا قاریشاراق آددیملاری یاواشییب، آخارین آهنگیله اویغونلاشدی. اورهیی یامان دؤیونوردو. گیزلی باخیشلارلا بینالارین نومرهسینی گؤزدن کئچیرهرک آددیملاییردی. نومرهلر گلیب داها ایکی رقملی عددلره چاتمیشدی: آلتمیش دؤرد… آلتمیش ایکی…
نومرهلر آزالدیقجا اورهیینین دؤیونتوسو ده چوخالیردی. نهایت، بودا اوتوز ایکی نومرهلی ایکی مرتبهلی کؤهنه بینا.
خیاوانین ائنینی آتداییب، بیر آغاجین قارانلیغیندا ساکیتلشدی. تام دقتله نیشانهلری یوخلاماغا باشلادی. هر ایکی اوتاغین پردهلرینی سالیق، چیراقلارینی سؤنوک، خیردا اوتاغین دا پردهسینین قاباغیندا ایکی شمعدانی گولونو گؤرهن کیمی کپسولونو دیشلرینین آلتینا قویوب آددیملادی. بینانین قاباغیندا دایانیب، الینی زنگه اوزاتدی: بییییر – ایکی … بییییر – ایکی
اوچ دؤنه بو ریتم ایله زنگی سسلندیکده جواب آلدی:– کیمسن؟– منم، یازین ایکینجی آیی!
قاپی آچیلدی. تلهسهرک ایچهری کئچیب قاپینی قاپادی. اورهیی قوش کیمی چیرپینیردی. بؤرکونون دیمدیگینی قالخیزیب، خوتونون دستهگیله اوز -گؤزونون ترینی قورولادی. دریندن بیر نفس آلیب، کؤکس اؤتوردو. پیللهلری یوخاری قالخاراق اوچونجو پیللهده اوز- اوزه گلدیلر. بیر آن حئیران- حئیران بیربیرلرینی سئیر ائدهرک دایاندیلار. سانکی دانیشماغا بیر سؤز تاپمیردیلار. بیردن هر ایکیسی قوللارینی آچاراق، اشتیاقلا قوجاقلاشدیلار….
چارپاییدا یئر به یئر اولدوقدا جورابینین کئشینین قاتیندان بیر روزنامه عنوانینین قیریغینی چیخاریب، هیجانلا اونو ایزلهین یولداشینا نیشان وئردی. یولداشی باشینی بولایاراق بیر کؤکس اؤتوروب گؤزلری یاشالدی: – پس بئله!
اونلار فرصتی فوت ائتمهدن هر طرفدن دانیشیب، خبرلری بیر بیرلرینه چاتدیریب احوالاتین هانسی بیر مقامدا اولدوغوندان سؤز آچدیلار. نهایت تهرانین خریطهسینی آچاراق اوستونده صاباحکی گؤروشلرینین واختینی و مکانینی معینلشدیردیلر. ایستر ایستهمز یئریندن قالخیب گؤزلرینی یولداشینین گؤزلرینه تیکهرک، کؤنولسوزجهسینه آیریلماغا ایزین ایستهدی. یولداشی سئوگی دولو یالواریجی باخیشلارینی اونون گؤزلرینه زیللهییب: – «مومکونسه، بیر آزدا اوتورسایدین! بلکه بیر داها …» – دئدی. بئله- بئله آجی فیکیرلر، ائله اونون دا اورهییندن گلیب کئچسهده، آنجاق بو بارهده دانیشماغا دیلیندن وار گلمهمیشدی. چیگنیندن آغیر بیر یوک گؤتورولموش کیمی، قاییدیب یئرینده اگلشدی. فرصتی هئچ ایتیرمهدن صؤحبته باشلادیلار. دانیشدیلار… دانیشدیلار… سونونجو پاپیریزینین کؤتویونو کول قابیندا سؤندورهرک. گؤزو تاوانین ایچیندهکی یومورتالارا ساتاشدی. بیر تیکه آغزینا قویماق ایستهدیکده چؤرکدن قوپارا بیلمهدی. چؤرهک قوپ- قورو قوروموشدو. یئنه آیاق اوسته اوز- اوزه دایاندیلار؛ یئنه باخیشلاری بیر بیرینه حالقالاندی؛ یئنه هر ایکیسی قوللارینی آچاراق دویمازجاسینا بیر بیرلرینی باغرینا باسدیلار…
آرتیق آیریلیق آنلاری گلیب چاتمیشدی. تیترک بیر سسله: – «یولداش، هلهلیک!» – دئیه آیریلماق ایستهدیکده: – یولداشی: – «بس بیزیم قراریمیز صاباح ساعات ….؟» – دئدی.
او گولومسهیهرک یولداشینین سؤزونو کسیب: – «یوخ، صاباح یوخ یولداش، ائله بو گون!» – دئدی. بارماغینین اوجو ایله پردهنین قیراغینی قاتلاییب، باییرا نظر سالدی. گونش قیزیل شفقلریله بوتون شهری نورا بویامیشدی.
قایناق : ایشیق سایتی
https://t.me/Adabiyyatsevanlar
Telegram
ادبیات سئونلر
بوکانال ادبیات سئونلر قوروپونون سئچیلمیش اثرلری دیر
کانالدا کی یازیلاری کانالین لینکینی وئرمک شرطی ایله پایلاشماق اولار.
کانالدا کی یازیلاری کانالین لینکینی وئرمک شرطی ایله پایلاشماق اولار.
اوشاق ادبیاتی
اوشاق ادبیاتی هر هفته پنجشنبه گونو ادبیات سئونلر کانالیندا .
اوشاق ادبیاتینا دایر یازیلارینیزی بیزه گوندرین .
https://t.me/Adabiyyatsevanlar
اوشاق ادبیاتی هر هفته پنجشنبه گونو ادبیات سئونلر کانالیندا .
اوشاق ادبیاتینا دایر یازیلارینیزی بیزه گوندرین .
https://t.me/Adabiyyatsevanlar
پالتو
✍دینو بوتزاتی
تورکجه چئویرن:سحرخیاوی
اوزون اومودسوزلیقدان سونرا "یوهانس"ائولرینه قاییتدی.مارسین قارانلیق گونلرینین بیری ایدی.قارغالار اویان-بویانا اوچوشوردیلار.اینانیلماز شکیلده قاپیدان ایچری گیردی.هئچ کیم اونو گوزلهمیردی.آناسی اونو قوجاقلاماغا قانادلاندی.چیغیردی:"شوکورلر اولسون ایلاهی".
یوهانسین بالاجا باجی-قارداشی"آنا" ایله "پتر" ده سئوینیشدیلر.آیلار ایدی یوهانسین یولونو گوزلهییردیلر.بو آنی دفعهلرجه یوخودا گورموشدولر.
امما یوهانس سئحیرلی بیر ساکیتلیگه دالمیشدی.هئچ نمنه دئمیردی.سانکی گوجوله آغلاماغینی ساخلاییردی.
آناسی آغلایارکن:"ایذین وئر بویونا باخیم،نه قدر بویویوبسن،امما....امما نه دن رنگین قاچیب؟!"-دئدی.
آنا بو سوزلری دئمکله خوفلاناراق دالی چکیلدی.دوغرودان رنگی قاچمیشدی.سانکی بوتون قووهسی توکنمیشدی.یورغون عسکرلیک بورکونو باشیندان گوتوردو.اوتاغا کئچیب چارپاییدا اوتوردو.چوخ یورغون نظره گلیردی.سانکی گولومسهمک ده اونا آغیر گلیردی.آناسینین گوزونده قاچاق کولگه کیمی گورونوردو.
آناسی دئدی:"پالتونو چیخارت اوغلوم"
اوزویله فیکرلشدی اوغلو نه قدر بویوک،گوزل،ووقارلی و آغیر-سنگین اولوب.دوغرو کی رنگینین قاچقینلیغی قورخونج ایدی امما بو قدر گوزللیک قارشیسیندا اونملی دئییلدی.
-پالتونو چیخارت وئر آسلاییم اوغلوم،اوتاق ایستیدیر.
امما یوهانس آنسیزین سورعتله اوزونو دالا چکدی،پالتونو داها موحکم اینینه دولادی.
-یوخ.بوراخ آناجان.چیخارتمیرام.ایندیجه گئتمَلییم.
-گئدیرسن؟! ایکی ایل قاییتماغینا یول گوزلهمیشیک.یئنه گئدیرسن؟!
آنانین بویوک سئوینجی چوخ سورمهدی.یئنی دن اوزونه کدر قوندو.بونو تکجه اوغولسوز آنالار یاخشی دوشونَرلر.
-ائله الان قاییدیرسان؟! بیر زاد یئمیرسن؟!
یوهانس غملی گولومسهدی.گوزونو ائوین هر بیر کونجونه دولاندیردی.
-"آناجان من غذا یئمیشم.بورانین یاخینلیغیندا بیر دوشَرگه ده اوتراق ائلهمیشیک".
-آخ....اوندا تک دئییلسن؟! یولداشین وار؟ بلکه مونانین اوغلودو؟
-یوخ.یولدا اونلا تانیش اولدوم.الان دیشاریدا منی گوزلهییر.
-دیشاریدا؟! نه دن یولداشینی ائوه دعوت ائلهمیرسن؟اونو خیاواندا یالقیز بوراخیبسان؟!
آنا آچیشقایا ساری گئتدی.باغچانین او طرفینده،حیطین بارماقلیقلارینین دالیندا،قارا گئیینمیش بیر کیشی گوردو.کیشی قانی سووغلوغنان ائوین قاباغیندا قدملهییردی.
آنا اوزو بیلمه دن اورهیینده غریبه بیر سانجی حیس ائتدی.اورهیی سیخیلدی.
-هه گئتمهییم یاخشی دیر.قالماغیم اوزومه باشآغری آچار-یوهانس دئدی.
-اوندا هئچ اولماسا دوستونا بیر لیوان سو آپار.
-یوخ آناجان.دوغروسو دوستوم بیرآز عادیجه دئییل.مومکوندو آجیغی گلسین.
-بو نئجه آدامدیر؟! نه دن اونلا دوستلوق قوردون؟!
یوهانس غملی دئدی:"یاخشی تانیمیرام.یولدا گوردوم.اوزو منه قوشولدو".
سانکی بو باره ده دانیشماق ایستهمیردی.آناسی دا بونو دوشوندو.سوزو دییشیب دئدی:
-بیلیرسن ماریا قاییتماغینی ائشیتسه نه قدر سئوینه جک؟حتمن بو قدر تلَسکن ماریانین گوروشونه گئدیرسن؟ائله دیر می؟
یوهانس یالنیز آجی گولومسهدی.آنا اونون نه دن بو قدر غملی اولماغینی دوشونموردو.ساواشا گئتدیکی گون کیمی غملی ایدی.
ایندی ساواش قورتاریب او قاییتمیشدی.یئنی یاشاییش قارشیسیندایدی.آزادلیق گونلری،قورخوسوز و نیگرانلیقسیز گونلر.اوزون گئجهلر بیرگه یاشایاجاقلار.داها توپ و بُمب پارتلاییشی او گئجهلری آلاولاندیرمیاجاق.داها عزیزلریمیزین بدنی،اوخلانمیش اورهکله خارابالاردا قورومیاجاق.کابوسلار بیتیب.یوهانس گلیب.ماریا نه قدر سئوینهجک.باهاردا اونلار کندیمیزین کلیساسیندا ائولنهجکلر.ناقوس سسلنهجک.گوللرین عطری هاوانی بورویهجک.
امما بس نه دن یوهانس رنگی قاچیقین و پریشان دیر؟! نه دن گولمور؟! نه دن ساواشدان دانیشمیر؟! بو پالتودا نه سیرر وار بو ایستیده اینیندن چیخارتمیر؟!
بلکه آلتداکی پالتاری جیریقدیر یوخسا تمیز دئییل.امما آناسیندان گرک اوتانماسین.بلکه خسته،یوخسا یورغون دیر.امما نه دن باخیشینی آناسیندان قاچیردیر؟! سانکی بیر شئیدن قورخور.
بالاجا باجی-قارداشی دا تعجوبله یوهانسا باخیردیلار.
آنا مهربان سسله:"یوهانس نه یاخشی قاییتدین.ایذین وئر سنه بیر قهوه گتیریم".
تلسیک مطبخه قاچدی.بیر فینجان ایستی قهوه و فتیرله قاییتدی.یوهانس کونولسوز قهوهنی باشینا چکدی.فتیردن ده بیر دیش گوتوردو.
آنا ایستیردی نه دن بئله گویولسوز اولدوغونو سوروشسون.امما سوروشمادی.اونو ناراحات ائلهمیی ایستهمیردی.
عوضینده سوروشدو:"یوهانس اوتاغینی گورمک ایستهمیرسن؟
تزه تخت سن اوچون قویموشام.دیوارلاری رنگلتدیرمیشم.تزه چیراق دا آلمیشام.
پالتونو چیخارت.ائو چوخ ایستی دیر.
یوهانس دینمهدی.چارپاییدان دوروب اوتاغینا ساری گئتدی.ائله آرام سانکی یوخودا یئریییردی.آناسی قاباقدا قاچیب پنجرهلری آچدی.سرباز کونجده دوروب،تزه آلینمیش شئیلره،آق پردهلره،ایشیلدایان دیوارلارا باخدی.
-نه گوزل-دئدی.
امما گ
✍دینو بوتزاتی
تورکجه چئویرن:سحرخیاوی
اوزون اومودسوزلیقدان سونرا "یوهانس"ائولرینه قاییتدی.مارسین قارانلیق گونلرینین بیری ایدی.قارغالار اویان-بویانا اوچوشوردیلار.اینانیلماز شکیلده قاپیدان ایچری گیردی.هئچ کیم اونو گوزلهمیردی.آناسی اونو قوجاقلاماغا قانادلاندی.چیغیردی:"شوکورلر اولسون ایلاهی".
یوهانسین بالاجا باجی-قارداشی"آنا" ایله "پتر" ده سئوینیشدیلر.آیلار ایدی یوهانسین یولونو گوزلهییردیلر.بو آنی دفعهلرجه یوخودا گورموشدولر.
امما یوهانس سئحیرلی بیر ساکیتلیگه دالمیشدی.هئچ نمنه دئمیردی.سانکی گوجوله آغلاماغینی ساخلاییردی.
آناسی آغلایارکن:"ایذین وئر بویونا باخیم،نه قدر بویویوبسن،امما....امما نه دن رنگین قاچیب؟!"-دئدی.
آنا بو سوزلری دئمکله خوفلاناراق دالی چکیلدی.دوغرودان رنگی قاچمیشدی.سانکی بوتون قووهسی توکنمیشدی.یورغون عسکرلیک بورکونو باشیندان گوتوردو.اوتاغا کئچیب چارپاییدا اوتوردو.چوخ یورغون نظره گلیردی.سانکی گولومسهمک ده اونا آغیر گلیردی.آناسینین گوزونده قاچاق کولگه کیمی گورونوردو.
آناسی دئدی:"پالتونو چیخارت اوغلوم"
اوزویله فیکرلشدی اوغلو نه قدر بویوک،گوزل،ووقارلی و آغیر-سنگین اولوب.دوغرو کی رنگینین قاچقینلیغی قورخونج ایدی امما بو قدر گوزللیک قارشیسیندا اونملی دئییلدی.
-پالتونو چیخارت وئر آسلاییم اوغلوم،اوتاق ایستیدیر.
امما یوهانس آنسیزین سورعتله اوزونو دالا چکدی،پالتونو داها موحکم اینینه دولادی.
-یوخ.بوراخ آناجان.چیخارتمیرام.ایندیجه گئتمَلییم.
-گئدیرسن؟! ایکی ایل قاییتماغینا یول گوزلهمیشیک.یئنه گئدیرسن؟!
آنانین بویوک سئوینجی چوخ سورمهدی.یئنی دن اوزونه کدر قوندو.بونو تکجه اوغولسوز آنالار یاخشی دوشونَرلر.
-ائله الان قاییدیرسان؟! بیر زاد یئمیرسن؟!
یوهانس غملی گولومسهدی.گوزونو ائوین هر بیر کونجونه دولاندیردی.
-"آناجان من غذا یئمیشم.بورانین یاخینلیغیندا بیر دوشَرگه ده اوتراق ائلهمیشیک".
-آخ....اوندا تک دئییلسن؟! یولداشین وار؟ بلکه مونانین اوغلودو؟
-یوخ.یولدا اونلا تانیش اولدوم.الان دیشاریدا منی گوزلهییر.
-دیشاریدا؟! نه دن یولداشینی ائوه دعوت ائلهمیرسن؟اونو خیاواندا یالقیز بوراخیبسان؟!
آنا آچیشقایا ساری گئتدی.باغچانین او طرفینده،حیطین بارماقلیقلارینین دالیندا،قارا گئیینمیش بیر کیشی گوردو.کیشی قانی سووغلوغنان ائوین قاباغیندا قدملهییردی.
آنا اوزو بیلمه دن اورهیینده غریبه بیر سانجی حیس ائتدی.اورهیی سیخیلدی.
-هه گئتمهییم یاخشی دیر.قالماغیم اوزومه باشآغری آچار-یوهانس دئدی.
-اوندا هئچ اولماسا دوستونا بیر لیوان سو آپار.
-یوخ آناجان.دوغروسو دوستوم بیرآز عادیجه دئییل.مومکوندو آجیغی گلسین.
-بو نئجه آدامدیر؟! نه دن اونلا دوستلوق قوردون؟!
یوهانس غملی دئدی:"یاخشی تانیمیرام.یولدا گوردوم.اوزو منه قوشولدو".
سانکی بو باره ده دانیشماق ایستهمیردی.آناسی دا بونو دوشوندو.سوزو دییشیب دئدی:
-بیلیرسن ماریا قاییتماغینی ائشیتسه نه قدر سئوینه جک؟حتمن بو قدر تلَسکن ماریانین گوروشونه گئدیرسن؟ائله دیر می؟
یوهانس یالنیز آجی گولومسهدی.آنا اونون نه دن بو قدر غملی اولماغینی دوشونموردو.ساواشا گئتدیکی گون کیمی غملی ایدی.
ایندی ساواش قورتاریب او قاییتمیشدی.یئنی یاشاییش قارشیسیندایدی.آزادلیق گونلری،قورخوسوز و نیگرانلیقسیز گونلر.اوزون گئجهلر بیرگه یاشایاجاقلار.داها توپ و بُمب پارتلاییشی او گئجهلری آلاولاندیرمیاجاق.داها عزیزلریمیزین بدنی،اوخلانمیش اورهکله خارابالاردا قورومیاجاق.کابوسلار بیتیب.یوهانس گلیب.ماریا نه قدر سئوینهجک.باهاردا اونلار کندیمیزین کلیساسیندا ائولنهجکلر.ناقوس سسلنهجک.گوللرین عطری هاوانی بورویهجک.
امما بس نه دن یوهانس رنگی قاچیقین و پریشان دیر؟! نه دن گولمور؟! نه دن ساواشدان دانیشمیر؟! بو پالتودا نه سیرر وار بو ایستیده اینیندن چیخارتمیر؟!
بلکه آلتداکی پالتاری جیریقدیر یوخسا تمیز دئییل.امما آناسیندان گرک اوتانماسین.بلکه خسته،یوخسا یورغون دیر.امما نه دن باخیشینی آناسیندان قاچیردیر؟! سانکی بیر شئیدن قورخور.
بالاجا باجی-قارداشی دا تعجوبله یوهانسا باخیردیلار.
آنا مهربان سسله:"یوهانس نه یاخشی قاییتدین.ایذین وئر سنه بیر قهوه گتیریم".
تلسیک مطبخه قاچدی.بیر فینجان ایستی قهوه و فتیرله قاییتدی.یوهانس کونولسوز قهوهنی باشینا چکدی.فتیردن ده بیر دیش گوتوردو.
آنا ایستیردی نه دن بئله گویولسوز اولدوغونو سوروشسون.امما سوروشمادی.اونو ناراحات ائلهمیی ایستهمیردی.
عوضینده سوروشدو:"یوهانس اوتاغینی گورمک ایستهمیرسن؟
تزه تخت سن اوچون قویموشام.دیوارلاری رنگلتدیرمیشم.تزه چیراق دا آلمیشام.
پالتونو چیخارت.ائو چوخ ایستی دیر.
یوهانس دینمهدی.چارپاییدان دوروب اوتاغینا ساری گئتدی.ائله آرام سانکی یوخودا یئریییردی.آناسی قاباقدا قاچیب پنجرهلری آچدی.سرباز کونجده دوروب،تزه آلینمیش شئیلره،آق پردهلره،ایشیلدایان دیوارلارا باخدی.
-نه گوزل-دئدی.
امما گ
وزلری عجیب حالتسیز و سویوق ایدی.آننا ایله پتر قارداشلارینین دالیسیندا دورموشدولار.اونلار شادلیق گوزلهییردیلر.یوهانس یئنی دن دئدی:
"چوخ گوزل.تشککورلر آناجان".
داها بیر سوز دئمهدی.پریشان او یان-بویانا باخیردی.اوزگون پنجرهدن قارا گئیینمیش کیشی یه باخیردی.
زورلا گولومسهدی.آناسی صبری قورتارمیش کیمی:
-یوهانس سنی تانری دوزون دئه نه موشکولون وار؟نمنهنی گیزلَدیب دئمک ایستهمیرسن؟نه دن بیزه دئمیرسن؟
اوغلان دوداغینی دیشلهدی.سونرا غملی و آستا دئدی: "آنا جان داها گئتمهیین واختیدیر.گرک گئدیم".
-گرک گئدهسن؟! حتمن تئز قاییداجاقسان.ماریانین گوروشونه گئدیرسن؟
یوهانس دردلی دئدی:"بیلمیرم آنا.بیلمیرم!"
او آندا قاپییا ساری یئریییب،عسکرلیک بورکونو باشینا قویدو.
-امما حتمن قاییداجاقسان.من ژولیوس عمی و بیبی نی ده چاغیراجاغام.چوخ سئوینهجکلر.جشن توتاجاییق.گون باتمامیشدان قاباق حتمن قاییت.یوهانس دردلی آناسینا باخدی.سانکی سن آللاه اورهییمی بوندان آرتیق دیدمه دئییردی.
-آنا من گرک گئدهم.او دیشاریدا کی صبیرسیز منی گوزلهییر
قاپیدان چیخماق ایستهدی.باجی قارداشی اونو گورمکدن هله ده سئوینجک ایدیلر.اوزلرینی اونا سووادیلار.پتر پالتوسونو اوسته قالخیزدی یونیفورمونا باخسین.آنا یوهانسین راحاتسیز اولماغیندان قورخدو.
-ال وورما پتر!!نه ایش گورورسن؟!
امما داها بئواخت اولموشدو.آنا اللرینی گوزلرینه توتارکن دیلی توتولوب چیغیردی:آاااخ...یوهانس....اوغلوم....نه اولوب؟...نه دن بئله قانا بلهشیبسن؟!!
یوهانس آخیر کره دئدی:گئتمک واختی چاتدی آنا،اونو چوخ انتظاردا قویدوم.آللاهین آمانیندا آننا،پتر،آناجان...
قاپییا یئتیشرکن سانکی اونو کولک آپاردی.او و قارا گئیینمیش کیشی آتا مینیب چاپدیلار.امما ماریانین ائوینه ساری یوخ،اونلار اُفقلره ساری،گویلره دیرنمیش داغلارا ساری چاپدیلار.
آنا اطرافینا باخدی.اورهیینده ائله بیر بوشلوق حیس ائدیردی کی،سدهلر بئله او بوشلوغو دولدورا بیلمزدی.
ایندی او پالتووین ماجراسینی و اوغلونون غملی اولماغینین سببینی بیلیردی.او خیاواندا قدم ووران صبیرلی قارا پالتارلینی دا تانیییردی.
دوغرودان او نه قدر مهریبان ایدی.او یوهانسی ائوینه قایتارمیشدی عائیلهسی ایله ویداعلاشسین،سونرا اونو قاییتماز،ابدی سفره آپاردی.
https://t.me/Adabiyyatsevanlar
"چوخ گوزل.تشککورلر آناجان".
داها بیر سوز دئمهدی.پریشان او یان-بویانا باخیردی.اوزگون پنجرهدن قارا گئیینمیش کیشی یه باخیردی.
زورلا گولومسهدی.آناسی صبری قورتارمیش کیمی:
-یوهانس سنی تانری دوزون دئه نه موشکولون وار؟نمنهنی گیزلَدیب دئمک ایستهمیرسن؟نه دن بیزه دئمیرسن؟
اوغلان دوداغینی دیشلهدی.سونرا غملی و آستا دئدی: "آنا جان داها گئتمهیین واختیدیر.گرک گئدیم".
-گرک گئدهسن؟! حتمن تئز قاییداجاقسان.ماریانین گوروشونه گئدیرسن؟
یوهانس دردلی دئدی:"بیلمیرم آنا.بیلمیرم!"
او آندا قاپییا ساری یئریییب،عسکرلیک بورکونو باشینا قویدو.
-امما حتمن قاییداجاقسان.من ژولیوس عمی و بیبی نی ده چاغیراجاغام.چوخ سئوینهجکلر.جشن توتاجاییق.گون باتمامیشدان قاباق حتمن قاییت.یوهانس دردلی آناسینا باخدی.سانکی سن آللاه اورهییمی بوندان آرتیق دیدمه دئییردی.
-آنا من گرک گئدهم.او دیشاریدا کی صبیرسیز منی گوزلهییر
قاپیدان چیخماق ایستهدی.باجی قارداشی اونو گورمکدن هله ده سئوینجک ایدیلر.اوزلرینی اونا سووادیلار.پتر پالتوسونو اوسته قالخیزدی یونیفورمونا باخسین.آنا یوهانسین راحاتسیز اولماغیندان قورخدو.
-ال وورما پتر!!نه ایش گورورسن؟!
امما داها بئواخت اولموشدو.آنا اللرینی گوزلرینه توتارکن دیلی توتولوب چیغیردی:آاااخ...یوهانس....اوغلوم....نه اولوب؟...نه دن بئله قانا بلهشیبسن؟!!
یوهانس آخیر کره دئدی:گئتمک واختی چاتدی آنا،اونو چوخ انتظاردا قویدوم.آللاهین آمانیندا آننا،پتر،آناجان...
قاپییا یئتیشرکن سانکی اونو کولک آپاردی.او و قارا گئیینمیش کیشی آتا مینیب چاپدیلار.امما ماریانین ائوینه ساری یوخ،اونلار اُفقلره ساری،گویلره دیرنمیش داغلارا ساری چاپدیلار.
آنا اطرافینا باخدی.اورهیینده ائله بیر بوشلوق حیس ائدیردی کی،سدهلر بئله او بوشلوغو دولدورا بیلمزدی.
ایندی او پالتووین ماجراسینی و اوغلونون غملی اولماغینین سببینی بیلیردی.او خیاواندا قدم ووران صبیرلی قارا پالتارلینی دا تانیییردی.
دوغرودان او نه قدر مهریبان ایدی.او یوهانسی ائوینه قایتارمیشدی عائیلهسی ایله ویداعلاشسین،سونرا اونو قاییتماز،ابدی سفره آپاردی.
https://t.me/Adabiyyatsevanlar
Telegram
ادبیات سئونلر
بوکانال ادبیات سئونلر قوروپونون سئچیلمیش اثرلری دیر
کانالدا کی یازیلاری کانالین لینکینی وئرمک شرطی ایله پایلاشماق اولار.
کانالدا کی یازیلاری کانالین لینکینی وئرمک شرطی ایله پایلاشماق اولار.
Forwarded from ادبیات سئونلر
اوشاق ادبیاتی
اوشاق ادبیاتی هر هفته پنجشنبه گونو ادبیات سئونلر کانالیندا .
اوشاق ادبیاتینا دایر یازیلارینیزی بیزه گوندرین .
https://t.me/Adabiyyatsevanlar
اوشاق ادبیاتی هر هفته پنجشنبه گونو ادبیات سئونلر کانالیندا .
اوشاق ادبیاتینا دایر یازیلارینیزی بیزه گوندرین .
https://t.me/Adabiyyatsevanlar
Forwarded from R Q
سون چاغیریش
گونئی آذربایجاندا بوتون اوشاق أدبیاتی قونوسوندا چالیشانلارین دیققتینه چاتدیریریق کی، آذربایجان میللی علملر آکادمییاسی(AMEA) اوستادی دوکتور «ائسمیرا فواد»ین گونئی آذربایجانا اؤزل توپلاییب چاپ ائتدیرمک ایستهدییی آنتولوژی، یئکونلاشماق اوزرهدیر. ( بو آنادک 600 صحیفهیه یاخین أثر توپلانیبدیر). بونا گؤره ده سون کز اولاراق، بو قونودا أثرلری اولان و ایندییهدک گؤندرمهین بوتون شاعیر و یازارلاریمیزدان، شعر أثرلریندن أن چوخو 10 عونوان و حئکایه أثرلریندن أن چوخو (اوزون-قیسالیغینی گؤز اؤنونه آلاراق) 3 یا 5 عونوان آشاغیدا یازاجاغیم تئلئگرام آدرئسینه (وورد فورماتیندا) گؤندرمکلرینی ایستهییریک. أثرلرله بیرلیکده، لوطفن اؤزونوزدن سئودییینیز بیر شکیل و قیسا اؤزکئچمیش (بیوگرافی) (آد، سویآد، دوغوم تاریخی و یئری، تحصیل ایختیصاصی و مقطعی، أدبیات ساحهسینده چالیشما و ماراقلارینیز قونوسوندا قیسا آچیقلامالار، چاپ اولان أثر و یا أثرلرینیز وارسا اونلارین آدی و یا آدلاری و بونلار کیمی گرهکن باشقا شئیلر) گؤندرمهیی ده اونوتمایین. گؤندریلن یازیلی متنلر لاتین آلفابئتینده اولسا داها یاخشیدیر و یوکوموزو بیر آز یونگوللشدیرهر. لوطفن بو چاغیریشی، ایستهنیلن قونودا أثرلری اولان باشقا دیلداشلاریمیزا دا چاتدیرین.
https://t.me/rasulqadiri
@rasulqadiri
سایغیلاریمیزلا: ائسمیرا فوواد، رسول قدیری
گونئی آذربایجاندا بوتون اوشاق أدبیاتی قونوسوندا چالیشانلارین دیققتینه چاتدیریریق کی، آذربایجان میللی علملر آکادمییاسی(AMEA) اوستادی دوکتور «ائسمیرا فواد»ین گونئی آذربایجانا اؤزل توپلاییب چاپ ائتدیرمک ایستهدییی آنتولوژی، یئکونلاشماق اوزرهدیر. ( بو آنادک 600 صحیفهیه یاخین أثر توپلانیبدیر). بونا گؤره ده سون کز اولاراق، بو قونودا أثرلری اولان و ایندییهدک گؤندرمهین بوتون شاعیر و یازارلاریمیزدان، شعر أثرلریندن أن چوخو 10 عونوان و حئکایه أثرلریندن أن چوخو (اوزون-قیسالیغینی گؤز اؤنونه آلاراق) 3 یا 5 عونوان آشاغیدا یازاجاغیم تئلئگرام آدرئسینه (وورد فورماتیندا) گؤندرمکلرینی ایستهییریک. أثرلرله بیرلیکده، لوطفن اؤزونوزدن سئودییینیز بیر شکیل و قیسا اؤزکئچمیش (بیوگرافی) (آد، سویآد، دوغوم تاریخی و یئری، تحصیل ایختیصاصی و مقطعی، أدبیات ساحهسینده چالیشما و ماراقلارینیز قونوسوندا قیسا آچیقلامالار، چاپ اولان أثر و یا أثرلرینیز وارسا اونلارین آدی و یا آدلاری و بونلار کیمی گرهکن باشقا شئیلر) گؤندرمهیی ده اونوتمایین. گؤندریلن یازیلی متنلر لاتین آلفابئتینده اولسا داها یاخشیدیر و یوکوموزو بیر آز یونگوللشدیرهر. لوطفن بو چاغیریشی، ایستهنیلن قونودا أثرلری اولان باشقا دیلداشلاریمیزا دا چاتدیرین.
https://t.me/rasulqadiri
@rasulqadiri
سایغیلاریمیزلا: ائسمیرا فوواد، رسول قدیری
Telegram
R Q
Mən kiməm? Biz nəyik? Bura haradır? Haradan gəldik? Haraya gedirik?...
4_5832228149567424462.mp4
10.3 MB
اوشاق ادبیاتی
کوچه لر سو سپمیشم
سسلندیرین : پارلا قوروپون ان گوزل بالاسی
آرتین خان ۳ یاشیندا تبریز شهریندن
https://t.me/Adabiyyatsevanlar
کوچه لر سو سپمیشم
سسلندیرین : پارلا قوروپون ان گوزل بالاسی
آرتین خان ۳ یاشیندا تبریز شهریندن
https://t.me/Adabiyyatsevanlar
اوشاق ادبیاتی
اوشاق ادبیاتی هر هفته پنجشنبه گونو ادبیات سئونلر قوروپوندا
اولدوزلا دانیشان قولچاق
یازار : صمد بهرنگی
چئویرن : منیژه جم نژاد
بو یازینی ادبیات سئونلر کانالیندا اوخویون .
https://t.me/Adabiyyatsevanlar
اوشاق ادبیاتی هر هفته پنجشنبه گونو ادبیات سئونلر قوروپوندا
اولدوزلا دانیشان قولچاق
یازار : صمد بهرنگی
چئویرن : منیژه جم نژاد
بو یازینی ادبیات سئونلر کانالیندا اوخویون .
https://t.me/Adabiyyatsevanlar
اوشاق ادبیاتی
اولدوزلا دانیشان قولچاق
بئشینجی بولوم: سارا و باشقا قولچاقلارلا تانیشلیق
یازار: صمد بهرنگی
چئویرن: منیژه جم نژاد
دانیشان قولچاق الین اولدوزلا یاشارین او٘ز گوزونه چکیب، اولاری گؤیرچین قیلیغیندان چیخارتدی. بیر قاریش بویدا بالاجا بیر قولچاق بیر داشین اوستونده اوتورموشدو. دانیشان قولچاق اونا دئدی: سارا بولار منیم یولداشلاریمدیلار، اولدوز، یاشار. یاشارلا اولدوز سلام وئردیلر. سارا ایاغا قالخدی. اوشاقلار اییلیب اونونلا ال وئردیلر. سارا دئدی: بیزیم شنلییمیزه خوش گلیبسینیز. من قولچاقلارین هامیسینین وریندن سیزه خوشگلدین دئییرم. یاشار دئدی: بیزده دانیشان قولچاغین اورهیین اله گتیرمهییمیزه چوخ فخر ائدیریک. بیزی اؤز آرانیزا آلماغینزدان چوخ سئوینیریک. بیزی اؤزونوزه دوست ائتمهیینیزه گوره هامینیزدان تشککور ائدیریک. سارا دئدی: اونجه اؤزو٘نو٘زدن تشککور ائدین کی اوز محببتینیزله قولچاغینیزی دانیشدیریب و بو مئشهیه یول تاپمیسینیز. سونرا او٘زو٘ن دانیشان قولچاغا توتوب دئدی: اوشاقلاری آپار قولچاقلارلا تانیشدیر و هامیسینا دئ، منیم یانیما گلسینلر، بیرآز دانیشیب سونرا اویناریق. قولچاقلار دانیشان قولچاغین یولداشلارینی گتیرمه یی ائشیدهرکن، دسته دسته گلیب، اوشاقلاری دورهلهییب اولارلا دانیشیب، گولوب، محبت ائدیب، خوش گلدین دئدیلر.
https://t.me/Adabiyyatsevanlar
اولدوزلا دانیشان قولچاق
بئشینجی بولوم: سارا و باشقا قولچاقلارلا تانیشلیق
یازار: صمد بهرنگی
چئویرن: منیژه جم نژاد
دانیشان قولچاق الین اولدوزلا یاشارین او٘ز گوزونه چکیب، اولاری گؤیرچین قیلیغیندان چیخارتدی. بیر قاریش بویدا بالاجا بیر قولچاق بیر داشین اوستونده اوتورموشدو. دانیشان قولچاق اونا دئدی: سارا بولار منیم یولداشلاریمدیلار، اولدوز، یاشار. یاشارلا اولدوز سلام وئردیلر. سارا ایاغا قالخدی. اوشاقلار اییلیب اونونلا ال وئردیلر. سارا دئدی: بیزیم شنلییمیزه خوش گلیبسینیز. من قولچاقلارین هامیسینین وریندن سیزه خوشگلدین دئییرم. یاشار دئدی: بیزده دانیشان قولچاغین اورهیین اله گتیرمهییمیزه چوخ فخر ائدیریک. بیزی اؤز آرانیزا آلماغینزدان چوخ سئوینیریک. بیزی اؤزونوزه دوست ائتمهیینیزه گوره هامینیزدان تشککور ائدیریک. سارا دئدی: اونجه اؤزو٘نو٘زدن تشککور ائدین کی اوز محببتینیزله قولچاغینیزی دانیشدیریب و بو مئشهیه یول تاپمیسینیز. سونرا او٘زو٘ن دانیشان قولچاغا توتوب دئدی: اوشاقلاری آپار قولچاقلارلا تانیشدیر و هامیسینا دئ، منیم یانیما گلسینلر، بیرآز دانیشیب سونرا اویناریق. قولچاقلار دانیشان قولچاغین یولداشلارینی گتیرمه یی ائشیدهرکن، دسته دسته گلیب، اوشاقلاری دورهلهییب اولارلا دانیشیب، گولوب، محبت ائدیب، خوش گلدین دئدیلر.
https://t.me/Adabiyyatsevanlar
Telegram
ادبیات سئونلر
بوکانال ادبیات سئونلر قوروپونون سئچیلمیش اثرلری دیر
کانالدا کی یازیلاری کانالین لینکینی وئرمک شرطی ایله پایلاشماق اولار.
کانالدا کی یازیلاری کانالین لینکینی وئرمک شرطی ایله پایلاشماق اولار.
اوشاق ادبیاتی
ویدا حشمتی
خاطیره
یادیمدا بیر گون
آراز لا دنیز
ایکی یولداشیم
ایکی گول بنیز
شیلتاق اوینوردوق
ياغيشلی بیر گون
جیم جیلاق اولدوق
ائیوان دولو گول
سویودو هاوا
بیردن او یاغیش
دولویا دؤندو
اولدو سانکی قیش
حیه طدن ییغدیق
گوللری ائوه
اینجیمه سینلر
بیز سئوه_سئوه
کئچدی او ایللر
گؤروشموروک بیز
گوللرین آدی
بیری آراز دیر
بیری ده دنیز.
https://t.me/Adabiyyatsevanlar
ویدا حشمتی
خاطیره
یادیمدا بیر گون
آراز لا دنیز
ایکی یولداشیم
ایکی گول بنیز
شیلتاق اوینوردوق
ياغيشلی بیر گون
جیم جیلاق اولدوق
ائیوان دولو گول
سویودو هاوا
بیردن او یاغیش
دولویا دؤندو
اولدو سانکی قیش
حیه طدن ییغدیق
گوللری ائوه
اینجیمه سینلر
بیز سئوه_سئوه
کئچدی او ایللر
گؤروشموروک بیز
گوللرین آدی
بیری آراز دیر
بیری ده دنیز.
https://t.me/Adabiyyatsevanlar
Telegram
ادبیات سئونلر
بوکانال ادبیات سئونلر قوروپونون سئچیلمیش اثرلری دیر
کانالدا کی یازیلاری کانالین لینکینی وئرمک شرطی ایله پایلاشماق اولار.
کانالدا کی یازیلاری کانالین لینکینی وئرمک شرطی ایله پایلاشماق اولار.
اوشاق ادبیاتی هر هفته پنجشنبه گونو ادبیات سئونلر کانالیندا
چول سیچانلاری دا یاتیرلار(یئنی یئتمهلر اوچون)
✍ولفگانگ بورشرت
چئویرن:سحرخیاوی
بو یازینی ادبیات سئونلر کانالیندا اوخویون .
https://t.me/Adabiyyatsevanlar
چول سیچانلاری دا یاتیرلار(یئنی یئتمهلر اوچون)
✍ولفگانگ بورشرت
چئویرن:سحرخیاوی
بو یازینی ادبیات سئونلر کانالیندا اوخویون .
https://t.me/Adabiyyatsevanlar
اوشاق ادبیاتی
چول سیچانلاری دا یاتیرلار(یئنی یئتمهلر اوچون)
✍ولفگانگ بورشرت
چئویرن:سحرخیاوی
یالقیز سینیق پنجرهنین شوسهسینده،گونشین باتماق قیرمیزیلیغی گوروکوردو.توز-تورپاقلی بولود سینیق دودکئشلرین اوستونده گوزو قاماشدیریردی.آرانلیق وئران اولموش ائولرله یاتمیشدی.
اوغلانجیق گوزلرینی یومموشدو.لاپدان هاوانین قارانلیق اولماسینی حیس ائلهدی.سانکی بیری گلیب ساکیتجه اونونده دورموشدو.
اوءز-اوزونه:-ایندی گیره دوشدوم"-دئدی.کیپریکلرینین آراسیندان اوغورلوق باخدی.اینینده نیمداش شالواری اولان ایکی اَیری-مویرو قیچ گوردو.قیچیلار او قدر جَرجَنک ایدی،آراسیندان اطراف گوروکوردو.اورهکلهنیب اوسته باخدی.یاشلی بیر کیشی ایدی.کیشینین الینده پیچاق و سَله واریدی.اللری تورپاقلی ایدی.
-نئیه بوردا یاتیبسان؟! کیشی سوروشدو.
یورگن گوءز آلتی کیشینین قیچلارینین آراسیندان باتان گونَشه باخدی.
-یاتمامیشام.-دئدی.بوردا گودوکچو دایانمیشام.
کیشی باشینی ترپَدیب:-اوندا بئله.حتمن بو یئکه آغاجی دا بو سببه الینه آلیبسان؟
یورگن اورهکلهنیب:"هه"-دئدی و آغاجی الینده سیخدی.
-یاخشی.دئیه بیلرسن نهیی گودورسن؟
اوغلان آغاجی لاپ بتردن الینده سیخدی.
-پول اوچون کشیک وئریرسن؟
کیشی سلهسینی یئره قویدو.پیچاغی شالواری ایله تمیزلهدی.
-یوخ.اصلن. پولدان اوترو دئییل.من باشقا زادا کشیک وئریرم.
-نمنهیه؟!
-بو بیر سیرر دیر.دئیه بیلمهرم.
-اولسون دئمه.من ده سنه بو سلهده نه اولدوغونو دئمییهجم.
یورگن اعتیناسیز:"اوهو!من او سبدده نه اولدوغونو بیلیرم.دوشان خورهگی وار-دئدی.
کیشی تعجوبلو:-آفرین!عجب هوشلو اوشاقسان دئدی.نئچه یاشین وارمی؟
-دوققوز.
-آفرین!اوندا گرک بیلهسن اوچ دنه دوققوز نئچه اولار.ائله دیر؟
-بو چوخ ساده دیر.ییرمی یئددی.
-یاخشی.منیم دقیقن ییرمی یئددی دوشانیم وار.
یورگنین آغزی تعجوبدن آچیلا قالدی:" وااای...ییرمی یئدی؟!"
-ایستهسن اونلاری گوره بیلرسن.امما بعضیلری چوخ بالاجادیرلار.
یورگن تردیدله:"یوخ.من گرک بوردا کشیک دورام".-دئدی.
-اوندا سن ائوه شام یئمهیه گئتمیرسنمی؟!
یورگن بیر داشی قالخیزدی.آلتیندا بیر پارا چوءرک و بیر حلب قوطو سو واریدی.
-پیپ ده چکیرسن؟
-یوخ هردن سیگار چکیرم.پیپ سئومهرم.
-حیف اولدو.دوشانلاری گوره بیلردین.بلکه بیرینی ده اوزونه گوتورردین.امما بوردان اوزاقلاشا بیلمزسن.
سلهسینی گوتوروب آیاغا قالخدی گئتسین.
یورگن عجلهلی:-بیرینه دئمه سن من چول سیچانلارینا کشیک وئریرم.-دئدی.
کیشی آرخاسینا چوندو:"چول سیچانلارینا؟!"
-بلی اونلار اوءلولری یئییرلر.خورهکلری اوءلو اَتیدیر.اویرتمنیمیز دئییب.
من گوزلهییرم اونلار قارداشیمی یئمهسینلر.بو آلتدا باسدیریلیب.
سونرا چوپوقلا وئران اولموش دیواری گورستدی.
-بیر بُمب ائویمیزه دَیدی.زئرزمینین چیراغی سوندو.بیز قارداشیمی چوخ چاغیردیق.سس وئرمهدی.اونون یالنیز دوءرد یاشی واریدی.مندن دوءرد یاش کیچیک ایدی.
کیشی دئدی:اویرتمنیز دئمهییب چول سیچانلاری دا گئجهلر یاتیرلار؟!
یورگن یورغون حالدا:"یوخ دئمهییب"-دئدی.
کیشی:-عجب! اویرتمنیز بیلمیر سیچانلار دا گئجهلر یاتیرلار.گئت ائوینیزه راحات خیاللا یات.اونلار دا هاوا قارانلیقلاشاندا یاتیرلار.من گئدیرم دوشانلارا غذا وئرم.هاوا لاپ قارانلیقلاشاندا گلهرم.سنه ده بیر بالاجا دوشان گتیرهرم.ایستیرسنمی؟
-دوغروچو دوشان؟!آغ؟بوز؟آغ-قارا؟! اونلاردا گئجهلر یاتیرلار؟!
کیشی وئران دیوارین اوستوندن کئچیب جاددهیه طرف دوءندو.
-بلی اونلاردا یاتیرلار.اویرتمنیز بونو بیلمیرسه پَسه-پوسهسینی ییغیشدیرسین .نه اویرتمنی دیر؟!
یورگن آیاغا قالخدی.بیردنه آق دوشان ایستهییرم دئدی.
کیشی اوازاقلاشارکن:من گرک ائوینیزه گلیب سیزه دوشان یوواسی دوزلتمگی اویرهدم دئدی.
-سن گلنه جن منیم ده کشیکیم قورتارار.بیزیم تاختا جعبهمیز ده وار.یورگن دئدی.
کیشی بونو ائشیتمهدی.او جرجنک قیچلاریلا گون باتانا ساری قاچیردی.
هر یئر گونون شوگهسیندن قیزارمیشدی.گونش کیشینین جرجنک قیچلارینین آراسیندان گوروکوردو.الینده کی سَله اویان-بویانا یئللهنیردی.دوشانلارین غذاسی اوندایدی.اونلاری توز-تورپاق بوروموشدو.
https://t.me/Adabiyyatsevanlar
چول سیچانلاری دا یاتیرلار(یئنی یئتمهلر اوچون)
✍ولفگانگ بورشرت
چئویرن:سحرخیاوی
یالقیز سینیق پنجرهنین شوسهسینده،گونشین باتماق قیرمیزیلیغی گوروکوردو.توز-تورپاقلی بولود سینیق دودکئشلرین اوستونده گوزو قاماشدیریردی.آرانلیق وئران اولموش ائولرله یاتمیشدی.
اوغلانجیق گوزلرینی یومموشدو.لاپدان هاوانین قارانلیق اولماسینی حیس ائلهدی.سانکی بیری گلیب ساکیتجه اونونده دورموشدو.
اوءز-اوزونه:-ایندی گیره دوشدوم"-دئدی.کیپریکلرینین آراسیندان اوغورلوق باخدی.اینینده نیمداش شالواری اولان ایکی اَیری-مویرو قیچ گوردو.قیچیلار او قدر جَرجَنک ایدی،آراسیندان اطراف گوروکوردو.اورهکلهنیب اوسته باخدی.یاشلی بیر کیشی ایدی.کیشینین الینده پیچاق و سَله واریدی.اللری تورپاقلی ایدی.
-نئیه بوردا یاتیبسان؟! کیشی سوروشدو.
یورگن گوءز آلتی کیشینین قیچلارینین آراسیندان باتان گونَشه باخدی.
-یاتمامیشام.-دئدی.بوردا گودوکچو دایانمیشام.
کیشی باشینی ترپَدیب:-اوندا بئله.حتمن بو یئکه آغاجی دا بو سببه الینه آلیبسان؟
یورگن اورهکلهنیب:"هه"-دئدی و آغاجی الینده سیخدی.
-یاخشی.دئیه بیلرسن نهیی گودورسن؟
اوغلان آغاجی لاپ بتردن الینده سیخدی.
-پول اوچون کشیک وئریرسن؟
کیشی سلهسینی یئره قویدو.پیچاغی شالواری ایله تمیزلهدی.
-یوخ.اصلن. پولدان اوترو دئییل.من باشقا زادا کشیک وئریرم.
-نمنهیه؟!
-بو بیر سیرر دیر.دئیه بیلمهرم.
-اولسون دئمه.من ده سنه بو سلهده نه اولدوغونو دئمییهجم.
یورگن اعتیناسیز:"اوهو!من او سبدده نه اولدوغونو بیلیرم.دوشان خورهگی وار-دئدی.
کیشی تعجوبلو:-آفرین!عجب هوشلو اوشاقسان دئدی.نئچه یاشین وارمی؟
-دوققوز.
-آفرین!اوندا گرک بیلهسن اوچ دنه دوققوز نئچه اولار.ائله دیر؟
-بو چوخ ساده دیر.ییرمی یئددی.
-یاخشی.منیم دقیقن ییرمی یئددی دوشانیم وار.
یورگنین آغزی تعجوبدن آچیلا قالدی:" وااای...ییرمی یئدی؟!"
-ایستهسن اونلاری گوره بیلرسن.امما بعضیلری چوخ بالاجادیرلار.
یورگن تردیدله:"یوخ.من گرک بوردا کشیک دورام".-دئدی.
-اوندا سن ائوه شام یئمهیه گئتمیرسنمی؟!
یورگن بیر داشی قالخیزدی.آلتیندا بیر پارا چوءرک و بیر حلب قوطو سو واریدی.
-پیپ ده چکیرسن؟
-یوخ هردن سیگار چکیرم.پیپ سئومهرم.
-حیف اولدو.دوشانلاری گوره بیلردین.بلکه بیرینی ده اوزونه گوتورردین.امما بوردان اوزاقلاشا بیلمزسن.
سلهسینی گوتوروب آیاغا قالخدی گئتسین.
یورگن عجلهلی:-بیرینه دئمه سن من چول سیچانلارینا کشیک وئریرم.-دئدی.
کیشی آرخاسینا چوندو:"چول سیچانلارینا؟!"
-بلی اونلار اوءلولری یئییرلر.خورهکلری اوءلو اَتیدیر.اویرتمنیمیز دئییب.
من گوزلهییرم اونلار قارداشیمی یئمهسینلر.بو آلتدا باسدیریلیب.
سونرا چوپوقلا وئران اولموش دیواری گورستدی.
-بیر بُمب ائویمیزه دَیدی.زئرزمینین چیراغی سوندو.بیز قارداشیمی چوخ چاغیردیق.سس وئرمهدی.اونون یالنیز دوءرد یاشی واریدی.مندن دوءرد یاش کیچیک ایدی.
کیشی دئدی:اویرتمنیز دئمهییب چول سیچانلاری دا گئجهلر یاتیرلار؟!
یورگن یورغون حالدا:"یوخ دئمهییب"-دئدی.
کیشی:-عجب! اویرتمنیز بیلمیر سیچانلار دا گئجهلر یاتیرلار.گئت ائوینیزه راحات خیاللا یات.اونلار دا هاوا قارانلیقلاشاندا یاتیرلار.من گئدیرم دوشانلارا غذا وئرم.هاوا لاپ قارانلیقلاشاندا گلهرم.سنه ده بیر بالاجا دوشان گتیرهرم.ایستیرسنمی؟
-دوغروچو دوشان؟!آغ؟بوز؟آغ-قارا؟! اونلاردا گئجهلر یاتیرلار؟!
کیشی وئران دیوارین اوستوندن کئچیب جاددهیه طرف دوءندو.
-بلی اونلاردا یاتیرلار.اویرتمنیز بونو بیلمیرسه پَسه-پوسهسینی ییغیشدیرسین .نه اویرتمنی دیر؟!
یورگن آیاغا قالخدی.بیردنه آق دوشان ایستهییرم دئدی.
کیشی اوازاقلاشارکن:من گرک ائوینیزه گلیب سیزه دوشان یوواسی دوزلتمگی اویرهدم دئدی.
-سن گلنه جن منیم ده کشیکیم قورتارار.بیزیم تاختا جعبهمیز ده وار.یورگن دئدی.
کیشی بونو ائشیتمهدی.او جرجنک قیچلاریلا گون باتانا ساری قاچیردی.
هر یئر گونون شوگهسیندن قیزارمیشدی.گونش کیشینین جرجنک قیچلارینین آراسیندان گوروکوردو.الینده کی سَله اویان-بویانا یئللهنیردی.دوشانلارین غذاسی اوندایدی.اونلاری توز-تورپاق بوروموشدو.
https://t.me/Adabiyyatsevanlar
Telegram
ادبیات سئونلر
بوکانال ادبیات سئونلر قوروپونون سئچیلمیش اثرلری دیر
کانالدا کی یازیلاری کانالین لینکینی وئرمک شرطی ایله پایلاشماق اولار.
کانالدا کی یازیلاری کانالین لینکینی وئرمک شرطی ایله پایلاشماق اولار.
4_5801170141538420843.mp4
37.4 MB
اوشاق ادبیاتی
«آلما»
حاضیرلایان: معصومه_اژدری
رئداکته: اوستاد_حسن_اومود_اوغلو
اؤیرتمن: م_درویش_تبریزلی
اوخوجو: ثنا_حسینپور
https://t.me/Adabiyyatsevanlar
«آلما»
حاضیرلایان: معصومه_اژدری
رئداکته: اوستاد_حسن_اومود_اوغلو
اؤیرتمن: م_درویش_تبریزلی
اوخوجو: ثنا_حسینپور
https://t.me/Adabiyyatsevanlar
Media is too big
VIEW IN TELEGRAM
یاران کاغذی من
دلنوشتی برای روز جهانی کتاب
نوشتهی امیر اقدم
خوانش: امیر اقدم
میکس و تنظیم: افشار سپهری
https://t.me/Adabiyyatsevanlar
🎧
دلنوشتی برای روز جهانی کتاب
نوشتهی امیر اقدم
خوانش: امیر اقدم
میکس و تنظیم: افشار سپهری
https://t.me/Adabiyyatsevanlar
🎧
«دومان بختیاری»
کدر بوغاندا بیزی شعریمیزده قان داریخیر
سیخینتیدان باش آچانمیر بو داغ ،دومان داریخیر
دوداق دوداق داغیلان دردیمیز دریلمه ده دیر
گونش دوغاندا داغیلمیش دوداق دا دان داریخیر
گون اورتادان اوزولن اللرین نه دیر گوناهی
چاخیرلی دستامازیم درد اولور آزان داریخیر
آسیلمیشام شهرین گؤزلریندن آیلی گئجه
گرایلیمیزدا یاشیللیق یانیر خزان داریخیر
بو پینتی فلسفه لردن ساغانمیرام اؤزومو
جانیم یامان سیخیلیر کؤینه گیم یامان داریخیر
هارای سئلین ساراسیندان سینیر سینیر داغیلیر
بو سئلده سئوگی بوغولماقدا، خان چوبان داریخیر
https://t.me/Adabiyyatsevanlar
کدر بوغاندا بیزی شعریمیزده قان داریخیر
سیخینتیدان باش آچانمیر بو داغ ،دومان داریخیر
دوداق دوداق داغیلان دردیمیز دریلمه ده دیر
گونش دوغاندا داغیلمیش دوداق دا دان داریخیر
گون اورتادان اوزولن اللرین نه دیر گوناهی
چاخیرلی دستامازیم درد اولور آزان داریخیر
آسیلمیشام شهرین گؤزلریندن آیلی گئجه
گرایلیمیزدا یاشیللیق یانیر خزان داریخیر
بو پینتی فلسفه لردن ساغانمیرام اؤزومو
جانیم یامان سیخیلیر کؤینه گیم یامان داریخیر
هارای سئلین ساراسیندان سینیر سینیر داغیلیر
بو سئلده سئوگی بوغولماقدا، خان چوبان داریخیر
https://t.me/Adabiyyatsevanlar
Telegram
ادبیات سئونلر
بوکانال ادبیات سئونلر قوروپونون سئچیلمیش اثرلری دیر
کانالدا کی یازیلاری کانالین لینکینی وئرمک شرطی ایله پایلاشماق اولار.
کانالدا کی یازیلاری کانالین لینکینی وئرمک شرطی ایله پایلاشماق اولار.