دونیا ادبیاتی
یانیس_ریتسوس

بیز، اؤز ایچیمیزده گولومسه‌ییریک؛
آنجاق ایندی گیزله‌دیریک همن گولومسه‌‌مه‌یی.
یاساق گولومسه‌مه...
نئجه‌کی گونش یاساق اولدو،
گئرچک ده...

بیز گولومسه‌مه‌نی گیزله‌دیریک،
سئوگیلیمیزین شکلینی جئبده،
و آزادلیق دوشونجه‌سینی اوره‌ییمیزین گیزلین یئرینده،
گیزلتدیییمیز کیمی...

بورادا اولان هامیمیزین بیر گؤیو وار،
بیر ده ائله بو گولومسه‌مه‌سی.
بلکه صاباح بیزی اؤلدوره‌لر
آنجاق بو گولومسه‌مه‌نی و بو گؤیو بیزدن آلا بیلمزلر.

بیلیریک:
کؤلگه‌لریمیز تارلالارین اوستونده قالاجاق
کولبه‌لریمیزی چئوره‌له‌ین پالچیق دووارلاردا،
صاباحین بؤیوک بینالارینین دووارلاریندا،
ائیوانین کؤلگه‌سینده گؤی لوبیا آریدان آنانین دؤشلویونده...
بیلیریک. بونلارین هامیسینی بیلیریک.

اوغورلو اولسون آجی تقدیریمیز
اوغورلو اولسون بیرلیییمیز
اوغورلو اولسون صاباحکی دونیا....!


https://t.me/Adabiyyatsevanlar

‏ اژدر عمی نین ابدی خاطیره سینه عشق اولسون .
بسته کار : اوستاد سلیمی
خواننده : اژدر عمی
زامان : ۵۶-۵۵ اینجی ایللر

https://t.me/Adabiyyatsevanlar

سایین کانالداشلا
بو وئرلیش عینی زاماندا ادبیات سئونلر کانلیندان

یاییملاناجاق .

https://t.me/Adabiyyatsevanlar

تقویت مهارتهای ارتباطی زوجین 99/1/25
2اینجی جلسه
اوزمان : ایلقار مودن زاده

https://t.me/Adabiyyatsevanlar

کریم قربانزاده
آ...........ی
نا ااااااااااااااایلون باششششماق
کؤؤؤؤؤؤؤؤؤؤؤؤهنه روح ح ح
قاب- قاشیق¬آلیرام
و عومورومو
بیرتیکه یاوان چؤریه
بو شه¬هرین سئوگیسیز کوچه لرینده
ساتیرام .
https://t.me/Adabiyyatsevanlar

سئوگی رقصی
ادبیات سئونلر سئویب،سئویلنلره تقدیم ائدیر.

https://t.me/Adabiyyatsevanlar

زیبا میراحمدی'' گونش ''

هر گون چیخارام قاپ باجایا سس سوراغیندا
بیر گول گوره رم شاختا قوروتموش بوداغیندا

قورشون اله نیر هر طرفه آرزوما دیمه
قان قیرمیزی دیرسون اوپوجوک گول یاناغیندا

حسرتله باخیر آی گونه واقتین گئدرینده
هئی تامسیناراق سوزلرینی جان دوداغیندا

اودلانمیش آغاج ال قول آچیر اللاها ساری
رحمت دیله ییر کوزلو کومورلو اوجاغیندا

بوش قالمیش اوتاق دورد گوز اولور چرچیوسینده
سانکی یئنی بیر شعیر اولاجاق آغ واراغیندا

چال بیر هاوا کی اولدوزا دولسون گئجه لرده
سسلنمه یه گلسین قایالار چال چاناغیندا

سارسیلما گونش ساچلارینی دالغالاسا یئل
قیوریم تئلینه ماهنی دولار چنلی چاغیندا

https://t.me/Adabiyyatsevanlar

تانری سوزونون ائتیمولوگیاسی
۷-۶ اینجی بولوم

یازیچی : دیلچی عالیم دوکتور روشن خیاوی.
بو یازینی ادبیات سئونلر کانالیندا اوخویون .


https://t.me/Adabiyyatsevanlar

«تانرؽ - Tanrı »سؤزۆنۆن ائتیموْلوْگێاسؽ(۷-۶)

آراشدؽرؽجؽ ۉ ێازان: رحمان پوراکبر خیاوی(روْشن خیاوی)


آلتؽنجؽ و یئدینجی بؤلۆم:

بیز بیلیریک کی کنگرلی - سومر میلله تی، تانرؽ یا ،،دینگیر-dingir،،دئێیردیلر،ایندی بیزیم زامانؽمؽزدا بو سؤز،فوْنئتیک phonetic باخؽمؽندان بیر آز فرقلی اوْلاراق، دینگیر،تینگیر،دینقیر،تنقری،تانرؽ ۉ تارؽ ۉ...شکیللرده،بۆتۆن تۆرک دیێالوْقلاردا ایشه گئدیر ۉ مۆصطلحدیر.فقط باشقؽرت تۆرکۆنده بو کلمه ایشه گئتمیر،
بیز بونودا بیلیریک کی کنگرلی-سومر خالقؽنؽن تاریخی، أن آزؽ بئش، ێئتدی،سکگیز مین ایل بو زاماندان دالا قاێدؽر، کنگرلیلر گؤێۆ تانرؽ بیلیردیلر،تۆرکلرده گؤێۆ تمامیله آێلا،گۆنله،اولدوزلارلا،تانرؽ بیلیردیلر.محمود قاشقارؽ نقل ائدیب کی ایسلام دینین قبول
ائتمه ین تۆرکلر، گؤێه تنگری دئمیشلر،ۉ حتا محمود قاشقارؽ اوْنلارؽ قارقؽشلاێؽر و دئێیر: ێئره باتاسؽ کافیرلر!(Besim Atalay .3 s 361)
خزر تۆرکلریده گؤێه تانرؽ دیمیشلر،بو اینام ،،قوموق،،تۆرکلرینین فوْلکلوْروند گؤرۆنۆر،
اورخون - ێئنی سئێ یازؽلارؽندا،ۉ خاص گۆل تکین عابیده سینده،بو مضموندا ۉ معنادا بیر جۆمله نظری اؤزۆنه جلب ائدیر ۉ البته چوْخ ماراغلؽدؽر: گؤێ ۉ اینسان بیرلیکده،(ێاهمامنگ اوْلماقلان) بۆتۆن ۉارلؽق ۉ کاێنات ،بیر محتشم توْپلوم(کلیت) دورومدادؽر،ێعنی اینسان بیر طرفده ۉ باشقا ێارانمؽشلار(مخلوقلار)بیر طرفده، بیر ۉاحید کۆللیێیه تی ێارادؽرلار(تشکیل ۉئریرلر)، بو سؤزده بؤێۆک ۉ ده رین فلسفی ،عرفانی ۉ پانتئوْلوْژیک فیکیرلر ۉ دوێغولار گؤرۆنۆر،آما اوْنا یاناشماق بیزیم بحثمیزدن گئریدیر.
گۆل تکینین عابیده سینده، بیر باشقا جۆمله ده، دیققه تی جلب ائدیر.جۆمله نین اؤزۆ بئله دیر: تنقری تک تنقریده بوْلموش تۆرک بیلگه کاغانؽ بو اؤدگه اوْلورتیم.
معنا بئله دیر:تانرؽ تک گؤێده(گؤێلرده) دوْغولموش تۆرک ،بیلیملی(ێا بیلیمچی)خاقان،بو ۉاخت (تاختا)اوْتوردوم،(s.s. s 24)
ماراغلؽ بودور کی گۆل تکینین بو عابیده سی،چین دیلینده ده ۉ چین آلفابئتی له ده ێازؽلؽب،ۉ البته ترجۆمه سی. بو ێازؽدا بیرینجی جۆمله ده ،،تانرؽ،،سؤزۆنۆن ێئرینه ،،گؤێ،،،ۉ ایکینجی جۆمله ده ،،گؤێ،،سؤزۆنۆن ێئرینه ،،تانرؽ،،کلمه سی ێازؽلؽب. بیله لیکله گؤرۆنۆر ۉ معلوم اوْلورکی قدیم تۆرکلر،،،تانرؽ،،ۉ ،،گؤێۆ،، بیر آنلامدا ۉ بیر مؤۉجود کیمی بیلیرمیشلر،ێعنی تانرؽ ۉ گؤێ ایکی سینوْنیم کلمه کیمی ایشه گئتمیشلر.
ترخین Terxin ێازؽلارؽندادا ،،گؤێ،،کلمه سی ،،،تانرؽ،، سؤزۆایله بیرلیکده گلیب،بو یازؽدا ،،بیلگه خاقان،،ؽ ۉ اوْنون آناسؽ «ائل بیلگه خاقان-elbilgə xaqan گؤیده دوْغولموش وصفیله دئییلیر، epeti?ایله گؤسته ریلیر.
ێئتدینجی(۷)بؤلۆم:

قدیم تۆرکلر گؤێه خطابا دوعا ائدیب ۉ حتا دوعا ێازمؽشلار،
آذرباێجان تۆرکلریده،گؤێه ال قوْۉزاێؽب،ۉ آرزؽلارؽن دیلرمیشلر،ده ده قوْرقود کیتابؽندا،ێئر،گؤێ ۉ تانرؽنؽ کلمه لرین بیر ێئرده گه تیریب:
عرش تانؽق اوْلسون،کۆرش تانؽق اوْلسون،
ێئر تانؽق اوْلسون،گؤێ تانؽق اوْلسون،
قادیر تانرؽ تانؽق اوْلسون،...
بوسؤزلری ،،ده لی دوْمرولون آرۉادؽ،اوْنا خطابا دئییر،(۱۵۶)
نقل ائتدیێیمیز شئعرده ایکی مؤۉضوع دیققه تی جلب ائدیر:
۱- بودور کی،عرش،کۆرش،ێئر ۉ گؤێ سؤزلری،،،تانرؽ،،سؤزایلن
سینونیم شکیلده،ێعنی عئێنی معنادا ایشله نیب،
۲- بودورکی،بو شئعرده ،،تانؽق،،سؤزۆ،،شاهید،،معناسؽندادؽر،ۉ تۆرکلرین کۆلتۆرۆنده ۉ ایناملارؽندا،جامد ۉ جانسؽز شئێ لری،شاهید توتماق اوْلمازدؽ،آما عئێنی شئعرده گؤرۆنۆرکی ێئر،گؤێ ۉ عرش شاهید توتولوب،پس آێدؽن اوْلورکی،قدیم تۆرکلر ێئری،گؤێۆ ۉ عرشی دیری ۉ جانلی ساێؽرمؽشلار.
بو شئعرده همچنین،ده لی دوْمرولون آرۉادؽ،ێئری،گؤێۆ ۉ عرشی شاهید توتور.آما ماراغلؽ بودور کی،،،کنگرلی- سومر،،لؤۉحه لرینده ده،،گؤێ،،ۉ،،تانگری،،سؤزلری ۉاحد علامتلرلن ێازؽلؽب،ۉبئله لیکله معلوم اوْلور کی کنگرلی لرده گؤێۆ ۉ تانرؽنؽ آربا معنادا ایشه آپارؽرمؽشلار،بیر کنگرلی-سومر متن ده بئله ێازؽب:
göy əmr verdi,yer doğdu,
Numun bitkisini doğdu,
yer doğdu,göy əmr verdi,
Numun bitkisi doğdu,
ایشاره: نومون بیتگیسی: چؤل ێئرکؤکی سی،
گینه بیر کنگرلی متن ده«ایناناتانرؽسؽ»اؤز باجؽسؽنا،«اوتاێا-Utaya»،بئله دئیئر:
kutsal ləyən içində yaxalandım,
arı qab içində subunlandım,
göyün şahlıq paltarını geyindim,
gözlərimi kömürlə boyadım,
ایشاره : utay-اوتاێ, سومر دیلینده، ،،گۆن،گۆنش،ایستی،اوْت ...معناسؽنادؽر،بوزاماندا،ایستی،ایتی،اۆتۆ،اۆتمگ،
اوْت ۉ چوْخ سؤزلر اوْ کؤکدن گه لیر،
ایکینجی سطیرده ،،سوبونلاندؽم،،ێعنی ێوێوندوم،ێوۉوندوم،
دؤردۆنجۆ سطیرده،،،کؤمۆرله بوْێادؽم،،، گۆێا اسکی زامانلاردا،ایندیکی ،،سۆرمه،،ێئرینه، قادؽنلار کؤمۆرلن(زغال)،گؤزلرین بزه رمیشلر،ب

وردا،اوْنا ایشاره...
آردی وار

https://t.me/Adabiyyatsevanlar

تار و دیکلمه : مهرپرور

https://t.me/Adabiyyatsevanlar

سایین کانالداشلار
چهارشنبه گونلری ادبیات سئونلر کانالیندا
یالنیر نثر یازیلارین پایلاشیریق

سنی بوش یئره سئومه میشدیم

اسماعیل خرمی


یاغیش سیسقین – سیسقین یاغماغا باشلامیشدی. قوروموش یارپاق‌لار، آیاق‌لار آلتیندا، بیر – بیرینه نه‌سه پیچیلداییردی. بیر – ایکی سئرچه، لوت بوداق‌لارین اوستونده اویناشیردی. یئنی‌جه چیخان گونش، گوجسوز بیر دورومدا، قول - قانادینی ساللایاراق، چالیشیردی زیروه‌لره یوکسه‌له. نه داریسقال کوچه وار ایدی نه ده یاریمچیق تیکیلمیش دام – داش. من یاریمچیق ساندیغیم دام – داش یئرینده ایکی مرتبه‌لی ائوین آلتیندا، بیر چایخانا قورولموشدو. اونون قارشی‌سیندا دوروب گؤزله‌مه‌لی ایدیم. "سونا" ایله بوردا گؤروشه‌جه ایدیک. بیر آز اویان – بویانا یئریدیم. بیر – ایکی سیگارئت چکدیم. گاه یئره باخیردیم گاه گؤیه. گاه‌دا کوچه‌نی، دام – داشلاری گؤزدن کئچیریردیم. اونوتقانلیق توتان آدام کیمی، بورالارین هامیسی منه یاد گلیردی. سانکی ایل‌لر بویو من بوردا یاشامامیشام. بوردا منیم اوشاق‌لیغیم، گنج‌لییم کئچمه‌میشدی. سونا ایله بوردا گؤروشوب اؤپوشمه‌میشدیک. سانکی بوردا منیم شیرین و آجی گون‌لریم اولمامیشدی. درس اوخویا – اوخویا بو دام – داش‌لارین چوخوندا کرپیج آتیب بتون داشیدیغیم، فهله‌لیک گونلریم، گؤزومون اؤنونده ایدی. ائله بو کوچه‌ده سونانی گؤروب سئومیشدیم. ائله بو کوچه‌ده اونونلا گیزلیجه ال – اله یاپیشیب گؤزلرینین ایچینه بوتون گوجوم‌له باخمیشدیم. آمما بو دام – داش‌لاردا اؤزگه ایدیلر، یاد ایدی‌لار منه.
بیر گون درسدن قاییدیب، بو دام‌لارین بیرینده فهله‌لیک ائتدییم آندا، سونا منی گؤردو. دوزو چوخ اوتاندیم. منی بئله دورومدا گؤرمه‌یینی ایسته‌مزدیم. آمما بیر گؤروش گونو، منیم ایشله‌مه‌ییمدن چوخ – چوخ سئویندی. منه اوره‌ک – دیره‌ک وئره‌رک دئدی:
- سنون یاخشی درس اوخوماغون منه بللی‌دیر. اونون یانیندا ایشله‌مه‌یون داها گؤزل و دوزگوندور. سونرا آرتیردی:
- کاسیبلیق مان دئییل، الوندن بیر ایش گلیرسه ایشله‌مه‌ییب کاسیب قالسان ماندیر.
سونانین سؤزو اوره‌ییمه ائله یاتدی کی اونو اوره‌کدن باغریما باسیب نئچه کره اؤپدوم. چوخ واخت‌لار سونا گلیب ایشله‌دییم یئرده، منیمله گیزلیجه گؤروشردی. اوستوم – باشیم تمیز اولماسادا، بوندان هئچ اوتانمازدی. دئییب – دانیشیب گوله – گوله آیریلاردیق.
یونیوئرسئتدن قبول اولدوغوم ایل‌لر چوخلو کتاب اوخویوردوم. رمان، حئکایه، فلسفه، تاریخ و . . .. بو کتاب‌لارین بعضی‌لرین اوندان – بوندان گیزلیجه آلیب اوخویاردیم. اوخودوق‌لاریم‌دان سونایا دا وئره‌ردیم. بعضن‌ده اوتوروب اوخودوق‌لاریمیز باره‌سینده دانیشاردیق. کیتاب‌لارین بیرینده بئله بیر سورقویا توش گلمیشدیک: "اؤزل حیات اؤنملی‌دیر یوخسا ائل قایغی‌سینا قالماق؟" سونا اؤزل حیاتا اؤنم وئریردی. من ایسه ائل دردینی چکمه‌یه. چوخلو دانیشیقدان سونرا قراره گلدیک کیتابی بیر داها سونونا قدر اوخویاق.
بیر نئچه گوندن سونرا یئنه اورتاق آنلاییشمایا چاتمادیق. سونا بیزیم عشقیمیزی هر نه‌دن قوتسال توتاراق، اؤزل حیاتیمیزی اؤنمسه‌یه‌رک دئدی:
- سنون بیر توکونو مین‌لر آخماق آدام‌لارین بوتون حیاتی ایله دئییشمه‌رم.
یوخ، سونا دئدییینین اوستونده سرت‌جه‌سینه دایانمیشدی. بیر – بیر آداملاری آدلاریلا سایدیلاییب دئدی:
- قویمارام، قانماز حاجی صفر، پینتی حاجی قنبر، مالین یئمز سید حسین، ساتقین قارا جعفر، امنیه فیروز و . . . کیملره گؤره سنون باشوندان بیر توک اسگیک اولا. ائل اولاردیرسا قایغی‌لارین بالالاری چکسین.
سونا، دانیشماقدان دایانمیردی، یورولموردو. چالیشیردی سون گوجو ایله منی باشا سالسین کی بیزیم حیاتیمیز هر نه‌دن و هر کسدن اؤنملی‌دیر. اؤزموزو یاخشی باشا دوشمه‌سک باشقاسینی باشا دوشه بیلمه‌ریک دییه آرتیردی:
- باخ منیم جانیم، منیم گؤزل عشقیم، اولار بیزیم قایدیمیزا قالیرلار مگر؟ بیزده اولارین قایدینا قالاق؟ یوخ منیم جئیرانیم. اؤزموزو دوشون. گله‌جه‌ییمیزی دوشون. سن کی باجاریقلی درس اوخویوب چالیشقان آدامسان، منده سنه یاردیمجی اولاراق چالیشیب اؤزموزه گؤزل حیات قوراریق.
سونایا دئمک ایسته‌ییردیم من ائلین قایغی‌سینا اؤنم وئرمکده، عشقیمیزی، سئوگیمیزی، اؤزل حیاتیمیزی دانمیرام. آنجاق ائلین ده قایغی‌سین چکمک لازیمدیر.

چایخانا گئت – گئده شولوغلاشیردی. یاغیش دا برکیمیشدی. دالبادالا دوشن یاغیش دامجی‌لاری، الیمده یاندیردیغیم سیگارئتی، مندن قاباق سؤندوروردو. تپه‌دن - دیرناغا ایسلانمیشدیم. ایسلانسامدا بیر یئره گئتمک ایسته‌میردیم. گلیب – گئدنین اوزونه باخیردیم. بلکه سونادا گلیب بورالاردان کئچدی دییه، قادین‌لارا داها چوخ دقت ائدیردیم. یاغیشدان قورونماق چون، اوز - گؤزونو اؤرتن قادین‌لاری سلام وئره‌رک دانیشدیریردیم بلکه سونانین سسین ائشیدم. چوخ‌لاری گلدی گئتدی. آنجاق سونا گلمه‌دی. گؤزوم یئره دوشن یاغیش‌لارین آراسینی آراییردی. نئچه مرتبه‌لی ائولرده، ترله‌میش باجالاری سیلن ال‌لرین آرخاسیندا اولان آدام‌لار

ی سئیر ائدیردیم. بالکون‌لاردان،

یاغیش ایسلادماسین دییه، تله‌سه – تله‌سه سریلمیش پالتارلاری ییغیشدیران قادین‌لارا باخیردیم، هئچ بیری سونایا اوخشامیردی. چال باشیم و آغووش ساققالیم یاغیش دامجی‌لاری ایچینده بوغولموشدو. کیپریک‌لریمی دؤین یاغیش گؤز یاشی کیمی یاناق‌لاریمدان آخیب تؤکولوردو. بو دورومدا اؤزومه باخیب آغلاماغیم گلدی. ایسته‌دیم کوچه‌ده ائله هؤنکور – هؤنکور آغلاییم کی سسیم بوتون ائولره چاتسین. باجالاردان، بالکون‌لاردان سوخولوب اوتاق‌لارا گیرسین. آمما چایخانا قاباغیندا اولدوغوم یادیما دوشدوکده، اؤزومو اله آلدیم. هامی واریدی، سونا یوخ ایدی.
چایخانانین قاپیسی آچیلدی، بیر نفر منی سسله‌دی: « آی آغا جومجولوق سو اولوبسان، ایکی ساعاتدیر یاغیشین قاباغیندا دلی آدام کیمی نه‌یه دوروبسان؟ گل ایچری بیر آز قیزیش. یوخسا ناخوشلویارسان.
الی – آیاغی یئردن – گؤیدن اوزولموش آدام کیمی، چاره‌سیز قالاراق سؤزونه باخیب ایچه‌ری کئشدیم. منی ایچه‌ری چاغیران آدام اؤز یانیندا اوتورتدو. چایچی قاباغیما بیر چای قویدو. یانیمداکی چالیشدی منه دئسین ایسلانمیشام چایی ایستی – ایستی ایچیم بلکه جانیم قیزیشا. اونسوزدا ایچری کئشجک، جانیم قیزیشمیشدی. آخی بورانی یاخجی تانیییردیم. سماوارلارین اولدوغو دالدا یئر منه چوخ دوغما گلیردی. بو دالدا یئرده من نئچه کره اولموشام. یادیمدان چیخارمی هئچ؟ بوردا منیم ان شیرین گونلریم کئچیب. عؤمرومون گول‌لو – چیچک‌لی آن‌لارینین ایزی وار بوردا. سونا ایله خیسین – خیسین دانیشدیغیمیز سؤزلرین سس‌لری قاناد آچیب اوچور بورالاردا. اؤپوش‌لرین قیشغیرتیسی قولاغیما گلیر. قوجاق‌لاریمیز پیچیلداییر. اونون گؤز‌لرینین ایشیغی ایچیمده نور دوغورور. سون گؤروشوموز، سماوارلار اولدوغو یئرده گؤزومون اؤنونده پوققلداییر، جوشوب داشیر. جوشوب ایچیمه تؤکولور. ایچیمی ایندی یاندیریب یاخیر. گؤزومو کور ائدرجه‌سینه قدر، سماواردان آخان قاینار سو کیمی قاینار آغلاماق ایسته‌ییرم.
ایچیمه دالمیشدیم. هئچ بیلمیردیم چایخانادا کیملر وار. گؤزومو آچاندا، حاجی صفری، پینتی حاج قنبری، مالین یئمز سید حسینی، ساتقین قارا جعفری، امنیه فیروزو و یاشقالارین گؤردوم. زلی قانی سوموران کیمی، لذت‌له قلیان‌لارین سوموروردولار. منی ایچه‌ری چاغیریب یانیندا اوتوردان کیشی ده، منیم یونیوئرسئت یولداشیم، ائلیارین آتاسی، آقابالا کیشی ایدی. آقابالانین فیکری – ذیکری اوشاقلارین اوخودوب بیر یئره چاتدیرماق ایدی. ائلیار یونیوئرسئتی قازاناندا تکجه داناسین‌دا اونا قوربان کسیب پایلامیشدی. آقابالا کیشی چایین ایچه – ایچه مندن سوروشدو:
- آی بالا کیملردن‌سن؟ بورالاردا نه گزیرسن؟
آقابالانین منی تانیماماغی بللی ایدی. تانیسایدی بئله دانیشمازدی. آقابالا تانیماسا هئچ کیم تانییا بیلمزدی. بونلارلا چوخ یاخین ایدیک. اوغلو ایله‌ده یاخین دوست ایدیم. نئچه کره ائولرینه گئتمیشدیم. ایلک کره دوشوندوم، اؤزومو تانیتدیرمایام. آمما بعضی سورولاریما جواب تاپماغا گؤره مجبور ایدیم. اونا یاخینلاشاراق دئدیم: « آقا بالا عمی منی تانیمادون؟» آقابالا گؤزلریمین ایچینه دقتله باخاراق، دئدی: « آی بالا تانیش گلیرسن آنجاق یاخشی آوارمادیم.» اوندان ایسته‌دیم تانییاندان سونرا کیمسه‌یه دئمه‌سین. سونرا آچیقلادیم کی من ائلیارین دوستو "آیدینام". اوزومه درین – درین باخیب آز قالدی گؤزلیندن یاش سوزه‌لنسین. آنجاق اؤزونو ساخلاییب، قولونو بوینوما سالیب ایسلاق آغووش ساققالیمدان اؤپدو.
- آی بالا سنون باشووا دؤنوم. نه پیس گونه قالیبسان؟ بو یاشدا ساچون ساققالون دوم آغ اولوب. والله هئچ تانیماق اولمور. الله مردم آزارین ائوین ییخسین. سنی اونلار بو پیس گونه قویدولار. مین دفعه سنه، ائلیارا دئمیشدیم، بو آخماق آدام‌لارلا آغیز – آغیزا وئرمهیین، سیزی گودازا وئره‌رلر. گئتدینیز درس اوخوماغا اوردادا دیلینیزی یئره قویمادوز. دؤلت‌له، دؤلت‌لیک ائله‌مک اولماز.
- جانون ساغ اولسون عمی. کئچن کئچیب، اولان اولوب. من ایندی باشقا بیر ایش ایچون بورا گلمیشم.
آقابالا کیشی سؤزلریمه قولاق آسمایان کیمی آرتیردی:

- داش‌لارین سینوزه دؤیدویونوز آدام‌لار، سیزی ساتدیلار. ده‌یردی بئبئله زندان چکیب پیس گونه قالماق؟ قانماز حاجی صفرین اوغلو هارا، آییلماق هارا؟ مین دنه ده اونا کیتاب وئریب اوخودساندا دده‌سی کیمی قانمازدیر کی قانمازدیر. آی بالا قانمازلیق بونلارین قانیندا وار.
- واختی گلر اونلاردا باشا دوشرلر. هئچ کیم ننه‌سین قارنیندا پیس و یا یاخشی اولمور. بیزلر اونلاری یاخشی و پیس بارا گتیریریک. گؤرونور کی بیزیم ایشلریمیزده خطا وارمیش. بیرده هامی قانان اولمایاجاق کی.
آقابالا کیشی یئنه‌ده دییه‌سن منیم سؤزلریمه قولاق آسمیردی. باشلادی هاچان زنداندان چیخمیشام، کیمی گؤروب گؤرمه‌میشم. و هارا گئتمه‌ییمدن سوردو. بیر – بیر جواب وئرندن سونرا، سونانی آختاردیغیمی دئدیم. او دا منه دئدی کی، «سونرالار بیلدیم کی سی

ز نه قده‌ر بیر بیرینیزی سئویرم

یش‌سیز.» نئچه کره آقابالا کیشی‌یه دئدیم کی من سونانی دله‌جه‌سینه سئویردیم. سونانین خاطره‌لری و اونا قووشماغی زنداندا منی بوتون چتینلییه دؤزدوروردو. یاراسی دئشیلن آدام کیمی و قولاق یولداشی تاپان دیل کیمی باشلادیم اونا سون گؤروشوموزدن دانیشماغا:
- بیر گون یاغیش سیسقین – سیسقین یاغماغا باشلامیشدی. قوروموش یارپاق‌لار، آیاق‌لار آلتیندا، بیر – بیرینه نه‌سه پیچیلداییردی. بیر – ایکی سئرچه لوت بوداق‌لارین اوستونده اویناشیردی. یئنی‌جه چیخان گونش، گوجسوز بیر دورومدا، قول - قانادینی ساللایاراق، چالیشیردی زیروه‌لره یوکسه‌له. آددیم‌لاریمی سرت آتاراق، داریسقال بیر کوچه‌ده یاریمچیق تیکیلمیش دام - داشا یاخینلاشدیم. دامین آرخاسیندا دؤرد دووارین بوجاغیندا "سونا"نی گؤردوم. منی گؤرجک، سس‌سیزجه الی ایله ایشاره ائتدی. کیمسه گؤرمه‌دن گیزلی‌جه یانینا سوزولدوم. ال گؤروشوب اوزوندن اؤپدوم. منی برک – برک قوجاقلاییب، «نه چوخ یوباندون؟» دئدی. آمما من یوبانمامیشدیم. او گون بالاجا باجی‌سی چیچه‌یه دوز بو واختی دئمیشدیم. گؤروشوموز چوخ آز چکدی.گلن آدینا آخشامی اونلارا ائلچی گؤندره‌جه‌ییمی سؤیله‌دیم و آیریلدیق.
آقابالا کیشی، گؤزلرینی منه تیکیب باشینی بیر – ایکی کره اویان – بویانا دؤنده‌ریب دئدی:
- آی بالا او ایللردن دوز اون ایل کئچیب. آخی سنه نه دئییم؟ . . . نئینک سونانی اگر یئنه چوخ سئویرسن‌سه من اونون یئرینی بیلیرم. او سنی یئنه‌ده گؤزله‌ییر. قورخما سندن باشقاسینی سئومه‌دی. سنی هئچ کیمسه‌ایله دئییشمه‌دی. بیر آژانس چاغیریم گئده‌ک.
آیاغا دوروب آقابالا کیشینین اوز گؤزوندن اؤپدوم. اوچماغا قول قانادیم یوخیدی. اوره‌ییم دوز اون ایل بوندان قاباق کی کیمی چیرپینماغا باشلادی. آز قالیردی کؤکسومو یاریب اووجوما دوشه. اون ایل زندان توک قده‌ر وئجیمه دئییلدی. چایخانانین ایچینده ایسته‌ییردیم قیشغیریب دونیانیا سس سالام. بو آن منیم کیمی، دونیادا هئچ کیم خوشبخت اولا بیلمزدی. سونایا او قده‌ر دانیشماغا سؤزوم وار، عؤمروموزون سونونادک دییم بیتمز. «آه منیم سونام آه. سنی بوش یئره سئومه‌میشدیم کی؟ منی اونوتمایاجاغینی بیلیردیم. منیم یاشیل باشلی سونام. سؤز وئریرم، سنه گؤزلریمین گیله‌سین یئدیرده‌جم. الیمده، اووجومدا، جییاریمین دوز باشیندا ساخلایاجام. سنی بیرداها ترک ائتسم اوره‌ییم پارچا – پارچا اولسون. بئلیم قیریلسین. باشیم کسیلیب اؤنونده قاناسین. داها سنی اؤزومه زندان ائده‌جم. سن منیم زندان‌بانیم اولاجاقسان. هر ایشکنجه‌نه دوزه‌جم. بوتون آغریلارینی اؤزوم چکه‌جم. سندن بیر گون بئله آیریلمایاجام. آه سونام آه. بو گونو هر گون آرزولامیشام هر گون ایسته‌میشم. بو آنلارا گؤره یاشامیشام»
اؤزومه ائله دالمیشدیم کی هاچان تاکسی‌یا مینیب هارا گئتدییمی، آقابالا کیشینین تاکسی‌ده نه دانیشدیغینی، تاکسی‌دن دوشمه‌ییمیزی بیلمه‌دیم. سونادان باشقا گؤره‌ر گؤزوم ائشیدن قولاغیم یوخ ایدی. موتلولوقدان اؤزومه سیغمیردیم. بیلسه ایدیم بو تئزلیک‌ده سونانی تاپاجام، اؤزومه یئتیشردیم. ساچیمی ساققالیمی ووردوراردیم. آمما سونانی یاخشی تانییردیم. فهله‌لیک واختیمدا اوست – باشیمین کیرلی اولماغیندان هئچ چکینمزدی. نئچه کره بئله‌سینه قوجاقلاشیب اؤپوشموشدوک. قوی هله گؤروشک. تمیزلییه واختیمیز چوووووخ اولاجاق. بئله – بئله دوشونوردوم، آقابالا کیشی بیر قبیرین اوستونده دایانیب دئدی: دوز دوققوز ایل بوندان قاباق، آتاسی زورلا باشقاسینا وئرمک ایسته‌ینده، بیر پاییز آخشامی قیزجیغاز اؤزونه قییدی.

https://t.me/Adabiyyatsevanlar

سعید_صادقی_فر

"اوزاقلاردا ایشیقلانان کند لر"


هاوا قارانلیقلاشاندا هر زامان کی یوْلوم اردبیلین چؤللوک لرینه دوشور، و شهرین قالابالیغیندان بیر آز آرا آچیرام لاپ اوْ اوزاقلاردا ایشیقلانان کندلرین چیراقلاری منی اؤزل بیر دویغویا آپاریر سانکی اوزاقلاردان بیر نئچه کند منی گؤروب آردبیجیل دوزولرک چیراقلارینی یاندیریب سؤندورورلر.باشیمی ییرغالاییب چئوره مه گؤز گزدیرنده بعضی چیراقلار لاپ اوزاقلاردا بعضی لری ایسه لاپ یاخیندا گؤرسه نیرلر. گؤز قاپاقلاریمی بیر بیرینه یاخینلاشدیریرام هله چوْخ چتینلیک له کؤزرله نن چیراقلارین ایشیغی گؤزلریمه ساتاشیر . اؤزو - اؤزومه دئییرم گؤره سن اوْ داغین دؤشونده یئرلشن پاریلتی هانسی کند دیر ؟ اوْ ایشیغی چوْخ اوْ ایشیغی آز گلن کند هانسی بیر کند اوْلا بیلر؟ یوْللارینی تانیدیغیم کند دیر می؟یا هئچ بیر زامان آیاقلاریم اوْرالارین توْرپاغینا توْخانماییب می؟بعضی لری منه ائله یاخین یاووق گلیر کی دئییرم ائله بیر ساعات اوْیناقلایا - اوْیناقلایا آددیملاسام اوْرانین آیاغینا چاتارام .بو اردبیلین شاختا کسن گئجه لرینده باشیمدا بیر توْخونما پاپاق جیب لریم اللریمی قیزدیریر . گئجه نی دوْغا ایلا بیرگه آددیملاییرام اوْ سوْیوقدا بیر نئچه ساعات دوراندان سونرا ائله کی گئجه یارینی سوْوشور هر یان قیسا بیر سوکوت ایله بورونور تکجه اوزاقلاردان یادا بلکه اوْ یاخین کند لردن ایتلرین کؤنوله یاتان هوروشمه لری گلیر.نه بیلیم بلکه بو ایتلر بیر یئری قوْرویورلار یا دا سولک ایت لر سوْیوغو دؤزمه ییب هوروشورلر.ساوالانین اته یینه باخدیقجا بیر نئچه کند پاریلداییر سانکی اولدوزلار گؤیده دورماقدان یوْرولوب بیرلیکده داغلارین دؤشونه ائنیب و اوْرالارا سریلیب لر . اولدوزلار سورو - سورو بیر بیرلریندن آیریلیب بعضی لری اتکلردن بیر آز آشاغا اؤزلرینی اوفوق خطینه یاخینلاشدیریب بعضی لری ایسه زیروه لره یاخین اوجالیقلاری سوْیوق گؤروب بیر - بیریندن آرالی دوروبلار و هر آخشام ایت قوردلارین اولاماسیلا گئجه لرینی سحر ائدیرلر . گئجه چاغی ایشیقلانان کندلر نقدر اوزاقلاردا اوْلسالاردا هوْپدورما گوجلری چوْخ اوْلور دئمه لی گئجه گؤزللیک لرینی سئون اینسانلاری اؤزلرینه ساری چکیرلر .آدام باخدیقجا دئییر : اوْ پاریلدایان ایشیقلارا گئندن گئنه باخماق یئرینه قارشیمی سوْیوق بیر گئجه باغلاسادا هئچ اوْلماسا بو سرتلییی جانیما آلیب اوْرا گئدیم و یاخیندان اوْرالارا توْخانیم نه بیلیم بلکه ده ایشیقلارا یاخینلاشاندا اوْ اوزاقلاردان پاریلدایان کندلر ائله ده گؤزل اوْلمادیلار.اوره ییمده بو سؤزلری دئیه رک قورو آرخین یانیندان کئچیب قوْجا چینارین سیلپه یینده ایله شیرم بیر ساوالانا باخیرام بیرده ایشیقلانان کندلره توپورجه ییمی گؤیده دوْندوران هاوادان درین بیر نفس آلیرام اوره ییم سرینله ییب قابیرغالاریم تیتره ییر .هاوا ائله دوْغرودان سوْیوق دور ائوه گئتمه لییم.

https://t.me/Adabiyyatsevanlar

من گلمیشم سیزه قوناق

https://t.me/Adabiyyatsevanlar

اوخویور گل آغا ممداوف
شعیر دئیل می ؟

https://t.me/Adabiyyatsevanlar

هئچ اولماسا گونده ۵ دیقه رقص ائده ک
میللی رقص لریمیزی بالالاریمیزا اویرده ک .


https://t.me/Adabiyyatsevanlar