اوشاق ادبیاتی

جوجه نین ناغیلی
سس؛خانم ایمانی
تنظیم :ایلقار اوجانلی

https://t.me/Adabiyyatsevanlar

اوشاق ادبیاتی

تئلناز تبریزلی
بیری واردیر بیری یوخ
انسانلارین دردی چوخ

بولوتلو دور انسانلیق
دونیا اوزو قارانلیق

دمیرله اودون دیلی
محزون ائدیب بولبولی

هر کیم قیزیل گول دریر
باریت قوخوسو وئریر

بیز ایستمیریک جنگی
اسلحه ، توپ ، توفنگی

آی انسانلار ال اله
تانریدان یاغیش دیله

فرحلنسین کپنک
گول آچسین آرزی دیلک

دونیانی گولوش آلسین
صولحون سسی اوجالسین


https://t.me/Adabiyyatsevanlar

اوشاق ادبیاتی
اوشاق ادبیاتی هر هفته پنجشنبه گونو ادبیات سئونلر کانالیندا .
اوشاق ادبیاتینا دایر یازیلارینیزی بیزه گوندرین .

https://t.me/Adabiyyatsevanlar

اوشاق ادبیاتی
قدیم اویونلار

یئکاناتا بیر باخیش
قدیم اوشاق اویونلاریندان بیری "تک یا جوت (تکمه جوت) اویونودور.بو اویونو بایرام گونلرینده و یئدی لَوین گئجه سی بادام اولدوغونا گؤره ، اوشاقلار اؤز باجیسی یا قارداشی ایله ائولرده و یا یولداشلاری ایله کوچه ده اویناردیلار.

اوشاقلار بیر نئچه بادام اوووجلاریندا گیزله دیب ،بادام لارین تک یا جوت اولدغونو حریف لریندن سوروشارلار.اگر حریفین جاوابی دوز اولسا باداملار اونا وئریلمه لیدیر، اگر جاوابی دوز اولماسا باداملارین سایی جا بادام وئرمه لیدیر.

https://t.me/Adabiyyatsevanlar

اوشاق ادبیاتی
"یاشام‌"

آیناز قیزیم
 باهار قیزیم یاز قیزیم      

 آی منیم آیناز قیزیم 

قاش قاباغین توکنده        

ائدیر منه ناز قیزیم 

                       ایشیقلانیر گوزلریم      

                       سن قاپیدان گیرنده 

                       ساچلارینی هورنده       

                       کیفیم اولورساز قیزیم 

منی فرح لن دیریر       

شیرین شیرین سوزلرین 

سنین خومار گوزلرین   

یادیمدان چیخماز قیزیم 

                         گون قاپی نی دوینده        

                         قیزیم دورار یاتاخدان 

                         ائشیکده اویناماخدان    

                        دویوپ یورولماز قیزیم

گئتمه لی سن مکتبه       

درسینی دور یاز قیزیم

آی منیم آیناز قیزیم      

آی منیم  آیناز قیزیم


 https://t.me/Adabiyyatsevanlar

اوشاق ادبیاتی
لایلالار

https://t.me/Adabiyyatsevanlar

اوشاق ادبیاتی
بوهفته نین قوناغی
ایکی یاش یاریمیندا هلیا خانیم مرند شهریندن .


https://t.me/Adabiyyatsevanlar

اوشاق ادبیاتی

اولدوزلا دانیشان قولچاق، ۴
چتیرقویروقلو طاووس، دئیینگن 🦚

یازار: صمد بهرنگی
چئویرن: منیژه جم‌نژاد

بویازینی ادبیات سئونلر کانالیندا اوخویون

https://t.me/Adabiyyatsevanlar

اوشاق ادبیاتی

اولدوزلا دانیشان قولچاق، ۴
چتیرقویروقلو طاووس، دئیینگن 🦚

یازار: صمد بهرنگی
چئویرن: منیژه جم‌نژاد

طاووس تک جانینا آغاجین اوستونده اوتوروب قویروغون ساللامیشدی. دانیشان قولچاق یاشارلا اولدوزا دئدی: گلین سیزی طاووسون یانینا آپاریم اونونلا دانیشین. من سارانین یانینا گئدیرم. سسله‌ینده گلین قولچاق‌لارین یانینا. اولدوز ددی: سارا دا کیمدیر؟ قولچاق دئدی: سارا بیزیم بویوکوموزدور. قولچاق اوشاقلاری طاووس‌لا تانیشدیردی و اوزو دوستلارینین یانینا گئتدی. طاووس دئدی: دئمه‌لی سیز دانیشان قولچاغین یولداشلاری‌ سینیز. اولدوز دئدی: ائله دی، بیزی گتیریب قولچاق‌لارین شنلییینی گورک. یاشار دئدی: طاووس نه گوزلسن! طاووس دئدی: هله هارامی گورموسوز، قویروغوما باخین! یاشارلا اولدوز گوردولر طاووسون قویروغو بویوک چتیر کیمی آچیلدی. آیین و اودون ایشیغیندا طاووسون قانادلاری مین رنگه چالیردی. اوشاقلارین آغزی آچیق قالمیشدی. طاووس دئدی: بلی، ائله کی گورورسوز من چوخ گوزل بیر قوشام. گورورسوز قویروغوملا نه گوزل طاق دوزلتمیشم؟ اوشاقلار منیم قانادیمین توکوندن اؤترو اؤلرلر. بوتون شاعیرلر منیم گوزللیییمی، اینجه لیییمی تعریف‌له ییبلر. سعدی دئییر: او اینجه لیک کی طاووس دا وار، اوشاقلار قانادین یولار. بیر اسگی کتابدا اوخودوم ابوعلی سینا، بویوک حکیم، منیم اتیمدن، یاغیمدان چوخ تعریف‌له دئییب: خسته‌لیک لرین چوخونا درمان دیر. شاعیرلر گونشی منه بنزه‌دیبلر. اونا اود قانادلی طاووس دئییبلر. قدیم کتابلاردا منی ابوالحسن یازیبلار. من اوز جوتومدن ده گوزلم. یاشار طاووسون دئیینگنلیغیندان بئزمیشدی. آما ایسته‌ییردی قانادینین بیر ایکی توکوندن آلا. اونون اوچون طاووسون سوزلرینه یاخجی قولاغ آسیردی، الینه فورصت دوشه. آخیردا طاووسون سوزون کسیب دئدی: طاووس‌جان قانادینین بیر ایکی توکوندن منه وئررسن؟ طاووس تعجب‌له دئدی: یوخ، من باهالی قانادلاریمی اوزومدن آییرمارام. بولار منیم جانیمین پارچالاری دیر. سن گوزلرینی چیخاردیب منه وئررسن؟ اولدوزون فیکری قولچاقلارلا حئیوانلارین یانیندایدی. طاووسون سوزلرینه ائله قولاغ آسمیردی. بئله‌جه یاشاردان قاباق گوردو کی دانیشان قولچاق اولاری سسله‌ییر. قولچاق جیلدین چیخاردیب داها گویرچین دئییلدی. اولدوز گوردو یاشار چوخ سینیرلی دیر، دئدی: یاشار گل گئدک اشاغایا. دانیشان قولچاق بیزی چاغیریر. طاووس‌لا ساغوللاشیب اشاغایا دوغرو اوچدولار. طاووس او زامانا جان قویروغون اوستده ساخلاییب یئریندن ترپنمه‌میشدی، کی چیرکین ایاقلاری گورونمه‌سین. ائله کی گوردو اوشاقلار گئدیرلر، دئدی: خوش گئتدینیز. هر یئره گئتسه‌نیز اونودمیین منیم گوزللییمی تعریف‌له‌یین.🌷🍃🎋

https://t.me/Adabiyyatsevanlar

اوشاق ادبیاتی
ماهنی

https://t.me/Adabiyyatsevanlar

اوشاق ادبیاتی

روزبه صمدی نیراوغلو

قورد نان قویون
«سئویملی اوشاقلار و یئنی یئتمه لره»
....

گونلرین بیر گونو ائدرکن اویون
سورودن آیریلدی بیر قارا قویون

بیردن باش قووزویوب دؤره یه باخدی
گؤردو کی سورودن بیر خبر یوخدی

قالمیشدی او یازیق چؤلده آوارا
بیردن گؤزو دوشدو بیر جاناوارا

گؤردو کی دیرماشیر داغدان یوخاری
اوز توتوبدو گلیر دوز اونا ساری

یازیقین قورخودان اسدی دیزلری
هارایچی آختاردی یورقون گؤزلری

قورتدا او یوققوشو دیرماشیب گلدی
قویونون اؤنونده یئره چؤنبلدی

قویـون نانه کیمی اسدی قورخودان
قوردون گؤزلرینی بوروموشدو قان

تله سیک سؤیله دی: سالام آی جاناب
آمما جاناواردان چیخمادی جاواب

جاناوار دیشلرین چاققیلدادیردی
گئت گئده قویونون رنگی آتیردی

جاناوار قویونا دئدی : آی نادان
سن منیم مولکومه یول تاپدین هاردان؟

بورا منیمکیدی مگر بیلمیسن؟
نه اوچون بورانین اوتون یئییبسن؟

ایندی گوناهووی سنه دییه رم
عوضینده منده سنی یییه رم

قویون آنلادی کی آشی پیشیبدی
قوردون تله سینه برک ایلیشیبدی

بیر یول آختاریردی کلک قورماغا
قوردون تله سیندن جان قوتارماغا

قویون بیردن دئدی یاخشی من ایندی
هایاندان بیلیم کی بورا سنیندی؟

گل گئدک اوّلده اوجاغا آند ایچ
سونرا بدنیمی دیشلرونن بیچ

اگر دئدیگووه آند ایچمه سون سن
اینان یئمه گووه جان وئرمه رم من

جاناوار دئدی : آی هاچا دیرناخ
مین یول او اوجاغا آند ایچه رم باخ

ایکیسی قوشولوب یولا دوشدولر
نئچه آلچاق اوجا داغلار کئچدیلر

اوزاخدان گؤرسندی یوغون بیر آغاج
چوبان ایتی اوردا یوخلامیشدی آج

گلیب یئتیشدیلر اونون دیبینه
قویون الین قویدو اونون اوستونه

دئدی : اوجاق بودو ال چالیب آند ایچ
آند ایچسون سن اوچون سؤزوم یوخدو هئچ


آغاجین دیبنده ایت یوخلامیشدی
کلّه سین قارنیندا قوجاخلامیشدی

جاناوار آغاجا الین کی چالدی
ایتین قولاخلاری بیردن شاخالدی

آییلیب یوخودان قووزاندی یئردن
قوردون بوغازیندان یاپیشدی بیردن

قورد قاچدی داغلارین آشدی بئلیندن
قویوندا قورتاردی قوردون الیندن

https://t.me/Adabiyyatsevanlar

اوشاق ادبیاتی
اوشاقلاریمیزا آذربایجان موسیقی سین ، آذربایجان رقص لرین اویرده ک .
رقص ائدنلر : آراز و تایماز

https://t.me/Adabiyyatsevanlar

اوشاق ادبیاتی
فصل لر
شعیر : دومان بختیاری
سس : نیره اردلانی

https://t.me/Adabiyyatsevanlar

اوشاق ادبیاتی
عائیله مسئولیتدلرین تانییاق
برابر حقوقلوغواوشاقلاریمیزا اویرده ک .

https://t.me/Adabiyyatsevanlar

• جانلی‌شعروموسیقی‌آخشامی
• بوگئجه مجید عصـری نیـن
• اینستاگرام صـحیفه‌سینـدن

• قوناق‌لاریمیز:
#استاد_ودودمؤذن‌زاده
#بهزادبیات‌فرد
#حافظ‌عزتی

ساعات‌۲۳
🆔 @majidasri
🆔 @cagdas_tribonu

https://t.me/Adabiyyatsevanlar

‏مئهریبان اولاق و بیر آز درین باخاق...


https://t.me/Adabiyyatsevanlar

روبابه مورادوا
سئویدین باری

https://t.me/Adabiyyatsevanlar

۲۱ فروردین ۱۳۵۸ ده
بؤیوک شاعیریمیز
بولود_قاراچؤرلو_سهند
حیاتا گؤز یومدو

https://t.me/Adabiyyatsevanlar

شعیر: بولود_قاراچؤرلو "سهند"


قارقیش زمانه‌نین قانونلارینا
قارقیش اورک‌لری آییرانلارا
قارقیش انسانلاری قفسه سالیب
"بشر حقوقوندان" دم وورانلارا

کیمه دئمه‌لییک دردیمیزی بیز
درد بیلن کیمدی، "سؤز آنلایان" کیمدی؟
اسیر بیر میللته، محکوم بیر ائله
قایغی چکن کیمدی، آغلایان کیمدی؟

دئمیرم دونیادا اسارت یوخدور
چوخ یئرلره سونگو تاخمیش استعمار
آنجاق بیزیم کیمی ازیلن آزدیر
هاردا "حاق وئرمز" وار، "حاق باتیرماز" وار؟

بو"شرف"، بو"شؤکت"، بو"قدرت"، بو "شان
هورا، دوغرودان دا بیزه عار اولسون
حیاتین آمان‌سیز بیر قانونو وار
تعصوب‌سوز میللت گرک خار اولسون

گرک گؤزلریندن گؤز اؤرته بیر کس
قارغا یوواسینا یاناشا اگر
نيیه وطنیمی سئومه‌ییم نيیه؟
من بیر قارغا‌دان دا اسکییم مگر؟

من دئمیرم اوستون نیژاددانام من
دئمیرم ائللریم ائللردن باش‌دیر
منیم مسلکیمده، منیم یولومدا
میللت‌لر هامیسی دوستدو، قارداش‌دیر

چاپماق ایسته‌میرم من هئچ میللتین
نه دیلین، نه یئرین، نه ده امه‌يین
تحقیر ائتمه‌ییرم، هَده‌له‌میرم
کئچمیشین ایندیسین یا گله‌جه‌یین

پوزماق ایسته‌میرم من بیرلیک‌لری
انسانلیق بیرلیيی ایدئالیم‌دیر
قارداشلیق، یولداشلیق، ابدی باریش
دونیادا ان بؤیوک آرزولاریم‌دیر

آنجاق بیر سؤزوم وار، من ده انسانام
دیلیم وار، خالقیم وار، یوردوم-یووام وار
یئردن چیخمامیشام گؤبه‌لک کیمی
آدامام حاققیم وار، ائلیم- اوبام وار

قول یارانمامیشام یاراناندا من
هئچ کسه اولمارام نه قول، نه اسیر
قورتولوش عصری‌دیر انسانا بو عصر
اسیر اولانلاردا بوخووون کسیر

https://t.me/Adabiyyatsevanlar

بولود قارا چورلو "سهند"1358-1305

آذربایجان ادبیاتینین گون سایاریندا باهار بولو قار چورلو یله باشلانیر .

https://t.me/Adabiyyatsevanlar

#بولود_قاراچؤرلو_سهندین شعرینده
«باشقا بیریسی‌نین وارلیغینی درک ائتمک»
یا دا « #دویغوسال_ائپیک‌‌لیک»

یازان: #همت_شهبازی
چئویرن: #رامین_جبارلی

#سهندین طرفيندن بشریتین آجینا‌جاقلی میفی و اونا حاکيم قانون‌لاری چاغداش فورمادا اورتایا قویولوشو بیر نوع اونتولوگیا‌دیر [هستي‌شناختي] کی، چاغداش توپلومسال جیلوه‌لر، چاغداش ائپوسا چئوریلمیش‌دیر و صنايعلی دونیا، چاغداش میف‌لرین تانریسی سانیلمیش‌دیر. اؤز اکتشافاتلارینا اؤیونن و بشر حاقلاریندان دم ووران دونیا. آمما سهندین باخیشیندا انسان شخصیتینی و حاقلارینی آیاق آلتینا آتماق بو میفیک دونیانین ان ساده قانونودور. بو حاقدا «سهند #تپه_گؤز پوئماسیندا گونده‌لیک سیاسی مسئله‌لره توخانیب و آمئریکا‌لی مصلحتچی‌لری کی، گویا یئنی مدنیت و بشر حاقلارینین ایراندا تبلیغچی‌لری‌دیرلر «تپه‌گؤز»ه بنزتمیش‌دیر».1 بیر گؤزله دونیایا باخان و انسان وارلیغینی اودان تپه‌گؤز. او، صنعتکارلیقلا بو اکتشافلارینی #میفیک سیناقلارا کئچمک اوچون تکجه قایناق بیلن دونیانین تراژیک سوژئتینی تصویره گتیرمیش‌دیر. بو سوژئت اؤزلرینی « #دلی_دومرول» کیمی اؤلومسوز سانان انسانلارین ياشامینا خبردارلیق و باشلانغیج‌دیر. چاغداش ائپوس اؤزونه اؤیونور، آمما او، بو ائپوسون کولمیناسیا نؤقطه‌سینی [نقطه اوج] فاجعه‌لی گؤرور. ائله همن فاجعه‌لی ائپوس، اونو بیر چیخیش یولو آختارماغا مجبور ائتمیش و نتیجه‌ده بو فاجعه‌لی‌ بشری قانون اوچون بوتون انسان‌سئور قانونلارین گئنیش‌لیيی قدر بیر قئید الده ائده بیلیر و بو #محمد_مختاری دئمیشکن «باشقاسی‌‌نین بیریسینین وارلیغینی درک ائتمك»دیر.

بو قونویا کئچید اوچون، « #ارمغان 2» شعریندن بیر نئچه بند بورادا گتیریلیر. بو شعر #شهریارا خیطاب نظمه چکیلمیش بیر مکتوبدور. بو همن اثردیر کی، شهریاری « #سهندیه» کیمی اثر یاراتماغا سؤوق ائدیر. «ارمغان 2» سهندین انسان‌سئور و #فلسفی مکتبینی درک ائتمک اوچون بیر بیلدیریش‌دیر. بو شعر شاعيرین انسانی مسئله‌لر حاقدا دوشونجه‌سی‌نین یؤنونو گؤستریر و منجه 70.جی ایللرین شاعيرلری اوچون شعر ایچریک‌لرینی اولوسال ائموسیونال چرچیوه‌لردن چیخاران انسانی یؤن وئرمه‌لرینده بیر اؤرنک اولموشدور. بو مقامی خاطیرلاتما‌لییام کی، سهندین باشقا بیریسی‌نین وارلیغینی درک ائتمک اوچون تکلیفی، اؤزونون، مدنیت و کیملیيی‌نین درکی‌دیر، بو اوزون شعردن نئچه بندی بورادا گتیریلیر.

۱.قارقیش زمانه‌نین قانونلارینا
قارقیش اورک‌لری آییرانلارا
قارقیش انسانلاری قفسه سالیب
«بشر حقوقوندان» دم وورانلارا

2. کیمه دئمه‌لییک دردیمیزی بیز
درد بیلن کیمدی، «سؤز آنلایان» کیمدی؟
اسیر بیر میللته، محکوم بیر ائله
قایغی چکن کیمدی، آغلایان کیمدی؟

3. دئمیرم دونیادا اسارت یوخدور
چوخ یئرلره سونگو تاخمیش استعمار
آنجاق بیزیم کیمی ازیلن آزدیر
هاردا «حاق وئرمز» وار، «حاق باتیرماز» وار

4.بو«شرف»، بو«شؤکت»، بو«قدرت»، بو «شان»
هورا، دوغرودان دا بیزه عار اولسون
حیاتین آمان‌سیز بیر قانونو وار
تعصوب‌سوز میللت گرک خار اولسون

5. گرک گؤزلریندن گؤز اؤرته بیر کس
قارغا یوواسینا یاناشا اگر
نيیه وطنیمی سئومه‌ییم نيیه؟
من بیر قارغا‌دان دا اسکییم مگر؟

۶. من دئمیرم اوستون نیژاددانام من
دئمیرم ائللریم ائللردن باش‌دیر
منیم مسلکیمده، منیم یولومدا
میللت‌لر هامیسی دوستدو، قارداش‌دیر

۷. چاپماق ایسته‌میرم من هئچ میللتین
نه دیلین، نه یئرین، نه ده امه‌يین
تحقیر ائتمه‌ییرم، هَده‌له‌میرم
کئچمیشین ایندیسین یا گله‌جه‌یین

۸. پوزماق ایسته‌میرم من بیرلیک‌لری
انسانلیق بیرلیيی ایدئالیم‌دیر
قارداشلیق، یولداشلیق، ابدی باریش
دونیادا ان بؤیوک آرزولاریم‌دیر

۹. آنجاق بیر سؤزوم وار، من ده انسانام
دیلیم وار، خالقیم وار، یوردوم-یووام وار
یئردن چیخمامیشام گؤبه‌لک کیمی
آدامام حاققیم وار، ائلیم- اوبام وار

۱۰. قول یارانمامیشام یاراناندا من
هئچ کسه اولمارام نه قول، نه اسیر
قورتولوش عصری‌دیر انسانا بو عصر
اسیر اولانلاردا بوخووون کسیر.

قایناق: دوشرگه

https://t.me/Adabiyyatsevanlar