ادبیات سئونلر

همت شهبازی
بویوک تنقیدچی " سکینه -برنجیان "
بو یازینی ادبیات سئونلر کانالیندا اوخویون.

https://t.me/Adabiyyatsevanlar

553 viewsedited 14:15

طنز بویوک آغا افندی.

سن اؤله سن چوخ عجیبه بیر میللتیک ، لاپ گؤیون گؤبه یندن دوشموشوک ، بیردن های دوشور دئییرلر کرونا گلیر، هامیدان قاباخ دولت دئییر: پوخ یئیر کروناگلیر ،کرونا هئچ غلط دارتانماز، سیز ایشینیزده اولون، اوقدیم ایدی شهرلری قرنطینه ائدردیلر، ایندی کرونا سیزین هئچ قوزونوزودا یئیه بیلمز، ندن قورخورسونوز بیز شئرکیمی بوردا دورموشوق.
۳۰۰ نفر اؤلندن سونرا شئرلر تولکو اولور. بیر بیر هیریلدایا هیریلدایا کرونا توتوب یاواش یاواش آرادان جیریرلار. کرونا قوزوموز سهلی دیر نکیواریمیزی دا ... داغیدیر.
دونیانین هر یئرینده بئله بیر ایتفاق دوشسه فوری میللتی قرنطینه ائدرلر، دولت قالار صحنه ده جددیتله گئجه گوندوز چین کیمی ایشلر تا بحرانی یغیشدیرسین . بوردا برعکس دیر کرونا گلمک هامان فوری دولت، مجلس... قرنطینه اولور میللت قالیر صحنه ده ، تا اؤزونه گلیرسن گؤروسن قالی باف ،کلیم باف ، جئجیم باف ، فرشباف... بوتون نور چشمی لر ، آغازاده لر چوخداندی داشینیبلار امن امان یئرلره. قومدان گئدیبلر اسکویه ، چار اویماغا تهراندان اوچوبلار کیشه سو اولوب گئدیب لر یئره ... ۴۰۰ نفر ده بوجوراولور.
تازادان دوشوروک میدانا هامیمیز آندایچیریک قورشونلوسندگتیریریک، من دئمیشدیم شهرلری حتتا کندلری ده قرنطینه ائله سینلر .
والله من ائشیدجه یی کی کرونا چین دن دوشوب یولا گلیر بیزیم طرفلره، فوری کتبی مکتوب یازدیم.
یازدیم : تئزاولون، تله سین قاچین ائله بونامردین چین ده قاباغین آلین. ایپک یولوندا تله قورون، هرنجوراولوب توتون، وورون اؤلدورون قویمایین گلسین بورا ، یازدیم فوری قاباغین آلین بیردن کرونا کلک ورسا، حوققا قویسا ایپک یولویلا گلمه سه مینیب ماهانین طیارسینه فرودگاهدان اسکورتیله تشریف گتیرسه، گلر گورر بیز اونداندا زیرک اوغلانیق بورانی ائله قرنطینه ائله میشیک ائشیکده قوشدا یوخدو قالا آدام!
بئش آلتی گون گزر گورر بوردا هئچ زاد یوخدور یورولار گئدر قوما زیارته ، بیرآز سوهاندان زاددان آلار بیر ایکی نفری صیقه ائلر اورداندا گئدر اصفهانا بیر آز کوهنه بیلدیردن قالمیش گزدن زادان باساریق چیخار گئدرایشینه. ۳۰۰ نفرده بئله اؤلر تا معلوم اولسون کیم اول دییب گرک شهرلر قرنطینه اولالار، آللاها شوکور هامی اوول دئییب .
یئتیشریک بوگونه اسفند آیینین ۲۱ینه تئزه معلوم اولور بیزیم سیتادموباریزه با کرونانین هله ریسی یوخودور حسن قولو کاغید یازییب حوسین قولویا، تولکوتولکیه تولکوده قویروعونا تا معلوم اولسون کیم گرک کرونا نی توتسون کیم گوزونه آغ سالسین . تئزه دن آرا قاریشیر، مصب ایتیر ، ایت اییه سین تانمیر. سو پورگه چی وزیر بهداشتا ، بیمارستانلار دستورعمل یازیر ، بیری نم هاردان چیخیراورامیزا بنفشه یاغی سورتور ، چئری میر یعقوب داوا کشف ائدیر ، حاجی آغا ماسک ،آلکول، الجک احتکار ائدیر ، آلکوللا کورنا یارشاگیریر
. سئل گلیر دئیرلر چایلارا یاخینلاشمایین هامیمیز توکولوروک چایلارا سلفی چکمه یه،
سئچگی اولور گئجه گوندوز یازیق تلوزیون اوزون اولدورور اوراسین جیریر، یالواریر گلین رای وئرین، کیمسه گئتمیر رای وئرمه یه.
زلزله گلیر دئیرلر ائوللری بوشالدین دام داش توکولر قالارسینیز آلتیندا ائولردن چیخان اولمور. کرونا گلیر دئیرلر ائوده قالین اوزونوزو قرنطینه ائدین هامی تو دابانا کیفین قاپان سفره گئدیر. وآللاه کرونا دا مات قالیب بیز نجور میللتیتیک . آتا بابالار دئمیشکن چولمک دیغیرلانییب دوواغین تاپیب!!!

https://t.me/Adabiyyatsevanlar