بفروش

ی دایر شده بودند. که در آن کتاب‌های مارکسیستی به فروش می‌رفت. سردمداران رژیم برای جلوگیری از اشاعه‌ی مرام سوسیالیستی، دستور دادند به این قبیل دکان‌ها حمله کنند و کتاب‌هایشان را بسوزانند. من در مسافرت بودم که این حمله و هجوم  آغاز شده بود. هیچ نوع کتاب به اصطلاح "ضاله" نمی‌فروختم. اما حمله‌کنندگان در دکان مرا گشوده و کتاب‌های موجود را سوزانده بودند. بعد از مدتی که من از مسافرت برگشتم فردی به نام "جلال چنگیزی" معروف به "خوروز جلال" که سردسته‌ی لومپن‌های کتابسوز بود، نزد من آمد و اعتراف کرد که درباره‌ی من اشتباه شده است و برای جبران اشتباه، دو جعبه کتاب به من داد.

بعد از رفتن او، فرد دیگری به من خبر داد که این دو جعبه کتاب‌های مذهبی را از کردستان غارت کرده و آورده‌اند. من بلافاصله جعبه‌ها را به بازار برده و به یکی از کتابفروشان مذهبی داده و گفتم: این‌ها مال تو باشد و هیچ پولی هم نمی‌خواهم.


گفتید که سیاسی نبوده و نیستید و کتاب‌های «مارکسیستی» هم می‌فروختید که طبق گفته‌ی شما هیچ یک «ضاله» نبودند، می‌توانید مختصری راجع به مکتب «مارکسیستم» توضیح دهید؟

تا آن‌جا که من می‌دانم برای سیاست مکتبی وجود ندارد. شاید در بعضی از دانشگاه‌ها رشته‌ای به نام "علوم سیاسی" وجود داشته باشد که در آن طریق سیاستمداری و راه‌های کشورداری تعلیم ‌می‌گردد؛ ولی خود سیاست، ترفندبازی، دروغگویی و شعبده‌بازی است. من برای این گفته‌ی خودم، یک فاکت روشن دارم: سال‌ها پیش از فروپاشی اتحاد شوروی، حیدر علی‌اف صدر حزب کمونیست آذربایجان شمالی بود. روزی که او را به عنوان معاون نخست وزیر اتحاد شوری با مردم آذربایجان در تلویزیون باکو ظاهر شد و مدت نیم‌ساعت سخنرانی کرد. نصف این مدت را او صرف انتقاد شدید از مذهب نمود و توصیه کرد که نگذارید جوانان به مساجد رفته و تعالیم مذهبی را از شعبده‌بازان بیاموزند. سال‌ها گذشت، شوروی متلاشی شد و حیدر علی‌اف به ریاست جمهوری آذربایجان منصوب گردید، در این ایام ما دوباره او را در تلویزیون مشاهده کردیم که احرام بسته بود و یک جلد قرآن نفیس در دست دور خانه‌ی کعبه را طواف می‌کرد، گوئی همان حیدر علی‌اف نبود! تو خود حدیث مفصل بخوان از این مبحث!

مکتب مارکسیسم را نمی‌توان در یک جمله، یک سطر، یک صفحه، حتا در یک مقاله شرح داد. مارکسیسم رشته‌ای از علم است، علم جامعه‌شناسی، قبل از ظهور مارکس و انگلس، مردم گمان می‌کردند شکل جوامع بشری به همان شکلی بود که در آن زندگی می‌کنند. در دوران برده‌داری همه گمان می‌کردند جوامع انسانی از ابتدا به همان نوع بوده که حالا هست. در دوران فئودالی نیز همین تصور می‌شده است. اینک افراد عامی همچنان خیال می‌کنند جامعه‌ی موجود به همین شکل تا ابد ادامه خواهد یافت.

مارکس با تکیه بر نبوغ خود کشف کرد که جوامع بشری مانند همه‌ی پدیده‌های کائنات از سادگی به پیچیدگی گرایش دارد و در حال تکامل است، درست مثل تکامل موجودات زنده که توسط داروین کشف گردیده است. مارکس دوران‌های سه‌گانه‌ی طبقاتی را، برده‌داری، فئودالی و سرمایه‌داری نامید. برده‌داری از بطن زندگی قبیله‌ای بیرون آمده و پس از طی دوران خود، به فئودالی تبدیل شده و آن دوران نیز پس از گذراندن دورانش به سرمایه‌داری تغییر شکل داده است. اینک ما در دوران سرمایه‌داری جهانی زندگی می‌کنیم. بنا به نظریه‌ی مارکس این دوران نیز بعد از به کار بستن قانون‌مندی‌های خود، مانند دوران‌های قبل، متلاشی شده و دوره‌ی کمونیسم برقرار خواهد شد.

البته آموختن و درک مارکسیسم تلاش و حوصله‌ی فراوانی می‌طلبد. من جز مارکسیسم نظریه‌ی دیگری را قبول ندارم چون که به جز علم به هیچ چیز دیگر معتقد نیستم . زمان این دو دوران سپری شده و دوران سرمایه‌داری نیز رو به متلاشی شدن است و حالا باید منتظر نظامی کاملاً جدید باشیم که به زودی فرا خواهد رسید و شباهتی به آن‌ها نخواهد داشت.


منبع: هفته‌نامه‌ی البرزخرّم،شماره 46


https://t.me/Adabiyyatsevanlar

#ماهنامه_سراسری_ندای_قلم
#فراخوان_مقاله
#یلدا #فرهنگ و #رسوم
#خوي خيابان طالقانی، کوچه حسینلو (پشت امیر)، ساختمان یاقوت، طبقه همکف
تلفکس: ۰۴۴۳۶۲۴۳۰۹۲
Email: nedayeqalam@gmail.com

@nedayeghalammonth

https://t.me/Adabiyyatsevanlar

حسن_معرفت

ساخلادیم بیر عؤمور سینه‌مده دردی
سایسان نیسگیللریم دونیا قدردی
دئییرلر بوُ دونیا گلدی گئدردی
هیجرانلا اوز-اوزه قالان من اوْلدوم

شئح‌لی بنوشه‌نی دسته باغلادیم
سنی گلن‌لردن هئی سوْراغلادیم
قاییتمادین اوره‌ییمده آغلادیم
دسته گول الینده سوْلان من اوْلدوم

حسرتله گئجه‌نی ائیله‌دیم سحر
گؤزله‌دیم یاتمادیم دئدیم یار گلر
اینتیظار اؤلومدن، بتردیر بتر
جانیمی اوْدلارا سالان من اوْلدوم

سنی خاطیرلاییب داریخدیم یامان
چکیرم دردینی من زامان زامان
سارالیب سوْلموشام حسرتدن اینان
عؤمرومون باغچاسی تالان من اوْلدوم

باهاردیر بوُرونوب شئح‌له چمن‌لر
بیرلشدی باهارلا بوتون سئوه‌ن‌لر
بیرجه‌سن یوُباندین گلدی گئدن‌لر
عطرینی گوللردن آلان من اوْلدوم



https://t.me/Adabiyyatsevanlar

بولبولون ناغیلی
یازار :الیاس افندیئف
کوچوره ن : داود اهری

https://t.me/Adabiyyatsevanlar

بولبولون ناغيلی
يازان: الياس اوغلو افنديئف
كؤچوره ن: داود اهری

دان اؤتدو، گون دوغدو و همين گون بيردن بيره بو بوللور چلچراغين ،بو قيزيل شمعدانلارين ، تبريز اوستادلارينين دوزه لتدييي بو گوموش پنجره شبكه لرينين پاريلتيسي باسما كاغيذا دوشموش ساري مركّب دامجيسي كيمي ياييلدي، ياييلدي و يوخ اولدو، بو خالي لارين ، گبه لرين آليشيب –يانان رنگلري، متكّه لرين ، دؤشكچه لرين اوزونه چكيلميش ، قاپي پنجره لره توتولموش چين ايپكيني ، هند ماهودونون ايشيلتيسي ، قيز گلينين بارماقلاريني، بيلك لريني ، بئل لريني ، بويونلاريني ، قولاقلاريني ، اوغلانلارين خنجرلرينين قينيني ، دسته ييني بزه ين لعل جواهراتين شعله سي گؤزدن ايتدي، كنيز-قاراواشلارين گيزلي بير حزنله اونونچون اوخودوقلاري ماهنيلارين ، چالديقلاري عودون سسي تمام ائشيديلمز اولدو و هر طرفي بير بوزلوق بورودو و بو هر طرفي بوروموش بوزلوق گئت-گئده ايشيقلاندي، شفّافلاندي و بو ايشيق ايچينده او كيچيك ، كيمسه سيز يتيم اوشاغين سولغون چهره سي گؤروندو.
نئچه گون ايدي كي او ، كنيز قاراواشين اونونچون اوخودوغو نغمه لرين نفسينده ، چالديغي عودون سسينده همين گيزلي حزنو وجودونون هر بير حجره سي ايله حسّ ائديردي ، قيز-گلينين گؤزونون ديبينه چؤكموش كدري دويوردو، اوغلانلارين بير-بيرينه باخيشيندا صاحبسيز قالميش بو جاه-جلالين اوستونده گله جك ال به ياخالار احتراصي نين قيغيلجيملاريني سئزيردي.
نئچه گون ايدي كي ائله بيل كيملر ايسه يورولموردو، ده ده قورقودون سؤزلري ايله اونون قولاغينا پيچيلداييردي :-قيز گلينين گاس-گاس گولمز اولدومو؟، قيزيل خينا آغ الينه ياخماز اولدومو؟ . بو كيمسه لرين پيچيلتي سيندا آچيق-آشكار بير شادليق واردي ، ائله بيل كي ايل لرين حسد يوكوندن قورتولموشدولار ، اوزون-اوزون ايل لر بويو بو سؤزلري دئمك يانغيسي ، حسرتي سونا يئتميشدي و ايندي ائله بيل كي ، تانري لارينا شكر ائله ييرديلر ، اوره كلري راحاتلانيردي ، پيچيلداييرديلار ، پيچيلداييرديلار: آغ-بيرچكلي آروادلارين بيلدير-بيلدير آغلاياجاق، قازا بنزه ر قيز-گلينين گؤزونون ياشيني تؤكه جك ، آجي ديرناق آغ اوزلره آلدي-چالدي سالاجاق، آل ياناقلار دارتيلاجاق ، قارغي كيمي قارا ساچلار يولوناجاق ، آغ چيخاريلاجاق ، قارا دونلار گئييله جك ، آغ –بوز آتلارينين قويروغو كسيله جك ، ايگيدلرين قارا گئييب گؤي ساريياجاق ، ائو ائشييينده شيون قوپاجاق.
سونرا او، بو پيچيلدايانلارين سسينده كي احتراصدان ، شووقدن، حريصليكدن تانيدي كي ، بونلار اوزون-اوزون ايل لر بويو اؤلوب گئتميش مال-دولت صاحبلريدي، تانيش-بيليش لردي و بو آچيق-آشكار حسّ اولونان شادليق دا اونو دئييردي كي ،آخر كي ، سنين ده آخرين چاتدي، آخر كي سنينكي ده قورتاردي، اونلارين صفتيني گؤزونون قاباغينا گتيره بيلمه دي، اوزلريني گؤرمه دي ، آمما هاميسيني تانيدي، بونلارين بير چوخونو او ، تالاميشدي،بير چوخونون قيزيلي، داش-قاشي، كنيز قاراواشي، قول بئچه لري سونرادان اونون اولموشدو، ييغيلميشدي، ييغيلميشدي،ييغيلميشدي.
نئچه گوندو كي ، اونون اوچون اونوم اونله، سؤزوم دينله دئييله سي ، بير قووه ، بير پناهگاه ، امداد يئري يوخ ايدي، هر شئي قورتاريردي، تكجه بير بوشلوق واردي، ديبي گؤرونمه ين بير قويو واردي و او ، بوتون وجودو ايله حسّ ائديردي كي بو قارانليق قويونون ديبينه اوچماغينا لاپ آز قاليب ، چونكي خانلار خاني باياندورا دا قالماميشدي بو دونيا و ده ده قورقود بوي بويلاميشدي،سؤي سؤيله ميشدي، اوغوزنامه دوزموشدو و بئله دئميشدي :-اونلار دخي بو دونيايا گليب كئچدي. كاروان كيمي قوندو كؤچدو.اجل آلدي ، يئر گيزله دي ، فاني دونيا يئنه قالدي.گليملي ، گئديملي دونيا . سون اوجو اؤلوملو دونيا.
نئچه گوندو كي ، او اؤلوردو، بونو هامي بيليردي و بونو او اؤزو ده بيليردي ، يول اوستو قوناق ايدي، آزار –بئزار صحبتي دئييلدي بو، قوجاليق ايدي ، ائله بيل كي ، سون پاييزا قالميش آغاج ايدي، جانينين سويو قوپ قورو قوروموشدوو بدن ده تكجه بو قوپ قورو قوروموش آغاجدان عبارت ايدي، بير دامجي دا سو يوخ ايدي و بو آغاج بو ساعت اووولوب- تؤكوله جكدي، بير توربا اووونتو اولاجاقدي.
و بيردن بيره اونون اؤلوم تختيني هر طرفدن بوروموش بو ساري قيزيل پاريلتيسي ، لعل-جواهر ايشيلتيسي يوخ اولدو، بير شفّافليق ياراندي و بو شفّافليق ايچينده بو تميزليك ، پاكليق ايچينده او يتيم اوشاغين سولغون چهره سي گؤروندو.
او پرقو يورغان-دوشكده اوزانيب گؤزلريني يومموشدو و بوتون گوجونو ، دقّتيني توپلاييب ظنّ له او سولغون چهره يه باخيردي، البته هله بو اوشاغين خبري يوخدو كي ، ايل لر كئچه جك و او، بير اوجو ايراندان، بير اوجو توراندان توتموش ،

دونيانين ان دولتلي آدامي اولاجاق، خزينه سينين داشي-قاشي چكي ايله چكيله جك ، ايلخي لارينا شاهزاده لر حسد آپاراجاق، خورجونلاري ايپك-قماش دولو ده وه كاروانلاري ايراندان، توراندان كئچيب، مغرب صحرالاريني آدلاييب اندليسه جن ائل لر-اوبالار دولاشاجاق، گمي لري دريالار اوزه جك ، البته هله بو اوشاغين خبري يوخ ايدي كي ، آغينا-بوزونا باخمادان ، انصافلي و انصافسيز يوللارلا ، يالتاقليقلا و هه ده قورخو ايله ، آياق اؤپمكله و باش كسمكله ، يالاندان گولمكله و يالاندان آغلاماقلا بوتون عؤمرو بويو مال-دولت ييغاجاق ، اؤز دونياسيني هاميني حيرته گتيره ن و هاميني دا چكينديره ن ، اوره كدن بير ناغيل دونياسينا چئويره جك ، البته هله بو اوشاغين خبري يوخ ايدي كي ، اوزون-اوزون ايل لر كئچه جك و او، سون مقامدا اؤزو ايله بئله جه اوز به اوز داياناجاق.
او گؤزلريني يوموب ظنّ له بو سولغون چهره يه باخيردي و تعجّب ائديرديكي، بو ضعيف وجود او قوّه ني ، او احتراصي هارادان آلدي، او قوّه ني و احتراصي كي ، هئچ نه يين قاباغيندا دايانمادي و هئچ نه دن ايندي علمالارين دا حسابلاييب قورتارا بيلمه ديگي بو جاه-جلالي ياراتدي، سونرا او بونا تعجّب ائتدي كي نه اوچون بيردن -بيره او اوشاغي خاطيرلادي، اوزون-اوزون ايل لر بويو او اوشاق تمام سيلينيب خاطيردن گئتميشدي، چوخ-چوخ اوزاقلاردا- اون يئتمز بير اوزاقليقدا قالميشدي و نئجه اولدو كي ، بيردن-بيره بئله بير شفّافليق ياراتدي، بيردن-بيره بئله جه پيدا اولدو؟
او، ظنّ له بو سولغون چهره يه باخدي و داها اونلارين ايكي سيندن باشقا دونيادا هئچ كيم يوخ ايدي، دونيادا يالنيز بير شفّافليق ، بير ده كي ، چوخدان اونودولموش پاكليق، تميزليك واردي و بو تميزليك ايچينده او سولغون چهره گؤرونوردو و بيردن-بيره اونا ائله گلدي كي ، بو شفّافليق سو شفّافليغيدي و او سولغون به نيز ده سويون آلتيندان اونا باخير، اوزون ساچلاري سويون ايچينده ياييلميشدي، گؤزلري سويون ايچينده دونموشدو، اونا بئله گلدي و بيردن-بيره ده نفسي قارالدي ، ائله بيل كي ، تزه دن اون ايلليك لري، ايگيرمي ايلليك لري گئري آدلاييب يئنه همين سولغون به نيزلي اوشاق اولموشدو و سويون ايچينده ده گؤزلري بئله جه دونوب قالان ايندي اؤزو ايدي، آمما يوخ هئچ واخت بئله اولا بيلمزدي، چونكي ده ده قورقود بئله سؤيله ميشدي:-اؤلن آدام ديريلمز.چيخان جان گئري گلمز. و بو زامان ائله بيل كي ، او اؤزو اؤزوندن آيريليب ، اؤز ايچيندن چيخيب بير هاوا كيمي ، بير يونگوللوك كيمي ، اؤزو اؤز تختينين اوستونه قوندو و يوخاريدان آشاغي اؤزونه باخدي: آغ آپپاق ساچلاري اوزانميش، آغ آپپاق ساققالي اوزانميش ، گؤزلري قاپانميش ، آريق صفتين قانسيز دوداقلاري سه يري ين بير قوجا گؤردو و ائله بيل كي بو قوجاني گؤروب ديكسيندي ، بو قوجانين يانيندان، بو قوجانين گؤم گؤي صفتيندن قورخدو، بو قوجانين ياشاديغي اوزون-اوزون ايل لرين چوخلوغوندان دهشته گلدي و بيردن-بيره ده ائله بيل كي ، او يونگوللويو ، او هاواني نه يه سه پرچيم ائتديلر، سيخديلار ، چونكي هر شئي يوخ اولموشدودونيادا، تكجه بو آغ ساچلار و گؤم گؤي صفت قالميشدي، اوزون-اوزون ايل لر بويو ييغيلميش، الده ائديلميش وار-دولت بير هئچ اولموشدو، جاه-جلال بير هئچه دؤنموشدو و بوتون دونيادا تكجه بو قوجا قالميشدي.
يئنه همين شفّافليق هر طرفي بورودو،آمما او سولغون اوشاق چهره سي همن شفّافليقدان اريدي، يوخ اولدو و او، بوتون وجودوايله حس ائتدي كي ، بو شفّافليق ايچينده باشقا نه سه گؤرونمه ليدي، بو نه ايسه چوخدان اونودولموش بير گؤروم ايدي، آمما نه ايدي-بيلميردي،آمما بيليردي كي نه ايسه وار و همين نه ايسه بو شفّافليقدا گؤرونمه ليدي ، ايللرين كيره ج باغلاميش قاتلاري آراسيندان ، ايللرين يورغونلوغو آلتيندان ، ايللرين تله سيكليگي ، واخت چاتيشمازليغي آلتيندان ، حق-حسابلار آلتيندان چيخماليدي و بو شفّافليقدا گؤرونمه ليدي.
سونرا اونون يومولموش گؤزلرينين قارشيسينداكي شفّافليغا بير زومرود ياشيلليغي قوندو و او اوّلجه تعجّب ائتدي كي ، داش-قاش شعله سي بو شفّافليغا نئجه سرايت ائده بيلدي؟ سونرا باشا دوشدو كي ،بو زومرود ياشيلليغي ، فيروزه نين گؤيلويو دئييل،بو او مئشه نين گؤيلويو، ياشيلليغي ايدي، كؤكسو گؤزه ل داغلارداكي او مئشه يه گون ده يميشدي و بو شعله ده او مئشه نين شعله سي ايدي.
او همين نه ايسه ني خاطيرلادي و هر طرفي بوروموش مئشه ياشيلليغي ايچينده نئچه-نئچه ايل لر بوندان اولكي ساري بولبولو گؤردو و ساري بولبولون نغمه سيني ائشيتدي، آمما مئشه ده كي يوخ، اولكي نغمه سيني ائشيتدي، حزنلو ، كدرلي نغمه سيني.
او بيليردي كي ، بو دم قيز-گليني باشينين اوستونده دايانيب، اوغلانلاري ، كوره كنلري اونون تختينين اطرافينا دوزولوب ، كنيز-قاراواشلار اونون اوچون نغمه اوخويور، عود چالير ، بونو بيليردي، آمما هئچ كيمي گؤرمور و هئچ نه يي ائشيتميردي، گؤزلرينين ق

.
گاوالي: آلو، قطره طلا.
اورگه: كره اسب مادهء دوساله.
يئني يئتمه: نوجوان، تازه جوان.
پاليد: بلوط.
اوووق: سوراخ، حفره، گود.
چينقيل: ماسه، سنگريزه، شن، ريگ.
گؤوده:

اباغيندا تكجه بو مئشه ياشيلليغي ايدي ، بو مئشه ياشيلليغي ايچينده-كي او ساري بولبول ايدي و بير ده او ساري بولبولون نغمه سيني ائشيديردي ، آمما مئشه ده كي يوخ ، اولكي نغمه سين ائشيديردي ، حزنلو،كدرلي نغمه سيني.
اوندا ياز گلميشدي و اونون تزه سالديغي باغچا باشدان-باشا گول آچميشدي، چيچكلنميشدي و هئچ كيم آغلينا گتيرمزدي كي ، بو تزه باغچانين صاحبي جوان تاجر- گوندن-گونه شهرتله نن ، گوندن-گونه دولتله نن و بو شهرت اوچون ، بو دولت اوچون گئجه سيني گوندوزه قاتان ، بيري حبشيستاندان ، بيري چيندن، بيري هينديستاندان، بيري ده دجله ساحليندن دؤرد گؤزه ل لر گؤزه لي آروادلارينين ياتاغينا بئله گيرمه يه واخت تاپمايان جوان تاجر بير واخت آج-يالاواج بير يتيم ايدي و همين يتيم اؤز آجليغيندان آيريلماق اوچون آغلا سيغاني دا ائتدي، سيغماياني دا، سونرا دايانا بيلمه دي، هميشه چوخو آز گؤردو ، دويمادي، هم بختي گتيردي بو دونيادا، هم ذهني ايتي ايدي ، فراستلي ايدي، ييغديقجا ييغدي ، قيزيل قيزيل گتيردي، دونيانين ان بؤيوك و ان تميز الماسلاري ، زومرودلر، ياقوتلار ، فيروزه لر، ميرواري لر ساخسي كوپلره دولدورولدو و بو ساخسي كوپلرين ساييني آرتيرماق حريصليگي دونيادا اونونچون هر شئيي عوض ائتدي.
ائله بيل كي ، ساخسي كوپلرين كولگه سي اونون يومولموش گؤزلرينين قارشيسينداكي او مئشه ياشيلليغيني ، او ساري بولبولون ايشيغيني سؤندورمك ايسته دي، آمما او بوتون گوجونو توپلادي و همين مئشه ياشيلليغينا كؤلگه دوشمه يه قويمادي و يئنه ده دونيادا هئچ نه و هئچ كيم يوخ ايدي ، نه او ساخسي كوپلر، نه او حريصليك ، نه آلداديب وار-دولتي اليندن آلينميش و تسبئح داشلاري ساپا دوزولن كيمي ، اوزون-اوزون ايل لرين سايينا دوزولموش سايسيز-حسابسيز آداملارين آه-افغانلاري-هئچ نه يوخ ايدي، تكجه كؤكسو گؤزه ل داغلارداكي او مئشه يه گون ده يميشدي ، بير ده او بولبول ايدي ، آمما بولبول مئشه ده كي نغمه سيني يوخ، اولكي نغمه سيني اؤتوردو، يئنه ده همين كدرله، حزنله اؤتوردو؛ بير ده كي او آغ ساچلي ، آغ ساققاللي، اوزونه گؤم گؤي بير رنگ چكيلميش قوجا ايدي.
اوندا ياز گلميشدي و او تزه باغچا باشدان-باشا گول آچميشدي، چيچكلنميشدي و باغچانين اورتاسيندا يئددي يئرده قيزيلدان تؤكولموش باليقلارين آغزيندان فوّاره ووران آغ مرمر چارحوووض دونيانين ان ظريف سرينليگيني بو باغچايا گتيريردي، مشك-عنبرلي چارحوووض سويونون عطري گوللرين ، چيچكلرين عطرينه قاريشيردي ، نار آغاجلاري، گيله نار آغاجلاري، اريك، شافتالي، گاوالي آغاجلاري، هاميسي گوللويه دؤنموشدو و همين مشك-عنبر عطيرلي،گوللو-چيچكلي ياز گونلرينين بيرينده باغچانين يانيندان بير درويش اؤتدو،بير درويشين الينده توتدوغو تبرزينين ده مير آي پاراسينين اوستونه ساري بير بولبول قونموشدو-درويش ساپ كيمي نازيك ده مير زنجيرله بولبولون آياغيني تبرزينين تاختاسينا باغلاميشدي و همين بولبول او دم دونيانين ان دردلي-الم لي نغمه سيني اؤتوردو.
او، آياغي نارين زنجيرلي بو ساري بولبوله باخدي و بير كلمه ده سؤز دئمه ييب درويشين هند قوزو قابيغيندان قايريلميش كشكولونه بير-بيرينين دالينجا اون قيزيل آتدي و زنجيري قيردي ، بولبولو باغچايا آپاردي، قيزيلدان بؤيوك بير قفس دوزه لتديردي ، قفسي چارحوووضون يانيندا ان صفالي يئرده آسديردي، بولبولو بو بؤيوك قيزيل قفسين ايچينه سالدي و هر گون بير سحر تئزدن، بير ده آخشام چاغي واخت تاپيب بو بؤيوك قيزيل قفسين ايچينده كي بولبوله تماشا ائله مه يه گلدي.
ساري بولبول او بؤيوك قيزيل قفسين ايچينده، او گوللو-چيچكلي صفالي باغچادا ، او يئددي فوّاره لي سرينليكده ، او مشك –عنبر عطرينده سحر-آخشام اوخوماغا باشلادي،آمما بولبول يئنه ده هميشه يانيقلي اؤتدو و اونون اؤتدويو بو نغمه لر سحر-آخشام دونيانين درديندن، غميندن خبر وئردي، او كيچيك ساري وارليق هر طرفه او قده ر درد، غم سپه له دي كي ، ائله بيل بو باغچانين گول لري، چيچكلري يايين ايستي سيندن ، پاييزين چيسكينيندن ساراليب-سولمادي، بولبولون بو نغمه لريندن ساراليب- سولدو.
او، باشقا بير بولبول تاپديريب قفسه سالديردي كي ، ساري بولبول تك قالماسين ، كار ائله مه دي، آخيردا گونلرين بير گونونده بوتون ايشيني- گوجونو آتيب ايلخي سينين گؤزو اولان گؤي ده مير اورگه ني ميندي و چاپيب باغچايا گيردي، قيزيل قفسين آغزيني آچدي ، ساري بولبولو قفسدن بوراخدي و گؤي ده مير اورگه ني بولبولون آردينجا چاپماغا باشلادي، تاجرليگه قورشانميش بير يئني يئتمه ده اونو تك بوراخمادي، اونونلا ياناشي چاپدي.
ساري بولبول داغلار آشيب، دره لر كئچدي، چايلاردا چيميب ، بولاقلاردان سو ايچدي، آز گئتدي چوخ گئتدي، دره-تپه دوز گئتدي، آخيردا گليب كؤكسو گؤزه ل او داغلاردا كي مئشه يه چاتدي و مئشه ده كي قوجا بير پاليد آغاجينين اوووغوندا كهنه يووايا گيردي، ساري بولبول او قده ر اوچموشدو كي ، تمام طاقت سيزدي،

آمما گوجله باشيني قالديريب مئشه يه باخدي و بو دم مئشه يه گون ده يدي، مئشه نين ياشيلليغي گونون شعاعلاري آلتيندا آليشيب ياندي، گؤز قاماشديردي و بولبول بوتون گوجونو توپلاييب اوخوماغا باشلادي.
كؤكسو گؤزه ل او داغلارداكي مئشه ده او دم ساري بولبول دونيانين ان جهجهه لي نغمه سيني اوخودو و بو نغمه دونيانين ياخشي-ياخشي ايشلريندن خبر وئردي، بو نغمه گولدن، چيچكدن ، دانيشدي، دونيانين گؤزه ل مئشه لريندن، صاف بولاقلاريندان، تميز دريالاريندان سؤيله دي، ساري بولبولون نغمه سي اوره يه سئوينج گتيردي، شادليق گتيردي، بو نغمه يه كؤكسو گؤزه ل داغلار قولاق آسدي، كؤلگه لي قايالار، ككليكلي چينقيل لار، ايشيقلي چمنلر قولاق آسدي و بو نغمه يه ، بير ده كي ، يئني يئتمه تاجرله او ، قولاق آسدي.
او چاپهاچاپدان باشدان-آياغا كؤپوك باغلاميش گؤي ده مير اورگه نين بئلينده اوتوروب بو قوجا پاليد آغاجينا باخيردي، بو آغاجين گؤوده سينده كي كيچيك اوووغا باخيردي و بولبولون نغمه سينه قولاق آسيردي، او باشا دوشوردو كي ، بو نغمه ساري بولبولون سون نغمه سيدي و او بوراسيني دا باشا دوشوردو كي ، ساري بولبول اؤزو ده بونو حس ائدير، اوخويور، بولبول اؤزو ده بيلير كي ، سون نغمه سيدي ، اؤتور.
و ساري بولبولون نفسي كسيلدي، نغمه سي سونا يئتدي.
مئشه يه سكوت چؤكدو.
كؤكسو گؤزه ل او داغلارداكي مئشه يه چؤكموش سكوتو يئني يئتمه تاجر پوزدو:
-آخماق بولبول،-دئدي.-قيزيل قفسده ، گولون، چيچه يين ايچينده بسله نيردي، اوراني به ينمه دين، بير آغاج اوووغونو اوندان اوستون توتدون، آخيردا دا اوره يين پارتلادي ، اؤلدون.
او، گؤزلريني پاليد اوووغونداكي يووادان چكيب يئني يئتمه تاجره باخدي و هئچ نه دئمه دي.
سونرا گؤي ده مير اورگه ني چاپيب مئشه دن چيخدي.
كؤكسو گؤزه ل او داغلارداكي مئشه آرخادا قالدي.
سونرا او مئشه تمام ياددان چيخدي و او ساري بولبول ده تمام اونودولدو.
گونلر،آيلار ، ايل لر كئچدي، و بو اوزون-اوزون ايللر بويو او مئشه ده ، او بولبول ده هئچ واخت يادا دوشمه دي.
ايندي بيردن-بيره او مئشه نين زومرود ياشيلليغي هر طرفي بورودو، آمما بو زومرود ياشيلليغي ايچينده ساري بولبول مئشه نغمه سيني اوخومادي، ائله هئي اولكي نغمه سيني ، دردلي-الم لي نغمه سيني اوخودو.
او گؤزلريني قاپاييب هر طرفي بوروموش بو مئشه ياشيلليغينا باخيردي و چوخ ايسته ييردي كي ، بولبول بو دم اونون قولاقلاريندا همين نغمه سيني اوخوسون، دونيانين گؤزه ل مئشه لريندن، صاف بولاقلاريندان ، تميز دريالاريندان خبر وئرسين، دونيانين ياخشي-ياخشي ايشلريندن دانيشسين، آمما ساري بولبول اونون گؤزلري قارشي سينداكي بو ياشيلليق ايچينده ائله هئي اؤز دردلي نغمه سيني اوخويوردو و او، باشا دوشدو كي ، بو نغمه اصلينده اونون اؤزونون كؤكسوندن قوپوب گلن بير نغمه دي ، اونون اؤزونون سون نغمه سيدي و بو سون نغمه هئچ جوره او مئشه نغمه سينه چئوريلمير.
سونرا هر طرفي بوروموش مئشه ياشيلليغي يوخ اولدو ، بولبولون نغمه سي ده كسدي و يئنه ده هر طرفي بير بوزلوق بورودو و بو بوزلوق ايچينده ، او يئنه ائله بيل كي، يوخاريدان آشاغي اؤزونه باخدي، يئنه آغ ساچلاري، آغ ساققالي، گؤم گؤي آريق صفتي گؤردو، آمما بو دفعه داها ديكسينمه دي، چونكي ديكسينمه يه واخت قالماميشدي، همين قارانليق قويونون ديبي اونو اؤزونه چكيردي.
اونون ساز دينله مه يه ، ده ده قورقود بويلارينا قولاق آسماغا عمللي-باشلي واختي اولماميشدي، ايشلريندن مجال تاپماميشدي، آمما بو آخر مقامدا دا اونو ده ده قورقودون سؤزلري ايله سسله ديلر، اونو هئچ واخت اوزونو گؤرمه ديگي آتاسي سسله دي:-اوغول،اوغول،آي اوغول، قارشي ياتان داغين يوكسه يي، اوغول.گوجلو بئليم قوّتي ، جانيم، اوغول.قارانقولو گؤزلريم آيديني، اوغول.
او يوخاريدان آشاغي اؤزونه باخدي و تكجه تعجّب لنمه يه مجال تاپدي كي، بو جور آغ ساچلي، آغ ساققاللي دا اوغول اولار؟، بير ده اونا امكان تاپدي كي، كؤكسو گؤزه ل او داغلارداكي مئشه ده يئني يئتمه تاجري خاطيرلاسين و بوتون گوجونو توپلاييب اؤز-اؤزونه پيچيلداسين: آخماق يئني يئتمه، سونراهمين قارانليق قويونون ديبينه اوچدو و هر شئي بيتدي.

(سون) may 1980



ايضاحلار:
اؤتدو: سپري شد، گذشت ، عبور كرد.
ماهود: ماهوت، نوعي پارچهء ضخيم و پرزدار.
قاراواش: پيشخدمت، خدمتكار.
بوزلوق: به رنگ خاكستري گراييدن.
احتراص: حرص و ولع،شهوت، شوق.
قيغيلجيم: جرقه، آتشپاره، اخگر، شرر.
سئزمك:تشخيص دادن، تميز دادن.
اون: صدا.
يول اوستو: سرراه، عبوري.
اووولماق: گرد شدن، پودر شدن.
اووونتو:خرده ريز، براده.
به نيز: چهره، صورت، رخسار.
كيره ج: گچ، سنگ گچ.
كؤكس: سينه.
اؤتوردو:آواز مي خواند، نغمه سرايي مي كرد

شاه اثر (شاهکار )

یازار :آنتوان چخوف 1904-1860
چئویرن : سحر خیاوی


https://t.me/Adabiyyatsevanlar

✍آنتوان چخوف
تورکجه یه چئویرن:سحرخیاوی

ساشینکا،قزئت اورتوکلو بیر بوکمه‌نی(بسته‌نی) قولتوغوندا یئربه یئر ائدیب دوختورون اوتاق قاپیسینی آچدی.اوره یی ساعات کیمی دویونوردی.
دوختور کاشلخوف،اسکی خسته سی؛عتیقه ساتان مادام اسمیر‌نووانین تکجه بالاسینی گوءرجک،گولو گولدن آچیلدی:
"اوه،منیم بالام...اینشاللاه کی حالون یاخشی دیر؟"
ساشا ال-آیاقینی ایتیریب،اوتانجدان هئی کیپریک چالیب آیاقلارینی دییشیردی،تته-پته ائلییه رکن دئدی:
-"آنام چوخ سلام یئتیردی.دئدی:عومروموز وارکن محبتلرینیزه مینتداریق".
آخی من آنامین تکجه اوشاقییام، سیز اولماسایدینیز منی ده الدن وئرردی...هم من هم ده آنام سیزین محبتلرینیزین شرمنده سی ییک".
دوختور ساشانین سوزونون آراسینا آتیلدی و چوخ محبتلی دئدی:
"اوه،یوخ یوخ،عزیزیم.اصلن. بونلار نه سوءزدیرمی؟من یوخسا باشقا بیر دوختور...فرق ائله مز‌.
بو دوختورلارا گورَودیر.نه دن آیاق اوسته‌سینیز اوغلوم؟نه دن اوتورمورسوز؟"
ساشا ائله آیاق اوسته سوزونون آردینی توتدو:
-"آنامین یالنیز بیر تک اوشاقی وار،اونا گورَودیر سیزین زحمتلر و محبتلرینیزی بیر جوره اووده‌یه.حئییف کی الیمیز بوشدو و اوجورکی گره کیر خجالتینیزدن چیخا بیلمیریک.آللاه شاهیددیر بو سببه نه قَدَر راحاتسیزیق.بو قابیلسیز هدیه نی خیدمتینیزه گتیرمیشم...بیر تونج(مفرغی) تندیس دیر.بیلمیرم، شاه اثردیر دئییرلر.دوغروسون بیلمیرم...
دوختور راضیسیزلیقلا دئدی:
"اووو‌ه‌ه‌ه‌ه!"
ساشا مجسمه نی آچارکن دوختور دئدی:
"بو ایشلر نه دیر آخی؟نه دن اوزونوزو بو جور زحمته سالیبسینیز؟"
ساشا دئدی:
"یوخ دوختور.دانیشیقسیز قبول بویوراسینیز گرک، یوخسا آنامین اوره یی سینار.باخین: تایسیز بیرعتیقه دیر.البته قابیلی یوخدو.رحمتلیک آتامدان یادیگار قالیب...
تورپاقی سایی یاشایاسینیز!ایشی تونج هونری اثرلری ساتماق‌ایدی.ایندی آناملا من او ایشین آردینی توتموشوق.
ساشا مجسمه‌نی ماسانین اوستونه دوختورون قاباقینا قویدو:بیر هونری اثر،بیر شاهکار،تایسیز بیر زاد،ریزه کارلیقلاری تعریفه سیغماز.
بو حقیقت ده مجسمه دئییلدی.اوچ شاخه بیر شمعدان ایدی، ایکی قادین، ایکی جذبه و گوزللیک تانریسی، اونو الده توتموشدولار.امما آناسینین‌اوغلو هونرمند ایستَمه میشدی او ایکی قادینین گورَوی یالنیز شمع قابیلاری ساخلاماق اولسون.دجل آدام شمع قابینی بهانه ائله ییب اونلارین بدنینده ائله اود قالامیشدی کی....(عزیز اوخوجو!من او مسئله نی خاطیرلایاندا پریشان اولورام.ال آیاقیمی ایتیریرم.گوناه حیسسی داماریمدا گزیر).
- سوءز یوخدو.تایسیز اثردیر.امما کی....بیلیرسیز؟ یوخ من دئمیرم کارسیز بیر شئی دیر.یوخ...یالنیز بیلیرسینیز؟بیر آز یانی چوخ...چوخ...شورون چیخاردیب.هر کس اونو گورسه...حتمن بیلیرسینیز نه دئییرم...
ساشا تعجوبلو سوروشدو:"هر کس اونو گوءرسه نمنه؟!"
-"آخی شیطان دا بیر"شئیی"بو جور دیری ؛بو جانلیلیقدا یونا بیلمز...منظوروم بودو کی هر کیم گوءرسه آدامین آبریسی...."
ساشا هله تعجوبدن چیخمامیشدی.چیغیردی:"عجب فیکیردیر!بو بیر شاه اثردیر دوختور.عتیقه بیر مجسمه.کیمین"شئیی" ایله نه ایشی واردیر؟!عجب حیکایه دئییرسیز!!
دوختور ساشانین سوزونون آراسینا گیردی:"اوغلوم بیلیرم.سوزلرین دوغرودو.امما منیم قادینیم؛اوشاقیم وار.بورا گلیب گئدیرلر...خانیملار معاینه یه بورا گلیرلر...
ساشا دئدی:"گلیب گئتسینلر.معاینه ائله یین.بونلا نه ایلگیسی وارمی؟!" بو بیر شاه اثردیر.اللاها آند اولسون بو بهانه‌لری ایله قبول ائلمه‌سه‌نیز هم آنامین و هم منیم اوره‌ییمیز سیناجاق...سیز منی اوءلوم آغزیندان نجات وئریبسینیز.بو بیز اوچون گورودیر لاپ قیمتلی عائیله‌وی یادیگاریمیزی تشککور اوچون سیزه سوناق...تاسوفله‌نیرم هله بو شمعدان جوت دئییل.
دوختور کاشلخوف گوردو بحث فایداسیزدیر.گوده گلدی.دئدی:
"چوخ یاخشی.قالسین.سن دن و خانیم آناندان اور‌ه‌ک ائویندن تشککور ائدیرم.سلامیمی محضرینه یئتیرین...امما سن اللاه باخ ساشا...منظوروم بودو اوشاقلار بورا گلیب گئدیرلر هم ده خانیملار چوخلوق معاینه اوچون بورا گلیرلر!
امما گوزو ساشانین آسلاق دوداقینا دوشرکن دئدی:" امما نه ائتمک اولار..‌قوی...قوی قالسین.
ساشا شاد اولدو.سئوینجک دئدی:"ساغ اولون.چوخ یاشایین.بورا قویورام.گولدانین بو طرفینه...
آخ!کئشگه تایینی دا تاپایدیق!..اللاهین آمانیندا دوختور.لوطف ائله‌دینیز.
و اوتاقدان چیخیب قاپینی اورتدو.
دوختور،اوزون زامان آج گوزلوک ایله مجسمه نین جانلی و دیک زاویه لرینه باخدی.کچل باشینی قاشیییب فیکیرلشدی:
"واه واه واه واه!شاه اثرلرین شاه اثری دیر! آدام باخماقیندان دویمور هاندا کی بونو چوله آتسین...
امما...نه جور ساخلاییم آخی؟آهان بیلدیم:"بیرینه هدیه وئره رم!"
بیردن دوستو توخوف یادینا دوشدو.
توخوف وکیل ایدی.دوختور حقوقی مسئله لرینده اوندان یاردیم آلیردی.
اوءز اوزونه دئدی:"عالی اولدو.او ایللر دوستلوغوموزا خاطیر هئچ واخت من دن پول آلمیر.

نه یاخشی بو شیط

انی شاهکاری اونا هدیه وئره م.قضادان چوخدا دیشینه باتان دیر:"بیر یالقیز و سوبای و حال اهلی آداما نمنه بوندان یاخشی دیر؟"
***
-توخف داداش گون آیدین! منیم حقوقی ایشلریمده همشه بوللو یاردیمینا گوره،بو تایسیز شاهکاری سنه گتیرمیشم.ایللر دوستوندان یادیگارلیق قبول ائله.آلت- اوستونه یاخچی باخ گوءر نه حاللی دیر!"
توخفون، گوزو مجسمه یه دوشنده،اونا صاحیب چیخماق اوچون اوزوندن گئتدی:
"عج...بب!شششش‌شاهکاردیر! اینانیلماز!بونو هاردان تاپیبسان؟"
امما یاواش-یاواش ایلکین هیجانلار سوءنوکندن سونرا،پریشانلیق یئرینی توتدو.سسسیزلیک له نوبتله مجسمه یه و کاشلخوفا باخدی.سونرادا یاواشجا قاپییا باخیب دیل آلتی دئدی:"امما کاشلخوف جان...منظوروم اللاه ائلمه میش بو اثرین قیمتسیزلیگی دئییل...امما...امما...
دوختور سوروشدو:امما نمنه؟
-آمما آنام...بیلیرسینیز کی...هردن بورا گلیر.‌‌..موکّل‌لریم گلیرلر...آداملار حقوقی مسئله‌لر اوچون گلیرلر...اوندان علاوه خیدمتچی لر...البته منظوروم بو دئییل کی...
دوختور ماجرانی آخیراجا اوخودو.اللرینی اوردک قانادی کیمی ایکی طرفینده ترپتدی.دئدی:
-عزیز توخف! بو سوزلردن اوتانین.بو بیر هونری اثردیر...یانی بو بهانه‌لریله ایستیرسینیز منیم الیمی قایتاراسینیز؟قبول ائتمه‌سه‌نیز سیزدن چوخ اینجییه رم."آنام گلیر".یاخشی گلسین.بو بیر هونری شاهکاردیر.خلاصه: قبول ائتمه‌سن داها منیم آدیمی توتما!
توخف بیر حالدا کی اوزونون ده سوزونه اینانجی یوخویدو دئدی:
"یئنه اوراسینی...انجیر یارپاقیلا بیر زادلا..."
امما دکتر کاشلخوفون ائششکی کورپودن کئچمیشدی داها وکیلین سوزلرینه قولاق وئرمه دی.همین کی او شیطانی مجسمه نی توخفا باسمیشدی یئتردی.قاچدی و آرخاسیجا قاپینی اورتدو.
توخف یالقیزلیقیندا شمعدانی گوتوروب تاماشا ائله دی.اوزون بیر تاماشا...
اوزویله دئییردی:"اللاه لعنت ائله سین سیزه.ذلیل قالمیشلار‌.بو هونرمندلر نه جاناواردیرلار.هونر آدینا نه آتلار چاپیرلار.حئییف اوزومه ساخلایا بیلمه رم.آهان،تاپدیم:بو آخشام تئاترا گئده رم.بونو شوشکین -کمدی اکتورو-نا سونارام.بئله لیک ایله هم شررین باشیمدان کسه رم، هم ده بو شاهکاری چوءله آتمارام و هونر سئورلیگیمی ده اوزه چکه رم.
اکتورلار کئف‌جیل و لاقئید اولارلار.بئله زادلاردان اوتانمازلار.اعلا اولار!
توخف او گئجه،شمعدانی کادولادی.تئاترا گئتدی.ایکی پرده آراسیندا گریمچی اکتورو گریم ائدنده، هدیه نی بیر مکتوبلا اوتاقینا یوللادی.
ایندی بلا اکتورون یاخاسینی توتموشدو:
"آی اللاه من بو زهریمارلا نئینه ییم؟هئچ اولماسا بالاجادا دئییل جیبیمده گیزله دم.تئاتر قادینلاری ائویمه گلیرلر.بونو گورسه لر منی اله سالاجاقلار...عجب بلایه دوشدوم!
گریمچی اونون ساققالینی جورلایارکن دئدی:
"اوزولمه داداش.سات.من بیر قادین تانییرام ایشی تونج عتیقه آل وئری دیر.آدی....اس...اسمیر...آهان:اسمیرنووا...ااونا باش وور.حتمن بونو آلار.ایشی بودو.
بالاجا ساشا بیریسی گون قاچا-قاچا کاشلخوفون مطبینه گلدی.چوخ سئوینجیله دوختورون ماساسی اوسته بیر بوکمه قویدو.تووشویه-تووشویه دئدی:
- آخ دوختور! بوندان یوخاری خوشبختلیک اولماز.آنام سئوینجدن اوزوندن گئتمیشدی...بیلیرسیز؟او شمعدانین باشقا تایینی دا سیز اوچون تاپدیق.ایندی جوت اولاجاق! ماراقلا قزئتی دوره سیندن آچیب، دوختورون قاباقینا قویدو.
دوختور بیر سوءز دئمه یه آغزینی آچدی.امما ساکیت قالدی.بوتون سوزجوک‌لر بئینین‌دن قاچمیشدیلار!

https://t.me/Adabiyyatsevanlar

آنتوان چخوف یالنیز 44ایل یاشادی او قیسا عومرونده 700دن آرتیق ادبی اثر یازیب یارادتدی.
یازیچی اولماغا گرک هر گون یازاسان .
چخوف

https://t.me/Adabiyyatsevanlar

سئوه ن لریندی دونیا..

ایلکین احمد اوا

https://t.me/Adabiyyatsevanlar

اوشاق ادبیاتی
اوشاق ادبیاتی هر هفته پنجشنبه گونو ادبیات سئونلر کانالیندا .
اوشاق ادبیاتینا دایر یازیلارینیزی بیزه گوندرین .

https://t.me/Adabiyyatsevanlar

حیکایه
مکافات
موسی_موسوی

گونشین ایستیلیی بیر سویوق گئجه نین باشا چاتماسیندان خبر وئریردی
گوءزلریمی تزجه آچمیشدیم یاواش یاواش آیاقلانیردیم توکلریمده تزه تزه چیخیردی
3کوچویودوک
ایلک گونو صاحیبیمیز "رستم" قونشوسو ممدآلینان گلدیلر آنامی یوغون بیر ایپینن باغلادیلار
قانجیق کوچوکلری آپاریب آرپالی دره_ده قوجا چینارین آلتیندا باسدیردیلار
آنام او گئجه سحره کیمی ایپده قالیب اولادی آمما انسانلار بو ایشلریندن سئوینجکیدیلر
اورکلرینین داش اولماغینی آغیر گولوشلریندن حس ائدیردیم
تکجه من قالدیم
ممدآلی دئییردی بو کوپکدی بونو من اوزوم ساخلایاجام
ایکی آییم اولمامیشدی ممدآلی کیچیک اوغلوینان گلدیلر باشیما بیر قیرمیزی ایپ سالیپ آپاردیلار
ممدآلینین ائوده اوچ اوشاغی واریدی بیری اوغلان ایکیسی قیز
من بئله دوشونوردومکو ممدآلی تک اوغلون ایکی قیزیننان چوخ ایستیر
قیزلاری کندین بولاغیندا قاب قاشیق یومه_کدن سونرا آیری زامانلار ائشیه چیخمازدیلار
ممدآلینین اوغلو گلیب منی ایپدن آچیب اویانا بویانا چکردی
او قدر چکردیکی ایپ گئچردی بوینومون اتینه قیشقیراردیم دورد آیاقیمی دیره_یردیم یئره اوزومو دالی چکردیم آمما زوروم انسان زورونا چاتمازدی بیرده منی چکیب قاچماقا مجبور اله ردی
گئجه لر ایپ کسدیی یئرلر بوینومدا گوینه_ردی
آنام اولسایدی یالاییب یارامی ساغالداردی
آنام ...
رستم اوگون ممدآلیا دئییردی بو قانجیقدا قوجالیب ، همیده چوخ اولاییر ائله بیل ایچینده خسته لیی یادا آغریسی وار
گرک بونودا آپارام آرپالی دره_ده قوجا چینارا باغلایام قالا اوردا اوءله
ممدآلیدا سوزلرین تایید الییردی
او گوندن حزین اولاماق سسی کتدن کسیلمیشیدی
داهی آنامدان خبر یوخودو
بیر آخشام چاغیندا کندی دومان باسدی بولودلار نفرتینن یاغدی کندین اوستونه
اوگون ممدآلینین اوغلو رستمین اوغلوینان بیرلیکده گئتمیشدیلر آرپالی دره_دن اودون گتیرلر
گئجه اولموشدو هله ائوه گلیب چاتمامیشدیلار
کندین هامیسی نیگران اونلاری گزیردی
حسین دئیردی هله دره_نین سئلی قوپمامیشدی من ایکیسینده گوردوم ،قوجا چیناردان اودون چیخاردیردیلار من کنده چیخینجا دره_نین سئلی داشدی هئچ نه گورنمه_دیم داهی
کندین آداملاری یاغیش آلتدا اوشاقلاری گزیردیلر
بیر یاننان دهشتلی یاغیش بیر یاننان قارانلیق گئجه
نه گوز گوزو گوروردو نه سس سسه چاتیردی
ممدآلینان رستمین آروادی سحره کیمی ساچلارین یولوب آغلادیلار ،حزین سسلری کندی آلمیشدی
او گئجه_نی کند آداملاری یاتمادیلار
سحر اولدو دومان کنددن کوچدو
گونش همشه کی ایستی اللرینن یئرین دریسین تومارلاییردی
اوزاقدان کند آداملاری گورونوردوکو آرپالی دره_سیندن چیخیب کنده طرف گلیرلر
ایکی اوچ نفر ممدآلینان رستمین الیندن یاپیشمیشدیلار
اوستو باشلاری زیغ ایچینده_یدی
باش گوزلری قاریشمیشدی بیر بیرینه
کندین آداملارینین الینده ایکی اوشاق جنازه_سی واریدی
اوشاقلاری گوررکن آنالارین آغلاماق سسی گئنه کندی دولدوردو
بو سس منه تانیش گلیردی


https://t.me/Adabiyyatsevanlar

ادبیات سئونلر کانالینین دیکلمه یاریشماسی نین شرط لری

1-یالنیز مونصوفلر هئیئیتینین وریندن سئچیلمیش شعیر ،یاریشمایا داخیل اولاجاق .
یاریشمایا قاتیلانلارین بیرینجی اعلاندان اوچ گون سونراواقتلاری وار کی یاریشمایا قاتیلسینلار دیکلمه لرین ادبیات سئونلر اویه لریندن ، مونصوفلر هئیئتینیه ، یاریشمایا اعلان اولان ادرسه گوندرسین لر.

تعیین اولونموش زاماندان سونرا الیمیزه چاتان دیکلمه لر یاریشا داخیل اولمایا جاق
2- یاریشما ، ساعات‌21ده باشلاناجاق ساعات 22 دن سونرا الیمیزه چاتان دیکلمه لریارشمایا داخیل اولمایاجاقلار .
3-یاریشمایا تکجه بیردفه دیکلمه گوندرمک اولار،
4- دیکلمه نین غالیب لری مونصوفلر هئیئیتینین وریندن تعیین اولاجاق ( قازاندیقلاری بال اساسیندا تعین اولاجاق ).
اوچ نفر غالیبه ،ادبیات سئونلر وریندن لووح سونولاجاق .
5-اوزمانلار دیکلمه لرین باره سینده نظرلرین یئکونلاشدیریب بیرلیکده واحید نظر اعلان ائده جک لر .
6-یاریشمایا قاتیلماق آزاد و اختیاری دیر .
بوتون قوروپلارین کاناللارین ،...اویه لری یاریشمایا قاتیلا بیلرلر.
7-الیمیزه چاتان دیکلمه لرین سایی چوخ اولسا، غالیب لرین تعیین اولونماسی اوچ گوندن سونرا اعلان اولاجاق.
8-مونصوفلر هئیّتی نین نظری عموما اعلان اولاجاق .

9- یاریشمانین اوزمانلاری : سرکار خانیم میر حسینی ، دوکتور احمد ستاری ، جناب مهدی سمساری وکریم قربانزاده اولاجاقلار.
( دوکتور ارشد نظری سئچیلن شعیرلرین فنی مسئولودولار )
10-یاریشما هئیئتینین داخلی بولگولری اولاجاق
موسیقی بولگوسو ، شعر بولگوسو ، اودول بولگوسو ،روابط عمومی بولگوسو ...
11-مونصوفلر هئیئتی یاریشمانین هر اون آیتئمینه موستقیل بال وئره جک لر.
12-غالیب لر، مونصوفلر هئیئتینین اکثریتنین حاضیر لیغی و سسیله تعیین اولمالی دیر.

13-مونصوفلر هئیئتینین اکثریتینین نظریله یاریشمانی، معین دلیللره گوره دایاندریب ، وحتتا لغو ائتمک اولار.
14-یاریشمانین دایاندیرماغی نین دلیللری

الیف -مونصوف لر هئیئتی اکثرییته چاتمایالار
ب-یاریشمادا ائله بیر یانلیشلیقلار اولا کی یاریشمانین نئجه لییینه و غالیب لرین سئچمه سینه نوقصان یئتیره و عدالتی آرادان آپارا .
15-یاریشمانین اوُدوللرین بیر آی موددتیندن سونرایا قدر غالیب لره سونولمالی دیر .
یاریشمانین و ( اودلوللرین ) خرجی هله لیک ادبیات سئونلر کانالینین بوینونادیر .
ادبیات سئونلر اسپانسر توتماغا ، ادبیات سئونلردن ، یاریشمایا قوشولانلاردان یاردیم آلماغا آزاددیر.
16- یاریشمایا عایید خبر لر ، بیلدیریشلر ، غالیب لرین تعیین ائتمه سی ادبیات سئونلر کانالیندا اولاجاق دیر .

https://t.me/Adabiyyatsevanlar

دونیا سندن کیملر کئچدی

ازلدن بئله دیر چونکی کاینات
جهان دایمی دیر عومور امانات
الدن اله کئچیر وفاسیز حیات
بیز گلدی گئدریک سن یاشا دونیا ...

اوستاد عزیز محسنی حیاتا گوز یومدو.

بو آجی خبر ادبیات ، مدنیت عائیله سین اوره ک ائویندن سارسیتدی، بیر عومور ائلینین وطنینین سعادتی اوغروندا یازیب یاردا اینسان وطنیمیزین زحمتکش لرینین قایغی کئشی اوستاد عزیز محسنی 95 یاشیندا امریکادا حیاتا گوز یومدو .
ائلیمیزین شرفلی اوغلو بیزدن آیریلسادا اوزون ایللرین خاطیره سی ، اوستادین یازیلاری، آراشدیرمالاری خالقیمیزین یاداشتیندان سیلینن دئییل .
ادبیات سئونلر اوستاد عزیز محسنی نین ابدی خاطیره سینه عشق اولسون دئییر بو آجی کدرلی آیریلیغی عزیز محسنی عائیله سینه ، صابیر انجمنینه ، اوستادین بوتون سئونلرینه قلمداشلارینا تسلیت دئییب باش ساغلیغی وئریر .آذربایجان باشین ساغ اولسون .

ادبیات سئونلر 98/9/6

https://t.me/Adabiyyatsevanlar