اوشاق ادبیاتی هر هفته پنجشنبه گونو ادبیات سئونلر کانالیندا
عزیز بالالار مونجوق صحیفه سی نین کئچن سایی سی ادبیات سئونلر کانالینین اوشاق ادبیاتینین امک داشلارینین و مونجوق صحیفه سینین ایش بیر لیگی یله باغلاندی.
بو دیرلی ایش بیرلیگینین تمل داشین قویان ادبیاتیمیزین تانینمیش سیماسی، سئویملی شاعیر، یازیچی اوشاق ادبیاتینین قایغی کئشی ،مونجوق صحیفه سینین باش یازاری سوسن خانیم نواده رضی اولوبلار. ادبیات سئونلر اوره ک ائویندن خانیم نواده دن تشکور ائدیب، مونجوق اوشاقلارینا اوغورلار آرزو ائدیر .

https://t.me/Adabiyyatsevanlar

اوشاق ادبیاتی
سنده چالیب اوخویا بیلرسن موسیقی کلاسینا گئت سن .

https://t.me/Adabiyyatsevanlar

اوشاق ادبیاتی

✅ویدا حشمتی

مئهریبان معللیم

ایلک اوخولا گئده نده
اوره ییم داریخیردی
گؤزوم پنجره لردن
اوزاقلارا باخیردی

آنام دوشوردو یادا
بیرده اویونجاقلاریم
ائوده شیلتاق ایشلریم
سئودیییم قولچاقلاریم

گؤزومدن یاش داماندا
معللیم دئدی بالام
آغلاما سیل گوزلرین
اودا اولدو بیر آنام.

https://t.me/Adabiyyatsevanlar

اوشاق ادبیاتی
ویدا حشمتی

بوتون_دونیا_شن_اولسون



اینجه دیر بارماقلاریم
هر دویونو آچماغا
کاش قانادیم اولایدی
اوزاقلارا اوچماغا

کئشگه قونشوموزدا دا
شنلیک اولسون گول اولسون
بیز اوشاقلارین ایشی
اوُیرنمک ، اوخول اولسون

بئله دئییب گولک کی
اینجیمه سین بیر کیمسه
هر بیر چیچک آچاندا
بیزه دئییر : گولومسه

آغلاماسین هئچ اوشاق
بوتون دونیا شن اولسون
هر دیلده هر دیلکده
مندن قاباق سن اولسون

https://t.me/Adabiyyatsevanlar

اوشاق ادبیاتی
کیتاب تانیتیمی

گوزل بالا لار بو کیتابی اوخویوبسونوز ؟

https://t.me/Adabiyyatsevanlar

اوشاق ادبیاتی
اوشاق ادبیاتی هر هفته پنجشنبه گونو ادبیات سئونلر کانالیندا

https://t.me/Adabiyyatsevanlar

اوشاق ادبیاتی
اوشاقلار اوچون رسملر : غلامعلی مکتبی

https://t.me/Adabiyyatsevanlar

✨ كودک ۹ ساله‌ای که در آستانه دریافت مدرک کارشناسی است

گروه جامعه: یک کودک ۹ ساله هلندی-بلژیکی سه بار درهفته از آمستردام به آیندهوفن می‌رود تا در بهترین دانشگاه فنی هلند در رشته الکتروتکنیک در مقطع کارشناسی تحصیل کند. این کودک نابغه را با استیون هاوکینگ و البرت اینشتاین مقایسه کرده‌اند.
https://t.me/Adabiyyatsevanlar

اوشاق ادبیاتی
سارین ابراهیمی9یاشیندا تبریز شهریندن .
سارین اوستاد شهریارین حیدرباباسین ، سهندیه سین ازبردن اوخویور .
ساغ اولسون سارین بالامیزی .
گلین بیرلیکده اونون شعر اوخوماسین ائشیده ک .

https://t.me/Adabiyyatsevanlar

اوشاق ادبیاتی
شعر : اوستاد شهریار
سس : سارین ابراهیمی

https://t.me/Adabiyyatsevanlar

اوشاق ادبیاتی
شعر : روزبه صمدی



نار قیزی



نار قیزی‌یام ، نار قیزی
ایچیم چؤلوم قیرمیزی

ایچیمده شیرین دنه
مین دنه‌دی، مین دنه

قیپ قیرمیزی بیر نارام
چوخ یئکلسم چاتلارام

هر کس منه یولداشدی
ساغ‌لیغینان قارداشدی

https://t.me/Adabiyyatsevanlar

اوشاق ادبیاتی


نمایش عروسکی موزیکال و زنده
تیق_تیق_خانیم

اجرای ویژه مدارس و مهدکودک‌ها
از 25 آبان 1398
کانون پرورش فکری کودکان و نوجوانان
تبریز
تلفن رزرو:
09911857894
09016050323

https://t.me/Adabiyyatsevanlar

اوشاق ادبیاتی
آیدین باخیش

داغ
من اوجالاردان اوجا
یاشیم میلیون‌لار، قوجا
مندن چایلار باشلانار
قیشدا شپه بوشـلانار
قارتال اوچار باشیمدا
قورد یوواسی داشیمدا
قاینار چشمه، بولاقلار
یاماجلاردا یولاقلار
کهلیک‌اوتو توکلوجه
منده بیتَر بوللوجا
اوستومده چن ، یاغیش، قار
آدیم دایانیش، ووقار
أیینیم یاشیل، باشیم آغ
چاغیرارلار منی «داغ»

https://t.me/Adabiyyatsevanlar

🖊 ع . ن 《 چاپار 》

آرخادان
داشا باسیلا - باسیلا ،
دیپلری باغلی کوچه لرده قووولدوق.
دیوارلاری رزه سیز -
قاپالی کوچه لر !...

گولمه چه لرده ،
کیژغیرمیش سولارداکی بوغولونان،
بالیقلار تک ،
نفه سیمیز تنگه دوشموش .

آرخادان آتیلان ،
داشلارا باسیلاراق ،
بوغولوروق یامان .

قیسالیریق بینالار تک .
هورولوروک‌ داش کیمی
دیوارلاردا .

قاپیلیریق
رزه سیز
قاپالی قاپیلی کوچه لرده.

اولوروک ،
اینله مه دن .
اه ....
بو کوچه لردن
بو
کوچه لردن ....

https://t.me/Adabiyyatsevanlar

امیر_اقدم

آتا_آناسی بوشانان اوشاقلار حالیندایام
آنا ائوینده غریب
آتا ائوینده غریب
فارسجانین قونوشماسینا باجاریم یوخ
تورکجه نین یازماسینا



https://t.me/Adabiyyatsevanlar

volkan22
اوخویور عالیم قاسیموف
کورعربین ماهنسی

https://t.me/Adabiyyatsevanlar

مرجان مناف زاده

سیزدن آیریلدیم...

سیزدن آیریلدیم
قوشلار آرخاسیز گئدیردی
سسیمی خارالا تؤکموشدولر
سسیمین یاخاسیندان توتموشدولار ساعات قاباقیندا
دالی ساعاتلار گؤزلريمه سوخولوردی
و من بیر قادینام
قادین یعنی حرکت
یعنی آجیماسیزلارین الله اکبر قاطاری
یعنی اعتراض سسی
و یعنی "مرجان"

سیزدن آیریلدیم
آیاقلاریما سالدیم کندیمی
بو قارقالار گولوب اؤلدولر
بیراز اؤلدولر
4 ساعاتدان قاباق اؤلدولر
یئریدیلر فاتحه نی
و آذان وئردیلر گؤورچینلر
من سسیمی گؤيه چیخاندا سیزدن آیریلدیم.
چاغیردیلار سوریه دن منی
لیبی دن چؤله سالدیلار
تونس ده یئریدیم آغلاماقلاریمی
و تهران دا اعدام اولدوم...
سیزدن نئجه آیریلاجام
سیزدن آیریلدیم...

https://t.me/Adabiyyatsevanlar

موسسه ندای ایماژ تبریز برای چهارمین سال متوالی با افتخار برگزار می کند:

🎼کنسرت موسیقی آذربایجانی گروه «پارلا» بهمراه حرکات آیینی، سنتی آذربایجان(ویژه بانوان)💣

📆 ۲۶-۲۷ آبان ۱۳۹۸
⏰ ساعت ۲۰
🏛فرهنگسرای نیاوران تهران

فروش آنلاین بلیط: iranconcert.com
روابط عمومی و جذب اسپانسر
☎ ۰۹۱۲۶۳۴۱۱۹۰

@parla.artgroup @studio.imaj @khojasteh_music_school @mariayazdani22 @fatimohammadi @hasankhojaste @behrad.sarebanan @gl.mirzazadeh @nima.anhari @leilab95 @samira_morakkabsazi @ipak_tbz @chichak_tbz @linimhn @maryamnarimani.59 @neda_zarafshan @panahi_film @chiki_omf @_fatiishalii_ @fariba_sohrabi_ @iranconcertofficial
@hamsafariran @sirous_senobari
@dr_khiabani
@azerbayjan_anam
@_aylin.mirzazadeh @sevda_piano
@sima.koobeyi70
@paniz.sattarizrib @aidaamiressami@eli_shms@sanaz_jahanbakhsh
#کنسرت بانوان #کنسرت #بانوان #حرکات #حرکاتنمایشی #رقص آذربایجانی #نیاوران #فرهنگسرای_نیاوران #ایماژ #تبریز #تهران #music #lady #concert #dance #azerbaijan #tabriz #tehran

https://t.me/Adabiyyatsevanlar

آی کیشی گل سن بی دنه ائششک آل😂
✍افروز خانیم

مملکته بوءیله دوشوب قالماقال
ووردو بوتون عومروموزه ضدِّ حال
بوینوما ییغ هر نه واریندیر وبال
آی کیشی گَل سن بی دنه ائششک آل

یازدا یییَر باغدا-چیمنده آلاغ
قیشدا یییَر سار-سامانی بیر تاباغ
طوله میزه ائت بئله نازلی قوناق
آی کیشی گَل سن بی دنه ائششک آل

یوک چاتاسان اوستونه هئچ زیققیماز
اوستدن اوزون مین دده جان نیققیماز
زینت اوچون سال بویونوندان قوتاز
آی کیشی گل سن بی دنه ائششک آل

بیز کی شومالدان جنوبا گئتمیریک
هاندا قالا کَتلری سئیر ائتمیریک
شوکر ائله کی بو خییووی ایتمیریک
آی کیشی گل سن بی دنه ائششک آل

کئفله چاپار بنزین و گاز ایسته مز
سونجوق آتار عشوه و ناز ایسته مز
سوسن و سروین و ساناز ایسته مز
آی کیشی گَل سن بی دنه ائششک آل

نئینه ملی آوروپا گئتدی آیا
روسیه لی میرریخا آنتن قویا
سن ده دیکَلت یونجامیزی مین تایا
آی کیشی گَل سن بی دنه ائششک آل

آمریکالی "آی" دا گئدیب یئر آلی
اوردا ماراقلی اوزونه یورد سالی
بس نه دن آخیر ایشیریک بیز دالی؟!
آی کیشی گَل سن بی دنه ائششک آل

گوزلری آهو کیمی دی ائششکین
گورمه ییب هئچ کیمسه بو آهو تکین
قوی چولونا بیر نئچه مونجوق تیکیم
آی کیشی گل سن بی دنه ائششک آل

https://t.me/Adabiyyatsevanlar

طنز بویوک آغا افندی

سلام عزیز وطنداشلار ، قارداشلار ، یولداشلار ، سیرداشلار ،نا محرم باجیلار ...
بوندان گوزل سحر اولا بیلمز.گون آیدین
بوسئوینج دونیادایالنیز بیزیم کی دیر .
پروردیگار عالم اوزو پست سیفاریشییله مخصوص بیزیم قاپیمیزا گونده ریب ،
نه گوزلدیر جمعه گونو سحر یوخدان دوراسان یوز ایگیرمی مینه بیر کیلو سورسومک آلاسان، یوزهشتادمینه ، بیر باک بنزین وراسان ،یوزمین وئرسن بیر آز قیویر زیویرا ، شوربانین کاساسین ۵۰ مینه یئیه سن، بوندان گوزل نه اولا بیلر جانیم ؟
یئه کئفه ائله کاسیب. اللرینی نه قدر باجاریرسان قوزا گویه اوره ک ائویندن آللاهینا شوکور ائله .
بیر آزدا اینصافین اولسون کیشی سه نین آیدا میلیون یاریم گلیریندی ، نه ینی گورمزبا؟
یاخشی بیلیرم هئچ اولماسا آیدا بیر میلیونون آرتررسان قویورسان بانکا منفعتین آلیرسان لاپ آزی ایلده بئش یول خارجی سفره گئدیرسن، دولته، امریکالی لارا یاندی قیندی وئریرسن .
آدامدا بیر بئله اینصافسیز اولار؟
بئنزین لیتری اوچ مین اولماسین لاپ اولسون بئش مین کیشی سنه نینیه جک ؟
اودبا اوروپادا ، ترکیه ده بنزینین لیتری یوز میندی با.
سنین ماشاآللاه آیدا میلیون یاریم گلیریندی ۸ باک بئنزین اولار.
واللاه یئر اوزونون بوتون میللت لری ، حتا گویدکی ملک لرده حسرت چکیرلر عومورلرینده بیر گونده اولوب سنین کیمی یاشاسینلار .
باخ بوتون اوروپالیلار ، امریکالیلار بادامی گوز ژاپنیالیلارین بنزین حسرتینده ، آجلاریندا سو تغذیه توتوبلار ، هئچ بیرینین آیدا میلیون یاریم گلیری یوخدور.
اصلن نه وئریب سیز آلا بیلمیرسیز بو یازیق دولتدن ؟ بوندان آرتیق نه ایستیر سینیز؟
گلن ایلدن ده اون بئش فایز معاشینیزا آرتاجاق . داها نه دئییر سینیز ؟
شوخلوق دئییل ۹ باک بنزین اولار .
اولمویا دئیسیز نفتی ، معدنلری ،،،ساتسینلار وئرسین سیز یئیه سینیز ؟
هئچ اوتانیب خجالت چکمیرسینیز ؟
به دئمیر سینیز اوندا آغالار ، آغازاده لر ،سوریه لی لر ، عراقلی لار، لبنانلیلار ، یمنلیلر... نینیه جکلر؟
سیز آللاه بیر آزدا منطقی اولون ، آداما اوز وئرنده بیر بئله آستار ایسته مز ، اوتانین خجالت چکین سیزین آیدا میلیون یاریم گلیرینیزدیر .

https://t.me/Adabiyyatsevanlar

روربه صمدی نیر اوغلو

بنزین یوخوسو



أیمیشیک بوینوموزو مین دولت
باهالانسین گئنه بنزین دولت

هر نه ائتسن سنه لبیک دئمیشیک
دَییلیک بیز سنه خایین دولت

گئنه گؤردون بیزه بنزین یوخوسو
احسن اولسون سنه یوزمین دولت

بیزی آللاه سنه نعمت یارادیب
شوکر ائله تا دئیک آمین دولت

دونیا دوشمن‌دی بیزه قوخما گیلن
ایرانا بسدی فقط چین دولت

قورخوموز یوخدو بو سئل زلزله‌دن
ساخلایار خلقی نماز دین دولت

اوچسادا دام داشیمیز غم یئمه سن
تیکه ریک خیرداجا بیر نین دولت

جومسا آمریکا سنه داغ کیمی دور
سوخاریق قلبینه ارسین دولت

سن «ابلفض» بیز ایلن کوسمه گیلن
بیزده یوخدور سن اوچون کین دولت

هر نه موشکول یوکو وار میللته چات
اولسادا داغ کیمی سنگین دولت

یورولوبسان گل اوووم قیچلاریوی
گل تاپیم دردیوه تسکین دولت

آغلاسان قلبیمه غملر داراشار
من اؤلوم آغلاما مسکین دولت

آی «نیراوغلو» اولاغ آل، سات ماشینی
قورخورام وئرمیه بنزین دولت
......................
سؤزلوک :
نین = تویوق یوواسی
ارسین = اود قاریشدیرما وسیله‌سی

https://t.me/Adabiyyatsevanlar