عزیزنسین اوءز دیلین دن
حاضیرلایان: ادبیات سئونلر
ترجمه :سحر خیاوی


آتام اون اوچ یاشیندا آناتولی نین کندلرینین بیریندن استانبولا گلدی.آنام ایسه چوخ اوشاق اولارکن باشقا بیر کنددن استانبولا گلدی.سانکی اونلار بو سفره،استانبولدا بیربیرین گوروب ائولنمگه و منی دونیایا گتیرمگه مجبوریمیشلار!!
منیم سئچیم حاققیم یوخویدو،بو سببه یاراماز بیر زاماندا،بیرینجی دونیا ساواشی نین موردار گونلرینین بیرینده،۱۹۱۵ده، پیس بیر یئرده هیبلی آداسیندا دوغولدوم.هیبلی تورکیه نین استانبول یاخینین دا کی، پوللولارینین ییلاقی ایدی.چونکو پوللولار یوخسوللار اولماسا دیری قالا بیلمزلر، بیزده او آدادا یاشاییردیق.
بو سوءزلری ایله قارا گونلو اولدوغومو دئمک ایسته میرم.عکسینه من وارلی و اصیل عائیله دن اولمادیغیمدا اوغورلو بیری یم.
منیم آدیم"نصرت"دیر.نصرت عربجه بیر سوزجوک دیر "تانری نین کوءمکی" معنادا.بو آد بیزیم‌ عائیله یله اویغونودو،چونکو اونلارین تانریدان باشقا هئچ اومودلاری یوخویدو.
اسکی اسپارتارلار،گوجسوز و آریق اوشاقلارینی اوءز اللری ایله اوءلدوروردیلر، یالنیز گوجلو و ساغلام اوشاقلاری بویودوردیلر.امما بیز تورکلره بو سئچگی طبیعت و توپلوم واسیطه سی ایله اولوردو.دوءرد قارداشیم اوشاقلیقدا ایسته نیلمز دورومو تاب گتیره بیلمه ییب اوءلدولر دئسه م،بیلرسینیز ساغ قالماقدا من نه قدر دانقازیمیشام.
آنام ییرمی آلتی یاشیندا اوءلدو و گوزل دونیانی گوجلولره تاپشیردی.
زنگین(سرمایه دار) مملکت لرده،دوروم آل-وئریله،و سوسیالیست مملکت لرده یازیچیلیقلا اویغوندو.یانی یاشام عاغلی اولان،بیر سوسیالیست مملکت ده گرک یازیچی اولسون و بیر زنگین مملکت ده آل-وئرچی.
امما من کی یاری زنگین تورکیه ده یاشاییردیم وکیمسه عائیله مده یازیب اوخوماق بیلمیردی،یازیچی اولماق قرارینا گلدیم.
آتام بوتون فیکیر یوءنلری نی اوشاقلارینا اویره دن یاخشی دده لر کیمی، منه بئله تاپشیریق وئردی:"بو سارساقجا یازماق فیکیرینی اونوت.بیر یاخشی و شرفلی ایشه فیکیرلش".
امما من هله ده دانقازیدیم.یازیچی اولماق آرزوسیندایدیم.عکسینه مکتب ده قلم یئرینه سیلاح الیمه وئردیلر.یاشامی مین ایلک ایللرینده؛ سئودیگیم ایشلری گوءره بیلمه دیم.گوردوگوم ایشلری ده سئومیردیم.یازیچی اولماقی سئویردیم امما سرباز اولدوم.او زاماندا نظام مکتب لری یوخسول و پولسوز اوشاقلار موفته درس اوخویا بیلَن تکجه مکتب ایدیلر.من ده بو مکتب لره گئتمه گه مجبور اولدوم.

۱۹۳۳ده،همشه کی کیمی بئواخت چاتدیم،بو دفعه بوتون گوزل آدلار قورتارمیشدی و هئچ گوونجلی سوی آد قالمامیشدی.نسین آدینی سئچمه گه مجبور اولدوم.نسین یانی"سن نمنه سن؟!".بو آدی سئچمک ایله هر آدیمی چاغیراندا فیکیرلشیردیم دوغرودان من نمنه یم؟!
۱۹۳۷ینجی ایل ده افسر اولدوم.ناپلئون اولدوم.اینانمازسینیز! هله من یالنیز ناپلئونلارین بیری ایدیم.بوتون یئنی افسرلر ناپلئون اولماق دوشونوردولر و بو خسته لیک اونلارین بعضی سینده درمانسیزیدی و عومورلرینین آخیرینه جن داواملانیردی.بیر عیدده سی ده درمان اولوردیلار."ناپلئونیتیث"بیر یولوخوجو(مُسری)و خطرلی خسته لیک ایدی.نیشانه لری:خسته لر نه ناپلئونون اوستون گلمه سینه فیکیرلشیردیلر نه یئنیلمه سینه.اونلار دونیا خریطه سینین قاباقیندا دوروب و بیر قیرمیزی قلمله بوتون دونیانی بئش دقیقه ده آلیرلار،سونرادا دونیانین بو قدر کیچیک اولماسیندان کدرله نیرلر.اونلار قیزماسی اولان آداملار کیمی سایاقلاییرلار.باشقا خطرلرده وار.سونرالار بلکه تیمور لنگ، چنگیزخان، آتیلا، هانیبال و حتا هیتلر اولماق فیکرینه دوشه لر.من‌ بیر یورولمامیش ییرمی اوچ یاشیندا افسر عنواندا آزاجیق موددت ده بیر قیرمیزی قلمی ایله دونیانی فتح ائتدیم.ناپلئونلیق عقده سی بیر ایکی ایل اوزونا چکدی.البته بوتون بو موددت ده فاشیسمه ماراقیم یوخویدو.
اوشاقلیقدان آرزولاییردیم پئیس یازان اولام.ارتش ده،پیادا قوشون واحیدلری،توپخانا و تانک واریمیزیدی.امما پئیس یازماق واحیدی یوخویدو.او سببه اوردان چیخماغا بیر یول آختاریردیم و ۱۹۴۴ ده آزاد اولدوم.
بعضی افسرلر حتا ژنرال اولاندان سونرادا شعر یوخسا رومان یازماق حسرتینده اولورلار،البته باشقالارین خوش گلمه سینه.امما بیر اللی یاشدا شاعیرین ارتش باشچیسی اولماقی نظرلرینه سارساقلیق و یئرسیزدیر.
سربازلیقدا حیکایه یازماقی باشلادیم.او زاماندا،قزئته مطلب یازان سرباز اونجوللر طرفدن ایستکسیز قارشیلانیردی.او سببه اوءز آدیملا یازمیردیم.آتامین آدی،عزیز نسین ایله ایشله ییردیم.بو سببه اصلی آدیم "نصرت نسین"تانینمادی و اونودولدو.
اونلار منی گنج بیر یازار تانیییردیلار، بیر حالدا کی آتام قوجایدی؛بیر واخت آتام بیر ایش اوچون بیر اداره یه گئتمیشدی، اوزونو عزیز نسین تانیتدیردیقدا، کیمسه اینانمامیشدی.البته اوءلونجه ده عزیز نسین اولماقینی بللندیرمک زوروندایدی.
ایللر سونرا کیتابلاریم باشقا دیللره چئوریلدیکده یازار حاققیمی آلماقا عزیز نسین

اولماغیمی ثابیت ائتمه گه موددتلر ساواشدیم.
آدیم سیجیللی ده "نصرت نسین" ایدی.
بو گونلر چوخلاری شاعیر اولماق طلبینده دیر.بئله دوشونورلر بوتون یازدیقلاری دا شعردیر،چونکو شعره حورمتلی دئییل لر.من دوشونورم شاعیر اولماق بویوک هونردیر چونکو چوخ یازیچیلار یاخشی شاعیر اولا بیلمه دن
ناچار آدلیم یازیچیلار اولدولار.بونو اوءز باره مده دئمیرم،من نیشان وئرمیشم نئجه پیس شعر یازماق اولور.منیم شعرلریمه ماراق اونلارین گوزللیگی اوچون دئییل،سونوندا گلن قادین آدی اوچوندو.شعرلریمی تاخما بیر قادین آدی ایله چاپ ائتمیشم،اونا خیطاب چوخلو سئوگی مکتوبلاری یازیلیب.

اوشاقلیقدان آرزولاییردیم بیر گون آداملاری آغلادان سوءزلر یازام.بو آماجیلا بیر حیکایه یازیب درگی یه گوندردیم.درگی نین باش یازاری اونو دوغرو دوشونمه ییب آغلاماق یئرینه گولدو.البته چوخ گولندن سونرا یاشینی سیلدی.دئدی:"اعلادیر.یئنه بو حیکایه لردن بیز اوچون یاز".

بئله یازماق یازیلاریمدا داواملاندی.ایشلریمین اوخوجولاری چوخلوق آغلاماق یئرینه یازدیقلاریما گولوردیلر.حتا ساتیرا یازان تانیناندان سونرادا بیلمیردیم ساتیرا نه دیر.ایندی ده بیلمیرم.ساتیرانی یازماقی ایله اویرندیم.چوخلوق من دن سوروشورلار ساتیرا نه دیر؟سانکی نوسخه یوخسا فورمولو وار،من بیلن ساتیرا جیددی بیر سوژه دیر.

۱۹۴۵ده، حکومت،مینلر گئری چینی "تان"قزئتینی آرادان آپارماغا قیزیشدیردی.من اوردا ایشله ییردیم.اوندان سونرا ایشسیز قالدیم.اونلار منیم آدیمیلا هئچ بیر یازی قبول ائتمیردیلر.او سببه ایکی یوزدن آرتیق آدیلا قزئت لره یازی گوندریردیم.باش یازی دان، گولمه جه دن توتدوخبر،دانیشیق آپارما،حیکایه و پلیس رومانلاریناجا.
قزئت مودوری تاخما آدیمی تانییاندا تئز باشقا بیر آد سئچیردیم.
بو تاخما آدلار،منه چوخ سورونلار دا یاراتدی.اورنک اوچون،قیزیم و اوغلومون آدینین قاریشیقیندان،"رویا آتش"آدینی سئچدیم و اوشاقلار اوچون بیر کیتاب یازدیم.حکومت بونو بیلمیردی و ابتدایی مکتبلرده او یازیلاردان فایدالانیردیلار."رویا آتش"بیر تورک قادین یازاری کیمی تانیندی.
باشقا بیر حیکایه ده تاخما فرانسوی آدیلا درگی ده چاپ ائتدیم.دونیا طنزلری سئچیمینده بیر فرانسه طنزی کیمی تانیندی.
بیر حیکایه ده چینی آدیلا درگی ده چین دیلیندن چئویرمه عنواندا چاپ ائتدیم.
یازا بیلمه دیگیمده چوخ ایشلری سینادیم.باققاللیق،ساتیجی لیق، حسابدارلیق، قزئته ساتماق، عکاسلیق،البته هئچ بیر ایشی ده یاخشی گورمه دیم.
اوست-اوسته بئش ایل یاریم یازیلاریما خاطیر دوستاقلاندیم.آلتی آیی فاروق مصر شاهی و رضا ایران شاهی ایسته ییله اولدو.اونلار دئییردیلر من یازیلاریمدا اونلارا توخانمیشام و آنکارادا کی سفیرلری واسیطه سیله منی محکمه یه چکدیلر و آلتی آی دوستاقامحکوم ائتدیلر.

دوءرد ائولادیم وار.ایکیسی بیرینجی قادینیمدان.ایکیسی ایکینجی.
۱۹۴۶دا ایلک کره توتولدوم.آلتی آی تامام پلیس من دن سوروشوردو:
"سنین آدینلا یازیلان یازیلاری کیم یازیر؟"
اونلار اینانمیردیلار او یازیلاری اوزوم یازمیشام.
ایکی ایلدن سونرا ماجرا عکسینه چوندو.بو دفعه پلیس دئییردی من باشقا آدلاریلا مقاله لر یازمیشام.ایلک دفعه من ایستیردیم ثابیت ائلییه م او یازیلار منیم ایشیم دیر.ایکینجی دفعه ایستیردیم دییه م منیم ایشیم دئییل.امما بیر شاهید تاپیلدی.او یازیلاری من یازدیغیما شهادت وئردی.بو سببه آلتی یای یازمادیغیم مقاله اوچون،دوستاق اولدوم.بیرینجی قادینیملا ائولندیگیم گون،بیر حالدا کی ارکستر قوروپو تانگو آهنگی چالیردی،افسرلرین شمشیرلری آلتیندا یئریییردیک.او افسرلر اوءز یولداشلاریمیدیلار.امما ایکینجی ائولنمه اوزوگومو دوستاق بارماقلیقلینین آرخاسیندان قادینیما وئردیم.گورورسوز بیر یئنی یاشام اوچون پارلاق بیر باشلانیش دئییل.

۱۹۵۶دا دونیا ساتیرا یاریشیندا ایلک مقامی اله گتیردیم و قیزیل خورما آغاجی آلدیم.یازیلاریمی چاپ ائتمه ین قزئت لر و درگی لر ایندی من دن اثر آلماق اوچون باش سیندیریردیلار امما بو دا اوزون چکمه دی.
یئنه قزئت لرده یازیلاریمین چاپ اولماسی یاساق اولدو.۱۹۵۷ ده باشقا بیر قیزیل خورما آغاجی آپارماق آدیمین قزئت لرده و درگی لرده یئنی دن گورسنمه سینه سبب اولدو.۱۹۶۶ دا،بلغارستان دا دونیالیق ساتیرا یاریشیندا بیرینجی اولوب،قیزیل کیرپی آلدیم.
۲۷ مه ۱۹۶۰ دا تورکیه ده اولان دئوریمدن سونرا، اوءز ایسته ییمله قیزیل خورما آغاجیمین بیرینی دولت خزانه سینه باغیشلادیم.نئچه آی اوندان سونرا، منی دوستاقلادیلار.قیزیل کیرپی و ایکینجی قیزیل خورما آغاجینی گله جک گونلره ساخلادیم.شوبهه سیز دردیمه دیرلر دئدیم.
آداملار تعجوبله نیرلر ایندییه جن ایکی مین دن آرتیق حیکایه یازمیشام.امما تعجوب یئری یوخدو.عائیله م اون نفر یئرینه ییرمی نفر اولسایدیلار،حتمن دورد مین دن چوخ ناغیل یازاردیم.
اللی اوچ یاشیم وار،اللی اوچ کیتاب یازمیشام،دورد مین لیره بورج،دورد ائولاد و بیر نوه م وار.یالقیز یاشاییرام.مقاله

لریم ییرمی اوچ و کیتابلاریم اون یئددی دیله
چئوریبلر.پئیس لریم یئددی مملکت ده صحنه یه گئدیب.
تکجه ایکی شئیی باشقالاردان گیزله ده بیله رم:یورغونلوق و یاشیمین چوخلوغونو.بو ایکی دن باشقا هر نمنه یاشامیمدا آچیق-آیدین دیر.یاشیمدان گنج گوروکورم دئییرلر.بلکه بو سببه دیر کی چوخ ایشله ییب قوجالماغا واخت تاپمامیشام.
هئچ واخت اوزومه دئمه میشم:"یئنی دن دونیایا گلسه یدیم،یئنی دن بو ایشلری گورردیم".البته ایکینجی دفعه، ایلک دفعه دن داها و داها یاخشی ایشلر گورردیم.

بشر تاریخینده تکجه بیر نفر همشه لیک یاشاسایدی، اوندان همشه لیک یاشاماق سیررینی سوروشاردیم.حاییف ایندی بئله بیر آدام یوخدو.سوچلو دئییلم،من ده باشقالار کیمی اوءلمگه مجبورام.امما بو مسئله دن هیرسلی یم، چونکو بوتون اینسانلار و اینسانلیقا سونسوز قَدَر سئوگی باغلامیشام.

https://t.me/Adabiyyatsevanlar

دونیا ادبیاتی آنا دیلیمیزده گلن هفته چهارشنبه گونو ادبیات سئونلر کانالیندا
"پیتر هانتکه"

https://t.me/Adabiyyatsevanlar

دونیا ادبیاتی

اکتاویو پاز شاعر مکزیکی و برنده جایزه نوبل در ادبیات سال ۱۹۹۰،
پاز هشتاد و هشت سال عمر کرد. پاز در میان برندگان جایزه نوبل در ادبیات، جایگاه بلند و یگانه‌ای دارد و تقریباً همگان در سراسر جهان از انتخاب او برای جایزه نوبل خشنود شدند و کسی نبود که در شایستگی او تردید کند. دو ویژگی برجسته هنر اکتاویو پاز عبارتند از: خصلت جهانی بودن شعرهای او و نیز گستره موضوعاو در آثار خود به آن‌ها پرداخته است: شعر و مردم شناسی، تاریخ و سیاست، هنرهای تجسمی و فلسفه، پزشکی و اسطوره و غیره.


https://t.me/Adabiyyatsevanlar

اوشاق ادبیاتی هرهفته پنجشنبه گونو ادبیات سئونلر کانالیندا.
اوشاق ادبیاتینا دایر یازیلارینیزی ، چئویرمه لرینیزی ، کوچورمه لرینیزی... ،بیزه گوندرین .

https://t.me/Adabiyyatsevanlar

موسسه ندای ایماژ تبریز برای چهارمین سال متوالی با افتخار برگزار می کند:

🎼کنسرت موسیقی آذربایجانی گروه «پارلا» بهمراه حرکات آیینی، سنتی آذربایجان(ویژه بانوان)💣

📆 ۲۶-۲۷ آبان ۱۳۹۸
⏰ ساعت ۲۰
🏛فرهنگسرای نیاوران تهران

فروش آنلاین بلیط: iranconcert.com
روابط عمومی و جذب اسپانسر
☎ ۰۹۱۲۶۳۴۱۱۹۰

@parla.artgroup @studio.imaj @khojasteh_music_school @mariayazdani22 @fatimohammadi @hasankhojaste @behrad.sarebanan @gl.mirzazadeh @nima.anhari @leilab95 @samira_morakkabsazi @ipak_tbz @chichak_tbz @linimhn @maryamnarimani.59 @neda_zarafshan @panahi_film @chiki_omf @_fatiishalii_ @fariba_sohrabi_ @iranconcertofficial
@hamsafariran @sirous_senobari
@dr_khiabani
@azerbayjan_anam
@_aylin.mirzazadeh @sevda_piano
@sima.koobeyi70
@paniz.sattarizrib @aidaamiressami@eli_shms@sanaz_jahanbakhsh
#کنسرت بانوان #کنسرت #بانوان #حرکات #حرکاتنمایشی #رقص #آذربایجان #آذری #نیاوران #فرهنگسرای_نیاوران #ایماژ #تبریز #تهران #music #lady #concert #dance #azerbaijan #tabriz #tehran

https://t.me/Adabiyyatsevanlar

اوشاق ادبیاتی
اوشاق ادبیاتی هر هفته پنجشنبه گونو اد بیات سئونلر کانالیندا .
اوشاق ادبیاتینا دایر یازیلارینیزی ،شکیل لرینیزی ، رسم لرینیزی... بیزه گوندرین .

https://t.me/Adabiyyatsevanlar

اوشاق ادبیاتی


✅ویدا حشمتی
🍁پاییز

تؤکور بولودلار یاغیش
پاییز گلیب اوشاقلار
یاپراقلار خیشیلداییر
قیزاریبدیر یاناقلار

ساری-قیرمیز بویانیب
قارا داغین مئشه سی
آذربایجان سر به سر
سانکی جننت گؤشه سی

پاییز یولدان گلینجه
کؤچورلر قارانقوشلار
الوان-الوان بویانیر
دره_تپه یوخوشلار

قاریش-قاریش قشحدی
یوردوم-یووام مسکنیم
پاییزی باشقا گؤزل
آنا یوردوم ، وطنیم

https://t.me/Adabiyyatsevanlar

اوشاق ادبیاتی
روزبه صمدی ( نیر اوغلو )
مهربان یولداش

کیتاب دئیر منم من
هرکسه علم اؤرگدن

بیر مهربان یولداشام
هر یولداشدان من باشام

اولدوز واردی دؤشومده
قارانلوق یوخ ایشیمده

باخما کی دیلسیزم من
باشدان باشا سؤزم من

شیرین دیلم، سؤز بیلن
ارزیشلی‌یَم، هر ندن

درس اوخویون اوشاقلار
هر نه وار کیتابدا وار


https://t.me/Adabiyyatsevanlar

اوشاق ادبیاتی
دونیا اوشاقلارینین: یازاری آسترید لیندگرن

حاضیرلایان ا: ادبیات سئونلر
چئویرن : زکیه ذولفقاری
بویازینی ادبیات سئونلر کانالیندا اوخویون

https://t.me/Adabiyyatsevanlar

اوشاق ادبیاتی
دونیا اوشاقلارینین: یازاری آسترید لیندگرن

حاضیرلایان : ادبیات سئونلر
چئویرن :زکیه ذولفقاری


✅آسترید لیندگرن

آستیرید لیندگرن شوبهه سیز، سوئدین أن مشهور یازاری، اوشاق ادبیاتیندا أن ائتگی بوراخان یازاردیر. لیندگرنی درحال مشهور ائدن و اوشاقلارلا علاقه‌لی اثرلره تاثیر قویان کیتاب،" اوزون قوش جورابلی پی پی"دی. بو کیتاب 90- دان چوخ دیله چئوریلیبدیر و عین حالدا اوشاقلارین أن سئویملی اثرلریندن ساییلیر.
لیندگرن، اؤز تخیول‌لری‌نین کؤلگه سین، بین‌الخالق و اسکاندیناوی اؤلکه‌لرین اؤدول‌لرینی قازانیبدیر. دئمک اولار او، یازارلیغین ایلک چاغلاریندا، 1958- ده، هانس‌کریستین‌آندرسن‌نین سیمبولونو،" اوزون قوش جورابلی پی پی" نی یازماغا گؤره، الده ائتدی.
لیندگرن، همیده، نفوذلو و گؤرکملی بیریسیدی. اونون اوشاقلارلاحیوانلارین ساحه سینده‌اولان بحثلرده، بعضا ده قانون یازماقدا، ساواشلا شیدتسیزلیک سیاستینده، و چئشیتلی کولتور سورونلاریندا، تمللی پایی واریدی.او 1976- دا سوئدین وئرگی سیاستلری حاقدا توند بیر مقاله یازماقلا، سوئد حوکومتی‌‌نین چؤکمه‌سینه یاردیم ائتدی.
آسترید 1907- نوامبریندا، سوئدین‌گونئی ایالتی اولان اسمولندین دیمربای کندینده، بیر اکینچی عائله ده دوغوللدو. او، ساموئل اگوست اریکسون و هانانین ایکینجی اوشاغیدی. آتاسی، کندین یاخینلیغیندا، کشیشین ایقامت ائتدیگی محلده، کیرایه بیر زمیده ایشلیردی. اونون دورد اوشاغی واریدی، بیر اوغلان اوچ قیز. اونون اؤز فیکرینجه اوشاقلیغی شاد و ماجرالایلا دولو گئچمیشدی. تکجه، زمیده ایشلمک اونون اویناماقلارلا شادلیقلارینا آرا وئریردی. لیندگرن، همشه اوشاقلیغین شاد چاغلارینی، یازارلیق ایشینه ان یوکسک متواسیا(انگیزه) کیمی خاطیرلایارار.
آسترید لیندگرن کیتابی نین کاراکتری" اوزون قوش جورابلی پی ی" نین ماکتی‌نین یانیندا.
اوائله بیر ائوده بویودو کی، آتا -آناسی بیر بیرینه و اوشاقلارینا باغلیدیرلار. او چاقلاردا عائله باغلیلیغی چوخ دا یایغین دئییلدی. لیندگرن آتا –آناسی‌نین اؤزل علاقه لرینه ائتیمادی واریدی. همشه خاطیرلایاردی، اؤزویله باجی قارداشلاری حیاتلارینین ایلک ایل لرینده، اؤزگورلوکله گوونی تجروبه ائدیبلر. اریکسونون اوشاقلاری گوجلنمک همن، یئرین اوستونده ایشلملی‌میشلر. ایش، اونلاردا سورملولوق و اؤزونه گوون حیسلری یارادیردی. اونلار، بعضی محدودیتلره رغما، سئوینجله اؤز اویونلارینی اوینایا بیلیرمیشلر. لیندگرین باخیشیندا، اخلاق سل چئویک( انعطافپذیر) قوروماقلا، اؤزگور اویناماقدان باشقا هئچ یاخشی بیر یول یوخدور.
آسترید لینگرن سکرئترلیک بؤلومونده تحصیل آلیب. اون سگگیز یاشیندا، بیر اوشاق دونیایا گتیریب. اوایسه اوشاغین باخیجیلیغینی بیر دانمارکی عائله‌یه وئرمگه مجبور قالیب. او بو آجی تجروبه‌نی، یالقیز بوراخیلمیش اوشاقلارین حیاتینی دردله وصف ائتمکده، یانسیبدیر. اونون سوسیال و ایقتصادی دورومو ثابیتلشمک همن، اوغلونو ائوه قایتاریب. 1931- استورلیندگرن‌له ائولنیب ، نئچه اوشاق صاحابی اولوب.ا ری چوخ تئز اؤلوب، سونراایسه او بیر دا ها ائولنمیب.
1946- دان1970- جن، سوئدین أن بویوک اوشاق اینتشاراتی اولان"ربن و شورگن" ده ایشلیب. " رابن و شورگون" اینتشاراتی، یازارلاری چوخ ایشلمگه ترغیب ائدیردی. بواینتشارات، دونیا اوشاق ادبیاتی‌نین أن یاخشی‌سینی سوئده گتیریردی.
لیندگرین ایلک کیتابی، ایکینجی دونیا محاربه سیندن سونرا، اونون، اوشاق ائیتیم، اؤیرتیمی، اوشاق‌پسیکولوژیسی، ها بئله اوشاق حاقلارینی تانیماق بیلگیسینی آرتیرماق، ماراغینی گؤرسدنی اولوب. لیندگر تام واختیلا اوشاقلار جیبهه‌سینده قالدی.او همشه سوننتی اوستون باخیشلی ائیتیمی تنقید ائدردی. ساواشین سونوچو، کند ادبیاتی، ها بئله اوشاغین ایلکین مارقلاری، اونون باخیشیندا اوزه واری و یالان گؤرونوردو. لیندگرین ایشلری گنج اوخوجولاری گوندلیکلره یاخینلادیردی. همیده شاد و خوشگوروشلو لحنی واریدی. لیندگرن،" لنارت هلسینگ"، " تاو جانسون" کیمی یازارلارلا بیرگه سوئدین اوشاق ادبیاتینا تاثیر قویوب، اونون بازاسینی ( پایگاهینی) جامعه ده‌دییشدی. او مومکون اولان بوتون سبک و ژانرلرده یازماقلا، وار اولان بوتون نقش و نوررملاری، -ائیتیم اؤیرتیم قاوراملارلا اولغون اولان هر شئیی و هونر اوصولونو آیاقلادی.
آسترید لیندگرنین کینابلاری‌نین آلماسی
لیندگرنین داستان تعریف ائتمک استعدادی اونون قابلیتلری‌نین تکجه، بیر بؤلومودور. او باشاردی میلیونلارجا اوشاق -بویوکلری، انسانیتله شرافته دیقیته گؤره، اؤزونه چکسین. لیندگرن هم یاشایشدا، هم ادبیاتدا همشه یوخسول لارین ، قالمیشلارین یانیندایدی، اوشاق لی -بویوکلی و یا خود حیوانلارین.
1978- اینجی ایلین صولح اؤدولو، آمریکا داکی حیوانلارین ریفاه انستیتو طرفیندن " آنان" و " آلبرت شوایتزرین مدالی" کیتاب تجارتینه گؤره اونا یئتیشدی. بونلاردان علاوه، ایکی اؤدول‌ده

اونون آدینا وئریلدی. 11967- ده، اونون 60- اینجی دوغوم ایلی موناسبتینه، " ربنو شورگن" انتشاراتی، بیر نقدی جایزه‌نین تملین قویدولار کی ، هر ایل لیند‌گرین دوغوم گونو بیر سوئد دیللی یازارا سونولور. 2002-ده اونون اؤلوموندن سونرا سوئد دئولتی" آستریدلیندگرن خاطیره نیشانی " آلما" نی یاراتدی کی، عومومی حافیظه لرده، اونون حیات و اثرلرینی دیری ساخلایب ، اوشاقلا یئنی یئتمه ناب ادبیاتینی تشویق ائتسین. بئش میلیون کرونلوق بو اؤدول، اوشاقلا یئنی یئتمه ادبیاتی ساحه سینده، دونیانین أن بؤیوک نقدی اؤدولو ساییلیر. عین حالدا سوئدین أن بویوک خسته‌خاسینا استکهلم دا ایسه، بو یازارین آدینی وئریبلر.
آستریدلیندگرن 2002- ده 94- یاشیندا دونیاسینی دییشدی. اونون فاسجایا ترجمه اولان کیتابلاریندان،" اوزونقوش جورابلی پی پی"،" اوغلوم می یو"،" شئراورکلی قارداشلار"،" راسموسلا آوارا کیشی"، بیر یول کسنین قیزی رنیا"، "کندیمین خوشلوقلاری"،" کارلسون" مجموعه سی" . " قیرمیزی قوش" دان آد گتیرمک اولار.
آسترید لیندگرنین، عائله سی،" قیرمیزی قوش" کیتابین فاسجا یایماق حاقینی ایراندا، اوشاق تاریخ ادبیاتی تدقیقی موسسه‌سی اینتشاراتی و " با من بخوان" پروگرامینا سونوبلار.
https://t.me/Adabiyyatsevanlar

اوشاق ادبیاتی

سحر_خیاوی
آرزولار صاندیقچاسی-یئنی یئتمه لر اوچون بیر حیکایه

قار نارین-نارین کسمه دن اَلَنیردی.ایکینجی صینیفین اویرنجیلری ایستی کیلاسدا اوتورموشدولار.نفت سوباسی گور یانیردی.اوشاقلارین سویوقدان اوشوموش یاناقلاری، ایستی گوردوکده، آلما کیمی قیزارمیشدی.
اویرتمنلری"نیگار خانیم"اوزل چارپاییسیندا اوتورموشدو.او تکجه اوشاقلارا درس وئرمگی اوزونه گوءرَو بیلمیردی بلکه هر بیر جهت دن اونا اویرنجی کیمی تاپشیریلان اوشاقلاری آراییردی.اونلاری اوشاقلیقدان بیر"اینسان"کیمی یاشاماغا یوءنلدیردی.بئکار واختلاریندا اوشاقلارا کولتور و آنا دیللری باره ده دانیشیردی.صمد عمی نین ناغیللارینی آنا دیلینده اونلارا اوخویوردو.اوشاقلار اویرتمنلری نیگار خانیمی چوخ سئویردیلر و تانیمادیقلاری گورمه دیکلری،شیرین سوءزلو صمد عمی یه اوره ک باغلامیشدیلار.
اویرتمن همشه کی کیمی نومره دفترینی آچدی.اوشاقلاری حاضیر-غاییب ائله دی.بو ماجالدا او اون بئش(۱۵) اوشاقین جیسم و روح دوروملارینی یوخلادی.فیل ییخان او ظالیم سویوقدا اوشاقلارین چوخونون اوستو-باشی تونوکویدی.اَیین-باشلاریندا قالین پالتار و آیاقلاریندا قیش باشماقی یوخویدو.حتا بعضن نایلون یای دمپایاسی ایله او بوراندا مکتبه گلمیشدیلر.
نیگار خانیم چوخ کووره لدی.بونلارا بیر چاره گرکلی ایدی.او گون بوتون نه ائده جه یینه فیکیرلشدی.
صاباحیسی گون اوشاقلار اویرتمنین ماساسی نین اوستونده بیر صاندیقچا گوردولر.تعجوبلو او گوللو-چیچکلی صاندیقچایا باخیردیلار.
خانیم معللیم دئدی:اوشاقلار بو آرزولار صاندیقچاسی دیر.هر کسین هر نه اونملی اوره کدن کئچن آرزوسو وار یازیب بو صاندیقچایا آتاجاق.
اوشاقلار دفترلریندن واراق جیریب کیچیک اللری ایله آرزولارینی یازیب صاندیقچایا آتدیلار.اویرتمن آخیر زنگ درسیمیزین سونوندا صاندیقچانی آچاجاغام دئدی.سونرا درسی باشلادی.
آخیر زنگین سونوندا اوشاقلارین بالاجا اوره کلری سئرچه اوره یی کیمی چیرپینیردی.اونلارین کال آرزولاری صاندیقچانین ایچینده یدی.
اویرتمن صاندیقچانی آچدی.بیر-بیر آرزولاری اوخودو.بیر قالین قیش پالتوسو،چکمه،شال، بوءرک،الجک،ایپ جوراب،یاتیب-دوران قولچاق و...و.‌‌...و...
اوشاقلارین کیچیک آرزولاریندان کووره لدی.ناظیم حکمتین شعری یادینا دوشدو:
"بیر کیچیک سئوینج ایسته ییرم
ائله کیچیک اولسون؛
کیمسه اونو آلا بیلمه سین من دن".
بو گون ده بئله سووشدو.
صاباحیسی خانیم معللیم یئنه صاندیقچایلا کیلاسا گلدی.چارپاییسیندا اوتوردو.حاضیر-غاییب ائلییه ندن سونرا اوشاقلاردان ایسته دی هر اون بئشی اویرتمن ماساسی نین دوره سینه ییغیشسینلار.اوشاقلارا گوزلرینیزی یومون اوچ دئیه نده آچین دئدی.صاندیقچانی آچدی.بیر- ایکی- اوچ.آچین گوزلرینیزی گوزل بالالاریم.قیزلار گوزلرینی آچدیلار.واااا...ی گوردوکلرینه اینانمیردیلار.یازدیقلاری آرزولار زر پولک ایچینده صاندیقچادا اونلارا گوءز ووروردیلار.
اوشاقلار اوره کدن هوراااا چکیب گولوشدیلر.
خانیم معللیم:ایندی هر کس اوءز آرزوسونو صاندیقچادان گوتورسون دئدی.من بیلمیرم کی کیمین آرزوسو هانسی ایدی.اوشاقلار سئوینجک آرزولارینی گوتوردولر.خانیم معللیم دئدی: جئیران بالا اولدوغونوزا مَلَک لر آخشام بونلاری سیزه پای گتیریبلر.اون دوءرد سئوینجک اوشاقین اللرینده آرزولاری واریدی.یالنیز مرضیه دولغون گوءزلری ایله اونلاری سوزوردو.
خانیم معللیم دئدی:اوزولمه جانیم مرضیه،سنین ده آرزونو ملک لر گتیریب لر.یالنیز زنگ چالینارکن گرک سن ایله بیرگه ائوینیزه گئده ک اوردا آرزونو وئره جه یم.مرضیه نین سولغون دوداقلاری گولومسوندو.اوشاقلارا اَسرک سس ایله "موبارک دیر"دئدی.
مرضیه نین آناسی چوخدانیدی اوره ک آغریسیندان عذابدایدی.داوا کار وئرمه دیک ده دوختور آچیق قلب عملی اونا اوءنرمیشدی.امما بو آغیر عمل اوچون پوللاری یوخویدو.مرضیه نین آتاسی ساده بیر فهله یدی.قیزین ان بویوک آرزوسو آناسینین ساغلاملیغی ایدی.
زنگ چالینارکن خانیم معللیم اوشاقلاریلا بیرگه مرضیه گیلین ائولرینه گئتدیلر.آناسی یورغان- دوشَکده یاتمیشدی.ائولری کاسیب اولسادا ، تمیزلیکدن پاریلداییردی.
عیادتین آخیریندا خانیم معللیم کیفیندن بیر گوللو-چیچکلی پاکئت چیخاردیب آنانین دوشَکی آلتینا قویدو.دئدی:بو دا مرضیه نین آرزوسو.سونرا اوشاقلاردان ایسته دی بالاجا اللرینی گوءیه ساری قالدیریب مرضیه نین آناسی نین شفاسینی تانریدان ایسته سینلر.بیرده خانیم معللیمین اوره ک آرزوسونو اللاهدان دیله سینلر.
نیگار خانیمین حیات یولداشی دوختور اولماغینا رغمن ایللریدی اوشاقلاری اولموردو...

https://t.me/Adabiyyatsevanlar

۲ ماده اعلامیه حقوق کودک
ماده‌ 1
 از نظر اين‌ كنوانسيون‌ منظور از كودك‌ افراد انساني‌ زير سن‌ 18 سال‌ است‌ مگر اين‌ كه‌ طبق‌ قانون‌ قابل‌ اجرا در مورد كودك‌، سن‌ بلوغ‌ كمتر تشخيص‌ داده‌ شود.
 ماده‌ 2
 1. كشورهاي‌ طرف‌ كنوانسيون‌، حقوقي‌ را كه‌ در اين‌ كنوانسيون‌ در نظر گرفته‌ شده‌، براي‌ تمام‌ كودكاني‌ كه‌ در حوزه‌ قضائي‌ آنها زندگي‌ مي‌كنند بدون‌ هيچگونه‌ تبعيضي‌ از جهت‌ نژاد، رنگ‌، جنسیت، زبان، مذهب‌، عقايد سياسي‌، مليت‌، جايگاه‌ قومي‌و اجتماعي‌، مال‌، عدم‌ توانايي‌، تولد و يا ساير احوال‌ شخصيه‌ والدين‌ و يا قيم‌ قانوني‌ محترم‌ شمرده‌ و تضمين‌ خواهند نمود.
 2. كشورهاي‌ طرف‌ كنوانسيون‌ تمام‌ اقدامات‌ لازم‌ را جهت‌ تضمين‌ حمايت‌ از كودك‌ در مقابل‌ تمام‌ اشكال‌ تبعيض‌، مجازات‌ بر اساس‌ موقعيت‌، فعاليتها، ابراز عقيده‌ و يا عقايد والدين‌، قيم‌ قانوني‌ و يا اعضاي‌ خانواده‌ كودك‌ به‌ عمل‌ خواهند آورد.

https://t.me/Adabiyyatsevanlar

اوشاق ادبیاتی
یازار : سیاوش کسرایی
چئویرن : داود اهری
بو یازینی ادبیات سئونلر کانالیندا اوخویون

https://t.me/Adabiyyatsevanlar

اوشاق ادبیاتی
قیشدان سونرا بیزیم کندده
یازان:سیاوش کسرایی چئویرن: داود اهری

بیر گون، گون باتان چاغی کی نـوروز عمـی ایـشدن قاییدیردی،کنـدین اوشاقلاری اونو دؤره له ییب دئدیلر:
- نوروز عمی! بیزه بیر ناغیل سؤیله.
نوروز عمی کی سئومزدی اوشاقلارین سؤزونو یئره سالسین ، بیـر آغـاج کؤتویونون اوستونده اوتوردو ، دینجه لیب دئدی:
-یادیما گلیر چوخ ایل لر بوندان قاباق، او زامان کی سیزین آتا و آنـالاریز اوشاق ایدیلار، یا هله دونیایا گلمه میشدیلر، بیر ایل بیر غریبه ایش اوز وئردی:
کندیمیزین قیشی قورتولدو، آمما هر نه قده ر گؤزلـه دیـک ، یازگلمـه دی.
قیزیل گول داریخیردی،آمما غنچه سیندن چیخا بیلمه ییردی تا اؤز گؤزه ل پالتارینی هامی یا گؤستره.
بولاق دره لره تؤکولوب اوخویا بیلمه ییردی.
داغلار ایسته ییردیلر قارلی بؤرکلرین گؤتورسونلر،آمما ائلـه یـه بیلمـه ییردیلر.
اینک لر بیزوولاری ایلا قویونلار قوزولاری ایلا و گئچی لر چپیش لری ایله
دار-قارانلیق طویله لرده ، یونجالارین بیتمه سینی و یاشیل چمنلیک لرده گزمه یی گؤزله ییردیلر.
کند اهالیسی پنجره لردن گؤیه باخیردیلار،
آمما یازین موشتولوغونو گتیره ن قارانقوشدان بیر خبر یوخ ایدی.
هامی دان آرتیق جا ناراحات ، چوبان اومود علی ایدی.
اومود علی کند اهالیسیندن آرتیق جا یازین یولونو گؤزله ییردی.آرزیسیبئله ایدی کی سوروسون داغین یاشیل اتکلرینه یایا و نئیی نین موسیقی سی ایله قرمزی لاله لری داشلارین کناریندا بیتیرسین.
آخیردا بیر گون اومود علـی قیـشدان حؤصـله سـی گئتـدی .یئرینـدن قالخدی ، پالتارلارین گئیدی،تاقچادان گـولاب شوشـه سـین گؤتـوردو وداغـا گئتدی...
گئتدی، گئتدی و گئتدی...یئتیشدی داغین آرخاسینا ، اورایا کی یئل لـرین یوواسی ایدی.گولاب شوشه سینی ترپتدی، گولابی سپه له دی هاوایا و یئل لره دئدی:
گئدین داغا،چؤله
باخین گؤرون ، بلکه یازین موشتولوغونو گتیره ن قارانقوشو گؤره سیز.
اونا دئیین چوخ گئجیکیب.
یئل لـر کـی گـولابین قوخوسـوندان جانلانمیـشدیلار، سـئوینجک یـولا دوشدولر، بولوتلاری گؤیون اوزوندن کنارا چکیب ، گئتدیلر، گئتدیلر و بیر مدت اونلاردان بیر خبر یوخ ایدی.
یئنه هر بیر شئی ترپنیش سیز قالدیلار.
داغلار، آغاجلار و آداملارین قولاقلاری سسده ایدی.
بیر گون صبح آلاتوردا ، اومود علی نین پنجره سی آچیلدی .اومـود علـی یئریندن سیچیرادی،
گؤردو سحر یئلی یورغون و نفس وورا-وورا ، گلیب کی:
-نه اوتوروبسوز یازین خبرین گتیره ن قارانقوش یولدا قالیبدی.
-نه اولوبدور؟
-بیر شولوغ اوشاق اوخونان ووروب اونون قانادینی یارالاییبدیر.
اومود علی دوردو، هئیبه سینی گؤتوردو، گئتدی کند اهالیسی نین یانینا و دئدی:
-گئده ک، گئتمه سک نه قارانقوش گلر ونه ده یاز.
اومود علی قاباقدا و یولداشلاری اونون دالیسینجا یولا دوشدولر.
آز گئتیلر، چوخ گئتـدیلر ... یئتیـشدیلر اورایـا کـی سـحر یئلـی یئرینـیدئمیشدی.
گؤردولر قارانقوش بیر داشین اوستونده یاریم جان ، یورغون دوشوب و آز قالیبدیر کی سویوقدان دونسون.اومود علـی قارانقوشـو گؤتـوردو، یـارالی چپیش لرین یارالارین باغلایان کیمی اونون یارالانمیش قانادینی باغلادی.
سونرا بویون شالینی قارانقوشا سریدی و اونو قیزدیردی.
گئجه دن سحره دک اومود علی ایله دوستلاری اودون کناریندا نوبه ایله قارانقوشدان موغایات اولدولار.صاباح صبح قارانقوشـون یاراسـی بیتیـشدی و توختادی.قارانقوش قانادلارینی آچدی و اوچدو.
بیر ایکی دؤنه اونلارین باشینین اوستونده فیرلاندی.
هامیسی قیشقیردیلار:
قارانقوش! داها گئت یازی کندیمیزه آپار.
قارانقوش کنده ساری اوچدو.
اومودعلی ایله یولداشلاری کنده یئتیشنده داها قیـشدان بیـر اثـر یـوخ ایدی.هامی سئوینیردی و هر بیر یئر بهشت کیمی یام یاشیل ایدی.
بولاق ماهنی اوخویوردو.
قیزیل گول کؤینه گینی گؤسته ریردی.
آغاجلار اویناییردیلار.
آیاق توتان قوزولار یاشیل دره لرده چمن لرده اوتلاییردیلار.
کند اهالیسی قول لارینی چیرمالاییب ، ایشله ییردیلر.
هامی چالیشیردی، یاز ایدی و ایش فصلی ایدی.
اومود علی اؤز-اؤزونه دئدی:
یاز گلدی ، ایندی داها واقتیدی.
سورونو قاباغینا سالدی و یوللاندی.
بئل باغیندان نئیین چیخارتدی باشلادی یاز نغمه سینی چالماغا.
هر بیر داشین کناریندان بیر لاله ، یاواش-یاواش باش قووزادی.

ائله بیل چمن لر چراغان اولموشدو و هر لاله بیر چراغ ایدی.
گــون باتــان چــاغی ایــدی کــی او بیــری قارانقوشــلار دا یولــدانیئتیشدیلر.جوت-جوت کندین ائلرینه سـاری گئتـدیلر تـا اؤزلرینـه بیـر یـووا قورسونلار.

منیم اوشاقلاریم ! اومودوم وار قارانقوشون قانادینی سیندیران او شـولوغ اوشـــاغین آدینـــی منـــدن سوروشمایاســـیز.نـــه ائلـــه یـــیم ، مـــن ده قوجالمیشام،یادیمدان چیخیب.

نوروز عمی نین ناغیلی باشا چاتدی.
اوشاقلار سئوینجک بیر به بیـر نـوروز عمـی دن وداعلاشـیب و مـسافر قارانقوشلار کیمی کندین ائولرینه گئتدیلر.

https://t.me/Adabiyyatsevanlar

اوشاق ادبیاتی
حیوان تانیتیمی
✅ایت
منیم وظیفم کشیک وئرمک دیر ، چول ده قویونلاردان میغیات اولارام قورد اولاری آپارماسین.
کنده ائولردن میغیات اولارام اوغورو گلمه سین .
شهرده چوخ ائولرده اوشاقلاریله اوینارام اولارین باشین قاتارام .
بعضی یئرلرده ده قوجالاردان میغیات اولارام .
ایندی من یورولوب یاتمیشام .

https://t.me/Adabiyyatsevanlar

اطلاعیه
سایین کانالداشلار
ساعات 21ده یاریشمانین سس وئرمه سی دایاندیریلدی بیرایکی ساعاتا قدر یاریشمانین غالیب لر رسمی اولاراق اعلان اولاجاق .

https://t.me/Adabiyyatsevanlar

✅سایین کانالداشلار
یاریشمایا سس وئرن دوسلار،
ادبیات سئونلر کانالینین دیکلمه یاریشماسینا اون بئش دیکلاماتور قوشولدو مونصیفلر هئیتینین سسینین اساسیندا اوچ گوزل سسلی دیکلاماتور فینالا چاتدیلار .
فینالا چاتانلارا عمومی سس وئرمه اولدو بو سس وئرمه ده
خانیم ویدا حشمتی 47 فایر سسیله بیرینجی
ائلشن تورک اوغلو 41فایز سسیله ایکینجی

سالار موغانلی 12فایز سسیله اوچونجو عنوانی قازاندیلار .
دعوتیمیزی قبول ائدن دیکلاماتورلاردان ، سس وئرنلردن یاریشمانین غالیب لریندن اوره ک ائویندن تشکور ائدیریک .
شعر و نثر دیکلمه سی آیدا بیردفه ادبیات سئونلر کانالیندا دوام تاپاجاق .
مونصیفلر هئییتندن قبول زحمت ائله دیک لری اوچون ،دیکلمه صنعتینه یاردیم اولماق اوچون تشکور ائدیریک
ادبیات سئونلر 98/8/16

https://t.me/Adabiyyatsevanlar