شعر : ناظيم حكمت

دنيزه دؤنمك ايسته ييرم!
ماوي آيناسينداسولارين :
بوي وئريب ، گؤرونمك ايسته ييرم!
دنيزه دؤنمك ايسته ييرم!
گمي لر گئدير آيدين اوفوقلره گمي لر گئدير!
گرگين بياض يئلكن لري دولدورماز كدر!
البت عؤمروم گمي لرده بيرگون اولسون نؤبته يئتر.
و مادام كي بير گون اؤلوم مقدر:
من سولاردا باتان بير ايشيق كيمي
سولاردا سؤنمك ايسته ييرم!
دنيزه دؤنمك ايسته ييرم!
دنيزه دؤنمك ايسته ييرم!

https://t.me/Adabiyyatsevanlar

"دومان "

بیر دلی شعر ایسته‌ییرم
حنجره‌سی "سن‌"لی اولا
بیر ساری یارپاق‌لی، غزل
قافییه‌سی چن‌لی اولا

بیر دلی شعر ایسته‌ییرم
اوستو باشین سؤکوب تؤکه
گاه آغ اولا، گاه قاپالی
گاه سوسا، گاه آغری چئکه

بیر دلی شعر ایسته‌ییرم
بندی قیرا دردی داشا
چرچیوه‌سیز قادین‌کیمی
قایغی‌سینی شعره قوشا

بیر دلی شعر ایسته‌ییرم
اؤز باشیما چکیب یاتام
مورگولو حالیمدا قالان
آیلی قیزا قاش گؤز آتام

ایسته‌گینی سوس، دئدیلر
سوس، دلی شعرین دلی‌سی
درده آداخلانمادادیر
کلمه‌لرین سورمه‌لی‌سی

قول چکیرم آغلاماغا
یول‌لاری یورغون سه‌ییرم
سون باهاری دینله‌مه‌گه
من دلی شعر ایسته‌ییرم

https://t.me/Adabiyyatsevanlar

مدینه گلگون ادبیات سئونلر گوزگوسونده
زامان :98/8/20
ساعات :21
اوزمان : دوکتور سلیم زحمت دوست .

https://t.me/Adabiyyatsevanlar

«محمد ﺍﻟﻤﺎﻏﻮﻁ»
برگردان :ﺳﯿﻨﺎ ﮐﻤﺎﻝ ﺁﺑﺎﺩﯼ

ﺷﺒﯽ ﺧﻮﺍﺏِ ﺑﻬﺎﺭ ﺭﺍ ﺩﯾﺪﻡ
ﻭ ﺑﯿﺪﺍﺭ ﮐﻪ ﺷﺪﻡ
ﺑﺎﻟﺸﻢ ﭘﺮ ﺍﺯ ﮔﻞ ﺑﻮﺩ .

ﺷﺒﯽ ﺧﻮﺍﺏِ ﺩﺭﯾﺎ ﺭﺍ ﺩﯾﺪﻡ
ﻭ ﺻﺒﺢ ﮐﻪ ﺁﻣﺪ
ﺑﺴﺘﺮﻡ ﭘﺮ ﺍﺯ ﺻﺪﻑ ﺑﻮﺩ ﻭ ﻓﻠﺲ ﻣﺎﻫﯽ .

ﺍﻣﺎ ﺧﻮﺍﺏِ ﺁﺯﺍﺩﯼ ﺭﺍ ﮐﻪ ﺩﯾﺪﻡ
ﻧﯿﺰﻩﻫﺎﯾﯽ ﺩﺭ ﺍﻃﺮﺍﻑ ﮔﺮﺩﻧﻢ ﻣﯽﭼﺮﺧﯿﺪﻧﺪ
ﻣﺜﻞ ﻫﺎﻟﻪﯼ ﺻﺒﺤﮕﺎﻫﯽ .

ﺩﯾﮕﺮ ﻣﺮﺍ ﺩﺭ ﺑﻨﺪﺭﻫﺎ
ﯾﺎ ﺩﺭ ﻗﻄﺎﺭﻫﺎﯼ ﻣﻨﺘﻈﺮ
ﻧﺨﻮﺍﻫﯿﺪ ﯾﺎﻓﺖ ...
ﻣﺮﺍ ﺩﺭ ﮐﺘﺎﺑﺨﺎﻧﻪﻫﺎﯼ ﻋﻤﻮﻣﯽ
ﺧﻮﺍﻫﯿﺪ ﺩﯾﺪ
ﮐﻪ ﺭﻭﯼ ﻧﻘﺸﻪﻫﺎﯼ ﺍﺭﻭﭘﺎ
ﺑﻪ ﺧﻮﺍﺏ ﺭﻓﺘﻪﺍﻡ...

ﺷﺒﯿﻪ ﯾﺘﯿﻤﯽ ﺩﺭ ﭘﯿﺎﺩﻩﺭﻭ،
ﺩﻫﺎﻧﻢ ﮔﺸﻮﺩﻩﺗﺮ ﺍﺯ ﯾﮏ ﺭﻭﺩﺧﺎﻧﻪ،
ﻭ ﺍﺷﮏﻫﺎﯾﻢ
ﺍﺯ ﻗﺎﺭﻩﺍﯼ ﺑﻪ ﻗﺎﺭﻩﺍﯼ ﺟﺎﺭﯼ ﺍﺳﺖ .


https://t.me/Adabiyyatsevanlar

‍ ‍ اسماعیل خرمی

بعضی سؤزلر وار،
نه ساچینی داراییب
دوداقلارینی بزه‌ییب
گوزگو قاباغینا،
آپارماق اولار.

نه ده الیندن یاپیشیب،
کوچه‌یه چیخارتماق.

مجبور قالار آدام-
ایچینین سس‌سیز بیر اوچ بوجاغیندا-
بیر مزار قازدیریب
کفنه بوکوب، غوسلون وئریب، دفن ائده.

قورت - قوش داراشار
او سؤزلرین جنازه‌سینه.
جنازه قورتاردیقدا،
قورت قوش ایچین سؤکر آدامین.

یئییلرسن
یئگه پیچاقی
ایتیلدیب بیتیردیی کیمی.


https://t.me/Adabiyyatsevanlar

سایین کانالداشلار
چهارشنبه گونلری ادبیات سئونلر کانالیندا یالنیر نثر یازیلارین پایلاشیریق .

https://t.me/Adabiyyatsevanlar

تفنگچی
یازار : موسی موسوی
سس : نیره اردلانی

https://t.me/Adabiyyatsevanlar

کانالداشلاریمیزبن یازیلاری

"حسن بابایی عجبشرلی"

قوربانلیق

قوچون بوینوزوندان یاپیشیب سوروتلیردی. یازیق قوربانلیغین گوزلرینه باخماق اولموردو. (اوءلمک ایسته میرم )
قاورامی گوزلریندن دویولوردو. قوچون اوستو -باشی اونا زور دئینین اوست _باشیندان یاراشیقلی گورونوردو. بیر دونه الیندن بوراخیلیب قاچدی. آردینجا
قاچیب یئنی دن توتوب ال به یاخا اولدولار. قوچون بویاسی آغ ایدی،باشقاداوارلارلا سورتولدوکدن یونلرین تام آغلیغی قورونوب ساخلانیلمامیشدی. مئیدانا چاتار -چاتماز
یازیق حئیوانی یئره ییخیب چوءکدو قارنی نین اوستونه، بیر ایاغینی
ال لرینین اوستونه قویوب کومکچی سینه دوءنوب :ایاقلارینی ساخلا میندار اولموش بوگون دلی اولوب، ساخلایاجاغام منه آتیلا سنی بوگونه گوره ساخلامیشامدا دئدی.

ال آتیب جیبیندن پیچاغی چیخاردیب الینده یاشایان بیلووه نئچه دونه چکیب
بسم الله الرحمن الرحیم دئیب پیچاق قوچون خیرتدگینی زده له دی،قان فیشقیردی.
بیر اوشاق بوءیروندن کئچه -کئچه یاواشجادان سسلندی :حئیوان قاتیلیوه لعنت.

ایکی قویونلا بیر قوزو سیرادا دایانمیشدیلار.اونلاریندا باشلاری کسیلیب قانلاری آخمالیدی بونلارین باشلارینی کسن قصاب ایدی. قوچو اءوز اییه سی یاشاماقدان دایاندیرمیشدی.

گلین ییغیشدیرین دئیب گئری چکیلدی.
ال_ایاغی تیلیت قان ایچینده اوزوردو.
اوردان اوءتن (الله قبول ائیله سین )سوزونو اورکدن چئینیردی

قویونلارلا قوزو گوزلرینی یئره تیکیب دایانمیشدیلار.، اونلار چیرکین فیکیرلرین الینده اسیراولدوقلارینی بیلیب قصابین الیندن قاچماق ایسته ییردیلر. قصابین قایشیندان آسلانان پیچاقلار، الینده دولاندیردیغی دهره، چاپاجاق، دیزلرینه دک چکدییی چکمه لر اونون دلی قانلی لیغینی آیدینلاشدیریردی. قوزونون یادینا دولاندیغی چاغلار دوشوب فیکره دالمیشدی، اوزونده دئیردی نئجه آلا چپیشی اوزومدن اینجیدیب اوزاقلاشدیردیم، ایندیسه اوءلوم ایاغیندا
دایانیب قصابین یئدیزدیکلرینی قوسورام. قوزونو فیکیرلرین شپه سی بوشلامیردی. قویونلار قصابین یالانلارینا اینانیب اوز بالالارینی قوربان ایاغینا گوندرمکدن پئشمانلامیشدیلار، آنجاق سون پئشمانلیق بره بیتیرمز دئمیشلر.

قویونلار اءوزلرینی قینایب قالمیشدیلار.
آرخلاردا آخان سو دوننه کیمی دورو آخسادا بویون بویاسی دئیشیب اءوزلیینی الدن وئرمیشدی. گونش گوی اوزونده قیزارسادا آرخلاردا قورخو اءوزونوگوستریب بورنو یئلله نیب میدان سولاییردی.
یاشایش قولتوقلاردا، دیزلرین بوکویونده سون نفس لرینی تووشه ییردی! !!!!!!!!!!!!!


https://t.me/Adabiyyatsevanlar

صمد وورغون 1956-1906

https://t.me/Adabiyyatsevanlar

صمد وورعونون حیاتی
صمد يوسف اوْغلو وكيلوو> 1906-جي ايل مارسين 21-ده قازاخ رايونونون يوخاري ساحلي كندينده بگ نسلينه منسوب بير عايله ده آنادان اوْلموشدور. وكيل آغالي لار، سوْنرالار ايسه وكيلوولار آدلانان نسلين 300 ايلليك تاريخي معلومدور. شاعیرين آناسي دا همين نسيلدندير. وكيل آغالي لاردان چوْخ جورأتلي حربچي لر، ماعارفچي لر، حكيم لر، شاعیرلر يئتيشميشلر. شاعیرين آتاسي يوسف آغا كندده، عؤمرونون سوْن ايل لريني ايسه قازاخدا ياشاميشدير. او، چوْخ سخاوتلي اوْلدوغوندان اؤز وار-دؤلتيني الينده ساخلايا بيلمه ميش، يوخسوللاشميشدير.
بالاجا صمدين اوشاقليغي چوْخ آجيناجاقلي اوْلموشدور. 6 ياشي اوْلاندا آناسي محبوب خانيم 28 ياشيندا وفات ائدير. صمد آتاسي يوسف آغانين و آنا ننه سي عايشه خانيمين حمايه سينده ياشايير. عايشه خانيمين اري - شاعیرين باباسي مهدي خان آغا اؤز دؤرونده ائلينده، اوباسيندا كوهنسال لقبي ايله تانينان شاعیر ايدي. گؤركملي آذربايجان شاعیري، قاراباغ خاني ابراهيم خانين وزيري مولاّ پناه واقف (1719-1797) ده بۇ نسله منسوب اوْلموشدور.
شاعیر اوشاقليق ايل لريني دوغما كندينده كئچيرميش، ايلك تحصيليني كند مكتبينده آلميشدير. 1918-جي ايلده گؤركملي ادبيّاتشوناس و ماعارفچي «فريدون بگ كؤچرلي» قوْري موعلّم لر سمينارياسي نين آذربايجان شؤعبه سيني قازاخا كؤچدوررك قازاخ موعلّم لر سمينارياسيني تشكيل ائدير. سميناريا موترقّي بير ماعارف اوجاغي ايدي. بۇ مكتبه قبول اوْلونان كند اوشاقلاري آراسيندا صمد و مهدي خان وكيلوو قارداش لاري دا وار ايديلر. فريدون بگ كؤچرلي نين حيات يولداشي بادصبا خانيم وكيلووا (كؤچرلي) شاعیرين ياخين قوهومو ايدي.
سميناريادا او، ايلك شعرلريني قلمه آلير. بۇنلار خالق پوئزياسي فورماسيندان بيري اوْلان ليريك قوشمالار ايدي. يازديغي شعرلر سميناريانين ديوار قازتينده چيخيردي. سمينارياني بيتيرديكدن سوْنرا صمد وكيلوو آذربايجانين بير سيرا كند و رايون لاريندا، او جومله دن قازاخدا، قوبادا و گنجه ده آذربايجان ديلي و ادبيّاتيني تدريس ائتمگه باشلايير.
پوئزيا گئت-گئده شاعیرين بوءتون وارليغينا حاكم كسيلير. گنج شاعیر اؤز خالقيني، وطنيني، دوغما تورپاغي نين اسرار انگيز طبيعتيني سئوديگي اوءچون «وورغون» تخلّوصونو گؤتورور. او، اؤزو سوْنرالار بئله يازير:
عاشقم انسانا و طبيعته
اليم قلم توتوب يازاندان بري...
1956-جي ايلين مارس آييندا صمد وورغونون 50 ياشي تامام اولور. آذربايجان خالقي شاعیر يوبيلئيي نين كئچيريلمه سينه حاضيرلاشير. آذربايجانين رهبرليگي طرفيندن «آذربايجان خالق شاعیري» آدي تأسيس ائديلير و ايلك دفعه بۇ آدا صمد وورغون لايق گؤرونور. ماي آيي نين 12-ده اورا و بالِت تئاتريندا س.س.ر.اي- نين ادبي اجتماعيّتي نين و خارجي قوناق لارين اشتراكي ايله شاعیرين طنطنه لي يوبيلئي گئجه سي كئچيريلير. يوبيلئي طنطنه سيندن ايكي هفته سوْنرا 1956-جي ايل ماي آيي نين 27-ده، ساعات 19:30-دا شاعیرين گؤزلري ابدي يومولور. آمانسيز اؤلوم، شاعیرين حيات عشقيله چيرپينان اوءرگيني، ياراديجيليق آتشي ايله اودلانان قلبيني ابدي سوسدورور.
 

https://t.me/Adabiyyatsevanlar

عزیز نسین اوز دیلیندن
حاضیرلایان :ادبیات سئونلر
ترجمه : سحر خیاوی
https://t.me/Adabiyyatsevanlar

عزیزنسین اوءز دیلین دن
حاضیرلایان: ادبیات سئونلر
ترجمه :سحر خیاوی


آتام اون اوچ یاشیندا آناتولی نین کندلرینین بیریندن استانبولا گلدی.آنام ایسه چوخ اوشاق اولارکن باشقا بیر کنددن استانبولا گلدی.سانکی اونلار بو سفره،استانبولدا بیربیرین گوروب ائولنمگه و منی دونیایا گتیرمگه مجبوریمیشلار!!
منیم سئچیم حاققیم یوخویدو،بو سببه یاراماز بیر زاماندا،بیرینجی دونیا ساواشی نین موردار گونلرینین بیرینده،۱۹۱۵ده، پیس بیر یئرده هیبلی آداسیندا دوغولدوم.هیبلی تورکیه نین استانبول یاخینین دا کی، پوللولارینین ییلاقی ایدی.چونکو پوللولار یوخسوللار اولماسا دیری قالا بیلمزلر، بیزده او آدادا یاشاییردیق.
بو سوءزلری ایله قارا گونلو اولدوغومو دئمک ایسته میرم.عکسینه من وارلی و اصیل عائیله دن اولمادیغیمدا اوغورلو بیری یم.
منیم آدیم"نصرت"دیر.نصرت عربجه بیر سوزجوک دیر "تانری نین کوءمکی" معنادا.بو آد بیزیم‌ عائیله یله اویغونودو،چونکو اونلارین تانریدان باشقا هئچ اومودلاری یوخویدو.
اسکی اسپارتارلار،گوجسوز و آریق اوشاقلارینی اوءز اللری ایله اوءلدوروردیلر، یالنیز گوجلو و ساغلام اوشاقلاری بویودوردیلر.امما بیز تورکلره بو سئچگی طبیعت و توپلوم واسیطه سی ایله اولوردو.دوءرد قارداشیم اوشاقلیقدا ایسته نیلمز دورومو تاب گتیره بیلمه ییب اوءلدولر دئسه م،بیلرسینیز ساغ قالماقدا من نه قدر دانقازیمیشام.
آنام ییرمی آلتی یاشیندا اوءلدو و گوزل دونیانی گوجلولره تاپشیردی.
زنگین(سرمایه دار) مملکت لرده،دوروم آل-وئریله،و سوسیالیست مملکت لرده یازیچیلیقلا اویغوندو.یانی یاشام عاغلی اولان،بیر سوسیالیست مملکت ده گرک یازیچی اولسون و بیر زنگین مملکت ده آل-وئرچی.
امما من کی یاری زنگین تورکیه ده یاشاییردیم وکیمسه عائیله مده یازیب اوخوماق بیلمیردی،یازیچی اولماق قرارینا گلدیم.
آتام بوتون فیکیر یوءنلری نی اوشاقلارینا اویره دن یاخشی دده لر کیمی، منه بئله تاپشیریق وئردی:"بو سارساقجا یازماق فیکیرینی اونوت.بیر یاخشی و شرفلی ایشه فیکیرلش".
امما من هله ده دانقازیدیم.یازیچی اولماق آرزوسیندایدیم.عکسینه مکتب ده قلم یئرینه سیلاح الیمه وئردیلر.یاشامی مین ایلک ایللرینده؛ سئودیگیم ایشلری گوءره بیلمه دیم.گوردوگوم ایشلری ده سئومیردیم.یازیچی اولماقی سئویردیم امما سرباز اولدوم.او زاماندا نظام مکتب لری یوخسول و پولسوز اوشاقلار موفته درس اوخویا بیلَن تکجه مکتب ایدیلر.من ده بو مکتب لره گئتمه گه مجبور اولدوم.

۱۹۳۳ده،همشه کی کیمی بئواخت چاتدیم،بو دفعه بوتون گوزل آدلار قورتارمیشدی و هئچ گوونجلی سوی آد قالمامیشدی.نسین آدینی سئچمه گه مجبور اولدوم.نسین یانی"سن نمنه سن؟!".بو آدی سئچمک ایله هر آدیمی چاغیراندا فیکیرلشیردیم دوغرودان من نمنه یم؟!
۱۹۳۷ینجی ایل ده افسر اولدوم.ناپلئون اولدوم.اینانمازسینیز! هله من یالنیز ناپلئونلارین بیری ایدیم.بوتون یئنی افسرلر ناپلئون اولماق دوشونوردولر و بو خسته لیک اونلارین بعضی سینده درمانسیزیدی و عومورلرینین آخیرینه جن داواملانیردی.بیر عیدده سی ده درمان اولوردیلار."ناپلئونیتیث"بیر یولوخوجو(مُسری)و خطرلی خسته لیک ایدی.نیشانه لری:خسته لر نه ناپلئونون اوستون گلمه سینه فیکیرلشیردیلر نه یئنیلمه سینه.اونلار دونیا خریطه سینین قاباقیندا دوروب و بیر قیرمیزی قلمله بوتون دونیانی بئش دقیقه ده آلیرلار،سونرادا دونیانین بو قدر کیچیک اولماسیندان کدرله نیرلر.اونلار قیزماسی اولان آداملار کیمی سایاقلاییرلار.باشقا خطرلرده وار.سونرالار بلکه تیمور لنگ، چنگیزخان، آتیلا، هانیبال و حتا هیتلر اولماق فیکرینه دوشه لر.من‌ بیر یورولمامیش ییرمی اوچ یاشیندا افسر عنواندا آزاجیق موددت ده بیر قیرمیزی قلمی ایله دونیانی فتح ائتدیم.ناپلئونلیق عقده سی بیر ایکی ایل اوزونا چکدی.البته بوتون بو موددت ده فاشیسمه ماراقیم یوخویدو.
اوشاقلیقدان آرزولاییردیم پئیس یازان اولام.ارتش ده،پیادا قوشون واحیدلری،توپخانا و تانک واریمیزیدی.امما پئیس یازماق واحیدی یوخویدو.او سببه اوردان چیخماغا بیر یول آختاریردیم و ۱۹۴۴ ده آزاد اولدوم.
بعضی افسرلر حتا ژنرال اولاندان سونرادا شعر یوخسا رومان یازماق حسرتینده اولورلار،البته باشقالارین خوش گلمه سینه.امما بیر اللی یاشدا شاعیرین ارتش باشچیسی اولماقی نظرلرینه سارساقلیق و یئرسیزدیر.
سربازلیقدا حیکایه یازماقی باشلادیم.او زاماندا،قزئته مطلب یازان سرباز اونجوللر طرفدن ایستکسیز قارشیلانیردی.او سببه اوءز آدیملا یازمیردیم.آتامین آدی،عزیز نسین ایله ایشله ییردیم.بو سببه اصلی آدیم "نصرت نسین"تانینمادی و اونودولدو.
اونلار منی گنج بیر یازار تانیییردیلار، بیر حالدا کی آتام قوجایدی؛بیر واخت آتام بیر ایش اوچون بیر اداره یه گئتمیشدی، اوزونو عزیز نسین تانیتدیردیقدا، کیمسه اینانمامیشدی.البته اوءلونجه ده عزیز نسین اولماقینی بللندیرمک زوروندایدی.
ایللر سونرا کیتابلاریم باشقا دیللره چئوریلدیکده یازار حاققیمی آلماقا عزیز نسین

اولماغیمی ثابیت ائتمه گه موددتلر ساواشدیم.
آدیم سیجیللی ده "نصرت نسین" ایدی.
بو گونلر چوخلاری شاعیر اولماق طلبینده دیر.بئله دوشونورلر بوتون یازدیقلاری دا شعردیر،چونکو شعره حورمتلی دئییل لر.من دوشونورم شاعیر اولماق بویوک هونردیر چونکو چوخ یازیچیلار یاخشی شاعیر اولا بیلمه دن
ناچار آدلیم یازیچیلار اولدولار.بونو اوءز باره مده دئمیرم،من نیشان وئرمیشم نئجه پیس شعر یازماق اولور.منیم شعرلریمه ماراق اونلارین گوزللیگی اوچون دئییل،سونوندا گلن قادین آدی اوچوندو.شعرلریمی تاخما بیر قادین آدی ایله چاپ ائتمیشم،اونا خیطاب چوخلو سئوگی مکتوبلاری یازیلیب.

اوشاقلیقدان آرزولاییردیم بیر گون آداملاری آغلادان سوءزلر یازام.بو آماجیلا بیر حیکایه یازیب درگی یه گوندردیم.درگی نین باش یازاری اونو دوغرو دوشونمه ییب آغلاماق یئرینه گولدو.البته چوخ گولندن سونرا یاشینی سیلدی.دئدی:"اعلادیر.یئنه بو حیکایه لردن بیز اوچون یاز".

بئله یازماق یازیلاریمدا داواملاندی.ایشلریمین اوخوجولاری چوخلوق آغلاماق یئرینه یازدیقلاریما گولوردیلر.حتا ساتیرا یازان تانیناندان سونرادا بیلمیردیم ساتیرا نه دیر.ایندی ده بیلمیرم.ساتیرانی یازماقی ایله اویرندیم.چوخلوق من دن سوروشورلار ساتیرا نه دیر؟سانکی نوسخه یوخسا فورمولو وار،من بیلن ساتیرا جیددی بیر سوژه دیر.

۱۹۴۵ده، حکومت،مینلر گئری چینی "تان"قزئتینی آرادان آپارماغا قیزیشدیردی.من اوردا ایشله ییردیم.اوندان سونرا ایشسیز قالدیم.اونلار منیم آدیمیلا هئچ بیر یازی قبول ائتمیردیلر.او سببه ایکی یوزدن آرتیق آدیلا قزئت لره یازی گوندریردیم.باش یازی دان، گولمه جه دن توتدوخبر،دانیشیق آپارما،حیکایه و پلیس رومانلاریناجا.
قزئت مودوری تاخما آدیمی تانییاندا تئز باشقا بیر آد سئچیردیم.
بو تاخما آدلار،منه چوخ سورونلار دا یاراتدی.اورنک اوچون،قیزیم و اوغلومون آدینین قاریشیقیندان،"رویا آتش"آدینی سئچدیم و اوشاقلار اوچون بیر کیتاب یازدیم.حکومت بونو بیلمیردی و ابتدایی مکتبلرده او یازیلاردان فایدالانیردیلار."رویا آتش"بیر تورک قادین یازاری کیمی تانیندی.
باشقا بیر حیکایه ده تاخما فرانسوی آدیلا درگی ده چاپ ائتدیم.دونیا طنزلری سئچیمینده بیر فرانسه طنزی کیمی تانیندی.
بیر حیکایه ده چینی آدیلا درگی ده چین دیلیندن چئویرمه عنواندا چاپ ائتدیم.
یازا بیلمه دیگیمده چوخ ایشلری سینادیم.باققاللیق،ساتیجی لیق، حسابدارلیق، قزئته ساتماق، عکاسلیق،البته هئچ بیر ایشی ده یاخشی گورمه دیم.
اوست-اوسته بئش ایل یاریم یازیلاریما خاطیر دوستاقلاندیم.آلتی آیی فاروق مصر شاهی و رضا ایران شاهی ایسته ییله اولدو.اونلار دئییردیلر من یازیلاریمدا اونلارا توخانمیشام و آنکارادا کی سفیرلری واسیطه سیله منی محکمه یه چکدیلر و آلتی آی دوستاقامحکوم ائتدیلر.

دوءرد ائولادیم وار.ایکیسی بیرینجی قادینیمدان.ایکیسی ایکینجی.
۱۹۴۶دا ایلک کره توتولدوم.آلتی آی تامام پلیس من دن سوروشوردو:
"سنین آدینلا یازیلان یازیلاری کیم یازیر؟"
اونلار اینانمیردیلار او یازیلاری اوزوم یازمیشام.
ایکی ایلدن سونرا ماجرا عکسینه چوندو.بو دفعه پلیس دئییردی من باشقا آدلاریلا مقاله لر یازمیشام.ایلک دفعه من ایستیردیم ثابیت ائلییه م او یازیلار منیم ایشیم دیر.ایکینجی دفعه ایستیردیم دییه م منیم ایشیم دئییل.امما بیر شاهید تاپیلدی.او یازیلاری من یازدیغیما شهادت وئردی.بو سببه آلتی یای یازمادیغیم مقاله اوچون،دوستاق اولدوم.بیرینجی قادینیملا ائولندیگیم گون،بیر حالدا کی ارکستر قوروپو تانگو آهنگی چالیردی،افسرلرین شمشیرلری آلتیندا یئریییردیک.او افسرلر اوءز یولداشلاریمیدیلار.امما ایکینجی ائولنمه اوزوگومو دوستاق بارماقلیقلینین آرخاسیندان قادینیما وئردیم.گورورسوز بیر یئنی یاشام اوچون پارلاق بیر باشلانیش دئییل.

۱۹۵۶دا دونیا ساتیرا یاریشیندا ایلک مقامی اله گتیردیم و قیزیل خورما آغاجی آلدیم.یازیلاریمی چاپ ائتمه ین قزئت لر و درگی لر ایندی من دن اثر آلماق اوچون باش سیندیریردیلار امما بو دا اوزون چکمه دی.
یئنه قزئت لرده یازیلاریمین چاپ اولماسی یاساق اولدو.۱۹۵۷ ده باشقا بیر قیزیل خورما آغاجی آپارماق آدیمین قزئت لرده و درگی لرده یئنی دن گورسنمه سینه سبب اولدو.۱۹۶۶ دا،بلغارستان دا دونیالیق ساتیرا یاریشیندا بیرینجی اولوب،قیزیل کیرپی آلدیم.
۲۷ مه ۱۹۶۰ دا تورکیه ده اولان دئوریمدن سونرا، اوءز ایسته ییمله قیزیل خورما آغاجیمین بیرینی دولت خزانه سینه باغیشلادیم.نئچه آی اوندان سونرا، منی دوستاقلادیلار.قیزیل کیرپی و ایکینجی قیزیل خورما آغاجینی گله جک گونلره ساخلادیم.شوبهه سیز دردیمه دیرلر دئدیم.
آداملار تعجوبله نیرلر ایندییه جن ایکی مین دن آرتیق حیکایه یازمیشام.امما تعجوب یئری یوخدو.عائیله م اون نفر یئرینه ییرمی نفر اولسایدیلار،حتمن دورد مین دن چوخ ناغیل یازاردیم.
اللی اوچ یاشیم وار،اللی اوچ کیتاب یازمیشام،دورد مین لیره بورج،دورد ائولاد و بیر نوه م وار.یالقیز یاشاییرام.مقاله

لریم ییرمی اوچ و کیتابلاریم اون یئددی دیله
چئوریبلر.پئیس لریم یئددی مملکت ده صحنه یه گئدیب.
تکجه ایکی شئیی باشقالاردان گیزله ده بیله رم:یورغونلوق و یاشیمین چوخلوغونو.بو ایکی دن باشقا هر نمنه یاشامیمدا آچیق-آیدین دیر.یاشیمدان گنج گوروکورم دئییرلر.بلکه بو سببه دیر کی چوخ ایشله ییب قوجالماغا واخت تاپمامیشام.
هئچ واخت اوزومه دئمه میشم:"یئنی دن دونیایا گلسه یدیم،یئنی دن بو ایشلری گورردیم".البته ایکینجی دفعه، ایلک دفعه دن داها و داها یاخشی ایشلر گورردیم.

بشر تاریخینده تکجه بیر نفر همشه لیک یاشاسایدی، اوندان همشه لیک یاشاماق سیررینی سوروشاردیم.حاییف ایندی بئله بیر آدام یوخدو.سوچلو دئییلم،من ده باشقالار کیمی اوءلمگه مجبورام.امما بو مسئله دن هیرسلی یم، چونکو بوتون اینسانلار و اینسانلیقا سونسوز قَدَر سئوگی باغلامیشام.

https://t.me/Adabiyyatsevanlar

دونیا ادبیاتی آنا دیلیمیزده گلن هفته چهارشنبه گونو ادبیات سئونلر کانالیندا
"پیتر هانتکه"

https://t.me/Adabiyyatsevanlar

دونیا ادبیاتی

اکتاویو پاز شاعر مکزیکی و برنده جایزه نوبل در ادبیات سال ۱۹۹۰،
پاز هشتاد و هشت سال عمر کرد. پاز در میان برندگان جایزه نوبل در ادبیات، جایگاه بلند و یگانه‌ای دارد و تقریباً همگان در سراسر جهان از انتخاب او برای جایزه نوبل خشنود شدند و کسی نبود که در شایستگی او تردید کند. دو ویژگی برجسته هنر اکتاویو پاز عبارتند از: خصلت جهانی بودن شعرهای او و نیز گستره موضوعاو در آثار خود به آن‌ها پرداخته است: شعر و مردم شناسی، تاریخ و سیاست، هنرهای تجسمی و فلسفه، پزشکی و اسطوره و غیره.


https://t.me/Adabiyyatsevanlar

اوشاق ادبیاتی هرهفته پنجشنبه گونو ادبیات سئونلر کانالیندا.
اوشاق ادبیاتینا دایر یازیلارینیزی ، چئویرمه لرینیزی ، کوچورمه لرینیزی... ،بیزه گوندرین .

https://t.me/Adabiyyatsevanlar

موسسه ندای ایماژ تبریز برای چهارمین سال متوالی با افتخار برگزار می کند:

🎼کنسرت موسیقی آذربایجانی گروه «پارلا» بهمراه حرکات آیینی، سنتی آذربایجان(ویژه بانوان)💣

📆 ۲۶-۲۷ آبان ۱۳۹۸
⏰ ساعت ۲۰
🏛فرهنگسرای نیاوران تهران

فروش آنلاین بلیط: iranconcert.com
روابط عمومی و جذب اسپانسر
☎ ۰۹۱۲۶۳۴۱۱۹۰

@parla.artgroup @studio.imaj @khojasteh_music_school @mariayazdani22 @fatimohammadi @hasankhojaste @behrad.sarebanan @gl.mirzazadeh @nima.anhari @leilab95 @samira_morakkabsazi @ipak_tbz @chichak_tbz @linimhn @maryamnarimani.59 @neda_zarafshan @panahi_film @chiki_omf @_fatiishalii_ @fariba_sohrabi_ @iranconcertofficial
@hamsafariran @sirous_senobari
@dr_khiabani
@azerbayjan_anam
@_aylin.mirzazadeh @sevda_piano
@sima.koobeyi70
@paniz.sattarizrib @aidaamiressami@eli_shms@sanaz_jahanbakhsh
#کنسرت بانوان #کنسرت #بانوان #حرکات #حرکاتنمایشی #رقص #آذربایجان #آذری #نیاوران #فرهنگسرای_نیاوران #ایماژ #تبریز #تهران #music #lady #concert #dance #azerbaijan #tabriz #tehran

https://t.me/Adabiyyatsevanlar

اوشاق ادبیاتی
اوشاق ادبیاتی هر هفته پنجشنبه گونو اد بیات سئونلر کانالیندا .
اوشاق ادبیاتینا دایر یازیلارینیزی ،شکیل لرینیزی ، رسم لرینیزی... بیزه گوندرین .

https://t.me/Adabiyyatsevanlar

اوشاق ادبیاتی


✅ویدا حشمتی
🍁پاییز

تؤکور بولودلار یاغیش
پاییز گلیب اوشاقلار
یاپراقلار خیشیلداییر
قیزاریبدیر یاناقلار

ساری-قیرمیز بویانیب
قارا داغین مئشه سی
آذربایجان سر به سر
سانکی جننت گؤشه سی

پاییز یولدان گلینجه
کؤچورلر قارانقوشلار
الوان-الوان بویانیر
دره_تپه یوخوشلار

قاریش-قاریش قشحدی
یوردوم-یووام مسکنیم
پاییزی باشقا گؤزل
آنا یوردوم ، وطنیم

https://t.me/Adabiyyatsevanlar