سسلی شعیر گئجه سی ۹۸/۸/۴
شعیر و سس : تورکان اورمولو

https://t.me/Adabiyyatsevanlar

سسلی شعیر گئجه سی ۹۸/۸/۴
شعیر : نیر اوغلو
سس : ژاله

https://t.me/Adabiyyatsevanlar

سسلی شعیر گئجه سی ۹۸/۸/۴
شعیر : علی اکبر طاهرزاده صابر
سس : حبیبه

https://t.me/Adabiyyatsevanlar

سسلی شعیر گئجه سی ۹۸/۸/۴
شعیر : رامیز روشن
سس : موسی موسوی

https://t.me/Adabiyyatsevanlar

میللی مطبوعاتیمیزا یاردیم اولاق

🔰مجله آذری شماره 41 ویژه نامه « تقی رفعت » منتشر گردید.

♦️اولین نظریه پرداز شعرنو و بنیان گذار نقد ادبی در ایران.
♦️ روزنامه نگار آگاه به زمان و همرزم نستوه شیخ محمد خیابانی.


▫️ایمیل: azeridergi@gmail.com

▫️وب‌سایت: www.azerimag.com


▫️کانال مجله آذری

https://t.me/Adabiyyatsevanlar

باش ساغلیغی
«بوغاناق» رومانی‌نین مولفی حیاتا گؤز یومدو
چوخ تاسفله بو گون «بوغاناق» رومانی‌نین مولفی یازیچی «محمد ملک‌نژاد»ین اؤلوم خبرینی ائشیتدیک. دیرلی یازیچیمیزین گؤزلنیلمه‌دن حیاتدان ال اوزمه‌سی ادبی جمعیتیمیزه آغیر بیر ایتگی‌دیر.
«ایشیق» - آذربایجان ادبیات و اینجه صنعت سایتی امکداشلاری آدیندان بو آغیر ایتگینی ادبی جمعیتیمیزه، یازیچیمیزین حؤرمتلی عائله عضولری و قوهوم- اقرباسینا و دوستلارینا «باشینیز ساغ اولسون!» دئییر، و مرحومون خاطره‌سینی عزیزله‌ییریک.
«ایشیق» - آذربایجان ادبیات و اینجه صنعت سایتی
98/8/5

https://t.me/Adabiyyatsevanlar

رحمت یاشار

خبر چاتیب شهره ; باغچانی آیاقلادیلار
گول آچمامیش چیچه یین کوکسونو پیچاقلادیلار

او قیرمیز آلمالاری سالدیلار تپیکلره هئی
بنؤوشه نین قانادین ظولم ایلن اوراقلادیلار

یاد ال دئییلمه ین او یاسمن لرین بویونو
تپیک له نازلاییب،اودلا تئلین داراقلادیلار

نارین-نارین گولوموز،ال دئییلمه میشدی ساغین
دوشوبدور الدن اله،غونچامیز دوداقلادیلار

قوروقچو توتمامیش ایدیق مگر گوله-باهارا?!
دئییر قوروقچو ساتیب باغچانی ،سوراقلادیلار


نه گوزله میشدیک آدیندان، نه اولدو آزادلیق!!!!?
خبر چاتیب شهره ;باغچانی آیاقلادیلار


https://t.me/Adabiyyatsevanlar

ارشد نظری

نَمَر

گلینین قاباغین کسدی بیر اوغلان
توی بَیی باش اَیدی ائل عادتینه
بیر جوت گوز یاشالدی دوواق آلتیندا
بیر اَلی تر باسدی آلاندا نَمَر
نئجه راضیلاشدی پارایا اوغلان
بیر گوز یاشی بیلدی
بیرده سویوق تر !
نمر = اَنام


https://t.me/Adabiyyatsevanlar

معصوم

"سنی سئویرم "

دامجی دامجی آخیر

بیر ایز بوراخیر _

سئومکدن

جاماکی لار یورولوب گؤزلریمدن

صاباح اولمادان_

نفس لریمله

اُتاغین جامی بوغولمادان

بیر اورک چکه جه یم

کیمسه نین

جیسارتی وار بوخاردان یاراتدیغیم اوره یین

چاتلاتماسینا؟!

https://t.me/Adabiyyatsevanlar

"چالقین"

شعر یازاندا

شعر یازاندا...
امپراتورلاشیرام
یئر کوره سی منیم دستورومدا اولور
و کهر آتی مینیب گون باتانا دوغرو چاپیرام


شعر یازاندا...
گونَش لَشیرم
بوتون گؤزلر قاماشیر منه باخاندا
نه وارسا مندن رنگ آلیر
دنیزده ماوی لَشیرم
اوفوقده قیزاریرام آخشام اوستلری


شعر یازاندا...
گؤزل لَشیرم
یاناقلاریمدا آلما بیتیر
دوداقلاریمدا لاله.

شعر یازاندا...

من نه قدر بؤیویورم شعر یازاندا...!



https://t.me/Adabiyyatsevanlar

سایین کانالداشلار، دیکلمه هوسکارلاری
جمعه گئجه98/8/10
ساعات :21ده
ادبیات سئونلر قوروپوندا دیکلمه یاریشماسی اولاجاق دیکلمه لر تانینمیش اوزمانلارین طرفیندن آراشدیریلاجاق سونرا اوزمانلارین نظریله سئچیلن دیکلمه لر ادبیات سئونلرکانالیندا کانالداشلارین سس وئرمه سیله یاریشمانین غالیبی تعین اولاجاق
بیرینجی، ایکینجی و اوچونجو غالیبه ادبیات سئونلر قوروپونون یاریشما لووحو سونولاجاق .
یاریشمانین شعرین ادبیات سئونلر کانالیندان گوتورون .
یاریشمایا قوشولماق بوتون قوروپلارین، کانالارین .. اویه لرینه آزاد دیر .

https://t.me/Adabiyyatsevanlar

یاریشما نین شرط لری

1-یالنیز سئچیلمیش شعرین اوخونوشو قبول اولاجاق .باشقا دیکلمه لر یاریشمایا داخیل اولمایاجاق.
2-ساعات21/30سونرا الیمیزه چاتان دیکلمه لریارشمایا داخیل اولمایاجاق
3-یاریشمایا یالنیز بیردفه دیکلمه گوندرمک اولار،اوزمانلار بیرینجی دفه گوندریلن دیکلمه یه نظر وئره جک لر .
4-غالیب لر یالنیز ادبیات سئونلر کانالیندا اولان نظرسنجی ایله تعین اولاجاقلار.یاریشمایا سس یغماق دیکلمه لری پایلاشماق شرطی ایله آژاددیر
اوچ نفر غالیبه ادبیات سئونلر لووحو سونولاجاق .
5-اوزمانلار دیکلمه لرین بارسینده نظرلرین یئکانلاشدیریب بیرلیک ده واحید نظر اعلان ائده جک لر .
6-یاریشمایا قاتیلماق آزاد و اختیاری دیر .
7-الیمیزه چاتان دیکلمه لرین سای چوخ اولسا اوزمانلار نظرلرین بیر گون سونرا وئره جک لر
8-نطر سنجی غالیب سئچمه یه اوزمانلارین نظریندن سونرا اوچ گون اولاجاق .
9-بو یاریشمانین اوزمانلاری : سرکار خانیم میر حسینی ، ، دوکتور ارشد نظری ، کریم قربانزاده اولاجاقلار.

https://t.me/Adabiyyatsevanlar

یاریشمانین شعری

"علی جواد پور"

"حسرت"

بو گئجه دونیانین ان غریبی‌یم
نه داما،نه داشا سیغیر بو حسرت
جانی بوغازیندا اولان جانیمی
ییغیر بوغازیما، ییغیر بوحسرت

دونیادا ان غریب بو گئجه منم
بو نئجه غوربتدی، بو نئجه منم
سارالمیش باغچایام، سولموش چمنم
بئله‌جه کؤنلومو سخیر بو حسرت.

ده‌یر گؤز یاشینا آغلا، ای اوره‌ک
آرزینا نه قدر کولک اسه‌جک
کولالیق قیصاصی اولان بوینوز تک-
بو گئجه آلنیمدان چیخیر بو حسرت!

بو گئجه کؤزه‌رن کؤمور اولموشام
عؤمرومه قنیم بیر عؤمور اولموشام
ائله بیل برکییب دمیر اولموشام
دونیانی اوستومه ییخیر بو حسرت

بوگئجه دیدرگین قوش له‌له‌یی‌یم
اؤزومو اوشودن قیش کوله‌یی‌یم
قورولار اودوندا یاش گیلئیی‌یم
یاندیریر بو حسرت، یاخیر بو حسرت

بو گئجه داش‌لارا ده‌ییب قاییدان
سس‌لره بنزه‌ییر سئوگیم ده اینان
بوگئجه اوستومدن یول سالیب گومان
گؤرن نه اولاجاق آخیر بو حسرت!؟...

http://t.me/Adabiyyatsevanlar

"سلیم زحمت دوست "

بير گون شاعر اولماليام
هاچان اولسا
آناما دئميشم منی گوزتله یه
من شاعر اولاندا
دونيا قارانليق اولاجاق
ظولمات قارانليق
من شاعر اولاندا
قاناد چيخارداجايام
قوشلارا قوشولوب اوچاجايام
اوندا گوزليرم يئکه له جک
اوره ييم يئکه ليب شاعر اوره یی اولاجاق
نادر اوره یی، کاميل اوره یی
بلکه باشيمدا يئکه لدی
باشيمدا بير باغچا گويردي
آغاجی، گولو، مئوه سی، تيکاني، جيجيتکاني
آغاجيندا قارغالار يووا سالدي،
گولون قيزلار، گلین لر دردی
مئوه سین قوجالار يئدي
تکجه تيکان و جيجيتکاني منه قالدي
من شاعر اولاندا
چورک فيکري ائدمه یه جم اصلا
تکجه سوز گزه جم
تزه سوز، ديرلي سوز، ايشيقلي سوز، نيسگيللي سوز
يووووخ
نيسگيللي سوز نه ييمه گرک
ايشيقلي سوز آختاراجام، تاپاجام
بلکه سوزلريمله دونيا ايشيقلانا
و اوشاقلار قارانليقدان قورخمايا
آخی اوندا دونيا قارانليق اولاجاق من شاعر اولاندا
سوزلريم ايشيق ساچاجاق
بوتون دونيا ايشيقلاناجاق

http://t.me/Adabiyyatsevanlar

سایین کانالداشلار
چهارشنبه گونلری ادبیات سئونلر کانالیندا یالنیز نثر یازیلارین پایلاشاریق .

http://t.me/Adabiyyatsevanlar

کونلومه تبریز دوشدو
شعر:سلیمان رستم
اوخویور :روبابه مورادوا

https://t.me/Adabiyyatsevanlar

✍یازار:صادق_چوبک
تورکجه‌یه چئویرن: سحر_خیاوی

بیر گئجه یوخوسوزلوق

کیشی یئرینین ایچینده چابالاییردی. یاتا بیلمیردی. خارابادا کی ایت تولالارینین ونگیلتیسی یوخوسونا قاریشمیشدی. باشیندا زوققولداییردی. اؤزو گؤرموشدو اونلارین آناسی نئجه دونَن ناهار چاغی ماشین آلتینا گئتدی و قانلی لئشینی ائوی اولان خارابایا آتدیلار. ایت، بالالارینی اوردا دوغموشدو. ایندی تولالارین زیرزیری بئینین دیدیردی.
اونلار نجور دیری قالاجاقلار؟ یئکه دئییللر آدام قصابدان بیراز آت-آشغال آلیب قاباقلارینا آتسین. ایکی گونلوک دیرلر. گؤزلری هله آچیلماییب. سوداَمَردیرلر. اونلاری بؤیوتمک ایسته‌سن گرک سودو اَمزیک‌له آغیزلارینا تؤکه‌سن. من بو ایشی گؤرسم محله اهلی منه توپوروب لعنت اوخویارلار. ایندی ده ائله لعنت اوخویورلار. چونکو اللی یاشیم وار هله ائولنمه‌میشم. نه اوچون آرواد آلیم آخی؟ توخوم-ترکه قویوم نه اوچون؟! اونلاردا صاباح بو تولالار کیمی بیر تیکه چؤره‌کدن اؤتورو ونگیلده‌سینلر؟!
بلکه ده اوشاقیم هله دیش چیخارتمامیش اؤلدوم. نجور بؤیویه‌جک؟ نئیه او شوفر کیشی بو بدبختی اؤلدوردو؟ هئچ کیمسه ده هئچ زاد دئمه‌دی. بازارچادا هامی گولدو. سونرادا او گَده قویروغوندان یاپیشیب تورپاغدا سورودو. زیبیل‌لرین اوستونه آتدی. آدامدا بئله‌دیرمی؟ نه فرق ائدیر اونودا تورپاق آلتینا تپه‌جکلر.
آریق-نازیک بدنی یورغان آلتیندا تیتره‌ییردی. بالیش باشینین آلتیندا باتمیشدی. باشی آشاغا دوشموشدو. یئرین ایچینده یاریمچیق قالخدی. بالیشین چنگه‌له‌دی. نئچه یومروق اویان بویانینا چیرپالادی. یئنیدن باشینین آلتینا قویدو. بدنین یئره توللادی. آرخاسی اوسته اوزاندی. امما ساندی بؤیرو اوسته راحات یاتار. ساغ بؤیرونه چؤندو. دیزلرینی قاتلادی. بیر الینی اوزونون آلتینا قویدو. باشقا الینی ده بؤیرونه اوزادیب قارشییا زیللندی. لاپدان یئرینده دیک اوتوردو. آریق قیچ‌لارینی بیر-بیرینه دولادی .بیر آیاقینین آلتینی او بیریسینین آلتینا قیفیللادی. بدنین چکیب اسنه‌دی. فیکیرلشدی باشقا بؤیرو اوسته یاتا بیلر گؤره‌سن؟ قارنی اوسته نئجه؟آیاغا دوروب اوتورسون؟ شیرین آلتیندا اوزونه سو وورسون؟ یئریسین؟ نئچه خط مثنوی اوخوسون؟ گیج ایدی. کیپریک‌لری اوست-اوسته قاپانمیردی.
لاپدان فیکرینه گلدی بیر گون اؤله‌جک. اونو باسدیراجاقلار. جان وئرمک آنلارینا فیکیرلشدی. نجوردو؟ هاواخت؟ بلکه چوخ تئز! اوره‌یی ایچینه تؤکولدو. ایچریسی اوشودو. آیاق‌لاری بوز دوندو.
تولالارین قاریشیق زینگیلتیسی بئنینده طبیل چالیردی. "بو دیشی ایتی باهارین اوّلینده گؤردوم. بیر دسته ارکک ایت دالینا دوشموشدولر. کوچه باغدا آرخاسیجا اییی چکیردیلر. دیشی اونلاری دالیسیجا چکیردی. ارکک‌لر بیر-بیرینین باش گؤزونه آتیلیردیلار. بیر-بیرلرین دیشله‌ییردیلر. آخیردا بیری ایله قیفیللاندی. باشقا ایت‌لر واز کئچیب گئتدیلر.‌ اوشاق‌لار بیر-بیرینه قیفیللانمیش ایت‌لری قوووردیلار. دگه‌نک ایله کوره‌ک‌لرینه ووروردیلار. اونلار بیر-بیرلریندن آیریلمیردیلار. ترسه‌سینه بیر-بیرینی چکیردیلر. یئرلرینده آیاق دؤیوردولر. ایندی آلتیسی‌نی دوغوب." بوگون خیاوانین بو طرفیندن خرابه‌یه، ائوینه گئدیردی. ماشین دَیدی اؤلدوردو. جهنمه کی! بیر ایت و تولالارینا خاطیر منیم یوخوم نه‌دن حارام اولسون؟ مگر منیم یاشامیم اونلاردان یاخشی‌دیرمی؟
چیراغی یاندیردی. ائننی قیرمیزی ایشیق اوتاقین قارانلقینی اوددو. میز، چارپایا، سوبا، سماور، ایستیکان و لیوانین اَیری- مویرو کولگه‌لری اوتاقدا جانلاندی. یئرینده اوتورموشدو. باشی آغیر، گؤزلری یاشلی و شیشمیشدی. بوینونون داماری زوققولداییردی. کول رنگی کولگه‌سی اَییلمیش و اینجیک، دووارا دوشموشدو. تولالارین زینگیلتیسی آزالمیشدی. امما سسلری هله بئینینده‌یدی. دیشارییا دیقتیله قولاق یاتیرتدی. داها سس گلمیردی.
نه اولدو خفه‌لندیلر؟! بلکه ارکک ایت قاییدیب کوچوک‌لری یئدی؟! بلکه ده او قدر واققیلدادیلار گوجدن دوشدولر. امما هامیسی بیردن نئیه؟! گؤزلرینی آچدی. یورغون کیپریک‌لرینی نئچه دفعه بیر-ییرینه سیخدی امما یئنیدن گؤزونو یومدو. نه‌دن آدام گرک گئجه،لر یاتسین؟اصلن من یاتماق ایسته‌میرم. نه واخت گؤیلوم ایسته‌سه یاتارام. دوروم باشماق‌لاریمی واکسلاییم. شالواریما اوتو چکیم. یوخ! بیراز مثنوی اوخویوم. حتمن مولانادا گئجه‌لر ایشله‌ییرمیش. یوخسا نئجه آلتمیش- یئتمیش ایلده بو قََدر ایش گؤروب؟! شمس دیوانی‌نین یازماقی اؤزو بیر عؤمور چکر. نجور ائله‌یه بیلیب او قَدر اوزون قولاق و قورو قوتساللار ایچینده بو قَدر تؤره‌لی دانیشسین؟فیکریمجه یازیرمیش امما یازدیقلارینین چوخونو آدام‌لارا گؤسترمیرمیش. بوگون کیمی چاپ یوخوموش کی کیتاب ووروب ال- آیاق آلتینا تؤکسونلر. حتمن او یازیق دا ماللالار و قورو قوتساللارا ایلیشمیش ایمیش. ایندی هئی بو فیکیرلردن ائله، یاتما، کلّه‌نه وورسون. دلی اول!!

یورغانی قیچلاری اوستوندن قیراغا ووردو. تخت‌دن دوشدو. اطرافینا ب

اخدی. قیوریم توک‌لرینه ال چکدی. بیر عبا چیگینینه آتدی. کوچه آی ایشیقلی ایدی. بیر کیشی الینده فانیس گئدیردی.
فانیسین قیرمیزی ایشیغی، آی ایشیغی‌نین یاماقلارینی یئر اوزونده چیرکلی گؤستریردی و اؤنه یورویوردی. گئجه یاغان سئیرک قارین سو اولماسیندان، یئر زیغلی اولموشدو. زیبیل‌لر و حلبی قوتولاری فانیسین ایشیغیندا رقصه گلمیشدیلر. دیشی ایتین قوروموش و سولموش لئشینی گؤردو؛قانلی باش ایله یئر اوستونده سریلمیشدی. هر آلتی تولا اونون سویوق دؤشلرینی آغیزلارینا آلمیشدیلار و بوتون آج گؤزلوک ایله سوروردیلار. بورونلاریندان تیترک بوغلار چیخیردی.

https://t.me/Adabiyyatsevanlar

یاریشمانین شعری

"علی جواد پور"

"حسرت"

بو گئجه دونیانین ان غریبی‌یم
نه داما،نه داشا سیغیر بو حسرت
جانی بوغازیندا اولان جانیمی
ییغیر بوغازیما، ییغیر بوحسرت

دونیادا ان غریب بو گئجه منم
بو نئجه غوربتدی، بو نئجه منم
سارالمیش باغچایام، سولموش چمنم
بئله‌جه کؤنلومو سخیر بو حسرت.

ده‌یر گؤز یاشینا آغلا، ای اوره‌ک
آرزینا نه قدر کولک اسه‌جک
کولالیق قیصاصی اولان بوینوز تک-
بو گئجه آلنیمدان چیخیر بو حسرت!

بو گئجه کؤزه‌رن کؤمور اولموشام
عؤمرومه قنیم بیر عؤمور اولموشام
ائله بیل برکییب دمیر اولموشام
دونیانی اوستومه ییخیر بو حسرت

بوگئجه دیدرگین قوش له‌له‌یی‌یم
اؤزومو اوشودن قیش کوله‌یی‌یم
قورولار اودوندا یاش گیلئیی‌یم
یاندیریر بو حسرت، یاخیر بو حسرت

بو گئجه داش‌لارا ده‌ییب قاییدان
سس‌لره بنزه‌ییر سئوگیم ده اینان
بوگئجه اوستومدن یول سالیب گومان
گؤرن نه اولاجاق آخیر بو حسرت!؟...

http://t.me/Adabiyyatsevanlar

یاریشما نین شرط لری

1-یالنیز سئچیلمیش شعرین اوخونوشو قبول اولاجاق .باشقا دیکلمه لر یاریشمایا داخیل اولمایاجاق.
2-ساعات21/30سونرا الیمیزه چاتان دیکلمه لریارشمایا داخیل اولمایاجاق
3-یاریشمایا یالنیز بیردفه دیکلمه گوندرمک اولار،اوزمانلار بیرینجی دفه گوندریلن دیکلمه یه نظر وئره جک لر .
4-غالیب لر یالنیز ادبیات سئونلر کانالیندا اولان نظرسنجی ایله تعین اولاجاقلار.یاریشمایا سس یغماق دیکلمه لری پایلاشماق شرطی ایله آژاددیر
اوچ نفر غالیبه ادبیات سئونلر لووحو سونولاجاق .
5-اوزمانلار دیکلمه لرین بارسینده نظرلرین یئکانلاشدیریب بیرلیک ده واحید نظر اعلان ائده جک لر .
6-یاریشمایا قاتیلماق آزاد و اختیاری دیر .
7-الیمیزه چاتان دیکلمه لرین سای چوخ اولسا اوزمانلار نظرلرین بیر گون سونرا وئره جک لر
8-نطر سنجی غالیب سئچمه یه اوزمانلارین نظریندن سونرا اوچ گون اولاجاق .
9-بو یاریشمانین اوزمانلاری : سرکار خانیم میر حسینی ، ، دوکتور ارشد نظری ، کریم قربانزاده اولاجاقلار.

https://t.me/Adabiyyatsevanlar

سایین کانالداشلار، دیکلمه هوسکارلاری
جمعه گئجه98/8/10
ساعات :21ده
ادبیات سئونلر قوروپوندا دیکلمه یاریشماسی اولاجاق دیکلمه لر تانینمیش اوزمانلارین طرفیندن آراشدیریلاجاق سونرا اوزمانلارین نظریله سئچیلن دیکلمه لر ادبیات سئونلرکانالیندا کانالداشلارین سس وئرمه سیله یاریشمانین غالیبی تعین اولاجاق
بیرینجی، ایکینجی و اوچونجو غالیبه ادبیات سئونلر قوروپونون یاریشما لووحو سونولاجاق .
یاریشمانین شعرین ادبیات سئونلر کانالیندان گوتورون .
یاریشمایا قوشولماق بوتون قوروپلارین، کانالارین .. اویه لرینه آزاد دیر .

https://t.me/Adabiyyatsevanlar