تبریز کیتاب سرگیسینده سیزلری گؤزلوروک
مهر آیینین 29-دان آبانین 4-ه قدر
پروین اعتصامی سالونو حکیم نظامی گنجه ای غرفه سینده

https://t.me/Adabiyyatsevanlar

ادبیات سئونلر کانالیندا آختارین

1-بئش یوز ایل دونیا ادبیاتی اوزمان دوکتور رحمانی
2- ایکی یوز اللی ایل آذربایجان ادبیاتی اوزمان دوکتور رحمانی
3-شعر قالیب لری اوزمان دوکتور رحمانی
4-ادبی مکتب لر اوزمان دوکتور فرجیان

5-ائتیمولوژی درسلیک لری اوزمان دوکتور نظری

6-عرب ادبیاتی اوزمان دوکتور عزیزپور

7-زنگان شاعیرلرینین تانیتیمی اوزمان دوکتور باغبان کریمی


https://t.me/Adabiyyatsevanlar

سئویملی شاعیر مممد آرازلی دان دیرلی شعر توپلوسو ( سنی دوشونمه ییم ) ایشیق اوزو گوردو ، مممد آرازلییا تبریک لر دئییب اوغورلار آرزو ائدیریک بو کیتابی تبریر سرگی سینده اختر انتشاراتیندان آلین .

https://t.me/Adabiyyatsevanlar

گولوشونده غزل بیتیر
شعر توپلوسو
یعقوب نیکزاد

ساوالان ایگیدلری انتشاراتی
تهران - ۱۳۹۷
طرح جلد: مجید نوری مقدم
#چاغداش_غزل
#چاغداش_قوشما
#چاغداش_گرایلی
#خییوو_مشکین
#سلحشوران_شاهسئونان

غزل
باخیشلارین منی لول کئفلی توتدو ناز مله‌ییم!
نه تئز بو دوز - چوره‌یی بس اونوتدو ناز مله‌ییم!

اولوبدوسا آدین آندیم، یئنه اینانمازیدیم
گولوشلرین منی یوردو، یوزوتدو ناز مله‌ییم!

نه گلدی سئوگیمیزه؟ آ...ه، نه گلدی بو اویونا؟
"بو سئودادا کیم اوتوزدو کیم اوتدو " ناز مله‌ییم؟

او گونلری قارا گلسین! اوشوتمه‌لر یارادیب
دوداقلاریمدا یاز عطرین قوروتدو ناز مله‌ییم

گؤزونده بال یوخولو سئوگیمی قاچیرد اؤزومه!
منی گونش یاخاسیندان سوووتدو ناز مله‌ییم!

باش آغری اولماسین عشقه، گلین گرایلیم، اؤزون
سنین سئویشمه‌لرین‌له چوروتدو ناز مله‌ییم!

قارانلیغیم دا کی زینگیلتی‌لر کامان سسی‌دیر
دیلیمده هئی مله‌ین آغری نوت‌دو ناز مله‌ییم!

مفاعِلون، فعیلاتون... یاغیشلی قوشمالاری
غزل گؤزللییی ایچره اوووتدو ناز مله‌ییم!



https://t.me/Adabiyyatsevanlar

ویترینده قالان بایات گولوش تورکجه طنز حیکایه لری
پروین اعتصامی سالونوندا حکیم نظامی غرفه سیندن آلین .

https://t.me/Adabiyyatsevanlar

سایین کانالداشلار
چهارشنبه گونلری ادبیات سئونلر کانالیندا یالنیز نثر یازیلارین پایلاشیریق .

https://t.me/Adabiyyatsevanlar

حاضیرلایان: ادبیات سئونلر
چئویرن :سحر خیاوی

اوزئییر حاجی بَیلی آذربایجانین داهی بسته کاری

اوزئییر عبدالحسین اوغلو حاجی بیلی(۱۸۸۵-۱۹۴۸
"بویازینین آردین ادبیات سئونلر کانالیندا اوخویون "

https://t.me/Adabiyyatsevanlar

"حسن بابایی عجبشیرلی"

املاء


قاپینی آچیب ایچری کئچدیم. هونکور -هونکور آغلاییردی . سببینی سوردوم.
سسینی آزجادا اوجالدیب ایچینی چکدی.
آبالاسنه نه اولوب؟ آنان هاردادی تکرار
سئوال وئردیم. بو دونه گوز یاشلارینی
الی نین ائشیک

اوزو ایله سیلیب، ال لرینی ایسه شالواری
نین یانلارینا چکیب دیلی توتار -توتماز
ایسته دی سوزه باشلاسین. او آندا قاپی
چالیندی. قاپی یا طرف گئتدیکده، (یوخ آتا قوی من آچیم)دئدی.

دالی اوتوروب آددیملاریمی یاوالاتدیم.
کیمسن دئیب آیفونو ویردی. ائشیک قاپی آچیلیب، ائو قاپیسین آچاراق آنام دیر.دئدی
اوشاغی تک لیکده بوراخیب هارایا گئتمیسن سوردوم.
مدرسه یه چاغریلمیشدیم. آناسی دانیشدی
نه یه؟
اوزوندن سوروش
بایاخدان سوروشورام، گوز یاشلاری آمان
وئرمیر دیلی سوءز توتسون.

هه -ائله یاخجی قویاسان آغلیا، خالخیندا اوشاغی وار -بیزیم ده. ائله بیزه گلن بیزه
اوخشار، ائوده منه خوروزلانیر مدرسه ده
بیرپارچا خمیره دوءنور بدباختین بالاسی.
دئیب سوسدو

خانیم آزاد دانیشگاهدان الهیات واسلامی
معاریف دیپلومونو آلیب قابا توتدوروب شکیل کیمی دوواردان آسلامیشدی. چوخلارینا تای اوخودوقلاریندان هئچ نه یادیندا دئیلدی.
ائلیار اوز اوتاغینا گئدیب قاپینی آرخادان قاپامیشدی
ائلیار -ائلیار چاغیردیم.
بلی آتا
گل ایشیم وار
گلیب دیزیمین اوستونده ایله شیب قولونو بوینوما سالیب (آتا سنی چوخ سئویرم )دئدی.

ائلیار مدرسه ده سنه کیمسه بیر سوءز دئیب؟
باشینی بولایب یوخ آتا
به نه اولموشدو ائله آغلاییردین.
آنا دئمه دی.
یوخ دا، دئسه ایدی سندن نیه سوروردوم
به نه یه آنامی مدرسه یه چاغیرمیشدیلار
ایندی ایکی نیزدن بیرینیز دئیرسینیز نه باش وئریب یوخسا صاباح اوءزوم گلیم. دئدیم
منه گوره اوءزون گلسن یاخجی اولار. ائلیار دئدی. آناسی دیله گلیب سوزه باشلادی :کلاسدا بازیگوش لیق ائلییر بیر
مدادی (میداد )یازیب. بهاری(باهار )یازیب .نهاری (ناهار )یازیب
کتاب ی(کیتاب )یازیب معلم ده20دن
14 وئریب. الینه دونوم.
آتا 16 آلیردیم ها آددیمی دا قلط توتوب
دئیر گرک (ائلیار )یوخ (ایلیار )یازاسان
ائلیار دونوب دئدی.
قالمیشدیم اودونان -سویون آراسیندا
خانیمی باشا سالماق چتین ایدی، مدرسه ده خانیم معلیم اوز وظیفه سینی یئرینه یئتیرمیشدی. اوزومو ائلیارا توتوب :
بویویندن سونرا بیلرسن. دئدیم

https://t.me/Adabiyyatsevanlar

▪️حئکایه
فرشاد_رهنما

کولک اوزونده، آلنیندا یووا قوران تورپاغی سویودوردو. هاوا سویوق‌ ایدی. فرمانده دئمیشدی بو گونده دونن کی کیمی یاغیش یاغما احتیمالی وار. او ایسه پالچیغا بلنمیش گؤي پالتارینی گئیمیشدی. دمیر زیغلی پاپاغیندا باشینا قویموشدو. یولداشلارینین پالتارلاری اونون‌کینه اوخشامیردی. یولداشی‌نین بیری دئییردی:
بو پالتار سنه یاراشیر آما جللادلارین گؤزلرینه داها دا خوش گلر.
اؤزونون بو پالتاردان خوشو گلیردی. بؤيرونده کی قومقوماسین چیخارتدی. زیغلی سویون یئره تؤکدو. پالتارینا باخیب بیراز اول کی اولانلارا فیکری گئتدی. هسسادا گؤره اؤزونو گورا سالاجاقدی. اوردا نه گزیردی. فرمانده بیلسه پالتارینین فاتحه‌سین اوخومالی اولاجاق. اما دای اورالارا گئتمز. اؤزونه دانلاق ووروردو: یاخشی او گولله‌للر پالچیغا باتان گؤیرچینه دیمه‌دی.


https://t.me/Adabiyyatsevanlar

حاضیرلایان: ادبیات سئونلر
چئویرن :سحر خیاوی

اوزئییر حاجی بَیلی آذربایجانین داهی بسته کاری

اوزئییر عبدالحسین اوغلو حاجی بیلی(۱۸۸۵-۱۹۴۸
"بویازینین آردین ادبیات سئونلر کانالیندا اوخویون "

https://t.me/Adabiyyatsevanlar

اوزئییر حاجی بَیلی آذربایجانین داهی بسته کاری

حاضیرلایان : ادبیات سئونلر
چئویرن:سحر خیاوی


بو واخت ایسته ییرم دونیا موسیقی نابیغه سی،هونرلی و آدلیم یازیچی؛ رحمتلیک اوزئییر حاجی بیلی نین یاشام و اثرلریندن سیزه تانیشلیق وئرم.
او ایلک آذربایجان اُپراسینی یوخسا باشقا عبارتیله مسلمان مملکت لرین ایلک اُپراسینی یازدی.بو بویوک بسته کار آذربایجانین زنگین موسیقی سینی ایلک دفعه علمی و قاباقجیل اوروپا موسیقیسی قالیبینده گوستردی.
(بو یازی "کوراوغلو اُپراسی فرهمند رادین کیتابیندان عینی آزجا دییشیکلیک ایله فایدالانیلیب)

اوزئییر عبدالحسین اوغلو حاجی بیلی(۱۸۸۵-۱۹۴۸)

"دانکو ایلدیریما بنزر سسیله چیغیردی:اینسانلار اوچون منیم الیمدن نه ایش گلر؟و لاپدان دیرناقلاری ایله کوءکسونو جیردی.اوره یینی چیخارتدی و باشی اوستونده یئللندیردی."ماکسیم گورکی"
اوزئییر حاجی بیلی سپتامیر آیی ۱۸۸۵ده آذربایجان کندلرینین بیری"آغجا بدیع" ده دونیا گوءز آچدی(دئییرلر اونون قوهوملاریندان بیر عیدده سی تبریزین اطرافینداکی کندلرده یاشاییرلار)اونون آتاسی عبدالحسینین میرزه لیک(منشی لیک)ایشی واریمیش.اوزئییر لاپ اوشاقلیقدان آذربایجان کوتله موسیقی سیندن تاثیرلندی.بو سونرالار تام ماراقلا تار چالماقی اویرنمه سینه سبب اولدو.بیر حدده کی گوشه لر و چوخ چتین دستگاهلاری چالیردی.او ۱۸۸۹ دا ابتدایی تحصیلاتین قورتاردیقدا ایکی کیلاسلی "روس- تاتار" مکتبینده،پئشه کار "گوری"تعلیم مرکزینه گئتدی.بو تعلیم مرکزی عادی مکتب لر اوچون اویرتمن بئجریردی و بو ایشدن علاوه موسیقی باره سینده اوردا تعلیم وئریلیردی.اوزئییر اویرتمنلیک دن علاوه،ویولون، ویولون سلو، یئل سازلاری و هم ده تئوری موسیقی و سولفوژو(نُت اوخوماق)اویرندی و کُر و مرکزین اورکسترینده اکتیو شکیلده قاتیلدی.
بو زاماندا او آذربایجانین فولکلور ماهنیلارینی نُت یازدی و اورکستره دوزه نله دی.
او ۱۹۰۴ ده "گوری" تعلیم مرکزینی بیتیردی و اویرتمن عنوانیندا "هادروت" کندینه گئتدی.بیر ایل اوندان سونرا ۱۹۰۵ ده باکی یا گئتدی و معدن ایشچی لری محلّه لرینده اویرتمنلیک ائله دی.بو ایللرده اویرتمنلیک دن علاوه یازیچیلیق دا ائله ییردی و حتا نئچه کیتاب روس شاعیرلری پوشکین، گوگول، لرمانتوف و چخوفدان روسجادان تورکجه یه چئویریب چاپ ائتدی.او اونجول آداملاریلا یاخین ایلگی لنمه تاثیرینده،چوخلو مقاله لر و بیلدیری لر یازماقیلا عمل ده موباریزلر سیراسینا قوشولدو و آیدین و دموکراتیک آماجلارا یئتیشمک اوچون دویوشدو.او یاخشی بیلیردی آذربایجانین کولتور و فولکلورو نه حدده زنگین و وارلی دیر.هم ده یاخشی بیلیردی بو گئنیش کولتور زاوال و اونودولماق حالیندادیر.بو سببه موسیقی نی اصلی پئشه سی عنوانیندا سئچدی و یورولماز چالیشماغا باشلادی.او بو ایشده بویوک چتینلیک لر ایله ال به یاخایدی:عادی کوتله موسیقی نی حرام بیلیردیلر، بیر حالدا کی اوزئییر علمی و اونجول اروپا موسیقیسی نی کوتله یه قبوللاندیرماق و یئنی مکتب آذربایجان موسیقی سینده تمل قورماق ایسته ییردی.او زاماندا آذربایجانین عادی کوتله سی نین ارکستر یوخسا کُر قوروپو و ویولون، پیانو کیمی سازلاریندان هئچ دوشونجه لری یوخویدو و بئله لیک ایله تکجه بیر یول حاجی بیگوف ا قالیردی.اودا اوروپا موسیقی سینی محللی و میللی موسیقی ایله بیرلشدیرمک ایدی.بو فیکیر و چوخلو چالیشماغیلا۱۹۰۸ ژانویه آیی نین اون ایکیسینده، ایلک اُپراسی" لیلی و مجنون"و صحنه یه گتیردی.آیدین دیر کی اکتبر دئوریمیندن توره نن آلچاق فیکیرلیک لر ایللر سونرا هله ده کوتله ده کوءکلو ایدی.لیلی نقشینی اویناناماغا قادین ایفاچیسی تاپماق مومکون دئییلدی.بو سببه ایلک چیخیش دا بیز کیشی اکتور لیلی نین نقشینی اوینادی و ۱۹۱۶ دا آذربایجانین نابیغه موغننی سی و اوزئییرین یاخین دوستو پروفسو"بولبول"(۱۹۶۱-۱۸۹۷)لیلی نقشینی ایفا ائتدی.لیلی مجنون اُپراسینین آوازی ۱۶ ینجی قرنین آدلیم آذربایجان شاعیری"محمد فضولی"شعرلری اساسدا یازیلمیشدی.بو سئچگی او زامانداکی کوتله نین اینسانی و معنوی ایستک لری ایله اویغونودو.
"لیلی مجنون"آذربایجانین دستگاهلار و فولکلور ماهنیلاری اساسدا تمل قویولموشدو.ایلک چیخیشدا یالنیز حاجی بیگوفون یازدیغی نُتلار ایفاچی یا، بللی شعرلریله فی البداهه اجرا اوچون وئریلمیشدی.
بیر ارکگین لیلی نقشینده اویناماسی حاجی بیگوف ا دردلی و تاثیر ائدیجی ایدی.امما او ساکیت اوتورمادی و سونرالار بو اثری دفعه لر اجرا ائتدی و هر دفعه بیر نسنه لر اونا آرتیردی.گئتدیکجه بو اُپرا بوتونلشدی و خانیملار دا لیلی نقشینی ایفا ائتدیلر.
"لیلی مجنون" اپراسی چوخ اونملی دیر:اینسان باخیشلی،معشوقون محبت و تعریفی پاک بیلمک حددینه جن بو اثرین قالیبینده یئرلشیب و فئودالیسم دوورونون ایلگی لر و رسم لری کسیجی لحنی ایله اوندا تنقید آتشینه توتولوب.
بو اثر آذربایجاندا میللی اپرا تملینی قوردو،آذربایجان موسیقی سینین گلیشمه سینه سبب اولدو و

موزیکال تئاتر اوچون آذربایجاندا یاردیم اولدو.

لیلی و مجنوندان سونرا حاجی بیگوف بو بیچیمده باشقا اپرالاردا یازدی:شیخ صنعان(۱۹۰۹) رستم و سهراب( ۱۹۱۰)شاه عباس و خورشید بانو(۱۹۱۲) اصلی و کرم(۱۹۱۲) و هارون و لیلا( ۱۹۱۵).بونلارین هر بیری قاباقیکیندان داها کامیل صحنه یه گلیردیلر.اصلی و کرم اپراسیندا بو گلیشمه لاپ یوخاری حددینه یئتیشدی.بو اپرادا بداهه آزالیب و حاجی بیگوفون اوءز یاراتدیغی موسیقی و اصلی قهرمان" کرم" نقشی نین اونملی اولماسی بیر لایتموتیف ایله(بیر ملودی کی معین علامت عنواندا ایشله دیلیر)و هم ده (آریوزو-دکلاماسیون) و آشیقلارین موسیقی اوزللیکلریندن(آذربایجان قشقایی و تورکمن لر سنتی چالقیچیلاریندان)گئنیش صورتده فایدالانیب.
" اصلی کرم" اپراسینین لیبرتوسونو حاجی بیگوف اوزو یازیب و اونون محتواسی ۱۷ ینجی قرن آشیقلارینین یاراتدیقلاری داستان اساسدادیر.بو اثرده اوزئییر اوجا سس ایله سئوگینین مغلوب اولماماغین چیغیریر.
اُپرادان علاوه حاجی بیگوف نئچه موزیکال کمدی ده یازیب.بونلاردا زمانه سینین اونملی مسئله لری مثلن انقلابدان قاباق اقتصاد وضعی و آذربایجان قادینلارینین آزدلیقا یئتیشمه سی دی.
۱۹۰۹ دا "ارآرواد"۱۹۱۰ دا مشدی عیباد آدینا معروف اولان "او اولماسون بو اولسون" و ۱۹۱۳ ده "آرشین مال آلان" ی یازدی.اُپرالار کیمی بو کمدی لرین ده متن موسیقیسی نی حاجی بیگوف اوزو یازدی.حاجی بیگوف "او اولماسون بو اولسون"موزیکال کمدی ده دئوریمدن قاباقکی توپلومسال ایلگی لردن توره نن نادانلیغی آراشدیریر.بو اثرین داستانی "سرور" و "گولناز"باره ده دیر.اونلار کوهنه بئیین آداملاردان توره نَن او زامانین رسملریندن اوز چئویریب لر و بو ضیددیتلر ناغیلدا و اوستونه قویولان موسیقی ده آشکار اولور.
۱۹۱۱ده حاجی بیگوف موسیقی علمینی کامیللشدیرمَگه مسکووایا گئدیر و اوءزل موسیقی کیلاسلاریندا تحصیل آلیر.ایکی ایل سونرادا سن پیترزبورگون کونسرواتورونا گئدیر.بو کونسرواتوردا تحصیل آلارکن ان یاخشی موزیکال کمدی سی"آرشین مال آلان"ی یازیر.او بو اثرده سئوگی و اینسانا لاییق دویغولاری آلقیشلاییر و اسکی و چوروموش ائولنمه قایدالارینی تنقید آتشینه توتور.دوغرو کی "آرشین مال آلان" دا منفی نقش یوخدو،امما بو موزیکال کمدی نین کسیجی قونوسو اونا توپلومسال اوءزللیک وئریر.بو داستاندا قهرمانلارین نقشلری موسیقی ایله داها جانلانیر و اونلارین شخصیت لری اُپرادا اولان شخصیت لرله اوخشارلیق تاپیر.
موسیقی‌ صحنه لری جانلاندیرماقدا اصلی نقش اویناییر و اثری طبیعی جیلوه لندیریر.بو اثر ان گوزل آذربایجان هونری دیر و اوندا حاجی بیگوفون یارادیجیلیق گوجو لاییقی اولان شکیلده گورونور.بو موزیکال کمدی نئچه باشقا دیللره چئوریلیب و دونیانین چوخلو یئرلرینده دفعه لر نمایشه قویولوب.
مالی سورونلار حاجی بیگوفو سن پیترزبورگ تحصلیندن قویدو و او وطنه قاییتدی.آذربایجانین یئنی حکومت قورولوشو حاجی بیگوفون یارادیجیلیغینی تزه آخیما سالدی.او ایلک گونلردن آذربایجان موسیقی سینین گئنیشلنمه و گلیشمه سینه اکتیو چالیشدی.بوتونلنمیش ارکسترلرین باشچیلیقینی چئشیدلی کلوب لاردا و ائله جه ده رادیودا بوینونا آلدی.میللی موسیقی کادرلارینی یئتیشدیرمک اوچون ایلک موسیقی مکتبلرینی تمل قوردو،کولتور اداره سینین موسیقی رشته سینین مودورو و کنسرواتورون باش معاونی و سونرا رئییسی اولدو.۱۹۳۱ده ایلک نتلاردان فایدالانان میللی سازلاری تمل قویدو و ۱۹۳۶دا ایلک دولت کُر قوروپونو جانلاندیردی.
او پئشه کار موسیقی تحصیلینی هم ده میللی سازلاردا نُت دان فایدالانماقین تئوریسینی نئچه مقاله ده نشر ائتدی و بو ایشلره برابر آذربایجان فولکلور موسیقی سینی اویرنمه یه اوزون آراشدیرمالارا ال ووردو.
حاجی بیگوف بو دفعه بسته کارلیق چیخارین یئنی شرایط ایله گئنیش نیشان وئردی.او بو دوره ده مجلسی ارکستری آذربایجاندا جانلاندیردی:" آشیقلار" و " شور"و "چهارگاه" میللی ارکستره و ایکی کانتات بیری یئنی حکومتین اونونجو ایل دونمینه و باشقاسی فردوسی نین دوغوم گونونون مین ایللی گینه یازدی.هم ده کوتله آراسیندا اولان ملودی لره نُت یازیب ارکستره نظمه سالدی.
بئله لیک له حاجی بیگوف یولونو یارادیجلیقینین لاپ زیروه سی"کوراوغلو"اپراسیناجا گئتدی و ۱۹۳۷ده فولکلور موسیقی ده ایللر آراشدیرماسی و بونو اپرایلا ایلگی وئرمه سی ایله"کوراوغلو"نی جورلادی.بو اثرین محتواسی آذربایجان کوتله سی نین آزادلیق الده ائتمک یولوندا مباریزه حیکایه سی دیر.بو اثرین لیبرتوسونو "ح.اسمایل اف" و " محمد سعید اردوبادی" یازیبلار.عالی اینسانی فیکیرلر، نقشلرین آیدینلیقی، دراماتیک و کسیجی موسیقی، "کوراوغلو"نو ان یوکسک آذربایجان اپرا هونری یازیمی ائله ییب.
ایکینجی دونیا ساواشیندا حاجی بیگوف گیزلی امما داواملی ایشینین آردینی توتدو و اویرتمنلیک ایله برابر قهرمانلیق و وطن سئورلیک محتوادا اثرلر یاراتدی.اونلاردان"وطن و جبهه" "چاغیریش ماهنیسی" "

شفقت باجیسی" و " آنانین اوغلونا نصیحتی" نی

آد آپارماق اولار.
۱۹۴۵ده ساواش قورتولوشو مناسبته سنفونیک- آواز اثری "غلبه هیمنی"نی یازدی و همن ایل ده ۲۵ ایل چالیشما و آراشدیرما کیتابی"آذربایجان کوتله سینین موسیقی پایه لری" نشر اولدو.او ایستیردی نظامی گنجوی شعرلریندن رمانس- غزل دوزلده امما یالنیز " سن سیز" و " سئوگیلی جانان" ی قورتارا بیلدی.عومرونون آخیرلاریندا "فیروزه" آدلی بیر اپرا طرح ائدیردی امما بو طرح عمل ده اولمادی.او ۱۹۴۸ نوامبر آیی نین ییرمی اوچونده چوخ ایشله مک دن توره نن چتین خسته لیک له و بیر حالدا کی بوتون یاشامی آذربایجان کولتورونون یوکسلمه سینه صرف اولموشدو، حیاتلا وداعلاشدی.
اوزئییر حاجی بیلی بویوک بسته کار؛ پئشه کار موسیقی نین اساس قویانی، تئوریسین؛ یازیچی؛ شاعیر،ترجومه چی و آزادلیق یولونون دویوشچوسی و آذربایجان خلقی خادیمی ایدی.آذربایجان موسیقی تاریخی و بحثلری اونون آدی ایله باغلی دیر.اونون اثرلری و خیدمتلری موسیقی ده بویوک و حورمته لاییق دیر.او ایلک اپرا و ایلک آذربایجان موزیکال کمدی سی یازان ایدی.اونون یارادیجیلیقی هم آذربایجاندا و هم ده باشقا سرحدلرده اوغور و شهرت قازانیب و بوتون میللت لرین کولتور و مدنیتینه چئوریلیب.
اوزئییر حاجی بی اُف عبدالحسین اوغلو(۱۸ سپتامبر ۱۸۸۵-۲۲ نوامبر۱۹۴۸) آذربایجانین آدلیم بسته کاری شوشا یاخینلیقیندا آقجا بدیع کندینده دوغولدو.او عبدالحسین منشی و شیرین خانیمین اوغلویدی.او هم ده دمکراتیک آذربایجان جمهوریسی نین مملکت وزیری ایدی(۱۹۱۸-۱۹۲۰).
او گونئیین و شوروی نین ایلک بسته کاری ایدی و هونرمند خلق مدالی آلدی.هم ده لنین نیشانینی آلدی.او ایندیکی آذربایجان جمهوریسی نین میللی مارشی و شوروی جمهوریسی نین دولت مارشی نین یازانی دیر.

https://t.me/Adabiyyatsevanlar

اوشاق ادبیاتی
اوشاق ادبیاتی هر هفته پنجشنبه گونو ادبیات سئونلر کانالیندا .
اوشاق ادبیاتینا دایر یازیلارینیزی بیزه گوندرین .

https://t.me/Adabiyyatsevanlar

اوشاق ادبیاتی هر هفته پنجشنبه گونو ادبیات سئونلر کانالیندا

قوش یوواسی
رسول ریضا

▫️گؤیرچین

چؤل قوشودور گؤیرچین
اهلی گؤیرچین ده وار
نه تاپسا داری، مرجی
دنله‌ییب یاشاییرلار

قارا، ساری، آغی وار
گؤی زولاق- زولاغی وار
گاه اوچور دسته- دسته
گاه قونورلار دام اوسته.

https://t.me/Adabiyyatsevanlar

اوشاق ادبیاتی هرهفته پنجسنبه گونو ادبیات سئونلر کانالیندا
ویدا حشمتی

اوشاق شعری
ویدا حشمتی

نغمه_بیزیم

آلای آلای اوشاقلار
نه گؤزل بوی آتیریق
دانیشیریق، گولوروک
غم- غصه‌نی آتیریق

دووارداکی شکیللر
یوخوموزا بنزه‌ییر
بح-بح گؤزل معللیم
دونیامیزی بزه‌ییر

نه گؤزه‌لدیر بو حیات
گؤیلوک بیزیم، گؤی بیزیم
آچاجاغیق قول-قانات
نغمه‌بیزیم ، سوُی بیزیم

https://t.me/Adabiyyatsevanlar

اوشاق ادبیاتی هرهفته پنجشنبه گونو ادبیات سئونلر کانالیندا

گئدیرسینیز سرگییه منده کیتاب آلین .

https://t.me/Adabiyyatsevanlar

اوشاق ادبیاتی

سحرخیاوی

اومود

اودوزوبدو اویوندا
آغلاییردی او اوشاق
دیزینین سیوریگینی
باغلاییردی او اوشاق

گونَش گئدیر باتماغا
داغ دالیندا یاتماغا
قارغالاردا گئدیردی
ائولرینه چاتماغا

هاممی ائوینه؛ دئدی
دسته-دسته اوشاقلار
چوبان چوءلونه؛ دئدی
دسته دسته اوشاقلار

سوزولدو ائوه ساری
گوءلمَج اوسته اوتوردو
خلوت ائلیردی اوردا
بیر سونوجا چاتیردی

فیکیرلشدی دونیایا
دَرینی دایازی وار
بورانلی پاییز-قیشین
دالیجا شَن یازی وار

یئریمیزدیر یووارلاق
اودارسان، اودوزارسان
حیات مشقی دفترین
گاه یازیب گاه پوزارسان

سیلدی گوءز یاشلارینی
اوزون یودو گوله رک
آی دا گولوردو سودا
اونا اومود وئره رک

سالدی سویا آیاقین
قیرمیز بالیق اوءپوردو
یورغون کیچیک آیاغا
کوپوک دن گول سَپیردی

https://t.me/Adabiyyatsevanlar

اوشاق ادبیاتی
شعر: مرتضا مجدفر
سس: فرح اصغری

https://t.me/Adabiyyatsevanlar

اوشاق ادبیاتی

روزبه صمدی

آنا

آنام آنام آی آنام
اؤزوم سنه قوربانام

ایستکلی‌سن مهربان
چوخ سئومه‌لی بیرانسان

اؤرگدیبسن دیل منه
چوخ عزیزسن بیل منه

یول گؤستردین آزمیام
خلقه قویو قازمیام

سنه خدمت دونیادا
وظیفه‌دیر ائولادا

یوز ایلده عمر ائیله‌سن
قوللوغوندا وارام من

https://t.me/Adabiyyatsevanlar