یاغما یاغیش

گوللو_مراد_اووا

https://t.me/Adabiyyatsevanlar

آیدین ساو
آنا دیلیمیزده اوشاق ادبیاتینا دایر کیتابلاری تبریز کیتاب سرگی سینده آیدین ساو غرفه سیندن آلاق .

https://t.me/Adabiyyatsevanlar

حکیم نظامی گنجه ای غرفه سی

بویوک آغا افندی نین ساتیریک یازیسی ویترینده قالان بایات گولوش (طنزاؤیکو توپلوسون) تبریز کیتاب سرگی سینده
حکیم نظامی گنجه ای غرفه سیندن آلاق .

https://t.me/Adabiyyatsevanlar

طنز بویوک آغا افندی
موشدولوق ، موشدولوق
قبیر باهادی ؟
آلا بیلمیرسینیز ؟
ایسته میرسینیز اولونوزو شهرداری گوتوروسون ؟
خیالی نیز راحات دئییل اوله بیلمیرسینیز ؟
داها اولمه یه هئچ نیگرانچلیق یوخدو .
اون ایللیک ، ایگیرمی ایللیک کیرایه قبیرلری بوتون قبیریسانساندیقلاردا بیزیم هاماشلاریمیزدان ایسته یین ،
شومالی قبیرلر آیدا بئش یوزمین .
جونوبی قیبله یه دوغرو ایستی قبیرلر آیدا بیرمیلیون .
یئیلاق- قیشلاق ائلیین حورمتلی اولولره آیدا یوزمین ایندیرم اولاجاق .
قضالاردا ، عائیله وی ساواشمالاردا عائیله وی اولنلره 30 فایض ایندیرمدن باشقا اون طبقه یه جه سوپر قبیر ساهمانلامیشیق .
تلسین اولون ،اینانین بئش ایل بوندان سونرا بو قبیرلرینده حسرتین چکه جکسینیز.
تلسین تا کیرایه قبیرلر دولوب قورتارمامیش،ایجاره لری آرتمامیش لاپ اوجوز واختا اولون .
بیزیم قبیریلریمیزده اولمک دئورانین راحاتیقدا سورون .
انکیر، منکیره سیفارش قبول اولور .
خوش حساب اولولرین قبیرلرینین قرارداد لاری قورتولاندان سونرا گون نرخیلا یئنی دن قرارلاناجاق.

https://t.me/Adabiyyatsevanlar

یارامی بوغدا باغلاییر
شعر توپلوسو
بهروز صدیق
گرافیست؛ آیخان علی‌زاده تبریزلی
انتشارات ساوالان ایگیدلری
تهران - پاییز- ۱۳۹۸
چاپ- صحافی:
یاشماق_سیرا_کیتابلای
چاپاحاضیرلایان: سعید‌موغانلی


بوراخسان قاپاجاق بو ایت‌اوغلو ایت
قفیلدن گلن بو آغرینی دئییرم.
سسلر گلیر؛ قیزیل گولون اوغونتوسو
تاخیل تارلاسینا آچیلان آتوشگه سانکی
گئرچک اولمور
کؤپک سرطانین منی یاخالاما احتمالی
یارامی بوغدا باغلاییر...

نمایشگاه_کتاب_تبریز_مهر_آبان_۹۸
ساوالان_ایگیدلری_انتشاراتی
یاشماق_سیرا_کیتابلای

https://t.me/Adabiyyatsevanlar

تبریک لر، اوغورلار
"یارامی بوغدا باغلاییر" شعرتوپلوسو سئویملی قوروپداشیمیز بهروز صدیق جنابلارینین
دیرلی اثری ایشیق اوزو گوردو .
ادبیات سئونلر ، بهروز صدیقی اوره ک ائویندن تبریک ائدیب یئنی اوغورلار آرزو ائدیر .

https://t.me/Adabiyyatsevanlar

"عدم اعطای مجوز حضور برای ناشرین کتب تورکی در نمایشگاه کتاب تبریز"

به گزارش آنلاین کیتابچی، چندین تن از ناشرین کتب تورکی طی تماس‌های تلفنی با ادمین آنلاین کیتابچی از عدم اعطای مجوز حضور برای شرکت در این نمایشگاه استانی خبر داده‌اند.
محمد صبحدل مسئول انتشارات بوتا در این رابطه گفت: «با وجود اینکه ما به عنوان اولین ناشرین در سایت مربوطه ثبت‌نام کرده‌ایم، مسئولین اعلام داشتند غرفه کافی نداریم.»
با وجود پیگری‌های متعدد ناشرین کتب تورکی از اداره کل فرهنگ و ارشاد اسلامی آذربایجان شرقی، هیچ پاسخ قانع‌ کننده‌ای دریافت نکرده‌اند.
لازم به ذکر است که تا آغاز این نمایشگاه بزرگ کتاب تنها سه روز باقی است و در صورت عدم حل این مسئله، ناشرین آذربایجانی با محرومیت از حضور در این اتفاق بزرگ فرهنگی، مهلکترین ضربه اقتصادی را در سال جاری متحمل خواهند شد.
بر اساس اخبار آنلاین کیتابچی تا بدین لحظه به هیچ یک از ناشرین ذیل مجوز حضور در نمایشگاه تبریز اعطا نشده است:
۱-بوتا(اورمیه)
۲- یاز(اورمیه)
۳- آذرتوران(تبریز)
۴- دنیزچین(تبریز )
۵- کیرپی(تبریز)
۶- پارلاق قلم(بناب)
۷- اندیشه نو(تهران)

https://t.me/Adabiyyatsevanlar

✅✅✅سایین قورپداشلار
بوگئجه: 97/7/27
ساعات: 21
ادبیات سئونلر قوروپوندا سسلی شعیر گئجه سی اولاجاق سئویملی شاعیرلری گوزل سسلی دیکلاماتورلاری سیجاق قاتیلماغا دعوت ائدیریک .

https://t.me/Adabiyyatsevanlar

اوستاد" یحیی شیدانین" ابدی خاطیرسینه عشق اولسون .

مهر آیی نین۲۷سی، اوستاد《یحیی شیدا》نین وفاتینین ۸ نجی ایل دؤنومونو خاطیرلایاراق، ادبیات و جمعیت خادیمی اولان شیدانین امکلرینه عشق اولسون دئییریک.

https://t.me/Adabiyyatsevanlar

چاغداش سربست غزل

کامیل قهرمان اوغلو

سنسيز (5:10)، بئشي اون ديقه ده اؤلسم خوش اولارسان؟
تابوتي گؤورسم_گؤتورولسم، خوش اولارسان؟
1
سنسيز ساعات 11 چاپاچاقدير هاراييمدا
من اؤز _اؤزومو گؤيلو توكولسم، خوش اولارسان؟
2
اعدام لالالي داملاجيغيم لايلالي لئيليم!
قانچيل ياماقام سنده سؤكولسم خوش اولارسان؟
3
سانجير قانيمين تانريسي تئل_تئل قورانيندا
تورات كيمي انجيل ده بوکولسم خوش اولارسان؟
4
چيمديم سسيني دستاماز آلديمدا، آديندا
سنسيز صالاواتلاردا دؤيولسم خوش اولارسان؟
5
من، يعني شهيدم بوغزل انتحاريندا
سن، يعني ساچينلا سوپورولسم خوش اولارسان
6
هرگون يارامين ساچلاريني لزگي گئديرسن
قارتال لئشيمي بالتادا گولسم، خوش اولارسان؟
1390/7/23


https://t.me/Adabiyyatsevanlar

پالیدلارین یوخوسو

"نیر اوغلو "


سویوقدو، جوم جولوق اولدوم یاغیشدا ، چیرپینیرام
کولکدی، قاردی، سـوروشکندی، قیشدا چیرپینیرام

تولندی قوش تک آغاجلار، کفن بوروندو چمن
پالیدلارین یوخوسوندا، تالیشدا چیـرپینیرام

جوجرمه‌یین هوسی قات با قات ایچیمده دوْنوب
خیالدا یازدا شوخوم واختی خیشدا چیرپینیرام

آسیلمیشام، گئجه‌نین جمده‌یینده ، اوْد قالایین
دوعالی دیل دوداغام یالواریشدا چیرپینیرام

قاچاقدی روحوم ازلدن سیخینتی قان قادادان
قارانقوشام بیر آووجلوق باریشدا چیرپینیرام

هؤروبدو دؤره‌می اوچروملو تینلی سرت‌قایالار
دبرمگ اولمور آمان، بیر قاریشدا چیرپینیرام

آلوو دوشوب جانیما قوزانیب سیزیلتی سسم
یانیقلی ناله‌ کیمین بیر قامیشدا چیرپینیرام

گلین یاخین گونشین تندیرینده سیز جانیمی
دویونلو حسرته دؤندوم، باخیشدا چیرپینیرام

«نیراوغلویام » سیمین اوستونده کؤرپه سئرچه کیمی
سویوقدو، جوم جولوق اولدوم، یاغیشدا چیرپینیرام

https://t.me/Adabiyyatsevanlar

رحمتلیک اوستاد #یحیی_شیدانی آنماق قصدی ایله

افشین شهبازی ایله دانیشیقدان ایکی سوالا جاوابیم:


◀️ س: بیر آز اؤزونوزدن دانیشاق. دانیشگاهدا فارس ادبیاتی اوخویوبسوز ائله دیر می؟

✅ ج: ائله‌دیر. #تبریز_دانیشگاهیندا فارس ادبیاتی اوخوموشام. اؤزوم #موغاندا بویا-باشا چاتمیشام. ایندی ده بورادا ساکینم.

◀️ س: بو دورومدا هانسی سبب دن آذربایجان ادبیاتینا اوز گتیردینیز؟

✅ ج: منیم آذربایجان ادبیاتینا ماراغیم دانیشگاهدان قاباغا عاییددیر. ایلک شعریم "#وطن" آدیندا 1369 دا یعنی بیر ایل دانیشگاها گئتمه‌میشدن قاباق چاپ اولوبدور. او زامان بیر چوخ شاعیرلر ایلک باشلانغیجدا فارسجا یازماقدان باشلاییردیلار ایندیکی دورومون ترسینه اولاراق. ایندی اکثر حالدا، یازانلاریمیز #آنا_دیلینده یازماغا باشلاییرلار. او زامانلار تورکجه کیتاب تاپماق اولمازدی. #فضولی‌نین دیوانینی تاپماق اوچون هر یئری آلاخ-بولاخ ائله‌دیم. هر زامان گؤز-قولاغیمی آذربایجان رادیو-تئلویزیونونا دیکیردیم کی هارداسا بیر موغننی ماهنی آراسی بیر غزل اوخویاجاقدیر. قلم الیمده اونون اوخودوغو غزلی یازیردیم. کلاسیمیزدا منه تای چوخلاری وار ایدی. "#رامیز_تاینور" موغننی‌لرین اوخوماقلاریندان بیر بؤیوک دفتر شعر توپلامیشدیر. بئله‌لیکله منیم هوسیم آنا دیللی ادبیاتا آرتدی. بو هوسله ده یاشادیم. یادیمدادیر: فضولی دیوانینی #کیریل الیفباسیندان ایکی یوز صحیفه‌لیک بیر دفتره کؤچورموشدوم. اوندا هله دانیشگاها گئتمه‌میشدیم. عمیم نوه‌سی فرهاد [مهندس #فرهاد_شهبازی] اؤزو ده ادبیاتچی ایدی، باخدی منیم ایشیمه دئدی کی: بو ایش فیل ایشی‌دیر. بیز بو سئوگی ایله یاشاییردیق. آنجاق دانیشگاه منیم آخدیغیم جیغیری دَییشدی. یئنی و چاغداش دونیا ادبیاتی ایله تانیش اولدوم. اؤزللیکله پرافسیونال یازمامیشدان قاباق اوخوماغا داها چوخ اؤنم وئردیم. دانیشگاهدا عمومییتله کلاسیک ادبیاتی "#فقه‌اللغه" باخیمیندان اوخویوردوق. یعنی لغت‌لرین آنلامینی آچیقلاییردیق. کلاسیک ادبیات اؤزو ده هئچ دانیشگاهدا بیر گون گؤرمه‌دی. لغت‌له مشغول اولدوقدا، اؤیرنجی اوخودوغو متنین نه دئدییینی بیلمیردی. هئچ زامان اونوتمارام منیم جیغیریمی دَییشن کیتابلاری؛ دوکتور #رضا_براهنی‌نین کیتابلاری، اؤزللیکله "#قصه‌نویسی" کیتابی‌نین ایلک 200 صحیفه‌سینی. بو کیتابلا من بو نتیجه‌یه چاتدیم کی ادبیات هارداسا یئر اوزونده یارانا بیلر. او زامانا قدر ادبیاتی، کلاسیک ادبیاتین ائتکیسی نتیجه‌سینده گؤیلرده اولدوغونو بیلیردیم. داها دوغروسو بو زاماندان منده ادبیاتا داها چوخ اجتماعی بوجاقدان یاناشما دویغوسو یاراندی. اوخودوم...اوخودوم... یورولمادان اوخودوم. آنجاق یئنه ده سوسوز قالدیم. هفته ایچی، بئش کیتاب اوخومادان دینجلمزدیم. دانیشگاهین و تبریزین #تربیت ایله #ملی_کیتابخاناسینا دا عضو اولدوم. هر بیریسیندن هفته ایچی کیتاب آلیردیم. تبریز دانیشگاهیندا کیتابخانادا ایشله‌ین کیتابچی‌لاردان بیری بیر گون منه دئدی ‌کی: "سن قورتاریب گئتسئیدین بیز ده راحات اولاردیق" طبیعی کی بونو آجیق اوزوندن دئمیردی. اونلار همیشه هوسله منه کیتاب وئریردیلر.
دانیشگاهدا ایکینجی مسئله، ادبی ییغینجاقلار ایدی. او زامان ادبی ییغینجاقلاردا اولان دارتیشمالار اولوردو. دریدن-قابیقدان چیخان شاعیرلریمیز وارایدی. اونلار دا منه تای ادبیات سوسوزلاری ایدیلار. اونلار گنج ایدی؛ 70.جی اون ایللیین ادبیاتینی اؤزو ده #مدرن_ادبیاتینی یارادانلار اولدولار. چالیشدیلار...چالیشدیلار نتیجه ده آلدیلار. بونو من الیمده اولان "#آذربایجان_شعرینده_مدرنیزم" آدلی کیتابیمدا آچیقلامیشام. بونلار بیزه شوخلوق گلیر. آنجاق حقیقتن بو ادبی ییغینجاقلاردان میثال اوچون: #هادی_قاراچای، #کیان_خیاو و باشقالاری چیخدیلار. رحمتلیک #یحیی_شیدانین #مهد_آزادی قزئتینده تورکجه صحیفه‌سی و همین قزئتین "#آدینه" صحیفه‌سینی چیخاران #قاسم_تورکان جنابلاری‌نین بو گنج‌لرین اثرلرینی یایماقدا چوخ دانیلماز رول‌لاری وارایدی. بونلاری لازیم اولسا داها آرتیق آچیقلاماق اولار.

قایناق : دوشرگه

https://t.me/Adabiyyatsevanlar

دونیا سندن کیم لر کئچدی...
آلدیغیمیز آجی خبر اساسیندا آذربایجانین تانینمیش یازیچی سی حسن اومود اوغلو نون حورمتلی آناسی حیاتا گوز یومدو.
ادبیات سئونلر بو آجی آیریلیغی اومود اوغلو عائیله سینه ،قونوم اقروباسینا ، شاعیرین قلم داشلارینا باش ساغلیغی وئریر .
ا دبیات سئونلر 98/7/27

https://t.me/Adabiyyatsevanlar

اوستاد شیدا حقینده اجتماعی رادیوسونون ائلدار موغانلی ایله مصاحبه سی.

https://t.me/Adabiyyatsevanlar

تبریز کیتاب سرگیسینده سیزلری گؤزلوروک
مهر آیینین 29-دان آبانین 4-ه قدر
پروین اعتصامی سالونو

https://t.me/Adabiyyatsevanlar

"سعاد_الصباح"

ترجمه: صالح_بوعذار

ﺳـﻮﻑ ﺃﺑﻘﻰ ﺩﺍﺋﻤﺎ..
ﺃﻧﺘﻈﺮ ﺍﻟﻤﻬﺪﻱ ﻳﺄﺗﻴﻨﺎ
ﻭﻓﻲ ﻋﻴﻨﻴﻪ ﻋﺼﻔﻮﺭ ﻳﻐﻨﻲ..
ﻭ ﻗﻤﺮ..
ﻭ ﺗﺒﺎﺷﻴﺮ ﻣﻄﺮ..
ﺳﻮﻑ ﺃﺑﻘﻰ ﺩﺍﺋﻤﺎ..
ﺃﺑﺤﺚ ﻋﻦ ﺻﻔﺼﺎﻓﺔ.. ﻋﻦ ﻧﺠﻤﺔ..
ﻋﻦ ﺟﻨﺔ ﺧﻠﻒ ﺍﻟﺴﺮﺍﺏ..
ﺳﻮﻑ ﺃﺑﻘﻰ ﺩﺍﺋﻤﺎ..
ﺃﻧﺘﻈﺮ ﺍﻟﻮﺭﺩ ﺍﻟﺬﻱ
ﻳﻄﻠﻊ ﻣﻦ ﺗﺤﺖ ﺍﻟﺘﺮﺍﺏ!
---------------------
همیشه منتظر خواهم ماند‌؛
تا منجی ظهور کند
در حالی‌که در ‌چشمانش،
گنجشکی‌ست که آواز می‌خواند
و ماه...
و مژده‌های باران...
همیشه در جستجوی درخت بیدی...
ستاره‌ای...
بهشتی در ماورای سرابی،
خواهم ماند.
همیشه،
منتظر گل‌هایی خواهم ماند،
که از زیر خاک می‌رویند!


https://t.me/Adabiyyatsevanlar

✅✅✅سایین قورپداشلار
بوگئجه: 97/7/27
ساعات: 21
ادبیات سئونلر قوروپوندا سسلی شعیر گئجه سی اولاجاق سئویملی شاعیرلری گوزل سسلی دیکلاماتورلاری سیجاق قاتیلماغا دعوت ائدیریک .

https://t.me/Adabiyyatsevanlar

سسلی شعیر گئجه سی 98/7/27

ارغوان

شعر: ودود دوستی (و. ایلقار)

سس: ائلناز کریم پور

https://t.me/Adabiyyatsevanlar

سسلی شعیر گّجه سی 98/7/27

سس و سوز : نیر اوغلو
https://t.me/Adabiyyatsevanlar

سسلی شعیر گئجه سی 98/7/27

سس و سوز : سحر بانی
https://t.me/Adabiyyatsevanlar

سسلی شعیر گئجه سی 98/7/27

سس و سوز : اوستاد یحیی شیدا
https://t.me/Adabiyyatsevanlar