اوشاق ادبیاتی
شهرام گلکار : اوشاق ادبیاتینین امک داشی

✅خانيم فتحى

خانيم فتحى، خانيم فتحى
مدرسه‌يه يولا دوشور.
قالديريملار، داش-دووارلار،
سالاملايير،
آيغين اؤپور،-
قوش جيغازلار، آغاجلار
خول-بوداقلار،
توراجلار.
قاريشقالار، بؤجوكلر
قيزيل گوللر، چيچكلر.
اوتوبوسلار، ماشينلار
بولوارداكى چمنلر
هارايلاييب،
قييلاييرلار؛
"خانيم فتحى، خانيم فتحى."

بيرآزدان‌سا كلاسدا
آنلاداجاق خانيم فتحى،-
هارايلايان وارليقلارى،
اوشاقلارا!

مكتبى ترک ائدنده‌سه
حياتين معليمينى،
هارايلايار مينى بوسدان
ميليون-ميليون
مينى اؤپوش
مينى انسان
مينى نفس
كؤرپه-كؤرپه حيات سسى،-
خانيم فتحى،
خانيم فتحى...

https://t.me/Adabiyyatsevanlar

اوشاق ادبیاتی
آیدین باخیش : اوشاق ادبیاتینین امک داشی

« میلچک »
تمیزلییی دانمیشام
من بو جور یارانمیشام
قانادیم وار وز وزام
چتین کی من اوتوزام
هاردا واردی زیر زیبیل
یئر یوردومو اوردا بیل
باتیق دیر آغزیم دیشیم
... یئمک منیم ایشیم
چوخ سئوه‌‍رم زور دییه‌م
ال چکمه‌رم سورتویم
هاممی دئییر دای ال چک
ایتیل پیس اوزلو میلچک
الیندن جانا گلدیک
والله زینهارا گلدیک
https://t.me/Adabiyyatsevanlar

اوشاق ادبیاتی

مئهریبان اولاق

https://t.me/Adabiyyatsevanlar

اوشاق ادبیاتی
هرهفته پنجشنبه گونو ادبیات سئونلر کانالیندا
اوشاق ادبیاتینا دایر یازیلارینیزی بیزه گوندرین

https://t.me/Adabiyyatsevanlar

اوشاق ادبیاتی

جیرتدانین ناغیلی
اویغونلاشدیران : نوریه لوح

حاضیرلایان:پریسا داداش پور
رسام:سحرالسادات موسوی

بیری واریدی،بیری یوخیدی ،بیر قاری واریدی.بو قارینین بیر بالاجا نوه سی واریدی نوه اوقدر بالاجا ایدی کی اونا جیرتدان دئیردیلر.
بیر گون جیرتدان گوردو کی قونشو اوشاقلاری مئشه یه اودونا گئدیلر،گلیب ننه سینه دئدی:
_آی ننه،اوشاقلارلا منده اودونا گئده جه یم
قاری اوشاقلاری چاغیریب هره سینه بیر پارچا یاغ یاخماجی وئردی.جیرتدانی دا اوشاقلارا تاپشیردی.
یولدا جیرتدان اوزونو یئره ووروب گئتمه دی،یولداشلاری دئدیلر:آی جیرتدان نییه گلمه ییرسن؟
جیرتدان دئدی:ننه م منی سیزه تاپیشیریب،منی دالینیزا آلیب آپارین.یولداشلاری اونو نووبه ایله داللارینا آلیب،مئشه یه گتیردیلر.
اوشاقلار باشلادیلار اودون ییغماغا.گوردولر کی،جیرتیدان ییغمیر.دئدیلر:
_آی جیرتدان نییه اودون ییغمیرسان؟
جیرتدان جواب وئردی:
ننه م منی سیزه تاپیشیریب منه ده ییغین.
اوشاقلار اونادا اودون ییغدیلار.سونرا هرکس اوز اودونونو شله باغلاییب دالینا آلدی.گوردولر جیرتدان اوتوروب باخیر.اونا دئدیلر:آی جیرتدان نییه اودونونو گوتورمورسن؟
جیرتدان جواب وئردی:
دئدیلر آی جیرتدان نییه آغلاییرسان؟؟
جیرتدان جواب وئردی:یورولموشام ننه ام سیزه یاغ یاخماجی وئردی...
یولداشلاری جیرتدانین سوزونو آغزیندا قویدولار.اونلاردان بیری جیرتدانا آجیغلاندی:
پیس اویرنرسن.داها سنی دالیمیزا گوتورن دئییلیک!
جیرتدان علاجسیز قالیب یولداشلارینین دالینجا گئتمه یه باشلادی.اونلار بیر خیلی گئتدیکدن سونرا آخشام اولدو.قارانلیق قوووشدو،یولو آزدیلار.مئشه دن چیخاندا گوردولر کی،بیر طرفدن ایشیق گلیر،اوبیری طرفده ایت هورور.بیری دئدی:ایشیق گلن طرفه گئدک.او بیری دئدی:ایت هوره ن طرفه‌،بیلمه دیلر ها طرفه گئتسینلر.آخیردا جیرتدان دان سوروشدولر:
آی جیرتدان ایت هورن طرفه گئدک،یوخسا ایشیق گلن طرفه؟
جیرتدان جواب وئردی:
ایت هوره ن طرفه گئتسک،ایت بیزی قاپار.ایشیق گلن طرفه گئدک بلکه یولو تاپا بیلدیک.
اوشاقلار ایشیق گلن طرفه گئدیب بیر دیوین ائوینه چیخدیلار.دیو اونلاری گورن ده سئوینیب اوز_اوزونه دئدی:یاخشی اولدو گئجه اونلاری بیر_بیر یئیره م."
اوشاقلارا بیر آز چورک یئدیردیب یاتیردی.گئجه دن بیر آز کئچندن سونرا دیو اوشاقلارین بیری یئمک ایسته دی.اوشاقلارین یاتیب_یاتمادیغینی بیلمک اوچون دئدی:کیم یاتیب،کیم اویاقدی؟
بو سوزو ائشیدنده جیرتدان تئز باشینی قالدیریب دیللندی:هامی یاتیب،جیرتدان اویاق دی.
دیو سوروشدو :جیرتدان نییه یاتمیرسان؟
جیرتدان دئدی:ننه م منه هرگئجه قایغاناق بیشیرردی،یئدیردیب یاتیراردی.
دیو قالخدی،تئز قایغاناق بیشیریب جیرتدانا یئدیرتدی کی،بلکه یاتسین.
بیر قدر کئچندن سونرا دیو یئنه سوروشدو:کیم یاتیب،کیم اویاق؟
یئنه جیرتدان باشینی قالدیریب دئدی:هامی یاتیب،جیرتدان اویاق.
دیو سوروشدو:جیرتدان نییه یاتمیرسان؟
_هرگئجه ننه م منه چایدان خلبیرله سو گتیرردی.
دیو آیاغا قالخدی،بیر خلبیر گوتوروب چایدان سو گتیرمه یه گئتدی.جیرتدان دا تئز یولداشلارینی اویادیب دئدی:
_بو دیو بیزی یئمک ایسته ییر.قالخین،قاچاق.
اوشاقلار تئز قالخدیلار،قاچیب چایدان کئچدیلر.
بو طرفدن دیو نه قدر خلبیری سویا سالیب قالدیرسادا،گوردو کی خلبیرده سو قالمیر.اخیردا تنگه گلیب قاییتماق ایسته ینده.بیردن گوردو کی اوشاقلار چایین اوطرفینده گئدیرلر.ایسته دی سوران کئچیب اوشاقلارین داللارینجا دوشسون.اما کئچه بیلمه دی.
آخیردا اونلاری سسله دی:آی اوشاقلار سودان نه تهر کئچدینیز؟
جیرتدان تئز جواب وئردی:گئت بیر دییرمان داشی تاپ،بوینونا کئچیرت،اوزونو سویا آت،اوندا کئچرسن
دیو جیرتدانین سوزونه ایناندی،گئدیب بیر دییرمان داشی تاپیب بوینونا کئچیرتدی،اوزونو سویا آتدی،سودا بوغولوب اولدو.


https://t.me/Adabiyyatsevanlar

اوشاق ادبیاتی
بهروز صدیق : اوشاق ادبیاتینین امک داشی

بولاق ، مئشه ، گؤی چمن

سيزينله يم گونده من

سن ده منله ای وطن

« تكی اينسان سولماسين »

* * *

سئوسين گوللری شبنم

اوره ك سئوگی يه همدم

گؤيده ن گونش گتيرره م

« تكی اينسان سولماسين »

* * *

آرزوم


دوزدور اوشاقدير آديم

آمما كی آرزوم بؤيوك

آلينماسا فرياديم

وارليغا اوللام دؤنوك

* * *

عؤمور سورسه م آرزوسوز

ناغيل منه ياد گلر

چورويه ره م آغريدان

ماغيل منه ياد گلر

* * *

آرزولاريم نه دير نه

ايتسين آجليق فلاكت

ياشيدلاريم دونيادا

شن ياشاسین نهايت

https://t.me/Adabiyyatsevanlar

اوشاق ادبیاتی
هرهفته پنجشنبه گونو ادبیات سئونلر کانالیندا .
اوشاق ادبیاتینا دایر یازیلارینیزی بیزه گوندرین

https://t.me/Adabiyyatsevanlar

اوشاق ادبیاتی

نیراوغلو: اوشاق ادبیاتینین امک داشی

آغاج
.....
آغ قانادلی بیر قوشام
بیر آغاجا قوْنموشام

آغاج ندیر ؟ بیر چینار
چیناردا بیر یووام وار

بو آغاجدا تک به تک
چوخلی قوش‌وار منیم تک

آغاج بیزه وطن‌دی
وطن گؤزدی بدن‌دی

دوشمنلره اویماروق
چیناردان بیز دوْیماروق

کسه بیلمز بالتاچی
اَل بیر اولساق آغاجی


https://t.me/Adabiyyatsevanlar

"دومان_یالچین"

زامان گولوشونو اکیبدی یئره
آغزیندا دیشلری بیر-بیرین تؤکور
اینی کؤینه یینه بیراز دارالیب
شالواری قیچیندا یاخاسین سؤکور

گور سسی شهری سالاما سوخور
الینده قزئتلر رنگینی سؤلور
سؤزلری عاغلینی گولوشه سریب
دوداغیندا دردین گؤزلری گولور.

آه...الی قارنیندا شهری گزیب
کوچه قوجاغیندا دینجینی آلیر
معده سی اؤزونه توی-بایرام توتوب
یوخسوللوق ماهنیسین مورگولو چالیر.

یئردن قورو چؤرک پاراسی تاپیب
یئمه یینی اؤپوب آغزینا تپیر
پاییز جیبلرینده گیلاوار اسیر
الیله غئیرتین قزئته سپیر.

ازلدن عاغلینی دانیر بلکه ده
دلیخای دونیادا سئوینج آراییر
گؤزلرینده حایات اؤزونو بوغوب
داغینیق تئللرین ظولوم داراییر...

https://t.me/Adabiyyatsevanlar

"سحر_خیاوی"

پاییزلی کوچه

سو سَپدیم دالیجا،"قاییدار"دئدیم
اینامیم واریدی آیدینلیقدی سو
بیلمیردیم اویخویا دوءنَر بو سئوگی
بیلمیردیم اوتوز ایل چَکَر بو یوخو

بلکه ده دالیجا سپدیگیم او سو
بوغازیندا قالدی یازیق کوچه نین
بئله کی پاییزلی، اوسکورک توتوب
احوالی من کیمی پوزوق کوچه نین

اونون اللرینی ایتیرن گون دن
قلبیمین شوشه سی اولوب چات با چات
داها قاتیلاشیب یالقیزلیغلاریم
کیم بیلیر؟کیم بیلیر اولوب نئچه قات؟

ایللردیر سورونور قادین پالتاریم
مطبخ دن اوتاغا،اوتاق دان هالا
زورولا حیاتا قیفیللیر اوءزون
زورولا یاشامین دوغراییر بالا

کئشگه کَدَری ده زیر-زیبیل کیمی
سوپوروب باییرا توءکمک اولایدی
کئشگه تالان اولموش اوره کلرده آه
بیرده سئوینج گولو اَکمک اولایدی

گوزگونو سیلمه گی بیر بهانه دیر
تک اوءزو آنلاییر،تک اوءزو بیلیر
اوره گی قیریلیب گئدندن بری
آینادان توزو یوخ،"اوءزونو"سیلیر

https://t.me/Adabiyyatsevanlar

گۆن‌آیدین
سعید موغانلی

یاز بیر حادیثه دَڲیل سن‌سیز
یاشیل گؤزلرین
قانا دؤنمۆش یای گیلاسېی دېر’سا
باخ
شکی دؤش‌لرینده قۏرالېق‌لارا کئفلی‌دیر پاییز
و قیرخ یاشیندان باشلانان
ساچ‌لاریندې قیش

قار گوللـه‌لری’له-گوللـه‌له‌نن من
-و یازی لاردا سئویلن وطن-
گۆن‌آیدین سئوگیلیم
گۆن‌آیدین آی قیز!!!!
گۆن‌آیدین بئش بؤلۆک خزر دنیزی
و یالنیز
ماهنی لاردا اونودولمایان قاراباغ یازی
گۆن‌آیدین
قاراباغ شیکسته‌سی‌نین قارداش‌سېز قیزی...


https://t.me/Adabiyyatsevanlar

Yusuf Hayaloğlu

Neylersin


https://t.me/Adabiyyatsevanlar

یاغما یاغیش

گوللو_مراد_اووا

https://t.me/Adabiyyatsevanlar

آیدین ساو
آنا دیلیمیزده اوشاق ادبیاتینا دایر کیتابلاری تبریز کیتاب سرگی سینده آیدین ساو غرفه سیندن آلاق .

https://t.me/Adabiyyatsevanlar

حکیم نظامی گنجه ای غرفه سی

بویوک آغا افندی نین ساتیریک یازیسی ویترینده قالان بایات گولوش (طنزاؤیکو توپلوسون) تبریز کیتاب سرگی سینده
حکیم نظامی گنجه ای غرفه سیندن آلاق .

https://t.me/Adabiyyatsevanlar

طنز بویوک آغا افندی
موشدولوق ، موشدولوق
قبیر باهادی ؟
آلا بیلمیرسینیز ؟
ایسته میرسینیز اولونوزو شهرداری گوتوروسون ؟
خیالی نیز راحات دئییل اوله بیلمیرسینیز ؟
داها اولمه یه هئچ نیگرانچلیق یوخدو .
اون ایللیک ، ایگیرمی ایللیک کیرایه قبیرلری بوتون قبیریسانساندیقلاردا بیزیم هاماشلاریمیزدان ایسته یین ،
شومالی قبیرلر آیدا بئش یوزمین .
جونوبی قیبله یه دوغرو ایستی قبیرلر آیدا بیرمیلیون .
یئیلاق- قیشلاق ائلیین حورمتلی اولولره آیدا یوزمین ایندیرم اولاجاق .
قضالاردا ، عائیله وی ساواشمالاردا عائیله وی اولنلره 30 فایض ایندیرمدن باشقا اون طبقه یه جه سوپر قبیر ساهمانلامیشیق .
تلسین اولون ،اینانین بئش ایل بوندان سونرا بو قبیرلرینده حسرتین چکه جکسینیز.
تلسین تا کیرایه قبیرلر دولوب قورتارمامیش،ایجاره لری آرتمامیش لاپ اوجوز واختا اولون .
بیزیم قبیریلریمیزده اولمک دئورانین راحاتیقدا سورون .
انکیر، منکیره سیفارش قبول اولور .
خوش حساب اولولرین قبیرلرینین قرارداد لاری قورتولاندان سونرا گون نرخیلا یئنی دن قرارلاناجاق.

https://t.me/Adabiyyatsevanlar

یارامی بوغدا باغلاییر
شعر توپلوسو
بهروز صدیق
گرافیست؛ آیخان علی‌زاده تبریزلی
انتشارات ساوالان ایگیدلری
تهران - پاییز- ۱۳۹۸
چاپ- صحافی:
یاشماق_سیرا_کیتابلای
چاپاحاضیرلایان: سعید‌موغانلی


بوراخسان قاپاجاق بو ایت‌اوغلو ایت
قفیلدن گلن بو آغرینی دئییرم.
سسلر گلیر؛ قیزیل گولون اوغونتوسو
تاخیل تارلاسینا آچیلان آتوشگه سانکی
گئرچک اولمور
کؤپک سرطانین منی یاخالاما احتمالی
یارامی بوغدا باغلاییر...

نمایشگاه_کتاب_تبریز_مهر_آبان_۹۸
ساوالان_ایگیدلری_انتشاراتی
یاشماق_سیرا_کیتابلای

https://t.me/Adabiyyatsevanlar

تبریک لر، اوغورلار
"یارامی بوغدا باغلاییر" شعرتوپلوسو سئویملی قوروپداشیمیز بهروز صدیق جنابلارینین
دیرلی اثری ایشیق اوزو گوردو .
ادبیات سئونلر ، بهروز صدیقی اوره ک ائویندن تبریک ائدیب یئنی اوغورلار آرزو ائدیر .

https://t.me/Adabiyyatsevanlar

"عدم اعطای مجوز حضور برای ناشرین کتب تورکی در نمایشگاه کتاب تبریز"

به گزارش آنلاین کیتابچی، چندین تن از ناشرین کتب تورکی طی تماس‌های تلفنی با ادمین آنلاین کیتابچی از عدم اعطای مجوز حضور برای شرکت در این نمایشگاه استانی خبر داده‌اند.
محمد صبحدل مسئول انتشارات بوتا در این رابطه گفت: «با وجود اینکه ما به عنوان اولین ناشرین در سایت مربوطه ثبت‌نام کرده‌ایم، مسئولین اعلام داشتند غرفه کافی نداریم.»
با وجود پیگری‌های متعدد ناشرین کتب تورکی از اداره کل فرهنگ و ارشاد اسلامی آذربایجان شرقی، هیچ پاسخ قانع‌ کننده‌ای دریافت نکرده‌اند.
لازم به ذکر است که تا آغاز این نمایشگاه بزرگ کتاب تنها سه روز باقی است و در صورت عدم حل این مسئله، ناشرین آذربایجانی با محرومیت از حضور در این اتفاق بزرگ فرهنگی، مهلکترین ضربه اقتصادی را در سال جاری متحمل خواهند شد.
بر اساس اخبار آنلاین کیتابچی تا بدین لحظه به هیچ یک از ناشرین ذیل مجوز حضور در نمایشگاه تبریز اعطا نشده است:
۱-بوتا(اورمیه)
۲- یاز(اورمیه)
۳- آذرتوران(تبریز)
۴- دنیزچین(تبریز )
۵- کیرپی(تبریز)
۶- پارلاق قلم(بناب)
۷- اندیشه نو(تهران)

https://t.me/Adabiyyatsevanlar

✅✅✅سایین قورپداشلار
بوگئجه: 97/7/27
ساعات: 21
ادبیات سئونلر قوروپوندا سسلی شعیر گئجه سی اولاجاق سئویملی شاعیرلری گوزل سسلی دیکلاماتورلاری سیجاق قاتیلماغا دعوت ائدیریک .

https://t.me/Adabiyyatsevanlar