اردبیل لیواسی : ع .م .آغداشلی
https://t.me/Adabiyyatsevanlar

ع.م. آغداشلی
اؤن سؤز
هر بیر خالقین تاریخینی اؤیرنمک اوچون بیرینجی نؤبه‌ده اونا عاید قایناقلاری معینلشدیرمک و اؤیرنمک لازیمدیر. بو، آذربایجان تاریخینی اؤیره‌نرکن داها دا اهمیتلی اولور، واجب و قاچیلماز بیر حقیقته چئوریلیر. چونکی:
1-آذربایجان تاریخی- ائله‌جه ده مدنیتی‌نین دیگر جهتلری عنعنه‌وی تاریخچیلیگین، عنعنه‌وی دیلچیلیگین و عنعنه‌وی مدنیت‌شوناسلیغین قوربانی اولموشدور. بو حاقدا بیر آز اطرافلی دانیشاق.
عنعنه‌وی تاریخچیلیک خالقلارین تاریخینه یاددیر، یالنیز ایمپئریلارین و کراللارین تاریخی ایله مشغول اولور. بوتون خالقلاری بو و یا دیگر ایمپئراتورلارین حاکیمیتی آلتیندا اولدوغو اوچون مستقل بیر خالق کیمی گؤرمور. حتی اونون مستقیللیک آتریبوتلارینی بئله انکار ائدیر. اونا دیل ساختالاشدیریر، تاریخ یونور، مدنیت‌سیزلیکده اتهام ائدیر. بونا ائله ایران تاریخچیلیگیندن بیر مثال گتیرک: معلومدور کی، ایراندا بیرینجی حؤکومت مئدیالیلارا (مادلارا) عائددیر. ماراقلیدیر کی، حتی ایرانین (اوخو؛ فارسلارین) دیلچیلیک ادبیاتیندا مئدیالیلار فارس دیللی حساب اولونورلار. هم ده مئدیالیلار زامانجا هخامنیشی‌لردن قاباقدیر. دئمک‌ اگر مئدیالیلار فارسدیرسا اوندا ایران (اوخو؛ فارس) شاهلیغی مئدیادان باشلانمالی و مئدیادان حسابلانمالیدیر. آمما بئله دئییل ایراندا شاهلیق «کوروش»دان حسابلانیر. نیه؟ چونکی مئدیالیلارین فارس اولمادیغینی اونلار بیزدن یاخشی بیلیرلر و اونلاردان زهله‌لری گئدیر.
باشقا بیر مثال: ایرانین اسلامدان قاباقکی تاریخچیلیگینده هخامنیشی‌لره و ساسانی‌لره لازیمی قدر یئر وئریلیر، اشکانی‌لره گلدیکده ایسه سانکی تاریخ تله‌سیر و بئش اون صحیفه ایله کفایتله‌نیر.
2-آذربایجان تاریخینه عاید قایناقلار یا آرخیولرین توز-تورپاغی رفلرینده بوغولموش، یا محو ائدیلمیشدیر. آذربایجان اراضی‌سی (زیرخاکی) تالانچیلارین آمانسیز هجومونا معروض قالاراق سیچانلارین داراشدیغی یئر کیمی دلیک-دئشیک اولموشدور.
3-آذربایجان توپونیم‌لری ده بو پروسئسدن کناردا قالمامیش مدنی سوی‌قیریما معروض قالاراق آدلار ده‌ییشدیریلمیش و ان یاخشی حاللاردا ایسه حرفی ترجمه‌سی وئریلمیشدیر.
بوتون بونلار قایناقلارین نه قدر اهمیتلی اولدوغونو گؤستریر. بو قایناقلاردان بیری ده صفوی دؤورونون سونوندا عثمانلیلارین آذربایجان اراضی‌لرینی اشغال ائتدیگی دؤورده آذربایجان ایالت و سانجاقلارینین آپاریلان قیدیاتیدیر. بونون اوچون اونلار آذربایجانی مختلف سانجاقلارا (لیوالارا) بؤلموش و وئرگی ایشلرینی نظاما سالماق اوچون مفصل تاپو دفترلری حاضیرلامیشلار. بو دفترلرین بیر ایکیسینی چیخماق شرطیله قالانی ایستامبولدا «باش باکانلیق آرخیوینده» ساخلانیلیر. بو لیوالاردان بیری ده اردبیل لیواسیدیر.
هر لیوا مختلف ناحیه‌لره بؤلونور. اردبیل لیواسینین ناحیه‌لری آشاغیداکیلاردان عبارتدیر:
1- اردبیل ناحیه‌سی
2- ساراب ناحیه‌سی
3- هشترود ناحیه‌سی
4- میانا ناحیه‌سی
5- پروانه ناحیه‌سی
6- کندیوان ناحیه‌سی
7- تابتاب ناحیه‌سی
8- کرم ناحیه‌سی
اردبیل ناحیه‌سینین ایکی شهری واردیر: اردبیل و ساراب. اولجه هر ناحیه‌نین فهرستی (لیوای اردبیل، فهرست ناحیه اردبیل)، سونرا شهرین اؤزونه (نفس اردبیل) عاید ماتئریاللار، او جمله‌ محله‌لر (محله نیار، محله نیاردبیل، محله گارزا کوچه، محله قومبالان، محله دروازه)، محله‌لرده یاشایان وئرگی مکلفیت‌لی آداملارین آدی، اوچ محله‌یه (گارزا کوچه، قومبالان و دروازه) عاید گبرلرین آدی (گبران محله مزبور) و محله‌لره عاید وئرگیلرین نؤعو و آغچا ایله ایللیک مبلغی وئریلمیشدیر. نهایت اردبیل ناحیه‌سینین کندلری (مقاطعات) و اورادا یاشایان و وئرگی مکلفیتی داشیان آداملارین آدی و صاحب اولدوغو تورپاقلارین مقداری (چیفت، نیم چیفت، بناک)، محصوللارینین مقداری (اکین محصوللاری، آریچیلیق، قویونچولوق)، قیز تویو و دول تویونون وئرگیسی (رسم عروسانه باکره و ثه‌ییبه)، ایتمیش و قاچمیش انسان و حیوان وئرگیسی، ده‌ییرمانلارین وئرگیسی هرکس اوچون آیریجا حسابلانمیشدیر.
بونلاردان علاوه و آیریجا اولاراق شیخ صفی‌یه وقف اولان بوتون دوکان، حامام، باغ، بازار، ائو، ده‌ییرمان (اوقاف شیخ صفی الدین اسحاق قدس سره العزیز در نفس اردبیل. اوقاف مزبوراسلوب اوقاف ماضیه اوزره مقرورالقلم و مقطوع الندم سربست اولوب عوارض دیوانیه و تکالیف عرفیه و شاقه‌دن وسایر سمرواتدن من کل الوجوه معاف و مسلم اولماق اوزره ثبت دفتر اولیندی) و نهایت وقف کندلرینین آدی و مکلفیت داشیان شخصلر و علاقه‌دار وئرگیلر قیده آلینمیشدیر (در ناحیه اردبیل).
بعضی تئرمینلرین ایضاحی:
چیفت: محصولدار تورپاقلاردا (سولو) 7، غیر محصولدار تورپاقلاردا (دئم) 15 هکتاردیر.
نیم: یاریم چیفت دئمکدیر (3.5-7.5 هکتار)
بناک: یاریم چیفتدن آز اولان تورپاغین مقداریدیر. «ک» حرفی ایله گؤستریلیشدیر.

جبه: تورپاغی اولمایان رعیتدیر.


مجرد: اکین ایشینده آتاسینا، یاخود عمی‌سینه، ویا بؤیوک قارداشینا کؤمک ائدن سوبایدیر و «م» حرفی ایله گؤسته‌ریلیر.
کیل: 25 کیلوقراما برابر اؤلچو واحدی اولوب.
قانطار: 56 کیلوقراما برابر اؤلچو واحدی اولوب.
فایلی ایندیکی یازی فورماسینا اویغونلاشدیرارکن خصوصیله او دؤور تلفظونه اساسلانمیشیق. لاکین بونو قبول ائتمه‌ینلر ده اولا بیلر. بو آدلارین اصلینی و دیرناق آراسیندا اؤز تلفظوموزو وئریریک:
فایل فورماسی تلفظوزو فایل فورماسی تلفظوزو فایل فورماسی تلفظوزو
عیسی عیسا مشان ماشان قربان قوربان
عابدین عابیدین جهانگیر جاهانگیر اولیا اؤولیا
بیرام بایرام میرزا میرزه ترتر تارتار
محمد ممد علی عالی طالب طالیب
صلاح صالاح علی مدد عالمدد طاهر طاهیر
آغابابا آغاببا محمد طاغی ممدتاغی حق ویردی حاقوئردی
زهراب زؤهراب اروج اوروج تنکری ویردی تاروئردی
خان محمد خانمد ده‌ده دده اسمعیل ایسماییل
قیا قایا ایلدار ائلدار فتاد فیتاد
شعبان شابان خضر خیدیر قاسم قاسیم
خداویردی خوداوئردی آله ویردی آللاوئردی خواجه خوجا
نقدی ناغدی یعقوب یاغوب مرشید مورشید
غلام قولام صادق صادیق سلطان سولطان
ملک ملیک محمد حسین ممدسئین آغا محمد آغاممد
عادل عادیل محمد علی ممدعالی برات بارات
مرتضی مورتوز بدر بدیر عبداله عابدوللا
قره قارا مولا مؤوله‌ دنکیز دنقیز/دهه‌ز
یوسف یوسوب بک به‌ی عباس عابباس/عاباس
اسلام ایسدام عاشر عاشیر نقی ناغی
طهماسب طهمز باغر باغیر مقصود ماقصود
اله قلی آللاهقولی معصوم منصوم یادگار یادیگار
قره خان قاراخان مراد موراد محب مؤوبی
کربلا علی کالباعالی هاشم هه‌شیم سف اله سئف اللا
سودم سؤودوم شاه بک شابه‌ی شاه حسین شاسئین
صولان ساوالان کمال کامال جمال جامال
مصطفی موصطافا اسحق ایساق علی اکبر علکبر
علی میرزا عالمیرزه رمضان راماضان مرسل مورسل
ایلیاس ائلیاس مسلم موسلیم
بونو دا قید ائدک کی، اردبیل لیواسی و عمومیتله بو لیوانین او دؤورده‌کی دورومو و خصوصیله اقتصادی و دئموقرافیک وضعیتی و ائله‌جه‌ده آذربایجان لیوالاری حاققیندا ارخان آریقلی‌نین شرحلری علمی، منطقی و هرطرفلی اولدوغونا گؤره واز کئچه بیلمه‌دیک و مقدمه آدی آلتیندا بعضی خیردالیقلاری چیخارماقلا وئردیک.
بو فایلین الده ائتمک ماجراسینا گلدیکده ایسه چوخ تاسف‌له قید ائتمه‌لی‌یم کی، تانیدیغیم و احتمال وئردیگیم بوتون آداملارا مراجعت ائتدیم، خیری اولمادی. اونلاردان بعضی‌لری حتی منیمله تحقیرآمیز داوراندیلار. فضولی دئمیشکن «سالام وئردیم، رشوت دئییلدیر –دئیه آلمادیلار». نهایت بیر گون عزیز دوستوم جناب شاه محمدی الده ائتمک یولونو تاپدی و منی حؤرمتلی پروفئسسور «علی سنان بیلگیلی» جنابلارینا جالادی. او، بو فایلی وئردی. دئمه‌لی رحمتلیک آکادئمیک بوداق بوداقوفدان سونرا ایکینجی عالیجناب بیر انسانا راست گلدیم.
البته من بو فایلی اونا گؤره الده ائتمک ایسته‌ییردیم کی، آذربایجان، خصوصیله اردبیل ایالتی توپونیملرینی ایشله‌یرکن استفاده ائدیم. لاکین فایلی الده ائتدیکدن و 4 آی عرضینده اوخوماغینی باجاردیقدان سونرا بئله قرارا گلدیم کی، اونون اؤزونو معاصیر الفبامیزدا بیر مقدمه ایله نشر ائدیم و تدقیقاتچیلارا بیر قاپی دا آچمیش اولوم. الینیزده‌کی کتاب همین فکرین و قرارین نتیجه‌سیدیر.
کتابین حاضیرلانماسیندا بیر سیرا آداملارین دا امه‌یی اولوب. اخلاق نامینه ده اولسا اونلارا تشکر ائتمه‌یی اؤزومه بورج بیلیرم:
عزیز دوستوم و تدقیقاتچی عالم شاه محمدی جنابلاری فایلین الده ائتمه‌سینده تعیین ائدیجی اولموش و بعضی مصلحتلرینی اسیرگه‌مه‌میشدیر.
عزیز دوستوم شاعر میهن کریمی خانیم متنین ییغیلماسیندا و دیگر علاقه‌دار خواهشلریمی یئرینه یئتیرمکده الیندن گله‌نی اسیرگه‌مه‌میشدیر.
رباب معزز خانیمین دا متنین ییغیلماسینداکی امه‌یی تقدیره لایقدیر.
همیشه دار گونده مراجعت ائدیگیم قیزیم مریم ده اؤز ایشینین چوخ اولماسینا باخمایاراق متین معین حصه‌سینی کامپوتئرده ییغمیشدیر.
دیزاین ایشلرینده ولی ارجمند، سعید شیخی و فریبرز اسمعیلی‌نین امه‌یی ده آز اولمامیشدیر.
نهایت کتابلاریمین، او جمله‌دن همین کتابین نشرینی تمناسیز اولاراق اؤز اوزه‌رینه گؤتورن و منیم خوشا گلمه‌ین خوی خصلتیمه دؤزون عالم دوستوم و «ساوالان ایگیدلری» نشریاتی‌نین باش رئداکتورو عمار احمدی جنابلارینا دا صمیمی تشکرومو بیلدیریرم.
https://t.me/Adabiyyatsevanlar

ياواش گئت آتلي ...

يوللار توزاناغدي، دومان بيتيرر
سن آللاه ... بويئردن ياواش گئت آتلي
يولاغلار اويانار اؤزون ايتيرر
سن آللاه ... بويئردن ياواش گئت آتلي

ياواش گل، جان وئرير بير قارا يازي
داريخير يازيني، نيسگيل پاييزي
ديسگينر قبيردن چيغيرار آرزي
سن آللاه ... بويئردن ياواش گئت آتلي

آماندي يوللارين بوغازي گلر
دومان اؤزون دؤير، باخيشين الر
آنانين قارنيندا اوشاقي ملر
سن آللاه ... بويئردن ياواش گئت آتلي

اوغلان كوله ك اسير بير قيزي گولور
بيري وار گؤزلرين يوز آرخا بؤلور
بوردا ياريم يايلاق بير گلين اؤلور
سن آللاه ... بويئردن ياواش گئت آتلي

آغير گل، يوللارين اؤره ييي قالخار
داشلاري ديل آچار، گؤيلو داريخار
بير اوتاق ياسلي دي اوخشاما قالخار
سن آللاه ... بويئردن ياواش گئت آتلي

يوخولو بايقوشلار دوروب اولاشار
بير ياس ييغناغي وار، يئنه آغلاشار
آنام جان اوسته دي، روحو دولاشار
سن آللاه ... بويئردن ياواش گئت آتلي

كاميل قهرمان اوغلو
https://t.me/Adabiyyatsevanlar

نئچه پاییز گئچیراو آییریلیقدان
یوبانما قار یاغار خاطیره میزه
یئنه قارانقوشلار گل هاگلده دیر
باخچادا خزللر یئتیشیب دیزه
چینار آغاجینین سون یارپاقلاری
وحشی یئللریله سورگون گئده جک
سنله اکدیگیمیز آلماآغاجی
یاریسی دیشلنمیش آلما وئره جک

"ارشد نظری"
https://t.me/Adabiyyatsevanlar

ناظیم حیکمت و اورک سیگناللاری!
(قیسا بیر حئکایه، یوخسا اوزون بیر شعیر!)

بولود مرادی


ایل: ۱۹۶۳
یئر: موسکووا
لوکئیشئن: روس معمارلیغیندا بیر عادی بینا
کامئرا بینادان گئنل بیر گؤرونتو چکیر، قاپی اوزرینده دایانیر، نئچه آندان سونرا آهیل، اورتا یاشلی، ساچینا تزه تزه دن دوشن بیر کیشی یورغون یورغون آچیر قاپینی. داواملی بیر جیریلتی سسی اوخوجو_ تاماشاچیلارین عصبلرینی قیدیقلاییر اوزاناراق. کیشی بولودلار آرخاسیندان ضعیف شوعاعلارینی بو صفحه یه ساچان گونشه قییر گؤزلرینی زیلله ییر، سانکی گونشه سلام وئریر، سونرا دوداقلارینین اوجوندا رنگسیز بیر گولومسمه مه، حاشیه وی سسلر حذف اولونور، تکجه کیشینین آددیم آتاراق باشماقلارینین توپ_ تاپ_ تیپ... سسی گلیر، بیر دمیرچی پوتکونو قیزارمیش دمیرلره نظمله چیرپدیغی کیمی..ساعاتین شماطه لرینین سسی کیمی تیک_ تاک_ تی... کیشی بالاجا حیطین سونوندا قاپیدا قاییریلمیش بالاجا پوست قوطوسونا چاتیر. یاواشجا، تلسمه دن، غریبه بیر ساکینلیکله کیلید یئرینی بوروب قوطونون لاپ بالاجا دمیر قاپیسینی آچیر. اللرینی سالیر قوطونون قارنینا، کوبود، ایشچی بارماقلاری آراسیندا نئچه مکتوب وار..کیشینین دوداغی تیتره ییر، سینه سی بیردن ائله بیل برق توتور، دؤشونو سیخیر، پؤرتوب اوزو...یئره دوشوب اؤلور.
دوربون ساکین، حاشیه سسلر قاییدیر، خیابان سسی، ماشینلارین سیگنالی، قاتی روسجایلا ایکی کیشی کئفلی کئفلی میرت ائلیرلر، آذربایجان لهجه سیله اوغلونو چاغیران بیر قادین..قادین...قادی...قادین ائوین قاپیسی حیطه ساری آچاراق قیشقیریر. قاچیر اؤلن شاعیره شاعر.
کادر قارالیر، بو قیسا فیلمین امکداشلارینین آدی و عنوانی گئده رک بولود مورادی ناظیم حیکمتین جیبیندن چیخاریلمیش سون شعرینی دیکلمه ائدیر: گلسنه!
دئدی منه..
قالسانا!
دئدی منه..
گولسنه!
دئدی منه...
اؤل...سنه!
دئ....دی منه...
گلدیم
قالدیم
گولدوم
اؤل... دوم...
بولودون سون حرفینین سسیله تیتراژ بیتیر. دوربون حرکتسیزدیر. سانکی غریبه بیر حادثه نی گؤزله ییر..
بو حیصه ده سیز آیاغا قالخیب چپیک چالاجاقسیز اؤنجه تک_ تک سونرا بیرلیکده، گور آلقیشلا.
و بو شعر بیته جکدیر. قارغادا ائوه چاتاجاق، گؤیدن ده اوچ آلما دوشه جک: بیری ناظم حکمتین قبیری اوستونه، بیری قبیرین اوستونه، بیری ده ایته جک، تنقیدچیلره گؤره! ( تاپین ههه تاپین گؤروم...هههههه)

بولود_مرادی
https://t.me/Adabiyyatsevanlar

🔴🔴🔴🔴 عزیز دوستلار
آذربایجان ادبیاتین , دونیا ادبیاتین ادبیات سئونلر کانالیندا اوخویاق .
200 ایل آذربایجان ادبیاتین
800 ایل دونیا ادبیاتین ادبیات سئونلر کانالیندا ائشیده ک
آذربایجان مطبوعاتینین تاریخین باشلانان گوندن بو گونجه ادبیات سئونلر کانالیندا اوخویاق .
https://t.me/Adabiyyatsevanlar

رامیز روشن .

بو دونیانین عذابی چوخ
حاقّیندان حاق حسابی چوخ
قویونوندان قصابی چوخ
قویون اولماق چتین شئي ميش

بوینوندان چاتی ساللانیب
بیر چنگه اوتا آلدانیب
یئییب،کؤکه لیب،باللانيب
قویون اولماق چتین شئي ميش

کؤتوكلر قارالان یئرده
پيچاقلار جان آلان یئرده
چوبانلار قورد اولان یئرده
قویون اولماق چتین شئي ميش

ایت اولوب هورمه دیک آیا
ییخدی بیزی آبیر حايا
قویون اولمایا-اولمایا
قویون اولماق چتین شئي ميش

رامیز_روشن
https://t.me/Adabiyyatsevanlar

رامیز روشن
بو گوزگویه بیر واخت قوشا باخاردیق


بو گوزگویه بیر واخت قوشا باخاردیق
بو گوزگوده یئرین ایندی بوش قالیب ،
بلكه سندن بو گوزگونون جانیندا ،
دوداق قالیب ، كیرپیك قالیب ، قاش قالیب ،


گؤز یاشلارین جانیندادی بلكه ده ،
داملا ،داملا ارییجك بو گوزگو ،
بیر گون سنین آیاغینلا دونیا دا ،
آیاغ آچیب یئرییجك بو گوزگو ،


بلكه ، سنی آختاراجاق ، گزَجك ،
میلیون ، میلیون آداملارین ایچینده ،
گؤرن كیمی تانییاجاق اوزونو ،
ان قارانلیق آخشاملارین ایچینده ،


قاچاجاقسان بو گوزگونون الیندن ،
دؤنَجكسن او دؤنگَیه ،بو تینه ،
آداملاری ، ماشینلاری ، ائولری ،
آتاجاقسان بو گوزگونون چنگینه ،


یئنه ، یئنه دویمایاجاق بو گوزگو ،
بیر شهری اودوب ، اودوب گلَجك ،
سنی گؤزدن قویمایاجاق بو گوزگو ،
یئری – گؤیو توتوب ، توتوب گلَجك ،


سن قاچدیقجا یئللَنجك ساچلارین ،
بو گوزگویه پای دوشَجك ساچیندان ،
ایپك دونون یئللَندیكجه گوزگویه ،
پای دوشَجَك اتَیینین اوجوندان،


قاچیب – قاچب اؤزونون یوراجاقسان ،
قفیل بیر دن گؤرَجكسن او داشی ،
بو گوزگونو داش آتیب قیراجاقسان ،
بو گوزگو دن داغیلاجاق گؤز یاشین ،


هر تیكه سی قایق تكی اوزََجك ،
دؤرد طرفی گؤز یاشینلا دولونجا ،
بو گوزگونون بلكه هر تیكه سیندن ،
دوداقلارین چیغیراجاق دالینجا ،


... بو دا بئله بیر ناغیل دی یالاندی ،
سن كی یوخسان ، گئتدیین او گئدندی ،
بو گؤزگو ده یئرینده دی ، یئرینده ،
بو گوزگو ده یئنه ساغ دی ، بوتؤودو ،


سینان گوزگو آخی بیر ده جالانماز ،
بلكه تانری اؤزو گؤروب بو ایشی ؟!
بو گوزگونون هر تیكه سی ، بلكه ده ،
داملا – داملا گؤز یاشینلا بیتیشیب ،


بلكه سندن بو گوزگونون جانیندا ،
دوداق قالیب ، كیرپیك قالیب ، قاش قالیب ،
گؤز یاشلارین جانیندادی هله ده ،
گؤز یاشلارین قورومایب ، یاش قالیب ،


بو گوزگودن گلیب كئچیر خانیملار ،
اؤزلرینه باخیب – باخیب كئچیرلر ،
دوداغیندان دوداقلاری رنگ آلیب ،
كیپریییندن كیپریك تاخیب كئچیرلر ،
گؤز یاشینلا دولور ، دولور گؤزلری ،


باخیر یئره ، باخیر گؤیه ، آغلایر ،
بو نه درددی –هئچ بیلمیرلر اؤزلری ،
هئچ بیری سی بیلمیر نییه آغلایر ،

رامیز روشن
https://t.me/Adabiyyatsevanlar

یارپاقلار تؤکولنده
ذولفقار کمالی

کؤنلومده بیر تیتره‌ییش
یارپاقلار تؤکولنده!
الوداع ای سون باخیش
یارپاقلار تؤکولنده!

آرزیلاریم داش اولدو،
تورپاغا یولداش اولدو،
گؤزلریم یاشا دولدو
یارپاقلار تؤکولنده!

اینجه خیاللاریمدا
گول قالیب اللریمده؛
باغلاندی یوللاریمدا
یارپاقلار تؤکولنده!

ساپ -ساری زعفران تک
سولدو الوان گول چیچک؛
آغاجلار نئیله‌یه‌جک
یارپاقلار تؤکولنده؟
https://t.me/Adabiyyatsevanlar

🔴🔴🔴🔴سایین کانالداشلار
بوگئجه 96/06/18 ساعات 22دن ساعات 23/30 قدر ادبیات سئونلر گروپوندامجازی انجمن سسلی شعیری گئجه سی اولاجاق بو برنامه عینی زاماندا ادبیات سئونلر کانالیندا ندا یایلاجاق حورمتلی کانالداشلاری سیجاق قاتیلماغا دعوت ائدیریک .
https://t.me/Adabiyyatsevanlar

یازی کوینک ائدیب گییه بیلسه ایدیم

یئنه قاییتاردیم اوز کندیمیزه

دسته گول الیمده آناملا بیرگه

سنی آلماق اوچون گلردیم سیزه



یازی کوینک ائدیب گییه بیلسه ایدیم

بیله ردیم نئیله ییم منی سئوه سن

مرواری توکه ردیم ماوی گوزونه

آیاقین آلتینا سالاردیم چیمن...



آمما حییف یازدان کوینک بیچیلمز

قایچی سالماق اولماز ماهنییا قوشا

آغاجین جانیندا ایینه ایشله­مز

دویمه تیکمک اولماز یاغان یاغیشا...
رسول یونان
https://t.me/Adabiyyatsevanlar

هارادان دوشدون کونلومه
من سنی سئومه دیم کی
قوندون اغلیما دیلیمه
من سنی سئومه دیم کی

ساچیندا اله قیسقا ندیم
کوله یه یئله قیسقا ندیم
یاخاندا گوله قیسقا ندیم
من سنی سئومه دیم کی

گوزونده دالغالانیرام
اودوندا الیشیب یانیرام
نئیه دوشونیب انیرام
من سنی سئومه دیم کی


اری تک قونسام اوستونه
قورغو قورسام گر قصدینه
غورره لنمه سن شصدینه
من سنی سئومه دیم کی

قاش اتیب بئله گولمه سن
ملک سن حوری سن نه سن
منده ن خبرسیز گلمه سن
من سنی سئومه دیم کی
ع. یالچین
https://t.me/Adabiyyatsevanlar

سسلی شعیر گئجه سینده ادبیات سئونلر گروپوندا اوخونان شعیر لر .
https://t.me/Adabiyyatsevanlar

شعیر : سهراب طاهیر
سس : احمد زاده
https://t.me/Adabiyyatsevanlar

شعیر و سس : سحر خیاوی
https://t.me/Adabiyyatsevanlar

شاعیر : معصومه جبارپور
سس: سالار
https://t.me/Adabiyyatsevanlar

شاعیر : رامیز روشن
دیکلمه : سالار
https://t.me/Adabiyyatsevanlar

شعیر و سس :منیژه جم نژاد
https://t.me/Adabiyyatsevanlar