Nacil Geçti Habersiz🌿

Günel 🎤

https://t.me/Adabiyyatsevanlar

سئویملی کانالداشیمیز یعقوب نامی جنابلارینین دیرلی شعر توپلوسو"من اولومویاشامیشام "عنوانیندا ایشق اوزو گوردو .
ادبیات سئونلر عزیزشاعیریمیزه تبریک لردئییب یارادجلیق اوغورلاری آرزوائدیر.

https://t.me/Adabiyyatsevanlar

رسول یونان

عشق
راهی‌ست برای بازگشت به خانه
بعد از کار
بعد از جنگ
بعد از زندان
بعد از سفر
بعد از …
من فکر می‌کنم
فقط عشق می‌تواند
پایان رنج‌ها باشد
به همین خاطر
همیشه آوازهای عاشقانه می‌خوانم
من همان سربازم
که در وسط میدان جنگ
محبوبش را فراموش نکرده است


https://t.me/Adabiyyatsevanlar

گون‌ایدین ادبیات سئونلر عائیله سی
حیاتینیز هر ان عشق یله سئوینجیله کئچسین .
آرشین مال الان فیلمیندن بیر قیسمتی گورمه یه دعوت ائدیریک .

https://t.me/Adabiyyatsevanlar

ترجمه :سحر خیاوی :اوشاق ادبیاتینین امک داشی .

اکتبرون ۸ ی بین الخالق اوشاق گونو آذربایجان بالالارینان قوتلو و موتلو اولسون .

اوشاق عهدنامه سینین محتواسی .
بو عهدنامه نین بیرینجی مادده سی اساسدا هر اون سکگیز یاشدان آشاغی اینسانا اوشاق دئییلیر.مگر بوکو اجرا اولان قانون اوشاق باره ده آشاغی یاش تعیین ائده.بو کنوانسیونون ۵۴ ماده سی و ایکی اختیاری پروتکلو وار.بونلار دورد اساسی اصله یوءن وئریر:
-هئچ اوشاق کرک فرق قویولمادان آزارلانماسین.
-اوشاقلارلا ایلگیلی هر تصمیم ده گرک اونلارین منفعت لرین نظرده آلاراق اون سیرا اولسون.
-اوشاقلارین یاشاماق حاقلاری وار و گرک یوکسلین لر.
-اوشاقلارین حقی وار اوزگورلیک له نظرلر آشکار ائله سینلر و بو نظرلره بوتون اونلارلا ایلگیلی ایشلرده گرک دیققت اولونسون.

https://t.me/Adabiyyatsevanlar

تبریک لر اوغورلار
سئویملی قلم داشیمیز رحیم خیاوی نین دیرلی ترجومه سی " آنتوان چخوفون آلتی نمره لی اوتاق" آدلی کیتابیندان آذرتورک انتشاراتیندا ایشیق اوزو گوردو ادبیات سئونلر سئویملی قوروپداشیمیزا تبریک لر دئییب اوغورلار آرزو ائدیر.
https://t.me/Adabiyyatsevanlar

✅جبران_خلیل_جبران
پیامبر کیتابی

✅چئویرن : سحر_خیاوی

‍ دونیا اوشاقلار گونو بهانه سینه

سیزین اوشاقلارینیز حقیقت ده سیزین اوشاقلارینیز دئییل لر!
اونلار یاشامین قیز و اوغلانلاری دیرلار اوءز فیکیرلرینده.
اونلار سیزین وارلیغیزین کوچه سیندن سووشورلار امما سیزین دئییل لر!
سیزیله یاشاییرلار امما سیزه باغلی دئییل لر!
سئوگینیزی اونلارا باغیشلایین،امما فیکیرلرینیزی اوزونوزه ساخلایین.چونکو اونلارین دا اوزلرینه باشقا فیکیرلری وار.
اونلارین جیسمینی ائولرینیزده یئر وئرین امما روحلارینی اوزگور بوراخین.
چونکو اونلارین روحو "صاباح" ائولرینده یاشایاجاق سیز حتا خولیالارینیزدا بئله اونلارین گوروشونه گئده بیلمزسینیز.
اوزونوزو اونلارا بنزتمک مومکوندو امما اونلاری اوزونوزه بنزتمگه چالیشمایین.چونکو زامان آرخاسینا قاییتمایاجاق و دونَنده دایانمایاجاق...

https://t.me/Adabiyyatsevanlar

Bulud

https://t.me/Adabiyyatsevanlar

‍


✅ابوالفضل_پاشا

بير... ايكى... اوچ...
دووارلارى ساييرام
دؤرد... چوخ... ان چوخ...
هاردادير سنين بارماقلارين؟

دووارلارى ساييرام
آمما پرده‌لر نه‌دن قویمايیر؟
بيلميرم سن ده هانسى پالتارين؟

بونلارى هاردان گتيرميسن؟
هاميسیندان زهله‌م گئدير!

دونن اؤزونو چوخدان چوخ يوردون
آمما گؤزلريم بوگون دووارلارى ييخير،
پرده‌لرى جيرير،
بير شئى سنى گؤرمه‌يين قاباغينى آلسا
اونون يوخ اولماغينی ايسته‌رم

بير سؤز ده واردير سنه ساده‌جه سؤيله‌يه‌جه‌يم:
گؤزلريم بوگون سنين پالتارلارينى چيخارير
دورمایاجاغام بوگون سنى گؤرمکدن دویمایاجاغام .

https://t.me/Adabiyyatsevanlar

سایین کانالداشلار
چهارشنبه گونلری ادبیات سئونلر کانالیندا یالنیز نثر یازیلارین پایلاشیریق .

https://t.me/Adabiyyatsevanlar

حبیب ساهرین "گولوستان درسی" آدلی حیکایه‌سیندن بیر پارچا:

بیر گون مکتبدن قاچیب، "صاحب امیر" مئیدانیندا، لوطو ابراهیمین تاماشاسینا گئتدیم.
لوطو ابراهیم مئیداندا معرکه قورموش ایدی...
لوطو ابراهیم بیر هنرمند حوققاباز (شعبده‌باز) ایدی. او هنری ایله مخلوغو گولدورردی...
لوطو ابراهیمین تورک دیلینده اوخودوغو قوشمالاردان چوخ خوشوم گلیردی. لاکین، معلیمین دیلینی کیمسه آنلاماز و گولمز ایدی.
دئمک کی لوطو ابراهیمین درسی فایدالی و جاذبه‌لی ایمیش!


گون اورتادان سونرا ایدی کی مکتبه ساری یوللاندیم. پریشان فیکیرلی، "سید حمزه" بازارچاسیندان بیر ساخسی قابدا پیشمیش پاخلا آلیب مکتبین پنجره‌سی اؤنونه قورخا-قورخا یاناشدیم و قابی آخوندا اوزالتدیم. او دینمز-سؤیله‌مز قابی آلدی. ایچینده‌کی‌لری تؤوشوردو و بوش قابی منه اوزالدیب گولر اوزله دئدی:
- حبیب، گئت سویوندان دا آل گتیر!
دئمک کی آخوند ایله باریشدیق! آرتیق، منی دؤیمزدی، یامان دئمزدی...

https://t.me/Adabiyyatsevanlar

شفیقه آخوندوا قوجا شرقین موسیقی قیزی

شفیقه آخوندوا 1924 جی ایلین یانوار آیندا شکی ده ضیالی بیر عائیله ده حیاتا گوز اچدی .
1944جی ایلده آصیف زینالی آدینا موسیقی مکتبینده اوخویارکن داهی صنعتکار اوزئییر حاجی بیلی دن درس آلدی، اونون موسیقی بولاغیندان سو ایچدی ،1956ینجی ایلده کنسرواتور بیتیردی ...
شفیقه خانیمین حیات و صنعت یاردیجلیغین گلن گونلرده ادبیات سئونلر گوزگو سونده ائَشیدین .

https://t.me/Adabiyyatsevanlar

چئویریب حاضیرلایان
ذکیه ذولفقاری

حمیده جوانشیر( 19 یانوار 1873-اینجی ایل، کهریزلی، آغجابدی، روسیه ایمپریاسی- فئورال 1955- اینجی ایل، باکی)
آذربایجانین ایلک معاریفجی قادینلاریندان بیری، جلیل ممد قولیزادنین حیات یولداشی، تاریخچی احمد بگ جوانشیرین قیزی، خیرییه چی، ترجمه چی، قادین حاقلارینین مودافیعه چیسی، آذربایجان یازیچیلار ایتفاقینین عوضوو:
حمیده خانیم جوانشیر 1873-جو ایلده، شوشا نین کهریزلی کندینده، زمانه‌سی نین گؤرکملی معاریفجی ضیالی، تاریخجی احمد بگین اوجاغیندا، دونیایا گلمیش، جلیل ممد قولوزادنین حیات یولداشی اولموشدور. نجیب بیر اینسانین عائله سینده دونیایا گؤز آچان حمیده خانیم، آذربایجان مدنیتینه و ادبیاتینا حصر اولونان بؤیؤک عؤمور یولو ندا محض" اوت کؤک اوسته بیتر" مثلیله تام اوزلشیر. عائله مکتبینده تحصیل آلان حمیده خانیم، هله یئنی یئتمه ایللرینده، روس دیلینی سلیس اؤیرنرک، او دئورین کند قیزلاری اوچون سجیه وی اولمایان یوکسک اینتلکته، گئنیش دونیا گؤروشونه مالک اولموشدو. ایلک حیات یولداشی، زادگان نسلیندن اولان ایبراهیم بگ دعوتدار اوو ، جبهه ده هلاک اولاندان و آتاسینی ایتیرندن سونرا، کهریزلیده، آتا مولکونو ایداره ائتمیشدی. 1905- اینجی ایلده تفلیسده تانیش اولدوغو میرزه جلیل ممد قولو زاده‌یله، ایکی ایل سونرا ائولننده، بو ایزدواج چو خلارینا خوش گئتمه میش، بو نیکاحی، اونون اصیل زاده نسلینه، یاراشدیریلمامیشدی. لاکین حمیده خانیم بوتون مانع لره جسارتله سینه گررک، میرزه جلیله، وفالی و فداکار عؤمور گون یولداشی اولماقلا یاناشی، هم ده اوستاد صنعتکارین أن یاخین معاریفجی سیلاحداشی، ضیالی همدمی،" مولا نصرالدینین" ایسه خیرخواه حیمایه داری اولموشدو. بوتون وارینی، ثروتینی حیات یولداشی‌نین یارادیجیلیغینا، بؤیوک اورکله صرف ائدن حمیده خانیم جوانشیر ، میرزه جلیله ایرمی بئش ایل، اصل محبت و قارشیلیقلی ائحتراملا عؤمور سورموشدو. بو ایللرده میرزه جلیل نه قدر کسکین ضربه لره، اتهاملارا توش گلسه، نادانلیقلا قارشیلاشسا دا، أن چتین گونلرده، حمیده خانیم، اونا معنوی دایاق اولموش، بو بؤیوک اینسانی دائم نیک بین اوقاتا کؤکلمیش، اونون بوتون آغیر سیناقلاردان، متانتله چیخماسینا یاردیم گؤسترمیشدی.
تاریخ حمیده خانیم جاوانشیر ی، بؤیوک خیریه چی و جفاکش اینسان کیمی یادداشتلارا حک ائدیب. تک کهریزلی کندینین دئییل، جومله قاراباغین اونا یاردیم اوچون پناه گتیرن اینسانلارین الیندن توتان، پرابلئملرینی حل ائدن بو خانیم ، همده، او دؤررون یاردیما احتیاجی اولان " میرزه علی اکبر صابیر" محض حمیده خانیمین مصلحتیله میرزه جلیل طرفیندن، تفلیسه موعالیجه اوچون دعوت آلیر.
صابیر بو حادثه نی، عاباس صحته یازدیغی مکتوبدا بئله خاطیرلاییردی:" میرزه جلیل و حمیده خانیم جنابلاریندان چوخ راضیام. بیلمیرسن منه نه قدر ائحتیرام ائدیرلر! بو نئچه موددتده، تامام مخاریجیمی و زحمتیمی متحمیل اولموشلار. منیم مئهمانخانا، یا خسته خانادا یاتماغیما راضی اولمادیلار، اؤز ائولرینده منزیل وئرمیشدیلر. خولاصه، بیلمیرم نه دیل ایله تشکور ائدیم"
حمیده خانیمین ،صابیره گؤستردیگی قایغی حاقیندا ایسه، آذربایجان ضیالی لیغین باش تاجی اولان، اوزیر بگ حاجی بگلی، خوصوصو بیر مقاله یازمیشدیر. مقاله بو سؤزلرله بیتیردی:" قوی ادبیات خاطیرینه یازیلسین کی، صابیر کیمی شاعیری دیریلینده تقدیر ائدن بیر کیشی اولمادیسا دا، بیر نفر آرواد اولدو کی، شاعیرین صحتی اوچون، میلیونچو کیشیلره رغما، اؤز واریندان کئچجک قدر، بؤیوک بیر حیمایت گؤستردی."
بو حادیثه حمیده خانیم جاوانشیر وطنداش ماهیتینی ، خیرخواه عمل لرینی عکس ائتدیرن یوزلرجه فاکتدان، یالنیز بیریدیر.
حمیده خانیم 1912-جی ایلدن اؤز خرجیله کهریزلیده، مکتب آچیر و بورادا درس دئییر. میرزا جلیلین وفاتیندان سونرا دا، اؤلکه نین اجتماعی- ادبی حیاتیندا فعال موقع توتان حمیده خانیم یازیچیلار ایتفتقینا عوضو سئچیلمیش، عؤمور گون یولداشی نین اثرلرینی ترجمه ائتمکله یاناشی، بو بؤیوک صنعتکارلا باغلی، کؤرک خاطیره لرینی بؤیوک اوستالیقلا قلمه آلمیشدیر. 1955- جی ایلده وفات ائدن حمیده خانیم جوانشیر ممد قولو زاده، فخری خیاواندا میرزه جلیلین مزاری یانیندا دفن اولموشدور.
حمیده خانیم جوانشیرین" خاطیره لریم" کیتابینین یازیلماسی نین ماراقلی بیر تاریخجه سی وار. بو تاریخجه‌نین اؤزو ده، بیر خاطیره دیر دئسک، بلکه ده یانیلماریق. بئله کی 30-جو ایللرین اورتالاریندا میر جعفر باغیراوون گؤستریشیله حمیده خانیم یازارلار ایتفاقینا دعوت ائدیلیر. بورادا حمیده خانیم بیلدیریلیر کی، یولداش باقر اوو آرزو ائدیر کی، او دوورده قاراباغدا اولان حادثه لری، اینقلابی حرکتلری، او ایللرین موهوم بلشویک سیملاری حاقیندا، بیلدیکرینی قلمه آلسین. باخمایاراق کی، حمیده خانیم" خاطیره لریم" اثرینی آرتیق یازماغا باشلامیشدی، تکلیفینی قبول ائدیر

. ائله اورادا، اونا عریضه یازدیر

یب بیر گونون ایچینده یازیچیلار ایتیفتقینا قبول ائدیلیر. اثرین یازیلماسی اوچون موللیفه ایکی- اوچ ایل واخت وئریلیر. بو ایللرده حمیده خانیم یوکسک ماعاش، خوصوصی خیدمتی ماشین، قیتلیق دورو اولدوغوندان" کرملیوسکی پایوک" دئیلن ارزاق پایی و باشقا بو کیمی ایمتیازلارلا تامین اولونور. بئله لیکله، واخت باشا چاتیر و حمیده خانیم یازدیقلارینی یازیچیلار ایتفاقینا تحویل وئریر. نوبه ده، یالنیز کیتابین چاپی قالیردی. بیرا آیدان سونرا حمیده خانیما یازیچیلار ایتفاقیندان بیلدیریرلر کی ،یولداش باقیر اوو، اثری بینمیب، چونکو اونون قاراباغداکی بلشویک فعالیتی، وطن و خالق قارشیسندا عوضسیز خیدمتلری کیتابدا گئنیش شکلده عکس اولونمالیدیر. حمیده خانیم ایسه، جاوابی قیسا و کانکئرت اولور:" من گؤرمدیکلریمی یازا بیلمرم".
بونونلا دا حمیده خانیم جوانشیر( 1873- 1955) باسقینین، طوغیان ائتدیی بیر دؤرده بؤیوک بیر جسارت نومونه سی گؤستررک، " یالانچی تاریخ" یازماقدان، رهبری مدح ائتمکدن، قطعی شکیلده ایمتناع ائدیر. اونا وئریلن بوتون ایمتیازلار طبیعی کی، ألیندن آلینیر، کیتاب ایسه چاپ اولونمور. لاکین اوزون سورن قاداغالاردان سونرا، ساوئت دؤرونده" خاطیره لریم" ین تام دئییل، قیسا فورمادا نشرینه ایجازه وئریلیر. کیتابدا اساسن حمیده خانیم جوانشیرین عؤمور گون یولداشی، بؤیوک ادیب جلیل ممد قولوزاده نین حیاتی و یارادیجیلیغی اؤز عکسینی تاپمیشدی.
دوورونون گؤرکملی ایجتماعی خادیمی، زادگان- ضیالی زومرسینین أن گوجلو قادین تمثیلجیسی، خیریه چی و معاریفچی حمیده خانیم جاوانشیرین( 1873- 1955)" خاطیره لریم" اثری اوخوجولارا ایلک دفعه بوتو شکیلده تقدیم ائدیلیر. مؤلیف بوردا آتاسی احمد بگ جاوانشیر، حیات یولداشی ممد قولوزاده،" مولا نصرالدین درگیسی، قفقاز- اسلام اوردوسونون شوشایا گلیشی، جومهوریت دؤنمینده قاراباغین وضعیتی حاقیندا، گئنیش بیلگی وئریر. ساوئت حاکمیتی گلینجه عائله نین نئجه مشقتله تبریزه کؤچ ائتمسینی،" مولا نصرالدین" ین تبریزده نشرینی، باکیا دؤندوکدن سونرا عائله نین آغیر دورومونو،" مولا نصرالدینین باکیدا نشرینی و باشقا حادثه لری جلب ائدیجی بیر دیلده تصویره ائدیر.
کیمسه او دورون گئرچک تاریخینی بیلمک ایستیرسه، حمیده خانیمین ساختاکارلیقدان، ریاکارلیقدان اوزاق دوم دورو" خاطیره لرینی اوخویا بیلر. بو کیتاب تاریخیمیزین اؤنملی بیر پارچاسیدیر.

https://t.me/Adabiyyatsevanlar

آی شنبه گؤزله ینلر
حافظ خیاوی


یئنی یئتمه لیگده، جاوانلیق دا، هاچان آتام منه« بالا نیه ناماز قیلمیسان؟» دئیردی، دئیردیم شنبه دن قیلاجیام! درسه باخماقدا ایسته ینده، قالانیب قالمیش، باخمادیقیم درس لرین اوخوماسینا هوس للنده، دریندن اوخوماغی، کیتابلارین آچیب قوشماسینا تصمیم توتاندا، برنامه یازاردیم، او آغیر برنامه نین باشلانماسینادا شنبه نی گؤزلردیم.
شنبه لرده گلیب چیخاندا، ناماز قیلماییم دئیین، درسلره باخماییم دئیین، اؤزومو آلدادیب بهانه آختاراردیم. او چوخ تاپیلان، او تئز تاپیلان بهانه ده همیشه تئز تاپیلاردی.
دؤره برده، تانیدیغیم آداملاردادا، ایشلرین باشلانماسیندان قورخوب قاچماغی، مین بیر بهانه تاپماغی، بهانه یونماغی چوخ گؤرَردیم. ائله ایندیده گؤرورم. کیتاب اوخوماقا چتین لیک چکنلرین، کیتاب اوخوماق گؤزلرینه دورانلارین بهانه آختارمالارین، بهانه یونمالارین دا چوخ گؤرورَم. « ایستیرم کیتاب اوخویام آمما اوخوماقا واقتیم یوخدو» سؤزون چوخ دئییرلر، چوخلاریندان ائشیدیرم. دئییرلر یاخجی بیر فرصتیم اولسایدی، چوخلو اوخومادیغیم کیتابلاری، ییغیلیب قالان کیتابلاری اوخویاردیم. کیتاب اوخوماماقا بهانه آختارانلار، منیم او زامانیم کیمی شنبه لری گؤزله ییرلر؛ او هئچ وَده گلیب چیخمایان شنبه لری.
شنبه نی گؤزله ینلره، کیتاب اوخوماقا واقت تاپمایانلارا همیشه دئییرم شنبه نی گؤزله مه یین، یاخجی بیر واقت تاپماقا چالیشمایین. مندن"نه ائله ییم؟» دئییب سوروشانلارا، چاره آختارانلارا، نئچه ایل قاباق گئتدیگیم بیر سفردن دئییرم، او دوققوز نفرله گئتدیگیمیز سفردن. من او سفرده، اولارین بیریندن سورا، آیریلاریلا تانیش دئییلدیم. دانیشماغا چوخ سؤزوم یوخودو او آداملارلا؛ نه مشترک خاطیره م واریدی، نه حتی تزه بیر خاطیره یاراتماقا علاقم. بیر کیتاب منی او چتین لیگدن قورتاردی، او آداملارلا هئی گؤز گؤزه اولماقدان، دانیشماقا سؤز آختارماقدان. بیر«جیبی کیتاب»، بیر دوستون سفردن قاباق منه پای وئردیگی کیتاب. او سکگیز گونون هامیسیندا جیبیمدئیدی او کیتاب. هاردا یانیمداکیلا سؤز تاپمیردیم، هاردا بئکارچیلیقدان بیلمیردیم نه ایش گؤره م، یئمه ی بیر آز بئواخت گلیردیسه، اوچاقین گئجیشمه سی اولوردوسا، کیتابی جیبیمدن گؤتوروب آچیب اوخویوردوم. او کیتاب منه تسبئح کیمین بیر شئی اولموشدو او سگکیز گونده، جدول دولدورماسی کیمین. او کیتاب او گونلرده منیم جانیمی قورتاردی، واقتیمی دؤلدوردو. اوندا بیلدیم، او سفرده اؤرگه شدیم کیتاب اوخوماغی، شنبه لری گؤزله مدن، اؤزل بیر واقت آییرمادان. گؤردوم آدام بئله کیتاب اوخوسا هئچ بیلمز کیتابی هاچان باشلادی، هاچان قورتاردی.

✅قایناق : پینار درگیسی

https://t.me/Adabiyyatsevanlar

✅ خبر ، خبر

گوزل سسلی دیکلاماتورموز پریسا حیدری دن " آینالارین یادینا گه ل" عنوانیدا دیکلمه آلبومی تئزلیکده ایشیق اوزو گوره جک .
سئویملی دیکلاماتوروموزا تبریک لر دئییب بو دیرلی اثرین یولون گوزله ییریک .

https://t.me/Adabiyyatsevanlar