✅✅✅سایین کانالداشلار ، دیکلمه صنعتینین هوسکارلاری ،سس وئرمه نین سون ساعاتلاریدیر لوطفن سئودینیز سسه یاردیم اولون
سس وئرمه یه قوشولون .

https://t.me/Adabiyyatsevanlar

نادر ازهری

بو منم
چیرکینلرین بویوگو
آلنی آچیق
آتیلمشلارین تاجی سری
بیر ناغیل کی مسافر خانالار دا قالیر
منی ماسکانیزا فیشقیراجاغام
و تاپانمیرام ائویمی
خییاوانلار آد ده ییشیرلر
و هر کیم منی گورر
ماسکاسینی
امتحان ائدیر
اوهوی !
ایری - ایری باخانلار
چیبان تک سخیرسیز منی ماسکانیزا فیشقیراجاغام
هله پیشیک بزه‌یین!

https://t.me/Adabiyyatsevanlar

منده سیغارایکی جهان
من بو جهانا سیغمازام

https://t.me/Adabiyyatsevanlar

من بوجهاناسیغمازام
عمادالدین نسیمی


منده سیغارایکی جهان
من بوجهاناسیغمازام
گوهری لامکان منم
کون و مکانا سیغمازام
عرشیله فرش و کاف ونون
منده بولوندو جمله چون
کَس سوزونی اوزاتما کی
شرح و بیانه سیغمازام
کون ومکان دیر آیتیم
ذاته گئدر بدایتیم
سن بو نشانیله منی
من بو نشانه سیغمازام
کیمسه گمان و ظن ایله
اولمادی حقیله بیلیش
حقی بیلن بیلیر کی من
ظن و گمانه سیغمازام
صورته باخ و معنی نی
صورت ایچینده تانی کی
جیسمیله جان منم ولی
جسمیله جانه سیغمازام
هم صدفم هم اینجی یم
حشر و صراط و سینجیم
بونجا قماش و رختیله
من بو دوکانه سیغمازام
جانیله هم جهان منم
دهریله هم زمان منم
گور بو اطیفنی کی من
دهر و زمانه سیغمارام
گرچه محیط اعظمم
آدیم آدامدیر آدم ام
واریله کُن فکان منم
من بو مکانه سیغمازام
انجمیله فلک منم
وحی اولان ملک منم
چک دیلینی سن ابسم اول
من بو لسانه سیغمازام
ذره منم گونش منم
چارایله پنج و شش منم
صورتی گور بیان ایله
من بو بیانه سیغمازام
ذات ایله هم صفاتیله
قدریله هم براتیله
گل شکرم نباتیله
بسته دهانه سیغمازام
شهد منم شکر منم
شمس منم قمر منم
روح وروان باغیشلارام
روح و روانه سیغمازام
ناره یانان شجر منم
چرخه چیخان حجر منم
گور بو اُودون زبانه سین
من بو زبانه سیغمازام
گرچه بوگون نسیمی یم
هاشمی یم قریشی یم
مندن اولودور آیتیم
آیت شانه سیغمازام

https://t.me/Adabiyyatsevanlar

قوللوقچو(طنز)

افروز خانیم

گئجه نین بیر یاریسی چیراغلاری سوندوروب پرده لری چکمیشدیک.هره اوءز موبایلیلا یورغان دوشَک ده اوزاندیقی حالدا مشغولودو.ایکی بالامیز ائوین اوست قاتیندا.منیله یاشام یولداشیم ائوین آلت قاتیندا.بو هر گئجه کی ماراقلی برنامه میز ایدی.چئشیدلی قونولارا باخیردیق.هردن ده گولومسه یرک بیر زاد بیربیریمیزه گورسه دیب،بیربیریمیزین مجازی سئوینجیمیزه شریک اولوردوق.بو حئینده لاپبادان یاتاق اوتاغیمیزین گوروپپپ... قاپیسی آچیلدی.
دیک آتیلیب یئرین ایچینده اوتوردوم.موبایلین ایشیغین توتدوم قاپییا ساری.بیرده گوردوم قاینانام.
-آی ننه بئله باشینا دولانیم به سن حریم خصوصی زاد بیلمزسن؟! آخی بورا بیزیم یاتاق اوتاقیمیزدیر!! بئله لاپبادان گلیرسن اوره ییمیزین بندی قیریلدی هله هئچ،خودای ناکرده ناجور بیر دوروم دا دا گورسه یدین بیزی،دییه جکدین ایندی کیلرین حایا آبیری قالیب دده سی ائوینده.باشینا دوءنوم بو نه سایاق گلمک دیر آخی؟!
توووشون درمه یه لاپپادان دوشدو تختین اوستونه.
-گلین او داریسقال کومه مدن باخیردیم سیزین ائوه.اوءزون ننه اولوب گوروبسن ننه قوربان.اوشاق نه یاشا گله هاا ائله ننه سینه اوشاق دیر.گوردوم چیراقلارینیز یانمیر.آلت اوست ائوده (قوللوقچو)یاندیریبسیز.دئدیم ایلاهی نه اولوب گوره سن؟! بالام برق پولو تاپماییب؟! یوخسا قوللوقچو یاندیرماق مُد اولوب؟! من کی سیزی برقلی قویوب گئتمیشدیم؟!
گولمک توتدو اوزومو.باشیمین اوستونده کی پریزی ووردوم چیراق یاندی.
-همشه نیگران باشینا دوءنوم آناجان.ائله دئییل.دوغرو کی باهالیق دیر.امما شوکور او گونه ده قالمامیشیق هله برقیمیزین پولونو توءکه بیلمییه ک.برق وار.اوزوم آیاقین آلتدا یاتمیشدیق مثلن.بودا (قوللوقچو) دئییل ننه م جانی.موبایل دیر.
-نمنه؟! ماوایل نه دیر آی بالا؟!
-موبایل بیر جوره تئلفون دیر.هر یئره اوزونله آپارماق اولار‌.بیرده تکی دانیشماق اوچون دئییل.اونلا چوخلو چئشیدلی ایشلر گوءرمک اولار.مثلن دوستلارینلا یازیشا بیلرسن، شکیل چکه بیلرسن، کیتاب اوخویا بیلرسن،سئودیگین قونولاری دوستلارینلا اورتاق اولا بیلرسن. و....و....چوخلو باشقا ایشلر.الان من ادبیات سئونلر قوروپوموزدا دوستلاریملا دانیشیردیم سن گلدین(الیندن میرریخا قاچمیشام هردن بیر یئر اوزونه اوغورلوق گلیرم.جین کیمی اییی چکیر بیلیر
-ننه قوربان.اوندا غریبه بیرزاد دیر بو ماوایل.من کی کورام یازی پوزو بیلمیرم.منه کارا گله ن بیر شئیلر گوءستر.
اینستاگراما کئچدیم.آنا بو چوهرایی کی گورورسن بونا دییرلر اینستاگرام.بوندا یازیدا یازماق اولار امما چونکو سنین ساوادین یوخدو.اوزوندن منظره لردن شکیل چکیب قویا بیلرسن.دوستلارین باخا.
-هه بالا(اوستا قولام) یاخشی معماریدی.قایناتاندان قاباق منیم ائلچیمیدی.هئییی قیسمت.اللاه باغیشلاسین(البته شهرین یاریسیندان چوخو منیم بو قاینانامین ائلچیسی ایمیش).
یاخشی کی من الان قایناناتان تزه آلان زر پولک لی تومان کوینَگیمی،پوللو-موللو جیلیتقامی،گئیمیشم.قدیم شَکی کلایاغیمی دا باغلامیشام.ایندی من دن جوربه جور شکیل چک، قوی او کور خججه نین،خبیث اوربابانین،چئروان گوللی بگیمین، قارداشیم آروادلارینین،بالدیزلاریمین باغری چاتلاسین.
دوغروداندا آرواد تزه پالتاریندا یار- یاراشیقلی ایدی.دوشمان توخماغی اولموشدو لاپ.
اوزومده قصدیجه جوربه جور ژست توتماق اویرتدیم.سونرا گالری ده شکیل لرین گوستردیم نئجه فخر ائلیردی اوزونه.
دئدیم: آناجان امما سنین اینستاگرامین یوخدو کی بونلاری هایاندا پایلاشاجاقسان؟!
- اوزون بیر چا ره ائله دای گلین.
-آهان صاباح سنه بیر صفحه آچاجاغام آدیندا قویاجاغام.....قویاجاغام....تاپدیم.آدین قویاجاغام کوئین بیی.یانی ملکه آری.لاپ بئله لاکچری.
- لاخ چِری نه دیر ننه قوربان؟
- لاکچری یانی با کلاس.یانی...یانی مُدل لی.
- هه اولدو ننه قوربان.گوروم نئینرسن.
بو حئینده گوردوم بیری منی سیلکه له ییر.
-افروز...افروز..‌.قیز نه واختیدی نه سویله نیرسن یوخودا؟! اویان اوستونوده اوءرت.صاباح دییه جکسن بئل بوخونوم آغریییر. بهانه ائله ییب ناهاردا بیشیرمییه جکسن.
حیات یولداشیمیدی اویادیردی منی.آییلدیم گوردوم یوخو توتوب گوشی بویرومه دوشوب.ائله تلگرامدا ادبیات سئونلر قوروپوندا قالیب.شارژی قیزاریب بئش اولوب.هووله سک گوشینی شارژا ووردوم.لاپدان اوزومه گلدیم.قاینانام ایللریدی اولموشدو رحمتلیک.اوندا هله اندروید گوشی زاد یوخویدو.تانری سنه رحمت ائله سین آرواد.یئنه یوخوما گلیب منه بیر طنز سوژه سی چیخارتدین.یوخولو بیر فاتحه اوخودوم.گئت سئونلرینین یوخوسونا گیر دئدیم.ایندی هر زامان قارانلیقدا گوشیلریمیزی یاندیراندا دئییرم:قوللوقچولار یئنه یاندی.هئچ کیمسه بیلمه ییر بو آدی قینانام موبایلا وئریب.
https://t.me/Adabiyyatsevanlar

تبریک لر اوغورلار
سئویملی قوروپداشیمیز، اوشاق ادبیاتینین امک داشی ویدا خانیم حشمتی نین : آغ قانادلی گپه نک ، عنوانیندا اوشاق ادبیاتینا حصر اولونان شعرلری ایشیق اوزو گوردو .
بو گوزل، دیرلی اثرین رسامی خانیم لیدا حشمتی دیر. بو عزیز باجی لارا اوره ک ائویندن تبریک لر دئییب یارادیجیلیق، رساملیق اوغولاری دیله ییریک .
ادبیات سئونلر ۹۸/۷/۱۲

https://t.me/Adabiyyatsevanlar

✅✅سایین کانالداشلار
یاریشمایا سس وئرن عزیزلر
ساعات 21دن سونرا وئریلن سسلر سایلمایاجاق .
ساعات 21سس وئرمه دایاندیریلاجاق و غالیب لر اعلان اولاجاق .
https://t.me/Adabiyyatsevanlar

✅✅✅سایین کانالداشلار ، یاریشمایا قوشولان دوسلار
یاریشمانین سونو اعلان اولور
ادبیات سئونلرین اطلاعیه سی یاریشما نین حاقیندا نئچه دیقه دن سونرا مونتشر اولاجاق .

https://t.me/Adabiyyatsevanlar

✅سایین کانالداشلار
یاریشمایا سس وئرن دوسلار،
ادبیات سئونلر کانالینین دیکلمه یاریشماسینا اون بیر دیکلاماتور قوشولدو مونصیفلر هئیتینین سسینین اساسیندا اوچ گوزل سسلی دیکلاماتور فینالا چاتدیلار .
فینالا چاتانلارا عمومی سس وئرمه اولدو بو سس وئرمه ده
خانیم لار
صبا پائیزان بیرینجی
تئلناز تبریزلی ایکیینجی
سکینه تاران اوچونجو عنوانی قازاندیلار .
دعوتیمیزی قبول ائدن دیکلاماتورلاردان ، سس وئرنلردن یاریشمانین غالیب لریندن اوره ک ائویندن تشکور ائدیریک .
شعر و نثر دیکلمه سی آیدا بیردفه ادبیات سئونلر کانالیندا دوام تاپاجاق .
مونصیفلر هئییتندن قبول زحمت ائله دیک لری اوچون ،دیکلمه صنعتینه یاردیم اولماق اوچون تشکور ائدیریک
ادبیات سئونلر 98/7/12

https://t.me/Adabiyyatsevanlar

یاریشمانین بیرینجی غالیبی خانیم صبا پائیزان 44 فاییز سس یله.98/7/12
https://t.me/Adabiyyatsevanlar

یاریشمانین ایکینجی غالیبی خانیم تئلنازتبریزلی 43فاییز سس یله.98/7/12
https://t.me/Adabiyyatsevanlar

یاریشمانین اوچونجو غالیبی خانیم سکینه تاران 13 فاییز سس یله.98/7/12
https://t.me/Adabiyyatsevanlar

دیکلمه یاریشماسینین غالیب لری سیزین سس وئرمه نیزله تعیین اولدو

دیکلمه یاریشماسینین غالیب لری سیزین سس وئرمه نیزله تعیین اولدو.98/7/12

https://t.me/Adabiyyatsevanlar

مجازی انجمن " سسلی شعیر گئجه سی "

سایین کانالداشلار
بو گئجه: 98/7/13
ساعات : 21
ادبیات سئونلر قوروپوندا مجازی انجمن ( سسلی شعیر گئجه سی) اولاجاق بو وئرلیش عینی زاماندا ادبیات سئونلر کانالیندان یایلاجاق سئویملی شاعیرلری ، گوزل سسلی دیکلاماتورلاری آذربایجان شعرینین هوسکارلارین سیجاق قاتیلماغا دعوت ائدیریک .

https://t.me/Adabiyyatsevanlar

"فیکرت_قوجا"

آغلاما آی قيز,
بيلمك اولمور
دونياميزين بو يوز ايللییی
يازدی , يوخسا پاییز ،
زامان اودا-سويا سالير آدامی.
بير ياندان دا
يئر كوره ميزين دامير دامی
باری , سن آغلاما...

https://t.me/Adabiyyatsevanlar

ممد قدیر


گولوم، اللرینین قانادی وارمیش
سینه-مه قونوردو کپنک کیمی
باخمادیم اللریم قان ایچینده دیر
قوپاردیم تیکانلی بیر چیچک کیمی

باهار پؤهره-له دیم، یاز پوچورلادیم
جانیما اود دوشدو، کؤز پوچورلادیم
بیر کلمه آلوولو سؤز پیچیلدادیم
یاناغین قیزاردی چییه لک کیمی

عطریندن اوتاندی عطری گوللرین
یوخوسو چین-چیخدی صاف کؤنوللرین
منیم اوره-ییمله سنین تئللرین
اسیردی سئودالی کولکلر کیمی

اوز-اوزه سئویندی گؤز-گؤزه گولدو
دوداقلار دیل آچدی، سؤز، سؤزه گولدو
اود اودا جالاندی، کؤز، کؤزه گولدو
ایکی قلب دؤیوندو بیر اورک کیمی

عؤمرومه بال قاتدین، بادام ائیله دین
سینه نه باش قویدوم، اعدام ائیله دین
منی ان بخته ور آدام ائیله دین
یئنه اوچوب گئتدین بیر ملک کیمی

https://t.me/Adabiyyatsevanlar

عاشیق ادبیاتین سئونلره تقدیم ائدیریک
اونودولماز بیر ایفا: دده عدالت دن .

https://t.me/Adabiyyatsevanlar