اوشاق ادبیاتی
هرهفته پنجشنبه گونو ادبیات سئونلر کانالیندا
بارانا خانیم شعر اوخویور .

https://t.me/Adabiyyatsevanlar

اوشاق ادبیاتی
هرهفته ادبیات سئونلر کانالیندا
اون ایکی آیین ناغیلی

https://t.me/Adabiyyatsevanlar

اوشاق ادبیاتی
هردهفته پنجشنبه گونو ادبیات سئونلر کانالیندا

https://t.me/Adabiyyatsevanlar

اوشاق ادبیاتی
هرهفته پنجشنه گونو ادبیات سئونلر کانالیندا


اوشاقلاریمیزی پئشه لریله تانیش ائده ک .


https://t.me/Adabiyyatsevanlar

✅نادر الهی

من نه چاره قیلیم قارا بختیمه
زَهَرلی ایچگییه مـزه نئیله سین؟
سورمه گؤزللیگی بیر آز آرتیرار
آمما دای کور اولان گؤزه نئیله سین


فلک اوخون آتیر، الینده یای یوخ
فلکین آتدیغی اوخلارا سای یوخ
بو گؤزدن او گؤزه هئچ بیر هارای  یوخ
ایندی اؤزگه گلیب بیزه نئیله سین؟


حسرت چکدیگیمیز گؤر نئچه ایلدیر
کاش بیر ایل اولایدی، دییه یدم بیلدیر
گؤزومون یاشلاری چوخ دئمه لیلدیر
سو گؤزه‌دن لیل‌دیر،کۆزه نئیله سین؟


نادرم  بیر سینه قیزیل تک کؤزله
یوللاری گؤزله دیم نیگران گؤزله
سیز دیین، بو یازیق بیر قوری سؤزله
اَیرییه نئیله سین ، دوزه نئیله سین؟


https://t.me/Adabiyyatsevanlar

"نادر الهی"

من مگر شاعیر دئییلم؟

گزمه جانیمین جللادی!
باشی باغلی سیر دئییلم.
اوره‌-ییمده اووجومدادیر،
من مگر شاعیر دئییلم؟

لول کئفلی-‌یم، آنام دانیر،
قونوم--قونشودان اوتانیر.
دونیا باشیما دولانیر،
کیم دئییر من پیر دئییلم؟

اینجیتمه-‌سین آدیم سنی،
قوی آنا! توختادیم سنی.
باخ اجل به-یه-ندی منی،
من چوخ دا کیفیر دئییلم.

آینانین اؤنونده دوردوم،
باخدیم بیرجه کیپریک ووردوم.
بیرده باخدیم ،آمما گؤردوم،
بایاقکی نادیر دئییلم.

https://t.me/Adabiyyatsevanlar

حمید احمد زاده
تبریز گؤزه لی

آلمیسان باشیمدان عاقیل هوشومو
پریشان ائتمیسن کؤنول قوشومو
آجی یا قاتمیسان شیرین - تورشومو
فیکرینی باشیمدان آتا بیلمیرم

تیکیلیب گؤزلریم سن گلن یولا
حسرتم قوللارین بوینوما دولا
ساتیرام دونیانی بیر قارا پولا
سنی دونیالارا ساتا بیلمیرم

من سنین یارینام، سن منیم یاری م
سنی وئرمیش منه مئهربان تانریم
نئیله دین منیمله سئوگیلی یاریم
پریشان اولموشام یاتا بیلمیرم

ای منیم غیبدن یئتیشمیش پاییم
هیجرینده یؤکسه لیر گویلره هاییم
گونشیم، اولدوزوم، ایشقلی آییم
پارلاکی ظولمته باتا بیلمیره م

داغیلسین توفاغی «قارا مئلیک»ین
آلیشیب یانیرام من «کرم»تکین
عالمه سس سالدیم مند ه ن ال چکین
نئیله یم دردیمی اوتا بیلمیرم

بیر لحظه گؤروندون منیم گؤزومده
آچیلدی گول چیچک منیم سؤزومده
قیسقاندی «تیلیم»مه منیم اؤزومده
سنی باشقاسینا قاتا بیلمیره م

https://t.me/Adabiyyatsevanlar

✅✅✅سایین کانالداشلار
یالنیز سیزین سس وئرمه نیز له غالیب لر تعیین اولاجاق دیکلمه صنعتینه یاردیم اولماق اوچون
یاریشمایا قاتیلان دیکلاماتورلارا سس وئرین .

یاریشما دیکلمه سی 98/7/9

شعر: نیگار رفعی بیلی
سس : تِئلناز تبریزلی

https://t.me/Adabiyyatsevanlar

یاریشما دیکلمه سی 98/7/9

شعر: نیگار رفعی بیلی
سس : صبا پائیزان

https://t.me/Adabiyyatsevanlar

یاریشما دیکلمه سی 98/6/9

شعر: نیگار رفعی بیلی
سس : سکینه تاران

https://t.me/Adabiyyatsevanlar

✅✅✅سایین کانالداشلار ، دیکلمه صنعتینین هوسکارلاری ،سس وئرمه نین سون ساعاتلاریدیر لوطفن سئودینیز سسه یاردیم اولون
سس وئرمه یه قوشولون .

https://t.me/Adabiyyatsevanlar

نادر ازهری

بو منم
چیرکینلرین بویوگو
آلنی آچیق
آتیلمشلارین تاجی سری
بیر ناغیل کی مسافر خانالار دا قالیر
منی ماسکانیزا فیشقیراجاغام
و تاپانمیرام ائویمی
خییاوانلار آد ده ییشیرلر
و هر کیم منی گورر
ماسکاسینی
امتحان ائدیر
اوهوی !
ایری - ایری باخانلار
چیبان تک سخیرسیز منی ماسکانیزا فیشقیراجاغام
هله پیشیک بزه‌یین!

https://t.me/Adabiyyatsevanlar

منده سیغارایکی جهان
من بو جهانا سیغمازام

https://t.me/Adabiyyatsevanlar

من بوجهاناسیغمازام
عمادالدین نسیمی


منده سیغارایکی جهان
من بوجهاناسیغمازام
گوهری لامکان منم
کون و مکانا سیغمازام
عرشیله فرش و کاف ونون
منده بولوندو جمله چون
کَس سوزونی اوزاتما کی
شرح و بیانه سیغمازام
کون ومکان دیر آیتیم
ذاته گئدر بدایتیم
سن بو نشانیله منی
من بو نشانه سیغمازام
کیمسه گمان و ظن ایله
اولمادی حقیله بیلیش
حقی بیلن بیلیر کی من
ظن و گمانه سیغمازام
صورته باخ و معنی نی
صورت ایچینده تانی کی
جیسمیله جان منم ولی
جسمیله جانه سیغمازام
هم صدفم هم اینجی یم
حشر و صراط و سینجیم
بونجا قماش و رختیله
من بو دوکانه سیغمازام
جانیله هم جهان منم
دهریله هم زمان منم
گور بو اطیفنی کی من
دهر و زمانه سیغمارام
گرچه محیط اعظمم
آدیم آدامدیر آدم ام
واریله کُن فکان منم
من بو مکانه سیغمازام
انجمیله فلک منم
وحی اولان ملک منم
چک دیلینی سن ابسم اول
من بو لسانه سیغمازام
ذره منم گونش منم
چارایله پنج و شش منم
صورتی گور بیان ایله
من بو بیانه سیغمازام
ذات ایله هم صفاتیله
قدریله هم براتیله
گل شکرم نباتیله
بسته دهانه سیغمازام
شهد منم شکر منم
شمس منم قمر منم
روح وروان باغیشلارام
روح و روانه سیغمازام
ناره یانان شجر منم
چرخه چیخان حجر منم
گور بو اُودون زبانه سین
من بو زبانه سیغمازام
گرچه بوگون نسیمی یم
هاشمی یم قریشی یم
مندن اولودور آیتیم
آیت شانه سیغمازام

https://t.me/Adabiyyatsevanlar

قوللوقچو(طنز)

افروز خانیم

گئجه نین بیر یاریسی چیراغلاری سوندوروب پرده لری چکمیشدیک.هره اوءز موبایلیلا یورغان دوشَک ده اوزاندیقی حالدا مشغولودو.ایکی بالامیز ائوین اوست قاتیندا.منیله یاشام یولداشیم ائوین آلت قاتیندا.بو هر گئجه کی ماراقلی برنامه میز ایدی.چئشیدلی قونولارا باخیردیق.هردن ده گولومسه یرک بیر زاد بیربیریمیزه گورسه دیب،بیربیریمیزین مجازی سئوینجیمیزه شریک اولوردوق.بو حئینده لاپبادان یاتاق اوتاغیمیزین گوروپپپ... قاپیسی آچیلدی.
دیک آتیلیب یئرین ایچینده اوتوردوم.موبایلین ایشیغین توتدوم قاپییا ساری.بیرده گوردوم قاینانام.
-آی ننه بئله باشینا دولانیم به سن حریم خصوصی زاد بیلمزسن؟! آخی بورا بیزیم یاتاق اوتاقیمیزدیر!! بئله لاپبادان گلیرسن اوره ییمیزین بندی قیریلدی هله هئچ،خودای ناکرده ناجور بیر دوروم دا دا گورسه یدین بیزی،دییه جکدین ایندی کیلرین حایا آبیری قالیب دده سی ائوینده.باشینا دوءنوم بو نه سایاق گلمک دیر آخی؟!
توووشون درمه یه لاپپادان دوشدو تختین اوستونه.
-گلین او داریسقال کومه مدن باخیردیم سیزین ائوه.اوءزون ننه اولوب گوروبسن ننه قوربان.اوشاق نه یاشا گله هاا ائله ننه سینه اوشاق دیر.گوردوم چیراقلارینیز یانمیر.آلت اوست ائوده (قوللوقچو)یاندیریبسیز.دئدیم ایلاهی نه اولوب گوره سن؟! بالام برق پولو تاپماییب؟! یوخسا قوللوقچو یاندیرماق مُد اولوب؟! من کی سیزی برقلی قویوب گئتمیشدیم؟!
گولمک توتدو اوزومو.باشیمین اوستونده کی پریزی ووردوم چیراق یاندی.
-همشه نیگران باشینا دوءنوم آناجان.ائله دئییل.دوغرو کی باهالیق دیر.امما شوکور او گونه ده قالمامیشیق هله برقیمیزین پولونو توءکه بیلمییه ک.برق وار.اوزوم آیاقین آلتدا یاتمیشدیق مثلن.بودا (قوللوقچو) دئییل ننه م جانی.موبایل دیر.
-نمنه؟! ماوایل نه دیر آی بالا؟!
-موبایل بیر جوره تئلفون دیر.هر یئره اوزونله آپارماق اولار‌.بیرده تکی دانیشماق اوچون دئییل.اونلا چوخلو چئشیدلی ایشلر گوءرمک اولار.مثلن دوستلارینلا یازیشا بیلرسن، شکیل چکه بیلرسن، کیتاب اوخویا بیلرسن،سئودیگین قونولاری دوستلارینلا اورتاق اولا بیلرسن. و....و....چوخلو باشقا ایشلر.الان من ادبیات سئونلر قوروپوموزدا دوستلاریملا دانیشیردیم سن گلدین(الیندن میرریخا قاچمیشام هردن بیر یئر اوزونه اوغورلوق گلیرم.جین کیمی اییی چکیر بیلیر
-ننه قوربان.اوندا غریبه بیرزاد دیر بو ماوایل.من کی کورام یازی پوزو بیلمیرم.منه کارا گله ن بیر شئیلر گوءستر.
اینستاگراما کئچدیم.آنا بو چوهرایی کی گورورسن بونا دییرلر اینستاگرام.بوندا یازیدا یازماق اولار امما چونکو سنین ساوادین یوخدو.اوزوندن منظره لردن شکیل چکیب قویا بیلرسن.دوستلارین باخا.
-هه بالا(اوستا قولام) یاخشی معماریدی.قایناتاندان قاباق منیم ائلچیمیدی.هئییی قیسمت.اللاه باغیشلاسین(البته شهرین یاریسیندان چوخو منیم بو قاینانامین ائلچیسی ایمیش).
یاخشی کی من الان قایناناتان تزه آلان زر پولک لی تومان کوینَگیمی،پوللو-موللو جیلیتقامی،گئیمیشم.قدیم شَکی کلایاغیمی دا باغلامیشام.ایندی من دن جوربه جور شکیل چک، قوی او کور خججه نین،خبیث اوربابانین،چئروان گوللی بگیمین، قارداشیم آروادلارینین،بالدیزلاریمین باغری چاتلاسین.
دوغروداندا آرواد تزه پالتاریندا یار- یاراشیقلی ایدی.دوشمان توخماغی اولموشدو لاپ.
اوزومده قصدیجه جوربه جور ژست توتماق اویرتدیم.سونرا گالری ده شکیل لرین گوستردیم نئجه فخر ائلیردی اوزونه.
دئدیم: آناجان امما سنین اینستاگرامین یوخدو کی بونلاری هایاندا پایلاشاجاقسان؟!
- اوزون بیر چا ره ائله دای گلین.
-آهان صاباح سنه بیر صفحه آچاجاغام آدیندا قویاجاغام.....قویاجاغام....تاپدیم.آدین قویاجاغام کوئین بیی.یانی ملکه آری.لاپ بئله لاکچری.
- لاخ چِری نه دیر ننه قوربان؟
- لاکچری یانی با کلاس.یانی...یانی مُدل لی.
- هه اولدو ننه قوربان.گوروم نئینرسن.
بو حئینده گوردوم بیری منی سیلکه له ییر.
-افروز...افروز..‌.قیز نه واختیدی نه سویله نیرسن یوخودا؟! اویان اوستونوده اوءرت.صاباح دییه جکسن بئل بوخونوم آغریییر. بهانه ائله ییب ناهاردا بیشیرمییه جکسن.
حیات یولداشیمیدی اویادیردی منی.آییلدیم گوردوم یوخو توتوب گوشی بویرومه دوشوب.ائله تلگرامدا ادبیات سئونلر قوروپوندا قالیب.شارژی قیزاریب بئش اولوب.هووله سک گوشینی شارژا ووردوم.لاپدان اوزومه گلدیم.قاینانام ایللریدی اولموشدو رحمتلیک.اوندا هله اندروید گوشی زاد یوخویدو.تانری سنه رحمت ائله سین آرواد.یئنه یوخوما گلیب منه بیر طنز سوژه سی چیخارتدین.یوخولو بیر فاتحه اوخودوم.گئت سئونلرینین یوخوسونا گیر دئدیم.ایندی هر زامان قارانلیقدا گوشیلریمیزی یاندیراندا دئییرم:قوللوقچولار یئنه یاندی.هئچ کیمسه بیلمه ییر بو آدی قینانام موبایلا وئریب.
https://t.me/Adabiyyatsevanlar

تبریک لر اوغورلار
سئویملی قوروپداشیمیز، اوشاق ادبیاتینین امک داشی ویدا خانیم حشمتی نین : آغ قانادلی گپه نک ، عنوانیندا اوشاق ادبیاتینا حصر اولونان شعرلری ایشیق اوزو گوردو .
بو گوزل، دیرلی اثرین رسامی خانیم لیدا حشمتی دیر. بو عزیز باجی لارا اوره ک ائویندن تبریک لر دئییب یارادیجیلیق، رساملیق اوغولاری دیله ییریک .
ادبیات سئونلر ۹۸/۷/۱۲

https://t.me/Adabiyyatsevanlar

✅✅سایین کانالداشلار
یاریشمایا سس وئرن عزیزلر
ساعات 21دن سونرا وئریلن سسلر سایلمایاجاق .
ساعات 21سس وئرمه دایاندیریلاجاق و غالیب لر اعلان اولاجاق .
https://t.me/Adabiyyatsevanlar

✅✅✅سایین کانالداشلار ، یاریشمایا قوشولان دوسلار
یاریشمانین سونو اعلان اولور
ادبیات سئونلرین اطلاعیه سی یاریشما نین حاقیندا نئچه دیقه دن سونرا مونتشر اولاجاق .

https://t.me/Adabiyyatsevanlar