✅✅خوش خبر
"پينار" مجلهسی تئزلیکده ايشيق اوزو گؤرهجک.
بو مجلهنین ایلک ساییسیندا:
ايواز طاها، صمد رحمانی، کریم قربان زاده، سوسن نواده رضی، حافظ خياوی، عیسی نظری، سلیم زحمت دوست، حسین مصری و سایر دوستلار و قلمداشلارين مقاله لرين بو نومره ده اوخوياجاقسيز.
https://t.me/Adabiyyatsevanlar
"پينار" مجلهسی تئزلیکده ايشيق اوزو گؤرهجک.
بو مجلهنین ایلک ساییسیندا:
ايواز طاها، صمد رحمانی، کریم قربان زاده، سوسن نواده رضی، حافظ خياوی، عیسی نظری، سلیم زحمت دوست، حسین مصری و سایر دوستلار و قلمداشلارين مقاله لرين بو نومره ده اوخوياجاقسيز.
https://t.me/Adabiyyatsevanlar
Telegram
ادبیات سئونلر
بوکانال ادبیات سئونلر قوروپونون سئچیلمیش اثرلری دیر
کانالدا کی یازیلاری کانالین لینکینی وئرمک شرطی ایله پایلاشماق اولار.
کانالدا کی یازیلاری کانالین لینکینی وئرمک شرطی ایله پایلاشماق اولار.
"وقار_نعمت"
«بوگون كنديميزدن بير آغاج »
بوگون كنديميزدن بير آغاج كؤچور
اودونچو دايانيب، دوروب اَر كيمی
او آغاج گؤزونون ياشينی ايچير
زورلا اَره گئدن گلینلر كيمی
بو باهار، كنديميز قيش كئچيرهجك
بير پاليد عينادی دوغرانيب اونون
بو باهار يوواسيز قوشلار گلهجک
اوزونه غم توزو قونوب كنديمين
او، عؤمور پايينی بوگون كئچير كی،
بير عؤمره بيرآنليق گرك اولاجاق
اوندا مين بير قوشون ائوی اوچور كی،
هارداسا بير ائوه ديرك اولاجاق
بو آغاج، بلكه بير چَلييه دؤنوب،
بير قوجا اليندن ياپيشاجاقدی
بير سويوق اوجاقدا آليشيب، يانيب
نه بیلیم اوستونده نه بیشهجکدی
بلكه بير داخمايا چئوريلدی صاباح
بير اينسان عؤمرونو بيتيرمك اوچون
بلكه بير تابوتا چئوريلدی او، آه!...
بير اينسانی يئردن گؤتورمك اوچون
بوگون كنديميزدن بير آغاج كؤچور
زورلا اَره گئدن او يازيق قيز تك
نئچه آرزو قوشو يوواسيز قاليب،
نئچه قوش بو كنددن اوز دؤندرهجک
بلكه باخ بو كاغیذ هَمن آغاجدی
اؤزو او ظولومه قول چكير ايندی
بير جاهيل الينده ديلی كسيلدی
بير شاعير الينده ديل آچير ايندی
بير قلم اولماغا بير چؤپو يئتر
بو ظولمو دفتره كؤچورمك اوچون
يوواسيز قوش لاری او، قاتار ـ قاتار
آرزو گؤیلرينه اوچورماق اوچون
...دونيا كنديميزدن كؤچن آغاجين
چيينينده بير دونيا احتياج كؤچور
بوگون دونياميزدا سيخيلير بيرآن
بوگون دونياميزدان بير آغاج كؤچور!...
https://t.me/Adabiyyatsevanlar
«بوگون كنديميزدن بير آغاج »
بوگون كنديميزدن بير آغاج كؤچور
اودونچو دايانيب، دوروب اَر كيمی
او آغاج گؤزونون ياشينی ايچير
زورلا اَره گئدن گلینلر كيمی
بو باهار، كنديميز قيش كئچيرهجك
بير پاليد عينادی دوغرانيب اونون
بو باهار يوواسيز قوشلار گلهجک
اوزونه غم توزو قونوب كنديمين
او، عؤمور پايينی بوگون كئچير كی،
بير عؤمره بيرآنليق گرك اولاجاق
اوندا مين بير قوشون ائوی اوچور كی،
هارداسا بير ائوه ديرك اولاجاق
بو آغاج، بلكه بير چَلييه دؤنوب،
بير قوجا اليندن ياپيشاجاقدی
بير سويوق اوجاقدا آليشيب، يانيب
نه بیلیم اوستونده نه بیشهجکدی
بلكه بير داخمايا چئوريلدی صاباح
بير اينسان عؤمرونو بيتيرمك اوچون
بلكه بير تابوتا چئوريلدی او، آه!...
بير اينسانی يئردن گؤتورمك اوچون
بوگون كنديميزدن بير آغاج كؤچور
زورلا اَره گئدن او يازيق قيز تك
نئچه آرزو قوشو يوواسيز قاليب،
نئچه قوش بو كنددن اوز دؤندرهجک
بلكه باخ بو كاغیذ هَمن آغاجدی
اؤزو او ظولومه قول چكير ايندی
بير جاهيل الينده ديلی كسيلدی
بير شاعير الينده ديل آچير ايندی
بير قلم اولماغا بير چؤپو يئتر
بو ظولمو دفتره كؤچورمك اوچون
يوواسيز قوش لاری او، قاتار ـ قاتار
آرزو گؤیلرينه اوچورماق اوچون
...دونيا كنديميزدن كؤچن آغاجين
چيينينده بير دونيا احتياج كؤچور
بوگون دونياميزدا سيخيلير بيرآن
بوگون دونياميزدان بير آغاج كؤچور!...
https://t.me/Adabiyyatsevanlar
Telegram
ادبیات سئونلر
بوکانال ادبیات سئونلر قوروپونون سئچیلمیش اثرلری دیر
کانالدا کی یازیلاری کانالین لینکینی وئرمک شرطی ایله پایلاشماق اولار.
کانالدا کی یازیلاری کانالین لینکینی وئرمک شرطی ایله پایلاشماق اولار.
This media is not supported in your browser
VIEW IN TELEGRAM
سایین کانالداشلار
چهارشنبه گونلری ادبیات سئونلر کانالیندا یالنیز نثریازیلارین پایلاشیریق.
https://t.me/Adabiyyatsevanlar
چهارشنبه گونلری ادبیات سئونلر کانالیندا یالنیز نثریازیلارین پایلاشیریق.
https://t.me/Adabiyyatsevanlar
✅شعر و ادب گونو موناسیبتینه
اوستاد شهریار ادبیات سئونلر گوزگوسونده
بو گئجه :98/6/27
ساعات :22
https://t.me/Adabiyyatsevanlar
اوستاد شهریار ادبیات سئونلر گوزگوسونده
بو گئجه :98/6/27
ساعات :22
https://t.me/Adabiyyatsevanlar
لوطفیار ایمانوف 1928-2008 آذربایجان
خواننده
هاوالار: یار بیزه قوناق گله جک ، بو گئجه ، بو داغدا مارال گزر ، داغلار ، تبریزین اولدوزلاری ...
دوغوم یئری :آذربایجان صابیر آباد .
اولوم یئری : باکی
مزار: فخری قبیرصاندیغی
https://t.me/Adabiyyatsevanlar
خواننده
هاوالار: یار بیزه قوناق گله جک ، بو گئجه ، بو داغدا مارال گزر ، داغلار ، تبریزین اولدوزلاری ...
دوغوم یئری :آذربایجان صابیر آباد .
اولوم یئری : باکی
مزار: فخری قبیرصاندیغی
https://t.me/Adabiyyatsevanlar
✅سولماز محمد رضایی
سویوق
✅نرمین کمال
ممدی ایشدن چیخاردیلار، چونکو ایشی باجارمیردی. او دوروشلار کی اونلار ایسته ییردیلر، او دوروشلاری جاوان اوغلان چتین دوراردی، او کی قالا یئتمیش ایکی یاشیندا قوجا، آخیرینجی گون "ییخیلان قوجا" رسمیندن قیرخ بئش دقیقه بیر آیاق اوسته یاری بوکولو ساخلادیلار اونو. اؤزو ایسته ییردی دؤزه، بدنی دؤزمه دی. الینی ترپتمه دئییردیلر، ال ترپه نیردی. آیاغینی ترپتمه دئییردیلر، آیاق قاشینیب دیک آتیلیردی. مکتبین چوبوقلا "کوکا- کولا- ایچن جاوان اوشاقلاری نین اوندان هئچ نه سوروشمادان گاه یاخینلاشیب قولونو قالدیرمالارینا، گاه چیینیندن توتوب چئویرمه لرینه باخیردی.
بعضن کؤینکسیز اوتورمالی ایدی، بعضن بیرجه آلت پالتاریندا. تزه باشلایاندا اوتانیردی، فیکیرلشیردی اونون بدنینی موذاکیره ائله ییرلر. سونرا گؤردو موذاکیره ائله میرلر، ائله جه چکیرلر. اعضالاری نین بیر-بیرینه نئجه بیرلشدییینه باخیرلار. اوندا اؤزو ده بدنینه باشقا گؤزله باخماغا باشلادی. بو ایشه گلنه جن گئجه لر پال-پالتارلی یاتار، گوندوزلر اَل-اوزونو یویوب گئدردی ائو ساتماغا. بیزیم قصبه نین گؤزل، آمما سویوق ائولرینی. نه سه قاتدیلار او پانئل ائولره، ائله بیل نه یینیسه چوخ، نه یینیسه آز قاتدیلار، نفس آلمیر، اسنه میر، ایسیتمک اولمور او ائولری هئچ جوره.
گوزگویه باخاندا آنجاق ساچینا-باشینا باخاردی. بو ایشده کؤینک-شالوارینی چیخاریب میز اوستونه آتاندان بدنینی گؤردو. آغ توکلو سینه، قیریش دیرسکلر، قارا دیزلر، ساللاق قارین، ساللاق یاناقلار "قوجالیق و عئیبه جرلیک" درسلرینده هره سی اون مانات قازانماغا باشلادیلار. ائولر ساتیلمایاندا یئتمیش ایل اؤرتوب گوندن گیزلتدییی یؤندمسیز بدنی اونون چؤرک قازانینا چؤرک قویدو. باشیندان دا یاخشی.
آنجاق داها یوخدور او ایش، ائله بیل هئچ اولماییب. هئچ بیر شئی ائتمه دن ائله جه آیاق اوسته دایاندیغینا گؤره آداما اونلوق وئرنلر اولماییب ائله بیل. خاطیره سی ایسه نه قدرمیش. اوزاقلاشدیقجا آسانلاشیردی ایش ممدین گؤزونده.
آخیرینجی دفعه اوزو کاغیذ-کوغوذ دولابلارینا، آرخاسی دیوارا ایدی. رسسام دولابین قاپیسینی آچیب کاغیذ گؤتورندن سونرا اونو باغلامادی. بیر دفعه دئدی باغلایین، ایکی دفعه دئدی باغلایین اونو. قاپی نین آچیق یا باغلی اولماغی، اونون اوچون فرقلی ایدی. دیواردان اَیری آسیلمیش شکیل گرک دوز آسیلایدی، دؤشه مه یه دوشموش قلم گرک قالدیریلایدی، یاری اؤرتولو قاپی گرک کیپ اؤرتوله یدی. اؤز یئرینده اولمایان بو کیچیک شئی لرین بؤیوک قووه سی نه یوللاسا اَل آتیب اونون کوره یینی قیدیقلاییردی. کوره یی قاشیماق اوچونسه اَلی ترپتمک لازیم ایدی، آمما بو ایشده گرک اَلینی ترپتمه یه یدی. او گونو ده ائله اولدو، کوره یی قیدیقلاندی، گؤزونده قیغیلجیم اوینادی، قیشقیریب قارشیسینداکی میزی آشیردی، دیرسه ییله ووروب شیشه لری خینجیم-خینجیم ائله دی، تؤکدو یئره. بونو گؤرن سوپورگه چی "آللاه آمانسان" دئمکدن باشقا سؤز تاپمادی.
آمما اونون او آن توتوب ساخلاماق ایسته ین گنج رسساملارین گؤزلری نین آلتینداکی گؤی هله کئچمه میش ایشینه قاییتماق فیکرینه دوشدو. کیم ایدی قایتاران، هله هئچ کسین سهویندن بئله آسانلیقلا کئچیلمه ییب، هله بو دونیادا اولماییب بئله شئی.
او گون او یاری آچیق قاپینی دولاب ممدین بدنی نین اییرمی ناتمام رسمینی ده اوداندان سونرا باغلادیلار. رسملرین بیرینده ممدین قولو، بیرینده قارنی، بیرینده دالی قالدی. بیاز کاغیذلاردا ساده قلمله جیزیلمیش گؤوسلر ممده مخصوص ایدی، باشقا هئچ کسین بدنیله بو یاریمچیق گؤوسلری تاماملاماق اولمایاجاقدی.
رسساملار اوچون چتین اولدو تزه بدنه کئچمک. او بدنی اوزون مودت اونودا بیلمیردیلر. سوپورگه چی ده چوخ خاطیرلادی ممدی. هر سوروشانا دانیشدی. دئدی، "ایتلر تؤکولموشدو مکتبه. اؤلن اولمادی، سالاماتدیقدی". دئدی، " ناتورا بیردن دوردوغو یئرده قودوروب اؤزوندن چیخدی، رسساملارین صندلی لرینی آشیردی، شوشه لری سیندیردی، اوشاقلارین کاغیذ-کوغازینی جیریب یئله وئردی".
"ناتورا" دئیه نده چوخو ائله بیلدی سؤز قادین خایلاغیندان گئدیر. جاوان گؤزل بیر خانیم گتیردیلر گؤزلری نین قاباغینا. حیاسیزجا بیردن قودوروب. اوجوندان-قولاغیندان ائشیدنلرین چوخو ائله ساندی، ائله بیلدی.
اوستوندن بیر هفته کئچمیش پولیس گلدی، اوچ اوتاقلی منزیله اوخشایان رسساملیق مکتبی نین قاباغیندا ساخلاییب دوشدو، گیردی مودیرین اوتاغینا، بئش-اون دقیقه نه سه دانیشدی، چیخیب گئتدی. صنعت حیاتی اؤز ساکیت گونلرینه قاییتدی.
https://t.me/Adabiyyatsevanlar
سویوق
✅نرمین کمال
ممدی ایشدن چیخاردیلار، چونکو ایشی باجارمیردی. او دوروشلار کی اونلار ایسته ییردیلر، او دوروشلاری جاوان اوغلان چتین دوراردی، او کی قالا یئتمیش ایکی یاشیندا قوجا، آخیرینجی گون "ییخیلان قوجا" رسمیندن قیرخ بئش دقیقه بیر آیاق اوسته یاری بوکولو ساخلادیلار اونو. اؤزو ایسته ییردی دؤزه، بدنی دؤزمه دی. الینی ترپتمه دئییردیلر، ال ترپه نیردی. آیاغینی ترپتمه دئییردیلر، آیاق قاشینیب دیک آتیلیردی. مکتبین چوبوقلا "کوکا- کولا- ایچن جاوان اوشاقلاری نین اوندان هئچ نه سوروشمادان گاه یاخینلاشیب قولونو قالدیرمالارینا، گاه چیینیندن توتوب چئویرمه لرینه باخیردی.
بعضن کؤینکسیز اوتورمالی ایدی، بعضن بیرجه آلت پالتاریندا. تزه باشلایاندا اوتانیردی، فیکیرلشیردی اونون بدنینی موذاکیره ائله ییرلر. سونرا گؤردو موذاکیره ائله میرلر، ائله جه چکیرلر. اعضالاری نین بیر-بیرینه نئجه بیرلشدییینه باخیرلار. اوندا اؤزو ده بدنینه باشقا گؤزله باخماغا باشلادی. بو ایشه گلنه جن گئجه لر پال-پالتارلی یاتار، گوندوزلر اَل-اوزونو یویوب گئدردی ائو ساتماغا. بیزیم قصبه نین گؤزل، آمما سویوق ائولرینی. نه سه قاتدیلار او پانئل ائولره، ائله بیل نه یینیسه چوخ، نه یینیسه آز قاتدیلار، نفس آلمیر، اسنه میر، ایسیتمک اولمور او ائولری هئچ جوره.
گوزگویه باخاندا آنجاق ساچینا-باشینا باخاردی. بو ایشده کؤینک-شالوارینی چیخاریب میز اوستونه آتاندان بدنینی گؤردو. آغ توکلو سینه، قیریش دیرسکلر، قارا دیزلر، ساللاق قارین، ساللاق یاناقلار "قوجالیق و عئیبه جرلیک" درسلرینده هره سی اون مانات قازانماغا باشلادیلار. ائولر ساتیلمایاندا یئتمیش ایل اؤرتوب گوندن گیزلتدییی یؤندمسیز بدنی اونون چؤرک قازانینا چؤرک قویدو. باشیندان دا یاخشی.
آنجاق داها یوخدور او ایش، ائله بیل هئچ اولماییب. هئچ بیر شئی ائتمه دن ائله جه آیاق اوسته دایاندیغینا گؤره آداما اونلوق وئرنلر اولماییب ائله بیل. خاطیره سی ایسه نه قدرمیش. اوزاقلاشدیقجا آسانلاشیردی ایش ممدین گؤزونده.
آخیرینجی دفعه اوزو کاغیذ-کوغوذ دولابلارینا، آرخاسی دیوارا ایدی. رسسام دولابین قاپیسینی آچیب کاغیذ گؤتورندن سونرا اونو باغلامادی. بیر دفعه دئدی باغلایین، ایکی دفعه دئدی باغلایین اونو. قاپی نین آچیق یا باغلی اولماغی، اونون اوچون فرقلی ایدی. دیواردان اَیری آسیلمیش شکیل گرک دوز آسیلایدی، دؤشه مه یه دوشموش قلم گرک قالدیریلایدی، یاری اؤرتولو قاپی گرک کیپ اؤرتوله یدی. اؤز یئرینده اولمایان بو کیچیک شئی لرین بؤیوک قووه سی نه یوللاسا اَل آتیب اونون کوره یینی قیدیقلاییردی. کوره یی قاشیماق اوچونسه اَلی ترپتمک لازیم ایدی، آمما بو ایشده گرک اَلینی ترپتمه یه یدی. او گونو ده ائله اولدو، کوره یی قیدیقلاندی، گؤزونده قیغیلجیم اوینادی، قیشقیریب قارشیسینداکی میزی آشیردی، دیرسه ییله ووروب شیشه لری خینجیم-خینجیم ائله دی، تؤکدو یئره. بونو گؤرن سوپورگه چی "آللاه آمانسان" دئمکدن باشقا سؤز تاپمادی.
آمما اونون او آن توتوب ساخلاماق ایسته ین گنج رسساملارین گؤزلری نین آلتینداکی گؤی هله کئچمه میش ایشینه قاییتماق فیکرینه دوشدو. کیم ایدی قایتاران، هله هئچ کسین سهویندن بئله آسانلیقلا کئچیلمه ییب، هله بو دونیادا اولماییب بئله شئی.
او گون او یاری آچیق قاپینی دولاب ممدین بدنی نین اییرمی ناتمام رسمینی ده اوداندان سونرا باغلادیلار. رسملرین بیرینده ممدین قولو، بیرینده قارنی، بیرینده دالی قالدی. بیاز کاغیذلاردا ساده قلمله جیزیلمیش گؤوسلر ممده مخصوص ایدی، باشقا هئچ کسین بدنیله بو یاریمچیق گؤوسلری تاماملاماق اولمایاجاقدی.
رسساملار اوچون چتین اولدو تزه بدنه کئچمک. او بدنی اوزون مودت اونودا بیلمیردیلر. سوپورگه چی ده چوخ خاطیرلادی ممدی. هر سوروشانا دانیشدی. دئدی، "ایتلر تؤکولموشدو مکتبه. اؤلن اولمادی، سالاماتدیقدی". دئدی، " ناتورا بیردن دوردوغو یئرده قودوروب اؤزوندن چیخدی، رسساملارین صندلی لرینی آشیردی، شوشه لری سیندیردی، اوشاقلارین کاغیذ-کوغازینی جیریب یئله وئردی".
"ناتورا" دئیه نده چوخو ائله بیلدی سؤز قادین خایلاغیندان گئدیر. جاوان گؤزل بیر خانیم گتیردیلر گؤزلری نین قاباغینا. حیاسیزجا بیردن قودوروب. اوجوندان-قولاغیندان ائشیدنلرین چوخو ائله ساندی، ائله بیلدی.
اوستوندن بیر هفته کئچمیش پولیس گلدی، اوچ اوتاقلی منزیله اوخشایان رسساملیق مکتبی نین قاباغیندا ساخلاییب دوشدو، گیردی مودیرین اوتاغینا، بئش-اون دقیقه نه سه دانیشدی، چیخیب گئتدی. صنعت حیاتی اؤز ساکیت گونلرینه قاییتدی.
https://t.me/Adabiyyatsevanlar
✅بورانلی گونلرین اونوتقانلیغی
"رحیم خیاوی"
یایین سون آیی ایدی. ایلین بو چاغیندا آخشام اوستو لر شیدیرغی یاغیش یاغاردی؛ کوچه- خیابانی سئل باشینا آلاردی؛ قارا بولودلار یاییلیب، آردینجا گؤی گورولداییب؛قارانلیق هر یئره چؤکردی. آنجاق بیر آز سونرا یئنههاوا آیازلاشاردی؛ گؤی قورشاغینین قیرمیزی و بنؤشهیی قووسلاری گؤی اوزونو بزهرکن، هر شئیین رنگی آچیلیب، پامبوق بولودلار پار-پار پاریلداردی.
همیشه یاغیش یاغاندا باییرا چیخیب، یاغیشین آلتیندا سوسقون- سوسقون دایانیب، بیر نقطهیه دونوخوردو.بو گونده نه زامان ائودن چیخیب یاغیش آلتیندا حسرتله کوچهنین سونسوزلوغونا گؤز تیکیب «اونون» یوخلوغونو آختاردیغینی هئچ اؤزو ده حیس ائتمهمیشدی. جیم- جیلاق سواولموشدو.
غضبلی بیر تانیش سس قولاغینا دیدی. قانریلیب آرخایا قارداشی «یحیی»نی گؤردو.ائوه قاییتسین، یوخسا «اونون» دالینجا گئتسین سئچیمینین اورتاسیندا قالمیشدی.گؤیون گورولتوسو و یاغیشین شیدیرغی یاغماسی اورهگینده قورخونج حیسلر یاراتمیشدی؛ ائوه قاییتماغا چکیلیردی.گئرییه قاییدیب.اؤز ائولرینه یوخ، قونشونون قاپیسینی دؤیدو.
«سارا»بوتون قاپیلاری اؤز ائولرینین قاپیسی سانیردی. او اوزون زامان ایدی بیر چوخ شئیلره و ان باشلیجاسی اؤزونه یانیلیردی. هله ائولری قالسین، بعضا اؤزونو ده ترس سالیردی.
یحیی الیندن یاپیشیب اؤز ائولرینه ساری گتیره- گتیره -«نهدن بو شیدیرغی یاغیشدا کوچهیه چیخمیسان؟ سن نه واخت قاناجاقسان اوقاییتمایاجاق داها» – دئیهرک، باجیسینی ائولرینه ساری چکدی. سارا کؤنولسوز گولومسهیرک -«او چینار آغاجینین آلتیندا اوتوروب منی گؤزلهییر» دئدی. بیر آن قولوندان یاپیشان یحیینین بیگانه بیر شخص اولدوغونو ظن ائتدی. دوداغی آلتیندا -«یانی من بیر غریبه آداملا بیر ائوده یاشاییرام؟» میزیلدادی. سونرا آغیر سکوته دالدی. سانکی بئینینده بیر پرده آچیلیب باغلاناراق، یحیینی گاه غریبه بیر آدام، گاه دا اؤز دوغما قارداشی ظن ائدیردی. بیر آن جانینا اوشوتمه دوشدو: – «من نییه سایاقلاییرام؟ اولمایا یانیلیرام؛ قارداشیمیدا ترس سالیرام» دئدی. سانکی بو سواللاری باشقا بیر آدام اولان اؤزوندن سوروشوردو. بو فیکیرلردن یایینماغا چالیشدی؛ آنجاق اونلارین الیندن یاخا قورتارماغی باجارمادی.
بوتون بو حاللارکئچمیشده باش وئرن دهشتلی بیر بورانلی گوندن باشلانمیشدی. جاماعات ایچینده«قتله» گونو آدلانان بو بورانلی گون سارانین عؤمرونو قارا کؤلگهسی آلتینا آلمیش، اونون گنجلیک رؤیالارینی پرن- پرن ائتمیشدی. هله ده«اونون» حیط قاپیسیندان شهرین اورتاسینداکی قوجا چینارین آیاغینا قدر اوباشلارین رحمسیزجهسینه ائندیردیگی ضربهلر آلتیندا ییخیلیب دورماسینی اونوتمامیشدی. هلهده قوجا چینارین آنا بوداغیندان آسیلی قالان هیکلین، قالدیریلمیش بایراغ کیمیدالغالانماسی گؤز اؤنونده ایدی.هیکلین هر بیر ترپنیشی ایله سارانین دا اورهیی تیترهییردی.
*
یاغیش داها کسیلمیشدی؛ گؤی قورشاغی قیرمیزی و بنؤوشهیی قووسونو گؤیون بو باشیندان او باشینادک چکمیشدی؛هاوادان تورپاق قوخوسو یاییلیردی. سارانین اورهیینین باشینا دوشن آغیرلیق آزالمیشدی. اؤزونویونگول حیس ائدیردی. آینانین قارشیسیندا اولان چارپایادا اوتوروب، اؤزونه دونوخدو. سانکی اونو بیر آن دا بوراخمایان او ایکینجی شخصی آرتیق تانیماق ایستهییردی. ساچلارینا الینی چکدی. بورانلی گونده یاغان قار دنهلری کیمیاونوندا ساچلارینا قار یاغمیشدی. جانی اوشودو. آذر آیینین سون گونلرینین سویوقلوغونو بیر داهادا حیس ائتدی. گؤزو، بارماغینداکی نیشان اوزوگونه ساتاشدی. نه واخت آداخلاندیغینی بئله اونوتموشدو. تعجبله: – «من نه واخت نیشانلاندیم آخی؟!» اوزونو سورغولاییردی. یئنه اؤزو و ایچینده اونونلا ائکیزلشن ایکینجی شخصله دانیشیغا گیرمیشدی. شاشغین وضعیتده گؤزلری پنجرهدن کوچهنین سونسوزلوغونا توشلاندی. یاشادیغی او کیچیک شهرین اورتاسینداکی چینار آغاجینا قووشان بو سونسوز کوچه سارایا قارداشینین دفعهلرله دئدیگی- «داها یورولموشام. اولسئیدین جانیم دینجهلردی. سنی آرالیقدان ییغیشدیرماقدان یاخام قورتاراردی.» سؤزونو و سونرا باجی قارداش قول- بویون اولوب آغلادیقلارینی خاطیرلاتدی. -«آخ… کئشگه آنام دیری اولایدی و بوگونلرده قوینونا سیغینایدیم» دئدی.
*
گئجه قارا چارشابینی باشینا چکمیشدی. اوزاقلاردان آرا-سیرا ایتلرین هوروشمه سسی گلیردی. یحیی یاتماق اوچون یورقان-دؤشک ایشگافینا ساری یونلدی؛ آنجاق سارا قوللارینی ایشگافین قاپیسینا داراقلاییب: -«بونلار منی
م جاهازیمدی، تویوم یاخینلاشیر.» دئیهرک،اونا مانع اولدو. یحیی آجی بیر تبسومله باشین توولاییب، دریندن کؤکسو اؤتوردو. سارانی سوزوب، اوتاغین بیر کونجونده اللرین باشینین آلتینا چارپازلاییب، داش کیمییوخویا دالدی.
سارا کوچهیه باخان پنجرهیه ساری گئدیب، کوچهنین سونسولوغونا گؤز تیکدی. شهرین اورتاسینداکی چینار
"رحیم خیاوی"
یایین سون آیی ایدی. ایلین بو چاغیندا آخشام اوستو لر شیدیرغی یاغیش یاغاردی؛ کوچه- خیابانی سئل باشینا آلاردی؛ قارا بولودلار یاییلیب، آردینجا گؤی گورولداییب؛قارانلیق هر یئره چؤکردی. آنجاق بیر آز سونرا یئنههاوا آیازلاشاردی؛ گؤی قورشاغینین قیرمیزی و بنؤشهیی قووسلاری گؤی اوزونو بزهرکن، هر شئیین رنگی آچیلیب، پامبوق بولودلار پار-پار پاریلداردی.
همیشه یاغیش یاغاندا باییرا چیخیب، یاغیشین آلتیندا سوسقون- سوسقون دایانیب، بیر نقطهیه دونوخوردو.بو گونده نه زامان ائودن چیخیب یاغیش آلتیندا حسرتله کوچهنین سونسوزلوغونا گؤز تیکیب «اونون» یوخلوغونو آختاردیغینی هئچ اؤزو ده حیس ائتمهمیشدی. جیم- جیلاق سواولموشدو.
غضبلی بیر تانیش سس قولاغینا دیدی. قانریلیب آرخایا قارداشی «یحیی»نی گؤردو.ائوه قاییتسین، یوخسا «اونون» دالینجا گئتسین سئچیمینین اورتاسیندا قالمیشدی.گؤیون گورولتوسو و یاغیشین شیدیرغی یاغماسی اورهگینده قورخونج حیسلر یاراتمیشدی؛ ائوه قاییتماغا چکیلیردی.گئرییه قاییدیب.اؤز ائولرینه یوخ، قونشونون قاپیسینی دؤیدو.
«سارا»بوتون قاپیلاری اؤز ائولرینین قاپیسی سانیردی. او اوزون زامان ایدی بیر چوخ شئیلره و ان باشلیجاسی اؤزونه یانیلیردی. هله ائولری قالسین، بعضا اؤزونو ده ترس سالیردی.
یحیی الیندن یاپیشیب اؤز ائولرینه ساری گتیره- گتیره -«نهدن بو شیدیرغی یاغیشدا کوچهیه چیخمیسان؟ سن نه واخت قاناجاقسان اوقاییتمایاجاق داها» – دئیهرک، باجیسینی ائولرینه ساری چکدی. سارا کؤنولسوز گولومسهیرک -«او چینار آغاجینین آلتیندا اوتوروب منی گؤزلهییر» دئدی. بیر آن قولوندان یاپیشان یحیینین بیگانه بیر شخص اولدوغونو ظن ائتدی. دوداغی آلتیندا -«یانی من بیر غریبه آداملا بیر ائوده یاشاییرام؟» میزیلدادی. سونرا آغیر سکوته دالدی. سانکی بئینینده بیر پرده آچیلیب باغلاناراق، یحیینی گاه غریبه بیر آدام، گاه دا اؤز دوغما قارداشی ظن ائدیردی. بیر آن جانینا اوشوتمه دوشدو: – «من نییه سایاقلاییرام؟ اولمایا یانیلیرام؛ قارداشیمیدا ترس سالیرام» دئدی. سانکی بو سواللاری باشقا بیر آدام اولان اؤزوندن سوروشوردو. بو فیکیرلردن یایینماغا چالیشدی؛ آنجاق اونلارین الیندن یاخا قورتارماغی باجارمادی.
بوتون بو حاللارکئچمیشده باش وئرن دهشتلی بیر بورانلی گوندن باشلانمیشدی. جاماعات ایچینده«قتله» گونو آدلانان بو بورانلی گون سارانین عؤمرونو قارا کؤلگهسی آلتینا آلمیش، اونون گنجلیک رؤیالارینی پرن- پرن ائتمیشدی. هله ده«اونون» حیط قاپیسیندان شهرین اورتاسینداکی قوجا چینارین آیاغینا قدر اوباشلارین رحمسیزجهسینه ائندیردیگی ضربهلر آلتیندا ییخیلیب دورماسینی اونوتمامیشدی. هلهده قوجا چینارین آنا بوداغیندان آسیلی قالان هیکلین، قالدیریلمیش بایراغ کیمیدالغالانماسی گؤز اؤنونده ایدی.هیکلین هر بیر ترپنیشی ایله سارانین دا اورهیی تیترهییردی.
*
یاغیش داها کسیلمیشدی؛ گؤی قورشاغی قیرمیزی و بنؤوشهیی قووسونو گؤیون بو باشیندان او باشینادک چکمیشدی؛هاوادان تورپاق قوخوسو یاییلیردی. سارانین اورهیینین باشینا دوشن آغیرلیق آزالمیشدی. اؤزونویونگول حیس ائدیردی. آینانین قارشیسیندا اولان چارپایادا اوتوروب، اؤزونه دونوخدو. سانکی اونو بیر آن دا بوراخمایان او ایکینجی شخصی آرتیق تانیماق ایستهییردی. ساچلارینا الینی چکدی. بورانلی گونده یاغان قار دنهلری کیمیاونوندا ساچلارینا قار یاغمیشدی. جانی اوشودو. آذر آیینین سون گونلرینین سویوقلوغونو بیر داهادا حیس ائتدی. گؤزو، بارماغینداکی نیشان اوزوگونه ساتاشدی. نه واخت آداخلاندیغینی بئله اونوتموشدو. تعجبله: – «من نه واخت نیشانلاندیم آخی؟!» اوزونو سورغولاییردی. یئنه اؤزو و ایچینده اونونلا ائکیزلشن ایکینجی شخصله دانیشیغا گیرمیشدی. شاشغین وضعیتده گؤزلری پنجرهدن کوچهنین سونسوزلوغونا توشلاندی. یاشادیغی او کیچیک شهرین اورتاسینداکی چینار آغاجینا قووشان بو سونسوز کوچه سارایا قارداشینین دفعهلرله دئدیگی- «داها یورولموشام. اولسئیدین جانیم دینجهلردی. سنی آرالیقدان ییغیشدیرماقدان یاخام قورتاراردی.» سؤزونو و سونرا باجی قارداش قول- بویون اولوب آغلادیقلارینی خاطیرلاتدی. -«آخ… کئشگه آنام دیری اولایدی و بوگونلرده قوینونا سیغینایدیم» دئدی.
*
گئجه قارا چارشابینی باشینا چکمیشدی. اوزاقلاردان آرا-سیرا ایتلرین هوروشمه سسی گلیردی. یحیی یاتماق اوچون یورقان-دؤشک ایشگافینا ساری یونلدی؛ آنجاق سارا قوللارینی ایشگافین قاپیسینا داراقلاییب: -«بونلار منی
م جاهازیمدی، تویوم یاخینلاشیر.» دئیهرک،اونا مانع اولدو. یحیی آجی بیر تبسومله باشین توولاییب، دریندن کؤکسو اؤتوردو. سارانی سوزوب، اوتاغین بیر کونجونده اللرین باشینین آلتینا چارپازلاییب، داش کیمییوخویا دالدی.
سارا کوچهیه باخان پنجرهیه ساری گئدیب، کوچهنین سونسولوغونا گؤز تیکدی. شهرین اورتاسینداکی چینار
آغاجینا قووشان بو سونسوز کوچه اونو اؤزونه سسلهییردی. گاهدان باشینی قووزاییب گؤیدهکی سولغون اولدوزلاری سوزوردو. کوچهده کیمسه قالمامیشدی، آنجاق اوزاقلاردان قارما- قاریشیق سسلر ائشیدیلیردی.سارانین بئینینه یئنه ده سایسیز سورغولار هجوم گتیرمیشدی. «اونون» اللری سارایا ساری اوزانمیشدی. قوجا چینارین آنا بوداغیندان آسیلان هیکلین هر ترپنیشی ایله سارانین دا آددیملاری شهرین مرکزینه دوغرو یول چکیردی. مئیدانین گیریشینده کیمسه یوخ ایدی. قانشاردایالنیز باغلی ماغازالارین قاباغیندا ایکی الینی چلیگینه سؤیکهییب، هیکل کیمیدایانان بیر قوجا کیشی گؤرسهنیردی.
گئت- گئده چینارین اطرافی ازدحاملاندی. اوباشلارین ضربهلری آلتیندا دوشوب قالخان کیشینین آلنیندان قیزیل قان آخیردی. اوباشلار اونو چینارین آلتینا چکمک ایستهییردیلر. «او» اوجا سسله یومروغونو قالدیراراق نسه دئییردی. جاماعاتین گؤزلرینده قورخو یووا سالمیشدی. ماحالین غدار خانی آت اوستونده فاتح بیر کوماندان کیمیسینهسینی یئله وئریردی. اونون هر «قتله» فرمانیلا قوجا چینارین یارپاقلاری واراق- واراق واراقلانیردی؛ جانی قورویوردو.
سارا اؤزوندن بئش باش کیچیک اولان قارداشی یحیینی باغرینا باسیب اینلهییردی. اوزونون دریسنده قان جیزگیلری گؤرونوردو. آنلام سیز سؤزلر دوداغی آلتدا میزیلداییردی.اطرافینداکی گورونتولر باشقا بیر تهر گؤزونه گؤرونوردو. بوغازی تیخانیب زورلا نفس آلیردی. سانکی اورهیی کؤکسونونه سیغمیردی. آنجاق بونلارا باخمایاراق «اونون»ساوالان ووقارلی هیکلینی باغرینا باسماق و گوموشو ساچلارینی اوخشاماق ایستهییردی.هاردانسا «اونون» -«داریخما. گئدیرم قاییداجام. من وطن اوچون یاشادیم. وطن اوچون ده اؤلورم» دئدیگینی ائشیتدی. «او» سون دفعه اولاراق اوزاقلاردان اؤز گؤرکمیو ووقاری ایله نظاره ائدن آغ ساچلی آنا ساوالانا گؤز دولاندیردی. -«آنا سنین ووقارینی و حؤرمتینی قورویاجاغام. مندن نگران قالما!» دئییب، قوجا چیناردان آسیلی قالدی. ساوالان آنا قایغیسی ایله بیر اوغلونو دا باغرینا باسدی.
*
زامان ترسینه ایشلهییردی. سارا چینارین گؤودهسینی باغرینا باسیب دونموشدو. چینارین سینهسینده یانیب-سؤنن قیسا و اوزون عؤمورلرین ایزی آیدینجا گوزه چارپیردی.چلیگینه سؤیکهنیب، هیکل کیمیدایانان قوجا کیشی ساوالانا دوغرو یواش- یواش آددیملاییردی.
دان یئری یئنیجه سؤکولموشدو. بلکه ده گون اورتا یئرینه دوغرو بیر قدهر ده یاخینلاشمیشدی.یحیی ائودن چیخدیقدا یئنه ده سارانی، قوجا چیناری باغرینا باسمیش حالدا گؤردو. اونا یاخینلاشیب هیجانلا « گینه بوردا نه گزیرسن آخی…!» دئییب،باجیسینین قوللاریندان یاپیشیب قالخیزماغا چالیشدی. سارانین ترپنمگه و دانیشماغا اینجاری قالمامیشدی. الدن دوشموشدو. بیر گئجهده ساچلاری آغ- آپباغ آغارمیشدی. آلا گؤزلری چوخورا دوشموش، بئلی اییلمیش و دانیشماغینی ایتیرمیشدی. دوداغی آلتیندا اینیلتییه قاریشمیش آنلاشیلماز سؤزلر دئییر، گؤزونو قارداشینین گؤزلرینه زیللهمیشدی. یحیی سارانین بو دوروموندان قورخویا دوشدو. قورخونج بیر حالدا «نییه منه بو تهر باخیرسان قادان آلیم؟» دئیهرک، سارانین قوللارینا گیریب، آیاغا قالخیزدی. «قوربانین اولوم باجی. آخی نییه مندن خبرسیز گینه ده ائودن چیخمیسان؟»دئیهرک، سارانی ائولرینه ساری چکدی. سارانین ال دیمهمیش یاتاغی اونون اینجارسیز هئیکلینی اؤزونه آلدی. یحیی باجیسینین باشی اوستونده اوتوروب اونا گؤز تیکدی. سارا گؤزلرینی یاری آچیب، بویاسیز بیر تبسمله «آتام سؤز وئردی بو گئجه بیزه قوناق گلهجک» دئییب، یئنه ده گؤزلرینی یوموب،هاراسا غرق اولدو.یحیینین بوغازیندا دوگونلمیش قهر بیردن آچیلیب، هؤنکورتویه چئوریلدی. سارانین اینجارسیز هئیکلینی قوللاری آراسینا آلیب، آتاسی کیمیاونون پریشان ساچلارینی اوخشاماغا باشلادی.او همیشه آتاسینا اوخشاماغا چالیشیردی. او اؤزونو آتاسینین داوامیکیمیحساب ائدیردی. اونون یئریشینی، دوروشونو، دانیشماسینی تکرار ائدیب،باجیسینین دونیاسیندا بوش قالان آتا یئرینی دولدورماغا چالیشیردی.
*
پاییزین سون گونلری ایدی. گؤیون اوزو قارالمیشدی.هاوا زهرلی ایلان کیمیآدامین صیفتینی چالیردی.گاهدان بیر شیمشک گؤز قیرپیمیندا قیوریلیب، گویده ایز چکیب، سونسوزلوغادوغرو سوزوردو. شهرین آنا مئیدانیندا قوجا چینارین قوروموش جانی تیترهییردی. داها همیشهکی کیمیبوداغلاریندان قوشلار اوچموردو.گئجهدن شیدیرغی باشلایان یاغیش تورپاغین یاناقلارینی قامچیلامیشدی. یاغیشین یئرینی، آستاجا یاغان قار آلمیشد
ی.
بوگون آذر آیینین ۲۱ ایدی. حؤکومت هر ایل بو گونده شهرین آنا مئیدانیندا طنطنهلی میتینگ کئچیریردی؛ غلبه مارشی چالینیر، مئیداندا مامورلار، ژاندارما دستهلری رژه کئچیر، قارا یاخا مامورلارین الیندن نفس آلماق مومکون اولموردو. بو گون ده آنا مئیدان و اونون اطرافی قالابالیقایدی.هر طرفده ظفر مارشی چالینیرو
گئت- گئده چینارین اطرافی ازدحاملاندی. اوباشلارین ضربهلری آلتیندا دوشوب قالخان کیشینین آلنیندان قیزیل قان آخیردی. اوباشلار اونو چینارین آلتینا چکمک ایستهییردیلر. «او» اوجا سسله یومروغونو قالدیراراق نسه دئییردی. جاماعاتین گؤزلرینده قورخو یووا سالمیشدی. ماحالین غدار خانی آت اوستونده فاتح بیر کوماندان کیمیسینهسینی یئله وئریردی. اونون هر «قتله» فرمانیلا قوجا چینارین یارپاقلاری واراق- واراق واراقلانیردی؛ جانی قورویوردو.
سارا اؤزوندن بئش باش کیچیک اولان قارداشی یحیینی باغرینا باسیب اینلهییردی. اوزونون دریسنده قان جیزگیلری گؤرونوردو. آنلام سیز سؤزلر دوداغی آلتدا میزیلداییردی.اطرافینداکی گورونتولر باشقا بیر تهر گؤزونه گؤرونوردو. بوغازی تیخانیب زورلا نفس آلیردی. سانکی اورهیی کؤکسونونه سیغمیردی. آنجاق بونلارا باخمایاراق «اونون»ساوالان ووقارلی هیکلینی باغرینا باسماق و گوموشو ساچلارینی اوخشاماق ایستهییردی.هاردانسا «اونون» -«داریخما. گئدیرم قاییداجام. من وطن اوچون یاشادیم. وطن اوچون ده اؤلورم» دئدیگینی ائشیتدی. «او» سون دفعه اولاراق اوزاقلاردان اؤز گؤرکمیو ووقاری ایله نظاره ائدن آغ ساچلی آنا ساوالانا گؤز دولاندیردی. -«آنا سنین ووقارینی و حؤرمتینی قورویاجاغام. مندن نگران قالما!» دئییب، قوجا چیناردان آسیلی قالدی. ساوالان آنا قایغیسی ایله بیر اوغلونو دا باغرینا باسدی.
*
زامان ترسینه ایشلهییردی. سارا چینارین گؤودهسینی باغرینا باسیب دونموشدو. چینارین سینهسینده یانیب-سؤنن قیسا و اوزون عؤمورلرین ایزی آیدینجا گوزه چارپیردی.چلیگینه سؤیکهنیب، هیکل کیمیدایانان قوجا کیشی ساوالانا دوغرو یواش- یواش آددیملاییردی.
دان یئری یئنیجه سؤکولموشدو. بلکه ده گون اورتا یئرینه دوغرو بیر قدهر ده یاخینلاشمیشدی.یحیی ائودن چیخدیقدا یئنه ده سارانی، قوجا چیناری باغرینا باسمیش حالدا گؤردو. اونا یاخینلاشیب هیجانلا « گینه بوردا نه گزیرسن آخی…!» دئییب،باجیسینین قوللاریندان یاپیشیب قالخیزماغا چالیشدی. سارانین ترپنمگه و دانیشماغا اینجاری قالمامیشدی. الدن دوشموشدو. بیر گئجهده ساچلاری آغ- آپباغ آغارمیشدی. آلا گؤزلری چوخورا دوشموش، بئلی اییلمیش و دانیشماغینی ایتیرمیشدی. دوداغی آلتیندا اینیلتییه قاریشمیش آنلاشیلماز سؤزلر دئییر، گؤزونو قارداشینین گؤزلرینه زیللهمیشدی. یحیی سارانین بو دوروموندان قورخویا دوشدو. قورخونج بیر حالدا «نییه منه بو تهر باخیرسان قادان آلیم؟» دئیهرک، سارانین قوللارینا گیریب، آیاغا قالخیزدی. «قوربانین اولوم باجی. آخی نییه مندن خبرسیز گینه ده ائودن چیخمیسان؟»دئیهرک، سارانی ائولرینه ساری چکدی. سارانین ال دیمهمیش یاتاغی اونون اینجارسیز هئیکلینی اؤزونه آلدی. یحیی باجیسینین باشی اوستونده اوتوروب اونا گؤز تیکدی. سارا گؤزلرینی یاری آچیب، بویاسیز بیر تبسمله «آتام سؤز وئردی بو گئجه بیزه قوناق گلهجک» دئییب، یئنه ده گؤزلرینی یوموب،هاراسا غرق اولدو.یحیینین بوغازیندا دوگونلمیش قهر بیردن آچیلیب، هؤنکورتویه چئوریلدی. سارانین اینجارسیز هئیکلینی قوللاری آراسینا آلیب، آتاسی کیمیاونون پریشان ساچلارینی اوخشاماغا باشلادی.او همیشه آتاسینا اوخشاماغا چالیشیردی. او اؤزونو آتاسینین داوامیکیمیحساب ائدیردی. اونون یئریشینی، دوروشونو، دانیشماسینی تکرار ائدیب،باجیسینین دونیاسیندا بوش قالان آتا یئرینی دولدورماغا چالیشیردی.
*
پاییزین سون گونلری ایدی. گؤیون اوزو قارالمیشدی.هاوا زهرلی ایلان کیمیآدامین صیفتینی چالیردی.گاهدان بیر شیمشک گؤز قیرپیمیندا قیوریلیب، گویده ایز چکیب، سونسوزلوغادوغرو سوزوردو. شهرین آنا مئیدانیندا قوجا چینارین قوروموش جانی تیترهییردی. داها همیشهکی کیمیبوداغلاریندان قوشلار اوچموردو.گئجهدن شیدیرغی باشلایان یاغیش تورپاغین یاناقلارینی قامچیلامیشدی. یاغیشین یئرینی، آستاجا یاغان قار آلمیشد
ی.
بوگون آذر آیینین ۲۱ ایدی. حؤکومت هر ایل بو گونده شهرین آنا مئیدانیندا طنطنهلی میتینگ کئچیریردی؛ غلبه مارشی چالینیر، مئیداندا مامورلار، ژاندارما دستهلری رژه کئچیر، قارا یاخا مامورلارین الیندن نفس آلماق مومکون اولموردو. بو گون ده آنا مئیدان و اونون اطرافی قالابالیقایدی.هر طرفده ظفر مارشی چالینیرو
هورا سسلری ائشیدیلیردی.
یحیی یوخودان آییلیب اوز- گؤزونه ال گزدیریب، ساچلارینی ترتیبه سالدی. سونرا لاپ تازا و یاراشیقلی پالتارینی گئییب، آتاسیندان یادگار قالمیش پالتونو اینینه چکیب، ائودن چیخدی. بورکونوقولاقلارینین آلتینا قدهر چکدی. آتاسینین پالتووندا اؤزونو چوخ متین و قیوراق حیس ائدیردی. پالتونون سول جیبینده آغیرلیق ائدن شئیی یوخلادی. دریندن بیر کؤکس اؤتوردو. آددیملارینی ایتی آتاراق، گؤزلرینی یاغان قاردان قوروماغا چالیشدی. بیر آن دا اولسون چینار آغاجی، اونون آنا بوداغیندان آسیلان گوموش ساچلی قهرمان آتاسی و سارانین سولغون باخیشلارینی اونودا بیلمیردی. اورهیینده تالانمیش بیر ائلین، قانا چکیلمیش بیر تورپاغینهارایی شعلهلنیردی.
شهرین مئیدانینا چکیلن و همیشه سونسوز گؤرونن کوچهنین انتهاسینا یاخینلاشدی. میداندا قوجا چینارین اطرافینا توپلاشان ژاندارمالاری، شهرین اوباشلارینی و بزکلی قوماشا بورونموش بیر سککی اوستونده قورولموش تریبون آرخاسیندا حرارتله دانیشان ژاندارما باشچیسینی گؤردو. دانیشانین کناریندا «ارشه» ماحالینین غدار خانی سینهسینی قاباغا وئریب،فاتح کیمیدایانمیشدی. یحیی نئچه آددیم ایرهلیلهییب، یئنیدن پالتونون ساغ جیبیندهکینی یوخلادی. گؤزلرینی بیر قوجا چینارا، بیرده اوزاقدان ساچلاری پارلاق گؤرونن آنا ساوالانا تیکدی. الینی ساغ جیبینه آپاریب، سیلاحین دستهسینی سیخدی…
سون
https://t.me/Adabiyyatsevanlar
یحیی یوخودان آییلیب اوز- گؤزونه ال گزدیریب، ساچلارینی ترتیبه سالدی. سونرا لاپ تازا و یاراشیقلی پالتارینی گئییب، آتاسیندان یادگار قالمیش پالتونو اینینه چکیب، ائودن چیخدی. بورکونوقولاقلارینین آلتینا قدهر چکدی. آتاسینین پالتووندا اؤزونو چوخ متین و قیوراق حیس ائدیردی. پالتونون سول جیبینده آغیرلیق ائدن شئیی یوخلادی. دریندن بیر کؤکس اؤتوردو. آددیملارینی ایتی آتاراق، گؤزلرینی یاغان قاردان قوروماغا چالیشدی. بیر آن دا اولسون چینار آغاجی، اونون آنا بوداغیندان آسیلان گوموش ساچلی قهرمان آتاسی و سارانین سولغون باخیشلارینی اونودا بیلمیردی. اورهیینده تالانمیش بیر ائلین، قانا چکیلمیش بیر تورپاغینهارایی شعلهلنیردی.
شهرین مئیدانینا چکیلن و همیشه سونسوز گؤرونن کوچهنین انتهاسینا یاخینلاشدی. میداندا قوجا چینارین اطرافینا توپلاشان ژاندارمالاری، شهرین اوباشلارینی و بزکلی قوماشا بورونموش بیر سککی اوستونده قورولموش تریبون آرخاسیندا حرارتله دانیشان ژاندارما باشچیسینی گؤردو. دانیشانین کناریندا «ارشه» ماحالینین غدار خانی سینهسینی قاباغا وئریب،فاتح کیمیدایانمیشدی. یحیی نئچه آددیم ایرهلیلهییب، یئنیدن پالتونون ساغ جیبیندهکینی یوخلادی. گؤزلرینی بیر قوجا چینارا، بیرده اوزاقدان ساچلاری پارلاق گؤرونن آنا ساوالانا تیکدی. الینی ساغ جیبینه آپاریب، سیلاحین دستهسینی سیخدی…
سون
https://t.me/Adabiyyatsevanlar
Forwarded from ادبیات سئونلر
✅شعر و ادب گونو موناسیبتینه
اوستاد شهریار ادبیات سئونلر گوزگوسونده
بو گئجه :98/6/27
ساعات :22
https://t.me/Adabiyyatsevanlar
اوستاد شهریار ادبیات سئونلر گوزگوسونده
بو گئجه :98/6/27
ساعات :22
https://t.me/Adabiyyatsevanlar
اوستاد شهریار ادبیات سئونلر گوزگوسونده 98/6/27
آپاریجی : کریم قربانزاده
https://t.me/Adabiyyatsevanlar
آپاریجی : کریم قربانزاده
https://t.me/Adabiyyatsevanlar