دره لری داغلاشیرام
کامیل قهرمان اوغلی
دره لري داغلاشيرام
آغلاشيرام هايلارلا-هايالارلا
ساپ اوستو گئتم دن قايالاري
داغلاري چيغيريرام وايلارلا- وايالارلا
قايا منيم وطن آغريم
قولوم آغريسي
مني قيشقيرير قییلارلا- قايهالارلا، قايلارلا- قايالارلا
اؤلدوم باتديم بوردا يئنه
قالديم هايلارلا دالغالارلا-آغلارلا
قارغالارلا
گئديرم بو قايالارلا قايهالارلا
باياقلاري گئديرم اينديلريمه
اينديلريمي گئتمهدن اينديلريمده گون-گون يوز ايللييمي گئديرم
بير گونوم تاريخ بويوندا زامان
زامان بويوندا ابدي بير باشلانيش
قايالاري ايتيرمهدن اينجهلهننم
هاواسيني گئجهلهننم
ضجنان-ضجنان
دره لريني ضجهلهننم بويلارلا-بويالارلا
آه... اوچورام قوروملاري
توراخايلا- اوخايلا
اوخايلا- توراخايلا
باخايلا داريخايلا
خايلا-خايلا آخايلا ...
https://t.me/Adabiyyatsevanlar
کامیل قهرمان اوغلی
دره لري داغلاشيرام
آغلاشيرام هايلارلا-هايالارلا
ساپ اوستو گئتم دن قايالاري
داغلاري چيغيريرام وايلارلا- وايالارلا
قايا منيم وطن آغريم
قولوم آغريسي
مني قيشقيرير قییلارلا- قايهالارلا، قايلارلا- قايالارلا
اؤلدوم باتديم بوردا يئنه
قالديم هايلارلا دالغالارلا-آغلارلا
قارغالارلا
گئديرم بو قايالارلا قايهالارلا
باياقلاري گئديرم اينديلريمه
اينديلريمي گئتمهدن اينديلريمده گون-گون يوز ايللييمي گئديرم
بير گونوم تاريخ بويوندا زامان
زامان بويوندا ابدي بير باشلانيش
قايالاري ايتيرمهدن اينجهلهننم
هاواسيني گئجهلهننم
ضجنان-ضجنان
دره لريني ضجهلهننم بويلارلا-بويالارلا
آه... اوچورام قوروملاري
توراخايلا- اوخايلا
اوخايلا- توراخايلا
باخايلا داريخايلا
خايلا-خايلا آخايلا ...
https://t.me/Adabiyyatsevanlar
Telegram
ادبیات سئونلر
بوکانال ادبیات سئونلر قوروپونون سئچیلمیش اثرلری دیر
کانالدا کی یازیلاری کانالین لینکینی وئرمک شرطی ایله پایلاشماق اولار.
کانالدا کی یازیلاری کانالین لینکینی وئرمک شرطی ایله پایلاشماق اولار.
طنز
بویوک آغا افندی
یوخو
رحمتلیک گوهرخالامی دئییرم؛ دونن سحر عؤمرون وئردی سیزه. هامی قان آغلاییردی، خصوصیله قیزلاری اؤزلرینی اؤلدوروردولر؛ آنجاق بو قارا گوندن هله اییرمی دؤرد ساعات کئچمهمیشدی کی خالامین بؤیوک قیزی، سحر تئزدن هامینی ییغمیشدی باشینا، دونن گئجهنین یوخوسونو تعریفلهییردی:
-سحرهجن گؤزومو یوممامیشام. ائله گؤزومو یومماق همن، آنامی گؤردوم. او قدیمی بویونباغیسینی منیم بوینوما باغلاییردی. تئز- تئز دئییردی گؤرمویم بو بویونباغی سندن آیریلسین. او منیم یادیگاریمدی.
سونرا اوجادان آغلاماغا باشلاییردی. قوهوم- اقربا اونو اووودماق و آنانین یوخوسون یئرینه یئترمک اوچون بویونباغینی اونون بوینونا باغلادیلار. او گونده بیلمهدیک بیزه نئجه کئچدی؛ آخی ایکینجی گونایدی کی خالاسیز یاشاییردیق.
×××
قیشقرتی سسی منی یوخودان اویاتدی. خالامین اورتانجی قیزی اوشاقلارینین الیندن یاپیشیب، خالانین حیطتینده اؤزون یئره،گویه چیرپیردی:
- ای وای آنا!
سسی بوتون همسایالاریدا حیطه چکمیشدی. او آغلایا آغلایا دئییردی:
-دونن گئجه آنامی یوخودا گؤردوم. گلمیشدی بیزه. آمما قاپیدان ایچری گلمیردی. هر نه یالواردیم، آنا باشینا دولانیم، گل ایچرییه! دئییردی:یوخ، تا او گونهجن کی منیم ائویم بوش قالا- قالا، سن بو قورا بالالاری ایجاره ائوده ساخلاییرسان، سنین قاپیندان ایچری گیرمیهجم.
هله گون اورتا آذانین وئریلمهمیشدیر کی قورا بالالار خالانین ائوین دوشهمیشدیلر.
×××
نه باشیزی آغریدیم؛ اییرمی گون آغیر عذابلی گونلری کئچیردیک. خالادا هرگون بیرینین یوخوسونا گلیردی، بیر زاد اونا باغیشلاییردی. نوبت خالانین ارینه چاتمیشدی. بیر گون سحر اودا یوخوسون بئله تعریف ائلهدی:
-دونن گئجه رحمتلیک مشد گوهر توی پالتارلارینی گئییب، بزهنیب منیم یوخوما گلمیشدی. الینده بیر بوقچا واریدی. سوروشدوم او نهدیر؟ مشد گوهر سئوینجک دئدی: بولار توی پالتارلاریدی. گولباهار خانیمین اینینه تیکدیرمیشم. قیرخیم چیخمامیش اوننان ائولنمهسن، هئچ واخت سنی باغیشلامارام.
خالامین قیرخیندا، گولباهار خانیمدا آغلایانلارین صفینه اضافه اولموشدو.
https://t.me/Adabiyyatsevanlar
بویوک آغا افندی
یوخو
رحمتلیک گوهرخالامی دئییرم؛ دونن سحر عؤمرون وئردی سیزه. هامی قان آغلاییردی، خصوصیله قیزلاری اؤزلرینی اؤلدوروردولر؛ آنجاق بو قارا گوندن هله اییرمی دؤرد ساعات کئچمهمیشدی کی خالامین بؤیوک قیزی، سحر تئزدن هامینی ییغمیشدی باشینا، دونن گئجهنین یوخوسونو تعریفلهییردی:
-سحرهجن گؤزومو یوممامیشام. ائله گؤزومو یومماق همن، آنامی گؤردوم. او قدیمی بویونباغیسینی منیم بوینوما باغلاییردی. تئز- تئز دئییردی گؤرمویم بو بویونباغی سندن آیریلسین. او منیم یادیگاریمدی.
سونرا اوجادان آغلاماغا باشلاییردی. قوهوم- اقربا اونو اووودماق و آنانین یوخوسون یئرینه یئترمک اوچون بویونباغینی اونون بوینونا باغلادیلار. او گونده بیلمهدیک بیزه نئجه کئچدی؛ آخی ایکینجی گونایدی کی خالاسیز یاشاییردیق.
×××
قیشقرتی سسی منی یوخودان اویاتدی. خالامین اورتانجی قیزی اوشاقلارینین الیندن یاپیشیب، خالانین حیطتینده اؤزون یئره،گویه چیرپیردی:
- ای وای آنا!
سسی بوتون همسایالاریدا حیطه چکمیشدی. او آغلایا آغلایا دئییردی:
-دونن گئجه آنامی یوخودا گؤردوم. گلمیشدی بیزه. آمما قاپیدان ایچری گلمیردی. هر نه یالواردیم، آنا باشینا دولانیم، گل ایچرییه! دئییردی:یوخ، تا او گونهجن کی منیم ائویم بوش قالا- قالا، سن بو قورا بالالاری ایجاره ائوده ساخلاییرسان، سنین قاپیندان ایچری گیرمیهجم.
هله گون اورتا آذانین وئریلمهمیشدیر کی قورا بالالار خالانین ائوین دوشهمیشدیلر.
×××
نه باشیزی آغریدیم؛ اییرمی گون آغیر عذابلی گونلری کئچیردیک. خالادا هرگون بیرینین یوخوسونا گلیردی، بیر زاد اونا باغیشلاییردی. نوبت خالانین ارینه چاتمیشدی. بیر گون سحر اودا یوخوسون بئله تعریف ائلهدی:
-دونن گئجه رحمتلیک مشد گوهر توی پالتارلارینی گئییب، بزهنیب منیم یوخوما گلمیشدی. الینده بیر بوقچا واریدی. سوروشدوم او نهدیر؟ مشد گوهر سئوینجک دئدی: بولار توی پالتارلاریدی. گولباهار خانیمین اینینه تیکدیرمیشم. قیرخیم چیخمامیش اوننان ائولنمهسن، هئچ واخت سنی باغیشلامارام.
خالامین قیرخیندا، گولباهار خانیمدا آغلایانلارین صفینه اضافه اولموشدو.
https://t.me/Adabiyyatsevanlar
Telegram
ادبیات سئونلر
بوکانال ادبیات سئونلر قوروپونون سئچیلمیش اثرلری دیر
کانالدا کی یازیلاری کانالین لینکینی وئرمک شرطی ایله پایلاشماق اولار.
کانالدا کی یازیلاری کانالین لینکینی وئرمک شرطی ایله پایلاشماق اولار.
This media is not supported in your browser
VIEW IN TELEGRAM
دیکلمه : امیر نظام
بو دیکلمه نی بوتون سئویب , سئویلنلره تقدیم ائدیریک .
https://t.me/Adabiyyatsevanlar
بو دیکلمه نی بوتون سئویب , سئویلنلره تقدیم ائدیریک .
https://t.me/Adabiyyatsevanlar
حورمتلی کانالداشلار بو گئجه نین دیکلمه یاریشماسی نین نتیجه سی بئله اولدو .
1- سالار بی
2- سحر خیاوی
3- رضوان حاجی قاسملو
4- زهرا بادره
5- سوسن نقدی
https://t.me/Adabiyyatsevanlar
1- سالار بی
2- سحر خیاوی
3- رضوان حاجی قاسملو
4- زهرا بادره
5- سوسن نقدی
https://t.me/Adabiyyatsevanlar
Telegram
ادبیات سئونلر
بوکانال ادبیات سئونلر قوروپونون سئچیلمیش اثرلری دیر
کانالدا کی یازیلاری کانالین لینکینی وئرمک شرطی ایله پایلاشماق اولار.
کانالدا کی یازیلاری کانالین لینکینی وئرمک شرطی ایله پایلاشماق اولار.
Audio
سس : سحر خیاوی
https://t.me/Adabiyyatsevanlar
https://t.me/Adabiyyatsevanlar
Audio
سس :رضوان حاجی قاسملو
https://t.me/Adabiyyatsevanlar
https://t.me/Adabiyyatsevanlar
سس : زهرا بادره
https://t.me/Adabiyyatsevanlar
https://t.me/Adabiyyatsevanlar
سس : سوسن نقدی
https://t.me/Adabiyyatsevanlar
https://t.me/Adabiyyatsevanlar
🔴🔴🔴🔴سایین کانالداشلار
بوگئجه ساعات 22دن ساعات 23/30قدر ادبیات سئونلر گروپوندا دونیا ادبیاتیندان درسلیک لر اولاجاق.
بوقونونون اؤزمانی وطنمیزین تانینمیش ادبیات شوناسی اوستاد دوکتوررحمانی جنابلاری اولاجاقلار.
عزیز دوستلاری سیجاق قاتیلماغا دعوت ائدیریک.
https://t.me/Adabiyyatsevanlar
بوگئجه ساعات 22دن ساعات 23/30قدر ادبیات سئونلر گروپوندا دونیا ادبیاتیندان درسلیک لر اولاجاق.
بوقونونون اؤزمانی وطنمیزین تانینمیش ادبیات شوناسی اوستاد دوکتوررحمانی جنابلاری اولاجاقلار.
عزیز دوستلاری سیجاق قاتیلماغا دعوت ائدیریک.
https://t.me/Adabiyyatsevanlar
Telegram
ادبیات سئونلر
بوکانال ادبیات سئونلر قوروپونون سئچیلمیش اثرلری دیر
کانالدا کی یازیلاری کانالین لینکینی وئرمک شرطی ایله پایلاشماق اولار.
کانالدا کی یازیلاری کانالین لینکینی وئرمک شرطی ایله پایلاشماق اولار.
🔴🔴🔴🔴سایین کانالداشلار
بوگئجه 96/06/15ساعات 22دن ساعات 22/30قدر ادبیات سئونلر گروپوندا فیلم تاندیمی اولاجاق بو قونونو سئویملی گروپداشیمیز جناب الفت آپاراجاق عزیز دوستلاردان سیجاق قاتیلماغا دعوت ائدیریک .
https://t.me/Adabiyyatsevanlar
بوگئجه 96/06/15ساعات 22دن ساعات 22/30قدر ادبیات سئونلر گروپوندا فیلم تاندیمی اولاجاق بو قونونو سئویملی گروپداشیمیز جناب الفت آپاراجاق عزیز دوستلاردان سیجاق قاتیلماغا دعوت ائدیریک .
https://t.me/Adabiyyatsevanlar
Telegram
ادبیات سئونلر
بوکانال ادبیات سئونلر قوروپونون سئچیلمیش اثرلری دیر
کانالدا کی یازیلاری کانالین لینکینی وئرمک شرطی ایله پایلاشماق اولار.
کانالدا کی یازیلاری کانالین لینکینی وئرمک شرطی ایله پایلاشماق اولار.
نذیر
بؤیوکآغا افندی
بیلمیرم بیزیم دیلی شیشمیش آروادین هاردا آغزیندان قاچمیشدی:
– بیزیم دولتدن بئش آلتی تومن آلاجاغیمیز وار، چوخداندیر آلابیلمیریخ.
آنام دئییردی:
– آللاه دولتین تیفاغین داغیتسین؛ من ائشیدننن گؤزومو یوممامیشام. ایشی گرهگ دوزلدن اؤزو دوزتسین. دونن گئجه ناماز اوسته آغلامیشام، آللاها یالوارمیشام، دئمیشم اینشاللاه سنین ایشین دوزلسین من اون ایلهجن هر ایل رغئییبدن رغئییبه محله اهلینه نذیر آشی وئریم.
آنامی اؤپودوم. آشین بوتون خرجین بوینوما آلدیم. بیر اوندا گؤردوم باجیم گؤزلرین سولاندیردی، دئدی:
– من ایستهمیردیم دییهم. دونن یوخودا منه آگاه اولوب بیز گرهک بالا مئیدانین مچیدینده سکگیز ایل، ایلده اون گون موشگولگوشا مرثیهسی اوخوتدوراق، یوخسا سن او پولا چاتمیاجاقسان.
باجیمیدا اؤپوب دئدیم:
– من اؤلمهمیشم کی نییه آغلاییرسان؟ سن اوخوتدور، بوتون خرجی منیم آیاغیما.
یاواش-یاواش خالامدان توتدو بالدیزا، هابئله قونشولاریمیزین دا نذیرلرین قبول ائلهدیم. ییرمی اوتوز قوربانلیق، مکه مدینه زیارتی، اوچ دؤرد مچیده فرش، ۴۰ امامزادایا آیاخ یالین گئدیب شام یاندیرماق، گئچی درهسینده آغلایان توت آغاجینا دسمال باغلاماق، قوربانی اولدوغوم ایمام آیاخلارینا ساختمان تیکمکدن توتدو هابئله. گونو گوندنده اومودوم چوخالیردی هر تازا نذیرده دئییردیم دای بو نذیرنن حتماً بو هفته، یا بو آیین باشیناجا او پولو آلارام.
بیر گون سحر تازا یوخودان دورموشدوم تلفونوم سسلندی. تلفونو آچدیم، او طرفدن سس گلدی:
– مستر مئشه رسول؟
لاپ دوزو بیر آز ال- آیاغیمی ایتیردیم؛ هاندان هانا دئدیم:
– بلی، اؤزومم، بویورون!
طرف دئدی:
– من اینگیلیستانین سفیرییم. تهراندا بیلیریق سیزین حقوقی بشری دموکراسینانی آیاخلیان دولتینیزدن نه قدر طلبینیز وار و ایندیجهده سیزین حاقینیزی وئرمیب. بیز حاضیریق اینسان حاخلاریندان مودافعه ائتمک اوچون، سیزه کومکلیخ ائلیاق اؤز حاقینیزا چاتاسیز. ایمکانی اولسا بیزه مینت قویون، لوطف ائلهیین بیزیم سفارتیمیزه باش وورون و بو بارهده هئچ کیمینن دانیشمایین. قودبای میستر مئشه رسول.
تلفن قطع اولدو. آرواد سوروشدو:
– کیمیدی زنگ ووران؟
بیردن بیره قولتوقلاریمین آلتی شیشدی، اوزوم پورسوخلاندی. دئدیم:
– هئچ کیم بابا، اینگیلیستانین رییس جمهوریسینین ایشی واریدی.
اوچ دؤرد گونودو آدیمدا یادیمدان چیخمیشدی. سحردن آخشاماجا بو ایدارهدن او ایدارهیه قاچیردیم. هر هارا گئدیردیم باغلی بیر قاپییا راست گلیردیم. تاکسیدا اوتورموشدوم، یئره گؤیه آغزیمدان چیخانی دئییردیم .تلفونوم اوچ دؤرد دفعه زنگ چالدی. جواب وئرمهدیم. حؤصلهم یوخودو ددهملهده دانیشام، هله قالا تلفونونان. شوفر دئدی:
– آغا سن آللاه او تلفونا جواب وئر. باش بئینیمیزی قازدی، بهیه بیرینین واجیب ایشی وار.
ائله تلفونی آچان کیمی، سس گلدی:
– آقای رسول؟
– بلی!
– پرزیدنت اوباما سیزینن دانیشیر!
دیل دوداغیم قورودو. آغزیمدا بیر میثقال توپورجک قالمادی. دیلیم توتار توتماز دئدیم:
– بویورون پرزیدنت اوباما.
بویوردو:
– مئشه رسول! من ائشیتدیم کی سنین حاقیندا نئجه ظولم اولوب. ناراحاتلیقدان گئجه سحرهجن کاخ سیفیدی مین دؤره وورموشام. سنین حاقیندا بئله حاقسیزلیق منی ائله ناراحات ائلهدی کی ائله گئجهینن امریکانین آلتینجی ناوگانینا دئمیشم سننن حیمایت ائلهمک اوچون خلیجی فارسا گلسینلر. باخ او ناوگان سنین ایختیاریندادیر. بودا منیم شخصی نومرمدیر. هر واخت ایشین اولدو منه زنگ ائله! من اؤلوم، سنی بالالاریوین جانی اوتانما ها!
ائوه یئتیشمیشدیم قاپینین قاباغیندا بیر قارا لیموزین بنز ساخلامیشدی. بیر ایکی نفرده موتورونان دربندین باشیندا شوش دوروموشدولار. اؤز اؤزومه دئدیم: گؤرهسن دای بو کیمدی گلیب قاپیدا اعلام حمایت ائلهسین. ماشیندان یئنمک همن، بیر نفر بنزدن آشاغا دوشدو. بویوردو:
– مئشه رسول سنسن؟
ائله بعلی! دئمهییمی بیلدیم. ایندی دؤرد آیدیر به جرم «تشویش اذهان عمومی»، «توهین به مقدسات» و «همکاری با عوامل بیگانه» زینداندایام. گئنهده ایش تازادان باشلانیب. آرواد اوشاق ائشیکدن، من ده ایچریده هر گون نذیر دئییریک، پول جهننم هئچ اولماسا من وثیقهیله زینداندان چیخام.
https://t.me/Adabiyyatsevanlar
بؤیوکآغا افندی
بیلمیرم بیزیم دیلی شیشمیش آروادین هاردا آغزیندان قاچمیشدی:
– بیزیم دولتدن بئش آلتی تومن آلاجاغیمیز وار، چوخداندیر آلابیلمیریخ.
آنام دئییردی:
– آللاه دولتین تیفاغین داغیتسین؛ من ائشیدننن گؤزومو یوممامیشام. ایشی گرهگ دوزلدن اؤزو دوزتسین. دونن گئجه ناماز اوسته آغلامیشام، آللاها یالوارمیشام، دئمیشم اینشاللاه سنین ایشین دوزلسین من اون ایلهجن هر ایل رغئییبدن رغئییبه محله اهلینه نذیر آشی وئریم.
آنامی اؤپودوم. آشین بوتون خرجین بوینوما آلدیم. بیر اوندا گؤردوم باجیم گؤزلرین سولاندیردی، دئدی:
– من ایستهمیردیم دییهم. دونن یوخودا منه آگاه اولوب بیز گرهک بالا مئیدانین مچیدینده سکگیز ایل، ایلده اون گون موشگولگوشا مرثیهسی اوخوتدوراق، یوخسا سن او پولا چاتمیاجاقسان.
باجیمیدا اؤپوب دئدیم:
– من اؤلمهمیشم کی نییه آغلاییرسان؟ سن اوخوتدور، بوتون خرجی منیم آیاغیما.
یاواش-یاواش خالامدان توتدو بالدیزا، هابئله قونشولاریمیزین دا نذیرلرین قبول ائلهدیم. ییرمی اوتوز قوربانلیق، مکه مدینه زیارتی، اوچ دؤرد مچیده فرش، ۴۰ امامزادایا آیاخ یالین گئدیب شام یاندیرماق، گئچی درهسینده آغلایان توت آغاجینا دسمال باغلاماق، قوربانی اولدوغوم ایمام آیاخلارینا ساختمان تیکمکدن توتدو هابئله. گونو گوندنده اومودوم چوخالیردی هر تازا نذیرده دئییردیم دای بو نذیرنن حتماً بو هفته، یا بو آیین باشیناجا او پولو آلارام.
بیر گون سحر تازا یوخودان دورموشدوم تلفونوم سسلندی. تلفونو آچدیم، او طرفدن سس گلدی:
– مستر مئشه رسول؟
لاپ دوزو بیر آز ال- آیاغیمی ایتیردیم؛ هاندان هانا دئدیم:
– بلی، اؤزومم، بویورون!
طرف دئدی:
– من اینگیلیستانین سفیرییم. تهراندا بیلیریق سیزین حقوقی بشری دموکراسینانی آیاخلیان دولتینیزدن نه قدر طلبینیز وار و ایندیجهده سیزین حاقینیزی وئرمیب. بیز حاضیریق اینسان حاخلاریندان مودافعه ائتمک اوچون، سیزه کومکلیخ ائلیاق اؤز حاقینیزا چاتاسیز. ایمکانی اولسا بیزه مینت قویون، لوطف ائلهیین بیزیم سفارتیمیزه باش وورون و بو بارهده هئچ کیمینن دانیشمایین. قودبای میستر مئشه رسول.
تلفن قطع اولدو. آرواد سوروشدو:
– کیمیدی زنگ ووران؟
بیردن بیره قولتوقلاریمین آلتی شیشدی، اوزوم پورسوخلاندی. دئدیم:
– هئچ کیم بابا، اینگیلیستانین رییس جمهوریسینین ایشی واریدی.
اوچ دؤرد گونودو آدیمدا یادیمدان چیخمیشدی. سحردن آخشاماجا بو ایدارهدن او ایدارهیه قاچیردیم. هر هارا گئدیردیم باغلی بیر قاپییا راست گلیردیم. تاکسیدا اوتورموشدوم، یئره گؤیه آغزیمدان چیخانی دئییردیم .تلفونوم اوچ دؤرد دفعه زنگ چالدی. جواب وئرمهدیم. حؤصلهم یوخودو ددهملهده دانیشام، هله قالا تلفونونان. شوفر دئدی:
– آغا سن آللاه او تلفونا جواب وئر. باش بئینیمیزی قازدی، بهیه بیرینین واجیب ایشی وار.
ائله تلفونی آچان کیمی، سس گلدی:
– آقای رسول؟
– بلی!
– پرزیدنت اوباما سیزینن دانیشیر!
دیل دوداغیم قورودو. آغزیمدا بیر میثقال توپورجک قالمادی. دیلیم توتار توتماز دئدیم:
– بویورون پرزیدنت اوباما.
بویوردو:
– مئشه رسول! من ائشیتدیم کی سنین حاقیندا نئجه ظولم اولوب. ناراحاتلیقدان گئجه سحرهجن کاخ سیفیدی مین دؤره وورموشام. سنین حاقیندا بئله حاقسیزلیق منی ائله ناراحات ائلهدی کی ائله گئجهینن امریکانین آلتینجی ناوگانینا دئمیشم سننن حیمایت ائلهمک اوچون خلیجی فارسا گلسینلر. باخ او ناوگان سنین ایختیاریندادیر. بودا منیم شخصی نومرمدیر. هر واخت ایشین اولدو منه زنگ ائله! من اؤلوم، سنی بالالاریوین جانی اوتانما ها!
ائوه یئتیشمیشدیم قاپینین قاباغیندا بیر قارا لیموزین بنز ساخلامیشدی. بیر ایکی نفرده موتورونان دربندین باشیندا شوش دوروموشدولار. اؤز اؤزومه دئدیم: گؤرهسن دای بو کیمدی گلیب قاپیدا اعلام حمایت ائلهسین. ماشیندان یئنمک همن، بیر نفر بنزدن آشاغا دوشدو. بویوردو:
– مئشه رسول سنسن؟
ائله بعلی! دئمهییمی بیلدیم. ایندی دؤرد آیدیر به جرم «تشویش اذهان عمومی»، «توهین به مقدسات» و «همکاری با عوامل بیگانه» زینداندایام. گئنهده ایش تازادان باشلانیب. آرواد اوشاق ائشیکدن، من ده ایچریده هر گون نذیر دئییریک، پول جهننم هئچ اولماسا من وثیقهیله زینداندان چیخام.
https://t.me/Adabiyyatsevanlar
Telegram
ادبیات سئونلر
بوکانال ادبیات سئونلر قوروپونون سئچیلمیش اثرلری دیر
کانالدا کی یازیلاری کانالین لینکینی وئرمک شرطی ایله پایلاشماق اولار.
کانالدا کی یازیلاری کانالین لینکینی وئرمک شرطی ایله پایلاشماق اولار.