تلسمهیینی وورغولاییر، گؤزلهیهنیم وار بونو بیر داها دئییر. اللریمیتسلیم علامتی اولاراق قالدیریب گولومسهییرم.
فیکریمده، چوخ دا یاخشی، زامانی ایتیرمک اولماز «دؤرد نالا سئویشمک لازیم» دئیه دوشونسمده بوینونداکی یازی هلهده بئینیمدهدی.
کؤینهییمیباشیمدان چیخاریرام، دویمهلری دوداغیما دَیه دَیه اینجیدیر. جورابلاریما قدر سویونورام.
کئچمیشده قیزلارلا عادی بیر دانیشیق اوچون چوخ چتینلیک چکن من، ایندی اوتانج حیسسینی اوتموشام سانکی. تانیمادیغیم و ایلک اولاراق گؤردویوم بیریسی ایله مترودا گؤردویوم ایشلر و بو قدر یولو گلیب گؤزلرینین قاباغیندا سویونماق هئچ عاغلیما دا سیغمازدی. اؤزومدن تعجب ائدیرم بو تعججوبو سانکی قیز دا دویور.
آیاق اوسته هؤروت هؤروت معطل باخیب منی گؤزلهین اسمر قادینین الینین دویونونو قوینوندان آچیرام. الینی آتیب آتقویروغو شکیلده ییغدیغی ساچینین کئشینی آچیب مانتوسونون جئبینه قویور. ساچلاری داغیلیر. گئییمینین چیخارماسی اوچون یاردیم ائتمک بهانهسی ایله آرخاسینا کئچیرم، امان وئرمیر، مانتونو سویونماغا باشلاییر. گؤزومو دیکیرم بوینونون آرخاسینا. ساچلاری چییینیندن اوزو آشاغی تؤکولموش. هیجانیم آرتیر ماراقلا ساچلارینی کنارا چکیرم گؤزومو زیللهییرم یازییا : «اگه کسی منتظرم بود واس تو لخت نمی شدم.
قایناق : ایشیق
https://t.me/Adabiyyatsevanlar
فیکریمده، چوخ دا یاخشی، زامانی ایتیرمک اولماز «دؤرد نالا سئویشمک لازیم» دئیه دوشونسمده بوینونداکی یازی هلهده بئینیمدهدی.
کؤینهییمیباشیمدان چیخاریرام، دویمهلری دوداغیما دَیه دَیه اینجیدیر. جورابلاریما قدر سویونورام.
کئچمیشده قیزلارلا عادی بیر دانیشیق اوچون چوخ چتینلیک چکن من، ایندی اوتانج حیسسینی اوتموشام سانکی. تانیمادیغیم و ایلک اولاراق گؤردویوم بیریسی ایله مترودا گؤردویوم ایشلر و بو قدر یولو گلیب گؤزلرینین قاباغیندا سویونماق هئچ عاغلیما دا سیغمازدی. اؤزومدن تعجب ائدیرم بو تعججوبو سانکی قیز دا دویور.
آیاق اوسته هؤروت هؤروت معطل باخیب منی گؤزلهین اسمر قادینین الینین دویونونو قوینوندان آچیرام. الینی آتیب آتقویروغو شکیلده ییغدیغی ساچینین کئشینی آچیب مانتوسونون جئبینه قویور. ساچلاری داغیلیر. گئییمینین چیخارماسی اوچون یاردیم ائتمک بهانهسی ایله آرخاسینا کئچیرم، امان وئرمیر، مانتونو سویونماغا باشلاییر. گؤزومو دیکیرم بوینونون آرخاسینا. ساچلاری چییینیندن اوزو آشاغی تؤکولموش. هیجانیم آرتیر ماراقلا ساچلارینی کنارا چکیرم گؤزومو زیللهییرم یازییا : «اگه کسی منتظرم بود واس تو لخت نمی شدم.
قایناق : ایشیق
https://t.me/Adabiyyatsevanlar
Telegram
ادبیات سئونلر
بوکانال ادبیات سئونلر قوروپونون سئچیلمیش اثرلری دیر
کانالدا کی یازیلاری کانالین لینکینی وئرمک شرطی ایله پایلاشماق اولار.
کانالدا کی یازیلاری کانالین لینکینی وئرمک شرطی ایله پایلاشماق اولار.
قارا کؤلگهلر
" رحیم خیاوی️"
او گونلری هئچ زامان اونودا بیلمهدی. حیاتینا سونو گؤرونمز دهشتلی بیر قارا کؤلگه چؤکموشدو. بعضا زیل قارالاشان، بعضا ایسه بوزاران بیر دهشت. نومرهسیز آغ رنگلی «پیکان»ین ایچینده قارا گئییملی دؤرد کیشینین آج گؤزلری بیر آن دا اولسون اونو بوراخمیردی. شیکارینی اووسونا سالماق ایستهین بوسقودا یاتمیش شیکارچی کیمیگئجه، گوندوز گؤزلرینی اوندان گؤتورموردولر. بعضا بیر آن اولموش اولسادا قانشارا چیخیب، قاباغیندان مرموز باخیشلاری ایله کئچیب، بعضا ده یوخ اولموش کیمیگؤرونوردولر. آنجاق قارا کؤلگهلرینین آغیرلیغی اونون بوتون وارلیغیندا حیس اولونوردو. او بو آغیرلیقدان قورتارماق ایستهسه ده، قورتارا بیلمیردی. آناسینین: -«اوغول، به نییه پالتارنان یاتیرسان؟» سوالینا دفعهلرله دولانباج جوابلار وئرسه ده، بیر گون دوز جوابدان قاچا بیلمهمیشدی:
– آناجان، آیلاردیر دالیمجادیرلار. بیر آن دا اولسون گؤزدن قویمورلار. فیکیرلرینین نه اولدوغو آیدیندیر. تئز گئج اوز- اوزه گلهجکلر. او گونو حاضیرلیقلا قارشیلاماق ایستهییرم. من بو قارا کؤلگهلی شیطانلاری ناکام قویمالییام.
آناسی دریندن آه چکیب، قورخو چؤکموش گؤزلرینی هله گنجایکن ساچلارینا دن دوشن اوغلوندان آییرماق ایستهمیردی. سانکی چوخورا دوشموش گؤزلرینین درینلیگینده اوغلونو گیزلتمک ایستهییردی.
آیلار بئله کئچدی. پاییزین ایلک گونلری ایدی. بیر هفتهیه یاخین بیر دوزومه یاغیش یاغیردی. هئچ کسمک ده بیلمیردی. آناسی دئییردی: «بو سیسقا یاغیشدیر، هله- هله کسمهیهجک»…
او، هر گئجهکی کیمییاتاغیندا پالتارلی اوزانمیشدی. هاوادا شاختا وار ایدی؛ گئجهیه دومان چؤکموشدو. ایشیقلار سؤنموشدو؛ دوشمانینهاوا هجومو قورخوسوندان شهر اهالیسی ایشیق یاندیرمیردی. موحاریبه آج قورد کیمیجبههلرده جولان ائتمکدن دویمور، جاماعاتین دینج حیاتینی دا تهلکه آلتینا آلمیشدی. شهرین اورهگی سسسیزلیکده ذؤیونوردو. بیردن قاپی ائله چیرپیلدی، سانکی ائوده بومبا پارتلادی. دیک، یئریندن قالخیب، یاتاغیندا اوتورو وضعیتده شاشقین- شاشقین هندهورینه دونوخدو. آناسی تلسیک اوتاغا گیریب: -«اوغول دور! گلدیلر. تئز دوهاردان آش عمونگیلین حیطینه! بولاردا رحم آثاری یوخدو. سنی اؤلدورسهلر من باشیما نه داش سالارام؟!»- دئدی.
بیر آن اؤزونو ایتیرمیش کیمیهارا قاچاجاغینی و نه ائدهجهیینی بیلمهدی. سانکی بئینی قیفیللانمیشدی.
– آنا منهارا قاچیم آخی؟هارا قاچسام گلیب تاپاجاقلار.
– گئت تهرانا قارداشون گیله! آرا سایخیلاشاندان سورا گلرسن.
آنا- بالا دانیشارکن اوتاغا دولدولار. اونون آناسی بیر ایل ایدی کی اورهک خستهلیگی تاپمیشدی. -«سیز کیمسیز؟ بیزدن نه ایستهییرسیز؟» دئدیکده، اوتاغا گیرنلرین بیری سینهسیندن ووروب، -« چکیل دالا گؤروم!» دئدی. یوگوردو اونون اوستونه. یاخاسیندان توتوب چکدی. ایکینجی آدام دا کؤمگینه گلدی. چکه- چکه حیطه چیخارتدیلار. آداملارین بیریسی بئش اون دقیقه ائوده الینه گلن هر شوبههلی کیتابی توپلاییب، بیر تلیسه دولدوروب، آتدی اونون چیگنینه؛ حیطدن چیخدیلار. کوچهنین قارانلیغیندا قونشولارین هئچ بیری بو منظرهنی گؤرموردو. یالنیز اونلارین دالیسینجا ایاق یالین قاچان و اورکدن ناله قوپاران آناسی بو حالا شاهید ایدی.
کوچه باشیندا نومرهسیز آغ رنگلی «پیکان» اؤز سوروجوسو ایله انتظاردایدی. اونو ماشینین آرخا صندلینده آرالاریندا اوتوردوب، کوبودلوقلا بوینوندان باسیب، کاپشئنینی باشینا چکدیلر. ماشین یولا دوشدو…
هارا گئتدیکلرینی و نه زامان یولدا اولدوقلارینی بئینینه سیغیشدیرا بیلمیردی. دمیر بیر صندل اوستونده اوتورموشدو. اولدوغو یئرین داریسقال اولدوغونو و اطرافیندا اولان گل- گئدی حیس ائدیردی. باشینا چکیلمیش کاپشئنی بوینوندا آغیر بیر آغری یاراتمیشدی. کوبود بیر سس -«ائله بیل باشین بدنووه آغیرلیق ائدیر؟ چوخ اؤزوندن چیخمیسان.»- دئیهرک، اوندان جواب ایستهدی. او ایسه، – «من بیلمیرم سیز نه دئییرسیز؟ سیز کیمسیز؟ بوراهارادی؟» جواب وئرهرک، فیکرینی توپارلاماق ایستهییردی. کوبود سس: -«ایندی سنی اؤزووه گتیرریک. ائله بیل سن آدام دیلی بیلمیرسن؟» دئییب، اونو دؤیمهگه باشلادی. بو آن باشقا بیر سس یولداشینین سؤزونو داواملادی:
– او اعلانلاری سن یازیرسان؟ کیملر اولاری گئجه قارانلیغیندا ائولره آتیر؟
– بیلمیرم. من یازمیرام. بیر دفعه حیطیمیزدن تاپیب اوخوموشام.
ایکینجی آدام اونون اللریندن مؤحکم یاپیشیب، او بیریسی هر ایکی الیندن باش بارماقلارینی ایتی بیر شئیله کسدی. او آغریدان بارماقلارینین نه واخت کسیلمهگینی بیلمهدن، هوشدان گئتدی.
– داها بو بارماقلار هئچ بیر شئی یازیب، یارادا بیلمز.
ایکینجی آدام دئدی:
– دئییرم دیلین ده کسک؛ چوخ دانیشیر؟
– یوخ، بونون بارماقلاری دیلیندن بتر ایشلهییر. دیلی اونسوز دا کسیلهجک. ایندی بارماقلارینی آییرمالیییق. ب
و بارماقل
" رحیم خیاوی️"
او گونلری هئچ زامان اونودا بیلمهدی. حیاتینا سونو گؤرونمز دهشتلی بیر قارا کؤلگه چؤکموشدو. بعضا زیل قارالاشان، بعضا ایسه بوزاران بیر دهشت. نومرهسیز آغ رنگلی «پیکان»ین ایچینده قارا گئییملی دؤرد کیشینین آج گؤزلری بیر آن دا اولسون اونو بوراخمیردی. شیکارینی اووسونا سالماق ایستهین بوسقودا یاتمیش شیکارچی کیمیگئجه، گوندوز گؤزلرینی اوندان گؤتورموردولر. بعضا بیر آن اولموش اولسادا قانشارا چیخیب، قاباغیندان مرموز باخیشلاری ایله کئچیب، بعضا ده یوخ اولموش کیمیگؤرونوردولر. آنجاق قارا کؤلگهلرینین آغیرلیغی اونون بوتون وارلیغیندا حیس اولونوردو. او بو آغیرلیقدان قورتارماق ایستهسه ده، قورتارا بیلمیردی. آناسینین: -«اوغول، به نییه پالتارنان یاتیرسان؟» سوالینا دفعهلرله دولانباج جوابلار وئرسه ده، بیر گون دوز جوابدان قاچا بیلمهمیشدی:
– آناجان، آیلاردیر دالیمجادیرلار. بیر آن دا اولسون گؤزدن قویمورلار. فیکیرلرینین نه اولدوغو آیدیندیر. تئز گئج اوز- اوزه گلهجکلر. او گونو حاضیرلیقلا قارشیلاماق ایستهییرم. من بو قارا کؤلگهلی شیطانلاری ناکام قویمالییام.
آناسی دریندن آه چکیب، قورخو چؤکموش گؤزلرینی هله گنجایکن ساچلارینا دن دوشن اوغلوندان آییرماق ایستهمیردی. سانکی چوخورا دوشموش گؤزلرینین درینلیگینده اوغلونو گیزلتمک ایستهییردی.
آیلار بئله کئچدی. پاییزین ایلک گونلری ایدی. بیر هفتهیه یاخین بیر دوزومه یاغیش یاغیردی. هئچ کسمک ده بیلمیردی. آناسی دئییردی: «بو سیسقا یاغیشدیر، هله- هله کسمهیهجک»…
او، هر گئجهکی کیمییاتاغیندا پالتارلی اوزانمیشدی. هاوادا شاختا وار ایدی؛ گئجهیه دومان چؤکموشدو. ایشیقلار سؤنموشدو؛ دوشمانینهاوا هجومو قورخوسوندان شهر اهالیسی ایشیق یاندیرمیردی. موحاریبه آج قورد کیمیجبههلرده جولان ائتمکدن دویمور، جاماعاتین دینج حیاتینی دا تهلکه آلتینا آلمیشدی. شهرین اورهگی سسسیزلیکده ذؤیونوردو. بیردن قاپی ائله چیرپیلدی، سانکی ائوده بومبا پارتلادی. دیک، یئریندن قالخیب، یاتاغیندا اوتورو وضعیتده شاشقین- شاشقین هندهورینه دونوخدو. آناسی تلسیک اوتاغا گیریب: -«اوغول دور! گلدیلر. تئز دوهاردان آش عمونگیلین حیطینه! بولاردا رحم آثاری یوخدو. سنی اؤلدورسهلر من باشیما نه داش سالارام؟!»- دئدی.
بیر آن اؤزونو ایتیرمیش کیمیهارا قاچاجاغینی و نه ائدهجهیینی بیلمهدی. سانکی بئینی قیفیللانمیشدی.
– آنا منهارا قاچیم آخی؟هارا قاچسام گلیب تاپاجاقلار.
– گئت تهرانا قارداشون گیله! آرا سایخیلاشاندان سورا گلرسن.
آنا- بالا دانیشارکن اوتاغا دولدولار. اونون آناسی بیر ایل ایدی کی اورهک خستهلیگی تاپمیشدی. -«سیز کیمسیز؟ بیزدن نه ایستهییرسیز؟» دئدیکده، اوتاغا گیرنلرین بیری سینهسیندن ووروب، -« چکیل دالا گؤروم!» دئدی. یوگوردو اونون اوستونه. یاخاسیندان توتوب چکدی. ایکینجی آدام دا کؤمگینه گلدی. چکه- چکه حیطه چیخارتدیلار. آداملارین بیریسی بئش اون دقیقه ائوده الینه گلن هر شوبههلی کیتابی توپلاییب، بیر تلیسه دولدوروب، آتدی اونون چیگنینه؛ حیطدن چیخدیلار. کوچهنین قارانلیغیندا قونشولارین هئچ بیری بو منظرهنی گؤرموردو. یالنیز اونلارین دالیسینجا ایاق یالین قاچان و اورکدن ناله قوپاران آناسی بو حالا شاهید ایدی.
کوچه باشیندا نومرهسیز آغ رنگلی «پیکان» اؤز سوروجوسو ایله انتظاردایدی. اونو ماشینین آرخا صندلینده آرالاریندا اوتوردوب، کوبودلوقلا بوینوندان باسیب، کاپشئنینی باشینا چکدیلر. ماشین یولا دوشدو…
هارا گئتدیکلرینی و نه زامان یولدا اولدوقلارینی بئینینه سیغیشدیرا بیلمیردی. دمیر بیر صندل اوستونده اوتورموشدو. اولدوغو یئرین داریسقال اولدوغونو و اطرافیندا اولان گل- گئدی حیس ائدیردی. باشینا چکیلمیش کاپشئنی بوینوندا آغیر بیر آغری یاراتمیشدی. کوبود بیر سس -«ائله بیل باشین بدنووه آغیرلیق ائدیر؟ چوخ اؤزوندن چیخمیسان.»- دئیهرک، اوندان جواب ایستهدی. او ایسه، – «من بیلمیرم سیز نه دئییرسیز؟ سیز کیمسیز؟ بوراهارادی؟» جواب وئرهرک، فیکرینی توپارلاماق ایستهییردی. کوبود سس: -«ایندی سنی اؤزووه گتیرریک. ائله بیل سن آدام دیلی بیلمیرسن؟» دئییب، اونو دؤیمهگه باشلادی. بو آن باشقا بیر سس یولداشینین سؤزونو داواملادی:
– او اعلانلاری سن یازیرسان؟ کیملر اولاری گئجه قارانلیغیندا ائولره آتیر؟
– بیلمیرم. من یازمیرام. بیر دفعه حیطیمیزدن تاپیب اوخوموشام.
ایکینجی آدام اونون اللریندن مؤحکم یاپیشیب، او بیریسی هر ایکی الیندن باش بارماقلارینی ایتی بیر شئیله کسدی. او آغریدان بارماقلارینین نه واخت کسیلمهگینی بیلمهدن، هوشدان گئتدی.
– داها بو بارماقلار هئچ بیر شئی یازیب، یارادا بیلمز.
ایکینجی آدام دئدی:
– دئییرم دیلین ده کسک؛ چوخ دانیشیر؟
– یوخ، بونون بارماقلاری دیلیندن بتر ایشلهییر. دیلی اونسوز دا کسیلهجک. ایندی بارماقلارینی آییرمالیییق. ب
و بارماقل
ارلا چوخ ایشلر گؤرمک اولار.
هر ایکی نفر اوتاقدان چیخیب، گئتدیلر. او آغری ایچینده یواش- یواش آییلیردی. الی ایله کاپشئنینی باشیندان آتماق ایستهدی. اللرینین قیزیل قان اولدوغونو گؤروب، بارماقلارینین کسیلدیگینی خاطیرلادی. اطرافینا باخدی. داریسقال بیر اوتاقدایدی. چوخ فیکیرلشمک فرصتی تاپمادی. ایکی آدام یئنیدن اوتاغا گیردیلر. اسکی بیر پارچا ایله بارماقلارینی باغلادیلار. گئجه یاریسی نومرهسیز آغ رنگلی «پیکان»ا میندیریب، شهردن کنار بیر چایین قیراغینا آتدیلار. بوتون فیکری بارماقلارینین یانیندایدی. دوشونوردو کی، «گؤرهسن بارماقلاریمیهارا آتیبلار؟ من مطلق اونلاری تاپمالییام. من اونلارسیز یاشایا بیلمهرم. اونلار منیم حیاتیما معنا وئریر.»
بو حادثهدن سونرا او داها هئچ بیر شئیدن قورخموردو. سانکی بارماقلارینی تاپماق هدفی اونو یاشاییشا یئنیدن قایتارمیشدی. ایندی داها آرتیق بارماقلارینا احتیاج دویوردو. -«بارماقلاریمیتاپسام، بو دفعه بیلهرم اونلاردان نئجه ایش چکیم. ایکی قیچیمین کسیلمهگینه اینجیمزدیم کی بارماقلاریما اوزولورم. اونلار یازیب، یارادیب، منه حیات وئریبلر.»- دئییردی.
بیر گون کوچهدن کئچیردی. محله اوشاقلاری اویناماغا مشغول ایدیلر. کسیلمیش بارماقلارینی اوشاقلارین اویونلارینا باخار حالدا گؤردو. اونلارا ساری آیاق گؤتورمک ایستهدی. بارماقلار دویدولار؛ سورعتله اوندان اوزاقلاشماق ایستهدیلر. بارماقلارین بیریسی دئدی:
– سنین الیندن یامان راحات اولموشوق. داها گئجهلر آرخایین یاتیریق. صوبحه قدر کیتاب واراقلاییب، یازمیریق! هئچ بیز سنی تانیمیریق.
ایکینجی بارماق دا دیله گلیب دئدی:
– ایندی بیزیم ان آغیر ایشیمیز نئچه ایلدن بیر جؤهرلهنیب، کاغاذا باسیلماقدی. بو وضعیتیمیز اولا- اولا سنی نییه گرک تانییاق؟!
تعجبدن یئرینده دونوب قالمیشدی. اؤز- اؤزونه دئییردی: -« آمان آلله بو نه؟ یوخسا قارا باسیر منی؟ بلکه آغلیمیالدن وئرمیشم؟ بو بارماقلارا نه اولوب؟ بونلاری کیم بو حالا سالیب؟ نییه داها منی تانیماق ایستهمیرلر؟ اونلار اوزون ایللر منیم سیرداشیم اولوبلار؛ هر بیر اذیته تابلاشیبلار. بس ایندی نییه جؤهرلنمکلرینی منیم باشیما وورورلار؟ اونلار کی منیم جانیمدان، قانیمدان ایدیلار. یوخ بو اولا بیلمز. بوردا بیر اویون وار. گرک باش تاپام»
چوخ گرگین بیر وضعیت کئچیریردی. بارماقلار ایسه ایکیلیکده کوچهنین قورتاراجاغینا ساری قاچدیلار. هئچ دؤنوب داللارینا دا باخمادیلار…
هر بیر شئی اوز آخاریندا گئتمهگینه رغمن، او ایچریدن داغیلمیشدی. بوتون وارلیغینی قوماردا اودوزان آداملار کیمیایدی. بو فیکیرلرله خییاواندا اومودسوز دولانیردی. نومرهسیز آغ رنگلی بیر «پیکان»ین ایچینده قارا گئییملی دؤرد کیشی اونو ایزلهییردیلر. اونلاری گؤرن کیمیسورعتله اؤزونو ائوه یئتیردی. او بو دفعهده یاخالانماغینا اینانیردی. ائوه یئتیشن کیمیهله جیبیندهکی یازیلاری گیزلهدر- گیزلتمز، قاپی مؤحکم دؤیولدو. یئنیدن یاخالانیب، نومرهسیز آغ «پیکان»ا میندیریلدی. اوتوران کیمیگؤزلرینی باغلادیلار. بوینوندان باسمادان، اؤزو عادت اوزره باشینی آشاغی سالدی. داریسقال بیر اوطاقدا یئنیدن صوبحه کیمیگؤزو باغلی سورغو سووالا چکیلدی:
– سنین بارماقلارینی کسدیک، دینج اوتوراسان، آمما راپورتلار ائله معلوم ائدیر کی هله ده باشین بدنیوه آغیرلیق ائدیر. سنی بیردفعهلیک راحات ائتمهلیییک. بو باشی کسیب، اونا بنزر، آنجاق یونگول و سؤزه باخان بیر باش یئرینه قویمالیییق.
قوللارینی اوتوردوغو صندله باغلاییب، بیر دستمال بورنونا توتوب، ایشه باشلادیلار. او ایسه داها هئچ بیر شئی حیس ائتمیردی. صاباح ایکیندی چاغی آییلدی؛ تزه باشی اونا چوخ غریبه گلیردی؛ یونگول بیر باش ایدی؛ داها بدنینه آغیرلیق ائتمیردی؛ بوتون دانیشیقلاری اورهگینی سیخیردی؛ غریبه و اونا تانیش اولمایان بیر حیس کئچیریردی. یئنیدن اونو نومرهسیز آغ رنگلی «پیکان»ا میندیریب، شهرین گیرهجگینده بیر خییاوانین کنارینا آتدیلار. اؤزونه گلدیکده، اوجا سسله چیغیردی: -«آی جاماعات! بو باش منیم باشیم دئییل. من اونو تانیمیرام!» آنجاق سسینههای وئرهن یوخ ایدی.
او گوندن قارا گئییملی آداملارین دئدیکلرینه باخیردی. هرهانکی بیر ییغینجاق و مراسیملرینده جدی صورتده اشتراک ائدیردی. اونلاردان بیر آن دا اولسون یان گئتمیردی؛ آنجاق قدیمکی یولداشلارینی گؤرنده اورهگی سیخیلیردی؛ جانی قیزیشیردی. اوغورلوق ائدن بیریسی کیمیاوتانیردی.
یازین ایلک گونلری ایدی. گونشین قیزیل شوعالاری پنجرهدن ائوین ایچرسینه یاییلمیشدی. اورهگی سیخیلیر، داریخیردی . اونون ایندی اختیاریندا اولان تکجه اورهگی ایدی. باییرا چیخدی. هئچ بیر مقصدی اولمادان، شهری هدفسیز دولانماغا باشلادی. سانکی ایتیردیگینی آختاریردی. بیر آن نومرهسیز آغ رنگلی «پیکان» قارشیسینا چیخدی. ایچینده قارا گئییملی دؤرد کیشی اونو بیر-بیرلرینه گ
ؤسترهر
هر ایکی نفر اوتاقدان چیخیب، گئتدیلر. او آغری ایچینده یواش- یواش آییلیردی. الی ایله کاپشئنینی باشیندان آتماق ایستهدی. اللرینین قیزیل قان اولدوغونو گؤروب، بارماقلارینین کسیلدیگینی خاطیرلادی. اطرافینا باخدی. داریسقال بیر اوتاقدایدی. چوخ فیکیرلشمک فرصتی تاپمادی. ایکی آدام یئنیدن اوتاغا گیردیلر. اسکی بیر پارچا ایله بارماقلارینی باغلادیلار. گئجه یاریسی نومرهسیز آغ رنگلی «پیکان»ا میندیریب، شهردن کنار بیر چایین قیراغینا آتدیلار. بوتون فیکری بارماقلارینین یانیندایدی. دوشونوردو کی، «گؤرهسن بارماقلاریمیهارا آتیبلار؟ من مطلق اونلاری تاپمالییام. من اونلارسیز یاشایا بیلمهرم. اونلار منیم حیاتیما معنا وئریر.»
بو حادثهدن سونرا او داها هئچ بیر شئیدن قورخموردو. سانکی بارماقلارینی تاپماق هدفی اونو یاشاییشا یئنیدن قایتارمیشدی. ایندی داها آرتیق بارماقلارینا احتیاج دویوردو. -«بارماقلاریمیتاپسام، بو دفعه بیلهرم اونلاردان نئجه ایش چکیم. ایکی قیچیمین کسیلمهگینه اینجیمزدیم کی بارماقلاریما اوزولورم. اونلار یازیب، یارادیب، منه حیات وئریبلر.»- دئییردی.
بیر گون کوچهدن کئچیردی. محله اوشاقلاری اویناماغا مشغول ایدیلر. کسیلمیش بارماقلارینی اوشاقلارین اویونلارینا باخار حالدا گؤردو. اونلارا ساری آیاق گؤتورمک ایستهدی. بارماقلار دویدولار؛ سورعتله اوندان اوزاقلاشماق ایستهدیلر. بارماقلارین بیریسی دئدی:
– سنین الیندن یامان راحات اولموشوق. داها گئجهلر آرخایین یاتیریق. صوبحه قدر کیتاب واراقلاییب، یازمیریق! هئچ بیز سنی تانیمیریق.
ایکینجی بارماق دا دیله گلیب دئدی:
– ایندی بیزیم ان آغیر ایشیمیز نئچه ایلدن بیر جؤهرلهنیب، کاغاذا باسیلماقدی. بو وضعیتیمیز اولا- اولا سنی نییه گرک تانییاق؟!
تعجبدن یئرینده دونوب قالمیشدی. اؤز- اؤزونه دئییردی: -« آمان آلله بو نه؟ یوخسا قارا باسیر منی؟ بلکه آغلیمیالدن وئرمیشم؟ بو بارماقلارا نه اولوب؟ بونلاری کیم بو حالا سالیب؟ نییه داها منی تانیماق ایستهمیرلر؟ اونلار اوزون ایللر منیم سیرداشیم اولوبلار؛ هر بیر اذیته تابلاشیبلار. بس ایندی نییه جؤهرلنمکلرینی منیم باشیما وورورلار؟ اونلار کی منیم جانیمدان، قانیمدان ایدیلار. یوخ بو اولا بیلمز. بوردا بیر اویون وار. گرک باش تاپام»
چوخ گرگین بیر وضعیت کئچیریردی. بارماقلار ایسه ایکیلیکده کوچهنین قورتاراجاغینا ساری قاچدیلار. هئچ دؤنوب داللارینا دا باخمادیلار…
هر بیر شئی اوز آخاریندا گئتمهگینه رغمن، او ایچریدن داغیلمیشدی. بوتون وارلیغینی قوماردا اودوزان آداملار کیمیایدی. بو فیکیرلرله خییاواندا اومودسوز دولانیردی. نومرهسیز آغ رنگلی بیر «پیکان»ین ایچینده قارا گئییملی دؤرد کیشی اونو ایزلهییردیلر. اونلاری گؤرن کیمیسورعتله اؤزونو ائوه یئتیردی. او بو دفعهده یاخالانماغینا اینانیردی. ائوه یئتیشن کیمیهله جیبیندهکی یازیلاری گیزلهدر- گیزلتمز، قاپی مؤحکم دؤیولدو. یئنیدن یاخالانیب، نومرهسیز آغ «پیکان»ا میندیریلدی. اوتوران کیمیگؤزلرینی باغلادیلار. بوینوندان باسمادان، اؤزو عادت اوزره باشینی آشاغی سالدی. داریسقال بیر اوطاقدا یئنیدن صوبحه کیمیگؤزو باغلی سورغو سووالا چکیلدی:
– سنین بارماقلارینی کسدیک، دینج اوتوراسان، آمما راپورتلار ائله معلوم ائدیر کی هله ده باشین بدنیوه آغیرلیق ائدیر. سنی بیردفعهلیک راحات ائتمهلیییک. بو باشی کسیب، اونا بنزر، آنجاق یونگول و سؤزه باخان بیر باش یئرینه قویمالیییق.
قوللارینی اوتوردوغو صندله باغلاییب، بیر دستمال بورنونا توتوب، ایشه باشلادیلار. او ایسه داها هئچ بیر شئی حیس ائتمیردی. صاباح ایکیندی چاغی آییلدی؛ تزه باشی اونا چوخ غریبه گلیردی؛ یونگول بیر باش ایدی؛ داها بدنینه آغیرلیق ائتمیردی؛ بوتون دانیشیقلاری اورهگینی سیخیردی؛ غریبه و اونا تانیش اولمایان بیر حیس کئچیریردی. یئنیدن اونو نومرهسیز آغ رنگلی «پیکان»ا میندیریب، شهرین گیرهجگینده بیر خییاوانین کنارینا آتدیلار. اؤزونه گلدیکده، اوجا سسله چیغیردی: -«آی جاماعات! بو باش منیم باشیم دئییل. من اونو تانیمیرام!» آنجاق سسینههای وئرهن یوخ ایدی.
او گوندن قارا گئییملی آداملارین دئدیکلرینه باخیردی. هرهانکی بیر ییغینجاق و مراسیملرینده جدی صورتده اشتراک ائدیردی. اونلاردان بیر آن دا اولسون یان گئتمیردی؛ آنجاق قدیمکی یولداشلارینی گؤرنده اورهگی سیخیلیردی؛ جانی قیزیشیردی. اوغورلوق ائدن بیریسی کیمیاوتانیردی.
یازین ایلک گونلری ایدی. گونشین قیزیل شوعالاری پنجرهدن ائوین ایچرسینه یاییلمیشدی. اورهگی سیخیلیر، داریخیردی . اونون ایندی اختیاریندا اولان تکجه اورهگی ایدی. باییرا چیخدی. هئچ بیر مقصدی اولمادان، شهری هدفسیز دولانماغا باشلادی. سانکی ایتیردیگینی آختاریردی. بیر آن نومرهسیز آغ رنگلی «پیکان» قارشیسینا چیخدی. ایچینده قارا گئییملی دؤرد کیشی اونو بیر-بیرلرینه گ
ؤسترهر
ک، قهقهه چکیب گولوشوردولر. اونلارلا برابر بارماقلاری و باشیدا همن ماشیندایدی؛ آنجاق اونا بیر آن دا اولسون، باخمادیلار. اونون ایللر بویو یازیب یارادان بارماقلاری، دوشونن باشی ایندی اونا یابانجی اولموشدولار.
وارلیغی تالان اولموش کیمیخییاوانین کناریندا اوتوروب، باشینی اللری آراسینا آلدی؛ گؤزلرینی یومدو؛ باشینا گلنلری بیر داها دوشونمک ایستهدی؛ مومکون اولمادی. ال- آیاغی اسیردی، بئینی گیزیلدهییردی؛ بیر شئیلری خاطیرلاماق ایستهییردی، آییرد ائده بیلمیردی؛ یالنیز بیر شئیلری ایتیردیگینی اورهگی ایله حیس ائدیردی.
قانشاردان قدیم یولداشلارینین گلمهگینی گؤردو. آرالاریندا ان سئودیگی دوستو «حبیب» ده وار ایدی. اونو گؤرن کیمیخییاوانین او تایینا آتدادیلار. یئریندن قالخیب یولداشلارینا قووشماغا جان آتدی؛ اونلار اوزاقلاشمیشدیلار. بیر آن دوستو «حبیب» آرخایا دؤنوب، اونو نیفرتله سوزدو.
چیغیرماق ایستهییردی. -«من، من دئییلم!» دئمک ایستهییردی؛ آنجاق سسی بوغاریندا بوغولموشدو…
گئجه، قارا چادیرین اوزونه چکمیشدی؛ او ایسه یاتاغیندا اوزوقویلو دوشوب، یاستیغینی باشینا سیخیردی. باشی آغیرلاشیبمی، یوخسا یاستیق داشا دؤنوبمی، بیلمیردی. آرخاسی اوستونه چؤندو؛ گؤزلرینی تاوانا تیکدی. بئینی قیزیشیب، سانکی یانیردی. یاستیغینی یئنیدن او بیری اوزونه چئویریب، یوخلاماق ایستهدی. گؤزلریندن یوخو چکیلمیشدی.
سحره یاخین یئریندن قالخیب، پنجرهنین قاباغیندا دایانیب، گؤزلرینی گئجهنین آلاتورانلیغینا تیکدی.هاوا آیازلاییر، شهر ایسه سسیزجهسینه شیرین یوخودان اویانیردی. سحیرلی سسسیزلیک ائوی دولدورموشدو؛ سانکی ائوده کیمسه نفس آلمیردی. اوزاقلاردان قورخونج باغیرتی سسی گلیردی؛ یاواش- یاواش یاخینلاشیب، قارما- قاریشیق سسلره چئوریلیر، اونون دامارلارینا جوموردی.
یاتاغینا قاییدیب، اوتوردو. قاپی شیددتله دؤیولوردو. آناسی دوروب، چیگنینه آرخالیق آتیب، حیطه چیخدی. قاپی آچیلان کیمینئچه سیلاحلی قارا گئییملی آدام اوتاغا دولدولار. آناسی آغلار گؤزلرله اونلارین قاباغینی کسیب،-«رحم ائلهیین بالاما!» دئیه، یالواریردی، آمما کیمسه قولاغ آسمیردی. سیلاحلیلار قوللاریندان توتوب، اوتاقدان باییرا چیخارتدیلار. کوچهنین باشیندا نومرهسیز آغ رنگلی «پیکان» دایانمیشدی. او بو دفعه اورهگینین چیخاریلماسینا و اؤلدورولمهسینه امینایدی…
درین بیر قویودان گلن سس کیمیآناسینین سسینی ائشیدیردی:
– آی بالا دور آیاغا! بایاقدان بری چاغیریرام. نه یامان سایاقلاییرسان؟
قورخا- قورخا گؤزلرینی آچدی. آناسینی باشی اوستونده گؤردو. تیترک سسله -«آنا، بو دفعه آپاریرلار اورهگیمیچیخارسینلار.»
– آی بالا کیم آپاریر اورهگینی چیخارسین؟ نئچه آیدی گئجهلر سایاقلاییرسان. آخی بئله ده قاراباسما اولار؟ رنگین ساپ ساری اولوب. اؤزون ده بیر دری-بیر سوموگ اولوبسان…
هر گون شهرین کوچه، خییاوانلاریندا اؤزو ایله دانیشان بیر گنج، آشاغی- یوخاری گئدیر. او بعضا اللرینی یوخاری قالدیریب، آنلاشیلماز قیریق- قیریق سؤزلر دئییر، بعضا ده اؤزونو دالدا- بوجاقدا گیزلهدیر، قورخونج باخیشلاری ایله او یان بو یانا باخیر؛ خییاواندان کئچن هر آغ رنگلی ماشینا ال اوزادیب «منیم بارقلاریمیوئرین! منیم باشیمیوئرین!» دئییر. اونو گؤرهن هر بیر کیمسه -«یازیغین باشیناهاوا گلیب» دئیه، حئییفسهنیر…
https://t.me/Adabiyyatsevanlar
وارلیغی تالان اولموش کیمیخییاوانین کناریندا اوتوروب، باشینی اللری آراسینا آلدی؛ گؤزلرینی یومدو؛ باشینا گلنلری بیر داها دوشونمک ایستهدی؛ مومکون اولمادی. ال- آیاغی اسیردی، بئینی گیزیلدهییردی؛ بیر شئیلری خاطیرلاماق ایستهییردی، آییرد ائده بیلمیردی؛ یالنیز بیر شئیلری ایتیردیگینی اورهگی ایله حیس ائدیردی.
قانشاردان قدیم یولداشلارینین گلمهگینی گؤردو. آرالاریندا ان سئودیگی دوستو «حبیب» ده وار ایدی. اونو گؤرن کیمیخییاوانین او تایینا آتدادیلار. یئریندن قالخیب یولداشلارینا قووشماغا جان آتدی؛ اونلار اوزاقلاشمیشدیلار. بیر آن دوستو «حبیب» آرخایا دؤنوب، اونو نیفرتله سوزدو.
چیغیرماق ایستهییردی. -«من، من دئییلم!» دئمک ایستهییردی؛ آنجاق سسی بوغاریندا بوغولموشدو…
گئجه، قارا چادیرین اوزونه چکمیشدی؛ او ایسه یاتاغیندا اوزوقویلو دوشوب، یاستیغینی باشینا سیخیردی. باشی آغیرلاشیبمی، یوخسا یاستیق داشا دؤنوبمی، بیلمیردی. آرخاسی اوستونه چؤندو؛ گؤزلرینی تاوانا تیکدی. بئینی قیزیشیب، سانکی یانیردی. یاستیغینی یئنیدن او بیری اوزونه چئویریب، یوخلاماق ایستهدی. گؤزلریندن یوخو چکیلمیشدی.
سحره یاخین یئریندن قالخیب، پنجرهنین قاباغیندا دایانیب، گؤزلرینی گئجهنین آلاتورانلیغینا تیکدی.هاوا آیازلاییر، شهر ایسه سسیزجهسینه شیرین یوخودان اویانیردی. سحیرلی سسسیزلیک ائوی دولدورموشدو؛ سانکی ائوده کیمسه نفس آلمیردی. اوزاقلاردان قورخونج باغیرتی سسی گلیردی؛ یاواش- یاواش یاخینلاشیب، قارما- قاریشیق سسلره چئوریلیر، اونون دامارلارینا جوموردی.
یاتاغینا قاییدیب، اوتوردو. قاپی شیددتله دؤیولوردو. آناسی دوروب، چیگنینه آرخالیق آتیب، حیطه چیخدی. قاپی آچیلان کیمینئچه سیلاحلی قارا گئییملی آدام اوتاغا دولدولار. آناسی آغلار گؤزلرله اونلارین قاباغینی کسیب،-«رحم ائلهیین بالاما!» دئیه، یالواریردی، آمما کیمسه قولاغ آسمیردی. سیلاحلیلار قوللاریندان توتوب، اوتاقدان باییرا چیخارتدیلار. کوچهنین باشیندا نومرهسیز آغ رنگلی «پیکان» دایانمیشدی. او بو دفعه اورهگینین چیخاریلماسینا و اؤلدورولمهسینه امینایدی…
درین بیر قویودان گلن سس کیمیآناسینین سسینی ائشیدیردی:
– آی بالا دور آیاغا! بایاقدان بری چاغیریرام. نه یامان سایاقلاییرسان؟
قورخا- قورخا گؤزلرینی آچدی. آناسینی باشی اوستونده گؤردو. تیترک سسله -«آنا، بو دفعه آپاریرلار اورهگیمیچیخارسینلار.»
– آی بالا کیم آپاریر اورهگینی چیخارسین؟ نئچه آیدی گئجهلر سایاقلاییرسان. آخی بئله ده قاراباسما اولار؟ رنگین ساپ ساری اولوب. اؤزون ده بیر دری-بیر سوموگ اولوبسان…
هر گون شهرین کوچه، خییاوانلاریندا اؤزو ایله دانیشان بیر گنج، آشاغی- یوخاری گئدیر. او بعضا اللرینی یوخاری قالدیریب، آنلاشیلماز قیریق- قیریق سؤزلر دئییر، بعضا ده اؤزونو دالدا- بوجاقدا گیزلهدیر، قورخونج باخیشلاری ایله او یان بو یانا باخیر؛ خییاواندان کئچن هر آغ رنگلی ماشینا ال اوزادیب «منیم بارقلاریمیوئرین! منیم باشیمیوئرین!» دئییر. اونو گؤرهن هر بیر کیمسه -«یازیغین باشیناهاوا گلیب» دئیه، حئییفسهنیر…
https://t.me/Adabiyyatsevanlar
Telegram
ادبیات سئونلر
بوکانال ادبیات سئونلر قوروپونون سئچیلمیش اثرلری دیر
کانالدا کی یازیلاری کانالین لینکینی وئرمک شرطی ایله پایلاشماق اولار.
کانالدا کی یازیلاری کانالین لینکینی وئرمک شرطی ایله پایلاشماق اولار.
طنز اویکو بویوک آغا افندی
ائله بیلدیر بو گونلردی چاغالالار گولدن چیخان گونلریدی عممه مین اری چاغلاری نوبار ائلمه دن چوخ نیسگیللی عومرون وئردی سیزه یازیق عممه می ۵۵ یاشیندا تک قویدو،رحمتلیین اوغلو هیچ دئمه دی به بویازیق منسیز باشینا نه کول اله سین .
دده م دونن زنگ ائله میشدی دئیردی :اوغلول بالا ایندکی گئدیرسیز مئشهده من هئچ، ننن جهننمه، هیچ اولماسا او عممه نی اوزونوزله آپارین یازیق دیر ، بئناوا آرواد تکلیکدن آز قالیر دیغلاسین . پیشییم - پیشیمییله آروادین بوینونا قویدوم عممه نی ده اوزوموزله آپاراق مئشهده، یئرینیز بوش ایندی لاپ بوساعات طییاره مئیدانیندا ایستیریک مینک طییاره یه اوچاق گئده ک مئشهده.طییاره نین پیلله کنلرین قویوبلار ایکی اوچ ماشین، بئشه آلتی مامور هره نین الینده بیر سیم سیز تیلفون دورموشوق صفه سئوینجک ایستیریک مینک طییاره یه آرواددا هئی سلفی دیرکی سالیر. بیزدن ایکی نفر قاباقدا سانتیمانتال قارا -قاش گوز بیر خانیمین قوجاغیندا بالاجا آغ آپباغ تر-تمیز بیر کوپک کی آلنی نین توک لری توکولموشدو اوزونه ،مینجیق کیمی گوزلری ایشیلداییردی، باخیردی بیزه بیردن بیزیم آرواد دئدی: عممه خانیم باخ هاپویا .عممه م هاپونو گورمک هامان ائله قیشقیردی کی صف دیدی بیر بیرینه هامی دوندو سسه طرف طییاره نین خدمه سی بوتون مامورلار توکولدولربیزیم باشیمیزا کیمسه بیلمیردی نه اولوب. عممه م گوزقیپریمیندا قاچ دی گیردی طییاره نین پیله کن لرینین دالینا اللرین توتوموشدو اوزونه، پادار دئیردی: اونو یوخ، اونویوخ.
منله آروادیم بئش- آلتی مامور گئدیک پیلله کن لرین طرفینه گوره ک عممه خانیم نه دئییر ، بیرآز سو وئردیک، عممه نین چینلرین اوغدوق، آزجا اوزونه گلندن سونرا عممه خانیم دئدی : هله او موردار ایتی دد ه سی کیمی باغرینا باسماغی بس دئییل ،
ایستیر میندیرسین طییاره یه ده ،اون نفسی مورداردی، بوتون طییاره نی موردارائلر ، توکلری بوتون عالمی وورار بیر- بیرینه ایتدن موردار بیرزاد دونیادا یوخدو ، ایت نه طییاره نه ،من موردار- موردارآغانین زیارتینه گئده بیلمه رم،اونو طییاره یه میندیرسز من اوله رم او طییاره یه مینمه رم . موسافیرلی هامیسی میندیلر طییاره یه، عممه ام ایکی آیاغین گئیمیشدی بیر باشماغا دئییردی: سیچ دده مین گورونا، من ایت اولان طییاره یه مینمیرم کی مینمیرم ، ایسته سیز من مینم او آروادلا ایتی ائندیرین آشاغی طییاره نین ایچین ائشین شیلانک توتون فابلاین من اوندان سونرا مینیم ، یالوار-یاخار کار کسمه دی .
خلبان گلدی، او دئدی ، من دئدیم، عممه خانیم! اونون سیجیللیسی وار میللی کارتی وار ،هر ایکی آیدان بیر اونا واکسن وورارلار، آیدا بیردفه سلمانی یه گئدر ،عممه خانیمین قولاغینا گیر مه- دکی گیرمه دی .خلبان تلسیر دی مامورلار باشلاییردیلار پیلله کنی ییغماغا، آز قالیردی بیز اوچاقدان قالاق خولاصه
قوللوقچولارین بیری اونون بوینونا قویدوکی عممه خانیمی آپارسین خلبانین کابینینه ،عممه خانیمی نه موکافاتلا دئیینه- دئیینه یالوارا -یالوار میندیریدیک طییاره یه. ایندی اوچ گوندو صبح آذانیندان گئدیر یک زیارته شام آذانی قایدیریق ، بوگون سحر یوخودان دوردوق گونده کی کیمی گئده ک زیارته عممه خانیم دئدی: بالا منیم قیچ لاریم آغریییر سیز گئدین من بوگون گلمیرم . آخشام باشی زیارتدن قایداندا، هوتئله بیر از قالاندا آرواد دئدی :مئشه بویوک آغا گوزلرین آیدین اولسون باخ اورا . بیر آز اویان -بو یانا باخاندان سونرا گوردوم عممه خانیم پارکدا اوتوروب چارپاینین اوستونده بیر کیشی ایله خمیر- خمیر دانیشیر اوزومه گتیرمه دیم ، گئدیک هوتئله بیر آزدان عممه خانیم دا گلدی بیر آز اویان -بویاندان دانیشاندان سونرا دئدیم : عممه خانیم پارکدا گوردوم ؟ عممه خانیم دئدی: اه، وآللا من هارا گئدیرم درد مندن قاباق قاچیر اورا. دئدیم قیچ لاریم قورویار صاباح زیارته گئده بیلمه رم قوی چیخیم پارک دا قدم ووروم به یه قیچ لاریم آچیلدی . قوجابیر کیشی یه راست گلدیم اویازیغیندا منیم کیمی دردلی ایدی. آروادی اولموشدو اوشاقلاری یولا وئرمیرلر . اوتدوق بیر آز دری دیل ائله دیک .دوردوم گلدیم .آروادمنی چاغیردی اوتاغا قاپیدان گیرمک هامان دئدی: موبارک دیر .دئدیم : نمنه؟ دئدی : عممه خانیم اوچدو .دئدیم: یوخ بابا بولار نه سوزدو ؟ عممه خانیمین هله ایندیسینه قالیب اوچماق !؟ . هله سوزوم قورتارمامیشدی قاپینین زنگین ووردولار دئدیم به هوتئلین خدمه لری دیلر چای گتیریب لر چیخدیم قاپی یا گوردم پارکدا گوردویوم کیشی اوزومو توتدوم دئدیم :بویورون. نه آلدی نه ساتدی دئدی : عممه نیزه ائلچی گلمیشم .ایستدیم وورام آغزی بورنون پاتلادام گوردوم آبریمیز گئده جک .چوخ حیرصلی دئدیم: منیم عمم بورا زیارته گلیب ائولنمک خیالی یوخدو . مشهدلی کیشی چوخ آرام دئدی :سن عممه نین وکیلیسن؟ سنه نه ،نه اوشاق دیر نه من ،دئیر یوخ چی
ائله بیلدیر بو گونلردی چاغالالار گولدن چیخان گونلریدی عممه مین اری چاغلاری نوبار ائلمه دن چوخ نیسگیللی عومرون وئردی سیزه یازیق عممه می ۵۵ یاشیندا تک قویدو،رحمتلیین اوغلو هیچ دئمه دی به بویازیق منسیز باشینا نه کول اله سین .
دده م دونن زنگ ائله میشدی دئیردی :اوغلول بالا ایندکی گئدیرسیز مئشهده من هئچ، ننن جهننمه، هیچ اولماسا او عممه نی اوزونوزله آپارین یازیق دیر ، بئناوا آرواد تکلیکدن آز قالیر دیغلاسین . پیشییم - پیشیمییله آروادین بوینونا قویدوم عممه نی ده اوزوموزله آپاراق مئشهده، یئرینیز بوش ایندی لاپ بوساعات طییاره مئیدانیندا ایستیریک مینک طییاره یه اوچاق گئده ک مئشهده.طییاره نین پیلله کنلرین قویوبلار ایکی اوچ ماشین، بئشه آلتی مامور هره نین الینده بیر سیم سیز تیلفون دورموشوق صفه سئوینجک ایستیریک مینک طییاره یه آرواددا هئی سلفی دیرکی سالیر. بیزدن ایکی نفر قاباقدا سانتیمانتال قارا -قاش گوز بیر خانیمین قوجاغیندا بالاجا آغ آپباغ تر-تمیز بیر کوپک کی آلنی نین توک لری توکولموشدو اوزونه ،مینجیق کیمی گوزلری ایشیلداییردی، باخیردی بیزه بیردن بیزیم آرواد دئدی: عممه خانیم باخ هاپویا .عممه م هاپونو گورمک هامان ائله قیشقیردی کی صف دیدی بیر بیرینه هامی دوندو سسه طرف طییاره نین خدمه سی بوتون مامورلار توکولدولربیزیم باشیمیزا کیمسه بیلمیردی نه اولوب. عممه م گوزقیپریمیندا قاچ دی گیردی طییاره نین پیله کن لرینین دالینا اللرین توتوموشدو اوزونه، پادار دئیردی: اونو یوخ، اونویوخ.
منله آروادیم بئش- آلتی مامور گئدیک پیلله کن لرین طرفینه گوره ک عممه خانیم نه دئییر ، بیرآز سو وئردیک، عممه نین چینلرین اوغدوق، آزجا اوزونه گلندن سونرا عممه خانیم دئدی : هله او موردار ایتی دد ه سی کیمی باغرینا باسماغی بس دئییل ،
ایستیر میندیرسین طییاره یه ده ،اون نفسی مورداردی، بوتون طییاره نی موردارائلر ، توکلری بوتون عالمی وورار بیر- بیرینه ایتدن موردار بیرزاد دونیادا یوخدو ، ایت نه طییاره نه ،من موردار- موردارآغانین زیارتینه گئده بیلمه رم،اونو طییاره یه میندیرسز من اوله رم او طییاره یه مینمه رم . موسافیرلی هامیسی میندیلر طییاره یه، عممه ام ایکی آیاغین گئیمیشدی بیر باشماغا دئییردی: سیچ دده مین گورونا، من ایت اولان طییاره یه مینمیرم کی مینمیرم ، ایسته سیز من مینم او آروادلا ایتی ائندیرین آشاغی طییاره نین ایچین ائشین شیلانک توتون فابلاین من اوندان سونرا مینیم ، یالوار-یاخار کار کسمه دی .
خلبان گلدی، او دئدی ، من دئدیم، عممه خانیم! اونون سیجیللیسی وار میللی کارتی وار ،هر ایکی آیدان بیر اونا واکسن وورارلار، آیدا بیردفه سلمانی یه گئدر ،عممه خانیمین قولاغینا گیر مه- دکی گیرمه دی .خلبان تلسیر دی مامورلار باشلاییردیلار پیلله کنی ییغماغا، آز قالیردی بیز اوچاقدان قالاق خولاصه
قوللوقچولارین بیری اونون بوینونا قویدوکی عممه خانیمی آپارسین خلبانین کابینینه ،عممه خانیمی نه موکافاتلا دئیینه- دئیینه یالوارا -یالوار میندیریدیک طییاره یه. ایندی اوچ گوندو صبح آذانیندان گئدیر یک زیارته شام آذانی قایدیریق ، بوگون سحر یوخودان دوردوق گونده کی کیمی گئده ک زیارته عممه خانیم دئدی: بالا منیم قیچ لاریم آغریییر سیز گئدین من بوگون گلمیرم . آخشام باشی زیارتدن قایداندا، هوتئله بیر از قالاندا آرواد دئدی :مئشه بویوک آغا گوزلرین آیدین اولسون باخ اورا . بیر آز اویان -بو یانا باخاندان سونرا گوردوم عممه خانیم پارکدا اوتوروب چارپاینین اوستونده بیر کیشی ایله خمیر- خمیر دانیشیر اوزومه گتیرمه دیم ، گئدیک هوتئله بیر آزدان عممه خانیم دا گلدی بیر آز اویان -بویاندان دانیشاندان سونرا دئدیم : عممه خانیم پارکدا گوردوم ؟ عممه خانیم دئدی: اه، وآللا من هارا گئدیرم درد مندن قاباق قاچیر اورا. دئدیم قیچ لاریم قورویار صاباح زیارته گئده بیلمه رم قوی چیخیم پارک دا قدم ووروم به یه قیچ لاریم آچیلدی . قوجابیر کیشی یه راست گلدیم اویازیغیندا منیم کیمی دردلی ایدی. آروادی اولموشدو اوشاقلاری یولا وئرمیرلر . اوتدوق بیر آز دری دیل ائله دیک .دوردوم گلدیم .آروادمنی چاغیردی اوتاغا قاپیدان گیرمک هامان دئدی: موبارک دیر .دئدیم : نمنه؟ دئدی : عممه خانیم اوچدو .دئدیم: یوخ بابا بولار نه سوزدو ؟ عممه خانیمین هله ایندیسینه قالیب اوچماق !؟ . هله سوزوم قورتارمامیشدی قاپینین زنگین ووردولار دئدیم به هوتئلین خدمه لری دیلر چای گتیریب لر چیخدیم قاپی یا گوردم پارکدا گوردویوم کیشی اوزومو توتدوم دئدیم :بویورون. نه آلدی نه ساتدی دئدی : عممه نیزه ائلچی گلمیشم .ایستدیم وورام آغزی بورنون پاتلادام گوردوم آبریمیز گئده جک .چوخ حیرصلی دئدیم: منیم عمم بورا زیارته گلیب ائولنمک خیالی یوخدو . مشهدلی کیشی چوخ آرام دئدی :سن عممه نین وکیلیسن؟ سنه نه ،نه اوشاق دیر نه من ،دئیر یوخ چی
خیب گئده رم دا. بیر آز او دئدی ، بیر آز من دئدیم ، بیر اوندا اوتاغین قاپسی آچیلدی عممه خانیملا آروادیم نیگران بیزه
باخیردی لار.
آروادیم سوروشدو نه اولوب ؟
دئدیم: آغانین ایشی وار ایندی گله رم . عممه خانیم دئدی : بالا او قوجا کیشینی قاپیدا آیاق اوسته نیه ساخلامیسان
ایه سوزوز وار قوی گلسین ایچه ری گورک نه دئییر دا . هله من آغزیمی آچمامیشدیم مشهدلی کیشی مندن قاباق تپیلدی ایچه رییه .دیشیم باغرساغیمی کسیردی گئده نین نه سیلله یه گلن اوزو واردی نه تپیه گلن گوتو .هله یئره اوتورمامیشدیق فوری عممه خانیم چای گتیردی طرف چای ایچمه میشدن قاپیدا منه دئدیک لرین بولبول کیمی تکرار ائله دی. آخیرده دئدی ایجازه وئرین بیز بئش دیقه دانیشاق اولار- اولار اولمازدا قویوب گئدریک. قورد کئچینین بیرزا دین یئمه ییب کی.
آروادلا عممه خانیمی چاغیردیم اوتاغا دئدیم: من آ بریمیزدان قوخدوم یوخسا بو گئدنی بوردا تپیپکله ازردیم . عمه خانیم دئدی: عممه قوربان اولسون قانینی قارالتما ،من اوشاق دئییلم کی
ایندی ایکی دیقه دانیشاریق من یوخ دئیه رم قویار چیخار گئدر، قوجا کیشی دیر وورارسان بیرزاد اولار غوربت یئرده قالاریق خطایا . آرواد دئدی : عممه خانیم دوزدئییر، ساواشماقلا اولماز . عممه خانیم کئچ اوزون دانیش اوتور گئتسین .عممه خانیمین گوزلرینده شام یانیردی. ائله بیل بو سوزون یولون گوزله ییردی .عممه خانیم دئدی :ائله سیز بوردا اولون من ایکی دیقهیه جه اونو اوتوررم گئد ر .اوتاقدان چیخا- چیخا عممه خانیم منیم اوزوم اوپدو دئدی : سن اصلن اوزونو راحاتسیز ائله مه . اوره ییم بیر از یئرینه گلدی عممه خانیم اوتاقدان چیخدی منله آرواد قالدیق اوتاقدا ،عممه خانیم گئدسین او کیشینی باشیمیزدان ائله سین .آرواد دئدی: سنه دئمه دیم عمه خانیم بای- بای .بو سوزدن بیچاق وورسایدین قانیم چیخمازدی ،دئدیم: ال چک گوره ک بابا سنده هرزادا بد بینسن .بئش دیقه اولدو اون دیقه ، اون دیقه اولدو یاریم ساعات، عممه خانیمدان خبراولمادی بیر ساعاتدان سونرا آرواد دئدی: مئشه بویوک آغا بولارینکی دانیشماقدان گئچدی ائله بیل توی ائلیرلر .دئدیم اوچ- دورد دیقه ده دوز اگر طرف گئدمه سه اوزوم تپیکله ائودن آتارام ائشبیه .یاریم ساعاتدا بئله کئچدی دای منیم طاقتیم قورتولدو یاآللاه دئییب گیردیم اوتاغا گوردوم عممه خانیمیلا حاجی آغا دیب -دیبه اوتوروبلار موبلون بیر بوجاغیندا عممه جاندا قولون سالیب مشهدلی کیشینین بوینونا آز قالیر زیارت ائلسین .آرواد دئدی :عممه خانیم نه اولدو ؟ عممه خانیم دئدی :واللاه بوکیشی چوخ درد چکیب، سحردن یازیغا اوره ییم کباب اولوب . من ده دای هاچانا کیمی تک قالاجاغام .اورحمتلیک کی تازادان قاییتمایاجاق ایجازه نیزله بیز گئدیریک بالاجا بیر صیغه اوخودوراق گورک سونرا نجور اولور. من قوپ قورو قور موشدوم. عمه جانلا مشهدلی کیشی دیک یئردن قالخدی لار .آرواد دئدی :عممه جان آخی صاباحا بیلیطیمیزوار گرک قایداق .
عممه جان دئدی : دای بالا بیرده من طییاره یه مینمه رم م اورا ایت -زاد گتیریرلر من چیمچه شیرم. انشاللاه اون- اونبئش گونه جه حاجی نین ماشینی ایله اوزوموز گلریک.
https://t.me/Adabiyyatsevanlar
باخیردی لار.
آروادیم سوروشدو نه اولوب ؟
دئدیم: آغانین ایشی وار ایندی گله رم . عممه خانیم دئدی : بالا او قوجا کیشینی قاپیدا آیاق اوسته نیه ساخلامیسان
ایه سوزوز وار قوی گلسین ایچه ری گورک نه دئییر دا . هله من آغزیمی آچمامیشدیم مشهدلی کیشی مندن قاباق تپیلدی ایچه رییه .دیشیم باغرساغیمی کسیردی گئده نین نه سیلله یه گلن اوزو واردی نه تپیه گلن گوتو .هله یئره اوتورمامیشدیق فوری عممه خانیم چای گتیردی طرف چای ایچمه میشدن قاپیدا منه دئدیک لرین بولبول کیمی تکرار ائله دی. آخیرده دئدی ایجازه وئرین بیز بئش دیقه دانیشاق اولار- اولار اولمازدا قویوب گئدریک. قورد کئچینین بیرزا دین یئمه ییب کی.
آروادلا عممه خانیمی چاغیردیم اوتاغا دئدیم: من آ بریمیزدان قوخدوم یوخسا بو گئدنی بوردا تپیپکله ازردیم . عمه خانیم دئدی: عممه قوربان اولسون قانینی قارالتما ،من اوشاق دئییلم کی
ایندی ایکی دیقه دانیشاریق من یوخ دئیه رم قویار چیخار گئدر، قوجا کیشی دیر وورارسان بیرزاد اولار غوربت یئرده قالاریق خطایا . آرواد دئدی : عممه خانیم دوزدئییر، ساواشماقلا اولماز . عممه خانیم کئچ اوزون دانیش اوتور گئتسین .عممه خانیمین گوزلرینده شام یانیردی. ائله بیل بو سوزون یولون گوزله ییردی .عممه خانیم دئدی :ائله سیز بوردا اولون من ایکی دیقهیه جه اونو اوتوررم گئد ر .اوتاقدان چیخا- چیخا عممه خانیم منیم اوزوم اوپدو دئدی : سن اصلن اوزونو راحاتسیز ائله مه . اوره ییم بیر از یئرینه گلدی عممه خانیم اوتاقدان چیخدی منله آرواد قالدیق اوتاقدا ،عممه خانیم گئدسین او کیشینی باشیمیزدان ائله سین .آرواد دئدی: سنه دئمه دیم عمه خانیم بای- بای .بو سوزدن بیچاق وورسایدین قانیم چیخمازدی ،دئدیم: ال چک گوره ک بابا سنده هرزادا بد بینسن .بئش دیقه اولدو اون دیقه ، اون دیقه اولدو یاریم ساعات، عممه خانیمدان خبراولمادی بیر ساعاتدان سونرا آرواد دئدی: مئشه بویوک آغا بولارینکی دانیشماقدان گئچدی ائله بیل توی ائلیرلر .دئدیم اوچ- دورد دیقه ده دوز اگر طرف گئدمه سه اوزوم تپیکله ائودن آتارام ائشبیه .یاریم ساعاتدا بئله کئچدی دای منیم طاقتیم قورتولدو یاآللاه دئییب گیردیم اوتاغا گوردوم عممه خانیمیلا حاجی آغا دیب -دیبه اوتوروبلار موبلون بیر بوجاغیندا عممه جاندا قولون سالیب مشهدلی کیشینین بوینونا آز قالیر زیارت ائلسین .آرواد دئدی :عممه خانیم نه اولدو ؟ عممه خانیم دئدی :واللاه بوکیشی چوخ درد چکیب، سحردن یازیغا اوره ییم کباب اولوب . من ده دای هاچانا کیمی تک قالاجاغام .اورحمتلیک کی تازادان قاییتمایاجاق ایجازه نیزله بیز گئدیریک بالاجا بیر صیغه اوخودوراق گورک سونرا نجور اولور. من قوپ قورو قور موشدوم. عمه جانلا مشهدلی کیشی دیک یئردن قالخدی لار .آرواد دئدی :عممه جان آخی صاباحا بیلیطیمیزوار گرک قایداق .
عممه جان دئدی : دای بالا بیرده من طییاره یه مینمه رم م اورا ایت -زاد گتیریرلر من چیمچه شیرم. انشاللاه اون- اونبئش گونه جه حاجی نین ماشینی ایله اوزوموز گلریک.
https://t.me/Adabiyyatsevanlar
Telegram
ادبیات سئونلر
بوکانال ادبیات سئونلر قوروپونون سئچیلمیش اثرلری دیر
کانالدا کی یازیلاری کانالین لینکینی وئرمک شرطی ایله پایلاشماق اولار.
کانالدا کی یازیلاری کانالین لینکینی وئرمک شرطی ایله پایلاشماق اولار.
Forwarded from ادبیات سئونلر
This media is not supported in your browser
VIEW IN TELEGRAM
اوشاق ادبیاتی
اوشاق ادبیاتی هر هفته پنجشنبه گونو ادبیات سئونلر کانالیندا
اوشاق ادبیاتینا دایر یازیلارینیزی بیزه گوندرین .
https://t.me/Adabiyyatsevanlar
اوشاق ادبیاتی هر هفته پنجشنبه گونو ادبیات سئونلر کانالیندا
اوشاق ادبیاتینا دایر یازیلارینیزی بیزه گوندرین .
https://t.me/Adabiyyatsevanlar
اوشاق ادبیاتی
قولچاق - عالم زر علیزاده
قولچاق
قولچاغیمی گون آلتدا
قویوب گئتمیشم باغا
اوشاقلارلا بیرلیکده
گیزلین - قاچ اویناماغا
ایندی گلیب گؤرورم
اونون قیزدیرماسی وار
قولچاغیم خسته لنیب
اوینامیرام اوشاقلار
https://t.me/Adabiyyatsevanlar
قولچاق - عالم زر علیزاده
قولچاق
قولچاغیمی گون آلتدا
قویوب گئتمیشم باغا
اوشاقلارلا بیرلیکده
گیزلین - قاچ اویناماغا
ایندی گلیب گؤرورم
اونون قیزدیرماسی وار
قولچاغیم خسته لنیب
اوینامیرام اوشاقلار
https://t.me/Adabiyyatsevanlar
Telegram
ادبیات سئونلر
بوکانال ادبیات سئونلر قوروپونون سئچیلمیش اثرلری دیر
کانالدا کی یازیلاری کانالین لینکینی وئرمک شرطی ایله پایلاشماق اولار.
کانالدا کی یازیلاری کانالین لینکینی وئرمک شرطی ایله پایلاشماق اولار.
اوشاق ادبیاتی
سحر خیاوی
گونَش
یئنه آچیلدی "سحر"
ساچلارینی سَر،گونش
یئنه ایستی،ایشیقلیق
یئر اوزونه وئر گونَش
قیزیشسین یئر کوره میز
گولوشسون گول چیچک لر
آخیشسین گور بولاقلار
اوچوشسون کپنک لر
سئوینسین لر اوشاقلار
تورکولر اوخوسونلار
تمیز،کیچیک اوره کده
آرزولار توخوسونلار
یئر اوسته اولسون باریش
سیلاحلار سوسدورولسون
اوءپوشسونلر آداملار
اوره کلر بیر دورولسون
من ده کئشگه اولایدیم
بیرجه کول گونه باخان
دویونجا بیر باخایدیم
سنه گوءز قاماشمادان
https://t.me/Adabiyyatsevanlar
سحر خیاوی
گونَش
یئنه آچیلدی "سحر"
ساچلارینی سَر،گونش
یئنه ایستی،ایشیقلیق
یئر اوزونه وئر گونَش
قیزیشسین یئر کوره میز
گولوشسون گول چیچک لر
آخیشسین گور بولاقلار
اوچوشسون کپنک لر
سئوینسین لر اوشاقلار
تورکولر اوخوسونلار
تمیز،کیچیک اوره کده
آرزولار توخوسونلار
یئر اوسته اولسون باریش
سیلاحلار سوسدورولسون
اوءپوشسونلر آداملار
اوره کلر بیر دورولسون
من ده کئشگه اولایدیم
بیرجه کول گونه باخان
دویونجا بیر باخایدیم
سنه گوءز قاماشمادان
https://t.me/Adabiyyatsevanlar
Telegram
ادبیات سئونلر
بوکانال ادبیات سئونلر قوروپونون سئچیلمیش اثرلری دیر
کانالدا کی یازیلاری کانالین لینکینی وئرمک شرطی ایله پایلاشماق اولار.
کانالدا کی یازیلاری کانالین لینکینی وئرمک شرطی ایله پایلاشماق اولار.
اوشاق ادبیاتی
ویدا حشمتی
نئچه اولدوز آخا-آخا
دام دوواردان باخا-باخا
گیردی بیزیم پنجرهدن
ایشیقلاری یاخا-یاخا
یورغانیمی الوان-الوان
گول-چیچهیه بلهدیلر
دنه-دنه ایشیقلاری
یاسدیغیما الهدیلر
بیردنبیره بیر مئهریبان
اؤپدو منیم یاناغیمی
دئدی بالام بئواقتدی هااا
اؤرتدو الیم-آیاغیمی
یوبانما کی گئدهجهییک
صاباح اوشاق باغچاسینا
زویولداق-دونبالان پیستان
اوینایاسان بولجاسینا
آنلادیم کی منیم آنام
اولدوزلارین گؤزهلیدیر
شیرین-شیرین لایلالارین
نغمهلرین دوزهنیدیر
https://t.me/Adabiyyatsevanlar
ویدا حشمتی
نئچه اولدوز آخا-آخا
دام دوواردان باخا-باخا
گیردی بیزیم پنجرهدن
ایشیقلاری یاخا-یاخا
یورغانیمی الوان-الوان
گول-چیچهیه بلهدیلر
دنه-دنه ایشیقلاری
یاسدیغیما الهدیلر
بیردنبیره بیر مئهریبان
اؤپدو منیم یاناغیمی
دئدی بالام بئواقتدی هااا
اؤرتدو الیم-آیاغیمی
یوبانما کی گئدهجهییک
صاباح اوشاق باغچاسینا
زویولداق-دونبالان پیستان
اوینایاسان بولجاسینا
آنلادیم کی منیم آنام
اولدوزلارین گؤزهلیدیر
شیرین-شیرین لایلالارین
نغمهلرین دوزهنیدیر
https://t.me/Adabiyyatsevanlar
Telegram
ادبیات سئونلر
بوکانال ادبیات سئونلر قوروپونون سئچیلمیش اثرلری دیر
کانالدا کی یازیلاری کانالین لینکینی وئرمک شرطی ایله پایلاشماق اولار.
کانالدا کی یازیلاری کانالین لینکینی وئرمک شرطی ایله پایلاشماق اولار.
اوشاق ادبیاتی حیوان تانیتیمی
بو هفته :هشتر خان
گوزل بالا لار بیز شمالی آمریکادان دونیانین باشقا یئرلرینه گئتمیشیک .
بیزیم چکیمیز بویوک لریمیزربئش کیلودان -اونبیر کیلو جا اولار.
بوینوموزون آلتیندا قیرمزی سققالیمیز وار
سیز بیزیم بارمیزده نه بیلیر سینیز ؟
https://t.me/Adabiyyatsevanlar
بو هفته :هشتر خان
گوزل بالا لار بیز شمالی آمریکادان دونیانین باشقا یئرلرینه گئتمیشیک .
بیزیم چکیمیز بویوک لریمیزربئش کیلودان -اونبیر کیلو جا اولار.
بوینوموزون آلتیندا قیرمزی سققالیمیز وار
سیز بیزیم بارمیزده نه بیلیر سینیز ؟
https://t.me/Adabiyyatsevanlar
اوشاق ادبیاتی
آیدین باخیش
« میلچک»
تمیزلییی دانمیشام
من بو جور یارانمیشام
قانادیم وار وز- وزام
چتینکی من اوتوزام
هاردا واردی زیر- زیبیل
یِئر یوردومو اوردا بیل
باتیق دیر آغزیم دیشیم
... یئمک منیم ایشیم
چوخ سئوهرم زور دییهم
اَل چکمهرم سورتویم
هاممی دئییر دای اَل چک
ایتیل پیس اوزلو « میلچک»
اَلیندن جانا گلدیک
والله زینهارا گلدیک.
https://t.me/Adabiyyatsevanlar
آیدین باخیش
« میلچک»
تمیزلییی دانمیشام
من بو جور یارانمیشام
قانادیم وار وز- وزام
چتینکی من اوتوزام
هاردا واردی زیر- زیبیل
یِئر یوردومو اوردا بیل
باتیق دیر آغزیم دیشیم
... یئمک منیم ایشیم
چوخ سئوهرم زور دییهم
اَل چکمهرم سورتویم
هاممی دئییر دای اَل چک
ایتیل پیس اوزلو « میلچک»
اَلیندن جانا گلدیک
والله زینهارا گلدیک.
https://t.me/Adabiyyatsevanlar
"دومان "
فصیللرین سیراسیندا
یای دا کئفلی دیر بو گئجه
تانری بیزه باغیشلایان
پای دا کئفلی دیر بو گئجه
گونه باخین آی یا باخین
کامانداکی یایا باخین
یاللی گئدن هایا باخین
های دا کئفلی دیر بو گئجه
یاشیل سئوگی دوراغیندا
کوچه میزین چیراغیندا
تورکون قانلی بایراغیندا
آی دا کئفلی دیر بو گئجه
یار اویناییر یارامیزدا
یول کسیلیر چارامیزدا
وئران قالان آرامیزدا
چای دا کئفلی دیر بو گئجه
آی اولدوزا آداخلانیر
دویغو داشیب دوداقلانیر
طالعیمیز چیراقلانیر
توی دا کئفلی دیر بو گئجه
https://t.me/Adabiyyatsevanlar
فصیللرین سیراسیندا
یای دا کئفلی دیر بو گئجه
تانری بیزه باغیشلایان
پای دا کئفلی دیر بو گئجه
گونه باخین آی یا باخین
کامانداکی یایا باخین
یاللی گئدن هایا باخین
های دا کئفلی دیر بو گئجه
یاشیل سئوگی دوراغیندا
کوچه میزین چیراغیندا
تورکون قانلی بایراغیندا
آی دا کئفلی دیر بو گئجه
یار اویناییر یارامیزدا
یول کسیلیر چارامیزدا
وئران قالان آرامیزدا
چای دا کئفلی دیر بو گئجه
آی اولدوزا آداخلانیر
دویغو داشیب دوداقلانیر
طالعیمیز چیراقلانیر
توی دا کئفلی دیر بو گئجه
https://t.me/Adabiyyatsevanlar
Telegram
ادبیات سئونلر
بوکانال ادبیات سئونلر قوروپونون سئچیلمیش اثرلری دیر
کانالدا کی یازیلاری کانالین لینکینی وئرمک شرطی ایله پایلاشماق اولار.
کانالدا کی یازیلاری کانالین لینکینی وئرمک شرطی ایله پایلاشماق اولار.
"علی آغا واحید"
ای کؤنول عشق عالمین سئیر ائت، بو عالم باشقادیر!
کیم، بو عالم ده مسررت باشقا، ماتم باشقادیر!
دم غنیمت دیر، دئمیش لر، بیر گول اوزلو یار ایله
همدم اول، مئی جامین اَلده توت کی، بو دم باشقادیر!
من نئجه ابرولارا ماهِ محررم سؤیله ییم
بو قیلینج لار باشقادیر، ماه محررم باشقادیر!
کیم دئسه گیسویِ پر خم زولفونه، دیوانه دیر
عشق ده زنجیر باشقا، زولفِ پر خم باشقادیر!
کویونا گلمئزسه زاهید، وجهی وار، معذور دور
اول کی، جننت وار، دئمیشلر، اوندا آدم باشقادیر!
قطره- قطره تَر دوزولموش رویونا، شبنم دئییل
پر بها دوردانه دیر، گول اوزره شبنم باشقادیر!
شعردن بحث ائتمه واحید، بیزده دونیا گؤرموشوک
شعرده آذر کیمی اوستادِ اعظم باشقادیر!
https://t.me/Adabiyyatsevanlar
ای کؤنول عشق عالمین سئیر ائت، بو عالم باشقادیر!
کیم، بو عالم ده مسررت باشقا، ماتم باشقادیر!
دم غنیمت دیر، دئمیش لر، بیر گول اوزلو یار ایله
همدم اول، مئی جامین اَلده توت کی، بو دم باشقادیر!
من نئجه ابرولارا ماهِ محررم سؤیله ییم
بو قیلینج لار باشقادیر، ماه محررم باشقادیر!
کیم دئسه گیسویِ پر خم زولفونه، دیوانه دیر
عشق ده زنجیر باشقا، زولفِ پر خم باشقادیر!
کویونا گلمئزسه زاهید، وجهی وار، معذور دور
اول کی، جننت وار، دئمیشلر، اوندا آدم باشقادیر!
قطره- قطره تَر دوزولموش رویونا، شبنم دئییل
پر بها دوردانه دیر، گول اوزره شبنم باشقادیر!
شعردن بحث ائتمه واحید، بیزده دونیا گؤرموشوک
شعرده آذر کیمی اوستادِ اعظم باشقادیر!
https://t.me/Adabiyyatsevanlar
"کامیل قهرمان اوغلو"
سنی تبریز، بورا بیر باغچا گولوش یوللا منه!
«ائل گؤلو»ندن گولو در دستمالا خوش یوللا منه!
و تئلیندن قانا سال هر نه قارانلیق قاتاری
دوداغیندان ایکی مین آلتی اؤپوش یوللا منه!
اوره ییم اوردا «صمد»له مزار اولموش، یاتمیش
و اؤزوم بوردادی، اوردان سا گؤروش یوللا منه!
و او ارکک ساری قوچلار، قویون اولموش چوخدان
جاناوارلار دریسیندن قارا قوچ یوللا منه!
آنا تبریز! او آلا گؤزلرینه آغلا منی!
سئوگی مکتوبو آپارماقلیغا قوش یوللا منه!
دوستاغام آه! قاراقانچیل قویولاردا سنه من
ساچینا سؤیله شهر ساچلی گونش یوللا منه!
بو گؤیرچین یاراما، کافتار اولوبدور منده
سنی تبریز، بورا بیر باغچا گولوش یوللا منه...!
https://t.me/Adabiyyatsevanlar
سنی تبریز، بورا بیر باغچا گولوش یوللا منه!
«ائل گؤلو»ندن گولو در دستمالا خوش یوللا منه!
و تئلیندن قانا سال هر نه قارانلیق قاتاری
دوداغیندان ایکی مین آلتی اؤپوش یوللا منه!
اوره ییم اوردا «صمد»له مزار اولموش، یاتمیش
و اؤزوم بوردادی، اوردان سا گؤروش یوللا منه!
و او ارکک ساری قوچلار، قویون اولموش چوخدان
جاناوارلار دریسیندن قارا قوچ یوللا منه!
آنا تبریز! او آلا گؤزلرینه آغلا منی!
سئوگی مکتوبو آپارماقلیغا قوش یوللا منه!
دوستاغام آه! قاراقانچیل قویولاردا سنه من
ساچینا سؤیله شهر ساچلی گونش یوللا منه!
بو گؤیرچین یاراما، کافتار اولوبدور منده
سنی تبریز، بورا بیر باغچا گولوش یوللا منه...!
https://t.me/Adabiyyatsevanlar
Telegram
ادبیات سئونلر
بوکانال ادبیات سئونلر قوروپونون سئچیلمیش اثرلری دیر
کانالدا کی یازیلاری کانالین لینکینی وئرمک شرطی ایله پایلاشماق اولار.
کانالدا کی یازیلاری کانالین لینکینی وئرمک شرطی ایله پایلاشماق اولار.