مجازی انجمن " سسلی شعیر گئجه سی "

سایین کانالداشلار
بو گئجه: 98/6/2
ساعات : 22
ادبیات سئونلر قوروپوندا مجازی انجمن ( سسلی شعیر گئجه سی) اولاجاق بو وئرلیش عینی زاماندا ادبیات سئونلر کانالیندان یایلاجاق سئویملی شاعیرلری ، گوزل سسلی دیکلاماتورلاری آذربایجان شعرینین هوسکارلارین سیجاق قاتیلماغا دعوت ائدیریک .

https://t.me/Adabiyyatsevanlar

ائلشاد ارشد اوغلو

درد، سئوینج جیلدینه گیریب شن گلیب
اولوب اوره‌یین‌له تن‌به‌تن گلیب
باشینا نه گلیب، سئوگی‌دن گلیب
او، سنی بو کؤکه قویوبدور، آدام!

هم چؤلونو، هم ایچینی تالاییب
نیفرتی، غضبی، کینی تالاییب
بو سئوگی نه واختدی سنی تالایییب
بو سئوگی قلبینی سویوبدور، آدام!

سئوگی اورکده غم، ساچ‌دا دن اولور
ان چکیلمز دردلر سئوگی‌دن اولور
سئوگی‌نین ده چوخو بئزدیرن اولور
جاماعات سئوگی‌دن دویوبدور، آدام!

سئودین نه قازاندین؟! باخ! بئله اولماز!
چیخاجاق آخرینا، یوخ، بئله اولماز!
اوستونه-باشینا عطیر وور بیر آز
سئوگی قوخویورسان، عاییب‌دیر، آدام.

https://t.me/Adabiyyatsevanlar

سسلی شعیر گئجه سی 98/6/2

شعر: آرش ساعی
سس: ویدا حشمتی

https://t.me/Adabiyyatsevanlar

سسلی شعیر گئجه سی98/6/2

(سؤنموش چیراغ لار قیشقیرار)

شعر:حسن نوری

دکلمه:آینار تبریزلی

https://t.me/Adabiyyatsevanlar

سسلی شعیر گئجه سی 98/6/2

سس:پریساحیدری(گونش)
سوز:دومان سفراوغلو
استودیو:اصغر علی‌نژاد

https://t.me/Adabiyyatsevanlar

سسلی شعیر گئجه سی 98/6/2
شعر : جلیل جوانشیر
سس: تئلناز تبریزلی

https://t.me/Adabiyyatsevanlar

سسلی شعیر گئجه سی 98/6/2
شعر و سس:سحرخیاوی

سسلی شعیر گئجه سی 98/6/2
شعر:دومان سفراوغلو
سس:سحرخیاوی

کیفایتیم اولسون

گولخانا قازی

سسلی شعیر گئجه سی98/6/2
سس و سوز: قشم نجف زاده

https://t.me/Adabiyyatsevanlar

سسلی شعیر گئجه سی98/6/2
شعر : خان صنم
سس : بهروز صدیق

https://t.me/Adabiyyatsevanlar

سسلی شعیر گئجه سی 98/6/2
شعر : یحیی شیدا
سس : حمیدی

https://t.me/Adabiyyatsevanlar

قارا داغ اؤلکه سینین گور نئجه
دیوانه سی یم

بابکین داش قالاسی، همدم و هم کاشانه سی یم..

https://t.me/Adabiyyatsevanlar

دوکتور حمید سفید گرشهانقی
ادبیات سئونلر گوزگوسونده 98/6/3
ساعات :22
اوزمان : دوکتورمرتضی مجدفر
دکتر حمید سفید گر شهانقی صاحب امتیاز و مدیر مسئول فصلنامه " آذربایجان پژوهی "


https://t.me/Adabiyyatsevanlar

زامان پاشازاده

" ﭘﺎﺭﺍﺯﯾﺖ "


سانکی رادیونون دالغالاری ديَیشیر
گؤزلریم دولاندیقجا

آنلامادیغیم دیللرده دینله ییرم
جان سیخیجی بیر ماهنینی...


گؤزلرینیز اکرانلاردادیرسا
اللرینیزده دیرسه قزئتلر
دیک گؤزلریمه باخیرسینیز

بویادان-بویایا دوشن چیغیرتیلاری
آپاریجیلارین آرخایینلیغیندا آرخیوله نن نیگرانلیغی
مات کاغیذلاردا لهله ین خبر باشلیقلارینی
خیابان بویو گؤزلریمله آتلاییرام;

بیر ماغازانین قاباغیندا
اوست-اوسته تؤکولموش آلمالار
کوتلوی مزارلیقلاری خاطیرلادیر "قوبا"دا

تئلفون کؤشکونده آغلایان قادین
تراژیک بیر سریالین سون بؤلومونو یاشاییر
اینانماییرسینیزسا
دییشدیرین کانالی...

قارا قارره نین هاراسیزلیغیندان دوتموش،
یاشیل قارره نین سینیرسیزلیغینا قدر
قاسیرغا، خسته لیک،ساواش
یوووخ!
گؤزلریمی دییشمه سم ال چکمه یه جکلر مندن.


یئریییرم...
بوراسی ایتالیا
بیر-بیر ایله آل-وئر ده دیلر بیریلری
آلیب-ساتیب،تپیلیرلر قفه یه;
بو گونلر آلما(نیا)پورتاقال(یا) قلیانی چکیر مافیا.


یئریییرم
بوراسی عیراق
دینینی ديَیشیمیش بیر آمریکان عسگری ایله
سئویشمکده دیر عیراقلی بیر قیز سئویشمک،تجاووز;
مکتب قاباغیندا ناموس قوروقچوسودورلار عسگرلر.

یئریییرم
بوراسی آدینی بیلمه دیییم بیر آفریقا اؤلکه سی
شهر تیخاجلاریندا ماشینلارین یاخاسینی جیریر
کول بویالی بیر قاراچی
و طالع لاتاریاسی ساتیر سوروجولره.


یئریییرم
خیابان سونا یئتدی
اورتاسیندا نئفت فوواره لی بیر مئیدانا واردیغیمدا.
بوراسی؟!
منیم اؤلکم اولمالی
بیر یاندا قارا بیر چلله یین اودوندا قیزینان
بیر سیگارا ساتیجی سی
بیر یاندا ایسه توکدیجی بیر اوردو.
بوراسی اودسوز اودونلار یوردو؛
قارانلیق
سویوق
توستو
هیس!
یوخ یانیلمایین!
بو هیس،
سوس دئمکدیر
سوس س س س...


لوطفن
رادیونون قولاغینی بورون
بورادا پارازیت دن باشقا
بیر شئی یوخدور.

https://t.me/Adabiyyatsevanlar

ایرج امامی (دومان یالچین )

" منه فاتحه "


بير باهار آخشامى منده قاراليب
پاييزا فاتحه دنه فاتحه.
عشقيمين لئشيدى اليمده قاليب
سئوگييه فاتحه منه فاتحه.

سيزلايير سيزيلتي سؤزوم ياسينا
اوره ييم ياسينا گؤزوم ياسينا
اؤزوم ايله شيبدى اؤزوم ياسينا!
آه... منه فاتحه سنه فاتحه

پريشان باخيشدا آجيقلي إئهه م
بير قيز گؤزلرينده آلوولو شئه م
آهلارى يارادان زيرولي مئه م
داغلارا فاتحه چنه فاتحه

بوتون دیدرگینلر منده ایتگیندیر
ایتگینلیک ایچیمده کولکلی گوندور
فصیللر گؤزومده قابار دوگوندور
ایللره فاتحه گونه فاتحه

آنلاريم دويغومدا ايلمه- ايلمه دير
دونه نين چينينده بوگونوم گئدير
(یالچینا) يام ياشيل بير سئوگي دئيير
وطنه فاتحه يئنه فاتحه


https://t.me/Adabiyyatsevanlar

"آینار_تبریزلی"
رادیولاردان دویدوم ائولیلیک خبرینی
ماوی پانتالونوموگؤتوروب
دیک دابان آیاق قابیم لا آددیم لادیم
قاپالی دفتری...
هیچ گؤزوم نم لنمه دی ماوی یاشلارلا
اوچمادی باشیما دونیانین آغیرلیغی!
ایچکی ده ایچمه دیم
بیر تک؛
آیاغیمی یئره
ووردوغوم دا
گؤک لری تیترتدی معصوم شیلتاق لیغیم...
سونرا ساعات قیامتی بیر روبع سووشدو
و من سنی دوشونه دوشونه
اووجومو سیخا سیخا
سنی ترله دیم
آوووج لاریم دا !
بدنیم ده آغیرلاشدی
غوسل سوز بیر مئییت کیمی
سورونوردوم اوزوم له دووارلارا!
داغیلمادیم یووخ
اؤلمه دیم ده
اوستو باغلی قان چیرک لی
یارالاریمی
یوللارا سردیم
و بیر سیلاح لا
قاپاتدیم
گئنچلیک فلسفه سین!
قوی بئله دئییم
اوزون زامان دیر
هئچ بیر گورولتولو خبر شاشیرتماییر منی
داها دویغوسال دیالوگ لار کؤک دن دیدمه ییر کیچیک اوره ییمی!
سیخیلدیغیم دا،
سس سیز جه بیر بوجاقا سیخیلیب
یورغون اوره ییمی
انگیمین بوتون گوجی ایله چئینه ییب
و یئره توپورورم
کی بیرده خاطیرلامایا
هاردان و نئجه وورولدوغونو !

https://t.me/Adabiyyatsevanlar