اوشاق ادبیاتی هرهفته پنجشنبه گونو ادبیات سئونلر کانالیندا

رامین جهانگیرزاده
او قیز منی گئییندی
من چیخارتدیم اؤزومو
او قیز منی گئییندی
دئدی نه یئکه‌لیبسن
ایچیمده هئی دئییندی
دئدیم یئکه اؤزونسن
ساچلارینا ال آتدیم
ووردوم بیر بیرینه من
ساچ ماچینی تئز قاتدیم
دایانمادی یئرینده
او دا توتدو توکومدن
بالاجا اللریله
یولدو قوپارتدی دن دن
بو قالماقال ایچینده
بیر قورباغا سسلندی
قورولدادی اوخودو
اوزرکن هوسلندی
او قیز منی چیخارتدی
بیردن قاییتدیم دالی
من ده بالاجا اولدوم
بوشلادیق قالماقالی
ایندی بیز دوست اولموشوق
اویناییب گولوشوروک
گاه گؤیلره اوچوروق
گاه دا گؤیدن دوشوروک

https://t.me/Adabiyyatsevanlar

اوشاق ادبیاتی هرهفته پنجشنبه گونو ادبیات سئونلر کانالیندا

تاق- تاق باشماق
مهری زارع
گونش قیزی تاق- تاق باشماق ایسته‌دی
سئوه- سئوه گئییب قاشماق ایسته‌دی
یوخسول ایدی آتا، آلا بیلمیردی
آتانین حسرتی دیله گلمیردی
هئی بو گونه، هئی صاباحا سالاردی
وعده‌لری بیر بیر اوسته قالاردی
گونش قیزی وعده‌دن شاد اولاردی
آنجاق آنا ماجرانی بیلردی
پرده چکیب دردینی گیزلدردی
گؤز یاشینی دالدالانیب سیلردی
گؤزو ساتاشدیقدا تاق- تاق باشماغا
گونش قیزی مئیل ائدردی قاشماغا
حسرتله باخاردی آتا قیزینا
یاناردی یوخسوللوق سالمیش اودونا
بیر گون سؤیله‌دی کی، «اولار آی قیزیم
بیر تاق- تاق باشماغی تیکم من اؤزوم؟
آخی، یوخدی چارام یول‌لار باغلیدی
کؤنلوم دومانلیدی، قلبیم داغلیدی
یوخسوللوق دیواری اوجادی اوجا
بازارین یوللاری باجادی باجا
نئیله‌ییم دیواردان گئچه بیلمیرم
بو باغلی قاپینی آچا بیلمیرم
بو تاق- تاق باشماغی قوی اؤزوم تیکیم
سن گؤزه‌ل قیزیمین نازینی چکیم»


https://t.me/Adabiyyatsevanlar

خبر
اوشاق ادبیاتی

ترجمه‌ی کتاب کودک و نوجوان
دوستان مترجمی که در بخش کودک و‌ نوجوان فعالیت می‌کنند و آثار ترجمه شده در این بخش دارند و یا مایل هستند در این زمینه‌ همکاری کنند، می‌توانند با ارسال (یک صفحه از آثار ترجمه‌ شده به همراه متن اصلی همان صفحه با درج نام نویسنده و‌ مترجم) با موسسه کتاب کودک در تماس باشند.
لازم به ذکر است که حق‌‌التالیف و ترجمه آثار همزمان با قرارداد پرداخت خواهد شد.
آثار ترجمه شده‌ی کودک و نوجوان از تمام زبانهای دنیا در قطع مختلف، برای سنین مختلف پذیرفته می‌شود.

*پست موقت

اثرلرینیزین اصلی متن و ترجمه‌سینی بیر صفحه‌ده، یازیچی و مترجم آدی قید اولماق شرطی ایله (تئلفون نومره‌‌نیزله بیرگه) تلگرام ائده‌ بیلرسیز.
اثرلر فقط اوشاق و‌ یئنی یئتمه (کودک و‌ نوجوان) ادبیاتی موضوعسوندا اولمالی‌دیر.
اثرلر موسسه طرفیندن قبول اولاندان سونرا، قرارداد باغلاناجاق.
مؤسسه طرفیندن ترجمه اوچون مترجم‌لره تابشیریلان اثرلر سؤزسوز آلیناجاقدیر.
حاضیر اثرلرینیزی و یا کتاب اؤنری‌لرینیزی بو نومره‌یه تلگرام ائدین. 09199387527
بو‌ عنوانا ایمیل ائدین.
saidmughanli@gmail.com



https://t.me/Adabiyyatsevanlar

اوشاق ادبیاتی هر هفته پنجشنبه گونو ادبیات سئونلر کانالیندا

ویدا حشمتی

کوچه یه چیخدی اوشاق
آتیل باتیل هم قوچاق
چوخ سئوینیردی بوگون
آتام آلیب اویونجاق

قارداشی یلا چیخدیلار
باشقا دوستلار ییغدیلار
گول_کپه نک هم فریح
بیر دوزوب بیر ییخدیلار

قونشونون قیزی گولشن
آراز ، سارای هم ائلشن
گلدیلر اویناماغا
اویونجاقلاری یلا شن

ناخیشا رنگ سردیلر
بیر چکیب بیر سیلدیلر
هر ایشی پایلاشماغی
چوخ دا گؤزل بیلدیلر

اویونچاقلا اویناماق
بیر بیری یله قایناماق
چوخ گوزل ایشدی بیلین
بیرلیکده شاد بویلاماق.
https://t.me/Adabiyyatsevanlar

اوشاق ادبیاتی هرهفته پنجشنبه گونو ادبیات سئونلر کانالیندا


🔸کلیله و دمنه ناغیللاریندان
🔹شعرلشدیرن:سحرخیاوی

گوزلرین آچدی شیر آغا یوخودان
اوزونو باغلی،دستگیر گوردو
ال قولون قاندال ایله باغلانمیش
اوزونو کیمسه یه اسیر گوردو

دارتینیب بلکه قاندالی قیرسین
مئشه نین سولطانیدی او همشه
بوتون حئیوان اَسَردی قارشیندا
حُکمو آلتدایدی گول چیچکلی مئشه

ها چکیندی قیریلمادی زنجیر
دوره یه بیر نظر سالیب ناچار
گوردو ائششک کئچیر گئدیر اوردان
دئدی:"لوطف ائت داداش ...منی قورتار

گر قوتارسان منی بو زنجیردن
جایزه ن وار سنین آغا شیردن:
یاریسی جنگلین سنین اولسون
قورتار آنجاق بو آن منی گیردَن"

قولاغین شاخلادی اولاغ او آن
فیکره گئتدی نه ائتسین او شیره
تصمیمین توتدو اوز گتیردی اونا
دیشلریله داراشدی زنجیره

ال قولون آچدی شیر سولطانین
آزاد اولدو،دئدی:" سنه آنجاق
وئرمیرم من بو جنگلین یاریسین
سوزومو قوی دئییم سنه چیلپاق"

دئدی ائشششک:"سن عهدی سیندیردین
قول وئرمیشدین آلتینا ووردون"

دئدی اسلان حزینجه:"ائششک آغا
یاریسی یوخ، بوتون سنین بو مئشه
ائله زنجیرسیزم بوگون داردا
ووقاریم سیندی دای منیم بوردا

باغلی اولسا او یئرده کی اسلان
یالوارا ائششکه بو زینجیری آچ
یاراماز دای منه بو آلچاقلیق
باش گوتور بیر کره بو یئردن قاچ

قال دویونجا سن آغنا بو آرادا
الویداع،الویداع آی ائششک آغا!!

https://t.me/Adabiyyatsevanlar

اوشاق ادبیاتی هرهفته پنجشنبه گونو ادبیات سئونلر کانالیندا



رقیه علیقلیان (لاله)


من باهارین سلامینی
چشمه سسیندن آلمیشام

اوندان آلان سلامی من ،
کل جهانا سالمیشام

ائللره خوش خبر وئررم
شنلیگه من بویانمیشام

نوروز عمیمدن آل چیچک
قیرمیزی بیر دون آلمیشام .

https://t.me/Adabiyyatsevanlar

اوشاق ادبیاتی
کاسیب کیشی و قارتالین ناغیلی

https://t.me/Adabiyyatsevanlar

اوشاق ادبیاتی
اون ایکی آی ناغیل

https://t.me/Adabiyyatsevanlar

آرش ساعی ادبیات سئونلر گوزگوسونده
دوشنبه : 98/5/14
ساعات :22
اوزمان : رسول اسمعیلیان

https://t.me/Adabiyyatsevanlar

‍ یعقوب_نیکزاد

‍ کوچه یئدی اوره یین گیزلی، بللی آغریمدان
پاییز داغیلدی ائوه، آللی ـ گوللو آغریمدان

یانیلدیم آرزولاریمدان، سیناندیم آرتیقجا
گؤیردی اوخشاما یازـ یاز غزللی آغریمدان

واغاملاماقدا یاشام، اولدوزـ آی خزل دادلی
گونش اوچوقلایاراق زیرـ زیبیللی آغریمدان

قوراقلیق آچدی، گؤیردیکجه قیتلیق اووجومدا
دویونجا گؤی دلی بیتدی آغیللی آغریمدان

یوووشمادیق یووایا، گؤلـله لر سسیندن آ هئی
چالیخلادی اوره ییم قوش ککیللی آغریمدان

منی گؤرن یالاسین چوخ قوزولامیش یارامی
قان اولدو باغریم آچیق نار شکیللی آغریمدان

سوسوز گولوشلرین اوسته نذیر دئدیم باشیمی
سوکوتلو فلسفه باشلاندی دیللی آغریمدان

سیزیلتیمی ائشیدیب #اورمو گؤینه دی گؤزـ گؤز
یاییلدی تبریزه چوخ #اردبیللی آغریمدان

https://t.me/Adabiyyatsevanlar

میرزا علی اکبر صابیر


جهد ائیله، سن آنجاق نظری-خلقده پاک اول،
مخلوقو ایناندیر؛

خاصیّتین اود اولسا دا، اطوارده خاک اول،
سؤک عالمی، یاندیر؛

خلقین نظرین جلب ائله قورشاغه، قبایه،
مجلوبی-عۆیون اول؛

هر حیله و بیجلیکده گیر، البته، عبایه،
اؽمانه سۆتون اول؛

سعی ائیله کی، ساققال اوزانیب اۆچ چرک اولسون،
پاپاق اونا نیسبت؛

قورشاق دا، بیلیرسن کی، اون آرشین گرک اولسون،
تفصیله نه حاجت...

قویما یئره تسبیحی‌نی، ال چکمه دوعادن،
اؤوراد اوخو دایم؛

مجلیسده چکیب دوت اؤزونو، اول نۆجبادن،
سؤز سؤیله مۆلاییم؛

اؽشته گئیینیب مذهبی، ایمانی بۆروندون،
پک مؤحترم اولدون؛

اؽندی نظری-خلقده سن پاک گؤروندون،
اهلی-کرم اولدون؛

باشدان-آیاغا امن و امان اولدو وۆجودون،
زؤهد ایله بیتیشدین؛

نولماق دیله‌ییردینسه، همان اولدو وۆجودون،
مقصوده یئتیشدین!

وقت اولدو کی، ایمدی ائده‌سن عالمی تالان،
دوت، قویما قاچانی!

حؤکم ایمدی سنیندیر، دخی چک ایشلره سامان،
یؽغ مۆشکول آچانی؛

دول عؤورته بیداد ائله، ایتامه خیانت،
خووف ائتمه اجلدن؛

مکر ایسه اؤزون قؽل، اوخو شئیطانه ده لعنت!
شاد اول بو عملدن،
ال چکمه حیَلدن،
تزویر و دغلدن،
اؽمانی دا وئرسن،
وئرمه پولو الدن!..


اؽلک دفعه «مولّا نصرالدّین» ژورنالیندا (21 ایول، ۱۹۰۶، № 16) «هوپ-هوپ» ایمضاسی ایله چاپ اولونموشدور.

https://t.me/Adabiyyatsevanlar

✅✅✅سایین قورپداشلار
بوگئجه: 98/5/12
ساعات: 22
ادبیات سئونلر قوروپوندا سسلی شعیر گئجه سی اولاجاق سئویملی شاعیرلری گوزل سسلی دیکلاماتورلاری سیجاق قاتیلماغا دعوت ائدیریک .

https://t.me/Adabiyyatsevanlar

ممدعلی علی یئو
کور عرب ماهنیسی


https://t.me/Adabiyyatsevanlar

Qurban Adına

Flora Kərimova

https://t.me/Adabiyyatsevanlar

آذربایجان قادین شعیر گئجه سیندن اوزه ل بیر کلیپ‌ادبیات سئونلر آرشیویندن.
تقدیم ائدیریک آذربایجان قادینلارینا و بوتون دونیانین ادبیات سئونلرینه .

https://t.me/Adabiyyatsevanlar

✅✅✅سایین قورپداشلار
بوگئجه: 98/5/12
ساعات: 22
ادبیات سئونلر قوروپوندا سسلی شعیر گئجه سی اولاجاق سئویملی شاعیرلری گوزل سسلی دیکلاماتورلاری سیجاق قاتیلماغا دعوت ائدیریک .

https://t.me/Adabiyyatsevanlar

سسلی شعیر گئجه سی ۹۸/۵/۱۲
شعر: ودود دوستی (و. ایلقار)
سس: ائلناز کریم پور

https://t.me/Adabiyyatsevanlar

سسلی شعیر گئجه سی. ۹۸/۵/۱۲
سس و سؤز: کریم احمدیان « شاهید»

https://t.me/Adabiyyatsevanlar

سسلی شعیر گئجه سی. ۹۸/۵/۱۲
شعیر : دومان بختیاری
سس : تئلناز تبریزلی

https://t.me/Adabiyyatsevanlar

سسلی شعیر گئجه سی ۹۸/۵/۱۲
شعیر : نصرت کسمنلی
سس : تاران

https://t.me/Adabiyyatsevanlar