کیان خیاو ادبیات سئونلر گوزگوسونده ۹۸/۵/۶

جناب زامان پاشازاده نین ایضاحاتی:
سلاملار دوستلار. عزیز دکتر زحمت دوست فایللاردا دوستوموز بزرگ امین-ین کیان خیاوین یارادیجیلیغینا باخیشی کیمی تقدیم ائتدییی سؤزلر، اصلینده واختی ایله بزرگ امین ین کیانا قارشی یازدیغی بیر مقاله‌یه جواب دیر و بزرگ امین او سؤزلرین ترسینه اولاراق کیانین شعرلرینی قهرمانبازلیق و قیلینجلا شعر دفترینی چارپازلاماق کیمی دیرلندیرمیشدی. بزرگ امین کیانین اؤلوم حاقدا یازدیغی شعرلری تنقید ائتمیشدی و او سؤیله‌نیلن سؤزلر بو تنقیده اؤتری بیر باخیش و جواب ایدی. البته سایین اوستاد زحمت دوست‌ او یازینین آلتیندا یازیچینین آدی گئتمه‌دیینه گؤره بو یانلیشلیغا دوشموشدور. چوخ فایدالاندیم جناب زحمت دوستون دانیشیقلاریندان و مسله‌نین آیدینلاشماسی اوچون آدی گئدن او یازینین بیر پارچاسین بورا یوللاییرام:

https://t.me/Adabiyyatsevanlar

زامان پاشازاده

«شعیر ایچیمده کی قیزدیر بیر آز آچیق دولانیر»
سئوگیلی دوستوم عیسی زینی ـه سونولور

" سون شام"

دیلیندن قیریلیر قراماتیک قیفیللار
قارا ماتیک یاخیلیر ایچینده کی قیزین دوداغینا
اؤپوشدوکجه قارالیر کاغیذ
سئویشدیکجه هرمافرودیت* کلمه لر دوغولور
ارکک قلم له دیشی کاغیذدان.

دامارینین کوچه لرینده گزیشیر آچیق-ساچیقجاسینا او قیز
گزدیکجه «اوره یین آغزینا گلیر
اوره یینی یئییرسن» داشا چئوریلیر آغزیندا
داش قالاق ائدیرسن قیزجیغازی اوخوجولارین گؤزو اؤنونده
اؤلدورورسن دیریلیر
اؤلدورولور
اؤلو دیریلیر *... اؤلورسن
غزل اؤلورسن سربست دیریلیر
سربست اؤلورسن غزل دیریلیر

سطیرلرین آرخاسیندا دوستاقلانیر سان-کی او قیز
«قانداللانیر کئفله نیرسن»
کئفله نیب قانداللانیرسان
قانا دالیر قولونداکی قاندال
قاناد آلیر خاچا چکیلیرکن عیسی.

سونونجو شاما یئریکله ییر شعیر پریسی
سونونجو شعره گؤیوکله ییر
گؤیونه دوشور
گؤیلونه دوشور
سنه بویلانیر درین دن درینلییینه قده ر
سانکی سانجی تانریجاسی دوغوزدورور
دوغ دوغ دوغ دئیه
دوغوم گونون موبارک
پوفله سون شامینی.


«» دیرناق آراسینداکی دیزه لر عیسی زینی نین بیر نئچه شعرینه ایشاره دیر
هرمافردیت*: یونان تانریجالاریندان. منطیق و سؤز تانریجاسی هئرمس له گؤزللیک و جینسی ایستکلر تانریچاسی آفروودیت ین ایلگیسی نتیجه سینده دوغولان وارلیق. هرمافرودیت ایکی جینسلیلیک و گؤزللیک سیمگه سی دیر


https://t.me/Adabiyyatsevanlar

"سوسن نواده رضی "

منی چاغیر...

منی گوزگو چاغیر
سن اولوم،
سن‌لشیم.
کئچیم باخیشیندان،
سنلی‌لشیم.
منی سس‌سیز
منی سؤزسوز
منی ائله بئله
بهانه‌سیز چاغیر.

منی گؤی چاغیر
گونش‌لشیم، آیلاشیم، اولدوزلاشیم
دنیز چاغیر
سولاشیم، شپه‌لشیم، بالیق‌لاشیم
دالیم داملالارینا
قاریشیم دالغالارینا.

باااااااااخ!
گئجه قوشوق‌لاری‌نین عطرینی اؤزله‌میشلیییم
ییغیب بوغازیما جانیمی
گل ده افلاطونون استدلالینا یئرلشدیر سنسیزلیییمی
و اقلیم‌لرین سنلی‌سیندن ییغیب ییغیشدیر
سئویشمه‌لرین قیریق قالینتی‌لارینی.
بَح اوره‌کسیزله‌میشم
بیرآز اورک وئر منه
شعرلریم اینجیمه‌سین.
بیرآز دا اؤزوندن،
یازی‌لاریم آغریماسین دئیه.
بیر منلیک وئررسن یئتر سانیرام.

*بَح= آذربایجان تورکجه سی نین تبریز آغزیندا «بَرک» دئمک‌دیر.

https://t.me/Adabiyyatsevanlar

✅میللی مطبوعاتیمیزا یاردیم اولاق.

✅ایشیق ۴ یاییلدی!
✅اؤزل بؤلوم: آذربایجان توی‌لاری

✅شماره ۴ مجله ایشیق با پرونده‌‌ای درباره 🔸«عروسی‌های آذربایجان» منتشر شد.

سفارش آنلاین:
http://ishiq.ir/product/ishiq04-printver

@ishiqnet


https://t.me/Adabiyyatsevanlar

شعر : ابوالقاسم نباتی
اوخویور : عالیم قاسیم اوو

گوج‌ایله دئییل عزیزیم، بو شهـابِ عشق‌دیر، عشق
که او برق نخل ایمان هر اؤدون ییغانه گلمز


https://t.me/Adabiyyatsevanlar

http://ishiq.net/xəbər/22584
«ویترینده قالان بایات گولوش» یاییلدی

تانینمیش آذربایجان ادبیات خادمی، شاعر و ساتیریست «بؤیوک‌آغا افندی» امضاسی ایله تانینان «کریم قربانزاده‌»نین ایلک کیتابی ایشیق اوزو گؤردو. «ویترینده قالان بایات گولوش» آدلانان ۲۳۷ صحیفه‌لیک بو کیتاب یازیچی‌نین مختلف ایللرده یازدیغی ۴۵ ساتیریک اثری داخیلدیر. کیتاب تبریز شهرینده «حکیم نظامی» نشریاتی طرفیندن ۱۰۰۰ نوسخه‌ده یاییلیب و اونا «دکتر صمد رحمانی خیاوی» اؤن سؤز یازمیشدیر. کیتاب تبریزده «اختر»، تهراندا «فرزانه» و آذربایجانین دیگر مرکزی شهرلرینده فعالیت گؤسترن کیتاب ماغازالاریندا ۳۴۰۰۰ تومن قیمتینه ساتیشدادیر.

https://t.me/Adabiyyatsevanlar

کامیل_قهرمان_اوغلو

داشلارا سوواشان اولدوز ایشیغی
ساغیر بنؤوشه دن قارانلیق ایچیر
آچیر گؤزلريمده قان سارماشیغی
گئجه نین قاتاری اوستومدن کئچیر

آلوولو خئیمه ده گیزله نیب کولک
اوجاقلار اوشویور آغیر شاختادا
یئتیم ماهنی لارا اوچور کپنک
دورنالار چکیلیب دارا آینادا

یاخامدان یاپیشیب ساری ماهنی لار
لئشلرین اوستونه توفنگیم قوسور
بئینیمده اولاییر یالقیز جاناوار
اؤزونده آغلاییر، اؤزونده سوسور

دویغودان دوغولان پینتی پلمه لر
یاز گولوشو کیمی منده اسیردیر
قارا سئللولوندا دونان کلمه لر
اینان دوداغیمدا قبیر-قبیردیر

اوره ییمده یئنه بیر خارابالیق
اوچوق دووارلاری داخمالار واردیر
و پاییز اینیمه سالیب آرخالیق
قیش یولو الیمده هامار-هاماردیر

ماویلر بورونوب ماوی اورپه یین
گؤيلرده قارغالار گلین آپاریر
قانلی اوفوقلره دوشن دیدرگین
تورپاقدا کسیلمیش اله یالواریر.


https://t.me/Adabiyyatsevanlar

آرش ساعی ادبیات سئونلر گوزگوسونده
اوزمان : رسول اسمعیلیان

https://t.me/Adabiyyatsevanlar

"آینار_تبریزلی"

من باشقا قادین لار کیمی گوجلو دئییلم
قانادیم یوخدو اوچماغا
قیچیم یوخ قاچماغا
گؤزوم یوخ آغلاماغا
دوداقیم یوخ گولمه یه...
منه
یئر کوره سینده بیر اُووج یئر یوخ!
یئر
گؤی
دنیز
گمی لرده داشییا بیلمز چیینیم ده کی آغیر تنهالیغیمی...
من باشقا قادین لار کیمی
اوره ییم یوخ سئویب سئویلم
قولاغیم یوخ سئویم لی سؤزلر دویام
سسیم یوخ باغیرام...
اؤز وطنیم ده اؤز ائویم کیمی
لال دیر اُتاق لاریم...
منیم کئچمیشیم داردان آسلانیب گله جه ییم کیمی!
سس سیزلییم دن دووارلاریم چات چات دیر
و ائویمین لامپاسی
پارام پارچا
سوفرامین اوستونده...
منه توخونمایین
توخونساز چات چات
چات گؤتورر سینیق لاریم...
منی
بو دونیانین هئچ بیر بوجاقین دا
گؤزله ین یوخ!
یالقیزلیق نه دیر
دوشوندون مو هئچ!
ایکی گوبود قانادی ایلا یوگوردومو
چیینلرینه!؟
منی تکجه
من بیلیرم...

گوزگوم ده
آلزاییمریم دئدی
هله ده سئویرسن
اونوتدوغونو!

https://t.me/Adabiyyatsevanlar

"رسول یونان "

سنسیز نه قوش وار، نه گونش
یالنیز بوردا یاغیش یاغیر
سؤنه‌جک وارسا بیر آتش
یالنیز بوردا یاغیش یاغیر

بورونوب غمه مارشلار
تئلویزیادا کی شولار
سوسوبلار هامی قونشولار
یالنیز بوردا یاغیش یاغیر

سنسیز اومود سولغون شامدی
حیات اوزون بیر آخشامدی
دئمک اولماز بو یاشامدی
یالنیز بوردا یاغیش یاغیر

کدر ایله قارقیش یاغیر
پاییزدان اؤنجه قیش یاغیر
سن بو شهردن گئدندن
یالنیز بوردا یاغیش یاغیر.


https://t.me/Adabiyyatsevanlar

آلخاندرو خودوروفسکی : فیلم ساز

https://t.me/Adabiyyatsevanlar

‍ ‍ ‍◼️گفته‌های آلخاندرو خودوروفسکی فیلمساز جسور و یکی از بازماندگان اصلی سینمای سوررئالیستی، درباره هنر، سورئالیسم و سینما

▪️جایگاه سوررئالیسم در دنیای مدرن

سوررئالیسم برای خودش یک مدرسه‌ی هنر است. از فوتوریسم و دادائیسم می‌آید. شما هر روز سوررئالیسم را زمانی تجربه می‌کنید که به خواب می‌روید و رؤیا می‌بینید. همه‌ی انسان‌ها سوررئالیست هستند چون رؤیاها در اصل همان ناخودآگاه آزادند.

▪️دنیای دیوانه‌ی امروز و یک زمانه‌ی سیاسی سوررئال

دنیا بعضی وقت‌ها منطقی است و گاهی هم نامعقول. این روزها سیاست‌های آمریکا کاملا سوررئال شده‌اند چون یک شخصیت سوررئال در رأس قدرت قرار گرفته است که واقعاً معلوم نیست فردا دست به چه کاری بزند. او ممکن است یک بمب اتم را کنار دستش گذاشته باشد. او مثل یک بچه است. ما هم در یک زمانه‌ی سیاسی سوررئال زندگی می‌کنیم.

▪️تجربه‌ی همراهی با آندره بروتون و شکل‌گیری جنبش پانیک

دو سال هر روز در تمرین‌ها و بازی‌هایی با گروه سوررئال آندره بروتون (نویسنده و شاعر فرانسوی ضدفاشیسم که به عنوان بنیان‌گذار سوررئالیسم شناخته می‌شود) همراه شدم. آن وقت بود که فهمیدم سوررئالیسم دقیقاً مثل رؤیا نیست چون رؤیاها محدودیتی ندارند ولی سوررئالیسم دارد. بروتون ژانر علمی‌خیالی را دوست نداشت و آن را تحقیر می‌کرد. او موسیقی را هم دوست نداشت و همین طور نقاشی‌های آبستره را. راستش را بخواهید او خیلی چیزها را دوست نداشت! این طور شد که با همراهی فرناندو آرابل و رولاند توپور که دو تن از هنرمندان فوق‌العاده‌ی دورانم به شمار می‌روند، دست به خلق جنبش نویی زدیم با عنوان «پانیک» که فراتر از سوررئالیسم رفت.

▪️سوررئالیسم همچو یک رؤیای سینمایی

در «شعر بی‌پایان» سوررئالیسم مثل یک رؤیاست. من خودم هستم و شخصیت‌ها از اعضای خانواده و پسرانم هستند. هر مکانی که در فیلم می‌بینید واقعی است و جایی که زندگی من در آن روی داده است. به شیلی سفر کردم تا به همان خیابانی بروم که در آن‌جا رنج بردم و زندگی کردم.

▪️از آدونیس تا خط بطلان بر نظام ستاره‌محور هالیوود

برای انتخاب بازیگر اصلی با خودم گفتم: «تو باید به این مرد ایمان داشته باشی.» در واقع فکر نمی‌کنم یک بازیگر، واقعیت را برای من به ارمغان بیاورد. من به یک فرد واقعی نیاز داشتم. در همین راستا بود که شاعر معروف سوری، آدونیس (علی احمد سعید اسبر) را یافتم که سه بار نامزد جایزه نوبل برای سوریه شده است. به او گفتم: «هیچ کاری نکن. بازی نکن. خودت باش، چون خودِ شخصیت هستی.» من به دنبال بازیگران نمی‌گردم و از ستاره‌ها استفاده نمی‌کنم چون شناخته‌شده‌اند. شما در فیلم من نمی‌دانید چه کسی در صحنه ظاهر می‌شود و بازی می‌کند؛ پس از خودتان می‌پرسید: «این شخصیت واقعی است؟» کار من با نظام ستاره‌محور هالیوود به پایان رسیده است.

▪️فیلم‌سازی با هدف پول‌بازی به جای پول‌سازی!

هدف واقعی هالیوود پول‌سازی است. از این رو مردم هرچه بخواهند فراهم می‌شود، از خود هنر گرفته تا هیولا و خشونت و… من از نظام هالیوود خارج شدم چون نمی‌خواهم فیلم بسازم و پول به دست بیاورم. من فیلم می‌سازم تا پول از دست بدهم! من شیفته‌ی پول نیستم. من عاشق کارم شده‌ام و هدفم، ساختن یک اثر هنری تمام‌عیار و خیالی است مثل نقاشی‌های ون گوگ یا رامبرانت. اولین باری که «شعر بی‌پایان» را نمایش دادم در فرانسه و موزه‌ی لوور بود. می‌خواهم فیلم‌هایم به کیفیت چنین آثار هنری دست یابند‌.


https://t.me/Adabiyyatsevanlar

اجراي طرح بسندگي ( بَ سَن دِ كي )زبان فارسي توسط خليل بحران
کارشناس

https://t.me/Adabiyyatsevanlar

Yollarım Olsa

Enbe Orkestrası Feat Cem Belevi

https://t.me/Adabiyyatsevanlar

‍ واللاه، من بئله یازیرام!
روشن نوروزی / مسئول مدیر ایشیق


ایلک دفعه یئنی‌یئتمه‌لیک چاغلاریمدا کرج شهرینده بیر شعر مجلسینده طنز شعرلری‌نین دینله‌ییجیسی اولدوم. بو طنطنه‌لی ادبی مجلسه تبریزدن ده ایکی شاعر گلمیشدی. بو قوناق شاعرلر باشقالاریندان داها آرتیق شعر اوخویوردولار. اول بئله دوشونوردوم کی بو شاعرلرین دؤنه- دؤنه شعر اوخوماق‌لاری اونلارین قوناق کیمی مجلسده اشتراک ائتدیک‌لری اوچوندور؛ آنجاق مجلسین گئدیشاتیندا باشا دوشدوم کی بو ایش مجلس اشتراکچی‌لاری‌نین خواهشی ایله‌دیر. شاعرلرین بیری «سمندیه» آدلی اوزون بیر شعرینی ایکی دفعه، ایکینجی شاعر ایسه حافظ‌ین « الا یا ایهّا الساقی اَدِر کاَساً و ناوِلها» مصرعی ایله باشلانان شعرینه نظیره بیر شعری تکرار اوخودو. مجلسده تبریزدن اشتراک ائدن او ایکی قوناق شاعر، اونودولماز آذربایجان شاعرلری «حمید آرش» و «مجید یالقیز» ایدی.
سونرالار «آذربایجان ادبی مدنی سیمالاری»نین عکاسلیق پروژه‌سینده، مطلق بو ایکی گؤرکملی آذربایجان شاعرلری‌نین سوراغینا گئتمگی اؤزوم‌له قرار قویموشدوم. 1386نجی ایلین قیشیندا بو قراریمی یئرینه یئتیرمک اوچون تبریزه گئتدیم. تبریزده یاشایان بیر چوخ ادبی-مدنی سیمالاری گؤروب، اونلارلا دانیشیب، شکیل‌لرینی چکدیم. بو سفرده تبریز ضیالی‌لاریندان صمد چایلی، حسن انداچه و سیف‌الله اکبری منه چوخلو یاردیمجی اولوب، بو شخصیت‌لرله گؤروشمگه شرایط یارادیردیلار.
اوستاد «حمید آرش آزاد»ین گؤروشونه صمد چایلی و حسن انداچه ایله برابر گئتدیم. «آرش آزاد»ی او زامانا قدَر دئدیگیم کیمی بیر دفعه او ادبی مجلسده گؤرموشدوم؛ آنجاق اوندان سونرا اثرلرینی اوخویوب لذت آلیردیم.
اوستادین ائوینه چاتدیقدا او گؤزل بیر کت شلوار گئییملی گؤرکمده بیزی قارشیلادی. گویا اؤنجه‌دن جناب انداچه و صمد چایلی اونا نه اوچون گلدیگیمیزی و اوندان شکیل چکه‌جگیمیزی سؤیله‌میشدیلر. اوستادین حیات یولداشی چوخ صمیمیت‌له بیزدن چای و میوه ایله پذیرالیق ائتدی. آرش اؤزو ده بیر ایکی شوخلوقدان سونرا، یئنی اثرلریندن اوخودو. من ایلک شکیلی ائله اونون بو احوال روحیه‌سیندن چکدیم؛ آنجاق نَسه اوره‌ییمه یاتمادی. چوخ رسمی بیر گؤرونوش ایدی. اونا همیشه اولدوغو کیمی اولماغینی دئمک ایسته‌ییردیم؛ آنجاق اوتانیردیم. نهایت جسارتیمی بیر یئره ییغیب، اوزومو اوستادا توتوب دئدیم: «دوزونو ایسته‌سز، من مستند پرتره‌لر چکیرم. من بو پروژه‌ده آذربایجانین فرهنگی شخصیت‌لرینی عادی حیاتلاریندا اولدوق‌لاری کیمی گؤسترمگ ایستیرم»
اورک سؤزومو دئمیشدیم، آنجاق منظورومو نه قدر چاتدیردیغیما امین دئییلدیم. اوتاغین گوشه‌سینده‌کی میزی گؤستریب، دئدیم: «اوستاد، الان سیز چوخ رسمی بیر حالتده‌سیز. اگر معمولا بو میزین آرخاسیندا یازیرسیزسا، ایستیرم سیزدن بو میزین آرخاسیندا اوتوردوغوز حالدا بیر شکیل چکم»
بو سؤزو دئدیگیم آن‌دا، زندان‌دان خلاص اولموش بیر انسان کیمی دریندن نفس چکیب، کُتینی چیخارتدی؛ اوتاغین گوشه‌سینده اولان بیر بالشی گؤتوروب، دیرسگی‌نین آلتیندا قویوب، یئره اوزاندی. قلم کاغاذینی الی‌نین آلتیندا توتوب دئدی: «واللاه من بئله یازیرام»!


https://t.me/Adabiyyatsevanlar

قاراداغ شاعیرلرینین تانیتیمی ادبیات سئونلر کانالیندا
بو گئجه :98/5/9
ساعات : 22
اوزمان : علیرضا انباز

https://t.me/Adabiyyatsevanlar

قاراداغ شاعیرلرینین تانیتیمی. ۹۸/۵/۹
اوزمان : اوستاد علیرضا انباز

https://t.me/Adabiyyatsevanlar

قاراداغ شاعیرلرینین تانیتیمی. ۹۸/۵/۹
اوزمان : اوستاد علیرضا انباز

https://t.me/Adabiyyatsevanlar

قاراداغ شاعیرلرینین تانیتیمی ۹۸/۵/۹
اوزمان : اوستاد علیرضا انباز

https://t.me/Adabiyyatsevanlar

قاراداغ شاعیرلرینین تانیتیمی. ۹۸/۵/۹
اوزمان : اوستاد علیرضا انباز

https://t.me/Adabiyyatsevanlar