اوشاق ادبیاتی

ویدا حشمتی

منه گولوش یاراشار

گؤزلریم دنیزدیر ماوی مونجوق تک
دوداغیم قونچایا آچیلما دئییر
دیشلریم آغ آپ آغ اینجی دن دوزوم
ساچلاریم گونشه ساچیلما دئییر

اللریم خیرداجا ، تر-تمیز گول تک
دیرناغیم قیسا دیر پالتاریم سهمان
دوستلاریم ادبلی ، شن ,شیطان,اویناق
گزیریک باغچانی دولان با دولان

اوخوروق ماهنی لار آذربایجانا
اویناریق ، قیز -اوغلان یاللی گئده ریک
اوشاقلار یوردوندا ، آنا یوردوندا
تار -کامان چالاریق ، قوشما دئیه ریک.

شنلیکده یاشاماق ایستریک هر آن
چونکو اوشاقلارا شادلیق اؤزل دیر
گولوشلر ساورولسون باریش ایچینده
گول چیچک ائلینده یاشام گؤزلدیر .

https://t.me/Adabiyyatsevanlar

اوشاق ادبیاتی هرهفته پنجشنه گونو ادبیات سئونلر کانالیندا

خسرو باریشان

یاز قیز چیخیب گئدنده
گلدی بیزه یای آنا.
دئدیم: "-نه‌لر سن بیزه
گتیرمیشسن پای، آنا؟"

دئدی: "-سیزه گلنده
آغاجلاردان بیر به بیر
میوه لری آسلیرام؛
طبیعت گؤیچکله‌شیر.

کال اولاندا میوه‌لر
پوفلورم اونلاری من؛
میوه لر یئتیشیرلر
ایپ‌-ایستی نفسیمدن.

امک وئرمه‌ینلره
پای وئرمیرم هئچ‌نه من.
یازدا توخوم اکنلر
یارارلانیرلار مندن."

https://t.me/Adabiyyatsevanlar

کیان خیاو ادبیات سئونلر گوزگوسوند ه
یکشنبه98/5/6
ساعات :22
اوزمان : دوکتور زحمت دوست .

https://t.me/Adabiyyatsevanlar

ثریا_خلیق_خیاوی

میکروفونلارین اوره‌یی
چیرکین‌لشیر
چیرپینیر یالانلارلا...

آه!
میکروفونلارین دالیندا گیزله‌نن قارانلیق!
قان تر ایچینده چالیشان جانلارین
اللرینین جیغیرلاریندان؛
یول چکیلمز جنّته!!!!

کیم آسفالت تؤکه‌جک
چاپیق اللرین، جادده لرینه؟!

جان وئردیکجه بو جادده لر
نییه چورَه‌یه یئتیشمیرلر؟

آچیقلا!
آج اینسانلارین
اوره‌کلری‌نین جیغیر لاریندا نه وار؟
قان
دیلک
اود
اؤفکه؟

آه! من کیمین‌له دانیشیرام!
قارانلیق، قانلارین چییینلرینده اویناییر.

قانی یاشادان سس‌دیر
میکروفونلاری،
شعر دسمالی‌ایله
سیلمک گرک
سیلمک
گرککککک...


https://t.me/Adabiyyatsevanlar

گونول_مؤلود

کؤچوردو: حیاتدان_قالان_بیر_آن

🔸کند و یئسئنین

بیلیرم
منه سویوق اولوب-اولمادیغینی
بیلمک ایسته‌یه‌جک‌سن اوّلجه
قورخما آنا
فصیل‌لر غوربتده یالنیز گؤرونتودور
ایالت اوشاقلارینا
بیز اونلاری گؤزلریمیزله دویاریق
ووجودوموزلا دئییل

سن‌سه داها کندیمیزدن یازما
اون‌سوز دا بیلیرم
یئنه گئجه‌لر
چاققال سس‌لری دولدورور
ایشیغی اؤله‌زیین ائولرله
نم چؤل‌لرین آراسینی

سحر آچیلان کیمی
آروادلارینی شیکست آیاق کیمی
آرخاسینجا سوروین
کیشی‌لر گؤرونور کند یوللاریندا
یای‌دا
داریخان خسته‌لرین
یاتاقلارینی سورویورسونوز
کؤلگه‌لرین آرخاسینجا
"خسته" دئمیشکن آنا
اؤلن آداملارین پالتارینی اورتایا تؤکوب
آغلامایین داها
اینانین
بوتون بو آغی‌لار
شکیل‌لر
پالتارلار
اؤلومه اوغورسوز بیر دئکوردور
اؤلومون اوزو نم دیوار کیمی‌دیر آنا
سوواق بزک گؤتورمز!
ائله حیاتیمیز دا
اوغورسوز بیر پارودییادیر
بیزه قدر یاشانمیشلار
مثلن
سنه مکتوب یازاندا
من یئسئنینه اوخشادیرام اؤزومو
او دا منیم کیمی
غوربتدن مکتوبلار یازارمیش آناسینا
او دا منیم کیمی
یاد‌ائللی سئوگیلی‌سینه
دوغما چؤل‌لری گؤسترمک ایسته‌ییرمیش

باغیشلا منی آنا
من غوربتده آنلادیم -
وطن قادینلاری‌ نئجه ده معناسیزدی...

https://t.me/Adabiyyatsevanlar

میللی مطبوعاتیمیزا یاردیم اولاق

شماره ۴۰ مجله آذری ویژه‌ نامه

" کیومرث کیاست "

▫نقاش ، طراح و استاد تاریخ هنر

با سردبیر ی حسن ریاضی ( ایلدیریم ) منتشر شد.


https://t.me/Adabiyyatsevanlar

وحید نجفی 1382ده قارا داغلی بیر عائیله ده دونیایا گوز آچیب ، ایندی تهراندا یاشاییر ایگیرمییه یاخین ساز هاوالارین چوخ گوزل چالیر . ائلیمیزین گنج بالاسینا اوغورلار اولسون دئییب سیزی وحیدبی دن بیر ساز هاواسین ائشیتمه یه دعوت ائدیریک .

https://t.me/Adabiyyatsevanlar

ساری گلین
ایفا ائدیر وحید نجفی

https://t.me/Adabiyyatsevanlar

✅✅✅سایین قورپداشلار
بوگئجه: 98/5/5
ساعات: 22
ادبیات سئونلر قوروپوندا سسلی شعیر گئجه سی اولاجاق سئویملی شاعیرلری گوزل سسلی دیکلاماتورلاری سیجاق قاتیلماغا دعوت ائدیریک .

https://t.me/Adabiyyatsevanlar

سعید_صادقی_فر

" شعر جالاییرام "


بارماقلاریمدان سۆزۆلور سؤزجۆک لر
سپه لنیر بوْم - بوْش کاغاذا اؤیکۆجۆکلر
ایمگه لریمده بؤیوک هایکو اوْلور
اؤزو - اؤزونه یازیلیر
اؤزو - اؤزونه یارانیر
قان ایچینده ، تر ایچینده
بۆتۆن عذاب لار ایچینده یازیلیر
شعر جالاییرام
صیفتیمه سؤزجۆکلرین سویو سیچراییر
داملا - داملا سۆزۆلور قلمیمدن
سطیر - سطیر قارالیر
اته ییمی سیلکه له ییرم
آل - الوانلی سؤزجۆکلر یاغیر
قوجاقلاشیرلار اوْخشامالار
گرایلی لار آخیر
الیم ده ییر ، شعرلریمی داغیدیرام
عصاب اوْلورام
ساغا - سولا بورولورام
یئنیدن شعر سیچرادیرام
بۆتۆن یازارلارین صیفتینه
شعر توْپلوسو دور
قوْنولار سئچیرم
دویغولار حیسسی ، ادبییات حرارتی
بۆتۆن سربست لریمین باشینی کسیرم
سطیرلر سوْنا ائندیکجه،
بارماقلاریم گؤیه ریر
سوْنرا ؛
قیسا سؤزجوکلر چیچک لنیر
بیر منم بیر قلم بیرده یارالی میصراع لار
شعر جالاییرام
ایچه رییی ماهنی
الیمده کی قوپوزا
کئفله نیرلر اوْخشامالار
دلی سی اوْلورلار
یادیمدا قالسین ، ادبییات حببی آتاجام
الیمه ایش وئره جک بو شعر دئمک



https://t.me/Adabiyyatsevanlar

بوتون ثانیه لری یاشاماق گرک .
چوخداندی یاشام یادیمیزدان چیخیب ،اوزوموزو اونودموشوق .

https://t.me/Adabiyyatsevanlar

سسلی شعیر گئجه سی 98/5/5

اوغرو اولماق ایسته ییرم
سس و سوز : نصرت کسمنلی


https://t.me/Adabiyyatsevanlar

سسلی شعیر گئجه سی98/5/5

خوش گلدین قادینیم منیم...

شعیر: ناظم حکمت

سس: ائلناز کریم پور

https://t.me/Adabiyyatsevanlar

سسلی شعیر گئجه سی 98/5/5

شعیر : رامیز روشن
سس : تاران

https://t.me/Adabiyyatsevanlar

سسلی شعیر گئجه سی 98/5/5
شعیر : آینار تبریزلی
سس : سالار موعانلی
گیتار : مهیار
https://t.me/Adabiyyatsevanlar

سسلی شعیر گئجه سی 98/5/5
ای آنایوردومون گولو گولشنی...

سس : حمیدی

https://t.me/Adabiyyatsevanlar

سسلی شعیر گئجه سی ۹۸/۵/۵
شعر: سحر خیاوی
سس : بیتا دباغی

https://t.me/Adabiyyatsevanlar

سسلی شعیر گئجه سی۹۸/۵/۵
شعر و سس:سحرخیاوی
https://t.me/Adabiyyatsevanlar

سسلی شعیر گئجه سی ۹۸/۵/۵
شعر:براتعلی_فتح اللهی
سس:سحرخیاوی
https://t.me/Adabiyyatsevanlar

سسلی شعیردگئجه سی 98/5/5
شعیرد: خان صنم
سس : علی طالبی

https://t.me/Adabiyyatsevanlar

سسلی شعیر گئجه سی 98/5/5
شعیر : بختیار واهابزاده
سس: تئلناز تبریزلی

https://t.me/Adabiyyatsevanlar