قاراداغ شاعیرلرینین تانیتیمی ۹۸/۴/۲۶
اوزمان : علیرضا انبازی

https://t.me/Adabiyyatsevanlar

قاراداغ شاعیرلرینین تانیتیمی ۹۸/۴/۲۶
اوزمان : علیرضا انبازی

https://t.me/Adabiyyatsevanlar

قاراداغ شاعیرلرینین تانیتیمی ۹۸/۴/۲۶
اوزمان : علیرضا انبازی

https://t.me/Adabiyyatsevanlar

قاراداغ شاعیرلرینین تانیتیمی ۹۸/۴/۲۶
اوزمان : علیرضا انبازی

https://t.me/Adabiyyatsevanlar

عدالت دومان
قاراداغ شاعیرلرینین

https;//t.me/Adabiyyatsevanlar

عدالت دومان
قاراداغ شاعیرلریندن

https://t.me/Adabiyyatsevanlar

شعر : عدالت دومان

İctimai radyo

Aparıcı qorxmaz və
Aşıq mehdi

https://t.me/Adabiyyatsevanlar

قاراداغ شاعیرلرینین تانیتیمی ۹۸/۴/۲۶
ایضاحات : ادبیات سئونلر

https://t.me/Adabiyyatsevanlar

عدالت دومانین ایشیق اوزو گورن کیتابلاری:
بیر چاتی بویوندا عومور؟!
داشلاردان آلدیم
دییرمانین آلت داشی

https://t.me/Adabiyyatsevanlar

اوخویور : اوستاد محبوب خلیلی
و آشیق نوروز چمنی
شعیر :عدالت دومان
ایجتماعی رادیو

https;//t.me/Adabiyyatsevanlar

✅عدالت دومان
سئللر داغيلدي

باياق کي صحنه‌دي سانکي ياديمدا
يئل ووردو اوٍزوٍنه تئللر داغيلدي
بوردا اوْتدوغوموز آنلاري آنديم
اوٍستوٍمدن اوًتوٍشن ايللر داغيلدي



قاييتديم گنج‌لييه دوًندوٍم بو يئره
ائنديم اوْ داغلاردان گوٍل دره-دره
سالدي کوٍسگوٍن کوٍلک آجي منظره
سنين چوٍن درديييم گوٍللر داغيلدي




خاطيره روحومو اوْ چاغا چکدي
نئچه کي من وارام هئي چکه‌جکدي
آچديم گوًزلريمي، دومانلار چوًکدوٍ
يومدوم گوًزلريمي سئللر داغيلدي

http://t.me/Adabiyyatsevanlar

اوشاق ادبیاتی هر هفته پنجشنبه گونو ادبیات سئونلر کانالیندا.
اوشاق ادبیاتینا دایر یازیلارینیزی بیزه گوندرین .

https://t.me/Adabiyyatsevanlar

اوشاق ادبیاتی هر هفته پنجشنبه گونو ادبیات سئونلر کانالیندا

بورا بير قوش قوندو
بو گؤردو
بو توتدو
بو بيشيردی
بو يئدی
جيققي‌لييا قالمادي، جيققي‌لييا قالمادی.


https://t.me/Adabiyyatsevanlar

اوشاق ادبیاتی

بهرام اسدی
اوشاقليق عالمي سيرلي-سئحيرلي بير عالمدير. ساده و صميمي بو بالاجا انسان‌لار اؤز عالملرينده ساده‌ليک و صميميتله ياشاييرلار. اونلار هر گون اؤز دونيا باخيشلارين گئنيشلنديريرلر. اوشاغين دونيا گؤروشو چوخ ساده‌دير آنجاق او اطرافينداکي هر نه­يي آرتيق تانيماق و سيناماق ايسته­يير.
اوشاق هله ان کؤرپه چاغيندا الينه دوشن هر نه­يي ديشينه وورور و آغزينا تپير. بو، اوشاغين بيرينجي و ان ياخين سيناق وسيله‌سيدير. اوشاق بوي آتارکن اويونچاقلاري. گلينجيکلري، ائو اشيا‌لاري و الينه دوشن هر نه­يي سؤکور. داغيدير و اونون ايچين ائشيگه تؤکور. بئله‌ليکله او يئني عالم‌لر کشف ائدير، يئني دونيا گؤروشو کسب ائدير. او حتي باشقا اوشاقلاري و بؤيوکلري ده گلينجيک کيمي فرض ائديب بارماغين اونلارين گؤزونه، آغزينا و ديشينه سوخور و اونلارين دا ايچريسين گؤرمک ايسته­يير.
اوشاق داها بير آز ديرچليرکن بؤيوکلرين باشماغين و پالتارين گئيير. بونونلا او بؤيوک اولماق و داها جدي عالمي تانيماق آرزولايير.
اوشاق بيرينجي گون عالمدن هئچ نه بيلمير. او هر بير يئني شئي کشف ائدرکن هئچ ده تعجب‌لنمير و اونو عالمين بير پارچاسي کيمي قبول ائدير.
اوشاق رئال عالم ايله ياناشي اؤز خيال عالمينده ده بير شئي‌لر يارا‌دير. آنجاق اونلاري دا خيال دگيل رئال کيمي قبول ائدير.
اوشاق پري‌لره و دئو‌لره علاقه گؤسترير و اونلاري اولدوغو کيمي قبول ائدير. ناغيللاري ائشيدرکن ناغيللاردا ياشايير، اؤزون اونلارين يئرينه دگيل اونلارين بيري بيلير و ناغيللاردان آلينان بو سونوچ و نتيجه­ني جاندان-اوره­کدن قبول ائدير و بو سونوچ سون گونه­دک اوشاغين ذهنينده يئر آلير و اونون يادداشيندا يورد سالير و بو اوشاق بؤيويندن سونرا دا گرکلي يئرلرده همين يادداشلار اونا يول گؤستريجي اولا بيلير.
اوشاق ديلي و اوشاق ادبياتينا گلديکده دئمه­لي­ييک: اوشاق ادبياتي اوشاغين عالميندن آيري دگيل. يوخاريدا اشاره اولونان ساده­ليکلر. صميميّت­لر، خياللار، هاميسي اوشاق ادبياتيندا يئر آلير.
اوشاق، ديل آچاندا بير و سونرا‌لار چوخ ايکي هجا‌لي سؤزلر ايله ديل آچير.
بير هجا‌لي سؤزلردن(جيز-بوو) و ايکي هجا‌لي سؤزلردن (قاقا- پپه-بابا-چيچي) و بئله سؤزلري مثال گتيرمک اولار.
اوشاغين ديلي تکميللشديکجه سؤزلرينين هجاسي دا آرتير، آنجاق اوشاق ادبياتي و اوشاق شعرينين هجا‌لاري چوخ بئش و يئددي هجا‌لي شعرلر اولور و چوخ­هجا‌لي شعرلر اوشاق عالمينه داخل اولمورلار، چونکي اوشاغي ساده‌ليکدن اوزاقلادا بيليرلر.
اوشاق ديل آچارکن ايلک باشدا چوخ قيسا جمله‌لر يارا‌دير: بابا گلدي .. قاقا آلدي. اوشاق ادبياتي دا بو قيسا‌ليق و بو ساده‌ليگي اؤزونه اؤرنک توتما‌ليدير. بيز اوشاغا غزل ياخود قصيده اوخويانماريق چونکي اونون ذهنينده اونا يئر يوخدور. آتا-بابا‌لاريميز و اوزون ايللر بويو نسيل‌لريميزين سيناغيندان چيخميش اوشاق ادبياتي و اوشاق فولکلورو بوگونکو اوشاق ادبياتي و اوشاق شعري يازانلارا گؤزل نمونه‌لردير.
مين ايللرين سوزگجيندن سوزولموش بو قوشماجايا دقت ائدک:
. .        
-ايينه-ايينه     اوجو دويمه
بربرينجي       شام آغاجي
شاتير کئچر    قوز آغاجي
هاپبان          هوپبان
ياريل          ييرتيل
سو ايچ        قورتول.
هر بير اوشاق، بو قوشماجاني دينله­ديکده اونو تکرار ائتمک ايسته­يير چونکي بو بالاجا اوشاق اويونو اوشاغين روحونا اويغوندور، اونون مصراعلاري ايکي، اوچ و دؤرد هجا‌لي سؤزلردن يارانيب.
هابئله‌دير:
بورا بير قوش قوندو
بو گؤردو
بو توتدو
بو بيشيردي
بو يئدي
جيققي‌لييا قالمادي، جيققي‌لييا قالمادي.
هجا‌لاردان علاوه اوشاغين ذهنين و فکرين اؤزونه چکن باشقا بير فاکت، سؤزون و شعرين موسيقيسي‌دير. بو پارچايا دقت ائدک:
بو دئدي: گلين گئدک اوغورلوغا
بو دئدي: هاني اوجا نرديوان؟
بو دئدي: مندن اوجا نرديوان؟
بو دئدي: آللاها باخين، تانرييا باخين گئتميين
بو دئدي: خالام قيزين آلين منه
تاپدييين بونون باشينا،
تاپدييين بونون باشينا.
گؤروندوگو کيمي بورادا هجا‌لارين سايي چوخ اولسا دا سؤزون موسيقيسي اونو اويناق بير ريتمه ساليب و بئله‌ليکله اونو اوشاق عالمينه و اوشاق ادبياتينا داخل ائديبدير.
اوشاق شعرينده و اوشاق ادبياتيندا گاهدان کلاسيک شعريميزين قايدا‌لاري پوزولور و مصراعلارين هجا سايلاري و قافيه و رديف قانونلاري ايزلنمير و بو دا اوشاغين يئني عالم‌لر ياراتماغي و رئال عالمين چرچيوه‌سينده دايانماماغينا بير ثبوتدور:
-بنؤوشه
-بنده دوشه
-بيزدن سيزه کيم دوشه؟
باخين، بو اوشاق اويونونون بيرينجي مصراعسي 3، ايکينجي 4، و اوچونجو مصراعسي 7 هجا‌لي گليبدير.
اوشاق فولکلورو و اوشاق ادبياتيندا ايکي طرفلي دانيشيق اؤزونه مخصوص يئر آلير، بو ايسه اوشاغين دقتين اؤزونه چکن عامللردن بيريدير:
پيس- پيسلي خالا هاردان گليسن؟
-گيلاندان.
- هاني به شله­ن؟
-آلديلار.
-نيه وئريردين؟
-ووردولار.
-سن ده وورايدين.
-اولار ايکي­ايدي، من بي

ر ايديم
اولار ووردوقجا من کيريديم.
ها بئله‌دير:
-عموغلو!
-بلي.
- بيزيم تويوق سيزده‌دير؟
-بلي.
- کيشه‌له گلسين.
-گلميري.
-سال تنديره.
-يانميري.
-وور قيچي سينسين.
-سينميري.
مين ايللردن قالان بو سؤزلر ادبياتيميزين و تاريخيميزين چوخ زنگينليگين و چوخ اسکي گله­نکلره دايانديغين گؤسترير.
بو فولکلور و بو ساده‌جه قوشماجا‌لار عين حالدا مين ايللردن قالان سؤزلري، اوستونه توز قونموش تاريخي حادثه‌لري و هئچ يئرده يازيلماميش تاريخي جريانلاري اؤز ساده کلمه‌لري ايله داشي­يير:
آ تئشتي-تئشتي-تئشتي
ووردو گيلاني کئچدي
ايکي خوروز ساواشدي
بيري قانا بلشدي
قان گئتدي چايا دوشدو
چايدان گؤيرچين اوچدو
گؤيرچين آلاپاختا
يوواسي قلبي-تاختا
اونو ووران خان اوغلو
قان قوسسون لاختا-لاختا.
چوخ ساده و آخيجي بو قوشماجادا خوروزون قانيندان بير گؤيرچين يارانير و بو گؤيرچيني ووران لاختا-لاختا قان قوسماق ايله قارقينير. دئمک بورادا ابدي‌ليک و اؤلومسوز ياشاماق تصوير اولوبدور. هابئله‌دير گؤزل فاطما ناغيلينداکي باشي کسيلن اينه­گين سوموکلرينين دانيشماغي. بورادا اسکي تورک طايفا‌لارينين ايناملاري، دوشونجه‌لري و دونيا گؤروشلري چوخ ساده کلمه‌لرله اوشاق روحونا آشيلانير و نسيلدن-نسيله آخير و دوام ائدير. آنجاق بوگونکو دونيادا و 21-جي عصرده هر شئي تزه‌لنديگي کيمي اوشاق فولکلوروموز و اوشاق ادبياتيميز دا تزه‌لنمه‌ليدير. آوروپادا، آمريکادا، ژاپون و باشقا يئرلرده اوشاق ادبياتينا اويغون فيليم‌لر، کارتونلار و يئني-يئني فورما‌لاردا ايشلر گؤرونور و گاهدان بيزيم ادبياتيميزدان دا اولدوقجا قيدا‌لانيرلار. آنجاق تورک فولکلوروموز، آذربايجان اوشاق ادبياتيميز بو باخيمدان اينجي‌لرله دولو بير اوقيانوسا بنزر. فيليمچي‌لريميز، شاعرلريميز، يازيچيلاريميز، زامانلا آدديملاما‌لي و زامانلا ايره‌لي گئتمه­ ليدير

https://t.me/Adabiyyatsevanlar

اوشاق ادبیاتی
سحر خیاوی

آینادا اوشاق

گولمَگی ایله گولور او
آغزین بوزَنده بوزور
بو بوردا رقص ائله ییر
کورپه جیک اوردا سوزور

اوزادیر الین اونا
اوشاق اونلا ال وئریر
دایاندیقدا دایانیر
بو گئدنده او گئدیر

ایلاهی بو ببه جیک
کیم دیر اوخشاییر منه؟!
دانیشدیقدا دانیشیر
من سوسسام سوسور یئنه

گاه گیزله نیر،تاپیلیر
منله جیی-جیی اویناییر
بو اوشاق کیمدیر اللاه
قانیم بونا قایناییر

من قاچاندا قاچیر او
ییخیلاندا آغلاییر
گوره سن اونون اوفون
آناجانی باغلاییر؟!

اونا دئییر:آغلاما
یئکه لر ییخیلانلار؟
قورخاق اوشاقی یئیه ر
چوللوک ده کی خوخانلار؟


او تایینا باخیرام
یوخدو اوردا ببه جیک
کئشگه گله اوینایاق
منیله بیرگه ائوجیک

https://t.me/Adabiyyatsevanlar

اوشاق ادبیاتی
ویدا حشمتی

اوشاقلار باریش ایستیر

هم دوغو هم باتیدا
ناغیلدا - بایاتیدا

هر طرفی دولانسان
هر دوواردان بویلانسان

چوخ آغیردی بو یوک لر
اوشاقلارا ، بؤیوکلر !

هر یئرده دینله نیریک
سیزلردن دیله ییریک

اولسون دونیادا باریش
اولماسین قارما-قاریش !

قالماسین هئچ اوشاق آج
لاله وئرسین هر یاماج

ییغیشیلسین توپ -تفنگ
هر یئر اولسون گول -چیچک.


https://t.me/Adabiyyatsevanlar

اوشاق ادبیاتی
پاشا_موغانلی

‍ ‍ 🔸آخماق تولکو (منظوم ناغیل)



باغیشلایان مهربان
گؤزل تانری آدیلان

آخماق تولکو وارایدی
گؤزلری چوخ دارایدی

منم منم دئیَردی
تک اؤزون ایسته‌یردی

یایلاقدا گزردی تک
تاپیب یئیردی یئمک

بو تولکونون یایلاغی
اوت واری، هم بولاغی

هر ایل قوناق گؤرردی
اورا کؤچ تؤکولردی

یای فصیلی یئتیشدی
کؤچ گلیب اورا دوشدو

یئییب، ایچیب، یاتدیلار
اوچ آی یایی قالدیلار

یای فصیلی کی کئچدی
گئتمک چاغی یئتیشدی

حاضیرلانیب نهایت
قاییدالار سلامت

بیر قوجا آت آخسادی
چوبان اونو بوشلادی

ک‍ؤچ گئدیب ائوه چاتدی
آت‌دا بولاق‌دا یاتدی

تولکوده آتی گؤردو
اوتوردو فیکره گیردی

آخماق تولکو:
یئتیشمز منیم زوروم
اونو نئجه اؤلدوروم؟

بیردن خیالا قالدی
قوردو یادینا سالدی

داغ- داشی چیخدی دوشدو
تاپیب اونلا گؤروشدو

آخماق تولکو:
سالام منیم شیر داییم
پنجه‌سی شمشیر داییم

اگر باخسا شیکارا
ائیله‌یر پارا پارا

قورد:
علیکوم آی تولکو بئی
سؤیله تئز هارا گئدک

آخماق تولکو:
بو یایلاق کی گؤرورسن
اوندا گون کئچیریرسن

دوروست بونون ایاغی
کی بولاق دی قیراغی

بیر آت اوردا تک گزیر
اوت یئییر، سودان ایچیر

گلدیم داییما دئیه‌م
اینصاف دئییل تک یئیه‌م

گئدک اونو اؤلدورک
دادلی اَتیندن یئیه‌ک

یولداش اولوب گئتدیلر
گئدیب آتا یئتدیلر

قورد:
تولکو ائشیت دئییرم
گؤرکی نه سؤیله‌ییرم

هرنه دئسم دوزون دئ
اؤلدوروم آتی سن یئ

گؤزلریم قیزاریبدیر؟
توکوم بیزبیز دوروبدور؟

اگر سینه‌م شیشیب‌دیر
آت آماده‌لشیب‌دیر

آخماق تولکو:
پنجه‌ینن یئر قازیرسان
خان‌دایی‌جان حاضیرسان!

قورد سورعت‌ایله گئتدی
آتا بیر هجوم ائتدی

بوینون آغزینا سالدی
ساخلاییب جانین آلدی

آت اؤلدو یئره آشدی
تولکوده اورا قاچدی

باشلادیلار یئمه‌یه
یئییب، گولوب، دئمه‌یه

قورد گؤتوردو بیر قولون
گئری قاییتدی یولون

تولکو تک یئدی یاتدی
یئمه‌یی سونا چاتدی

بیر ایل تامام سوووشدو
کؤچ یئنه گلدی دوشدو

آخماق تولکو شاد اولدو
گؤردو یئمه‌یی بولدو

کناردان گؤزله‌ییردی
صوبح، آخشام ایزله‌ییردی

کؤچ‌ده اوچ آی دولاندی
آخیردا توپالاندی

یئنه قاییدان زامان
بیر آت آییردی چوبان

قوجا آتی بوشلادی
تک بوراخدی، اوتلادی

تولکوده گؤردو اونو
تئز آختاردی دوستونو

خئیلک گزیب یایلاغی
داغ-داشی، هم بولاغی

اما تاپا بیلمه‌دی
اؤز- اؤزونه سؤیله‌دی

قورد داییم حتما گئدیب
بو یایلاغی ترک ائدیب

گرگ باشقا فیکر ائدم
بیر آیری کسدن گئدم

بیراز گزیب آختاریب
بیر کیچیک تولکو تاپیب

اونا سؤزون سؤیله‌دی
ایشدن آگه ائیله‌دی

تولکولر بیرلشدیلر
تئز آتا یئتیشدیلر

کیچیک تولکو:
تولکو عمیم اولاندا
منی یادا سالاندا

من قاباغا گئتمه‌رم
آتی شیکار ائتمه‌رم!

تولکو تئز هاوالاندی
بیراز آتی دولاندی

آخماق تولکو:
آی سنه قوربان عمین
اولماسین اصلا غمین

من نه دئسم دوزون دئ
آتی شیکار ائدیم یئ

باخ گؤر گؤزوم قیزاریب؟

کیچیک تولکو:
اتفاقا آغاریب!

آخماق تولکو:
بیزبیز دوروبدور توکوم؟

کیچیک تولکو:
یاتیبدی من گؤردوکوم!

آخماق تولکو:
دئیه‌جکدین قیزاریب
توکون‌ده بیز بیز دوروب

گؤر یاتیب قالخیر سینه‌م؟

کیچیک تولکو:
من کی اصلا گؤرمورم!

آخماق تولکو:
بو کی بئله سؤیله‌ییر
منی تحقیر ائیله‌ییر

گوجومو گؤسته‌رَرم
بیللم آتا نئیله‌رم!

اورک وئردی اؤزونه
آلداندی اؤز سؤزونه

آتین اوسته آتیلدی
آت بیر تپیک؛ ییخیلدی

ییخیلدی آنجاق هارا
آلتی مئتیر کنارا !!!

چیققیلی تولکو قاچدی
آخماغین گؤزون آچدی

کیچیک تولکو:
تولکو عمی نه اولدو؟
گؤزلرین نیه دولدو؟

آخماق تولکو:
من داها اؤلمه‌لییَم
دونیادان گئتمه‌لییَم

اما سنه سؤزوم وار
گؤزلریم دارایدی‌دار

بو ایش گلدی باشیما
اؤلوم چیخدی قارشیما

چوخ لعنت اولسون منه
تجربه اولسون سنه

سن منم- منم دئمه
گؤر کی نه اولدو منه

ائتمه بیر آن خیانت
سور حیاتینی راحت

اولسا سنین گؤزون توخ
اولاجاق یئمه‌یین چوخ

https://t.me/Adabiyyatsevanlar


.

اوشاق ادبیاتی

آخماق تولکو
شعر :پاشا موغانلی
سس :ویدا حشمتی

https://t.me/Adabiyyatsevanlar

اوشاق ادبیاتی
هرهفته پنجشنبه گونو ادبیات سئونلر کانالیندا
شکیلین قایناغی : بهروز صدیق جنابلارینین اینستا صحیفه سیندن .

https://t.me/Adabiyyatsevanlar

طنز بویوک آغا افندی

بیز کیمیک سیزدن خبرسیز سو ایچک ، ائویمیزه بیر زاد آلاق ، سیزدن خبرسیز سفره گئدک ، ائشیک ده بیرزاد یئیک ،سیز کی اوزگه دئییل سینیز واللاه بتر اوتاندیم ، من اولوم باغیشلایین بیزیم آرواد جوانلیق ائله ییب سیزه دئمه ییب بیر آیدی اوشاغا قالیب ،
جوانلیق یانی نادانلیق دا، نه آناسینا دئییب نه منیم آناما خبروئرییب حتا باجیلاریمیز دا بیلمیر . اولار جهنم سیز هامیدان واجیب ایدینیز ،قونشو آداما باجی قارداشداندا یاخیندیر گرک سیزه دئییدی دا ،تعججوب ائلیرم نجورواولوب سیزه دئمه ییب، بابا سیز کی اوزوموزدنسینیز.
آخشام اوستو دوکتوردن گلنده احمد آغا باققالین خانیمی آنالیز کاغذین الیمیزده گوروب آغزیندان چیخانی بیزه دئدی .
دئییردی : بالا اوشاغینیزی الینیزدن آلاجاغیدیق ؟یئملی ایدی یئیه جاغدیق ؟بیزه امین دئییل سینیز ؟
اوزوم اولوم آللاهدان ایستیردیم یئر آغیزین آچا من سوخولام یئره .
واللاه دوز دئییر دا ، آخی بو نه ایش دی گوردون ، هامی نین یانیندا منی شرمنده ائلدین؟
بولار جهنم صاباح کوبرا خالایا نه دئیه جکسن ؟ تزه باریشیمیشدیق ، سن اوله سن اوبیلسه ها سنین اوشاغین وار اونون خبری یوخدو اولونجه بیزیم اوزوموزه باخماز .
وآللاه دای سنین الیندن جانا گلدیم . بابا ایندی اطلاعات عصری دی با ،تلگرامدا ، اینستادا ،فئیسده اعلام ائله، یاز: دونن گئجه ساعات اونبیری اون دیقه کئچنده بویوک آغا یلا اوپوشدوک یاریمساعات سونرادان اوشاغا قالدیم .
دئ قوی جماعات راحات اولسونلاردا ، مردم آزارسان ؟ خالقی اینجیتمک دن خوشون گلیر ؟
سنین بو ایش لرین آدامی اولدورر.

https://t.me/Adabiyyatsevanlar