#آهنگ_شبانه
#Josh_Groban

If you have a dream go chase it
If you feel hope don't waste it
If you find love embrace it
And never take a single breath for granted
The story's yours, go write it
Tomorrow's undecided
Our days are counted on this planet
Never take a single breath
Take a single breath for granted



‌https://t.me/Adabiyyatsevanlar

سایین قوروپداشلار چهارشنبه گونلری ادبیات سئونلر قورهوندا یالنیز نثر یازیلارین پایلاشیریق .

https://t.me/Adabiyyatsevanlar

قاراداغ شاعیرلرینین تانیتیمی ادبیات سئونلر کانالیندا
بو گئجه :98/4/26
ساعات : 22
اوزمان : علیرضا انباز

https://t.me/Adabiyyatsevanlar
👇👇👇👇

آيفر_تونچ : نارلی باغچا

اويغونلاشديران: همت_شهبازی

قايناق: #کيتابليق (درگی): مارت 2003


نارلی باغچانی آختاريرديم.

هانسي جوغرافيايا عايد اولدوغونو بيلسم يوللارا دوشمه‌يه حاضير ایديم. آمما هئچ جور خاطيرلايا بيلميرديم: غربده ايديمي نارلي باغچا، شرقده‌مي؟ اوزون يوللارين اوجوندايديمي، بورنومون ديبينده‌مي؟ ايچيمده ايديمي، چؤلومده‌مي؟ وار ايديمي، يوخ ايدیمي؟
قوزئی و گونییه گئدن يوللاري بؤيوک دنيزلر کسير، يوخولاريمدا سورکلي يئر دييشديرن نارلي باغچانين يولو دا بير گؤرونوب بير ايتيردي. گؤزلريمي يومدوغومدا اؤزومو بعضن نارلي باغچانين قارشيسيندا تاپيرديم، آمما، تام ايچري گيريب 'باغچادا يئنه مؤوسوم دييشميش' دئيه‌جککن اويانيرديم.

اؤزومو يوخولارين سونسوزلوغونا بوراخاراق نارلي باغچاني تاپا بيلميه‌جه‌یيمي آنلايينجا، کيتابخانالارا دادانديم. سويوق و لوش کيتابخانالاردا رف‌لر ههي داراماغا باشلاديم، قالين بولودلارين آراسيندان سوزولن گون ايشيغييلا گيردييم کيتابخانالاردان چيخديغيمدا قارانليق دوشموشدو، هر کس ائوينه چکيليب گئدیردي. اوميدسيزلييه قاپيليرديم، واز کئچمک ایسته‌ییردیم بو آختاريشدان. آمما يوخومدا قارانليقدا اوزانان، ايچيندن آيدين اولمايان اوغولتولارين يوکسلديیي، آرادا بير، بير اولدوزون ايشيغييلا آغاجلاري‌نين بوداقلاري پيريلدايان نارلي باغچاني گؤرونجه هيجانلا اويانير و آختاريشا يئنيدن باشلاماغا قرار وئريرديم.
کيتابخانالاردا بير چوخ دوست قازانمیشدیم. بعضي‌لرييله سحرلر قارشيلاشیرديق. يوسون توتموش کؤهنه داشلارا ال باساراق، آختاريشين داديني چيخارتماق اوچون تلسمه‌دن گئدرکن دوستلاريم سوروشارديلار: 'هله تاپا بيلمه‌دينمی؟' اوميدسيزجه باشيمي يئلله‌يیرديم: 'يوخ. نارلي باغچا يوخدور...' 'واردير،' دئييرديلر، 'آختاريشا داوام ائت.'
من يالنيز نارلي باغچاني آختاريرديم، اونلار هر شئيي آختاريرديلار. بيريني تاپديقلاري آندا تاپديقلاري شئي اونلاري باشقا بير شئيه آپاريردی. بئله‌جه يئني بير شئي آختاريرديلار، تاپديقلاري داغ کيمي ييغيليردي. غيبت ائديرديم اونلارا. بير گون من ده نارلي باغچاني تاپاجاق، آرديندان باشقا بير شئي آختاريشا باشلاياجاغاممي گؤره‌سن؟ دئيه اؤزومدن سوروشوردوم.
منه کِؤمکچي اولماق ايسته‌ييرلر، حتتا منيم اوچون نارلي باغچاني آختاريرديلار توزلو رف‌لرده. بير چوخ نارلي باغچا تاپديلار، آمما هئچ بيري منيم آختارديغيم دئييلدي. 'بومو؟' دئيه سوروشدوقلاريندا اوتانيرديم بو دا دئييل دئمه‌يه. اونلارا زحمت وئردييمي، اؤز آختارديغيم شئيله اونلاري دا مشغول ائتدييمي دوشوندويومو اوزومدن آنلاييرديلار. 'اصلا ها!' دئييرديلر، 'اصلا آختارديغين بو اولماديغي حالدا، ايندي بو، دئمه.'
نارلي باغچاني آختارماقدان امتناع ائتميه‌جه‌یيمي آنلايينجا مني ده آرالارينا آلدیلار يا دا اؤزلویومدن اونلاردان بيري اولدوم. اونلاردان بيري اولونجا، هر قاپي‌نين آرديندا گيزلي و يا آچيق بير کيتابخانا اولماسي احتماليني سئومه‌يه باشلاديم. نارلي باغچاني يالنيز کيتابخانالاردا دئييل، کوچه‌لرده، بازارلاردا، کيتاب سرگي‌لرينده، ايشيقلي دوکانلاردا، نملي زيرزمي‌لرده، سؤزلرده ده آختاريشيم لازيم اولدوغونو اؤيرنديم. کيتابلار، اوخوجولار، يازارلار حاققيندا دوستلاريمين ايضاح ائتديک‌لريني ماراقلا دينله‌مه‌يه باشلاديم.
بير گون کيتابخانادان چيخميشديق، بيرليکده چاي ايچير، صؤحبت ائديرديک. باهار باشي ايدي، گونلر اوزانميشدي، کؤلگه‌لر سويوق ايدي آمما گونش بدنيميزي ايستي‌لشدیريردي. دوکتور مانوک تورکجه، فرانسيزجا، لاتينجا، ائرمنيجه و بؤيوک بير حيصه‌سي ده کؤهنه يازي اولان، هاميسي بير-بيريندن قيمتلي کيتابلاريني تک-تک الدن چيخاريرميش دئيه ائشيتميشديک. نئچه کؤهنه کيتاب ساتان قاپيسينا گئتمیش، هر گون آيري بير قیمت تکليف ائديرميشلر ده، کيتابلاريني بیر یئرده ساتماغا قرار وئرمیش دئييليردي.
سؤز-صؤحبتلره گؤره، هر ايسته‌یه‌نه کيتاب وئرمير، 'نييه بو کيتاب؟' سوالينا ياخشي بير جاواب ايسته‌یيردي. بونونلا کيفايت‌لنمه‌ييب کيتابا توخونوشدان، صحيفه‌لري آچيليشدان، حتتا اوز ايفاده‌سيندن بير معنا چيخارديغي، کيتاب‌پرستين گؤزو توتسا قیمتیندن چوخ آشاغي، حتتا سيمووليک بير قيمته ساتديغي، گؤزو توتمازسا الي بوش گؤندرديیينی دئییردیلر.
دوکتور مانوکو و افسانه‌وي کيتابخاناسيني ايلک دفعه او گون دويدوم.
دوستلاريمين آراسيندا دوکتور مانوکدان کيتاب آلميش يا دا اوزونو گؤرموش اولان يوخ ايدي. آمما هاميسيني درين بير هيجان قوجاقلاميشدي. افسانه‌وي کيتابخاناني گؤره بيلمک، نادير کيتابلارا ال سورتمک اوچون يانيب آلوولانيرديلار. گئتمه‌ليیک، گؤرمه‌لییک، توخونمالييق، اييلمه‌ليیک، اوخشامالييق، سينه‌ميزده باسديرمالييق، اوخومالييق، ازبرلمه‌لييک، آنلامالييق، جاواب تاپمالييق، ايضاح ائتمه‌لييک، ايسته‌مه‌لييک، يالوارمالييق دئييرلر،

هامي بير آغيزدان دانيشيرديلار.

اونلارین دانیشمالاریندان دوغان اوغولتو منه نارلي باغچادان يوکسه‌لن سسلري خاطيرلاديردي.
دوکتور مانوکون کيتابخاناسيندا نارلي باغچانين اولماسي احتيمالي‌نين هيجاني اوزومه عکس اولونموش اولمالي کي، دؤنوب منه باخديلار. 'سن گئت' دئديلر. 'خئير، سيزلر منيم بؤيوکلريمسينيز' فيلان دئمه‌يه جهد ائتديمسه ده مني سوسدوردولار. 'سونسوزا قدر نارلي باغچاني آختاراجاق دئييلسن، هله بير تاپ آختارديغيني...' دئديلر. سؤزلرينده، سسلري‌نين تونوندا ايشاره ائتمک ايسته‌ديکلري بير شئي وار کيمي گلدي منه، آمما اوستونده دايانماديم.
آيلاردير کيتابخانالاردا کيتابلارا باخيرديم، رف‌لردن ائنديرير، کؤهنلميش صحيفه‌لريني قوجاقلايان مهريبان و قورويوجو جيليدلريني آچير، اوزون اوزون قاريشديرير، چوخ واخت اوخوماغا داليب گئديرديم. کيتابي آرتيق تانيشيم سانيرديم. ايريلي خيردالي، آغير يونگول، رنگلي سولغون، دورغون حرکتلي اولوشلارينا؛ ايضاح ائتديکلرينه، گؤسترديکلرينه، خيال ائتديرديکلرينه، دوشوندوردوکلرينه آليشديغيمي سانيرديم. آمما دوکتور مانوکون کيتابخاناسي‌نين قارشيسيندا چاشماقدان اؤزومو گؤتوره بيلمه‌ديم. قارماقاريشيقديلار؛ رف‌لرده،کيچيک استوللاردا، پنجره ايچلرينده، ديوار ديبلرينده، استول اوستلرينده ايديلر، سانکي جانلي ايديلر. دوکتور مانوک اول اوزون اوزون قاريشديرماغیما ايجازه وئردي. سونرا نه آختارديغيمي سوروشدو.
'کيچيک‌کن اوخودوغوم بير ناغيل،' دئديم، 'نارلي باغچا. اوزون ايدي. چوخ جاذيبه‌دار و بير او قدر ده قورخودوجو ايدي. ناغيلي خاطيرلايا بيلميرم، بير قروپ اينسانين بير باغچايا سورتولموش اولدوقلاريني، اورادا اؤزلرينه بير دونيا قورماغا چاليشديقلاريني خاطيرلاييرام يالنيز. بير اوشاغين اوووجونا سيغاجاق قدر کيچيک بير کيتاب ايدي، قارا دريلي ايدي. هاميسي بو.'
دوکتور مانوک ديقتله دينله‌دي. 'نارلي باغچا ها!' دئدي يوکسک سسله. 'نييه قورخوردون؟' 'خاطیرلاميرام و اصل آختارديغيم شئي يقين بو. نييه قورخدوغومو آختاريرام، نييه قورخدوغوم حالدا چوخ جاذيبه‌دار تاپديغيمي.' 'حيات!' دئدي دوکتور مانوک بو دفعه، اوتوردوغو جيريلدايان مئبيليندن قالخدي، بير قروپ کيتابي قالديردي، باشقا بير يئره قويدو، بير باشقا قروپو باشقا بير يئره اوست اوسته دوزدو، بير رفي بوشالتدي. آختارميردي، آختارديغي‌نين يئريني بيلير، اونا چاتماغا چاليشيردي.
بو قدر کيتابين آراسيندا کيچيلميشديم، کيچيجيک قالميشديم. دوکتور مانوکومو ايزله‌مه‌لي‌یم، کيتابلاريمي قاريشديرمالييام، قرار وئره بيلميرديم هئچ جور.
دوکتور مانوک منه طرف دؤندو، اوووجومدا ايته‌جک قدر کيچيک بير کيتاب اوزالتدي. 'آختارديغين کيتاب بو،' دئدي. 'آلماق ايسته‌ديیندن امين‌سن‌مي؟'
اليمي اوزالتميشکن دايانديم.
'خئير،' دئديم. 'نارلي باغچا اوخوياجاغيم سون کيتاب اولمالي.'
تاپديغيم ايينه‌ني تکرار سامانليغا آتديم بئله‌جه.

قایناق : دوشرگه

https://t.me/Adabiyyatsevanlar

باب دیلَن، خواننده، آهنگساز، شاعر، و نویسندهٔ آمریکایی و برنده جایزه نوبل ادبیات در سال ۲۰۱۶است. وی که در سبک موسیقی بومی آمریکا به فعالیت می‌پرداخت، در دههٔ ۱۹۶۰ میلادی به سبک راک روی آورد و اشعار عاشقانهٔ راک اند رول روز را با اشعار ادبی و روشنفکرانهٔ کلاسیک در هم آمیخت. 

https://t.me/Adabiyyatsevanlar

زندگینامه: باب دیلن (۱۹۴۱-)

باب دیلن (Bob Dylan) با نام کامل رابرت آلن زیمرمن، ۲۴ مه سال ۱۹۴۱ در دلوث ایالت مینه‌سوتای آمریکا به دنیا آمد.

او در نوجوانی زادگاه خود را ترک کرد و نام خود را نیز تغییر داد. معروف است که او نام هنری خود را از نام شاعر اهل ولز بریتانیا، دیلن توماس گرفته‌است.
در می ۱۹۶۳٬ وجهه‌  سیاسی و مدنی دیلن  افزایش یافت٬ او  و جوآن بائز هر دور از اعضای برجسته جنبش حقوق مدنی بودند و با یکدیگر در راه‌پیمائی در واشنگتن در ۲۸ آگوست ۱۹۶۳ خواندند. آلبوم سوم دیلن٬ زمانه در تغییر است٬ بازگو کننده‌ی وجه سیاسی و بدبینانه دیلن است. آهنگ‌ها غالباً به موضوعات روز و داستان‌های دنیای واقعی اختصاص داشت.
آلبوم روی دیگر باب دیلن در یک بعد از ظهر ماه ژوئن در ۱۹۶۴ ضبط شد و حال و هوای سبک تری نسبت به آلبوم قبلی داشت. 
در نیمه دوم سال ۱۹۶۴ و سال ۱۹۶۵ ظاهر دیلن و سبک موسیقی‌ اين خواننده، آهنگساز، ترانه‌سرا، به سرعت تغییر کرد، همانطور که از آهنگ‌هایی پیشرو با مضامین معاصر و مایه‌های بومی به سمت فولک-راک موسیقی پاپ رفت. جین‌های ژولیده و تی‌شرت‌های کهنه‌ای که می‌پوشید با لباس‌های خیابان کارنابی٬ عینک آفتابی‌های روز یا شب و «چکمه‌های بیتلزی» نوک‌دار عوض شد.
وی که در سبک موسیقی بومی آمریکا به فعالیت می‌پرداخت، در دههٔ ۱۹۶۰ میلادی به سبک راک روی آورد و اشعار عاشقانهٔ راک اند رول روز را با اشعار ادبی و روشنفکرانهٔ کلاسیک در هم آمیخت. دیلن در پدیدار شدن سبکی در موسیقی به نام راک بومی (Folk Rock) در اواسط دههٔ شصت بسیار تأثیرگذار بود و به شکسپیر هم‌نسلان خود شهرت یافت.
بعضی از کارهای دیلن به عنوان سرود جنبش‌های اجتماعیِ دههٔ ۶۰ مطرح شده‌است.
او در سال ۱۹۸۲ به تالار مشاهیر ترانه‌سرایان و در سال ۱۹۸۸ به تالار مشاهیر راک اند رول راه یافت. برخی آلبوم‌ها و تک‌ترانه‌های او نظیر بزرگراه ۶۱ دیدار دوباره، بلوند بر بلوند، آقای تمبورین من، چون یک خانه‌به‌دوش و دمیدن در باد در تالار مشاهیر گرمی قرار گرفته‌اند.
برخی از ترانه‌های او از سوی بسیاری از خوانندگان مشهور بازخوانی شده‌است که از جمله آن‌ها می‌توان به «از فراز برج دیده‌بانی»(به انگلیسی: All Along the Watchtower) اشاره کرد که توسط جیمی هندریکس اجرا شد.
در سال ۲۰۰۸ دیلن جایزه ویژه پولیتزر را برای «تأثیر ژرفی که با آفرینش اشعاری با قدرت شاعرانه فوق‌العاده بر موسیقی عامه‌پسند و فرهنگ آمریکا گذاشت» به دست آورد.
مهارت کلامی، شوخ‌طبعی، تفسیر شرایط اجتماعی، کاربرد ماهرانه قافیه و استعاره از ویژگی‌های بارز اشعار دیلن است. او نه تنها بر موسیقی‌دانان بلکه بر نویسندگانی نظیر آلن گینزبرگ و جویس کرول اوتس نیز تأثیر عمیقی گذاشته‌است. 
دیلن یک گیاه خوار نیز هست.
او بیش از ۵۸ میلیون نسخه از آلبوم‌هایش را به فروش رسانده و افزون بر ۵۰۰ ترانه نوشته‌ است که از سوی بیش از ۲۰۰۰ هنرمند ضبط و در جای‌جای دنیا اجرا شده‌است. دیلن در پنج دهه اخیر در موسیقی آمریکا به عنوان یک پدیده مطرح بوده‌است.
باب دیلن طراح و نقاش نیز هست. کتاب «طرح‌های توخالی» (Drawn Blank) دیلن را رندوم هاوس در سال ۱۹۹۴ منتشر کرد و در سال ۲۰۰۷ برخی از آثارش در نمایشگاهی در آلمان در کنار آثار نقاشان بزرگ اروپا از جمله پیکاسو به نمایش درآمد.

نقاشی‌های باب دیلن در سراسر لندن به نمایش درآمد

او نخستین ترانه‌سرایی است که جایزه ادبی نوبل را از آن خود کرد.

باب دیلن برنده نوبل ادبی ۲۰۱۶

باب دیلن یکی از تأثیرگذارترین چهره‌ها در موسیقی معاصر آمریکا است. ترانه معروف او «چون یک خانه‌به‌دوش» به عنوان برترین ترانه تمام زمان‌ها انتخاب شد.

حراج دست‌نوشته‌های دو میلیون دلاری باب دیلن

مارتین اسکورسیزی فیلم مستند «راهی به خانه نیست» (No Direction Home) را در مورد باب دیلن ساخته‌است. 
همچنین فیلم «من آنجا نیستم» ساخته تاد هینز برگرفته از زندگی این هنرمند است.

https://t.me/Adabiyyatsevanlar

آهنگ معروف باب دیلَن تک ترانه بزرگراه ۶۱


https://t.me/Adabiyyatsevanlar

طنز بویوک آغا افندی
عجیز آوارا کی دئیه رلر ها او منم، نه بعضی دوکتورلر کیمی اولدوم گونده یالاندان اون نفرین قارنین سوکم ، نه آقازاده اولدوم لاکچری یاشایام ،نه مش قوربانعلی اولدوم 456میلیون دولاردولتدن اوجوزلو ارز آلام استیل گتیرمه یه، گالا بادا گتیرمه یم ،سونرا دولارلاری نئچه قاتینا بازاردا ساتام ، تبریزین ماشین سازی فابریکاسین بئش ایللیک تقسیطله آلام ... الیمدن هیچ ایش گلمه دیینه گوره یازیچی اولدوم ایچیم اوزومو یاندیریر ائشیییم اوزوگه نی ، سحر چاغی کیتابلاریمی ییغدیم آپاردیم وئرم تره وز ساتانا بیر کیلو سووزو آلام قبول ائلمه دی دئدی :کیتاب اولماز گوندلیک گتیر ...

https://t.me/Adabiyyatsevanlar

کؤلگه/اسماعیل خرمی

هر گون اونو گؤروردوم. ائوده، یاتاقدا، کوچه ده، شهرده و بوتون گئتدییم یئرده منله قاراباقارا گلیردی. ائله بیل کی اونو منه، بیر توتقال لا یاپیشدیرمیشدیلار. ایکی کؤلگه یئرینه هرآن بیر کؤلگه بیزی ایزله ییردی. اوندان سوروشاندا نیه بیزیم بیر کؤلگه میز وار؟ دییه ردی کی بیزلر بیربیریمیزه او قدر یاخینیق کی باشقا کؤلگه میز گؤرسه نیلمیر. یادا بلکه بیز گؤره بیلمیریک. اولا بیلر کی باشقالاری بیزیم کؤلگه لری گؤره بیلسین. ائو ایشلرینی بیرلیکده گؤروردوک. یئمکلریمیزی بیر یئرده یئییردیک. لاپ بئله حامامادا بیرلیکده گئدیردیک. نه یاخشی کی بونو هئچ کس بیلمیردی. یوخسا دالیمیزجا آخماق آداملار دئدی قودو قالمازدی دانیشاردیلار. چوخلاری اؤز گؤزلرینده آغاجی گؤرمزدیلر، آنجاق باشقالارینین یاشاییشینا باشلاری قاریشیق بورونلاریندا سوخماقی باجاراردیلار. او همیشه منه دییه ردی کی؛ اونلاردا، چوخ سوچلو دئییلدیلر. ایش یوخ گوج یوخ. گزیب دولانماغادا دوز عمللی باشلی یئر یوخ. یئر اولسادا جیبین بوشلوغو هر کسه او ایذنی وئرمزدی. گوندن گونه ایش یئرلرینین چوخو باغلانیردی. ایش اولمایان یئرده دئدی قودو سهلیدیر، اوغورلوق، یول کسمه، ساواش و قانون پوزلوغوندان توت، باش کسمه یه قدر توش گلمک اولاردی. یادیما بیر عسگرین موحاریبه ده، باشچیا ندن دوشمن سیزه غالب گلدی سورقوسونا، جوابی دوشدو. عسگر دییه رکی ایگیرمی ندنلره گؤرا و باشلایار ندلری سایماغا؛ «بیرینجی سی قورشونوموز بیتمیشدی. ایکینجی سی ......». باشچی عسگرین سؤزونو کسر و دییه رکی: «داها سایما. بیرینجی سی بوتون باشاریسیزلیغا یئترلیدیر.». ایندی بو ایشسیزلیکده، بوتون شهرداشلاریمیزی ال آیاقدان سالیردی. منده بیرمکتب اوخویوب یونیوئرست قازانان ایش سیزین بیری ایدیم. واختلاریمی کوچه لرده بوش بوش کئچیره رک، وئیسل وئیسل دولانیردیم. سؤزو چوخ اوزاقلارا آپارماییم. بیزیم بوتون دویولاریمیز، دویغولاریمیز و هرنه ایمیز بیرایدی. هارا باخیردیم اونو گؤروردوم. کتابداکی شکیللر، کوچه لرده رئکلام بیلبوردلاری، و تلویزیوندا گؤستریلن آداملار، هامی سی او ایدی.
هر گئجه کیمی کئچن گئجه ده یاخشی یاتا بیلمه میشدیم. سحره دک یئریمده چوبالاییب گونشین یوخودان دوروب ال اوز یوماغینی گؤزله ییردیم. آخشامدان نارین نارین یاغیش، آیی، اولدوزلاری و گؤی اوزونو یویوب تمیزله میشدی. ایندی ده گونه شین یاغیشدا چیممک واختیدی. گؤزومو آچیب باجادان چؤله باخاندا، گونشی گؤرمه دیم. بلکه ده، منیم کیمی کئچن گئجه یاخشی یاتمامیشدی و یوخوسوندان اسگیگی واریدی. هئچ نه یئمه دن پالتاریمی گئییب کوچه یه چیخدیم. کوچه یه چیخدیم دئدیکده، کوچه یه چیخدیق. ال اله یاپیشیب یاغیشدا ایسلانا ایسلانا یورومه یه باشلادیق. تئز تئز دؤنوب اونون گؤزلرینه باخیردیم. گؤزلری زئیتونو، خزری، آلچانی و یاز یارپاقلارینی منه خاطیرلادیردی. سوروشاندا ندن سنین گؤزلرین بو قدر یاشیلدی دییه ردی آنام بونو آتامدان بورج آلیب. کوچه ده یورویرکن بیر نفر چوخ ماراقلا اونون گؤزلرینه باخیب دئدی: «بونون نه گؤزل گؤزلری وار؟». بونا دؤزمه ییب قیسقانجلیغیم توتدو. ایسته دیم اونا آغیر بیر جاواب وئریم آنجاق دؤنوب گئری یه باخاندا گؤرمه دیم. بو تئزلیکده چیخیب گئتمه ییندن چاشیب قالمیشدیم. اونا دئدیم: «او بیر نفر هارا گئتدی؟». دئدی: «هانسی بیر نفر؟ مگر بیزدن سونرا بوردا بیری ده وار؟». بو باره ده ایکیمیز چوخ دانیشدیق آنجاق من گؤردویومو و ائشیتدییمی نئچه کره سؤیله سمده اودا، بیرینی گؤرمه ییب و هئچ نه ائشیتمه دیینی تکرارلاییردی. بو دانیشیقدان اودا اینجیدی منده. باشماغینین باغی بوشالمیشدی، ائیلشدی اونو برکیتمه یه. من بیر ایکی آددیم آتاندان سونرا قاییدیب آرخاما باخدیم. کوچه بوم بوش ایدی. سانکی یاغیش بوتون گوجو ایله کوچه ده کیلری یویوب آپارمیشدی. بوم بوز دووارلار آغیز آچیب آدامی یئمک ایسته ییردی. قنوودان آخان یاغیش تؤرتؤکونتولری اوستومه اوستومه گلیردی. نئچه آددیم گئری یه قاییتدیم. کوچه ده دووارلادان و دووارلارا گیزلیجه تم تله سیک یازیلان یاساق یازیلاردان باشقا هئچ نه گؤرمه دیم. ساچیمدان یاغیش دامجیلاری سوزولوب اوز گؤزومه دولاشیردیلار. بعضی دوزلو و تورشا چالان دامجیلار دوداقلاریما قدر اؤزلرینی یئتیریردیلر. یاغیش، آدامی یویوب اؤزوله آپارماغی منه چوخ گولونج گلسه ده، ایشینی گؤرموشدو. من بئله سؤزلره هئچ اینامیمدا یوخیدی. بو باره ده اونونلا نئچه کره سؤزه گلمیشدیک. بیزی آییران تکی بو اینام سورونوایدی. من گؤردویومدن باشقا هئچ نه یی قبول ائده بیلمیردیم. او ایسه گؤرسنمه ین چوخلو ایشلره اینامی واریدی. بو دانیشیق منه آرتیق یوروجو اولدوقدا، چوخ درینه گئتمزدی. منده سؤز یونگوله سین دییه، دییه ردیم کی سن دییه ن اولسون. بو دانیشیق یئرینه اؤزموزدن، گؤزللیکدن، حیاتدان و سنون گوزلرینین یاشیللیغیندان دانیشماق منه داها چوخ ماراقلی ایدی.

بیرده من اؤزوم باشدان

آیاغا آغری شله سی ایدیم. جانیمدا یووا سالان خورتلاق یارالار ایچیمی قاشییب یئره توپوروردو. او دانیشیقلار هانسی یوکومدن آزالدیب منه یاردیم ائده بیلردی؟ او بوش دانیشیقلار بلکه ده بئلیمده کی یوکلریمه داها آغیر بیر یوک آرتیراردی.
باشقا بیر کوچه یه چاتدیقدا، یاغیش کسمیشدی. بیلمه دیم؛ یالنیز بو کوچه ده کسمیشدی و یا گلدییم کوچه ده ده. بیر گؤزل قادین گوزگو قاباقیندا دوراراق، اؤز گؤزللیینه باخماق ایچون، گوزگونون اوزون هووخالییاراق سیلمه یی کیمی، گونش ده ساچاقلاریلا بولودلاری اویان بویانا آپاریب گؤزللیینی کوچه ده کیلره گؤسته ریردی. حامامدان یئنی چیخان بیر گلین کیمی باش گؤزونو تومارلاییب دورو بولودلارلا اوز گؤزونو سیغاللاییردی. آنجاق ندنسه من گونشی هیرسلی و عصبی گؤروردوم. ائله سانیردیم کی منه ائیری ائیری باخیر و اوز گؤزونو تورشوداراق منی تحقیر ائتمک ایسته ییر. ساچاقلارینین بیرین اوزادیب باشیمین اورتاسینا قدر چاتمیشدی. بیر اودلو آلاولو مته کیمی باشیمدان دلیک آچیردی. بیر داغ آغیرلیغین بوتون جانیمدا دویوردوم. جهنمده کی قیر قازانین ایستیلیگی جانیما هوپموشدو. آرخاما باخمادان بورالاردان قاچیب جانیمی قورتارماق ایسته ییردیم. منه سؤیکک بیر کؤلگه قاباقیمدا قوش کیمی قاناد آچیب اوچوردو. منه بنزه میین بیر کؤلگه. بو منه یاردیم ائتمک ایسته ییردی. اللرینی اوزادیردی مندن یاپیشیب اؤنومه دارتیردی. کؤلگه نین هر بیر یانی گؤرونوردو. یومرو و قالین یاشیل آلچا گؤزلرینین بویاسی، آغ اوندان پیشیریلمیش تندیردن یئنی چیخان کند چؤره یی کیمی یووارلاق اوزو، گون باتان بویادا قیزاران یاناقلاری، یئنی دوغان بولود کیمی اللری، آغ رز یوموشاقلیغیندا آیاقلاری و یاشام دوروشوغوندا بدنی، کؤلگه دن چؤله چیخمیشدی.


https://t.me/Adabiyyatsevanlar

اوشاق ادبیاتی هر هفته پنجشنبه گونو ادبیات سئونلر کانالیندا.
اوشاق ادبیاتینا دایر یازیلارینیزی بیزه گوندرین .

https://t.me/Adabiyyatsevanlar

علیرضا انباز / اهر
ساوالان دا ؛ اورك دويونتولريم

ساهاتيما باخيرام ؛ اوچ ياريمي گوسترير باشيمين اوستونده آي ؛ نئچه ائلچي سي اولان ، اوتانجاق قيزلار كيمي ، قيرجاناراق قاش گؤز آتير . آدديملار قيسا آتيلير ، نفسلر يوكسلير . اردبيل شه هري آياغيميزين آلتيندادير . اردبيل دن چكيلميش بير يول كي حيران گديگينه قدر چيراغلارلا ، نيشان لانيب ، اؤزونو گوسترير . سكوت قوشونو ساوالان داغيني باسقي آلتيندا ساخلاييب . يالنيز قولاغيمدا بير پيچيلتي وار ، عصيرلر آرخاسيندان گلن ؛ داغلار اوغلونون نعره سي ... بير آتين كيشنه مه سي . گوزومون اونونده ده بير قارالتي ... بير هيكل ... بير آتلي ... يوخ يوخ بير يالنيز ، سووارسيز ، بير آت گؤرونور ، بير آغ آت ... آمان آللاهيم نه لر گورورم ؟ نه لر ؟ دويدوغوما اينانا بيلميرم بو بير يوخودو ؟ بير رؤيادي ؟ گئري دن بير سس گلير: « اوشاقلار يورولمياسيز آز قالير مئحراب داشينا ... باجارديقجا آدديملاري قيسا گوتورون ، تئز تئز نفس آلين... » بو سس دن اؤزومه گليرم . نه آت وار نه آتلي ... آي بيزدن قاباق مئحراب داشينا يئتيشيب . بيلميرم نييه اوره ييم سئخيلير . ائله ساز گويلومه دوشوب كي ياواش ياواش اوخوماغا باشلاييرام : « بيزيم يئرده مشك و عنبر قوخوسون ... نازلي ديلبر گزن يئردي بو يئرلر » ... بير سس گلير ؛ شاعير گوج و انرژيني ساخلا « پالان توكدو» قلبي سينه ... نفه سيني يورما ... يولوموزا دوام ائديريك . داها آي دان بير خبر يوخدور . ياواش ياواش ، اولدوزلار ايشيغين قورخوسوندان دنه دنه قاچماغا باشلاييرلار . دان يئرينه زه ده دوشوب ، شفق قيزارماغا باشلايير . ايستر ايسته مز ، هاودا بير سازاق وار . يوكسلديكجه سازاق سوموكلري نوازش ائدير . نيچه مين ايلدن بري ياپيريخان قارلارين اوزه ريندن گئچه رك ، پالان توكدونو آشيريق . ايندي قارشيميزدا مئحراب داش جيلوه لنير . مئحراب آدلي بير سال قايانين ساوالاندا اولماغي ؛ اونون مقدس ليگين ، موهورله يير . آخي ساوالان وحي مئيداني دير . نئچه پيغمبرين مزاري بورادا وار . «ساو» وحي دئمكدير . بيزيم قديم تورك بابالاريميز پيغمبره (ص) ؛ «ساوجي » دئييب لر . يعني وحي گتيرن . « آلان » دا كي توركجه ميزده ميدان معني سينده گليب . دئماق اولار كي ساوالان ، وحي مئيداني دير . يورقون آرقين ، باش گوْله دوغرو يوللانيريق . آرتيق گون ده آنا سينين قوينوندان چيخيب بويلانماغا باشلايير . بونو آرخاميزي قيزديران بير حيس بيزه آنلادير . ايچيمده بير دويغو وار ، بير اينام وار ، گله جه يه دوغرو بير اومود وار . همه شه اوجاليقلاردان ؛ غرور توره نير ، گوج توره نير ، ايلهام توره نير . داها دوغروسو هر شئي آياغيميزين آلتيندادير . چوخ چكمير كي اوزوموزو گوْلون قيراغيندا حيسس ائديريك . آمان آللاه ! بو نه گوزلليكدي! ، بو نه اينجه ليك ؟ بو نه تابلو ؟ نه بديعي اثر ؟ بو گولده كي سودو ؟ يوخسا عصيرلر بويو اصلي ميثاللي آذربايجان گوزل لرينين خومار گوزلريندن آخان ياشدي بو؟ قوملاري ، داشلاري دنه دنه سايماق اولور . گوزومو بير آن ، قيرپا بيلميرم كي بو گوزلليگي الدن وئره رم . ديليم توتولوب ، گوزلريم بير نوقطايا زيلله نيب قولاغيمدا بير حزين سمفوني چالينير. ايله بيل كي عوزيير بگين كوراوغلو اوپراسيندان بير پارچالار سسلنير : « آدو قويدون ده ييرمانچي ... چاغير گلسين دن كوراوغلو ... بيردن بيره بو توتولموش ديليمدن يوخ ؛ بو آليشان سينه مدن ، شعر آخماغا باشلايير :
هي وورورام اوز ديلمه
دانيش شاعير نه سوسوبسان ؟
سن قارتالسان زيروه لرده
نييه كهليك تك بوسوبسان
آمما ديليم آچيلماق ايسته مير . يئنه ده شعر سئل كيمي هر بير زادي زورلاماق ايسته يير :
گوزلريمده شيمشك چاخير
توكور ياغيش دامجي دامجي
قيفيللانميش بو ديليمين
دانيشماغا يوخدو گؤجو
اوغوجومو بو سودان دولدورورام ، دوْيونجا ايچيرم . گوزومون ياشي قوروماميش ، ياسلي ساوالان شعر مجموعه سيني يارادان اوستاد «بارز » دوشور ياديما . ياسلي ساوالان بير شعردير كي بارز بو آدي كيتابينادا قويوبدور. بو شعر بئله باشلايير :
هر زامان كي باخيرام باشينا قار وار گؤرورم
اوغلو اولموش آنا تك گؤزلرين آغلار گورورم
هر طرفدن چكيليب سينه وه داغلار گورورم
آي آلان اوستونو غم چيسگيني ، هر ياني دومان
آي ياغان باشينا غملر اودو ، ياسلي ساوالان ...
چنلي بئلده «ده لي لر » قوْي يئنه قورسون بوساطي
قوچ كوراوغلو يئنه جولانه گتيرسين قيرآتي
هئچ زامان اصلين ايتيرمز او كي دوزگوندو ذاتي
آند اولا آديوا ، آي گوزلري آغلار – ياشي قان
آي ياغان باشينا غملر اودو ، ياسلي ساوالان ...

بير طرفدن منيم اوره ك دويونتولريم ديگر طرفدن اوستاد بارزين بو ده يرلي شعري گوْلون اط

رافيندا اولانلاري دا ذوقا گتيرير . بيري حزين حزين اوخوماغا باشلايير ، بيري ، بير نئچه باياتي ساوالان حاققيندا سويله يير ، بيري ... آرتيخ بير ساهاتدان چوخدوركي ساوالان لا ، بو اؤزو همه شه آغ اورپگينن بورونن ايلاهه ايله خوسونلاشماقداييق ... سس گلير داها يئنماق زاماني گليب يئتيب ، ساوالان لا وداع لاشين ... اوزومو تورپاغا قويوب ، اولو تانريمدان كي بيزدن ، ساغلامليق نعمتين اسيرگه مه ييب ، تشككور ائديرم . ممد آرازين بو شعري آيريليق زاماني ياديما دوشور :
بلكه بو يئرلره بيرده گلمه ديم
دومان سالامات قال ، داغ سالامات قال
آرخامجا سو سپير گويده بولوتلار
نيسان سالامات قال ، ياغ سالامات قال
همه شه اوجالاردا اولاسيز ، قوي همه شه يوكسكلر سيزين اولسون .

https://t.me/Adabiyyatsevanlar

قاراداغ شاعیرلرینین تانیتیمی ادبیات سئونلر کانالیندا
بو گئجه :98/4/26
ساعات : 22
اوزمان : علیرضا انباز

https://t.me/Adabiyyatsevanlar
👇👇👇👇

قاراداغ شاعیرلرینین تانیتیمی ۹۸/۴/۲۶
اوزمان : علیرضا انبازی

https://t.me/Adabiyyatsevanlar

قاراداغ شاعیرلرینین تانیتیمی ۹۸/۴/۲۶
اوزمان : علیرضا انبازی

https://t.me/Adabiyyatsevanlar

قاراداغ شاعیرلرینین تانیتیمی ۹۸/۴/۲۶
اوزمان : علیرضا انبازی

https://t.me/Adabiyyatsevanlar

قاراداغ شاعیرلرینین تانیتیمی ۹۸/۴/۲۶
اوزمان : علیرضا انبازی

https://t.me/Adabiyyatsevanlar

عدالت دومان
قاراداغ شاعیرلرینین

https;//t.me/Adabiyyatsevanlar

عدالت دومان
قاراداغ شاعیرلریندن

https://t.me/Adabiyyatsevanlar