قیزیل گول حشم اولدو
درمه دیم حشم اولدو
سن گئدندن سئوگیلیم
آغلاماق پئشم اولدو

قیزیل گول اولمایایدی
سارالیب سولمایایدی
بیر آیریلیق بیر اولوم
هئچ بیری اولمایایدی ...

https://t.me/Adabiyyatsevanlar

قیزیل گولو دَره رلر
مندیل اوسته سَره رلر
خوش حالینا او قیزین
سئودیگینه وئره رلر
-
قیزیل گول هاچا بَتدی(بنددیر)
سانا گوءر نئچه بَتدی
چکه یدین من چکن دردی
گوره یدین نئجه درتدی
-
قیزیل گولم آشمارام 
 آشسام دا دولاشمارام
سن دؤولتلی من کاسیب 
من سنه یاراشمارام
—
قیزیل گول اویوم-اویوم 
 دَریم بوینووا قویوم
یاغیش یاغار یئر دویماز 
 من سندن نئجه دویوم؟
—
قیزیل گول اسدی نئینییم 
 صبریمی کسدی نئینییم
دوداق شیرین دیل آجی 
من بئله دوستو نئینییم


https://t.me/Adabiyyatsevanlar

گونبر کندینده قیزیل گول آل وئر ی ائدن علی حاجی زاده ایله دانیشیق

https://t.me/Adabiyyatsevanlar

سایین حاجی زاده عائیله سی گونبر کندینده


https://t.me/Adabiyyatsevanlar

قیزیل گوله عاید بیگی لر
دانیشیر : لیلا ندایی
https://t.me/Adabiyyatsevanlar

عیسی زینی

بو گون
اوزاقلاردا مورگوله ییرم غوربتیمی
یالقیز و کدرلی.
تام اوزون گئجه لر اوره ییمه
هوپارکن
باج آلیر گؤزلریمدن
و کئفلی بیر شاختا دارتینیر فصیللریمه.
من ایسه
بویات خاطیره لری اییسینیب;
کال دویغولاری تامسینیرام.
یالنیز اؤزومو اپریمیش یوللارا آجیقلانیرام.
اوووی اوجوزلوغومداکی عؤمور لاختاسی!
نئجه کئچیندین منی بو سوسقونلوقدا؟!
یوخسا آلنیمین پوزغون یازیسی دیر اوخونان!
یوخسا پلتک دیر بوغازیمداکی بو چیغیرتی!
یوخسا قارا قارقیشدیر او قیزین ساچلارینی ساووران؟!
آه اوقیز!
بیر گؤروش ائرته سی وورولدوم.
یوخومو وارینا باغلادیم
دویدوم یارامازلیغی; اوتاندیم!
سونرا سئیرک باخیشلاریندان سییریله رک
آداخلاندیم آیریلیغا!
ایندی سه
آجیغیم گلیر گئجه نین سوسقونلوغوندان!
آجیغیم گلیر بوتون چیخمازلاردان!
آجیغیم گلیر حیطیمیزده دؤیوشن ایکی یاد بئچه دن !
...آجیغیم گلیر

https://t.me/Adabiyyatsevanlar