🔸سید_حیدر_بیات

ساچلاریندا بیر آتش وار
بارماقلاریم یالنیز
و یالنیز بارماقلاریم
او اودلا آلیشار
اولدوز دوغار اللریم
قارانلیق گئجه‌نین درینلییینده
کدرین درین‌لییینده
ایلدیریم شاخار ساچین
بیز گله‌نجی ایته‌جه‌ییمیز یولو اونونلا تاپاریق
سوچ ساچلاریندا دئییل
یوللاری تاپیریق او آتشلرله
یوللار بیزی بیر یئره گؤتورمور
سؤندور اودلارین هامیسینی
بیر گئجه قارانلیغا قرار وئرک
بیر گئجه یولسوز بیر یولو آددیملایاق سونونا قدَر
بیر گئجه سحَری گؤزله‌مه‌دن
بیر گئجه یولدان بیر شئی ایسته‌مه‌دن
گئدک
گئدک
گئدک
سون دا هر بیریمیز بیر اوزاق یولدان گلدی‌ییمیزی گؤره‌جه‌ییک
اوز-اوزه
قوجاقلاشیب
اؤپوشه‌جه‌ییک
یئنه گئجه
یئنه ساچلارین
ساچلاریندا بیر آتش وار



https://t.me/Adabiyyatsevanlar

یعقوب_نیکزاد

منده دیرچلمه ده اوجقاردا قوجالمیش دلی لر
ائرته دن اوستونو جیرمیش، لووا قالمیش دلی لر

دونن آخشام چاغی چاغداشلادی چاللاشمالارین
هاوا گلمیش باشینا یولدا یاهالمیش دلی لر

آغریسین یُوخلامادی کیم ، یارا قایساقلارینا
گؤزلرین زیلله دی هئی بئینی قارالمیش دلی لر

قولاغی دوشدو سسه، گئتدی چییین لرده آدی
دونیانی، ایت کؤکو تک هئی یولا سالمیش دلی لر

هئچ آییرد اولمادی آغدان قارا، چؤکدوکجه سوکوت
لنگیدی گولمه یینه دردی ساغالمیش دلی لر

قوللاری کؤکسونه چارپاز، اوفاق ایستک لرینین
سئوگی حسرتلی الیندن اییین آلمیش دلی لر


من گؤز آلتی سوزورم روحومو، اول گیزله نه رک
جانیخیب بوی ـ بوخونو آهلا اوجالمیش دلی لر

چوخ گؤزللرله یوووشدوم یئتیشم زیروه لره
آغلیما گلمه دی هئچ دردی چوخالمیش دلی لر

چوخ ایشیق اومما بوغومتول یاشایان پنجره دن
نازلی دوزلوقدا قیلینجین گؤیه چالمیش دلی لر


https://t.me/Adabiyyatsevanlar

شعر وسس : جعفر تانیش
https://t.me/Adabiyyatsevanlar

شماره 13 مجله «غروب» آماده انتشار!
شماره جدید مجله فرهنگی ادبی غروب در 300 صفحه آماده انتشار می باشد. علاقمندان در جهت کمک به نشر آن می توانند مجله را آبونمان و یا آن را به نام خود به افراد و مراکز فرهنگی و دانشگاهی اهدا نمایند. فرم اهدای مجله به پیوست ارائه می گردد.
https://t.me/Adabiyyatsevanlar

طنز بویوک آغا افندی
قونشوموز آخشاملار ایشدن گلنده ماشینین زنجیرله ییر چیراغ برقه سونرا باطریسین، کامپیوترین ، ظبطین ، آینالارین ، جکین ، زاپاسین، آچیر یغیر آپاریر ائوه
دئییرم :قونشو ائله بیل اوغورو چوخالیب ها .
-دئییر :یوخ بابا ، اسلامی مملکت ده اوغرو اولمازکی، بیله یین کسرلر. منیم داشینماغا شوقوم وار بیرگون داشینماسام ار-آرواد گئجه سحره جه گوزوموزو یومماریق .

https://t.me/Adabiyyatsevanlar

🔸سنی_تبریز_بورا_بیر_باغچا_گولوش_____یوللا_منه

🔹شعر:كاميل_قهرمان_اوغلو

🔸سس :

https://t.me/Adabiyyatsevanlar

تار

https://t.me/Adabiyyatsevanlar

شعر : زامان پاشازاده
ترجمه : ثریا خلیق خیاوی

سیلسم گؤزلرینی شعرلریمدن،
بورنونو قیریشدیریب
دوداقلارینی بوزرسن شعیر دفتریمده.

سیلسم بورنونو-دوداقلارینی شعرلریمدن،
ساچلارینین دنیز قارانلیغیندا قارالار دفتریم.
سیلسم ساچلارینی شعیرلریمدن،
هئچ بیر جان هنیرتیسی اولمادان
آغ کاغیذ قالار.
. و من
نه شاعیر نه ده رسسام،
الی قانینلا بولانمیش بیر قاتیل کیمی
یاخالانارام
ساچلارینین سیلینمز عطیرینده
دوستاقلانارام
شعیر دفتریمین سطیرلرینده.
.
ترجمه :

اگر چشمهایت را از شعرهایم پاک کنم
بر بینی ات چین می افکنی
لبانت را بر می چینی در دفتر شعرم.

اگر بینی و لبانت را از شعرهایم پاک کنم
دفترم در سیاهی دریای گیسوانت سیاه می شود.
اگر گیسوانت را از شعرهایم پاک کنم
بی هیچ اثری از حرارت جان
کاغذ سفید می ماند.
و من
نه شاعر و نه نقاش،
مانند قاتلی که دستش به خونت آغشته باشد
دستگیر می شوم
در عطر جاودانه ی گیسوانت
زندانی می شوم
در پشت سطر سطر دفتر شعرم.



https://t.me/Adabiyyatsevanlar

ساری گلین

https://t.me/Adabiyyatsevanlar

🔸شعر:کریم قربانزاده

لطفا مرااز جنگ زبان ورنگ ونژاد معافم کنید،
من عاشق بهارم
باران را دوست دارم‌
به هرزبان که بنویسی
من خورشید و دریارا دوست دارم ...

https://t.me/Adabiyyatsevanlar

✅✅✅سایین قوروپداشلار
بو گئجه :98/3/27
ساعات :22
ادبیات سئونلر قوروپوندا جومله قورولوشو حاقیندا آراشدیرمالار اولاجاق .
اوزمان : اوستاد منصور مظلومی جنابلاری اولاجاقلار.
https://t.me/Adabiyyatsevanlar

جومله قورولوشو 98/3/28
اوستاد : منصور مظلومی

https://t.me/Adabiyyatsevanlar

جومله قورولوشو 98/3/28
اوستاد : منصور مظلومی

https://t.me/Adabiyyatsevanlar

سایین کانالداشلار
چهارشنبه گونلری ادبیات سئونلر کانالیندا یالنیز نثر یازیلارین پایلاشیریق.

https://t.me/Adabiyyatsevanlar

ح . حیدری

"آزان گمی‌لر لیمانی"- رومانی - یاشار بنیاد

...همیشه ایناناردی کی، خئیر شره غالیب گلر؛ نهنگ دیولری، يئددی باشلی اژداهالاری عاغیللا، تمکینله ده مغلوب ائتمک اولار، جیرتدان اولسان بئله. اوشاق اولاندا باباسیندان چوخ ائشیدردی:
- ناغیللاردا بیری اولور، بیری يوخ. حیاتدا ایسه «اولمايان»لار داها چوخدور، لاپ چوخ... هئچ دوشونموسنمی، ناغیللار نیيه خئیرین غلبه‌سی ايله بیتیر؟
- بو کی ياخشیدی.
- البت. ناغیللاردا. آمّا حیاتدا هئچ ده بئله اولمور. منجه، ناغیللاری زور قارشیسیندا عاجز قالان انسانلار تسکینلیک اوچون اويدوروبلار. آغلین گوجويله زورا زور گله بیلمه‌دیکلریندن... بؤيوينده گؤره‌جکسن کی، ناغیللاردا قورخدوغون او «دیولر»، «اژداهالار» اصلینده بیزیم کیمی آداملاردی، بیزیمله عینی هاوانی اودور، بیر شهرده، بیر کوچه‌ده، حتی عینی بینادا ياشايیرلار. باشا دوشدون؟.. ناغیل دوزوب-قوشماغا نه وار کی؟!
- بابا، هیتلر اژداهايدی؟
- ......................
- بابا، سننه‌نم ، هیتلر ده اژداهايدی ؟
- هیتلر؟ او ، اجلاف ایدی!.. ائله استالین ده...
- استالین ده؟ آخی او، فاشیستلره غالیب گلمیشدی؟
- میليونلارلا گناهسیز انسانین اؤلومو باهاسینامی؟.. منیم بالام، بعضاً «اژداهالار» اؤزلری، چوخ واخت دا اوندان اؤز مقصدلری اوچون استفاده ائدن اطرافینداکی عقربلر اونو ملک سیماسیندا تقدیم ائدیر کی، اییرنجلیی، عيبه‌جرلیی، تاخدیغی ماسکانین آلتینداکی «منی» گؤرسنمه‌سین... دنیانی الینده سلاح دؤيوشنلر يوخ، اونلاری اؤز عقیده‌‌سی اوغروندا سلاحلاندیریب اؤلومه گؤندرن بئله اجلافلار اداره‌ ائدیر... بیری‌نین هیککه‌سینه میليونلارلا مظلوم قوربان گئدیر دنیانین ياریسینی قصابخانايا، مزارلیغا چئویرمک قهرمانلیق دئيیل، بالا، فاجعه‌‌دی!. نه قدر کی آجگؤزلوک، منم-منملیک، يئرسیز دیدیشمه‌لر وار، محاربه‌‌لر ده اولاجاق. ایندی ده هر يئرده معناسیز قانلار تؤکولور. اوللر ده ائله‌يدی، ایندی ده. قارداش قارداشین قانینا سوسايیب. هامی قانا يئریکله‌يیب ائله بیل... ان دهشتلیسی اودور کی، انسانلار سئومه‌يی باجارمیر. سئومه‌دن نه ياراتماق اولور کی؟


https://t.me/Adabiyyatsevanlar

"آلقورد"

ساری قیز قیزیل ساچلارینی داراییب یوموشاق جاسینا سرمه یه باشلامیشدی .
قیزیل ساچلار اوزونه ده ییب اونو قیدیقلاییردی .
گؤزلرینی آچیب ساری قیزا باخیب سؤنوندا گلدین دئیه رک آیاغا قالخدی .
چئوره سینه گؤز دولاندیریب کسیلمیش آغاجلارین کؤتوکلرینه باخیب دئدی :آی سیزی گؤروم خئییر گؤرمییه سیز.
بئلینی گؤتوروب باشلادی قازماغا . بیر ایکی ساعات ایشلییندن سونرا قازدیغی یئرلره باخیب دئدی : سانیرام یئتر بیربئله .
اؤتوروب بوقچاسین آچیب پنیر چؤره یین گؤتوروب یئمه یه باشلادی.
بولاقدان سویو اووجونا دولدوروب ایچدی .آیاغا قالخیب فیدانلاری گؤتوروب قازدیغی یئرلرده اکمه یه باشلادی .سونرا دولچانی گؤتوروب بولاقدان سو دولدوروب دیبلرینه تؤکدو .
تانریا شوکور بولار دا بیتسه لر اورمانین یاراسینا آزجیق تسکین وئرر دئییب ،ملزمه لرین گؤتوروب یولا دوشدو.
اوزاقدان توستو گؤروب آمان تانری دئییب اویانا ساری یولون ایدی .یاخینلاشینجا گؤردو کی داغین اته یینده یانقین چیخیب هر شئیی اوتا - اوتا گئدیر .تک باشینا الیندن بیر ایش گلمزدی .هرشئیی الیندن آتیب کنده قاچدی .
کندین یاخینلیغیندا کاتی اونا سسله نیب دئدی :
هه پینتی گئنه نه اولوب هارا بوجور قاچیرسان ؟
داغین یاماجینی اود آلیب هر یئری یاندیرا جاقدیر گئدیرم سؤندورمه یه یاردیم چاغیرام .
کاتی دئدی :سن قونشو کنده گئت من تاپدیغا زنگ ووروم هامینی چاغیرسین .
پینتی دئدی : عمی اود سوندوروگیلره ده زنگ وور.
ساباح سحر چاغی اود سونموشدور .ایکی اوچ کندین اهالیسی ال اله وئریب اود سوندوروگیلرله بیرلیکده بو بؤیوک اژداهانین باشینی ازمیشدیلر .آما یانقینین قارالتیسی اونلارجا هیکتار یئر اولوردو.
هامی اوتوروب نفس آلیردیلار آما ،پینتی بیر طرفده اوتوروب دون اکدییی فیدانلارین کوللرینه باخیب آغلاییردی .


https://t.me/Adabiyyatsevanlar

Xəzər Süleymanlı

Elvin Mirzəzadə

https://t.me/Adabiyyatsevanlar

یالقیزلیق
✍والنتین راسپوتین
چئویرن:سحرخیاوی
اوشاق گوزلرینی آچدی.تاوانین اوستونده یئرییَن بیر بوءجک گوردو.اونا باخیردی.گوءز قویموشدو گورسون هارا گئدیر.بوجک پنجره یه ساری یولا دوشدو.دایانمادان کیچیک آددیملاریلا اوءنه گئدیردی.اوغلان فیکر ائله دی حتما بو بوجکین اوزل یولودو.بلکه دوستلاری بیر یئردن اونا قوشولاجاقلار.امما اوردا باشقا بوجک گوروکموردو.بلکه ده واریدیلار امما تاواندا قاچیشمیردیلار.اوغلانین ماراقی بو قونودان سویروشدو.یاتاقیندان باشین قووزدادی.چاغیردی:"آنا، من اویاندیم"!
کیمسه جاوابلامادی.
-آنا هایانداسان؟من اویاندیم.
یئنه سس سیزلیک...
اوشاق گوزله دی.امما سوکوت سینمادی.یاتاقدان چیخدی.آیاق یالین بویوک اوتاغا قاچدی.چارپایایا،ماسایایا،کیتاب رف لرینه باخدی امما کیمسه او دوره-برده یوخویدو.یالنیز جانسیز شئیلر یئر توتموشدولار.اوشاق آشخانایا قاچدی.سونرا یاتاق اوتاقینا.بوتون بوشویدیلار.بوش آینارلار سایاقی،کیمسه یوخویدو اونلارا باخسین.اوشاق چیغیردی:"آنا!"
سوکوت آغیز آچیب هارایین اوددو.اوشاق اینانمازجا یئنه اوتاقینا قاچدی.یالین دابانلاری و بالاجا آیاق بارماقلاری یئره سالینان فرشین اوستونه قیوریق-قیوریق یووارلاق ایزلر سالدی.
بو کره اوشاق یاواش چاغیردی:"آنا من یوخودان دورموشام.بوردا دئییلسن؟"
سوکوت....
یئنه سوروشدو:"به هارداسان؟"
جاواب گوزله ییردی.یئنه اویان بویانا فیرلاندی.سس گلمه دی.آغلایا-آغلایا قاپینی دووَجله دی.قاپی دینمه دی.دیرسکیله قاپینی دویدو.یالین آیاقلا قاپینی چیرپدی.بارماقی دولاشدی.لاپ اوجادان آغلادی.ایری و ایستی یاش داملالاری گوزلریندن فرشه توکولوردو.آغلایا-آغلایا اوتوردو.اطرافیندا هر نمنه آغلاماغین ائشیدیردیلر امما دینمیردیلر.آرخادان سس ائشیتمه گی اوموردو.امما سس گلمه دی.چوخ واخت کئچدی.داها اوزوده دویغوسون دوشونموردو.
یورولموشدو.لاپدان بیر کسین اوتاقدا اولماغین دوشوندو.قالخیب اطرافینا باخدی.باشقا اوتاقلارا قاچدی.سونرا آشخانایا.یاتاق اوتاقینا.کیمسه گلمه میشدی.هیچقیرا-هیچقیرا قاییتدی.اوزون اللریله توتدو.سونرا اللرین اوزوندن چکیب یئنه اوتاقلارا باخدی.هئچ فرق ائله مه میشدی.چارپایا بوش،ماسا یالقیزیدی.همشه کی کیمی قفسه لرده کیتاب واریدی.امما بویالی قابیقلاری غملی و لال نظره گلیردی.اوشاق فیکره گئدیب اوزویله دئدی:
-داها آغلامیرام.آنا گله جک دای.من قورخماز اوغلانام.
یاتاغا کئچیب یاشلی اوزون یورغانیلا سیلدی.سونرا تلسمه دن یئره سریلمیش اویونچاقلارینی ییغیشدیرماغا باشلادی.بیردن بئینینه بیر ایشیقلی فیکیر گلدی:"آنا من بیر شئی ایستیرم".
بو سوزو دئیه نده آناسی تئزجه اونا ساری قاچاردی.
یئنه تیکرارلادی:"آنا؟"
یوخ او ائوده دئییلدی.داها ایناندی.اوزونه دئدی:"بیراز اویناییم آنا گلر".
اویونچاقلارینا ساری گئتدی.دوشانین گوتوردو.بو قولچاقین چوخ سئویردی.قیچلارینین بیری چیخمیشدی.آتاسی دوءنه لر یاپیشدیرماق ایسته میشدی.امما اوغلان قویموردو.اوچ آیاقلی قالمیشدی.اوغلان دئدی:
"دوشانجیق گل اوینایاق.
دوشان سس وئرمه دی.
-بیلیرم خسته سن.قیچین یارالیدی.اوزوم جورلارام.
اوشاق دوشانی تختین اوستونه اوزالتدی.بیر میخ گوتوروب قارنینا سوخدو.جراحلیق ائله ییردی.
دوشانین سسی ده چیخمیردی.
اوغلان بیراز فیکیرلشدی.بویوک اوتاقا قاچدی.هئچ فرق ائله مه میشدی.یالنیز سوکوت هر طرفده سورونوردو.اوتاق یئللی توپ کیمی ایدی.ایچینده نئچه ماسا،چارپایا،کیتاب...
اوشاق آه چکدی.تختینه ساری قاییتدی.دوشانا باخدی.عملدن چیخمیش قولچاق آرام بالیشدا اوزانمیشدی.اوغلان دئدی:"من دوشان اولوم،سن اوشاق.سن منی عمل ائله".
دوشانی چارپایایا قویوب اوزو تختده اوزاندی.بیر آیاقین قارنینین آلتیندا گیزلتدی.زاریدی.دوشانا دئدی:"من دوشانام قیچیم قوپوب!"
دوشان دینمه دی.
اوغلان قالخیب اوتوردو.اوزو یاشلی و غملی ایدی.دوشانا دونوخوب سوروشدو:"مامان هارا گئدیب؟"
دوشان جاوابلامادی.
-سن یاتمامیشدین کی.بیلیرسن.منه دئه مامان هارا گئدیب؟دوشان دینمه دی.
اوغلان اونوتموشدو دوشان یالنیز بیر قولچاق دیر باشقا قولچاقلاری کیمی.ائله او نایلون کرپیجلری کیمی.او ماشینلاری کیمی.
یئنه سوروشدو:"دئه منه مامان هاردادی".
دوشان دینمه دی.
اوغلان دوشانی فرشین اوستونه توللادی.تختدن اوستونه آتیلدی.باشلادی قولچاقی تاپداماغا.تیکرارلادی:"دئه...دئه...دئه".
نظرینه گلدی دوشان اوچ آیاقلی اولدوغونا الیندن قاچا بیلمیر.اوزو اوسته دوشوب آغلاییر.اَگیلدی قوجاغین دوشانا آچدی.سوروشدو:"به مامان هارا گئدیب؟"
آنسیزین اوغلان حیس ائتدی بیر کیمسه پیلله لردن یوخاری گلیر.چیغیردی:"مامان!"
قاپییا ساری قاچدی.آیاقی چارپایا ایلیشدی.ییخیلدی.قالخیب قولاق آسدی.کیمسه قاپینین دالیندا یوخویدو.یئنه آغلادی.درد و یالقیزلیقدان آغلادی.اونجه دردی تانیمیشدی امما ایلک دوءنه اوچون یالقیزلیقی دا تانیدی.

https://t.me/Adabiyyatsevanlar

▪️تسلیت
دونیا سندن کیملر کئچدی
آلدیغیمیز خبر اساسیندا تانینمیش عالیم دوکتور حسین محمدزاده "صدیقین" عزیز آناسی حیاتا گوز یومودو ادبیات سئونلر بو آجی آیریلیغی محمدزاده ، اسدی عائیله لرینه خصوصیله سایین قوروپداشیمیز ائلدار محمدزاده جنابلارینا تسلیت دئییب باش ساغلیغی وئریر .
ادبیات سئونلر 98/3/29

https://t.me/Adabiyyatsevanlar

اويغونلاشديران: همت_شهبازی

قايناق: دوشرگه ،کيتابليق (درگی): مارت 2003

آيفر_تونچ نارلی باغچا


نارلي باغچاني آختاريرديم.

هانسي جوغرافيايا عايد اولدوغونو بيلسم يوللارا دوشمه‌يه حاضير ایديم. آمما هئچ جور خاطيرلايا بيلميرديم: غربده ايديمي نارلي باغچا، شرقده‌مي؟ اوزون يوللارين اوجوندايديمي، بورنومون ديبينده‌مي؟ ايچيمده ايديمي، چؤلومده‌مي؟ وار ايديمي، يوخ ايدیمي؟
قوزئی و گونییه گئدن يوللاري بؤيوک دنيزلر کسير، يوخولاريمدا سورکلي يئر دييشديرن نارلي باغچانين يولو دا بير گؤرونوب بير ايتيردي. گؤزلريمي يومدوغومدا اؤزومو بعضن نارلي باغچانين قارشيسيندا تاپيرديم، آمما، تام ايچري گيريب 'باغچادا يئنه مؤوسوم دييشميش' دئيه‌جککن اويانيرديم.

اؤزومو يوخولارين سونسوزلوغونا بوراخاراق نارلي باغچاني تاپا بيلميه‌جه‌یيمي آنلايينجا، کيتابخانالارا دادانديم. سويوق و لوش کيتابخانالاردا رف‌لر ههي داراماغا باشلاديم، قالين بولودلارين آراسيندان سوزولن گون ايشيغييلا گيردييم کيتابخانالاردان چيخديغيمدا قارانليق دوشموشدو، هر کس ائوينه چکيليب گئدیردي. اوميدسيزلييه قاپيليرديم، واز کئچمک ایسته‌ییردیم بو آختاريشدان. آمما يوخومدا قارانليقدا اوزانان، ايچيندن آيدين اولمايان اوغولتولارين يوکسلديیي، آرادا بير، بير اولدوزون ايشيغييلا آغاجلاري‌نين بوداقلاري پيريلدايان نارلي باغچاني گؤرونجه هيجانلا اويانير و آختاريشا يئنيدن باشلاماغا قرار وئريرديم.
کيتابخانالاردا بير چوخ دوست قازانمیشدیم. بعضي‌لرييله سحرلر قارشيلاشیرديق. يوسون توتموش کؤهنه داشلارا ال باساراق، آختاريشين داديني چيخارتماق اوچون تلسمه‌دن گئدرکن دوستلاريم سوروشارديلار: 'هله تاپا بيلمه‌دينمی؟' اوميدسيزجه باشيمي يئلله‌يیرديم: 'يوخ. نارلي باغچا يوخدور...' 'واردير،' دئييرديلر، 'آختاريشا داوام ائت.'
من يالنيز نارلي باغچاني آختاريرديم، اونلار هر شئيي آختاريرديلار. بيريني تاپديقلاري آندا تاپديقلاري شئي اونلاري باشقا بير شئيه آپاريردی. بئله‌جه يئني بير شئي آختاريرديلار، تاپديقلاري داغ کيمي ييغيليردي. غيبت ائديرديم اونلارا. بير گون من ده نارلي باغچاني تاپاجاق، آرديندان باشقا بير شئي آختاريشا باشلاياجاغاممي گؤره‌سن؟ دئيه اؤزومدن سوروشوردوم.
منه کِؤمکچي اولماق ايسته‌ييرلر، حتتا منيم اوچون نارلي باغچاني آختاريرديلار توزلو رف‌لرده. بير چوخ نارلي باغچا تاپديلار، آمما هئچ بيري منيم آختارديغيم دئييلدي. 'بومو؟' دئيه سوروشدوقلاريندا اوتانيرديم بو دا دئييل دئمه‌يه. اونلارا زحمت وئردييمي، اؤز آختارديغيم شئيله اونلاري دا مشغول ائتدييمي دوشوندويومو اوزومدن آنلاييرديلار. 'اصلا ها!' دئييرديلر، 'اصلا آختارديغين بو اولماديغي حالدا، ايندي بو، دئمه.'
نارلي باغچاني آختارماقدان امتناع ائتميه‌جه‌یيمي آنلايينجا مني ده آرالارينا آلدیلار يا دا اؤزلویومدن اونلاردان بيري اولدوم. اونلاردان بيري اولونجا، هر قاپي‌نين آرديندا گيزلي و يا آچيق بير کيتابخانا اولماسي احتماليني سئومه‌يه باشلاديم. نارلي باغچاني يالنيز کيتابخانالاردا دئييل، کوچه‌لرده، بازارلاردا، کيتاب سرگي‌لرينده، ايشيقلي دوکانلاردا، نملي زيرزمي‌لرده، سؤزلرده ده آختاريشيم لازيم اولدوغونو اؤيرنديم. کيتابلار، اوخوجولار، يازارلار حاققيندا دوستلاريمين ايضاح ائتديک‌لريني ماراقلا دينله‌مه‌يه باشلاديم.
بير گون کيتابخانادان چيخميشديق، بيرليکده چاي ايچير، صؤحبت ائديرديک. باهار باشي ايدي، گونلر اوزانميشدي، کؤلگه‌لر سويوق ايدي آمما گونش بدنيميزي ايستي‌لشدیريردي. دوکتور مانوک تورکجه، فرانسيزجا، لاتينجا، ائرمنيجه و بؤيوک بير حيصه‌سي ده کؤهنه يازي اولان، هاميسي بير-بيريندن قيمتلي کيتابلاريني تک-تک الدن چيخاريرميش دئيه ائشيتميشديک. نئچه کؤهنه کيتاب ساتان قاپيسينا گئتمیش، هر گون آيري بير قیمت تکليف ائديرميشلر ده، کيتابلاريني بیر یئرده ساتماغا قرار وئرمیش دئييليردي.
سؤز-صؤحبتلره گؤره، هر ايسته‌یه‌نه کيتاب وئرمير، 'نييه بو کيتاب؟' سوالينا ياخشي بير جاواب ايسته‌یيردي. بونونلا کيفايت‌لنمه‌ييب کيتابا توخونوشدان، صحيفه‌لري آچيليشدان، حتتا اوز ايفاده‌سيندن بير معنا چيخارديغي، کيتاب‌پرستين گؤزو توتسا قیمتیندن چوخ آشاغي، حتتا سيمووليک بير قيمته ساتديغي، گؤزو توتمازسا الي بوش گؤندرديیينی دئییردیلر.
دوکتور مانوکو و افسانه‌وي کيتابخاناسيني ايلک دفعه او گون دويدوم.
دوستلاريمين آراسيندا دوکتور مانوکدان کيتاب آلميش يا دا اوزونو گؤرموش اولان يوخ ايدي. آمما هاميسيني درين بير هيجان قوجاقلاميشدي. افسانه‌وي کيتابخاناني گؤره بيلمک، نادير کيتابلارا ال سورتمک اوچون يانيب آلوولانيرديلار. گئتمه‌ليیک، گؤرمه‌لییک، توخونمالييق، اييلمه‌ليیک، اوخشامالييق، سينه‌ميزده باسديرمالييق، اوخومالييق، ازبرلمه‌لييک، آنلامالييق، جاواب تاپمالييق، ايضاح ائتمه‌لييک، ايسته‌مه‌لييک، يالوارمالييق دئي