🔸اوشاق ادبیاتی هرهفته پنجشنبه گونو ادبیات سئونلر کانالیندا

🔹گویچک فاطمانین ناغیلی

https://t.me/Adabiyyatsevanlar

🔸اوشاق ادبیاتی
🔹یالانچی چوبان

شعر : ویدا حشمتی
گونلرین بیر گونونده
شاه عباس دوربونونده
بیر چوبانجیق واریمیش
دوران اونا یاریمیش

خوروز بانی هر سحر
دورارمیش او یوخودان
قویونلاری آغ- قارا
هره‌سی بیر توخودان

یاشیل چمنلیک‌لره
چؤللره آپاراردی
هره‌سی بیر طرفده
اونلاری اوتاراردی

بیزیم بو چوبان بالا
بیراز لوغاز بازاییمیش
اوخویاردی دوزلرده
چوخلو کئفی سازاییمیش

بیرگون داریخار چوبان
دئیر قویوم باش ، باشا
دوستلاریمی اوینادیم
هامی ایشیمدن چاشا

هارای لایار تئز گلین
چاتین منیم دادیما
قوزولاری قورد یئدی
یئتیشین فریادیما

هر کس الینده آغاج
یاردیمینا قاچارلار
گولر گؤروب چوبانی
ایشیندن باش آچارلار

یولداشلاری اینجیییب ،
قاشلارینی آسمیشلار.
نه دن اونا اینانیب ،
اونا قولاق آسمیشلار ؟

گونلرین بیر گونونده
بیزیم بو چوبان گئنه
هارایلایار،های لایار
گلین یاردیما دئیه

هامی قاچار یاردیما
یاخینلاشیب قالارلار
چوبان یالان هایلامیش
گئنه اونا قانارلار

اوشاقلار آییق اولون
یاخشی ایش دییل یالان
هر شئیین قایداسی وار
دوزلوک دور بیزه قالان

بیر گون بیر قوردون یولو
بو چیمنلیکدن دوشدو
کؤکسون شیشیردیب دئدی
چوخداندیر قارنیم بوشدو

بیر هوژم ائدر سورویه
قورخودار قویونلاری
دیشلرین قیجیردادیب
باشلایار اویونلاری

چوبان گئنه های وئرر
چاتین منیم دادیما
قوزولاری قورد یئدی
یئتیشین فریادیما

بیلیرسیز آی اوشاقلار
بو چوبانا نه اولور؟
قورد سورنو بودارلیر
گؤزلری یاشلا دولور .

ایری اوتور دوز دانیش
دئییب آتالاریمیز
یالان بره بیتیرمز
دئییب آنالاریمیز.


https://t.me/Adabiyyatsevanlar

🔸اوشاق ادبیاتی
🔹ال اله دویمه چه له
مقصود تقی زاده ( هریس)

بو تیرینگه هریسده بئله دیر: اوشاقلار؛ اؤزللیک له قیز اوشاقلاری ال - اله وئریب یورویرکن بئله اوخویارلار:
ال- اله
دویمه چه له
بابام گئدیب باشماق آلا
بی تای سنه
بی تای منه
آسیه خالا پیس ( بونو دئیرکن اوشاقلار هامیسی چؤنبه لن اوتورارلار. سونرا یئنه دوروب همن سؤزلری تکرار ائدرلر)
https://t.me/Adabiyyatsevanlar

🔸اوشاق ادبیاتی
🔹حیوانلار لا مئهربان اولاق.

https://t.me/Adabiyyatsevanlar

🔹جمعه بازار
🔸ذکیه ذولفقاری.
🔹پپسی آچماق
جانیم سیزه دئسین، قدیم زامانلار، سیزین چوخونوز چورگه"په- په" دئین واختلار، سیزدن هیس توز قوپمایان چاغلار، یای اولاندا، ائو خانیملاری، ایت مصیبتیله شربت دوزلدردیلر. شوشه بانکالاردا ایشکافا، رفه قویاردیلار. یا دا  سرین قالسین دئیه سله‌ده سو قویوسونا  ساللاییردیلار.   او زامانلار خانیملار قوناقلارینی بو شربتلرله قارشیلایاردیلار.
سونرالار خارجیلر گلدیلر، ایراندا پپسی و کانادادرای کرخاناسی قویدولار.  او واختلار بو ایچگیلر فانتزی و لوکس ساییلاردی و هامی‌نین  ألی اونلارا یئتیشمیزدی.  یالنیز وارلیلار، دؤولتلیلر آلیب سویودوجویا قویاراق پوز وئرردیلر.
بیزیم قونشوموزون بیری تازا «ارج» مارکالی بیر سویودوجو آلمیشدی. اونا گؤره ده سئوینجیندن یئره گؤیه سیغمیردی.
 حیطه چیخیب سسلردی:
 - اکیه‌م! کانادیایلایی یودون؟( اکرم ! کانادالاری یودون؟)
 - بلی مامان.
 - پپسی‌له‌یده یو، قوی یخجالا. ایندی ائوه قوناق گلجاق اونا بیر پپسی آچاق.
قوناغی عزیزله‌سینلر دئیه پپسی‌نین قاپاغینی آچیب  مژمئیه قویاردیلار. بیر لیوانا دا بوز سالیب قوناغین اؤنونه آپاراردیلار. سونرا أیلشیب  باشلاردیلار  قوناغی تعریفله‌مه‌یه:
«آی سنین باشین شاه باشینا بنزه‌ییر؛ گؤی آچیلیب سن دوشموسن یئره؛  قاشین بئله، گؤزون بئله، ... »
اونا گؤره ، ایندی بیری بیرینی تعریفله‌ینده دئییرلر:
« پپسی آچیر.»
آللاهدان گیزلین دئییل سیزدن نه گیزلین،  پپسی آچمالار ائله آداما یاپشیرها... اؤلویه حالوا یاپیشان کیمی! سرین پپسی جییرلری جانلاندیریر. هردن یاغ کیمی جانا یاتیر. اؤلویه حالوا بئله یاپیشماز واللاه! یالاندان اؤیولدویونو هئچ آنلامیر آدام . تعریفلر فرحلندیریب گؤیلره اوچوردور آدامی. دئییرم بلکه ائله گؤیده اوچانلارا پپسی آچیبلار!
 نولار آبالا! قورو سؤزدو دای مالیاتی ندی؟ او پپسیلری هردن یخجالدان چیخاریب آچین لطفا ! ایتر یئره گئتمز. بیردن گوررسن طرف ده دؤنوب سنه بیرگازلی و شیرین پپسی آچدی.!

https://t.me/Adabiyyatsevanlar

جمعه بازار
بین الخالق زالی ( آلبینیسم ) گونو

https://t.me/Adabiyyatsevanlar

🔸جمعه بازار

🔹طنز بویوک آغا افندی
خبر
‏آگهی عجیب فروش شهاب سنگ منظومه شمسی، به قیمت یک میلیارد تومان در سایت ‎دیوار!

🔸او بیرزاد دئییل کی بالا گل گئجیل قاپی سینا، قفه خانادا ایکی عاشیق هره سینین الینده مئتیر یاریم تسبئیح میرریخدا یئر آل -وئری ائلییرلر.
گئت قیخ مئتیره، یوزنفر دوزولوب دووارین دیبینده سامان یولونو ساتیرلار .اوزوده بیر میلیاردا یوخ لاپ پوفونه ، موفته . بسته سی اون مینه .
گل منبئحه ، سئرچه نی بویاییب لاکچری بولبول عوضینه ائله باسیرلار آداما اون ایلدن سونرا سسی چیخیر .
بیزدن دئمک باها آلمایین ، سونرا دئمه یین آغا بویوک آغا دئمه دی ها .

https://t.me/Adabiyyatsevanlar

جمعه بازار
آرشین مال آلاندان سئکانسلار.

https://t.me/Adabiyyatsevanlar

جمعه بازار
یالقیزام ، یالقیز
اوخویور : رشید بهبوداوو

https://t.me/Adabiyyatsevanlar

جمعه بازار
🔸خبر


اوشاق و یئنی یئتمه ادبیاتی اوزره چالیشان شاعرلر، یازیچیلار، رساملار و ناشرلرین ۶۵.جی جلسه سی  تبریزین مرکزی کتابخاناسیندا صاباح (شنبه: ۹۸/۳/۲۵) ساعات ۴-۶ قورولاجاق. بو جلسه لرده هر هفته بیر موضوع سئچیلیر، سونکی جلسه ده همان موضوعدا یارانان اثرلر  ارایه وئریلیر، نقد اولور. بو جلسه نین موضوعو: ال سئچیلیب دیر.
بوتون ماراقلانانلار جلسه لره قوشولا بیلرلر.

https://t.me/Adabiyyatsevanlar

▪️تسلیت
یاد یاران یاد باد
دوستان عزیز آقای دکتر‌علی دینی, جناب اقای نوروزی
مصیب وارده را به شما وسایر داغ دیدگان وبستگان مرحوم تسلیت عرض می کنیم .
ادبیات سئونلر 98/3/24

https://t.me/Adabiyyatsevanlar

جمعه بازار
سیز آللاه بو رئکلامی اوخ یون طرف آق شعرلرین 2,000,000,000 تومنه ساتیری .
عینی خبری گوندردیک بویوک آغا افندیه بئله جواب یازدیلار .

بسمه تعالی
یوبانمیسان بالا،
بو زیرک لیک ده نئچه قارداشسینیز ؟
اولان رحمتلیین اوغلو بئیه قویون - قوزودور ، یئرآلمادیر- سوغاندیر، ندیر... ایکی میلیارد تومن قیمت قویوبسان ؟
من اوزومکی آمریکانین بئشینجی دیره ییم بوتون شعرلریمی موگرینی اوخویار وئریر ترزامییه او اوخویور وئریر مکرونا ..‌ یازیلاریمی هامی سینی نیم داشت کت شالواریملا بیرلیکده گجیلده اون بئش مینه حراج ائله دیم اون مینه آلان اولمادی .
سن نوبارین گتیریبسن؟
یا فیکیرائلیرسن شعیر چوخ ماتاه بیرزاددیر؟ قاچ گئت اوز قاپینیزدا اوینا ، اگر بک پول لازیمین دیر گئت بانک لارین بیرینی چاپ ...تبریزده بو سوزلردن دئسن وورآلار آدامین قارینی جیریلار .شعرده پول وئره لر؟
رحمتلیین اوغلو سوزوچویا یالواریریق دیوانیمیزی سوزی باغلاماغا آلمیر.

https://t.me/Adabiyyatsevanlar

مجازی انجمن " سسلی شعیر گئجه سی "

سایین قوروپداشلار
بو گئجه: 98/3/25
ساعات : 22
ادبیات سئونلر قوروپوندا مجازی انجمن ( سسلی شعیر گئجه سی) اولاجاق بو وئرلیش عینی زاماندا ادبیات سئونلر کانالیندان یایلاجاق سئویملی شاعیرلری ، گوزل سسلی دیکلاماتورلاری آذربایجان شعرینین هوسکارلارین سیجاق قاتیلماغا دعوت ائدیریک .

https://t.me/Adabiyyatsevanlar

ممد_آراز

یئنه گؤزون دولو، اوره‌یین دولو
تسللی سنین‌دیر، گیلئیلر منیم
واللاه، اؤز ایچیمده اؤز دردیم دولو
واللاه، بو گیلئیلر کول ائیلر منی..

گؤزوندن اووجونا آرخ آچدین، یئتر
أل آتسان، چیچک‌لر، سولار قورویار
اؤزونون یانقیسی اوجاقدان بئتر
بولودلار قورویار، سولار قورویار..

من ندن یاپیشیم، ندن بارینیم
گؤزلرین واریثی گؤز یاشلاریدیر
قادین زینه‌تی‌نین، قادین وارینین
اوجوز میرواریسی گؤز یاشلاریدیر..

هله دوسلاریم وار ألی قولومدا
بیر درده ایتییم، بیر درده توشام
گئجه‌دن_گؤندوزه گئدن یولومدا
بو گؤز یاشلارینا چوخ اودوزموشام..

گؤردوم گولوشوندن گولاب یاغانی
بیر گؤزو قیزیلدی بیر گؤزو گوموش
دویدوم بیر مقامدا او آغلاغانی
گؤزو آغلایاندا قلبی گولورموش.!

دردیله، غمیله قوشا یاتدیغیم
او نئجه نفسدی، او نئجه سسدی...
بؤدوریب آشاندا أل اوزادیغیم
دیکه‌لیب قالخاندا ألیمی کسدی...

ییخیلدیم، ییخانا قاهمَر دوردولار
او گؤز یاشلارینا ایناندیقلاریم...
گؤزومده هورومچک تورو قوردولار
او گؤز یاشلارینا ایناندیقلاریم..

قووی بئله نه اودوم، نه کؤزوم اولسون
آییل بو طعنه‌لی سؤز داشلارینا...
گؤتور گؤزلریمی، دؤرد گؤزون اولسون
آغلاما، قورخورام گؤز یاشلاریندان...

هله دوسلاریم وار، ألی قولومدا
بیر درده ایتییم، بیر درده توشام
گئجه‌دن_گونوزده گئدن یولومدا
بو گؤز یاشلارینا چوخ اودوزموشام...


https://t.me/Adabiyyatsevanlar

سسلی شعیر گئجه سی 98/3/25
شعیر : رحیم سلمان اوف
سس : ویدا حشمتی

https://t.me/Adabiyyatsevanlar

سسلی شعیر گئجه سی 98/3/25
شعیر و سس : سحرخیاوی

https://t.me/Adabiyyatsevanlar

سسلی شعیر گئجه سی 98/3/25
شعیر : ثریا بخشی(آیلار)
سس : تاران زنگانلی

https://t.me/Adabiyyatsevanlar

سسلی شعیر گئجه سی 98/3/25
شعیر و سس : آقای حمیدی

https://t.me/Adabiyyatsevanlar

سسلی شعیر گئجه سی 98/3/25
شعیر : بهروز صدیقی
سس : ائلناز کریم پور

https://t.me/Adabiyyatsevanlar

سسلی شعیر گئجه سی 98/3/25
شعیر و سس : منیژه جم نژاد

Https://t.me/Adabiyyatsevanlar

سسلی شعیر گئجه سی 98/3/25
شعر : جلیل جاوانشیر
سس : آینار تبریزلی

https://t.me/Adabiyyatsevanlar