طنز بویوک آغا افندی .

بیزیم آغا جانین سوزلری قیزیل سویویلا یازمالیدیر.
کیشی چوخ دونیا گورموش آدامیدی سوزون لاپ جوهرین چکردی ، رحمتلیک ائله بیل دوننیدی با دئییردی :
اوغلول آچ قولاغینی ائشیت، مندن دئمک، درس اوخوماسان بدبخت اولاجاقسان .ایسته سن خوشبخت اولاسان گرک یاخشی درس اوخویاسان .
کلاسیمیزدا بئش نفر خوشبخت ،ایگیرمی نفربدبخت، اون نفر زیر بدبخت واریدی .
زیربدبخت لر بئشی قورتارمامیش، درسی بوراخدیلار.
بدبختلرین چوخو سوم راهنمایی دن اکیلدیلر، بیرایکی نفری ده دیپلم آلدی.
بیز بئش نفر خوشبخت، بیریمیز دوکتور دوردوموز مهندیس اولدوق.
لاپ خوشبختمیز، مهندیس صمد خوشبخت نیا ایدی کی، بیزیم هاممیزدان چوخ بیلردی او اذهان عمومی نی تشویش ائله دی! ایندی اون ایلدیر زینداندادیر.
آغا دوکتورتورج خوشبخت زاده، ایکی ایل دیر چپیش دره سینده طرحین کئچیریر.
بنده بویوک آغا خوشبخت تبریزی، بئش ایل بئکار قالاندان سونرا، زیر بدبخت لرین بیرینین، نمایشگاهیندا چای وئریرم! هردن ده بیر ماشین ساتاندا، زیربدبختلرین بیریندن انعام آلیرام ،
مهندیس یعقوب خوشبخت اصل، دوستو حاج ماحمود بدبختین آژانسیندا، ایشلییر ،
مهندیس ایرضا خوشبخت اوغلو خوشبخت، زیر بدبخت اوستا موحسونون شاییردی دیر.
مهندیس سیامک خوشبخت پورسرد رودی، آغاجانینین توکانیندا هرگون اون خلوار فرشی آچیر، بوکور .
هردن آغا جانیمین قیزیل سوزلری یادیما دوشر، دئییرم :کیشی آللاه سنه رحمت ائله سین .
رحمت لیک دیری اولسایدی گورردی فرمایشینی وئرمیشم بدبخت لرین بیری گوزل نستعلیق خطی ایله یازیب، وورموشام اوتاغیما بلکه اوغلومدا خوشبخت اولدو...

https://t.me/Adabiyyatsevanlar

ادیسون دان بویوک بیر درس
چئویروی سما

https://t.me/Adabiyyatsevanlar

ادیسون‌دان بؤیوک بیر درس
چئویردی: سما
«ادیسون»، لامپی اختراع ائدندن سونرا، قوجالیق چاغلاریندا، آمریکانین ان زنگین آدام‌لاریندان ساییلیردی. او، آشار- داشار گلیری‌نین هاممیسینی بؤیوک و تجهیزات‌لی لابوراتوارینا خرجله‌یردی. بو وسعتلی لابوراتوار ادیسون-ون عشقی ایدی. اوردا هر گون، بازارا گؤندرمک اوچون یئنی بیر اختراع ایجاد یا دا تکمیل اولاردی.
بیر گون، گئجه یارایسی یانغین سؤندورن تشکیلاتیندان ادیسون-ون اوغلونا زنگ ائدیب خبر وئردیلر آتاسی‌نین لابوراتواری اود توتوب، یانغین‌لار ایچینده‌دیر. هئچ‌کیمین ده الیندن بیر ایش گلمیر، یانغین سؤندورن‌لر ده آنجاق تلاش ائلیرلر اود او بیری بینالارا سیرایت ائلمه‌سین.
اونلار ادیسون-ون اوغلوندان ایستیردیلر مؤوضوعو اویغون بیر تهرده قوجا آتاسینا یئتیرسین. اوغول بئله فیکیرلشدی کی، قوجا آتاسی بو خبری ائشیدینجه چوخ احتیمال سکته ائده‌جک، بونا گؤره ده اونو اویاتمادی، اؤزو عجله ایله حادیثه‌ یئرینه گئتدی و حئیرت‌لر ایچینده گؤردو قوجا آتاسی لابوراتوارین قارشیسیندا بیر صندل اوستونده اوتوروب، بوتون عؤمرونون حاصیلی‌نین یاندیغینی سئیر ائدیر! اوغول قاباغا گئتمه‌دی، آتاسینی اینجیتمک ایستمه‌دی. او بئله دوشونوردو کی، آتاسی عؤمرونون ان پیس لحظه‌لرینی یاشاییر او آن.
بیردن ادیسون باشینی دؤندریب، اوغلونو گؤردو. او سئوینج دولو اوجا بیر سسله دئدی:
-سن بورداسان اوغول؟! گؤرورسن می نئجه گؤزل‌دیر؟! آلوولارینی رنگ‌لرینی گؤرورسن می؟! حیرت ائدیجی‌دیر! سانیرام او بنفش شعله‌لر گوگورد-ون فوسفور یانیندا یانماقدان حاصیل اولوب. آللاهیم، چوخ گؤزل‌دیر! کئشکی آنان دا بوردا اولایدی بو گؤزل منظره‌نی گؤره‌یدی!
چوخ آزاراق آدام عؤمرونده بئله بیر گؤزل منظره‌نی گؤره‌جک قدر شانسلی اولار. سن نئجه دوشونورسن اوغلوم؟!
اوغلو مات- مبهوت، آتاسینا دئدی:
-آتا! بوتون یاشاییشین اودلار ایچینده یانیر، سن ایسه آلولارین گؤزل رنگیندن می دانیشیرسان؟ نئجه بونو ائده بیلیرسن؟! منیم بوتون اعضای بدنیم تیتره‌ییر، سن نئجه بئله قانی‌سویوق‌جا اوتورموسان؟!
آتاسی دئدی:
-اوغلوم! من- سنین الیمیزدن بیر ایش گلمیر. مامورلار دا کی ال‌لریندن گلنی ائدیرلر. بو آن، ان یاخشی ایش، بیر داها تکرار اولمایان منظره‌دن لذت آپارماق‌دیر. لابوراتوار قونوسونا گلینجه، اونو اونارماغا یا دا یئنی‌دن تیکمه‌یه یارین (فردا) فیکیر چکه‌ریک. ایندی اونون سیراسی دئییل! گؤزل آلوولارا باخ، بیر داها بئله بیر امکان اَلیوه گلمیه‌جک!
یارین سحر، توماس ادیسون خرابه‌لره باخیب، دئدی: «بلالارین چوخ فایدالاری دا وار. بیزیم بوتون اشتباه‌لاریمیز بو یانغین‌دا یاندی. آللاها شوکورلر اولسون کی، باشدان باشلایا بیله‌ریک.
توماس آلوا ادیسون، بیر ایل سونرا گینه ده یئنی لابوراتواریندا چالیشماقدا ایدی. او، همن ایل بشریت‌ین ان بؤیوک اختراع لاریندان اولان «سس ضبطی»نی دونیایا تقدیم ائله‌دی. ادیسون، بیر ایل یانغین اولاییندان سونرا گرامافون-و اختراع ائله‌دی.

https://t.me/Adabiyyatsevanlar

🔻تصاوير ديده نشده آذربايجان پس از نيم قرن
🔸«از کرانه‌های ارس» روي ديوار دنا

نمایشگاه عکس‌های «حبیب فرشباف» با عنوان «از کرانه‌های ارس» از 24 خرداد در گالری دنا در تهران افتتاح می‌شود.
روشن نوروزي كيوريتور «از كرانه‌هاي ارس» گفت: «در این نمایشگاه که توسط آژانس عکس ایران‌ایمیجز برگزار می‌شود، 40 فریم منتخب از مجموعه عکس‌های حبیب فرشباف از روستاهای دورافتاده آذربایجان در دهه 40 شمسی به نمایش گذاشته می‌شود.»
نوروزي در معرفي عكاس اين مجموعه گفت: «حبیب فرشباف در تیرماه سال ۱۳۴۲ پس از گرفتن دیپلم طبیعی به عنوان معلم سپاه دانش به روستاهای دورافتاده قره‌داغ آذربایجان رفت و تا سال 1353 در آنجا ماندگار شد. در آن زمان بیش از نیمی از روستاهای این منطقه معلم نداشت، جاده‌ها ماشین‌رو نبودند و برای رسیدن به این روستاهای دورافتاده باید مسیر 10-12 ساعته‌ای را پیاده یا با قاطر طی می‌کردند. حبیب فرشباف در مدت زمان حضورش در این روستاها با یک دوربین لوبیتل از زندگی روستائیان و رویدادهای آن زمان عکاسی کرده است.»
كيوريتور «از كرانه‌هاي ارس» اضافه كرد: «مجموعه عکس‌های حبیب فرشباف بیش از 500 فریم نگاتیو قطع متوسط سیاه و سفید هستند که در دو سال گذشته توسط آژانس عکس ایران‌ایمیجز گردآوری، اسکن و ترمیم شده‌اند و حالا 40 فریم منتخب از این عکس‌ها در معرض دید عموم قرار می‌گیرند.»
روشن نوروزی گفت: «براي آماده‌سازي این نمايشگاه پیمان هوشمندزاده به عنوان مشاور پروژه و عاشیق چنگیز مهدی‌پور براي آماده‌سازی موسیقی‌ها همکاری کرده‌اند. پریسا هاجری و کسری زاهدی اسکن، ترمیم و بازسازی نگاتیوها را برعهده داشته‌اند، مسعود حاج‌جعفری‌زاده پُست‌پراسس عکس‌ها را انجام داده و مجید پرست‌تاش نیز بر چاپ عکس‌ها نظارت داشته است.»
نمایشگاه «از كرانه‌هاي ارس» روز 24 خرداد 1398 در گالري دنا افتتاح می‌‎شود و علاقه‌مندان می‌توانند تا 3 تیر 1398 از ساعت 16 الی 20 براي بازدید به نشاني میدان فردوسی، خیابان سپهبد قرنی، بعد از چهارراه طالقانی، کوچه سوسن، پلاک 4مراجعه كنند.

https://t.me/Adabiyyatsevanlar

اوشاق ادبیاتی
هرهفته پنجشنبه گونو ادبیات سئونلر کانالیندا
اوشاق ادبیاتینا دایر یازیلارینیزی بیزه گوندرین

https://t.me/Adabiyyatsevanlar

🔸اوشاق ادبیاتی هرهفته پنجشنبه گونو ادبیات سئونلر کانالیندا
🔹شاعیر: خسرو باریشان

"قویوق"

گؤی قویوغون اوستونده
نئچه بالیق چکدیم من.
قویوق دنیز اولوردو
اونو من پوفله‌ییرکن!

شپه‌لرله بالیقلار
بؤیوردولر، شیشدیکجه!
هویوخدوم قویوق آغزین
تئز باغلدیم ساپ‌ایله.

یئل اسدی، ساپ زویوشدو؛
الیمدن قاچدی قویوق!
حالیمی گؤروب گولدو؛
“-قید..، قید...” دئدی چیل تویوق!

بو نئجه ایش ایلاهی؟
دنیز گؤیده اوچوردو..!
بالیق گون ایشیغیندا
یئره ایشیق ساچیردی..!

https://t.me/Adabiyyatsevanlar

🔸اوشاق ادبیاتی
🔹شاعیر : شهرام گلکار



"نغمه" دفتره
رسیم چکیردی
سیرغا چکیردی
آغاج چکیردی

یاغیش چکیردی
یاغمور چکیردی
سیچووول، سیغین
آیغیر چکیردی

ریز-ریز میغ-میغا
یئکه-یئکه داغ
دفتره سیغان،-
ییغجام گؤزل باغ

آغا چکیردی
آغلار چکیردی
آغری چکیردی
فاغیر چکیردی

قوما چکیردی
زیغا چکیردی
سولا چکیردی
ساغا چکیردی

نغمه دینله‌مز
ائللر چکیردی
آللاه بیلر او،-
نه‌لر چکیردی...

https://t.me/Adabiyyatsevanlar

اوشاق ادبیاتی
آی اوشاقلار ال اله
اوخویور : یعقوب ظروفچی

https://t.me/Adabiyyatsevanlar

🔸اوشاق ادبیاتی
🔹شاعیر: سحرخیاوی


"کئشگه سئرچه اولایدیم"

آیسَل حَیَط لرینده
ماوی گوءیه باخیردی
سئرچه لری گوءرنده
کوءنلو آرزو توخوردو

دئدی: کئشگه اللاهیم
من ده سئرچه اولایدیم
بوداقلاردا گزه یدیم
ماوی لیک ده قالایدیم

بیر گون دوشوندو آیسَل
چیگنیندن قاناد بیتیب
اولوبدو بیر کیچیک قوش
اوءزو بو قوشدا ایتیب

آیسل گویون اوزونده
قوشلاریلا اوچوردو
هر یئره ایسته ییردی
فوری قاناد آچیردی

اوچماق دان یورولاندا
بیر بوداق دا اوتوردو
اوره ک دن سئوینیردی
آرزوسینا چاتیردی

لاپدان بیر پیشیک گلیب
آغاج اوسته دیرماشدی
یازیغ سئرچه آیسل ین
قورخودان رنگی قاشدی

قاناد آچدی هوءله سک
چیغیریب تخت دن دوشدو
دئدی:تانری شوکورلر
یالنیز یوخو گورموشدو!!

https://t.me/Adabiyyatsevanlar

🔸اوشاق ادبیاتی
🔹حیوان تانیتمی
سلام گوزل بالالار بیلیرسینیز من کیمم ؟
من هاردا یاشارام ؟

https://t.me/Adabiyyatsevanlar

🔸اوشاق ادبیاتی هرهفته پنجشنبه گونو ادبیات سئونلر کانالیندا

🔹گویچک فاطمانین ناغیلی

https://t.me/Adabiyyatsevanlar

🔸اوشاق ادبیاتی
🔹یالانچی چوبان

شعر : ویدا حشمتی
گونلرین بیر گونونده
شاه عباس دوربونونده
بیر چوبانجیق واریمیش
دوران اونا یاریمیش

خوروز بانی هر سحر
دورارمیش او یوخودان
قویونلاری آغ- قارا
هره‌سی بیر توخودان

یاشیل چمنلیک‌لره
چؤللره آپاراردی
هره‌سی بیر طرفده
اونلاری اوتاراردی

بیزیم بو چوبان بالا
بیراز لوغاز بازاییمیش
اوخویاردی دوزلرده
چوخلو کئفی سازاییمیش

بیرگون داریخار چوبان
دئیر قویوم باش ، باشا
دوستلاریمی اوینادیم
هامی ایشیمدن چاشا

هارای لایار تئز گلین
چاتین منیم دادیما
قوزولاری قورد یئدی
یئتیشین فریادیما

هر کس الینده آغاج
یاردیمینا قاچارلار
گولر گؤروب چوبانی
ایشیندن باش آچارلار

یولداشلاری اینجیییب ،
قاشلارینی آسمیشلار.
نه دن اونا اینانیب ،
اونا قولاق آسمیشلار ؟

گونلرین بیر گونونده
بیزیم بو چوبان گئنه
هارایلایار،های لایار
گلین یاردیما دئیه

هامی قاچار یاردیما
یاخینلاشیب قالارلار
چوبان یالان هایلامیش
گئنه اونا قانارلار

اوشاقلار آییق اولون
یاخشی ایش دییل یالان
هر شئیین قایداسی وار
دوزلوک دور بیزه قالان

بیر گون بیر قوردون یولو
بو چیمنلیکدن دوشدو
کؤکسون شیشیردیب دئدی
چوخداندیر قارنیم بوشدو

بیر هوژم ائدر سورویه
قورخودار قویونلاری
دیشلرین قیجیردادیب
باشلایار اویونلاری

چوبان گئنه های وئرر
چاتین منیم دادیما
قوزولاری قورد یئدی
یئتیشین فریادیما

بیلیرسیز آی اوشاقلار
بو چوبانا نه اولور؟
قورد سورنو بودارلیر
گؤزلری یاشلا دولور .

ایری اوتور دوز دانیش
دئییب آتالاریمیز
یالان بره بیتیرمز
دئییب آنالاریمیز.


https://t.me/Adabiyyatsevanlar

🔸اوشاق ادبیاتی
🔹ال اله دویمه چه له
مقصود تقی زاده ( هریس)

بو تیرینگه هریسده بئله دیر: اوشاقلار؛ اؤزللیک له قیز اوشاقلاری ال - اله وئریب یورویرکن بئله اوخویارلار:
ال- اله
دویمه چه له
بابام گئدیب باشماق آلا
بی تای سنه
بی تای منه
آسیه خالا پیس ( بونو دئیرکن اوشاقلار هامیسی چؤنبه لن اوتورارلار. سونرا یئنه دوروب همن سؤزلری تکرار ائدرلر)
https://t.me/Adabiyyatsevanlar

🔸اوشاق ادبیاتی
🔹حیوانلار لا مئهربان اولاق.

https://t.me/Adabiyyatsevanlar

🔹جمعه بازار
🔸ذکیه ذولفقاری.
🔹پپسی آچماق
جانیم سیزه دئسین، قدیم زامانلار، سیزین چوخونوز چورگه"په- په" دئین واختلار، سیزدن هیس توز قوپمایان چاغلار، یای اولاندا، ائو خانیملاری، ایت مصیبتیله شربت دوزلدردیلر. شوشه بانکالاردا ایشکافا، رفه قویاردیلار. یا دا  سرین قالسین دئیه سله‌ده سو قویوسونا  ساللاییردیلار.   او زامانلار خانیملار قوناقلارینی بو شربتلرله قارشیلایاردیلار.
سونرالار خارجیلر گلدیلر، ایراندا پپسی و کانادادرای کرخاناسی قویدولار.  او واختلار بو ایچگیلر فانتزی و لوکس ساییلاردی و هامی‌نین  ألی اونلارا یئتیشمیزدی.  یالنیز وارلیلار، دؤولتلیلر آلیب سویودوجویا قویاراق پوز وئرردیلر.
بیزیم قونشوموزون بیری تازا «ارج» مارکالی بیر سویودوجو آلمیشدی. اونا گؤره ده سئوینجیندن یئره گؤیه سیغمیردی.
 حیطه چیخیب سسلردی:
 - اکیه‌م! کانادیایلایی یودون؟( اکرم ! کانادالاری یودون؟)
 - بلی مامان.
 - پپسی‌له‌یده یو، قوی یخجالا. ایندی ائوه قوناق گلجاق اونا بیر پپسی آچاق.
قوناغی عزیزله‌سینلر دئیه پپسی‌نین قاپاغینی آچیب  مژمئیه قویاردیلار. بیر لیوانا دا بوز سالیب قوناغین اؤنونه آپاراردیلار. سونرا أیلشیب  باشلاردیلار  قوناغی تعریفله‌مه‌یه:
«آی سنین باشین شاه باشینا بنزه‌ییر؛ گؤی آچیلیب سن دوشموسن یئره؛  قاشین بئله، گؤزون بئله، ... »
اونا گؤره ، ایندی بیری بیرینی تعریفله‌ینده دئییرلر:
« پپسی آچیر.»
آللاهدان گیزلین دئییل سیزدن نه گیزلین،  پپسی آچمالار ائله آداما یاپشیرها... اؤلویه حالوا یاپیشان کیمی! سرین پپسی جییرلری جانلاندیریر. هردن یاغ کیمی جانا یاتیر. اؤلویه حالوا بئله یاپیشماز واللاه! یالاندان اؤیولدویونو هئچ آنلامیر آدام . تعریفلر فرحلندیریب گؤیلره اوچوردور آدامی. دئییرم بلکه ائله گؤیده اوچانلارا پپسی آچیبلار!
 نولار آبالا! قورو سؤزدو دای مالیاتی ندی؟ او پپسیلری هردن یخجالدان چیخاریب آچین لطفا ! ایتر یئره گئتمز. بیردن گوررسن طرف ده دؤنوب سنه بیرگازلی و شیرین پپسی آچدی.!

https://t.me/Adabiyyatsevanlar

جمعه بازار
بین الخالق زالی ( آلبینیسم ) گونو

https://t.me/Adabiyyatsevanlar

🔸جمعه بازار

🔹طنز بویوک آغا افندی
خبر
‏آگهی عجیب فروش شهاب سنگ منظومه شمسی، به قیمت یک میلیارد تومان در سایت ‎دیوار!

🔸او بیرزاد دئییل کی بالا گل گئجیل قاپی سینا، قفه خانادا ایکی عاشیق هره سینین الینده مئتیر یاریم تسبئیح میرریخدا یئر آل -وئری ائلییرلر.
گئت قیخ مئتیره، یوزنفر دوزولوب دووارین دیبینده سامان یولونو ساتیرلار .اوزوده بیر میلیاردا یوخ لاپ پوفونه ، موفته . بسته سی اون مینه .
گل منبئحه ، سئرچه نی بویاییب لاکچری بولبول عوضینه ائله باسیرلار آداما اون ایلدن سونرا سسی چیخیر .
بیزدن دئمک باها آلمایین ، سونرا دئمه یین آغا بویوک آغا دئمه دی ها .

https://t.me/Adabiyyatsevanlar

جمعه بازار
آرشین مال آلاندان سئکانسلار.

https://t.me/Adabiyyatsevanlar

جمعه بازار
یالقیزام ، یالقیز
اوخویور : رشید بهبوداوو

https://t.me/Adabiyyatsevanlar

جمعه بازار
🔸خبر


اوشاق و یئنی یئتمه ادبیاتی اوزره چالیشان شاعرلر، یازیچیلار، رساملار و ناشرلرین ۶۵.جی جلسه سی  تبریزین مرکزی کتابخاناسیندا صاباح (شنبه: ۹۸/۳/۲۵) ساعات ۴-۶ قورولاجاق. بو جلسه لرده هر هفته بیر موضوع سئچیلیر، سونکی جلسه ده همان موضوعدا یارانان اثرلر  ارایه وئریلیر، نقد اولور. بو جلسه نین موضوعو: ال سئچیلیب دیر.
بوتون ماراقلانانلار جلسه لره قوشولا بیلرلر.

https://t.me/Adabiyyatsevanlar

▪️تسلیت
یاد یاران یاد باد
دوستان عزیز آقای دکتر‌علی دینی, جناب اقای نوروزی
مصیب وارده را به شما وسایر داغ دیدگان وبستگان مرحوم تسلیت عرض می کنیم .
ادبیات سئونلر 98/3/24

https://t.me/Adabiyyatsevanlar